GAUTENG DEPARTMENT VAN ONDERWYS

Transcription

1 1 GAUTENG DEPARTMENT VAN ONDERWYS DIE HOËR TEGNOLOGIESE SKOOL John Vorster Gedragskode HTS John Vorster 2018

2 2 GEDRAGSKODE Gedragskode HTS John Vorster 2018

3 3 Gedragskode HTS John Vorster 2018 INHOUDSOPGAWE 1 TITEL VAN BELEID 2 DATUM VAN INWERKTREDING 3 GESKIEDKUNDIGE OORSIG 4 INLEIDING 5 DOEL VAN DIE GEDRAGSKODE 6 DEFINISIES 7 TOEPASSING EN OMVANG VAN GEDRAGSKODE 8 REGSGRONDSLAG 9 RELEVANTE BELEIDE EN PROVINSIALE SKRYWES 10. BELEIDSTOEPASSING 10.1 Filosofiese begronding 10.2 Opvoedkundige benadering 10.3 Spesifieke regte en verpligtinge, aanvaardings en ondernemings 10.4 Toepassing 10.5 Persone verantwoordelik vir dissiplinêre en aanverwante aangeleenthede 10.6 Volledigheid 10.7 Interpretasie 11 SKOOLREËLS 11.1 Algemene gedrag en verbode optrede 11.2 Selfone en ander elektroniese apparaat 11.3 Fietse, motorfietse en motors 11.4 Skooldrag en voorkoms 11.5 Skooldrag vir seuns 11.6 Skooldragreëls vir seuns 11.7 Algemene hare en ander voorkomsreëkls 11.8 Skooldrag vir dogters 11.9 Skoordragreëls vir dogters Harereëls pertinent vir dogters Sportdrag Skoolure, skoolbywoning en afwesighede Beserings of siekte tydens skoolure Besoekers Geboue, terrein en toerusting Tegnologiese sentra Boeke en skoolmateriaal Verbode terreine Klaswisseling Saalopening Administratiewe reëlings Buitekurrikulêre aktiwiteite 12 DISSIPLINêRE ReëLS 12.1 WANGEDRAG 12.2 SKEDULE 1-OORTREDINGS 12.3 SKEDULE 2-OORTREDINGS 12.4 DISSIPLINêRE EN/OF KORREKTIEWE MAATREëLS EN/OF STRAFBEPALINGS 12.5 Verantwoordelikhede van leerders 12.6 Verantwoordelikhede van ouers/voogde 12.7 Sanksies Wangedrag Skedule 1

4 Skedule Prosedure by die hantering van die oortredings en gevalle van wangedrag 12.9 Appèlprosedure 13 HERSIENING EN WYSIGING VAN DIE GEDRAGSKODE 14 BYLAAG A (Definsies) 15 BYLAAG B (Skematiese voorstelling) 4 Gedragskode HTS John Vorster 2018

5 5 1. TITEL VAN DIE BELEID: Die Gedragskode van Hoër Tegnologiese Skool John Vorster 2. DATUM VAN INWERKTREDING: 1 Februarie GESKIEDKUNDIGE OORSIG Soos aangepas op: a) 1 Desember 2016 b) Datum van volgende hersiening: c) 1 November 2018 d) 4 INLEIDING In terme van die Suid-Afrikaanse Skolewet (Wet 84 van 1996) hierna verwys as SASA, is dit die plig en verantwoordelikheid van die Beheerliggaam om n gedragskode vir die leerders van n skool te ontwikkel en te aanvaar. Hierdie gedragskode moet in ooreenstemming met die vereistes van die Provinsiale Gazette, toepaslike Nasionale Wetgewing en die Konsitusie van Suid-Afrika wees. 5 DOEL VAN DIE GEDRAGSKODE Doelwitte: 6.1 om te verseker dat geen leerder ongrondwetlik en onregverdig behandel word nie; 6.2 om n gemeenskaplike respek te kweek en n kultuur van verdraagsaameheid en eendrag tussen leerders en opvoeders te vestig en 6.3 om te verseker dat alle administratiewe prosedures duidelik uiteengesit is. 6 DEFINISIES Tensy dit uit die samehang of in konteks anders blyk, beteken: 6.1 Aanklaer: Die hoof of n opvoeder wat deur die hoof aangewys is om in n formele dissiplinêre verhoor die saak teen die aangeklaagde leerder(s) aan die dissiplinêre komitee voor te dra. 6.2 Aanmelding/Rapportering: n Relevante aanmelding deur enige persoon aan die skool verbonde asook enige lid van die gemeenskap. 6.3 Aanranding: Die wederregtelike en opsetlike regstreekse of onregstreekse toediening van geweld aan die liggaam van n ander persoon en ook n verbale dreigement teenoor n ander persoon dat onmiddellike liggaamlike geweld aan hom/haar toegedien sal word in omstandighede waaruit dit blyk dat die persoon wat die dreigement uiter die opset of vermoë het om daardie dreigement uit te voer. 6.4 Buitekurrikulêre/Buitemuurse aktiwiteite: Alle opvoedkundige aktiwiteite wat na normale skoolure op n geordende wyse en onder die toesig van n opvoeder aangebied word of plaasvind. 6.5 Dag/dae weeksdae uitsluitend Saterdae, Sondae, openbare vakansiedae en skoolvakansies. 6.6 Dissiplinêre Komitee:Die regsprekende instansie (tribunaal) wat ingevolge paragraaf 4 van die Gauteng LUR vir Onderwys se kennisgewing getiteld Misconduct of Learners at Public Schools and Disciplinary Proceedings, Gedragskode HTS John Vorster 2018

6 6 Algemene Kennisgewing 6903 van 2000 (Gauteng) soos afgekondig in Provinsiale Koerant 144 van 4 Oktober 2000 soos gewysig deur Algemene Kennisgewing 2591 van 2001 (Gauteng) soos afgekondig in Provinsiale Koerant 72 van 9 Mei 2001, deur die Beheerliggaam aangewys is om bewerings van wangedrag te verhoor. Die Dissiplinêre Komitee moet onderskei word van die sub-komitee van die beheerliggaam wat ingestel is om in die algemeen met sake van n dissiplinêre aard te handel, asook die interne komitee wat deur die skoolbestuur aangestel is om interne sake m.b.t. dissiplinêre aangeleenthede te hanteer. 6.7 Dissiplinêre maatreëls: Die strawwe of korrektiewe maatreëls soos in paragraaf 12.4 hieronder uiteengesit wat vir n bepaalde oortreding opgelê kan word en ook enige ander maatreël of optrede wat daarop gemik is om afwykende of onaanvaarbare gedrag van leerders aan te spreek. 6.8 Dissiplinêre verhoor: Die formele beregting van ernstige wangedrag deur n dissiplinêre komitee ingevolge die prosedure soos voorgeskryf in die Gauteng LUR vir Onderwys se kennisgewing getiteld Misconduct of Learners at Public Schools and Disciplinary Proceedings, Algemene Kennisgewing 6903 van 2000 (Gauteng) soos afgekondig in Provinsiale Koerant 144 van 4 Oktober 2000 soos gewysig deur Algemene Kennisgewing 2591 van 2001 (Gauteng) soos afgekondig in Provinsiale Koerant 72 van 9 Mei Dwelmmiddel: Enige onwettige of ongemagtigde middel met n afhanklikheidsvormende, narkotiese, bedwelmende, sielkundige of fisiologiese uitwerking Gevaarlike middel/stof: Enige middel of stof anders as n dwelmmiddel wat ingeneem of gebruik word en wat n nadelige of skadelike sielkundige, mediese of fisiologiese uitwerking of reaksie veroorsaak of kan veroorsaak en ook enige stimulant, opkikker of anaboliese steroïed wat deur die beheerliggame van die onderskeie sportkodes wat as buitekurrikulêre aktiwiteite by die skool aangebied word, verbied word. 7 TOEPASSING EN OMVANG VAN GEDRAGSKODE Hierdie gedragskode is op toepassing van alle leerders geregsitreer by Die Hoër Tegnologiese Skool John Vorster. 8 REGSGRONDSLAG 8.1 Algemene beginsels: Hierdie gedragskode is opgestel en moet toegepas, uitgevoer en geïnterpreteer word met verwysing na en deeglike inagneming van en is ondergeskik aan: Die Grondwet van die Republiek van Suid-Afrika, 1996; Toepaslike gemeenregtelike beginsels; Die beginsels van natuurlike geregtigheid en, in besonder: optrede binne n redelike tyd; n behoorlik geformuleerde uiteensetting van die klag; die reg op billike beregting; die reg om jou saak te stel; die reg om betyds van benadelende feite in kennis gestel te word ten einde jouself te kan verweer; die reg om die teenparty se saak aan te hoor, te toets en te betwis; die reg op prosedurele billikheid; die reg op redes vir n beslissing of besluit; die reg op onbevooroordeelde besluitneming; Die Suid-Afrikaanse Skolewet, 1996 (Wet No 84 van 1996) en, in besonder, artikels 8 en 20(1)(d) wat die statutêre grondslag van hierdie gedragskode vorm, artikel 10 wat lyfstraf verbied en die omskrywings van relevante woorde in artikel 1 asook artikels 3, 7, 9, 16A(2)(d) en (e) en 30;

7 Die School Education Act, 1995 (Gauteng) (Wet No 6 van 1995, Gauteng) en, in besonder, die omskrywings van relevante woorde in artikel 1 asook artikels 12, 14, 23 en 25; Die Regulasies vir Beheerliggame van Openbare Skole, 1997 (Gauteng), Algemene Kennisgewing 786 van 1997 soos afgekondig in Provinsiale Koerant 331 van 28 Februarie 1997 soos gewysig deur Algemene Kennisgewing 1457 van 1997 soos afgekondig in Provinsiale Koerant 354 van 3 Mei 1997 en, in besonder, die omskrywings van relevante woorde in regulasie 1 asook regulasies 3, 38, 43(5) en (6) en 46(c) en (d); Die Gauteng LUR vir Onderwys se kennisgewing getiteld Misconduct of Learners at Public Schools and Disciplinary Proceedings, Algemene Kennisgewing 6903 van 2000 (Gauteng) soos afgekondig in Provinsiale Koerant 144 van 4 Oktober 2000 soos gewysig deur Algemene Kennisgewing 2591 van 2001 (Gauteng) soos afgekondig in Provinsiale Koerant 72 van 9 Mei 2001; Die Regulations to Prohibit Initiation Practices in Schools, Goewerments-kennisgewing 1589 van 13 Desember 2002 afgekondig in Staatskoerant van 13 Desember 2002; Die Regulations for Safety Measures at Public Schools, Goewermentskennisgewing 1040 van 12 Oktober 2001 soos afgekondig in Staatskoerant van 12 Oktober 2001 en die Amendment Regulations for Safety Measures at Public Schools, Goewermentskennisgewing No R van 10 November 2006 soos afgekondig in Staatskoerant van 10 November 2006; Circular 74/2007 gedateer 27 September 2007, uitgereik deur die Departement van Onderwys: Gauteng. 8.2 Alhoewel bovermelde as gevolg van die omvang daarvan nie as aanhangsels tot hierdie gedragskode gevoeg word nie, moet dit as deel van hierdie gedragskode beskou word. 9. RELEVANTE BELEIDE EN PROVINSIALE SKRYWES 9.1 Omsendbrief 74/ BELEIDSTOEPASSING 10.1 Filosofiese begronding Die Hoër Tegnologiese Skool John Vorster beskou elke leerder as n unieke individu wat die geleentheid gebied moet word om sy/haar Godgegewe talente in n geordende, veilige en gestruktureerde omgewing te gebruik en te ontwikkel; Die skool streef daarna om net die beste vir elke leerder te bied; Leerders behoort sensitief te wees vir die fisiese, emosionele en opvoedkundige behoeftes van mede-leerders en lede van die personeel; Hierdie gedragskode is gebaseer op die norme, waardes en beginsels van die skoolgemeenskap wat insluit maar nie beperk is nie tot natuurlike geregtigheid; wedersydse respek tussen leerders, ouers en personeel; beklemtoning van die positiewe; eerlikheid; wedersydse begrip; erkenning van individualiteit binne groepsverband; menswaardigheid; stiptelikheid; groeps- en selfdissipline; Gedragskode HTS John Vorster 2018

8 trots; lojaliteit; die estetiese; bewaringsbewustheid; veiligheid; netheid in voorkoms en gedrag; erkenning; beloning; eerbied vir ander se eiendom en persoon; kollektiewe benutting van en respek vir skoolfasiliteite; eenvormigheid; goeie menseverhoudinge; 10.2 Opvoedkundige benadering Die primêre doel van hierdie gedragskode is die neerlegging van reëls en prosedures om n gedissiplineerde, doelgerigte en veilige omgewing te skep ten einde kwaliteit onderrig en opvoeding te verseker, te handhaaf en te verbeter; Dit is nie net die skool se taak en verantwoordelikheid om leerders op te voed en te dissiplineer nie. Die Beheerliggaam en ouers/voogde vorm saam met die opvoeders en ander personeel n genootskaplike span wat gesamentlik en afsonderlik verantwoordelikheid vir die onderrig en opvoeding van die leerders aanvaar; In die toepassing en uitvoering van hierdie gedragskode sal die klem altyd op ondersteuning, begrip, remediëring en bevordering van die positiewe geplaas word; 10.3 Spesifieke regte en verpligtinge, aanvaardings en ondernemings Regte en verpligtinge: Elke leerder het die reg om ongesteurd, kwaliteit, onderrig te ontvang en om aan buitekurrikulêre aktiwiteite deel te neem Ander leerders kan op dieselfde regte aanspraak maak en daarom het elke leerder die verpligting om toe te sien dat medeleerders se reg op kwaliteit onderrig en deelname aan buitekurrikulêre aktiwiteite beskerm word; Die volgende basiese regte van leerders word erken Leerders moet besef en erken dat hulle nie op regte kan aanspraak maak sonder om te aanvaar dat hulle ook pligte en verantwoordelikhede het nie. Daarom is hulle, as teenkant van bogenoemde regte, daartoe verplig om (hierdie lys moet eweneens nie as volledig of geslote beskou word nie): respek aan mede-leerders en personeel te betoon; die sekuriteitsmaatreëls by die skool na te kom en hulle samewerking ten opsigte hiervan te gee; ander se geloofs - en ander oortuigings te respekteer; te luister na die opinies van ander en dit te respekteer; ander se eiendom te respekteer en dit nie te beskadig of te steel nie; die skool se eiendom en fasiliteite op te pas; die skoolterrein skoon te hou, nie te beskadig nie, te respekteer of toe te laat dat dit deur ander bemors of beskadig word of besteel word nie; toe te sien dat alle huiswerkopdragte en projekte stiptelik en akkuraat afgehandel word; betyds by klasse aan te meld; personeel en hulle klaskamers te respekteer; die skoolreëls te gehoorsaam; skoon en netjies te wees;

9 hulleself en mede-leerders te weerhou van en te beskerm teen die gebruik van alkohol, dwelmmiddels, opkikkers en ander gevaarlike middels of stowwe; nie te rook nie ook nie hubbly bubbly -pyp, E-sigaret ens. nie nie gevaarlike voorwerpe te besit nie; hulle samewerking aan opvoeders te gee; met respek teenoor opvoeders, ander personeel en gaste van die skool op te tree; Geen leerder mag homself/haarself aan die boelie van n medeleerders skuldig maak nie Volgehoue en deurlopende goeie gedrag is n onontbeerlike voorvereiste wanneer leerders vir leiersposisies (verteenwoordigende raad van leerders, klasleiers, kapteins van sportspanne ens) en vir die toekenning van pryse en erekleure oorweeg word; Die GDO, Beheerliggaam, hoof, skoolbestuur, opvoeders, lede van die verteenwoordigende raad van leerders en klasleiers is verplig om tot die redelike uitoefening van gesag en die handhawing van dissipline toe te sien; Aanvaardings Ouers/Voogde en leerders aanvaar gesamentlik en afsonderlik dat hierdie gedragskode n pro-aktiewe poging van die Beheerliggaam en die Skoolbestuur is om n gesonde opvoedingsmilieu vanuit n bepaalde etos daar te stel; Ouers/Voogde en leerders erken en aanvaar gesamentlik en afsonderlik dat die Beheerliggaam, hoof, skoolbestuur, opvoeders, lede van die verteenwoordigende raad van leerders, JV-Raad en klasleiers tot die redelike uitoefening van gesag en die handhawing van dissipline verplig is; Ondernemings Ouers/Voogde onderneem om by die opvoeding en onderrig van hulle kinders wat leerders by die skool is, betrokke te raak, deel te neem aan alle dissiplinêre maatreëls wat nodig mag wees en behulpsaam te wees met die uitbou van die skool en die skool se etos Leerders onderneem om hulle aan hierdie gedragskode te onderwerp; Leerders onderneem om gereeld en pligsgetrou die skool by te woon en hulle nie aan n patroon van pligsversuim skuldig te maak nie; Leerders onderneem om enige probleem wat hulle met n klasleier, lid van die verteenwoordigende leerderraad, opvoeder of n ander personeellid het, met die hoof of n adjunkhoof te bespreek en nie die gereg in eie hande sal neem nie Toepassing Inskrywing by die skool as leerder stel outomatiese onderwerping aan hierdie gedragskode daar; Die gedragskode is van toepassing en afdwingbaar op alle ingeskrewe leerders van die skool ongeag die feit dat hy/sy: Die meerderjarigheidsouderdom van agtien (18) jaar bereik het; Nie formeel die gedragskode onderteken het nie; Elders ingeskryf en aan sport by HTS John Vorster deelneem; Hierdie gedragskode is van toepassing op en sal afgedwing word teen leerders tydens alle skoolaktiwiteite; Enige dissiplinêre - of tugstappe wat teen n leerder geneem word, moet opvoedkundig, korrektief en regverdig van aard wees; Die feit dat n handeling (positiewe daad of late) van n leerder tydens enige skoolaktiwiteit ook die grondslag van strafregtelike of sivielregtelike verrigtinge

10 10 mag vorm, sal nie enige optrede ingevolge hierdie gedragskode stuit nie. Insgelyks sal beoogde of hangende dissiplinêre optrede van n sportliggaam teen n leerder ook nie enige optrede ingevolge hierdie gedragskode teen daardie leerder stuit nie; Sover moontlik moet gelyksoortige oortredings wat in vergelykbare omstandighede begaan is, ooreenstemmend behandel word. Die doel is eenvormige, regverdige, billike en konsekwente toepassing van die gedragskode; Alle oortredings sal aangeteken word; Behalwe waar n leerder na afloop van n formele dissiplinêre verhoor skuldig bevind is, sal sy/haar rekord van oortredings of aanmeldings aan die einde van die betrokke skooljaar verval en nie van een skooljaar na die volgende oorgedra word nie. Elke leerder begin dus elke nuwe skooljaar met n skoon rekord Individuele opvoeders is primêr vir die uitoefening van gesag en die handhawing van dissipline in sy/haar onderriglokaal verantwoordelik en bepaal, met inagneming van hierdie kode, die wyse waarop dit sal geskied Persone verantwoordelik vir dissiplinêre en aanverwante aangeleenthede Die dissiplinekantoor is vir die praktiese toepassing van hierdie gedragskode verantwoordelik; Die volgende ampsbekleërs word belas met die toepassing en uitvoering van die kode: die hoof; die senior adjunkhoofde; departementshoof Opvoedkundige leiding die personeellid verantwoordelik vir jeugleiding; die personeellid verantwoordelik vir die hantering van leerders met spesifieke behoeftes; die adjunkhoofde; departementshoofde; graadhoofde; klasvoogde; opvoeders (vakpersoneel); verteenwoordigende leerderraad; die sub-komitee van die Beheerliggaam belas met dissiplinêre aangeleenthede; tribunaal: Subkomitee van die Beheerliggaam wat op n ad hocbasis aangestel word en wat gemoeid is met dissiplinêre verhore van die leerders; die beheerliggaam; distrikkantoor van die Gauteng Onderwysdepartement se departementshoof; Gauteng Onderwysdepartement; 10.6 Volledigheid Dit is n onbegonne taak om n allesomvattende stel reëls te boekstaaf. Hierdie gedragskode en, in besonder, die skoolreëls (paragraaf 11), oortredings (paragrawe 12.1 tot 12.3), dissiplinêre maatreëls en strafbepalings (paragraaf 12.7) en proseduremaatreëls (paragraaf 12.8) moet derhalwe nie as volledig en finaal beskou word nie. Die gedragskode sal periodiek aan hersiening en wysiging onderworpe wees (paragraaf 3) Interpretasie Hierdie gedragskode moet uitgelê word met verwysing na en deeglike inagneming van die regsbronne waarna in paragraaf 8 hierbo verwys word. In gevalle waar daar twyfel oor die uitleg van n bepaling in hierdie kode bestaan, moet die doeldienende uitlegmetode gevolg word.

11 SKOOLREËLS 11.1 Algemene gedrag en verbode optrede Leerders moet te alle tye n toestemmingskaart (pas) dra indien hulle tydens klasperiodes buite die klaskamers rondbeweeg; Leerders mag nie in die klasse eet of drink nie; BEHALWE WATER * Leerders mag slegs met die toestemming van die betrokke onderwyser en met n badkamerpas, die kleedkamers gedurende klasperiodes besoek; Leerders mag nie tydens klaswisseling of gedurende klasperiodes die snoepwinkel besoek nie; Geen leerder word voor skool, gedurende pouses of na skool in n laboratorium of tegnologiese sentrum toegelaat nie sonder die toesig van n personeellid nie; Indien toestemming aan n groep leerders gegee word om wel in n klaskamer sonder die toesig van die personeellid te wees, bly die betrokke personeellid verantwoordelig vir enige gebeure in die betrokke klas; Geen fisiese kontak tussen seuns en dogters word op die skoolterrein of enige ander plek, wanneer in skooldrag geklee, toegelaat nie; Geen goedere mag gedurende skooltyd buite die hekke, by die hekke of op die skoolterrein verkoop of aangekoop word nie (behalwe by die snoepwinkel); Geen elektroniese speletjies, elektroniese toerusting (uitgesonder selfone en tablette) of draagbare en/op koordlose luidsprekers mag sonder vooraf toestemming van die hoof/adjunkhoofde skool toe gebring word nie Geen leerder mag homself/haarself aan die boelie van mede-leerders skuldig maak nie 11.2 Selfone en ander elektroniese apparaat Leerders mag selfone skool toe bring Leerders mag tablette, vir gebruik in die plek van papierhandboeke, skool toe bring Gedurende skoolure moet selfone of enige ander elektroniese apparaat, behalwe tablette, afgeskakel wees en mag geen leerder sonder die uitdruklike toestemming van n opvoeder n selfoon gebruik, hanteer of met enige liggaamsdeel aan n selfoon raak nie; Indien n leeder tydens onderrigtyd met n selfoon, sigbaar, aan sy persoon betrap word, sal die selfoon deur die betrokke personeellid gekonfiskeer word en vir n volle week in die skool se kluis bewaar word. Die ouer van die leerder mag die foon voortydig by die algemene kantoor uitteken. Die leerder/ ouer moet in elke geval n boete van R vir die terugontvangs van die selfoon betaal ongeag hoelank die foon in die kluis was Indien n leerder, tydens onderrigtyd, sy/haar tablet vir ander doeleindes as vir n elektroniese handboek gebruik, sal dieselfde prosedure soos vir n selfoon gevolg word, en sal dié leerder R boete betaal om dit terug te ontvang Geen leerder mag gedurende skoolure enige oproep, SMS, EMS, MMS, e-pos of soortgelyke kommunikasie aan n opvoeder maak, stuur of rig nie, behalwe vir die aanmelding van ongewenste praktyke wat in goedertrou gemaak word ( Whistle blowing ); Geen leerder mag buite skoolure enige oproep, SMS, EMS, MMS, e-pos of soortgelyke kommunikasie wat nie met skoolwerksaamhede verband hou nie of vir die ontvanger daarvan verwerplik is of mag wees, aan n opvoeder maak, stuur of rig nie, behalwe vir die aanmelding van ongewenste praktyke wat in goedertrou gemaak word ( Whistle blowing ); Die Skoolbestuur/Beheerliggaam aanvaar geen verantwoordelikheid vir verlies van of skade aan enige leerder se persoonlike elektroniese toerusting of enige ander eiendom nie Geen selfoon mag in n leerder se besit tydens toetse en eksamens wees nie. Gedragskode HTS John Vorster 2018

12 Tablette mag, tydens klastyd,slegs as n onderrighulpmiddel gebruik word. Geen speletjie/s mag tydens klastyd op tablette gespeel word nie. Indien n leerder hom/haar aan die wangebruik van n tablet sou skuldigmaak sal daar deur die skoolpersoneel soos in paragraaf teen hom /haar opgetree word Fietse, motorfietse en motors Fietse, motorfietse of motors word op eie risiko geberg/geparkeer en leerders en/of hulle ouers/voogde vrywaar die skool teen enige verlies of skade wat op enige wyse aan sodanige voertuig aangerig mag word; Fietse moet in die fietsloods geberg word; Leerders wat by die boonste hek, in 30 ste Laan, in- en uitbeweeg mag met hulle fietse tot by of vanaf die fietsloods ry; Leerders wat van die onderste hekke, in Meyerstraat, gebruik maak moet hulle fietse na en van die hek tot by of vanaf die fietsloods stoot; Geen leerder sonder n geldige leerlinglisensie (slegs motorfietse) of rybewys en n parkeer-permit, uitgereik deur die verantwoordelike personeellid, sal toegelaat word om met n motorfiets of motor die skoolterrein binne te kom nie; Leerders met motorfietse en motors mag die skoolterrein slegs deur die boonste hek binnekom of verlaat; Motorfietse mag slegs in die fietsloods geparkeer word; Leerders met motors mag die skoolterrein slegs deur die boonste hek binnekom of verlaat; Motors mag slegs op die toegelate terrein parkeer word; Voetgangers sal te alle tye bewegingsvoorkeur bo fietse, motorfietse en motors geniet; Leerders wat fietse, motorfietse of motors bestuur of hanteer moet te alle tye toegangs-, parkeer- en verkeersreëls gehoorsaam en nakom; Die Beheerliggaam en die skoolbestuur aanvaar geen verantwoordelikheid vir enige verlies of skade aangerig aan enige toerusting van n leerder, besoeker of ouer/voog van die skool nie Skooldrag en voorkoms Die skool het sy eie geregistreerde skooldrag vir leerders Skooldrag is verkrygbaar by Totiusdal Handelshuis, Select Outfitters en Overkruin Uitrusters Die voorgeskrewe skooldrag moet gedurende skoolure en tydens voorgeskrewe buitemuurse aktiwiteite gedra word; Tydens die eerste en vierde kwartaal dra leerders somersdrag; Tydens die tweede en derde kwartaal dra leerders wintersdrag; Die skoolsweetpak word as sportdrag benut EN mag slegs op Vrydae SAAM MET JV-drag gedra word; Alle leerders moet tydens praktiese periodes blou een- of tweestukoorpakke met lang moue in die tegnologiese sentra dra; Die skoolbestuur mag van tyd tot tyd voorregte wat in die algemeen vir alle leerders van n bepaalde groep sal geld, goedkeur Die hoof mag leerders wat nie korrekte kleredragreëls/jv-dragreëls nakom nie dissiplineer, deur om hom/haar van kleredragvoorregte, te ontneem JV-drag mag slegs Vrydae gedra word. Geen plakkies word saam met JVdrag toegelaat nie Die volgende is die voorgeskrewe vereistes vir JV-drag: JV-hemp JV-kortbroek (GEEN skipants mag onder die JV-broek gedra word nie) JV-sokkies (kort kouse) / wit kort sokkies / secret socks Draftekkies. Enige kleur wat behoorlik met veters, velcro of n ritssluiter vasgemaak kan word. Indien dié tekkies met veters voorsien is, moet die kleur van die veters oorwegend die kleur van dié tekkies wees. Geen plakkies mag gedra word nie.

13 13 NUWE skoolsweetpak indien dit koud is (geen ander kleredrag mag saam met die JV-drag gedra word nie) Geen ander klere wat as beskerming vir motorfiets- en fietsryers of stappers teen wind en reën gedra word, mag BINNE die skoolterrein saam met die skooldrag gedra word nie Geen second skins mag sigbaar gedra word nie Slegs die goedgekeurde skool-skipants mag gedra word Slegs die JV-skoolpet en dirigente mag gedra word Die koningsblou kraaghemp met wit Geniune JV-logo op word deur enigeen van die skoolgemeenskap as oefen- of ondersteunersdrag gedra. Dit mag glad nie in die plek van enige skooldrag gedra word nie Skooldrag vir seuns Grys kort- of langbroek; Wit kort- of langmouhemp. Indien n leerder n langmouhemp dra, moet hy/sy n das daarby dra Grys skoolkouse met HTS John Vorster-kleure Swart leer skoolskoene; Skoolbaadjie; Skooltrui; Das: Dasse is slegs tydens die tweede en derde kwartale verpligtend Skoolserp; Slegs n swart gordel by langbroek indien n gorder gedra word; Geen oorkrabbers of ringe word toegelaat nie; Kettings, hangertjies of armbande mag slegs met toestemming van n lid van die skoolbestuur gedra word Skooldragreëls vir seuns Somersdrag (eerste en vierde kwartaal): Grys kort- of langbroek en kortmouhemp; Geen skoolserp mag slegs tydens die tweede en derde kwartale gedra word nie; JV-drag mag SLEGS op Vrydae gedra word. Geen plakkies is toelaatbaar nie; Winterdrag (tweede en derde kwartaal): Grys kort- of langbroek en wit langmouhemp; Skooldas is verpligtend; n Skooltrui mag onder die skoolbaadjie gedra word; n Skoolserp mag gedra word; n Langmouhemp se moue mag nie opgerol word nie; Wit T-hemde, sonder motiewe op, mag onder die skoolhemp gedra word mits die nie sigbaar is nie. Geen gekleurde T-hemp of T-hemp met motiewe mag onder die skoolhemp gedra word nie; Geen stewels of opgeboude skoene mag gedra word nie; Skoene moet skoon wees; Geen sweetpakbaadjies, ander baadjies, windbreakers of truie as die voorgeskrewe skooldrag mag gedra word nie; Langbroeke mag nie nouer afgewerk word nie; Hemde moet te alle tye netjies by die broek ingesteek wees. Dit mag nie bo-oor die broek gedra of omgevou word nie; Wanneer n langbroek gedra word, kan n swart gordel met n gemiddelde grootte gespe gedra word; Waar van toepassing moet seuns elke dag skeer. Geen baard, snor of wangbaarde is toelaatbaar nie Nuwe volledige sweetpak SLEGS OP VRYDAE (Volledige JVdrag moet onder sweetpak gedra word.) Gedragskode HTS John Vorster 2018

14 Algemene hare en ander voorkomsreëkls Hare moet te alle tye skoon, netjies en gewas wees; Geen sigbare jels of soortgelyke produkte mag in hare gedra word nie; Hare mag nie laer as n vingerbreedte bokant die wenkbroue hang as dit vorentoe gekam word nie; Hare mag nie gebraid wees of in dreadlocks gedra word nie; Hare mag nie in vreemde kleure gekleur word nie. Highlights is ontoelaatbaar; GEEN MODEGIERE is toelaatbaar nie Geen sigbare tatoeëermerke is op enige deel van die leerder se liggaam toelaatbaar nie. Indien dit sigbaar is, moet dit bedek word. Sportsoorte moet dit bestuur volgens die betrokke sport se regulasies maar dit mag nie sigbaar wees nie Harereëls pertinent vir seuns Wanneer die kop regop gehou word, mag die nekhare nie nader as n vingerbreedte bokant die kraag hang nie; Wanneer die hare regaf gekam word, mag dit nie oor die ore hang nie; Hare mag nie van onder af opwaarts gekam word nie OF in enige styl gedra word wat veroorsaak dat dit punterig van die kop af wegstaan nie; Wangbaar sidies mag nie laer as die middel van die oor wees nie EN mag nie a.g.v. die lengte daarvan, opkrul nie; Geen steps of undercut is toelaatbaar nie; Daar mag geen duidelike lyn in die haarstyl wees nie; Dik hare moet uitgedun word en nie in een lengte gesny word nie Die verskil in haarlengtes van n seun se kop, mag nie met meer as twee kammetjiegroottes (van n haarknipper) verskil nie en daar mag ook nie n duidelike lyn verskyn nie Skooldrag vir dogters Koningsblou romp of langbroek; Wit bloes of langmouhemp; Wit sokkies, grys skoolkouse of donkerblou broekiekouse; Swart skoolskoene (enkelband- of toerygtipe); Skoolbaadjie; Skooltrui; Das: Dasse is tydens die tweede en derde kwartale verpligtend Skoolserp mag slegs tydense die tweede en derde kwartale gedra word Kettings, hangertjies of armbande mag slegs met toestemming van n lid van die hoofdekomitee gedra word Skoordragreëls vir dogters Somersdrag (eerste en vierde kwartaal) Koningsblou romp of langbroek en wit bloes; n Das is nie verpligtend nie; Indien dit koud is, word n skoolbaadjie, langmouhemp en das gedra; Geen skoolserp mag gedra word nie; JV-drag mag SLEGS op Vrydae gedra word; Wintersdrag (tweede en derde kwartaal) Koningsblou romp of langbroek en wit langmouhemp; n Das is verpligtend; n Skoolbaadjie en skooldas moet gedra word; n Skooltrui mag onder die skoolbaadjie gedra word;

15 n Skoolserp mag gedra word; Rompe mag nie meer as vier vingers bokant die knie vanaf die grond wees wanneer die dogter kniel nie; Indien n langmouhemp saam met n baadjie gedra word, moet n das ook gedra word; Geen sweetpakbaadjies, ander baadjies, windbreakers of truie as die geregistreerde items mag gedra word nie; Slegs wit T-hemde of wit spagetti toppies sonder geskrif of motiewe mag onder die bloes of skoolhemp gedra word; Geen swart kouse mag by die donkerblou langbroek gedra word nie; Wit sokkies moet omgevou wees wanneer dit by n romp gedra word; Hemde of bloese moet te alle tye netjies by die romp of langbroek ingesteek wees Dit mag nie bo-oor die romp of langbroek gedra of omgevou word nie; Slegs donkerblou (navy) broekiekouse mag by n romp gedra word; Slegs swart skoolskoene met n enkelband of wat met veters of velcro vasgemaak word, mag gedra word; Skoene moet skoon wees Naels moet skoon en kort gehou word. Naels mag nie langer as 2 mm wees nie; Slegs kleurlose naellak mag gedra word; Geen ooggrimering, lipstiffie of onderlaag mag gedra word nie; Slegs een goue, silwer of diamant standaard oorknopie ( stud ) of oorring met n deursnee van 15 mm of minder in elke oor word toegelaat; As gevolg van wetgewing met betrekking tot veiligheid in die tegnologiese sentra, mag geen ringe gedra word nie; Kettings, hangertjies of armbande mag slegs met toestemming van n lid van die hoofdekomitee gedra word; Geen borsspelde of balkies wat nie met die skool verband hou, mag slegs met toestemming van n lid van die hoofdekomitee gedra word Harereëls pertinent vir dogters Sodra hare aan die skouers raak, moet dit met die skoolkleurrekkie vasgemaak word; Alle los haarslierte moet te alle tye uit die gesig en agter vasgesteek wees; Geen lang slierte hare mag langs die gesig hang nie-dit moet vasgesteek wees; Geen modehaargoeters mag gedra word nie, slegs die spesifieke skoolrekkies, -knippies en-linte Kort hare mag ook nie van onder af opwaarts gekam word OF in enige styl gedra word wat veroorsaak dat dit punterig van die kop af wegstaan nie; Hare mag onder geen omstandighede in verskillende kleure gekleur word nie; slegs een NATUURLIKE kleur kan aanvaarbaar wees. Sodra daar enige tekens van die oorspronklike haarkleur iewers wys moet dit reggestel word; Geen high lights is toelaatbaar nie Hare mag nie van onder af opwaarts gekam word nie OF in enige styl gedra word wat veroorsaak dat dit punterig van die kop af wegstaan nie Sportdrag Vir elke sportsoort is daar voorgeskrewe drag wat by die verskaffers verkry kan word; Die skoolsweetpak word slegs as sportdrag tydens sportaktiwiteite/-geleenthede gedra. Gedragskode HTS John Vorster 2018

16 Die skoolsweetpak word by die verspreiders deur n amptelike brief vergesel waarin daar duidelik aangedui word dat GEEN deel/volledige skoolsweetpak te enige tyd in plek van skooldrag gedra mag word nie Skoolure, skoolbywoning en afwesighede Skoolure is soos volg: - Maandae tot Donderdae: Vanaf 07:30 tot 13:55; - Vrydae: Vanaf 07:30 tot 13:25 behalwe leerders wat tot 14:40 moet bly om agterstallige werk in te haal of n tiende periode by te woon Die skooldag bestaan uit nege periodes plus n pouse van 25 minute; Sommige Vrydae sal daar vir vooraf vasgestelde klasse 10de periodes gereël word Aan die einde van die laaste periode van elke dag mag n lokaal slegs verlaat word nadat die klok gelui het, die dag se verrigtinge behoorlik afgesluit is en die betrokke personeellid die klas verdaag; Gereelde skoolbesoek is verpligtend (sien artikel 3 van die Suid- Afrikaanse Skolewet, Wet no. 84 van 1996 asook Gazette no van Mei 2010). Ouers/voogde sal tweeweekliks n afwesigheidsverslag vanaf die skool ontvang Afwesigheid van leerders sonder geldige rede is onaanvaarbaar en sal so gou moontlik opgevolg word; Geldige redes vir afwesighede sluit in siekte, spesialisafsprake, dood van n familielid en lisensie-afsprake. Familievakansies is nie geldige redes vir afwesighede nie In geval van siekte of ander redes vir afwesigheid moet die ouer/voog die skool telefonies voor 09:00 daarvan in kennis stel; Op die eerste dag waarop die leerder na afwesigheid weer by die skool teenwoordig is, moet hy/sy n afwesigheidsbrief of n mediese sertifikaat van sy/haar ouer/voog en stawende dokumentasie waarin die rede vir die afwesigheid verstrek word, by sy/haar klasvoog inhandig; Die teenwoordigheidsregister word daagliks om 07:45 deur die voogonderwyser in die vooglokaal voltooi. Leerders wat na 08:00 aanmeld sal afwesig gemerk word. Leerders wat na 08:00 aanmeld met n geldige rede (omstandighede buite beheer van ouer en leerder) sal slegs teenwoordig gemerk word, indien hulle by die algemene kantoor aangemeld het. Indien die betrokke leerder nie by die algemene kantoor aangemeld het nie, sal hy/sy afwesig gemerk bly.leerders wat voor 10:00 uitgeteken word en die skoolterrein verlaat, sal vir die dag afwesig gemerk word Leerders wat gereeld afwesig is sonder geldige rede sal aangekla word vir die verbreking van die gedragskode Leerders wat vir tien aaneenlopende skooldae sonder n geldige rede afwesig is, sal van die register verwyder word indien die nodige opvolgwerk deur die skool gedoen is Indien n leerder nie by die skool was nie, of vroeg uitgeteken het, moet hulle op hul eie die agterstallige werk inhaal. Fotostate van agterstallige werk word slegs deur die administratiewe kantoor gemaak nie, indien spesiale reëlings met die hoof/onderhoof getref is Leerders wat tydens die skryf van eksamenvraestelle of toetse afwesig is en n doktersertifikaat ter stawing van dié afwesigheid inhandig, sal geleentheid kry om op n voorafbepaalde gepaste

17 17 tyd, n plaasvervangende vraestel te skryf. Nadat dié vraestel/le nagesien is, sal die punt/e as deel van die betrokke vak in berekening gebring word. Leerders wat sonder die stawing van sy/haar afwesigheid van n eksamenvraestel of toets d.m.v. n doktersertifikaat afwesig is, sal nie die geleentheid kry om n plaasvervangende vraestel te skryf nie en sal vir die betrokke vraestel, wat nie geskryf is nie, n nulpunt ontvang. Leerders wat afwesig was met n geldige rede en die nodige stawende dokumente ingehandig het, sal deur die vakpersoneel ondersteun word om hul agterstallige werk op datum te kry. Leerders wat afwesig was en nie die geldige stawende dokumente voorlê nie, sal t.o.v. die agterstallige werk self daarvoor verantwoordelik wees om dit op datum te bring Laatkom: Leerders wat laat kom en na voogperiode by die skool opdaag moet by die algemene kantoor aanmeld, n briefie ontvang en eers by die voogonderwyser aanmeld, voordat hy/sy klas toe gaan Indien n leerder tydens voogperiode laat kom, meld hy/sy direk by die voogklas aan Daar sal streng opgetree word teen leerders wat n gewoonte daarvan maak om laat te kom; Leerders en ouers moet sover moontlik afsprake vir die leerders (bv. tandarts, dokter, bestuurderslisensie ens) gedurende skoolure vermy Waar afsprake in uitsonderlike omstandighede slegs gedurende skoolure bekom kan word, moet die leerder twee dae voor die tyd d.m.v. vorm L6 by n senior adjunkhoof aansoek om toestemming vir sodanige afwesigheid doen n Leerder sal uitgeteken word indien die ouer/voog nie vooraf d.m.v. die L6- vorm aansoek gedoen het nie n Leerder sal slegs in noodgevalle m.b.v. die interkom uitgeroep word Leerders moet die L6-vorm aan die betrokke voog- /vakonderwyser toon en sodoende toestemming verkry om sy/haar ouer/voog in die algemene kantoor te ontmoet en uit te teken. Die L6-vorm word aan die administratiewe dame oorhandig vir liassering Indien n leerder enige mediese spesialis-afsprake tydens skoolure moet nakom, moet die leerder die volgende dag n bewys by die administratiewe dame inhandig dat hy/sy wel die afspraak nagekom het. Die administratiewe dame sal die L6-vorms en bewyse aan die einde van elke week aan die graadvoogde versprei Indien n ouer/voog aan n ander persoon op die L6-vorm toestemming gee om n leerder uit te teken/te kom haal, moet die betrokke persoon se ID-afskrif die L6-vorm vergesel Om vir n 100% skoolbesoeksertifikaat te kwalifiseer, moet n leerder op enige gegewe dag vir ten minste 2 (twee) ure by die skool teenwoordig wees anders sal hy/sy as afwesig gemerk word; Indien n leerder by meer as SES geleenthede die betrokke jaar die skool na 10:00 verlaat vir n afspraak,

18 18 sal die 100% skoolbesoeksertifikaat nié toegeken word nie Indien n leerder meer as TIEN kere laat gekom het, sal elke saak met individueel hanteer word om vas te stel of die betrokke leerder vir n 100%-skoolbesoeksertifikaat vir die betrokke jaar sal kwalifiseer Indien n leerder voor 10:00 die skool verlaat en nie na n spesifieke afspraak terugkeer nie, sal die leerder vir die dag afwesig gemerk word Leerders word verbied om die skoolterrein gedurende skoolure sonder die toestemming van die skoolhoof of sy/haar gedelegeerde te verlaat; Tensy die hoof uitdruklik anders aandui, moet n leerder wat toestemming verkry het om die skoolterrein te verlaat se ouer/voog of daardie ouer/voog se benoemde hom/haar persoonlik by die skool kom haal. In so n geval sal n sekretaresse by die algemene kantoor dié leerder roep, sodra die ouer/voog by die skool opdaag. Die ouer/voog moet die leerder in die toestemmingsboek uitteken; Waar n leerder toestemming ontvang het om sonder begeleiding van sy/haar ouer/voog die skoolterrein te verlaat, moet hy/sy in die toestemmingsboek uitteken voordat hy/sy die terrein mag verlaat Leerders wat hulle skuldig maak aan wangedrag mag verbied word om sekere aktiwiteite wat deur die skool aangebied word by te woon Indien n leerder weens siekte nie aan sport of liggaamlike opvoeding mag deelneem nie, moet die betrokke onderwyser of afrigter van n mediese sertifikaat voorsien word; (individuele gevalle sonder mediese sertifikate moet deur die hoofde self hanteer word) Beserings of siekte tydens skoolure Indien n leerder gedurende skoolure n besering opdoen of siek voel moet een van die volgende persone dadelik verwittig word: klasvoog; vakonderwyser; graadhoof; sportafrigter; personeellid in die administratiewe kantoor; Nadat een van bogenoemde persone verwittig is, moet die leerder by die administratiewe kantoor aanmeld; Leerders wat siek voel of beseer is, sal onder geen omstandighede toegelaat word om hulle ouers/voogde self te skakel nie. Personeel in die algemene kantoor sal daarvoor verantwoordelik wees; Besoekers Leerders mag nie sonder toestemming van n lid van die skoolbestuur besoekers gedurende skoolure ontvang nie; Besoekers moet by die administratiewe kantoor aanmeld en toestemming van n adjunkhoof ontvang, waarna die betrokke leerder na die kantoor geroep sal word Geboue, terrein en toerusting Leerders moet alle fasiliteite en toerusting waardeer en met sorg en respek hanteer en/of gebruik; Hou die skoolterrein, kleedkamers, klaskamers en tegnologiese sentra altyd netjies en skoon;

19 Enige misbruik of beskadiging van of vandalisme aan fasiliteite of toerusting moet onmiddellik aan die personeellid in beheer gerapporteer word; Indien n betrokke leerder enige fasiliteite of toerusting beskadig, kan sy/haar ouer/voog vir sodanige skade of verlies aanspreeklik gehou word Versuim van enige leerder om vandalisme en beskadiging van eiendom aan die skoolbestuur te rapporteer, kan lei tot dissiplinêre stappe teen sodanige leerder Tegnologiese sentra Wetgewing vereis dat alle leerders oorpakke in die tegnologiese sentra sal dra; Slegs blou een- of tweestukoorpakke met moue word toegelaat; Leerders se oorpakke moet duidelik gemerk wees; Oorpakke moet tydens praktiese periodes gedra word Geen juwele (insluitend ringe) mag gedra word nie; Ter wille van veiligheid is goeie orde in die tegnologiese sentra nodig. Daarom sal geen speletjies en gekskeerdery in die tegnologiese sentra geduld word nie; Geen leerder mag sy/haar eie veiligheid of die van ander leerders in enige tegnologiese sentrum in gevaar stel nie. Elke leerder is verplig om sonder teenspraak die gesag, opdragte, voorskrifte en teregwysing van enige personeellid in enige tegnologiese sentrum te gehoorsaam. Versuim om dit te doen sal as n ernstige oortreding beskou word Boeke en skoolmateriaal Handboeke en skrifte sal aan leerders verskaf word; Indien n handboek sou wegraak of beskadig word, sal n betaling gelykstaande aan die vervangingswaarde van die handboek gehef word Leerders moet self skryfbehoeftes, tekeninstrumente en tablette aankoop; Dit is verpligtend dat elke leerder die voorgeskrewe tekeninstrumente en n nie-programmeerbare sakrekenaar sal hê; Boeke moet in n goedversorgde, versterkte skooltas of sak gedra word, sodat boeke nie verniel nie; Geen grafitti mag op die skooltas of sak aangebring word nie Verbode terreine Die volgende areas is verbode terrein tydens skoolure of skoolaktiwiteite tensy uitdruklik anders aangedui: Alle parkeerareas vir voertuie van personeel sowel as leerders. Geen leerder sal gedurende skoolure (pouses ingesluit) by sy/haar motor of motorfiets toegelaat word nie; Die fietsloods. Geen leerder sal gedurende skoolure (pouses ingesluit) by sy/haar fiets toegelaat word nie; Die pawiljoen; Die lapa; Die A, C en D-rugbyvelde; Die stoepe van die hoofgebou voor skool en tydens pouses; Die blombeddings en grasperk tussen die snoepwinkel en die hoofgebou; Die afrolkamer;

20 Klaskamers/onderriglokale voor skool, pouse en na skoolure sonder die nodige toesig van n personeellid Die B-rugbyvelde wanneer daar aktief gespeel word, tydens skoolure, sonder toesig deur n personeellid nie Klaswisseling Klaswisseling moet ordelik geskied; Oormatige luidrugtigheid, geskree en stampery is verbode; Tydens wisseling moet stilte langs die hoof en adjunkhoofde se kantore sowel as die algemene administrasie gebou gehandhaaf word; Geen wisseling mag deur die portaal by die algemene kantoor plaasvind nie, tensy anders aangedui word Saalopening Bywoning van die saalopening is verpligtend vir alle leerders en personeel tensy hulle uitdruklike toestemming van die hoof het om van sodanige byeenkomste verskoon te word; Leerders moet die saal flink en stil in graad- en klasverband binnegaan; Stilte in die saal is n vereiste Administratiewe reëlings Telefoniese boodskappe sal slegs in die geval van nood aan leerders oorgedra word; Adresveranderings en verandering van leerders en ouers/voogde se telefoonnommers en ander kontakgegewens moet onmiddellik aan die betrokke klasvoog deurgegee word; Alle skoolgeld, wat nie deur elektroniese bankbetalings gemaak word nie, moet deur die leerder self of deur sy/haar ouer/voog by die finansiële kantoor inbetaal word waarop n kwitansie vir die betaling uitgereik sal word Buitekurrikulêre aktiwiteite As verteenwoordigers van Die Hoër Tegnologiese Skool John Vorster moet leerders wat aan buitekurrikulêre aktiwiteite deelneem, altyd so optree dat die beeld van die skool nie skade lei nie. Deelname moet daarom altyd positief, eerlik, binne die reëls van die spel of kompetisie en in goeie gees plaasvind. Positiewe sportmangees moet altyd die norm wees; Leerders moet te alle tye die gesag van afrigters, skeidsregters, lynregters, beamptes en beoordelaars aanvaar; Leerders moet alle oefeninge getrou bywoon; Leerders moet betyds opdaag vir wedstryde, kompetisies of optrede; Indien daar omstandighede ontstaan wat veroorsaak dat n oefening, wedstryd, kompetisie of optrede nie bygewoon kan word nie, moet die leerder betyds by die betrokke afrigter of organiseerder verskoning maak; Leerders moet te alle tye sorg dat hulle voorkoms en drag volgens die voorskrifte wat die skool vereis, is; Leerders moet hulle weerhou van enige vorm van vuil en/of ongeoorloofde spel of taktiek of om tot sodanige spel of taktiek aanleiding te gee of daarby betrokke te raak; Leerders moet hulle weerhou van beledigende of kwetsende opmerkings teenoor opponente, skeidsregters, lynregters, beamptes en beoordelaars; Gedragskode HTS John Vorster 2018

21 Leerders moet hulle weerhou van die uitspreek van kritiek op die beslissings van afrigters, skeidsregters, lynregters, beamptes en beoordelaars; Leerders mag geen handeling (positiewe daad of late) verrig wat aan hulle of hulle span n onregverdige voordeel sal laat toekom nie; (wedstrydknoeiery) Die verspreiding of gebruik van stimulante, opkikkers, anaboliese steroïde en ander gevaarlike middels is verbode. 12 DISSIPLINêRE ReëLS In n poging om die dissipline in die skool toe te pas en te verseker dat leer en onderrig nie deur gedragsprobleme ontwrig word nie, het die Beheerliggaam dissiplinêre reëls daargestel. Die ouer/voog en die leerder (bygestaan deur die ouer/voog) gesamentlik en afsonderlik: neem kennis; stem saam; aanvaar; en kom ooreen met die skool dat indien die leerder hom/haar aan enige van die wangedrag (sonder geldige verskoning) soos in paragraaf 13.1 uiteengesit, skuldig maak, dit gerekordeer en maandeliks aan die ouers via die leerder per hand deurgegee word. Indien die leerder hom/haar aan die genoemde wangedragoortredings in paragraaf 13.1 skuldig maak en reeds by vorige geleenthede dieselfde of n soortgelyke oortreding begaan het, kan dit n skedule 1-oortreding word WANGEDRAG Laatkom (sien paragrawe ) Hom/haar skuldig maak aan n geringe vorm van ontwrigting, frustrering of verydeling van die onderrig- of leerproses in die klas of ander leerders in die onderrigproses benadeel (sien ook paragraaf ); Buitekurrikulêre aktiwiteite ontwrig, frustreer of verydel; Hom/haar skuldig maak aan pligsversuim wat insluit maar nie beperk is nie tot versuim om klaswerk te doen wanneer geleentheid daarvoor gegee word; huiswerk te doen; vir toetse of ander vorms van assessering voor te berei; toetse op die bepaalde datum af te lê; take, werkopdragte of portefeuljewerk op die bepaalde of ooreengekome datum in te dien; boeke, ander onderrigmateriaal, tekengereedskap, sakrekenaar of oorpak wat vir n bepaalde onderriggeleentheid nodig is, beskikbaar te hê; skeurstrokies in te handig en/of ander vorms van kennisgewing of kommunikasie volgens opdrag te hanteer; n JV-paspoort te dra wanneer daartoe opdrag gegee; vandalisme en beskadiging van skooleiendom wat hy of sy waargeneem het, volledig aan die skoolbestuur te rapporteer Laat by n klas, voogklas of oefening aankom; Uit n klas afwesig is of n bepaalde klas of periode ontduik (sien ook paragraaf ); Versuim om n buitekurrikulêre aktiwiteit (oefening, wedstryd, kompetisie of optrede) by te woon; Weier om opdragte of voorskrifte van opvoeders, afrigters,skeidsregters, lynregters, beamptes, beoordelaars of lede van die verteenwoordigende raad van leerders uit te voer, op aanspreking of teregwysing deur