Uit die kantoor 2 6/2016. Autumn is a second spring when every leaf is a flower. -Albert Camus*

Transcription

1 2 6/2016 Uit die kantoor Autumn is a second spring when every leaf is a flower. -Albert Camus* Aan die begin van die tweede kwartaal en met die verandering van die seisoen nou duidelik sigbaar in die herfskleure, wens ek graag al ons leerders, ouers en personeel baie sterkte toe vir hierdie kwartaal. Mag God ons ryklik seën in al ons pogings. Mag Hy ons inspireer om ons roeping as mens uit te leef om n verskil in die wêreld rondom ons te maak. Gedurende die afgelope vakansie het van ons leerders deelgeneem aan die Suid-Afrikaanse Kampioenskappe vir Uitvoerende Kunste. Hulle het hul uitstekend van hul taak gekwyt. U sal meer lees in die nuusbrief, aangaande dié prestasie. Ek wil graag ons eerste netbalspan gelukwens wat as wenners uit die stryd getree het as Curro 7 s-wenners vir die Gautengstreek. Ons junior tennisspan het hulle wedstryd teen Eldoraigne gewen en ons o/15 rugbyspan het ook in hul wedstryd teen Curro Thatchfield, met die louere weggestap. Baie geluk, seuns! As al die prestasies as n voorskou gesien kan word vir dit wat ons in die tweede kwartaal kan verwag, gaan dit voorwaar n ongelooflike termyn vir ons skool wees. Ek is tans in die proses om terugvoer aan ouers te gee na my Coffee@Roodeplaat sessies. Een van die knelpunte wat geopper is, was die ure van die Lounge. Die ure van die Lounge is verander en u sou die nuwe ure via SMS ontvang het. Die sekuriteitsopgradering by die skool gaan binne die volgende week of so afgehandel wees en ek vestig u aandag op die volgende: Die hek na die personeelparkering gaan in die oggende om 08:00 gesluit word en toegang tot die Hoërskool sal slegs via die hekkie voor die Laerskool moontlik wees. Aan die einde van die skooldag, sal die hekke by die sportveld vir die gerief van ons ouers en leerlinge oopgesluit word. Ferdi Niemand *Albert Camus was n Franse filosoof, skrywer en joernalis. Geagte Ouers/Voogde Welkom terug na n welverdiende vakansie. Ons sien uit na n tweede kwartaal propvol akademie en buitemuurse aktiwiteite. Dit is egter ook die kwartaal waarin leerders die Junieeksamen aflê. Leerders word daarom aangemoedig om deurlopend hard te werk in die kwartaal. Ek wil graag van die geleentheid gebruik maak om die ouers te bedank wat die oueraand op 6 April bygewoon het, om tydens die geleentheid hul kinders se vordering met die betrokke personeel te bespreek. Om hul punte te verbeter, moet leerders hou by die raad en voorstelle deur personeel gegee. Baie geluk Baie geluk aan die Top 5-leerders in graad 8-12 (sien onderstaande name). Hulle het met verlede week se saalopening, erkenning ontvang vir hul akademiese prestasies gedurende die eerste kwartaal. Die leerders sal deur die Uitvoerende hoof en personeel vergas word met n tee op 20 April.

2 Ons Hip-Hop dansers het deelgeneem aan die Suid- Afrikaanse Kampioenskappe te Rustenburg en het n silwer medalje ontvang. Hulle is gekies vir die Suid-Afrikaanse Span wat later in die jaar in die VSA gaan deelneem. Ons in ongelooflik trots op die dansgroep en hulle afrigters me. C. Botha en me. G. Bothma. Ons seniornetbalspan, het met harde werk, as die wenners van die Curro 7 s Gautengstreek uit die stryd getree. Ses van die tien spelers in die skoolspan is tot die nasionale span verkies wat aan die Nasionale Toernooi te Richardsbaai in Junie gaan deelneem. Baie geluk aan me. Broodryk, wat as die afrigter van die span aangewys is. Ons is trots op elke netbalspeler en hul afrigter. Akademie Ons het ook n baie suksesvolle Opedag op 12 April gehad. Die toelatingstoetse word op 18 en 19 April afgelê vir die leerders wat graag by die Curro Roodeplaat-familie wil aansluit. Die Junie-eksamen word vanaf 30 Mei tot en met 15 Junie afgelê. Musiek en LO sal onderskeidelik op 25 en 26 Mei afgelê word. Die eksamenrooster is beskikbaar op Curro Roodeplaat se webtuiste ( en is ook op die leerders se tablette beskikbaar. Leerders moet aanwesig wees vir elke vraestel. Indien n leerders afwesig is, moet n doktersbrief ingehandig word. Die leerders sal dan die vraestel op n ander dag aflê. Sonder n geldige rede vir hul afwesigheid, sal n leerder nie n punt vir die vraestel ontvang nie. Die assesseringstake vir graad 8-12 is ook aan leerders op hul tablette beskikbaar. Leerders word versoek om alle take as belangrik te ag en om ywerig deur die kwartaal te werk. Opvoerders sal ouers van die leerders wat nie take inhandig nie en onderpresteer, kontak. Ouers word aangemoedig om opvoeders te kontak indien hulle meer inligting rakende hul kinders se vordering verlang. Netbal Neem asseblief kennis dat die datum van die ligawedstryd teen Curro College Hazeldean van 13 April na 18 April geskuif het as gevolg van Tshwane proewe. Rugby Baie geluk aan die o/15 rugbyspan wat laas week in hul eerste liga wedstryd gespeel het. Curro Roodeplaat het 36 0 gewen teen Curro Thatchfield met Jonty Liebenberg wat n driekuns van drieë behaal het! Sterkte aan die eerste span en o/15 span wat komende Vrydag (15 April) teen Eduplex te staan sal kom. Tennis Baie geluk! Die junior Tennis seunsspan het Eldoraigne gewen! Baie sterkte aan die junior tennis seunsspan wat teen Willowridge speel, die senior tennis seunsspan wat teen Willowridge en CBC speel hierdie week. Oefentye is Woensdae van 16:15-17:15. Gr.10 Uitstappie Op 11 April het die Gr.10 Engels Huistaal leerders die toneelstuk, Animal Farm, by die Johannesburgse teater gaan kyk. Die oorspronklike storie was aangebied in n Suid-Afrikaanse konteks, wat dit baie meer toeganklik gemaak het vir n moderne gehoor. Na die vertoning het ons deelgeneem aan n vraag-en-antwoordsessie met die akteurs. Die akteurs het meer insig gebied oor die karakters wat hul vertolk het. Dit was n wonderlike ervaring en ons sien uit na die volgende een. Dankie aan alle ouers en voogde, vir u voortgesette samewerking en ondersteuning in alle skoolsake. Dr. S. Lalla

3 Hoërskool Hip-Hop gekies vir SA-span! Ons is trots om aan te kondig dat die Hip-Hop groep silwer by die Suid-Afrikaanse kampioenskap gewen het en gekies is om Suid-Afrika by die Wêreldkampioenskap in Los Angeles gedurende Junie-maand te verteenwoordig. Geluk aan die volgende dansers: 8A1 Melandri Claassen (goud, silwer en brons) 8 E1 Thatego Malesela (silwer) 8 E2 Calain Bloys (goud en silwer) 9 A1 Chanté Engelbrecht (silwer) 9 E1 Bokang Moumakoe, Mbali Kgwedi, Rethabile Sebati (al drie silwer) 9 E2 Nomonde Lebambo, Thato Matlaila (beide silwer) 11 E Akhona Khumalo, Grace Ngobeni (beide silwer) ʼn Spesiale dankie aan Mieke Greyling en Larissa Botha in Gr 4 wat deel is van ons groep, asook Nonhlanhla Dlamini wat verlede jaar in Gr 12 was. Melandri en Mieke het ʼn duet gedans en brons gewen. Nonhlanhla Dlamini het ook goud gewen vir die duet waarin sy gedans het. Corlanie Botha, ons dansjuffrou, het die prys gewen vir die dansskool met die meeste dansers wat aan die Suid- Afrikaanse kampioenskappe deelgeneem het. Curro Outreach Program Ons as Curro Roodeplaat wil wys dat ons omgee. Met dié program wys dit dat ons as Roodies nie net vir mekaar omgee nie, maar dat ons vir ander in ons gemeenskap en samelewing omgee, ongeag of hulle mense of diere is. Ons reik uit na ander minder bevoorreg as ons, of na ander wat n positiewe verskil in die samelewing maak, maar wat nie altyd die nodige ondersteuning kry nie. Ons as COP wil graag bydra tot n beter en gelukkiger samelewing.

4 BELANGRIKE DATUMS 15 APRIL 28 APRIL Dag Gebeurtenis/Aktiwiteit 15/04 Loopbaanweek (11/4-15/4) Senior Tenniseuns CBC (T) Netbal Hazeldean (T) Rugby BBL - Eduplex 19/04 Toets: Graad 8-9 Wiskunde Graad 10 Besigheistudies Graad 11 Lewenswetenskap Graad 12 Besigheidstudies Tennis: Juniormeisies - Eldoraigne 20/04 Netbal: Maragon (T) Seunshokkie: Oos-Moot (T) Akademiese Tee Top 5 21/04 Toets: Graad 8 NW Graad 9 Eng HL Graad 10 Lewenswetenskap Graad 11 Eng HL Graad 12 Eng FAL Tennis: Juniorseuns HTS Tuine (T) Skaak o.19 te Greenwood 22/04 Rugby: BBL Maragon (T) 25/04 Tennis: Seniorseuns Hazeldean (T) 26/04 Toets: Graad 8 EBW Graad 9 NW Graad 10 IGO Graad 11 - IGO/RTT Graad 12 Toerisme Tennis: Juniormeisies - Montana 27/04 Vryheidsdag 28/04 Skoolvakansiedag

5 TOP 5 GRAAD 8 GRAAD 9 GRAAD 10 GRAAD 11 GRAAD 12

6 WINTERSKOOL GR 12-Akademie As deel van ons voortgesette poging om ons akademie te verbeter, sal daar verpligte winterskoolklasse gedurende die Junie-vakansie vir die gr 12 s wees. Hierdie is ʼn jaarlike instelling waar ons die leerlinge wil bystaan om hul akademie te verbeter. Daar is geen koste verbonde aan die winterskool nie en die normale vervoer sal gereël word vir dié leerlinge wat van die busdienste gebruik maak. Die volgende datums geld: JUNIE MAANDAG DINSDAG WOENSDAG DONDERDAG VRYDAG 20 14:15-16:15 ACC/REK 21 Eng HL & FAL (14:15-16:15) 22 14:15-16:15 ACC/REK Skool sluit 27 8:00-11:00 Wisk 11:30-14:30 PS/FW 28 8:00-11:00 RTT 11:30-14:30 GEO 29 8:00-11:00 LS/LW 11:30-14:30 LS/LW 30 8:00-11:00 Wisk 11:30-14:30 PS/FW 1 JULIE MAANDAG DINSDAG WOENSDAG DONDERDAG VRYDAG 18 8:00-12:00 Afr HL & EAT 19 Skool begin

7