PERSONEELSAKE AKADEMIE

Transcription

1 15 Maart 2017 Beste Ouer/Voog NUUSBRIEF 7/17 Verlede week het ons Internasionale Vrouedag gevier. Dit is 'n jaarlikse instelling wat op die regte van vroue fokus. Die tema vir 2017 vra ons om #BeBoldForChange te wees. Ons word uitgedaag om 'n beter werksomgewing, wat 'n groter inklusiwiteit van geslagte behels, te skep. Dit is 'n belangrike uitdaging aan al ons ouers om deel van n groter verandering vir vroue (en ons dogters) in die werkplek te wees, sodat ons nader aan geslagsgelykheid kan beweeg. PERSONEELSAKE Ons innige meegevoel aan me. Katherine Myburgh met die afsterwe van haar skoonpa. Mag God haar en haar familie in hierdie moeilike tyd vertroos. AKADEMIE International Computer Programming Olympiad Toe Ralph McDougall in 2014 as graad 8-leerder die finale rondte van die South African Computer Programming Olympiad (SACPO) gehaal het, het ons geweet hier kom groot dinge. Ralph het hierdie suksesverhaal tydens die 2015 SACPO voortgesit toe hy wéér die finale rondte gehaal het en as nie-reisende reserwe vir die internasionale span gekies is. In 2016 presteer hy weer Ralph het die finale rondte gehaal en n gesamentlike vierde plek en n bronsmedalje as graad 10-leerder behaal. Hierna het hy oor naweke n verskeidenheid oefenkampe bygewoon. Die doel van hierdie oefenkampe was om die deelnemers vir moontlike deelname in die Internasionale Olimpiade in Informatika, wat in Julie en Augustus 2017 in Teheran, Iran plaasvind, voor te berei. Vier deelnemers sou gedurende hierdie kampe gekies word om Suid-Afrika by dié gesogte geleentheid te verteenwoordig. Ons kondig met trots aan dat Ralph gekies is om Suid-Afrika by die 29ste Internasionale Olimpiade in Informatika in Iran te verteenwoordig. Hy is die jongste deelnemer uit die span van vier. Die ander drie deelnemers is reeds eerstejaarstudente by die UK. n Merkwaardige prestasie!

2 2 KULTUUR Kinderteater: Hansie en Grietjie Ons nooi graag alle leerders en ouers na vanjaar se kinderteaterproduksie, naamlik Hansie en Grietjie. Die geselskap bestaan uit hoërskoolleerders en die produksie is gemik op kinders tussen 4 en 10 jaar oud, maar almal is welkom! Die opvoering sal op Woensdag, 29 Maart om 18:00 plaasvind. Die koste van die kaartjies beloop R10 per persoon. SPORT Tennis Die jaarlikse C.R. van der Merwe-tennistoernooi het die afgelope naweek plaasgevind. Die volgende skole het aan die toernooi deelgeneem: Hoërskool Stellenberg, Hoërskool Stellenbosch, Paarl Gimnasium, Hoër Jongenskool Paarl, Hoër Meisieskool Paarl, Hoër Meisieskool Bloemhof en Hoërskool Cradock. Ons spanne het goed gevaar en beide die seuns- en dogterspanne het die vierde posisie ingepalm. Kyler Hugo is as die speler met die beste sportmangees aangewys. Atletiek Twee van ons atlete het aan die Westelike Provinsie-byeenkoms deelgeneem. Hul resultate is as volg: Rudzi Ramukhubathi het beide die 100m en die 200m vir dogters (o.16) gewen. Leah Jones het n tweede plek in die 100m en n vierde plek in die 200m finaal, behaal. Albei dogters is vir die WP-span gekies en sal op 17 Maart aan die Wes-Kaap-kampioenskapsbyeenkoms, by die Dal Josafat-stadion in die Paarl, deelneem. Skaak Dantelle Joubert het onlangs die trofee vir die WP-sportvrou van die jaar 2016, ontvang. Dit is n ongelooflike prestasie en ons is bevoorreg om n skaakspeler soos Dantelle in ons skool te hê. Joubert Visagie het vroeër dié maand aan die WP-toernooi (ope) deelgeneem en is as die beste speler in die B-seksie aangewys. Ons is baie trots op hierdie twee skaakspelers. Krieket Ons o.14-span het teen Hoërskool Bellville se span in die Westelike Provinsie Noordelike voorstedekrieketfinale gespeel. Ons het eerste gekolf en 128 aangeteken (almal uit) in 34.1 boulbeurte. Die beste kolwer vir die dag was Yazeed Arendse met 20 lopies. Hoërskool Bellville het tweede gekolf en was almal uit vir slegs 99 lopies. Die beste boulers vir die dag was Kenoé Christians (4 paaltjies vir 22 lopies na 4.4 boulbeurte), Tiaan Visagie (3 paaltjies vir 22 lopies na 8 boulbeurte) en Taahir Fredericks (2 paaltjies vir 19 lopies na 7 boulbeurte). Ons span wen met 29 lopies en raak die ligakampioene vir 2017 in hul ouderdomsgroep. n Uitstekende einde vir die seisoen! Sportprogram Neem asseblief kennis van die opgedateerde sportprogram vir kwartaal 2 en 3 wat aan die einde van hierdie brief aangeheg is.

3 3 ALGEMEEN EduOne Is jy nuuskierig oor die studentelewe, finansiering, loopbane, studie-opsies en oor alles wat met die lewe na skool gepaardgaan? EduOne ( is hier vir jou. Gebruik EduConnect ( om beroepsmoontlikhede te ontdek, inligting te bekom en toegang tot inligting en ondersteuning te verkry. EduFunding ( sal jou help om tersiêre finansieringsgeleenthedete te vind en EduMatch ( sal jou vakke en belangstellingsveld met potensiële kursusse verbind. EduConnect-hoogtepunte: Graad 9-vakkeuse-ondersteuning Ontdek jou loopbaan Universiteit: Opedae Universiteit: Aansoekdatums Hoe om by universiteite aansoek te doen NN s alles wat jy behoort te weet Studiewenke, ou vraestelle en motiveringsinhoud Relevante skakels: Graad 9-vakkeuse-ondersteuning: Ontdek jou loopbaan: Universiteit: Opedae: Universiteit: Aansoekdatums: Hoe om by universiteite aansoek te doen: Nasionale Normtoetse (NN s) alles wat jy behoort te weet: Studiewenke: Ou vraestelle: Toegang tot ondersteuning en hulp deur die EduOne-span: info@eduone.co.za Wêreldkennis Olimpiade Ons versoek u om u kinders aan te moedig om aan die Wêreldkennis Olimpiade op 18 Mei (14:00 15:15) deel te neem. Die inskrywingsfooi vir die olimpiade beloop R15 en sal van u Meirekening verhaal word. Inskrywingsvorms is by me. Swanepoel beskikbaar.

4 4 Vakansiedae Neem asseblief kennis dat die skool en die nasorgfasiliteite op die volgende vakansiedae gesluit sal wees: 20 Maart Skoolvakansiedag 21 Maart Menseregtedag 27 April Vryheidsdag 28 April Skoolvakansiedag 1 Mei Werkersdag BELANGRIKE DATUMS: KWARTAAL 1 (2017) MAART 13 Wintersport-afrigting begin 14 Loopbaanuitstalling 15 SAMO: Eerste rondte DF Malan-hokkiekursus: onder 16- en onder 19-meisies 20 SKOOLVAKANSIEDAG 21 MENSEREGTEDAG 22 Eisteddfod-inskrywings sluit 23 Individuele foto s Hoërskool Brackenfell-sportdag: Rugby en netbal DF Malan-hokkiekursus: onder 14-seuns en -meisies Wees versigtig waarmee jy jou drome natlei. As jy hulle met bekommernisse en vrees natlei, sal lewens-verstikkende onkruid uit jou drome vloei. As jy hulle met optimisme en oplossings natlei, sal jy sukses kweek. Wees altyd op die uitkyk vir maniere om 'n probleem in 'n geleentheid vir sukses te verander. Wees altyd op die uitkyk vir maniere om jou drome te verwesenlik. Vriendelike groete. Mnr. J.D. Vermeulen Operasionele Hoof: Hoërskool Mnr. D.D. van Zyl Uitvoerende Hoof

5 Sportprogram Kwartaal 2: 13 Maart tot 3 September 5 HOKKIEDOGTERS Me. K. Viljoen o.14 14:40 16:00 13:40 15:20 o.16 16:30 18:00 16:30 18:00 Tweede span 15:30 17:00 15:30 17:00 Eerste span 15:30 17:00 16:30 18:00 HOKKIESEUNS Me. K. Viljoen o.14 14:40 16:00 13:40 15:20 o.16 16:30 18:00 16:30 18:00 Tweede span 16:20 18:00 15:30 17:00 Eerste span 16:20 18:00 16:30 18:00 NETBAL Me. M. Hattingh/Me. W. Harvett o.14 15:00 16:30 15:30 17:00 o.16 15:30 17:00 15:30 17:00 o.19 15:00 16:30 15:30 17:00 RUGBY Mnr. D. Kruger o.15 15:30 17:00 15:00 16:30 15:30 17:00 o.19 15:00 16:30 15:30 16:30 15:30 17:00 GHOLF Mnr. J. Benade Alle Leerders 14:30 Wedstryde TENNIS Me. Slabbert/Me. H. Crause Seuns en Dogters 1ste Span 1ste Span 07:00 08:15 1ste Span 07:00 08:15 LANDLOOP Mnr. W. Goldswain Alle Leerders 15:00 16:30 Wedloopdag 15:00 18:00 SKAAK Me. M. du Plooy Alle Leerders 14:45 16:30 Wedstryde SWEM Mnr. W. Deyzel/Me. M. Smit Alle Leerders Soos met mnr. Deyzel gereël

6 6