HOËRSKOOL WONDERBOOM VEILIGHEID- EN SEKURITEITSBELEID

Transcription

1 HOËRSKOOL WONDERBOOM VEILIGHEID- EN SEKURITEITSBELEID 1. DOEL VAN BELEID Om n skoolomgewing te skep waar die skooluitleg, -omgewing, -beleid en -prosedures so ontwerp is om die impak van ontwrigtings, betredings en sekerheidsrisiko s te minimaliseer en sodoende te verseker dat die skool sy opvoedkundige missie nakom. 2. PROSEDURE VIR DAARSTELLING VAN N EFFEKTIEWE BELEID 1. Vestig n Veiligheidskomitee van belanghebbendes wat ook aan die BL rapporteer. 2. Voer jaarliks n veiligheidsoudit uit. 3. Ontwikkel n veiligheidsplan (verfyn die beleid). 4. Opleiding van belanghebbendes in die toepassing van hierdie beleid/plan. 3. VEILIGE SKOOLTERREIN - Dit is van kardinale belang dat die hele skoolterrein veilig sal wees, dat alle belanghebbendes potensiële veiligheidsrisiko s sal identifiseer en dat dit sover menslik moontlik beperk sal word. Die SAPD patrolleer ook gereeld buite die terrein en datums van groot byeenkomste word aan hulle deurgegee. 3.1 Veiligheid van geboue - Die instandhouding van geboue word deur die infrabestuurder en sy span werkers hanteer. - Onderwysers rapporteer herstelwerk in hulle klasse aan infrabestuurder. - Alle klasse, maar veral laboratoriums en werkswinkels moet aan beroepsveiligheidsregulasies voldoen soos deur NOSA bepaal. - Vandalisme is n ernstige saak. Leerders wat hulle hieraan skuldig maak, word volgens die gedragskode hanteer en gestraf. Alle artikels/voorwerpe wat beskadig is moet weer vervang word. Mnr. K de Beer, die infrabestuurder, sal leerders van kwotasies voorsien. Geld moet by finansiële kantoor inbetaal word vir enige skade. - Kameras oral teen geboue speel n groot rol om die sekuriteit verder op te knap. Daar word ook beplan om n telefoon in elke klas te installeer, wat sal veroorsaak dat die opvoeder kontak met die algemene kantoor het, maar ook dat die algemene kantoor maklik iemand uit die klas kan roep. 3.2 Sekuriteitswagte en toegangsbeheer Hoërskool Wonderboom maak bedags (06:00-18:00) van 2 wagte gebruik en snags (18:00-06:00) en oor naweke van 1 wag. Gedurende vakansies is daar deurentyd net 1 wag op diens. Die wagte se werksbeskrywing is as volg: Wag 1: Hoofhek Doen toegangsbeheer. Mense wat afsprake met onderwyspersoneel het of wat leerders kom afhaal, moet inteken deur die register te voltooi. Leerders wat die skoolterrein wil verlaat vir mediese of ander afsprake moet eers by die graadhoof of graadvoog uitteken en die persoon (ouers of iemand met ouers se toestemming) wat die leerder kom afhaal, moet die leerder by die algemene kantoor uitteken en n 1

2 kaartjie met die skoolstempel ontvang wat hulle aan dié wag moet toon en inhandig. Vanaf 7:40-13:40 word net onderwysers se motors in die vierkant toegelaat. Leerders se fietse en motorfietse word ook toegelaat, maar hulle parkeer onderskeidelik by fietsloods en hoofhek. Persone wat voorraad kom aflaai of wat spesifieke take kom verrig by die skool, mag ook binne die terrein parkeer. Hek 3 (kafeteria) bly gesluit tot 13:40, behalwe as aflewerings gedoen word. Help om verkeer te reguleer voor en na skool in draaisirkel Wag 2: Hek 1 (dienspad) - Moet om 6:30 by hek 1 rapporteer. Die hek bly gesluit vanaf 7:40-13:40 en tydens eksamentyd vanaf 7:40-13:00. - Doen toegangsbeheer. Matrikulante wat reeds lisensies het, kan n parkeerkaartjie by mnr. Nieman (opvoedkundige konsultant) kry en mag dan langs die tennisbane parkeer. - Hek 2 bly gesluit vanaf 7:45-13:40 (Vrydae om 13:10). Sluit weer om 14:15. - Patrolleer die gebied by tennisbane, motorafdakke en fietsloods. - Sluit die hek as hy van diens af gaan om 18: Nagdiens, naweke en vakansies - Doen diens by hoofhek. - Doen toegangsbeheer. - Sluit hek 1 indien alle motors die terrein verlaat het. - Patrolleer in vierkant tot by die Wonderboomsaal. - Sluit om 06:00 alle hekke oop vir leerders om in te kom. - Tydens naweke en vakansies bly alle hekke gesluit, behalwe as reëlings vooraf getref is. - Moet sigbaar wees by die hoofhek Toegangsbeheer - Geen persoon mag vuurwapens, messe, swaarde, skerp gevaarlike voorwerpe, bomme, plofstof, bedwelmende middels, drank wat alkohol bevat, sigarette of enigiets wat mense fisies skade kan aandoen, in die skoolterrein inbring nie. - Toegewysde persone kan leerders se tasse of sakke deursoek indien daar n redelike vermoede bestaan dat daar gevaarlike voorwerpe of verbode middels in hulle sakke is. 3.3 Gebruik of misbruik van middels (sien toegangsbeheer) - Die wagte, personeel en wonnieraad moet op die uitkyk wees vir gebruik of misbruik van middels op die skoolterrein of op skooluitstappies. - Leerders wat hulle hieraan skuldig maak sal hanteer word volgens die skool se gedragskode. Die SAPD mag versoek word om die saak te hanteer. 2

3 3.4 Ernstige misdaad - Met sulke gebeurlikhede sal die SAPD gekontak word en die leerder sal ook volgens die skool se gedragskode hanteer word. - Ernstige misdaad is in wetgewing en departementele regulasies uiteengesit. 3.5 Beligting van terrein - Die beligting van die terrein gedurende die nag is van groot belang. Ligte is op strategiese plekke aangebring. Kritiese plekke met geen beligting is geïdentifiseer en daar sal aandag aan gegee word. 3.6 Brandtoerusting - Daar is brandblussers in klasse en kantore soos aangedui op register. - Daar is brandslange op stoepe in Olienkroongebou (sien skoolgrondplan). - Daar is 3 groot waterkrane vir branddoeleindes op terrein (sien skoolgrondplan). - Brandtoerusting word jaarliks in Augustus versien. 3.7 Noodplan - Die inhoud van die noodplan moet aan alle belanghebbendes gekommunikeer word Sleutelpersoneel 1) Mnr. J. Botha 2) Dr. F. van Wyk 3) Mnr. B. Harris Belangrike telefoonnommers - Alle noodgevalle : Ambulans : / Brandweer : / SAPD : (Moot: ) - Eugene Marais Hospitaal : Moot Algemene Hospitaal Dr. A. Coetzee : (w) Hulpmiddels - Interkomstelsel - Alarmstelsel - Megafoon - Handsirene - Skoolklok - Paniekknoppies - Telefoon - Boodskappers - Brandtoerusting Ontruiming ( n lang aanhoudende lui ) - Alle gevalle wat ontruiming benodig (bomdreigement, brand, gyselaarsdrama). Afhangende van die situasie ontruim almal na die A-rugbyveld. - Onderwysers stap voor en die wonnieraadslede stap heel agter. 3

4 - Die kortste moontlike roete na die versamelpunt word gestap (Daar word aanbeveel dat Olienkroon se boonste vloer by die trappies by Pieter Fourie se klas opgaan en die pad volg tot by die velde, dat Olienkroon se middelvloer tussen die saal en ontwikkelingsentrum deurgaan en die pad volg tot by die velde). - Klasse tree aan op die halflyn en kyk na die skoolgebou toe. - Gr.8/1 tree aan op die oostelike kantlyn tot by gr.12/9 wat aantree op die westelike kantlyn van die A-veld. - Seuns tree voor aan en die dogters agter hulle. - Onderwysers tree voor hulle klasse aan. - Onderwysers rapporteer afwesighede aan mnr. D. Niemann wat beheer neem van die A-rugbyveld. - Almal bly op die veld tot verdere kennisgewing. - Die nooddienste word vanuit die kantoor geskakel deur mnr. Botha, wat beheer neem in die kantoor. - Indien mnr. Botha n klas het as daar n probleem ontstaan, beweeg hy dadelik na die kantoor om beheer te neem. Sy klas beweeg saam met me. Badenhorst se klas Skuiling (kort onderbroke luie ) - In geval van n skietaanval, gewapende roof of gyselaarsdrama word skuiling gesoek. - Onderwysers en leerders bly in hulle lokale, klaskamerdeure word gesluit. - Almal val plat en beweeg na die kante van die lokaal, sodat hulle nie deur die vensters gesien kan word nie. - Stilte word gehandhaaf (dit voorkom paniek). - Almal bly op die vloer lê tot verdere kennisgewing. - Indien n skietaanval of gewapende roof tydens pouse voorkom, val leerders plat net waar hulle is as hulle die sirene hoor afgaan Spanne wat tydens gebeurlikhede gebruik kan word - Leerders en onderwysers rapporteer eers by versamelpunt en beweeg daarna na die algemene kantoor vir instruksies (tydens ontruiming). - Tydens skuiling bly hulle egter saam met ander leerders in die klasse. - Boodskappers: Dr. van Wyk - Mnr e Fourie, Theyse en Van Wyk. - Noodhulpspan: Me. Loubser - Leerders van noodhulpspan Alarmstelsel - Daar is tans 5 aktiewe alarmstelsels wat operasioneel in die skool is: o Olienkroongebou o Flambojantgebou, Wonderboomsaal, Garages en Kafeteria o Flambojantsaal o Ontwikkelingsentrum o Kafeteria/Sportkantoor - Onderwysers wat alarmogies in hulle kantore/klasse het, het elkeen hulle eie persoonlike kode waarmee hulle hulle alarm aktiveer en deaktiveer. - Chubb is die diensverskaffer. 4

5 3.9 Hantering van kontantgeld - Sien finansiële beleid. - Skoolgeld word nie deur die skool self gebank nie, Coin Security verrig die taak Terreindiens en -toesig - Personeel en die wonnieraad van gr.8-12 verrig terreindiens volgens n vasgestelde rooster. - Daar is weekliks n departementshoof in beheer van die terreindienspersoneel. Daar is weekliks n topbestuurslid wat pouses saam met die betrokke departementshoof die terrein verken en seker maak dat die personeel op hulle pos is en dat alles ordelik verloop op die terrein. - Indien n leerder n besering opdoen op die skoolterrein, moet WB 75- Vraelys t.o.v. besering opgedoen: Hoërskool Wonderboom voltooi word, en aan die hoof en die Vergoedingskommisaris oorhandig word - Indien n personeellid n besering aan diens opdoen, moet die volgende vorms deur hom/haar voltooi word: o Kennisgewing van ongeval en eis om vergoeding. o First medical report in respect of an accident. o Affidavit by employee. o Employers report of an accident soos deur die wet (Wet op vergoeding vir beroepsbeserings en siektes van 1993)(Act no.130 of 1993) vereis. Voltooide dokumente moet aan die betrokke owerhede gestuur word Toesig oor leerders (klaskamertoesig) Leerders mag onder geen omstandighede sonder toesig in n klas gelaat word nie. (dit sluit ook klasse in wat op die sportvelde waargeneem word). Die onderwyser sal verantwoordelik gehou word vir enige skade of beserings aan geboue of leerders Toesig na skool - As gevolg van n baie druk buitemuurse program is daar geen formele toesig vir leerders wat na skool op die terrein bly om huiswerk te doen nie. - Vir veiligheidsonthalwe is dit beter vir leerders om by die kafeteria se tafels te gaan sit en huiswerk doen, aangesien daar heeltyd beweging is Sport- en kultuuraktiwiteite Bogenoemde is georganiseerde aktiwiteite en mag nie sonder volwasse toesig plaasvind nie. (volwasse = soms buite-afrigters) Sportbyeenkomste en buitelugaktiwiteite - Tydens bogenoemde byeenkomste is daar personeel- en wonnieraadtoesig. - Ekstra sekuriteitswagte word ook gereël en die SAPD word in kennis gestel wat ook rondom ons terrein kom patroleer Skooluitstappies, toere en kampe - Goedkeuring moet by die department verkry word vir enige van bogenoemde sake. - Vrywaringsvorms moet deur leerders voltooi word. - Daar moet genoeg toesig wees vir die aantal leerders wat dit meemaak, veral wat die busdiens betref. Die riglyn is 2 personeellede (man en vrou) per bus. - Daar word ook van wonnieraadslede wat op busse ry, verwag om busdiens te doen. 5

6 3.16. Leerders wat stap om by die skool te kom - Gr.12 -wonnieraadslede beman n dienspunt waar leerders uit die skoolhek oor n pad moet stap. - Personeel beman ook n dienspunt na skool waar die leerders hulle busse kry. - Noodsituasies buite die skoolterrein word deur ouers by die SAPD aangemeld Ontgroening en inisiasie - Geen ontgroening of inisiasie word toegelaat nie en word aktief deur die skool en personeel ontmoedig. - Die gr.8 - leerders het jaarliks n inskakelingsprogram wat vir 2 weke duur wat onder beheer en toesig van die wonnieraadsvoogde plaasvind. Die doel hiervan is dat die nuwe gr.8 - leerders die skool en personeel vinnig sal leer ken en om leerders vertroud te maak met die skoolbeleid en die gedragskode Tienerswangerskappe en HIV/Vigs - Sien spesifieke beleide vir bogenoemde sake. DATUM: AANVAARDING DEUR BL GETEKEN DATUM: GOEDKEURING DEUR DEPARTEMENT GETEKEN 6

7 Bylaag 1: Dienspunte van sekuriteitswagte 7

8 Bylaag 2: Brandslange en waterkrane (Grondplan aangeheg) 8

9 9