2 8/2016. Discipline is the bridge between goals and accomplishment. -Jim Rohn*

Transcription

1 2 8/2016 Discipline is the bridge between goals and accomplishment. -Jim Rohn* Met die inskrywing van u kind by n privaatskool, sou dissipline een van die ononderhandelbares wees wat u sou ervaar. As n privaatskool wat streef na uitnemendheid, kan u niks minder van Curro Roodeplaat verwag nie. Ons leerders moet, waar hulle ook al gaan, ons grootste ambassadeurs wees en moet ons daarom trots in ons skooluniform kweek. Gedurende die afgelope paar maande is ons skooluniformreëls gefinaliseer en u sal dit teen die einde van die week per e-pos ontvang. U is welkom om terugvoer in hierdie verband te lewer. Ek doen n vriendelike beroep op u om ons te ondersteun en te verseker dat u kind se voorkoms dienooreenkomstig met ons uniformreëls is. (Ek is bewus van frustrasies wat ervaar word met bestellings by die Lounge en is tans op die hoogste vlak hieroor in gesprek. Ek hoop om binnekort hierdie probleme op te los). Dit is my pleidooi dat ons gemeenskap, asóók die groter Pretoria-area ons skool, ons onderwysers en leerders vir hul gedrag, dissipline en uitnemendheid op akademiese-, kulturele- en sportterrein sal beny. Baie sterkte aan al ons leerders wat, terwyl hul ook besig is met voorbereidings vir die komende eksamen, ook hul deel op die buitemuurse terrein doen. Die winter het uiteindelik sy kop begin uitsteek en die koue word vroegoggend aan die lyf gevoel. Amptelike oorskakeling na wintersdrag is Maandag, 16 Mei. Let asseblief daarop dat ons nie somersuniform en wintersuniform meng nie. Op die dae wat u kind KDA het, word die skoolsweetpak en sporttekkies tydens winter saam met die KDA-klere gedra. Ons is egter bewus van die probleme wat u met klerebestellings by Grit ondervind. Mnr. Ferdi Niemand het reeds vanaf die skool se kant ook met Grit in kontak getree. Mad hatters teeparty sal op Vrydag, 27 Mei plaasvind. Moedig u kind aan om self n kreatiewe hoed te maak dit kan n jolige spanwerksessie tussen ouer en kind afgee om n seerower, matroos of hanswors hoed op te tower! Ons doen n beroep op u om ons bloedskenkdag op Donderdag, 19 Mei vanaf 08:00 tot 15:00 te ondersteun. Kom maak n verskil in iemand se lewe! Alta Theunissen Hou aan hard werk! Julle maak n reuse verskil by ons skool! Ferdi Niemand *Emanuel James Jim Rohn was n Amerikaanse entrepreneur, skrywer en motiveringsspreker.

2 Netbaluitslae Teen Laerskool Kameelfontein 3 Mei 2016 o.10 A 4-5 Verloor o.11 A 13-5 Wen o.12 A 7-10 Verloor o.13 A 15-6 Wen Baie sterkte vir die volgende ligawedstryde: Donderdag, 12 Mei: Tuis vs Laerskool Die Poort Rugbyuitslae Teen Laerskool Rachel de Beer 3 Mei 2016 o Wen o Verloor Teen Laerskool Wonderboom-Suid 5 Mei 2016 o Verloor o Verloor o Wen Baie sterkte vir die volgende ligawedstryde: Donderdag, 19 Mei: Weg vs Laerskool Derdepoort Boogskiet Jason Houy en Ansué de Wit het goed gedoen met die boogskiet IFAA Nationals 30 April tot 1 Mei: Jason Houy Derde plek (brons medalje) in CMFS(R) Derde plek (brons medalje) vir Curro Roodeplaat in die skole kompetisie saam met Ansuné de Wit. Verwerf sy Noord Gauteng Provinsiale klere Verwerf sy Nasionale klere Ansuné de Wit Eerste plek (goue medalje) in Noord Gauteng Provinsiale Binnenshuis Kampioenskappe. Eerste plek (goue medalje) in SA Nasionale Binnenshuis Kampioenskappe. Derde plek (brons medalje): Barbarian span vir Curro Roodeplaat. SANESA Skole Ruitersport Geluk aan die volgende leerders met hulle deelname, prestasies en sportmanskap in ruitersport tydens die derde been van die SANESA-skole ruitersport wat gedurende die naweek van 7 8 Mei 2016 plaasgevind het: Jessica Goosen Performance Riding en Dressage Robyn van Nieuwenhuizen: Dressage Nicola Theron: Dressage en Working Riding Ons wens hulle alle sterkte toe met die vierde en laaste been van die skou wat van 4 5 Junie sal plaasvind te Misty Meadows. Internasionale Familiedag Op 15 Mei elke jaar vier ons Internasionale Familie dag. Die dag is deur die VN se Algemene raadsitting geproklameer in Die Internasionale dag voorsien n geleentheid om bewustheid te skep rondom families en om kennis van sosiale, ekonomiese en demografiese prosesse rondom families te verbeter. By Curro Roodeplaat gaan ons die dag op n gepaste wyse vier deur n Familie bid dag aan te bied op Maandag, 16 Mei. Die geleentheid sal plaasvind om 8 uur in die vierkant. Ons wil graag alle ouers nooi om die spesiale geleentheid saam met ons en u kinders te spandeer. Ons gaan n gasspreker by die geleentheid hê. Dit gaan n geleenthied wees waar families saam kan bid. Ons hoop van harte dat u die geleentheid kan bywoon. Mad hatters teeparty Ons wag met groot opgewondenheid vir die opkomende Mad Hatters dag wat gaan plaasvind op Vrydag, 27 Mei. Meer inligting sal aan u gekommunikeer word deur die klasverteenwoordigers. Vir nou wil ons jul graag uitnooi om solank n asemrowende hoed te maak. Indien u kind wil aantrek volgens die tema van die dag, is hy/sy baie welkom om so te doen. Deelname is egter opsioneel. Alle fondse wat ingesamel word op die dag, sal aangewend word vir ons opkomende kultuuraktiwiteite wat later in die jaar sal plaasvind. Ondersteun ons asseblief op die dag..wat belowe om n opwindende, prettige dag te wees. Ons tema is Seerowers, matrose en hansworse en is gebasseer op die boeke: Treasure Island by Robert Louis Stevenson, Peter and Wendy by J.M. Barrie And the South African story: A Magical Day for Dreaming deur Lara Rosmarin en Sandy Lightley

3 Intersenfase Assesseringsplanne is reeds aan leerders uitgedeel. Gaan dit asb saam met u kind deur om sodoende te verseker dat daar goed voorberei word vir alle assesserings. Die assesseringsprogram is ook op die webwerf beskikbaar. Let asb dat, indien leerders afwesig is tydens n assessering, en nie n mediese sertifikaat daarvoor indien nie, sodanige leerder nul vir daardie assessering sal kry. Ons wil dit ook net onder u aandag bring dat leerders verplig is om n sekere aantal dae per jaar skool by te woon. Dit is dus baie belangrik dat, indien n leerder nie skool kan bywoon nie, n geldige rede skriftelik aan die skool gegee moet word. Die eksamen is geskeduleer vanaf 2-9 Junie. Sekere vakke wat van toepassing is op die graad 7-leerders word reeds vooraf geskryf. Reëlings t.o.v die eksamen sal op n latere stadium aan u gekommunikeer word. Grondslagfase Die Graad R tema vir die week is Ons wonderlike weer. Daar is weer bak en brou Vrydag, 13 Mei. Neem kennis dat fotodag op, 20 Mei sal plaasvind. Leerder moet 'n blou denim en wit hemp vir die dag dra asseblief. Die graad 2-leerders begin met n nuwe tema Wonings. Ouers moet solank kyk na die projek en eksperiment wat gedurende die watertema sal plaasvind. Baie dankie aan al die Graad 3-leerders vir hul harde werk en moeite wat hulle ingesit het om die herwinningspraatjies en -projekte te voltooi. Dit was absoluut asemrowend om al die kreatiewe idees te sien. Ons volgende projek handel oor My land Suid-Afika. Sien huiswerk boeke vir meer oor praatjies en projekte. Lounge Tel: roodeplaat@gritprocurement.co.za

4 Netbal teen Kameelfontein

5 Mini-netbal teen Du Preez van Wyk

6 Hemelvaartdag

7 Internasionale Familiedag