BELEID OOR DIE BESTUUR VAN WERKTYD, EN ALLE FAKTORE WAT DAAROP N IMPAK HET, VAN INRIGTINGSVERBONDE OPVOEDERS BY SKOLE [Grade R - 12]

Transcription

1 BELEID OOR DIE BESTUUR VAN WERKTYD, EN ALLE FAKTORE WAT DAAROP N IMPAK HET, VAN INRIGTINGSVERBONDE OPVOEDERS BY SKOLE [Grade R - 12] Die verwerkliking van nasionale en provinsiale wette, beleid and RAVO-resolusies om korrekte interpretasie en eenvormige implementering in alle WKOD-skole te bevorder 1. VOORWOORD Die wettige voorskrifte van die Wet op Indiensneming van Opvoeders, Wet 76/98, en die resolusies soos onderhandel deur die Raad vir Arbeidverhoudinge vir Opvoeders [RAVO] in 1998 en 2000 vorm die basis van die diensvoorwaardes vir opvoeders. Verskeie Wes-Kaap Onderwysdepartement [WKOD]-omsendbriewe oor gedeeltes van hierdie wettige vereistes is aan skole gestuur. Hierdie omsendbriewe lig egter slegs enkele klein gedeeltes van die genoemde wettige vereistes toe, en wanneer sake nie binne die totale verband gesien word nie, kom misinterpretasie en verwarring dikwels voor. Hierdie beleidsdokument is 'n samevatting van reeds bestaande beleid, regulasies en resolusies met betrekking tot die interpretasie en bestuur van alle sake rakende inrigtingsverbonde opvoeders by AOO-/VOO-skole ten opsigte van die totale werktyd, werklading en kernpligte, die formele skooldag, geskeduleerde onderrigtyd en bepalende faktore. Hierdie bestuursbeleid word voorsien as 'n werktuig om prinsipale en skoolbestuurspanne by te staan en te ondersteun om opvoederwerktyd effektief te bestuur. Hierdie dokument wil op geen manier bestaande wette, nasionale beleid of RAVO resolusies vervang nie. Die bedoeling met hierdie dokument is nie om die las van opvoeders te vergroot nie, maar om 'n eenvormige begrip van die werktyd van inrigtingverbonde opvoeders, en alle relevante sake, te bevorder, en om leiding te verskaf aan alle opvoeders om op te tree in ooreenstemming met die vereistes. The WKOD erken en prys die toewyding van opvoeders wat voldoen aan die beginsels en riglyne wat in hierdie dokument uiteengesit word. 2. VERWYSINGSDOKUMENTE Die Wet op Nasionale Onderwysbeleid, Wet 27 van 1996 Die Wet op die Indiensneming van Opvoeders, Wet 76 van 1998 Regulasies vir die Voorwaardes van Indiensneming van Opvoeders Regulasies ten opsigte van die Personeeladministrasiemaatreëls (PAM) Die Raad op Arbeidsverhoudinge in die Onderwys, Resolusies 7 van 1998, 8 van 1998, 7 van 2001 en 6 van 2002 Personeeladministrasiemaatreëls Nasionale Beleid oor Algemene Onderwys en Opleidingsprogramme: Aanvaarding van die Hersiene Nasionale Kurrikulumverklaring Graad R-9 [Skole] Kennisgewing 23406/2002 Nasionale Beleid vir Onderrigtyd vir Skoolvakke Nasionale Beleid vir die Ontwerp van Skoolkalenders vir gewone openbare skole in die RSA SA Skolewet, 84 van 1996 Die Grondwet van die RSA, Wet 108 van 1996 PRAVO-Taakspan: 'n Algemene Begrip van die Interpretasie en Implementering van die Tyd-af-voorskrifte, Oktober WKOD-Omsendbriewe 40/2002, 97/2002, 162/2002, 83/2002, 54-66/ WOORDOMSKRYWINGS n Opvoedkundige inrigting is n openbare skool, n opleidingsentrum vir volwassenes of enige ander inrigting wat gespesialiseerde onderrig aanbied en waar leeraktiwiteite gestaak word gedurende inrigtingsluitingstye. Inrigtingsluitingstyd is die geskeduleerde tyd wanneer die inrigting sluit aan die einde van elke kwartaal en waartydens onderrigen leeraktiwiteite gestaak word [d.i. skoolvakansies]. Inrigtingsverbonde opvoeder beteken n opvoeder wat in diens is by n opvoedingsinrigting en wie se normale pligte gestaak word gedurende inrigtingsluitingstye. Geskeduleerde werkstyd vir inrigtingverbonde opvoeders beteken i] al die "voorgeskrewe" tyd gedurende n skoolkwartaal, beide gedurende en buite die formele skooldag, waarop inrigtinggebaseerde opvoeders pligte moet verrig ingevolge hoofstuk A van die PAM, en ii] daardie dae, gedurende inrigtingsluitingstye [skoolvakansie], wat deur die nasionale Minister geskeduleer is ingevolge die Wet op die Nasionale Onderwysbeleid, Wet 27 van 1996, vir opvoeders om te rapporteer vir administratiewe pligte, of deur die onderwyshoof van n provinsiale departement vir indiensopleiding van hierdie opvoeders ingevolge par. 3.2 van hoofstuk A van die PAM. NB: Sien ook Regulasie 23 in die Regulasies oor die Termyn en Voorwaardes vir Indiensneming van Opvoeders. n Formele skooldag is die toegewese, verpligte tyd [wat nie minder as 7 uur per dag vir opvoeders moet wees nie] gedurende n skooldag wanneer opvoeders by die skool moet wees vir interaksie met die skoolprogram.

2 Skooldae is die wettig bepaalde dae per skoolkwartaal waartydens leerders en opvoeders skool moet bywoon vir onderrig aan leerders. Geskeduleerde onderrigtyd is die hoeveelheid toegewese tyd in 'n formele skooldag waartydens aktiewe onderrig onderneem word in die essensiële [akademiese kurrikulum] leerareas of vakke. Kurrikulum beteken alle aspekte van die leer-en onderrigproses waarmee leerders aktief omgaan en wat aktiwiteite en ondervindinge insluit wat voorsien en ervaar word in die relevante onderrigsituasie. Ekstra- en ko-kurrikulêre aktiwiteite verwys na aktiwiteite en ervarings wat nie ingesluit is in die akademiese kurrikulum nie, maar wat mag voortvloei uit die akademiese kurrikulum en die leer- en onderrigproses, of uit onderwys in die algemeen, en sluit in aktiwiteite en ervarings wat tydens en na formele skoolure aangebied mag word, buitemuurse bedrywighede ingesluit. "Skoolprogram" beteken alle aktiwiteite wat deur die formele akademiese kurrikulum gedek word, ekstra- en ko-kurrikulêre aktiwiteite ingesluit, asook buitemuurse bedrywighede en enige ander skoolaktiwiteite soos bepaal deur die skool se beheerliggaam. Pastorale pligte beteken pligte wat verband hou met dissipline, berading, advies, toesighouding en enige ander pligte, wat deel is van die formele skooldag. Kernpligte is pligte en funksies wat van opvoeders vereis word om te doen ingevolge hul werksbeskrywing en werkslading, beide gedurende en na die formele skooldag. Ideële tyd is die hoeveelheid tyd per week toegewys aan n spesifieke leerarea [of vak]. Sien Omsendbrief 83/2002 vir die ideële tyd vir die verskillende leerareas per graad. "Professionele ontwikkeling" vir opvoeders beteken: i] Skool-professionele ontwikkeling wat goedgekeur [georganiseer] word deur die skool om aan die behoeftes van die skool en opvoederpersoneel te voldoen as deel van hul kernpligte ii] 80 uur per jaar soos in PAM Hoofstuk A [3.2][d] wat vir verpligte opleiding goedgekeur [georganiseer] word deur die WKOD en werksgerig is. "Vaardigheidsontwikkeling" is 'n program wat aan alle werknemers gebied word ingevolge die Wet op Vaardigheidsontwikkeling en die Wet op Heffings op Vaardigheidsontwikkeling, vir kapasiteitsbou en om werknemers se vaardighede in die algemeen te verbreed. Tyd-af is nie verlof nie en beteken tyd weg van die skool gedurende die formele skooldag vir: i] "vakbondbedrywighede en pligte" wat toegelaat word vir verkose vakbondver-teenwoordigers soos uiteengesit in die PAM Hoofstuk G en die PRAVO "Common Understanding on the interpretation and implementation of the time-off provisions"; en ii] "gewone tyd-af" vir dringende private sake wat nie buite die formele skooldag hanteer kan word nie, wat toegelaat kan word vir alle opvoeders. 4. DIE GESKEDULEERDE WERKTYD VAN INRIGTINGVERBONDE OPVOEDERS 4.1 Die geskeduleerde werktyd van opvoeders [RAVO se Resolusie 7 van 2001 vir Verlof] is i] al die tyd gedurende n skoolkwartaal, beide binne en buite die formele skooldag, en ii] daardie dae gedurende inrigtingsluitingstye [skoolvakansies] wat amptelik geskeduleer is vir opvoeders vir administratiewe take [sien nasionale Beleid vir die Ontwerp van Skoolkalenders par ], of om ontwikkelingsprogramme by te woon [sien PAM hoofstuk A par. 3.2 (d)]. 4.2 Ingevolge Regulasie 23 van die Regulasies oor die Termyn en Voorwaardes van Indiensneming van Opvoeders, is inrigtingsverbonde opvoeders amptelik aan diens: i] gedurende die diensperiodes soos bepaal deur die skool se tydrooster wat die kurrikulum of die tye goedgekeur deur die werkgewer vir die skool, moet reflekteer, en; ii] gedurende die tye waarin sodanige ander aktiwiteite, wat nie deel vorm van die skool se tydrooster nie, maar wat verband hou met skoolsake [d.i. skoolprogram], plaasvind. 4.3 Dus sluit die geskeduleerde werktyd van opvoeders in die formele skooldag van 7 uur asook daardie ure na die 7 uur [buite die formele skooldag] waartydens van hulle verwag word om skoolverwante pligte te verrig. 4.4 OORTYD RAVO se Resulosie 6 van 2002 [van toepassing tot Desember 2003] stipuleer in par. 4[2] dat "betaling en goedkeuring van oortyd [werk] sal wees ingevolge die PAM. [Sien PAM Hoofstuk D, par. 2.2.] Die aantal ure wat 'n opvoeder toegelaat sal word om oortyd te werk sal nie beperk word nie." Dit beteken dat slegs oortyd werk wat deur die WKOD goedgekeur word in terme van PAM Hoofstuk D, par. 2.2, betaal sal word volgens die vasgestelde tariewe in die PAM. 'n Opvoeder moet aansoek doen via die Kringbestuurder vir goedkeuring van oortydwerk en -betaling en dit moet goedgekeur word deur Personeel [KS Opvoeders]. Alle ander 'oortyd' sal deel wees van die normale pligte "buite die formele dag". [Sien "nagwerk", 3de aandagkol hieronder.] Par. 4[3] dat "betaling vir pligte uitgevoer op 'n Sondag sal ingevolge die vasgestelde tariewe in die PAM geskied". Dit het betrekking op opvoeders wat opsigtersdiens doen by OLSO-skole. [Sien PAM Hoofstuk D par 2.4 ten opsigte van voorwaardes vir betalings en vasgestelde tariewe.]

3 Par. 4[5] dat "Geen vergoeding vir aandwerk van toepassing sal wees op opvoeders ten opsigte van pligte wat hulle na 18h00 by 'n onderwysinrigting moet uitvoer nie". Hierdie is pligte wat deel vorm van die normale skoolprogram soos goedgekeur deur die beheerliggaam van die skool, en/of vir die normale funksionering van die skool. Die beginsel van redelikheid en billikheid moet altyd toegepas word wanneer opvoeders versoek word om gedurende ure wat "buite die formele skooldag" val, te werk. 5. DIE FORMELE SKOOLDAG 5.1 Alhoewel dit ingevolge RAVO-Resolusie 7 van 1998, [PAM hoofstuk A par e)] "die verwagting is dat elke opvoeder van 1800 werklike werksure per jaar verantwoording moet kan doen" en dus veronderstel is om ten minste 1800 uur per jaar te werk, erken die WKOD dat die oorgrote meerderheid van opvoeders baie langer ure werk. Tans beslaan die formele skoolure [teen 200 x 7 uur] 1400 uur per jaar. Die oorblywende tyd is vir aktiwiteite buite die formele skooldag en sluit die 80 uur indiensopleiding [professionele ontwikkeling] wat die werkgewer mag skeduleer ingevolge RAVO Resolusie 7 of 1998 [PAM hoofstuk A par..3.2 d)] in. 5.2 Ingevolge die PAM hoofstuk A par. 3.2 a] word dit van alle opvoeders [ook prinsipale en adjunkhoofde] verwag om by die skool te wees gedurende die 7 uur van die formele skooldag, vir elke skooldag, ingesluit Vrydae. Daarom sal n werksweek bestaan uit 5 dae van 7 uur elke dag om aan n totaal van 35 uur per week te voldoen. Waar 'n aanpassing van die formele skooldag toegelaat word ingevolde par. 11.5, bly die 35 uur per week 'n vereiste. 5.3 Dus sal die 7 uur per dag van die formele skooldag bestaan uit i] n vasgestelde aantal uur geskeduleerde onderrigtyd [interaksie met leerders] per dag, d.i. tussen 4 uur 30 minute per dag vir Graad 1, en 5 uur 30 minute per dag vir hoër grade. [Sien woordomskrywing geskeduleerde onderrigtyd.] ii] Die oorblywende tyd van die 7 uur [d.w.s. tussen 2 uur 30 minute en 1 uur 30 minute] sal wees vir speeltye [maaltye], wat ongeveer 30 minute per dag moet wees, en ander aktiwiteite verbandhoudend met die normale werklading en pligte van opvoeders. LET WEL: RAVO-Resolusie 6 van 2002 par. 4[4] stipuleer "Opvoeders in diens by 'n onderwysinrigting, ten opsigte van 'n maaltydpouse, sal geregtig wees op een of meer pouses, waarvan die totaal nie minder as 30 minute mag wees nie." Dus, opvoeders moet 'n totaal van ten minste 30 minute per dag kry vir 'n maaltyd. Dus is dit belangrik dat SBS e met die skool se onderwyspersoneel beraadslaag om 'n aanvaarbare en uitvoerbare oplossing te vind ten opsigte van die toegelate maaltyd-periode per dag, soos in Resolusie 6 van 2002 uiteengesit, veral vir opvoeders wat speelgronddiens moet doen. Daar word voorgestel dat skole versigtig beplan vir alle pligte en dienste soos speelgronddiens, skolierpatrollies, biblioteekdiens, ens., sodat dieselfde opvoeder nie vir beide pouses aan diens is nie. Hierdie pligte/dienste kan op 'n rotasie-basis geskied en waar die pouse nie 30 minute is nie, kan bykomende tyd [of 'n 30 minute-periode] aan die einde van die dag, voordat buitemuurse aktiwiteite begin, toegelaat word. 6. GESKEDULEERDE ONDERRIGTYD 6.1 Geskeduleerde onderrigtyd moet aktiewe interaksie met die leerders in kurrikulum- aktiwiteite behels. Ingevolge die Nasionale Beleid ten opsigte van Onderrigtyd vir Skoolvakke, [Kennisgewing 1473 van 1999], moet "opvoeders bly by hierdie voorskrifte, sowel as die minimum weeklikse tyd toegewys aan hierdie onderrigaanbiedinge" Dus, moet geskeduleerde onderrigtyd nie verkort word of gebruik word vir aktiwiteite wat nie binne leerareas of vakke val nie. 6.2 Daar word sterk aanbeveel dat skole 'n bestuursbeleid aanvaar in ooreenstemming met nasionale en provinsiale vereistes, wat moet insluit dat opvoeders nooit hul leerders sonder toesig moet laat in enige onderriglokaal nie. Wanneer dit nodig is dat 'n opvoeder leerders onder sy/haar toesig of onderrig moet verlaat, moet die prinsipaal of 'n SBS-lid 'n ander volwassene versoek om toesig te hou by daardie leerders totdat die opvoeder terug is. Dit is om te verhoed dat die skool en opvoeder wettiglik verantwoordelik gehou word vir enige besering of skade aan 'n leerder gedurende die afwesigheid van die opvoeder. 6.3 Die Hersiene Nasionale Kurrikulumverklaring op bladsy 26 en die Nasionale Beleid ten opsigte van Onderrigtyd vir Skoolvakke in par. 1, dui die tyd toegewys vir geskeduleerde onderrig en leer [instruksietyd, kontaktyd] soos volg aan: Graad 1 & 2: 22 uur 30 minute per week 4 uur 30 minute per dag Graad 3 25 uur per week 5 uur per dag Graad uur 30 minute per week 5 uur 18 minute per dag Graad uur 30 minute per week 5 uur 30 minute per dag [Sien asseblief Omsendbrief 83/2002]. 6.4 Ideële tyd moet binne die geskeduleerde onderrigtyd per week ingeruim word wanneer die toewysing van die werklading bepaal word en die tydrooster vir die skool opgestel word. [Sien Omsendbrief 83/2002.]

4 7. DIE WERKLADING VAN OPVOEDERS 7.1 Die werklading van opvoeders bestaan uit beide akademiese [onderrig-] verantwoordelikhede en alle ander pligte soos bepaal deur die kurrikulum en skoolprogram van die inrigting waarby hulle in diens is en moet uitgevoer word gedurende en na die formele skooldag. NB: n Inrigting se skoolprogram bestaan uit n akademiese kurrikulum met vakkeuses of leerareas soos bepaal deur die inrigting se beheerliggaam, binne die voorskrifte van die WKOD se kurrikulumbeleid, asook uit n na-skoolureprogram bepaal deur die beheerliggaam van die inrigting. 7.2 Die toegewysde akademiese werklading [vak/leerarea of onderrig- verantwoordelikheid] moet ewewigtig verdeel word tussen opvoeders. Dit moet in gedagte gehou word dat prinsipaal- en adjunkprinsipaalposte deel uitmaak van die onderwysvoorsiening van n inrigting wanneer die opvoeder:leerderverhouding bepaal word en daarom is Prinsipale en Adjunkhoofde veronderstel om ook onderrig te gee. In kleiner skole word van prinsipale en adjunkte verwag om meer onderrig te gee as in skole met 'n groter personeel. 7.3 Skoolbestuurspanne word versoek om aan die voorskrifte in die PAM te voldoen. Ingevolge die PAM Hoofstuk A par. 3.3 moet die volgende riglyne gevolg word in die bepaling van vak- of leerareaverantwoordelikhede en die onderrigtyd per opvoeder aangestel ingevolge die Wet op Indiensneming van Opvoeders: Primêre skole: Posvlak 1 : 85% tot 92% Posvlak 2 : 85% tot 90% Adjunkprinsipaal [Posvlak 3]: 60% Prinsipaal [Posvlak4]: 10% tot 92% [afhangende van die grootte van die skool] Sekondêre skole: Posvlak 1 : 85% tot 90% Posvlak 2 : 85% Adjunkprinsipaal 60% [Posvlak 3] Prinsipaal [PL 4] 5% tot 60% [afhangende van die grootte van die skool] [Sien asseblief PAM Hoofstuk A par. 5 vir Rangtoewysings.] 7.4 Toewysing van werkslading moet geskied na konsultasie met die opvoederpersoneel en in ooreenstemming met hierdie beleid. Die werklike ure vir geskeduleerde onderrigtyd moet vasgestel word in ooreenstemming met die kurrikulumbehoeftes van die skool, die tydrooster en die departementele personeelvoorsiening van die skool. 7.5 Alle buitemuurse, ekstra- en ko-kurrikulêre aktiwiteite [d.i. die skoolprogram] moet ook ewewigtig verdeel word tussen al die opvoeders by die skool sodat n redelike en regverdige werklading verseker word. 7.6 Die prinsipaal mag administratiewe, pastorale, buitemuurse en professionle pligte verbandhoudend met die aanvaarde kurrikulum en skoolprogram en die normale funksionering van die inrigting aan n opvoeder toewys na konsultasie met die skool se opvoederpersoneel. LET WEL: Skole moet in gedagte hou dat die kurrikulumvakkeuses wat deur die skool aangebied word, veral in die senior fase, in ooreenstemming moet wees met die getal opvoeders op die personeel en die getal ure in die formele skooldag. Dieselfde beginsel moet van toepassing wees op buitemuurse bedrywighede by die skool. Skole moet nie meer aanpak as wat effektief deur die opvoederpersoneel hanteer kan word nie. 7.7 Beplanning en tydroosters Om die behoeftes van die skool ten opsigte van alle aspekte van skoolbedrywighede te akkommodeer en te beheer, is dit uiters belangrik dat prinsipale effektiewe vooruit- beplanning vir die volgende jaar doen. A 'n Jaarplan moet opgestel word waarin alle datums vir assessering, personeelver-gaderings, ouervergaderings en ander bykomende funksies en aktiwiteite, sport ingesluit, en kulturele en godsdiensgeleenthede, vervat word. Die jaarplan moet ook die datums waarop sekere inligting aan die OBOS of Hoofkantoor verskaf moet word, reflekteer. B. Prinsipale en skoolbestuurspanne moet alle pogings aanwend om die tydrooster van die skool so op te stel, dat i] die tyd vir geskeduleerde onderrig slegs vir onderrig en leer gebruik word. ii] opvoeders wat gereeld aan godsdienspraktyke deelneem, se roosters buite hul geskeduleerde onderrigtyd daarvoor voorsiening maak, d.i. gedurende administratiewe periodes;

5 iii] voorsiening gemaak word vir nie-onderrigaktiwiteite wat deel uitmaak van die skoolprogram, soos prysuitdeling, afskeidsfunksies, besoeke deur NRO's, uitstappies, administratiewe en bestuursaktiwiteite, ens., sodat dit nie gedurende geskeduleerde onderrigtyd plaasvind nie. Eksamens en toetse word gesien as deel van geskeduleerde onderrigtyd. Voorsiening moet gemaak word vir buitemuurse aktiwiteite soos sport, na die formele skooldag. Wanneer dit nodig is om tyd vir buitemuurse aktiwiteite gedurende die formele skooldag in te ruim, moet dit verkieslik buite die geskeduleerde onderrigtyd wees. 8. KERNPLIGTE VAN OPVOEDERS Dit word van alle opvoeders verwag om kernpligte te verrig beide binne en buite die formele skooldag. Ingevolge die PAM Hoofstuk A par. 3.1, word die kernpligte van opvoeders verdeel tussen pligte wat uitgevoer word gedurende die formele skooldag [7 uur] en pligte wat uitgevoer word na die formele skooldag [na die 7 uur]. 8.1 Pligte wat uitgevoer word gedurende die formele skooldag [7 uur] a] Geskeduleerde onderrig b] Aflosonderrig c] Ekstra- en ko-kurrikulêre pligte d] Pastorale pligte [speelgrond, detensie, skolierpatrollie, ens.] e] Administrasie f] Toesighoudende en bestuurspligte g] Professionele pligte [vergaderings, werkswinkels, seminare, konferensies, ens.] h] Beplanning, voorbereiding [assessering] en evaluering. WKOD: VERDUIDELIKENDE NOTA i] Die professionel pligte in 8.1 g] is pligte en vergaderings buite geskeduleerde onderrigtyd met ander opvoeders by die skool, OF met die toestemming van die OBOS-Direkteur of sy/haar gemagtigde by n ander skool of vergaderplek, en moet in verband staan met skool- en kurrikulumontwikkeling, bv. vakvergaderings, ens. Die geskeduleerde onderrigtyd moet nie verkort word deur, of gebruik word vir hierdie pligte nie. ii] Beplanning, voorbereiding, assessering en evaluering in 8.1 h] behels onder andere ook die gereelde voorbereiding vir onderrig, gee van gereelde akademiese huiswerk binne die raamwerk van die inrigting se tuiswerkbeleid, gereelde kontrole en evaluering van tuiswerk, assessering en, wanneer nodig, strategiese intervensies gebaseer op die uitkomste van die tuiswerk in samewerking met die inrigting se onderwyser ondersteuning span [OOS] 8.2 Pligte buite die formele skooldag [na die 7 uur] a] Beplanning, voorbereiding en evaluering b] Ekstra- en ko-kurrikulêre pligte [bv. sport, kulturele aktiwiteite, ens.] c] Professionele pligte [vergaderings (bv. met ouers, personeel, beheerliggaam), werkswinkels, seminare, konferensies, ens.] d] Professionele ontwikkeling WKOD: VERDUIDELIKENDE NOTA i] Die professionele pligte in 8.2 c] behels skakeling met en besoeke aan ouers, asook bywoning van vergaderings, werkswinkels, ens., wat gewoonlik verband hou met die normale funksionering van die skool. Hierdie pligte word georganiseer deur die skool self, of deur n groep skole, en deur die OBOS -amptenare [en nie deur die WKOD (OBOS Vaardigheidsplan) as die werkgewer nie]. Opvoeders moet hierdie pligte uitvoer as deel van hul normale kernpligte wat buite die formele skooldag val. Hierdie pligte vorm nie deel van die 80 uur per jaar vir professionele ontwikkeling nie. Hierdie pligte moet nie die geskeduleerde onderrigtyd of die kurrikulum onderbreek of verkort nie. Die prinsipaal en SBS moet oor hierdie pligte besluit en dit toewys na konsultasie met sy/haar opvoederpersoneel. ii] Die professionele ontwikkeling in 8.2 d] hou verband met die ontwikkeling van personeel of die kurrikulum as deel van die normale werksverantwoordelikhede in ooreenstemming met die inrigting se ontwikkelingsplan, en kan deur die skool self, die prinsipaal of die beheerliggaam georganiseer word. Hierdie ontwikkeling sal slegs as deel van die 80 uur geld indien dit deur die OBOS bekragtig en deur die OBOS-Direkteur goedgekeur is. [Sien ook par ] 9. OPVOEDERONTWIKKELING: Die WKOD moedig die voorgesette ontwikkeling en opleiding van alle opvoeders in sy diens aan.

6 9.1 Professionele Ontwikkeling: Opvoeders moet kennis neem dat ingevolge die Wet op Indiensneming van Opvoeders, 76/98, en RAVO se Resolusies 8 van 1998 en 7 van 2001, alle opvoeders se professionele ontwikkeling soos volg gereguleer word: Professionele Ontwikkeling as deel van die opvoeders se kernpligte ingevolge par. 8.2 g] van hierdie dokument. Hierdie ontwikkeling word georganiseer deur die skool om aan die behoeftes van die skool en die opvoeders te voldoen, en mag by die skool plaasvind gedurende die formele skooldag, maar nie gedurende geskeduleerde onderrigtyd nie. Hierdie professionele ontwikkeling word nie vereis deur die WKOD of die OBOS nie en kan daarom nie vir die 80 uur gereken word nie uur: Die werkgeweer [WKOD-Hoofkantoor of OBOS] mag n opvoeder versoek om n program vir voortgesette professionele ontwikkeling by te woon tot n maksimum van 80 uur [ongeveer 10 dae] per jaar. Die 80 uur is deel van die pligte van opvoeders buite die formale skooldag en is deel van die werkstyd per jaar. Dus moet hierdie kursusse, ingevolge die PAM Hoofstuk A par. 3.2[d], soos beding deur die RAVO-Resolusie 7 van 1998 par. 2.4 en herhaal in Resolusie 7 van 2001 in die woordomskrywing van geskeduleerde onderrigtyd, aangebied word buite die formele skooldag [na skoolure], oor naweke en gedurende skoolvakansies [inrigting-sluitingstye] en opvoeders word nie oortyd betaal vir bywoning van hierdie programme nie. Hierdie programme is verpligtend en is werkgerig, bv. kurrikulumopleiding, klaskamerbestuur, assesseringsbestuur, skoolbestuur en administrasie, ens. Indien programme in n skoolvakansie aangebied gaan word, moet die werkgewer [OBOS] ten minste een kwartaal kennis aan opvoeders gee van so 'n program. Indien programme gedurende die kwartaal, dit is na skoolure en oor naweke, aangebied word, moet die werkgewer een maand kennis gee aan opvoeders. LET WEL: Die ontwikkelingsprogramme [80 uur] georganiseer deur die werkgewer sluit normale professionele ontwikkelingsprogramme georganiseer deur skole uit. Nogtans sal sulke programme en professionele ontwikkeling vir die 80 uur geneem word, indien dit deur die OBOS ondersteun word en deur die OBOS-Direkteur goedgekeur word. 9.2 Vaardigheidsontwikkeling Ingevolge die "Skills Development Act" moet elke maatskappy of organisasie 'n persentasie van sy jaarlikse begroting toelaat vir ontwikkeling van sy werknemers se vaardighede. Vaardigheidsontwikkeling sluit programme en kursusse vir verdere ontwikkeling of verkryging van sekere vaardighede in, bv. rekenaarvaardighede, spesifieke rekenaarprogramme, taalkursusse, spanningsbestuur, ens. Elke OBOS moet 'n Vaardigheidsontwikkelingsplan in ooreenstemming met die Vaardigheidsoudit hê, wat beide jaarliks hersien moet word. Die vaardigheidsontwik-kelingskursusse is nie verpligtend nie. Opvoeders mag kursusse bywoon deur vroegtydig by hul Prinsipaal [of Kringbestuurder indien 'n Prinsipaal] aansoek te doen om goedkeuring daarvoor. NB: Vaardigheidsontwikkeling sal slegs as deel van die 80 uur professionele ontwikkeling geneem word, indien dit deur die WKOD [OBOS] as indiensopleiding verklaar is, dit deur die OBOS-Direkteur goedgekeur is en dit werksgerig is. 9.3 Ontwikkeling deur eie inisiatief Opvoeders mag programme of kursusse bywoon deur hul eie inisiatief In hul eie tyd: Opvoeders mag programme en kursusse bywoon buite hul werktyd, d.w.s in hul eie tyd Deur spesiale verlof te neem: Opvoeders mag kursusse of programme vir professionele en persoonlike ontwikkeling [indien die persoonlike ontwikkeling in belang van die werkgewer is] bywoon gedurende skooldae deurdat hulle spesiale verlof, met volle betaling, daarvoor neem onderworpe aan die aanbeveling van die prinsipaal en goedkeuring van Hoofkantoor. 10. VERLOF LET WEL: Die getal dae geneem vir spesiale verlof vir professionele en persoonlike ontwikkeling, sluit dae geneem vir godsdienstige oorwegings in, en mag, in totaal, nie 3 werksdae per kalender- jaar oorskry nie. [Sien par. 16 van Resolusie 7 van 2001 en Omsendbrief 61/2003] Verlofvoorwaardes vir opvoeders ingevolge die RAVO-Resolusie 7 van 2001 is toepaslik. Sien Omsendbrief 54-66/2003. Opvoeders moet egter kennis neem dat die voorwaardes aangaande die bestuur van afwesigheid gedurende die formele skooldag in par. 11 van hierdie dokument te alle tye gevolg moet word, d.i. die prinsipaal [of KB] moet ingelig word en moet die verlof aanbeveel n Verlofaansoekvorm moet in duplikaat voltooi word en aan die prinsipaal [of kringbestuurder in geval van prinsipale] oorhandig word in alle gevalle van verlof.

7 i] n Afskrif van die vorm moet in die algemene verloflêer geliasseer word. ii] Die prinsipaal moet die oorspronklike vorms, in duplikaat, onmiddellik na die Direktoraat: Personeel [KS-opvoeders] by hoofkantoor stuur. iii] Die afskrif wat aan die skool teruggestuur word deur Personeel [KS-opvoeders] word op die opvoeder se persoonlike lêer geliasseer. LET WEL: Die kringbestuurder beveel aan en teken die prinsipaal se verlofvorm en stuur dit aan Personeel by hoofkantoor, en verskaf 'n afskrif aan die prinsipaal. Die Skool se Beheerliggaam [SBL] het nie nodig om die verlof van opvoeders in diens van die WKOD aan te beveel of goed te keur nie, maar kan hoflikheidshalwe daarvan in kennis gestel word Enige verdere navrae in verband met die interpretasie en bestuur van verlof moet gerig word aan die WKOD se Direktoraat: Personeel [KS-opvoeders]. 10. AFWESIGHEID VAN SKOOL GEDURENDE DIE FORMELE SKOOLDAG: Waar enige goedkeuring verleen word aan enige opvoeder om afwesig te wees van die skool [verlof of tyd-af], moet reëlings getref word vir voortsetting van die onderrig Prinsipale: 'n Prinsipaal mag slegs afwesig wees gedurende die formele skooldag met die toestemming [of in spesiale omstandighede met 'n geldige rede] van sy/haar OBOS Direkteur, of die Direkteur se gemagtigde. Die aansoek om goedkeuring om afwesig te wees moet via die kringbestuurder voorgelê word. Die prinsipaal moet reël vir die normale voortsetting van die skoolprogram gedurende sy/haar afwesigheid van die skool, deur sy/haar pligte en funksies skriftelik aan die adjunkhoof [of die mees senior opvoeder in rang in kleiner skole] te delegeer wat in sy/haar plek sal waarneem. Alle nodige inligting omtrent die inrigting moet aan die persoon wat in die prinsipaal se afwesigheid waarneem, oorgedra word. LET WEL: Aan die begin van elke jaar moet 'n amptenaar in 'n rang hoër as die Prinsipaal, skriftelik die verantwoordelikhede en funksies van die Prinsipaal delegeer aan 'n bevoegde persoon wat in die plek van die Prinsipaal moet waarneem wanneer die Prinsipaal weg van die skool is. Die Prinsipaal moet die delegasie-bevoegdhede en verantwoordelikhede vir waarneming in plek van die prinsipaal aan die skool se personeel verduidelik. Die plaasvervangende opvoeder moet homself of haarself oriënteer ten opsigte van die pligte en verantwoordelikhede van die prinsipaal. Die prinsipaal moet die plaasvervanger opvoeder skriftelik in kennis stel van sy/haar vertrek en moet weer die persoon in kennis stel van sy/haar terugkeer tot die skool. [Die vorm in Addendum A kan hiervoor aangewend word.] 11.2 Opvoeders [Adjunk-hoofde ingesluit] Opvoeders mag die inrigting gedurende die formele skooldag slegs met toestemming van die prinsipaal verlaat. Die prinsipaal mag afwesigheid van skool vir individuele opvoeders aanbeveel op grond van siekverlof of enige ander spesiale of dringende rede. Verlofvoor-waardes moet streng gevolg word in alle gevalle. Prinsipale moet verseker dat die korrekte prosedures en voorwaardes te alle tye gevolg word. [Sien Omsendbriewe 54-66/2003] 11.3 Professionele en skoolverwante pligte: Skoolprogramme en funksies vereis dikwels dat opvoeders pligte weg van die skool moet uitvoer Om SBS'e te ondersteun en te beskerm in die bestuur van hierdie pligte en om misbruik te voorkom, mag OBOS-Direkteure [of sy/haar gemagtigde] toestemming aan opvoeders verleen om weg van hul eie skool te wees gedurende die 7 uur van die formele skooldag, SLEGS indien dit vir professionele pligte en/of ontwikkeling is, dit onmoontlik of onprakties is om die saak ná die formele skooldag te akkommodeer, aanvaarbare reëlings getref word vir voldoening aan die vereistes van geskeduleerde onderrigtyd. In sulke gevalle moet die tyd weg van die skool gedurende die formele skooldag in die daaglikse bywoningsregister aangeteken word indien dit vir 'n hele dag is, of in die tyd-af-register indien dit slegs vir 'n gedeelte van die dag is. Die redes vir afwesigheid moet aangedui word Reëlings gedurende afwesigheid van die skool a] Volgens die bepalings van hierdie beleid, mag WKOD-Hoofkantoorpersoneel en WKOD-OBOS-personeel, opvoeders, skoolhoofde ingesluit, slegs versoek om 'n vergadering, werkswinkel of opleiding gedurende 'n formele skooldag by te woon met goedkeuring van die Onderwyshoof [indien die versoek deur WKOD-Hoofkantoorpersoneel versoek word] of die OBOS- Direkteur [wanneer die versoek deur WKOD-OBOS-personeel versoek word]. Alle versoeke vir bywoning van sodanige gevalle moet skriftelik aan die prinsipaal van die skool gerig word, met 'n afskrif daarvan aan die betrokke opvoeders.

8 LET WEL: In gevalle waar goedkeuring wel verleen word vir vergaderings, werkswinkels of opleiding gedurende die formele skooldag, moet die tyd wat die betrokke opvoeder van die skool af weg is, korrek aangeteken word. Die redes vir afwesigheid moet aangedui word. Opvoeders hoef nie verlof te neem vir hierdie gevalle nie. b] Omdat aanbeveling van verlof en goedkeuring van tyd-af vir dringende sake dikwels berus by die skoolhoof [of kringbestuurder], moet alle versoeke vir afwesigheid vanaf die skool gedurende die formele skooldag, deur die skoolhoof [of Kringbestuurder] verifieer word deur te verseker dat sodanige versoek wel vir 'n geldige en aanvaarbare rede is. In gevalle van tyd-af vir vakbondverteenwoordigers moet die toegelate tyd per jaar nie oorskrei word nie. [Sien PAM Hoofstuk G] c] Indien enige verlof of tyd-af toegestaan word aan n opvoeder om weg van die skool te wees gedurende geskeduleerde onderrigtyd, is die prinsipaal verantwoordelik om toe te sien dat reëlings getref word om leerders se onderrig voort te sit, bv.: i] Die opvoeder wat afwesigheid versoek moet versoek word om die leerders te voorsien met voldoende en effektiewe kurrikulumgerigte aktiwiteite wat onder toesig verrig kan word. NB: Toesighouding oor leerders moet altyd deur 'n volwassene wees in 'n veilige en aanvaarbare omgewing. OF ii] n Ander opvoeder moet beopdrag word om die onderrig/toesig van die leerders waar te neem. iii] Alle pogings moet aangewend word om geskeduleerde onderrigtyd nie te verkort nie. d] In gevalle van tyd-af moet elke opvoeder se tyd-af in die tyd-af register aangeteken word Godsdienstige oorwegings Verlof: Spesiale verlof, met volle betaling, mag toegestaan word aan individuele opvoeders vir die beoefening van godsdiensdae, indien dit nie amptelike vakansiedae is nie. NB: Sien ook par en let asseblief op die voorwaardes ingevolge Resolusie 7 van 2001, in Omsendbrief 61/ Aanpassing van die formele skooldag [7 uur per dag]: Om die grondwetlike regte van alle Suid-Afrikaanse gemeenskappe ten opsigte van godsdiensdiversiteit te akkommodeer, sal die Onderwyshoof die volgende aanpassings tot die formele skooldag oorweeg vir godsdienstige oorwegings of praktyke: A. Die Beheerliggaam van 'n inrigting mag n geskrewe aansoek via die Kringbestuurder rig aan die Onderwyshoof van die WKOD om die tye van die formele skooldag aan te pas vir godsdiens-aktiwiteite wat gereeld plaasvind, SLEGS indien: i] Die meeste van die opvoeders geraak word en hul afwesigheid die normale funksionering van die skool ernstig sal ontwrig. Geskrewe bewys van die aantal opvoeders [name en persalnommers] en hul geloof moet die aansoek vergesel. ii] Die aanpasssing van die tydrooster moet vir die hele skool geld vir die hele jaar. iii] Die ure wat op enige gegewe dag verloor word vir godsdienstige redes moet in dieselfde week ingewerk word. iv] Die week [5 formele skooldae] moet n totaal van 35 uur wees. B. Die beheerliggame van inrigtings mag n geskrewe aansoek via die Kringbestuurder aan die Onderwyshoof, rig om af te wyk van die 7 uur per dag vir daardie opvoeders waar 'n paar opvoeders op n gereelde basis betrokke is by n godsdientige praktyk, indien: i] die name, persalnommers en geloofsoortuiging van die betrokke opvoeders verskaf word. ii] bewys verskaf word van pogings om die skoolrooster so op te stel dat dit voorsiening maak vir die beoefening van die godsdienstpraktyk buite die betrokke opvoeders se geskeduleerde onderrigtyd. iii] nie meer as 90 minute weg van die skool toegelaat word vir die beoefening van so n godsdienspraktyk nie. Daarna moet opvoeders terugkeer na die skool vir die voltooiing van die formele skooldag [7 ure]. iv] die geaffekteerde opvoeders die tyd [90 minute] weg van die skool gedurende dieselfde week ingewerk word. v] geskeduleerde onderrrigtyd nie verkort word nie Sluiting van n skool: Ingevolge par van die Nasionale Beleid vir Ontwerp van Skoolkalenders, mag n beheerliggaam die reg uitoefen om 'n inrigting te sluit vir die beoefening van 'n gods-diensdag [of gedeelte van n dag] wat nie n amptelike vakansiedag is nie, SLEGS indien die meerderheid van die leerders lede van die betrokke geloof is. Die volgende voorwaardes geld: A. Die dae per jaar geneem vir godsdienstige redes mag nie meer as 2 dae beloop nie, en moet geneem word in plek van een of beide van die toegelate dae vir Sport en Kultuur. B. Die beheerliggaam moet n geskrewe aansoek via die Kringbestuurder tot die Onderwyshoof rig vir toestemming om hierdie opsie uit te oefen. Die aansoek moet die volgende insluit:

9 i] Die aantal leerders betrokke, en daardie getal as persentasie van die totale leerders in die skool, moet die aansoek vergesel. ii] Die dag en datum waarvoor aansoek gedoen word, moet gespesifiseer word. Iii] Daar moet aangedui word dat een, of beide, van die 2 toegelate dae per jaar vir sport en kultuur gebruik word vir die betrokke godsdiensdae. OF Die datum wanneer die verlore formele skooldag ingewerk sal word gedurende die-selfde kwartaal, moet aangedui word, indien 2 dae per jaar in totaal oorskrei word LET WEL: Waar die godsdiensdae en die toegelate dae vir sport en kultuur in totaal meer as 2 dae per jaar is, moet die verlore dag[dae] ingewerk word. NB: Slegs die Onderwyshoof van die WKOD of sy gemagtigde, mag die sluiting van n skool goedkeur vir welke rede of doel ookal. Niemand anders het die mag om, sonder goedkeuring van die Onderwyshoof, n skool gedurende n skoolkwartaal te sluit nie. Bestuursreëlings: Skole se beheerliggame wat aansoek doen vir die sluiting van die skool om godsdienstige oorwegings moet kennis neem dat die 2 dae per jaar wat skole mag gebruik vir sport en kulturele aktiwiteite, alternatiewelik gebruik mag word vir n godsdiensdag. Die getal dae toegelaat mag egter nie oorskry word nie. Dus i] Indien beide die sport- en kulturele dae gebruik word asook n godsdiensdag, dan moet die godsdientige dag ingewerk word gedurende dieselfde kwartaal. ii] Indien een [of beide] van die toegelate dae gebruik word en geen ander dag versoek word nie, hoef n dag nie ingewerk te word nie. iii] Skole se aansoeke moet volgens die voorskrifte in die nasionale Beleid vir Ontwerp van Skoolkalenders par en wees. LET WEL: Skole moet in alle gevalle betyds via die Kringbestuurder by die Onderwyshoof aansoek doen om goedkeuring om die toegelate dae vir sport en kulturele aktiwiteite te gebruik, of om n skool te sluit vir godsdienstige redes Begrafnisse Wanneer n persoon verbonde aan n onderwysinsrigting sterf, en daardie inrigting wens om ter ere van die afgestorwene die begrafnis of n gedenkdiens wat gedurende die formele skooldag gehou word by te woon, moet aansoek om goedkeuring gedoen word by die OBOS- Direkteur, via die kringbestuurder. Die volgende voorwaardes sal van toepassing wees: i] Die afgestorwene moes n leerder of n opvoeder gewees het. ii] 'n Delegasie van die inrigting, deur die OBOS-Direkteur goedgekeur, mag die begrafnis of diens namens die inrigting bywoon. iii] Die OBOS-Direkteur moet die tyd toegelaat vir bywoning van n begrafnis goedkeur. iv] Voorsiening moet gemaak word vir die voortsetting van geskeduleerde onderrigtyd. v] In sulke gevalle moet die tyd weg van die skool gedurende die formele skooldag in die tyd-af-register aangeteken word, en moet aangedui word waarvoor dit was. In alle spesiale gevalle moet aansoek gedoen word by die OBOS-Direkteur om die tyd van n formele skooldag aan te pas, indien die hele skool n begrafnisdiens wil bywoon of 'n diens wil hou, en goedkeuring moet vooraf daarvoor verkry word. Enige inligting wat versoek word ter stawing van die aansoek moet verskaf word. Geskeduleerde onderrigtyd moet nie onnodig verkort word nie, of dit moet ingewerk word gedurende dieselfde week. 12. BYWONINGSVERSLAE [Sien regulasies ten opsigte van die Terme en Voorwaardes vir Indiensneming van Opvoeders, uitgereik ingevolge die Wet op Indiensneming van Opvoeders, Wet 76/1998, regulasie 24, and PAM Hoofstuk G.] 12.1 Registers Alle skole moet n bywoningstelsel vir alle opvoeders, ingeslote die prinsipaal, by die skool byhou. Bywoningstelsels kan gerekenariseerd of in boekvorm wees. Prinsipale is verantwoordelik vir die byhou en beheer van die volgende registers: i] n Daaglikse bywoningsregister vir alle opvoeders by die skool om bywoning van die formele skooldag aan te teken. ii] n Tyd-af register waarin die tyd en datum weg vanaf die skool gedurende die formele skooldag per uur aangeteken word, wanneer opvoeders tyd-af toegestaan word.

10 NB: Hierdie registers moet beskikbaar gestel word vir departementele amptenare op versoek. [Sien Omsendbrief 0040/2002 en 97/2002.] 12.2 Gerekenariseerde stelsels Skole waar gevorderde stelsels reeds in gebruik is, asook skole wat stelsels op rekenaar by- hou, kan voortgaan om dit te doen, op voorwaarde dat die stelsel [daaglikse by-woning en tyd-af] wat gebruik word wel, waar nodig, die vereiste inligting kan verskaf en as verifikasie kan dien. Daar word dus aanbeveel dat die volgende in plek moet wees: a] Fisiese bewys van alle aankoms en vertrektye van alle opvoeders, hetsy op papier met 'n handtekening, of 'n spesiale kode of kaart indien so 'n stelsel gebruik word. b] Korrekte byhou en berging van alle verbandhoudende dokumentasie. c] Korrekte en gereelde byhou van die stelsel op rekenaar. d] Daaglikse maak van 'n rugsteunkopie van die stelsel op 'n rekenaarskyfie of CD. e] Veilige bewaring van elke jaar se stelsel op 'n rekenaarskyfie [of CD]. Die stelselinligting op rekenaar hoef slegs gedruk te word wanneer dit op papier benodig word. 'n Papierafskrif hoef nie bewaar te word as die inligting op 'n rekenaarskyfie gehou word nie. Waar enige verdere twyfel bestaan ten opsigte van die stelsel wat die skool gebruik, word die prinsipaal versoek om die saak met die skool se kringbestuurder te uit te klaar Algemene Bestuursvoorskrifte vir Registers a] In die prinsipaal se afwesigheid rus die verantwoordelikheid vir die registers outomaties op die adjunkhoof van die skool, of n ander [mees senior] opvoeder by kleiner skole. b] Hierdie registers en die verbandhoudende lêers moet in n veilige plek bewaar word. c] Opvoeders het die reg tot hul eie persoonlike inligting soos gereflekteer in die registers. d] Terwille van duidelike kopiëring moet alle inskrywings slegs in swart ink gedoen word. e] Vir enige veranderings of regstellings wat gedoen moet word, moet die oorspronklike deurgetrek word met n reguit lyn in swart ink. Die verandering moet daarbo geskryf word en die prinsipaal moet daarnaas parafeer. Korrektiewe vloeistof mag nie gebruik word nie. f] Alle ou [vol] registers moet in datumvolgorde in die skoolkluis, of op n veilige plek, geberg word vir verwysings- en ouditeringsdoeleindes. g] Nuwe registers: i] Elektroniese afskrifte [op rekenaarskyfie of CD] is beskikbaar by die OBOS e. Skole kan hierdie afskrifte verkry en gebruik om nuwe registers te druk. ii] Versoek 'n nuwe register vanaf die Direktoraat: Logistieke Dienste by Hoofkantoor Tyd-af LET WEL: Die gebruik van los blaaie word nie aanbeveel nie aangesien dit belangrike inligting bevat en nie verlore moet raak nie. Prinsipale en kringbestuurders moet hulself vergewis van die vereistes en voorwaardes vir toestemming vir tyd-af aan opvoeders. Bestudeer asseblief PAM Hoofstuk G in die Handboek vir Onderwyswette en Beleid wat aan alle skole verskaf is, asook WKOD-Omsendbriewe 40/2002, 97/2002 en 162/2002, asook die PRAVO dokument "'n Algemene Begrip ten opsigte van die interpretasie en implementering van tyd-afvoorwaardes" wat by die Direktoraat: Arbeidverhoudinge verkry kan word "Gewone" tyd-af ingevolge WKOD-Omsendbrief 40/2002: Alhoewel PAM Hoofstuk G nie voorsiening maak vir "gewone tyd-af vir dringende private sake" vir opvoeders wat nie vakbondverteenwoordigers is nie, mag, ingevolge PAM Hoofstuk A par. 3.2 en soos aangedui in WKOD-Omsendbrief 40/2002 par , enige opvoeder tyd-af gedurende die formele skooldag toegelaat word vir dringende private sake, wat vakbondbedrywighede uitsluit, met toestemming deur die prinsipaal [of KB ingeval van 'n prinsipaal]. Die hoeveelheid tyd-af en die gereeldheid daarvan, moet redelik en regverdig wees en moet nie die onderrig- en leerproses ontwrig nie. Dit is die verantwoordelikheid van prinsipale om toe te sien dat tyd-af nie misbruik word nie en hy/sy moet sy/haar diskresie gebruik om die dringendheid en geldigheid van versoeke te bevestig. Let Wel: Hierdie 'gewone tyd-af' is om vir 'n tydperk gedurende die formele skooldag van die skool weg te wees, en is nie verlof soos vervat in Omsendbrief 60/2003 nie Die prinsipaal, as die gedelegeerde houer van die tyd-af-register, moet onmiddellik die Direktoraat Arbeidsverhoudinge in kennis stel indien n opvoeder sy/haar tyd-af- regte vir vakbondaktiwiteite oorskry het, en moet n afskrif van die korrespondensie aan beide die vakbond en die opvoeder verskaf.

11 13 VOLDOENING AAN HIERDIE BELEID 13.1 Dit is die verantwoordelikheid van die prinsipaal om die teenwoordigheid van die opvoeders op sy/haar personeel binne hierdie beleid te bestuur en hy/sy sal verantwoording van hierdie taak moet doen Die prinsipaal en die kringbestuurder, as die gemagtigde persone namens die Wes-Kaap Onderwysdepartement, het die verantwoordelikheid en die verpligting om van alle opvoeders op die skool se personeel en in sy/haar kring te vereis dat daar aan hierdie bestuursbeleid voldoen word. Dus moet alle prinsipale en kringbestuurders gereeld verifieer dat opvoeders aan die beleid voldoen Ander departementele amptenare wat skole besoek, om watter rede ook al, moet enige afwyking wat opgemerk word, aan die prinsipaal uitwys en dit aan die betrokke OBOS rapporteer. Elke OBOS is verantwoordelik vir implementering van maatreëls om navolging van die beleid te verbeter en te moniteer Nalating om te voldoen aan die vereistes van die beleid mag disiplinêre stappe teen n opvoeder tot gevolg hê. Wanneer n negatiewe insident teen n opvoeder gerapporteer is, sal dit gesien word as beweerde wangedrag. In so n geval sal die voorgeskrewe proses vir dissiplinêre stappe ingestel word. [Sien Wet op Indiensneming van Opvoeders: Skedule 2 aangeheg by artikel 15 van die Wysigingswet 53 van 2000, in die Handboek vir Onderwyswette en Beleid]. -ooo0ooo--- Dokument saamgestel deur Direktoraat: Inrigtingsbestuur en Beheerbeplanning