WELKOM OP HIERDIE SEWE-WEKE-REIS

Transcription

1

2 WELKOM OP HIERDIE SEWE-WEKE-REIS Die evangelie van Jesus Christus was nooit bedoel om bloot geglo en vertel te word nie. As ons dit regtig glo, moet ons dit ook leef en doen. Die evangelie is bedoel vir die lewe! Dat die evangelie gerig is op die gewone lewe, hoor ons op baie maniere in die Bybel. Ons hoor dit veral baie duidelik en helder in die maaltydverhale en -verwysings van die Nuwe Testament. Daar is min dinge wat meer aards, meer gewoon, meer menslik is as om te eet, spesifiek om saam te eet. Dat Jesus heelwat oor maaltye gepraat en self moeite gedoen het om saam met mense te eet, bevestig inderdaad dat die evangelie bedoel is vir die lewe. Maar daar sit meer in die maaltydverhale as net n bevestiging dat die evangelie bedoel is vir die lewe. As n mens mooi daarna kyk, kom jy agter dat amper die hele evangelie gehoor en verduidelik kan word aan die hand van die verhale. In sy bekende boekie Food for thought: a philosopher s cookbook skryf Martin Versfeld: Nothing is more indicative of what you are than your food and table customs. Daar is met ander woorde min dinge wat so baie verklap van wie mense werklik is as die kos wat hulle eet en die wyse waarop hulle dit doen, skryf Cas Wepener in sy boekie Aan tafel met Jesus, wat as basis dien van ons Sewe-Weke-proses. Gaan staan n paar oomblikke stil en kyk wat mense eet, hoe hulle dit eet, waar en saam met wie hulle eet en nie eet nie; let op hoe en waarom hulle nie (nou) eet nie en jy sal bes moontlik meer oor dié mense te wete kom as wat jy sou verwag. Kyk hoe mense eet en jy weet wie hulle is! Die feit dat kos en eetgewoontes n kernaspek van mense se identiteit vorm, het Jesus baie goed besef en ook benut. Deur die Bybel heen speel kos en eet- en drinkgewoontes n sentrale rol in die (godsdienstige) lewe van mense. Die plek en rol van die pasgamaal in die Ou Testament is goed bekend en so ook die rol van die Nagmaal in die Nuwe Testament. Hierdie Bybelse eetgeleenthede vertel ons egter van meer as net die mense wat by hierdie maaltye aangesit het. Dit sê vir ons iets meer van wie God is. As ons meer van mense kan leer uit hulle tafelgewoontes, kan ons ook meer van God leer as ons kyk na Jesus se tafelgewoontes. In die Lukas-evangelie en in die boek Handelinge word gedagtes oor wie God is en wie Christene behoort te wees soos uitgedruk in hulle etes op n besondere wyse uitgebeeld. In hierdie twee boeke van die Bybel gebruik Jesus en die Heilige Gees (en Lukas) doelbewus tafelgemeenskap om vir ons iets te verduidelik van wie God is. Sewe Weke aan tafel met Jesus wil ons help om Jesus se (soms swak) tafelgewoontes beter te leer ken en dit self ook aan te leer en in te oefen as deel van ons lewe van navolging van Jesus. Dissipelskap gaan immers oor hoe ons as volgelinge van Jesus behoort te leef. Ons gaan in die sewe weke aan tafel met Jesus stil staan by die volgende tafelverhale in Lukas en Handelinge: Week 1 Lukas 24:13-35 Week 2 Lukas 7:36-50 Week 3 Lukas 14:1-14 Week 4 Lukas 14:15-24 Week 5 Lukas 22:7-23 Week 6 Handelinge 10:1-11:18 Week 7 Handelinge 2:41-47 Jy word uitgenooi om saam te kom op hierdie opwindende reis van geloofsgroei, waarin ons gaan kyk na Jesus se tafelgewoontes en dit saam gaan inoefen as deel van ons navolging van Jesus. bl. 2 bl. 3

3 KLEIN BALLADE Sheila Cussons Ek soek die huis van n timmerman, ek soek die tafel, die eenvoudig gedekte, en die bêreplek van die botterspaan van Maria die Onbevlekte. Ek soek die dinge van hulle elke-dag, ek soek die praat en die maklike lag in daardie gebenedyde huis: Neem hierdie pad, klop aan dié deur, na buite toe dwaal n varsbroodgeur, HOE GAAN ONS DIT DOEN? en sê nou hulle is tuis? My moed begeef my en ek vlug, maar iets sê in my gaan trug, gaan trug: Sy staan reeds in die deurkosyn... Ons gaan saam kyk na verskillende tafelgesprekke van Jesus in die Lukasevangelie en Handelinge. Ons kom dan op n Sondag tydens die erediens bymekaar om te luister wat ons hoor uit die Here se Woord. Toe draai ek om en ek vind verstom ek het voor my eie deur gekom: my huis is Hare, my huis is Syne! Elke persoon word aangemoedig om elke dag in die week weer die teksgedeeltes te lees en notas te maak oor wat hulle die dag hoor en raak lees. Nou ken ek die huis van die timmerman, ek ken die tafel, die eenvoudig gedekte, en die bêreplek van die botterspaan van Maria die Onbevlekte. Elkeen word ook aangemoedig om die daaglikse persoonlike geloofsoefening in die handleiding te doen. Ons kom weekliks in kleingroepe bymekaar, eet iets saam en gesels oor die erediens en help mekaar om saam die tekste te lees en God se stem daarin te hoor. bl. 4 bl. 5

4 DIE RITME VAN DIE REEKS ELKE WEEK SONDAG SE EREDIENS (maak notas) Elke Sondagoggend om 8:30 kan jy in die kerkgebou by die tafel kom aansit en saam met ander die Nagmaal geniet. Sondae tydens die erediens om 19:00 in Kruiskerk kom ons bymekaar om die teks saam te oordink en die Here te loof vir Sy pad met ons as gemeente en met ons elkeen persoonlik op hierdie reis. PERSOONLIKE STILTETYD PERSOONLIKE GEBED VAN NADENKE VIR ELKE DAG (maak aantekeninge in n boekie) KLEINGROEPBYEENKOMS Kleingroepe word aangemoedig om tydens die Sewe-Weke-proses saam rondom n tafel te sit en iets saam te eet. bl. 6 Ons ontmoet mekaar Ons ontmoet God -- Steek n kers aan op die tafel as simbool van die Here se teenwoordigheid. Iemand kan n gebed doen. -- Lees die gedeelte waarby ons hierdie week stilstaan. -- Gee geleentheid dat elkeen ook op hul eie die gedeelte weer rustig deurlees. Ons deel met mekaar -- Sê wat elkeen in die teksgedeelte hoor. Ons bid saam -- Sluit af deur die Onse Vader-gebed hardop saam te bid.

5 HOE KAN JY STIL WORD MET DIE TEKSGEDEELTE? STILTETYDMETODES: WEEK 1 Lectio Divina en Verbeeldingsmeditasies Die Bybel wil gelees en gehoor word as die lewende stem van God. Daarom moet ons luisterend, wagtend wees. Lectio Divina is n ou luistermetode vanuit die vroeë kerk, wat ons kan help: Die vloei van die Lectio Divina: 1. Gaan sit vir n oomblik rustig. Sit jou selfoon af en gee 30 minute van jou tyd vir die Here om deur Sy Woord met jou te praat. Om te help met die stilword-oomblik stel ons voor dat jy die palms op, palms af-gebed bid. Begin deur jou hande met die palms na onder te sit as simbool daarvan dat jy al jou bekommernisse wat jy mag hê, oorgee aan God. Praat met God oor alles wat swaar op jou hart lê. Draai daarna jou palms na bo as teken van jou behoefte om van God te ontvang. 2. Lees die teks rustig deur. 3. Lees die teks n tweede keer deur. bl. 8 Visualisering/Verbeeldingsmeditasie (die fliekmetode dit werk veral goed met verhale in die Bybel): Verbeel jou dat jy deel is van die gebeure van die teks. Stel jou voor dat jy een van die karakters in die verhaal is. Wat gebeur? - Wat sien jy? - Wat hoor jy? - Waaraan kan jy vat? - Wat ruik jy? - Wat proe jy? Wat verras jou? Wat maak jou opgewonde? Wat in die verhaal en gebeure daag jou uit of laat jou ongemaklik voel? Wat gebeur met jou in die verhaal? Lees luisterend, wagtend, om God se stem vir jou te hoor. Wy 75% van jou tyd aan hierdie punt In n kort gebed, antwoord op wat jy gehoor het. 5. Skryf neer wat jy gehoor en beleef het. (Jy sal nie elke dag iets nuuts hoor of beleef nie dis normaal.) 7 FEBRUARIE - 13 FEBRUARIE

6 Ons lees dié week Lukas 24:13-35 SONDAG SE EREDIENS 13 Op dieselfde dag was twee van hulle op pad na n dorpie met die naam Emmaus, twaalf kilometer van Jerusalem af. 14 Hulle was in gesprek met mekaar oor al hierdie dinge wat gebeur het. 15 Terwyl hulle so gesels en gedagtes wissel, het Jesus self nader gekom en met hulle saamgeloop, 16 maar hulle oë is verhinder om Hom te herken. 17 Hy vra hulle toe: Wat is dit wat julle so ernstig met mekaar loop en bespreek? Met somber gesigte gaan hulle staan, 18 en een van hulle, met die naam Kleopas, antwoord Hom: Is u dan die enigste vreemdeling in Jerusalem dat u nie weet van die dinge wat in die afgelope dae daar gebeur het nie? 19 Hy vra vir hulle: Watter dinge? Hulle antwoord Hom: Die dinge in verband met Jesus van Nasaret, n profeet wat magtig was in woord en daad voor God en die hele volk; 20 en hoe ons priesterhoofde en die lede van ons Raad Hom oorgelewer het om ter dood veroordeel te word, en Hom gekruisig het. 21 Ons het so gehoop dat dit Hy is wat Israel sou verlos. Maar boonop is dit vandag al die derde dag vandat die dinge gebeur het. 22 En nou het n paar vroue uit ons kring ons ook nog ontstel. Hulle was vanmôre vroeg by die graf 23 en kon sy liggaam nie kry nie. Hulle het kom vertel dat hulle n verskyning gesien het van engele wat gesê het Hy lewe. 24 Sommige van ons mense het ook na die graf toe gegaan en dit net so gekry soos die vroue gesê het, maar Hom het hulle nie gesien nie. 25 Toe sê Hy vir hulle: Wat n gebrek aan begrip en wat n traagheid van gees! Glo julle dan nie al die dinge wat die profete gesê het nie? 26 Moes die Christus nie hierdie dinge ly om in sy heerlikheid in te gaan nie? 27 Daarna het Hy by Moses en al die profete begin en al die Skrifuitsprake wat op Hom betrekking het, vir hulle uitgelê. 28 Toe hulle by die dorpie aankom waarheen hulle op pad was, het Hy gemaak of Hy verder wou gaan. 29 Hulle het egter by Hom aangedring en gesê: Bly by ons, want dit is amper aand en die dag is al verby. Toe het Hy ingegaan om by hulle oor te bly. 30 Terwyl Hy saam met hulle aan tafel was, neem Hy die brood, vra die seën, breek dit en gee dit vir hulle. 31 Toe gaan hulle oë oop, en hulle het Hom herken, maar Hy het uit hulle gesig verdwyn. 32 Hulle sê toe vir mekaar: Het ons hart nie warm geword toe Hy op die pad met ons gepraat en vir ons die Skrif uitgelê het nie? 33 Hulle het dadelik opgestaan en na Jerusalem toe teruggegaan. Daar kry hulle die elf en die ander mense bymekaar, 34 en dié sê: Die Here het regtig opgestaan en Hy het aan Simon verskyn! 35 Toe vertel hulle wat op die pad gebeur het, en hoe Hy aan hulle bekend geword het toe Hy die brood gebreek het. NOTAS VAN DIE EREDIENS: bl. 10 WEEK 1 WEEK 1 bl. 11

7 PERSOONLIKE STILTETYD Lees elke dag die teksgedeelte en maak n paar aantekeninge oor wat jy in die gedeelte hoor: Dag 1 Dag 2 PERSOONLIKE GEBED VAN NADENKE VIR ELKE DAG Dag 3 Dag 5 Dag 4 Dag 6 (Vir hierdie oefening elke dag kan dit betekenisvol wees om n boekie te hê waarin jy jou gedagtes kan neerskryf.) Neem n paar oomblikke om stil te word in die Here se teenwoordigheid. Dink na oor jou dag se gebeure. Laat die dag soos n film voor jou afspeel Waar het jy vandag iets gesien/beleef van die teenwoordigheid van die lewende Here? In watter gebeure het jy vandag gesukkel om die teenwoordigheid van God as die lewende Here te sien? Praat met die Here oor jou ervarings van die dag. Rus vir n oomblik sonder woorde in die Here se teenwoordigheid. Skryf nou n paar gedagtes neer oor jou gebedservaring. bl. 12 WEEK 1 WEEK 1 bl. 13

8 KLEINGROEPBYEENKOMS Kleingroepe word aangemoedig om tydens die Sewe-Weke-proses rondom n tafel te sit en iets saam te eet. Vir hierdie kleingroepbyeenkoms nooi ons julle uit om n lekker vars brood met kaas en konfyt voor te sit wat die groep saam kan geniet tydens die byeenkoms. Iemand in die groep kan n vars brood bak of net n lekker varsgebakte brood gaan koop. Ons ontmoet mekaar Laat die groeplede hulleself aan mekaar voorstel. Laat elkeen vir hom/haar n sny brood smeer en sit sommer so aan tafel en begin saam gesels. Wat in Sondag se erediens het jou veral geraak? Wat het dit vir jou bevestig of wat het jy nuut gehoor? Indien jy jou laaste maaltyd se spyskaart sou beplan met jou gunstelinggeregte, wat sal dit wees? Kies n voorgereg, hoofgereg, nagereg en drinkgoed wat by die ete pas. Laat elkeen hulle verbeelding gebruik en gee geleentheid om julle spyskaarte met mekaar te deel. In die inleiding van sy boekie Food for Thought lees ons dat Martin Versfeld skryf: Nothing is more indicative of what you are than your food and table customs. Daar is met ander woorde min dinge wat so baie verklap van wie mense werklik is as die kos wat hulle eet en die wyse waarop hulle dit doen. Kyk hoe mense eet en jy weet wie hulle is, skryf Cas Wepener. Kos en eetgewoontes is n kernaspek van mense se identiteit. Net so kan ons veel leer van God deur te gaan kyk na Jesus se eetgewoontes. Bespreek hierdie stellings in die groep. Lees ook die volgende interessante verkorte en vertaalde aanhaling uit die pas verskene boek From Tablet to Table van Leonard Sweet ( n Amerikaanse teoloog): An untabled faith is an unstable faith. A neglect of the table in our churches is echoed in our families and our communities. Hy staaf dan hierdie stelling met verwysing na ander skrywers: In sy boek Cooked toon Michael Pollan aan dat maaltye wat nie tuis gemaak en geniet word nie, omtrent altyd minder gesond, en hoër in sout-, vet- en kalorieinhoud, is. Ten spyte hiervan eet Amerikaners een uit elke vyf maaltye in hul motors, en eet een uit elke vier Amerikaners elke dag ten minste een kitskos-ete. Vandag duur die gemiddelde Amerikaanse aandete minder as twaalf minute (teenoor 90 minute sestig jaar gelede), dis nou te sê wanneer die gesin wel saam eet, wat in die meerderheid Amerikaanse huishoudings beperk is tot een ete in minder as vyf dae per week, en dan meestal voor die televisie. Geen wonder dat die gemiddelde ouer slegs 38,5 minute per week in n betekenisvolle gesprek met sy/haar kinders deurbring nie! Die verlies aan tafeltyd in Amerika word weerspieël in bevindings in die sosiale wetenskappe wat die negatiewe fisiese en sielkundige uitwerking van hierdie verlies kwantifiseer. So rapporteer Cody C. Delistraty in die boek The Atlantic dat die enkele belangrikste ontbrekende faktor in al die volgende instansies is wat hy noem frequent family dinners : vir ouers wat gesonde, intelligente, innemende kinders wil grootmaak, vir woordeskatontwikkeling by baie jong kinders, vir die toekomstige akademiese sukses van jong kinders, om vetsug by kinders te voorkom, om eetversteurings onder tienermeisies te voorkom en om die voorkoms van depressiewe gedrag by tieners teen te werk. As jy kinders wil hê met minder gedragsprobleme, meer emosionele welstand, meer behulpsaam in hul gedrag teenoor ander en met meer behae in die lewe, is n belangrike sleutel volgens Delistraty om meer dikwels as gesin tuis saam te eet. Bespreek in die groep hierdie stellings in die boek van Sweet. Ons ontmoet God Steek n kers aan op die tafel as simbool van die Here se teenwoordigheid. Iemand kan n gebed doen. Lees Lukas 24: Gee geleentheid dat elkeen ook op hulle eie die gedeelte weer rustig deurlees. Ons deel met mekaar Sê vir mekaar wat elkeen in die teksgedeelte hoor. Dink na oor wat dit was wat die Emmausgangers verhinder het om Jesus te herken as die opgestane Here. Wat het hulle gehelp om Hom te sien en te herken? Wat is dit wat dikwels in ons lewens maak dat ons nie die Here sien en herken nie? Elke persoon mag dit verskillend beleef. Dink aan ervarings of verhale waar God oënskynlik afwesig was en die Here dan op n onverwagse manier sigbaar geword het. Vertel vir mekaar jul ervarings. Ons bid saam Sluit af deur die Onse Vader-gebed hardop saam te bid. bl. 14 WEEK 1 WEEK 1 bl. 15

9 NOTAS: WEEK 2 14 FEBRUARIE - 20 FEBRUARIE bl. 16 WEEK 1

10 Ons lees dié week Lukas 7: Een van die Fariseërs het Hom genooi om by hom te kom eet. Hy het toe in die huis van die Fariseër ingegaan en aan tafel plek ingeneem. 37 n Sekere vrou in die dorp, wat n sondige lewe gelei het, het gehoor dat Hy in die Fariseër se huis aan tafel was. Sy bring toe n albaste flessie met reukolie 38 en gaan staan agter Jesus by sy voete en huil, sodat haar trane op sy voete begin drup het. Daarna het sy sy voete met haar hare afgedroog, hulle gesoen en met die reukolie gesalf. 39 Toe die Fariseër wat Hom genooi het, dit sien, sê hy by homself: Hy, as hy n profeet was, sou tog geweet het wie en watter soort vrou dit is wat aan hom raak, dat sy n sondares is. 40 Maar Jesus spreek hom aan en sê: Simon, Ek het iets om vir jou te sê. Meneer, sê dit maar! antwoord hy. 41 Jesus sê toe: Twee mense was in die skuld by n geldskieter. Die een het vyf honderd rand geskuld en die ander een vyftig. 42 Omdat hulle niks gehad het om mee te betaal nie, het hy die skuld vir albei kwytgeskeld. Wie van hulle sal hom die meeste liefde bewys? 43 Simon antwoord: Ek veronderstel dié een vir wie hy die meeste kwytgeskeld het. Jou antwoord is heeltemal reg, sê Jesus, 44 en Hy draai na die vrou toe om en sê verder vir Simon: Sien jy hierdie vrou? Ek het in jou huis gekom en jy, water vir my voete het jy My nie gegee nie, maar sy, met haar trane het sy my voete natgemaak en met haar hare het sy dit afgedroog. 45 n Soen het jy My nie gegee nie, maar sy het vandat sy hier ingekom het, nie opgehou om my voete te soen nie. 46 My kop het jy nie eens met olie gesalf nie; sy het my voete met reukolie gesalf. 47 Ek sê vir jou, omdat haar sondes wat baie is, vergewe is, daarom bewys sy baie liefde. Maar hy vir wie min vergewe is, bewys min liefde. 48 En Jesus sê vir haar: Jou sondes is vergewe. 49 Toe begin dié wat saam aan tafel was, onder mekaar sê: Wie is hierdie man dat hy selfs sondes vergewe? 50 Maar Jesus sê vir die vrou: Jou geloof het jou gered. Gaan in vrede. SONDAG SE EREDIENS NOTAS VAN DIE EREDIENS: NOTAS: bl. 18 WEEK 2 WEEK 2 bl. 19

11 PERSOONLIKE STILTETYD Lees elke dag die teksgedeelte en maak n paar aantekeninge oor wat jy in die gedeelte hoor: Dag 1 Dag 2 PERSOONLIKE GEBED VAN NADENKE VIR ELKE DAG Dag 3 Dag 5 Dag 4 Dag 6 Neem n paar oomblikke om stil te word in die Here se teenwoordigheid. Dink na oor jou dag se gebeure. Laat die dag soos n film voor jou afspeel Waar het jy vandag iets gesien/beleef van die teenwoordigheid van die lewende Here? In watter gebeure het jy vandag gesukkel om die teenwoordigheid van God as die lewende Here te sien? Praat met die Here oor jou ervarings van die dag. Rus vir n oomblik sonder woorde in die Here se teenwoordigheid. Skryf nou n paar gedagtes neer oor jou gebedservaring. bl. 20 WEEK 2 WEEK 2 bl. 21

12 KLEINGROEPBYEENKOMS Kleingroepe word aangemoedig om tydens die Sewe-Weke-proses saam rondom n tafel te sit en iets saam te eet. Vir hierdie kleingroepbyeenkoms nooi ons julle uit om n lekker groot bak springmielies te skiet en te eet terwyl julle oor die gedeeltes saam gesels. Ons ontmoet mekaar Dek die tafel met drie simbole: n roos, n blomknop, een of ander doringrige struik uit die tuin. Gee dan vir elkeen om die tafel kans om sy of haar belewing van die week met die groep te deel. -- Roos: Wat was die afgelope week vir jou mooi? Iets wat jy gesien of gelees het, of sommer net n ervaring wat vir jou mooi was. -- Doring: Wat was die afgelope week vir jou sleg? Iets waaroor jy teleurgesteld, hartseer, magteloos voel iets wat jou omgekrap het. -- Knop: Waar het jy dié week potensiaal gesien, of tekens van hoop wat inspireer? Wat van Sondag se erediens het vir jou uitgestaan? Wat is vir jou bevestig of wat het jy nuut gehoor? Luister na mekaar se stories van die interessantste mense saam met wie jy al om n tafel geëet het en sê hoekom dit vir jou spesiaal was. Wat was jou grootste verleentheid wat jy al om n etenstafel beleef het? Deel dit met jou tafelgenote. Watter tafelmaniere was belangrik in die huis waarin jy grootgeword het? Luister na mekaar se stories. Ons ontmoet God Steek n kers aan as simbool van die Here se teenwoordigheid. Laat iemand n tafelgebed doen. Dalk wil julle saam die kamplied Vir spys en drank sing. Lees Lukas 7: Gee geleentheid dat elkeen weer op hulle eie die gedeelte rustig deurlees. Ons deel met mekaar Sê vir mekaar wat elkeen in die teksgedeelte hoor. Leonard Sweet praat van die Foodie Bible wanneer hy oor die Bybel praat in sy boek From Tablet to Table. Iemand het hom glo op n dag uitgedaag en gesê hy moet die hele Bybel in ses sinne opsom: drie vir die Ou Testament en drie vir die Nuwe Testament. Hy begin toe met die Ou Testament: They tried to kill us. We survived. Let s eat! Toe gee hy sy weergawe van die Nuwe Testament: I love you! I forgive you! Let s eat! Volgens Sweet het Jean Leclerc die beste definisie van die Evangelie, Jesus ate good food with bad people, gehad. Dit herinner aan n beskrywing van Jesus wat die wêreld deur versprei het: n vraat en n wynsuiper, n vriend van tollenaars en sondaars... (Luk 5:34; Mat 11:19). Jesus se eetgewoontes en -ervarings het n leefstyl geword waarom Hy n styl van dissipelskap ontwikkel het. Mens wonder soms hoe jy daaroor moet dink as jy sien wie saam met Hom aan tafel was en wat by die partytjies gebeur het waar Hy en sy dissipels opgedaag het. In Johannes se vertelling van die Bruilof in Kana vertel hy dat die wyn opgeraak het toe Jesus en sy dissipels daar opgedaag het... Dit is duidelik dat Jesus se leefstyl, waarvan n groot deel om tafels gebeur het, fyn dopgehou moet word. Sy tafelgenote, hulle saam met wie Hy eet, wat saam met Hom om die tafel is, wil ons iets sê oor God. In die bostaande gedeelte maak Leonard Sweet die opmerking dat die Ou en Nuwe Testament opgesom kan word in drie sinne elk. Elkeen se laaste sin is: Kom ons eet. Watter ruimtes het n etenstafel geskep dat dit so hoog geskat word in die Bybelse tyd? In ons teksgedeelte is dit n vrou met n reputasie wat haar verskyning maak aan die tafel. Jesus het geweet hoe die sosiale strukture van die dag werk. Vir Fariseërs, mense wat die wette en sosiale reëls van die dag streng nagevolg het, sou dit erg ongemaklik gewees het om saam met so n vrou aan die tafel te sit. Dit kon selfs implikasies vir hulle reinheid ingehou het. Jesus laat haar begaan. Watter ongemak maak hierdie vreemde tafelgenoot in jou wakker? Ons het nie meer reinheidsrituele wat ons vandag volg nie, maar ons klassifiseer steeds mense volgens waar hulle bly, wat hulle ry en wat hulle kry. Wanneer Jesus ewe gemaklik saam met Simon die Fariseër as met die sondige vrou om die tafel kan sit, wat wil Jesus ons leer oor ons houding teenoor mense? En wat sê dit vir ons oor die gemeenskap waarin ons leef wat mense takseer op waar hulle bly, wat hulle ry en wat hulle kry? In daardie dae was daar baie gasvryheidsgebruike. Dit was onder andere gebruik om te sorg dat wanneer iemand by jou kom eet, sy voete gewas word, dat die gas n soen van verwelkoming kry en ook gesalf word. Opmerklik dat Simon die Fariseër wat veronderstel was om die voorbeeld van rituele reinheid te wees, niks hiervan doen nie. Die sondige vrou wat ongenooid haar verskyning maak, kom beskaam Simon deur Jesus se voete met haar trane te was, dit met haar hare af te droog, sy voete onophoudelik te soen en dit met duur olie te salf. Wat hoor jy in die gebeure? bl. 22 WEEK 2 WEEK 2 bl. 23

13 KLEINGROEPBYEENKOMS (vervolg) Jesus eet saam met Simon, die gerespekteerde Fariseër, die kerkman. Hy is ewe gemaklik met die vrou wat n reputasie in die dorp gehad het. Wat hoor jy in dié gedeelte oor God se hart? Dink saam oor mense wat alleen of uitgeskuif mag voel, en besluit as groep by watter een so n persoon julle dalk betrokke wil raak. Ons bid saam Jesus, U tafelgenote kom leer ons dat God nie onderskeid maak nie, nie oordeel nie en met liefde en deernis na alle mense kyk. Dankie dat U ook vir my verwelkom aan U tafel. Verruim ook ons harte vir die mense om ons. WEEK 3 21 FEBRUARIE - 27 FEBRUARIE Amen NOTAS: bl. 24 WEEK 2

14 Ons lees dié week Lukas 14:1-14 SONDAG SE EREDIENS 1 Op n sabbatdag toe Jesus na die huis van n vooraanstaande Fariseër toe gegaan het om daar te eet, het hulle Hom fyn dopgehou. 2 Reg voor Hom was daar n man wat aan water gely het. 3 Jesus praat toe met die wetgeleerdes en Fariseërs en vra: Mag n mens iemand op die sabbatdag gesond maak of nie? 4 Maar hulle het stilgebly. Toe trek Jesus die sieke nader, maak hom gesond en laat hom gaan. 5 Daarna sê Hy vir hulle: Sê nou n seun of n bees van een van julle val in n put, sal hy hom nie dadelik uithaal nie, al is dit op n sabbatdag? 6 Hulle kon daar niks op antwoord nie. 7 Toe Jesus merk hoe hulle die voorste plekke aan tafel uitsoek, vertel Hy aan die genooides die volgende gelykenis: 8 As iemand jou na n bruilof toe uitnooi, moet jy nie sommer op die voorste plek gaan sit nie. Dit kan net wees dat die gasheer iemand uitgenooi het wat belangriker is as jy. 9 Dan sal hy wat julle albei uitgenooi het, na jou toe kom en sê: Gee bietjie die plek af vir hierdie man. Jy sal dan tot jou skande die agterste plek moet gaan inneem. 10 Maar as jy uitgenooi is, gaan sit liewer op die agterste plek. Wanneer die gasheer kom, sal hy vir jou kan sê: Vriend, kom sit hier voor. Dan sal jy in die agting van al die gaste styg. 11 Elkeen wat hoogmoedig is, sal verneder word, en elkeen wat nederig is, sal verhoog word. 12 Hy het ook vir die gasheer gesê: As jy in die middag of in die aand n maaltyd gee, moet dan nie jou vriende of broers of familie of ryk bure uitnooi sodat hulle jou waarskynlik ook weer uitnooi en jou op dié manier vergoed nie. 13 Nee, as jy n feesmaal gee, nooi dan armes, kreupeles, verlamdes en blindes. 14 Jy kan jou gelukkig ag dat hulle niks het om jou mee te vergoed nie, want God sal jou vergoed by die opstanding van dié wat reg gedoen het. NOTAS VAN DIE EREDIENS: NOTAS: bl. 26 WEEK 3 WEEK 3 bl. 27

15 PERSOONLIKE STILTETYD Lees elke dag die teksgedeelte en maak n paar aantekeninge oor wat jy in die gedeelte hoor: Dag 1 Dag 2 PERSOONLIKE GEBED VAN NADENKE VIR ELKE DAG Dag 3 Dag 5 Dag 4 Dag 6 Neem n paar oomblikke om stil te word in die Here se teenwoordigheid. Dink na oor jou dag se gebeure. Laat die dag soos n film voor jou afspeel Waar het jy vandag iets gesien/beleef van die teenwoordigheid van die lewende Here? In watter gebeure het jy vandag gesukkel om die teenwoordigheid van God as die lewende Here te sien? Praat met die Here oor jou ervarings van die dag. Rus vir n oomblik sonder woorde in die Here se teenwoordigheid. Skryf nou n paar gedagtes neer oor jou gebedservaring. bl. 28 WEEK 3 WEEK 3 bl. 29

16 KLEINGROEPBYEENKOMS Kleingroepe word aangemoedig om tydens die Sewe-Weke-proses saam rondom n tafel te sit en iets saam te eet. Kry n lekker groot pak beskuit en/of koekies en geniet dit saam met koffie en tee. Ons ontmoet mekaar Wat van Sondag se erediens het vir jou uitgestaan, wat is bevestig en wat het jy nuut gehoor? Bespreek onder mekaar. Dink julle ons sal vers prakties kan uitleef? Jy moet natuurlik n rede vir jou antwoord gee. Waartoe daag die teksgedeelte ons dié week uit? Ons bid saam Sluit af deur die Onse Vader-gebed hardop saam te bid. Ons ontmoet God Steek n kers aan as simbool van die Here se teenwoordigheid. Laat iemand n gebed doen. Lees Lukas 14:1-14. Gee geleentheid dat elkeen ook op hulle eie die gedeelte weer rustig deurlees. Ons deel met mekaar Sê vir mekaar wat elkeen in die teksgedeelte hoor. Iemand het gesê: Christene moet gasvryheid kies in n vyandige wêreld. Hoe dink julle sal so n soort gasvryheid lyk? Dink saam wie die vreemdelinge is in jou konteks en in ons gemeenskap teenoor wie jy en ons saam meer gasvry kan leef. Een van die maniere om gasvryheid te betoon, is om saam met mense aan die tafel te sit van wie mens verskil wat betref bepaalde gebruike, opinies en oortuigings. Mens kan wesenlik van mekaar verskil en tog saam wees. Ons hoef nie almal dieselfde te dink en te doen om tafelgemeenskap te deel nie. Ons beleef dit immers in ons gesinne en families. Gesels in die groep saam oor hierdie uitdaging binne die kerk vandag. NOTAS: Dink saam na oor die verband tussen gasvryheid en nederigheid. Hoe sien julle dit? Vertel mekaar van n geleentheid toe jy met gasvryheid oorlaai is en hoe dit gevoel het. bl. 30 WEEK 3 WEEK 3 bl. 31

17 NOTAS: WEEK 4 28 FEBRUARIE - 5 MAART bl. 32 WEEK 3

18 Ons lees dié week Lukas 14:15-24 SONDAG SE EREDIENS 15 Een van dié wat saam aan tafel was, het dit gehoor en vir Hom gesê: Gelukkig is die man wat aan die maaltyd in die koninkryk van God kan deelneem. 16 Toe sê Jesus vir hom: Daar was n man wat n groot maaltyd gegee en baie mense uitgenooi het. 17 Toe die maaltyd gereed was, stuur hy sy slaaf om vir die genooides te sê: Kom, die maaltyd staan klaar. 18 Maar hulle begin almal, die een na die ander, verskoning maak. Die eerste sê vir hom: Ek het n stuk grond gekoop en dit is noodsaaklik dat ek uitgaan om daarna te kyk. Ek vra u, verskoon my asseblief. 19 n Ander een sê: Ek het vyf paar osse gekoop en gaan hulle probeer. Ek vra u verskoon my asseblief. 20 Nog n ander een sê: Ek is pas getroud, daarom kan ek nie kom nie. 21 Die slaaf kom toe terug en vertel dit alles aan sy eienaar. Toe word die man kwaad en sê vir sy slaaf: Gaan uit na die strate en gangetjies van die stad en bring die armes en kreupeles en blindes en verlamdes hierheen. 22 Later kom die slaaf sê: Meneer, u opdrag is uitgevoer, en daar is nog plek. 23 Toe sê die man vir die slaaf: Gaan uit na die paaie en lanings en dring by hulle daarop aan om in te kom, sodat my huis vol kan word. 24 Dit verseker ek julle: Nie een van die mense wat genooi is, sal sy mond aan my kos sit nie. NOTAS VAN DIE EREDIENS: NOTAS: bl. 34 WEEK 4 WEEK 4 bl. 35

19 PERSOONLIKE STILTETYD Lees elke dag die teksgedeelte en maak n paar aantekeninge oor wat jy in die gedeelte hoor: Dag 1 Dag 2 PERSOONLIKE GEBED VAN NADENKE VIR ELKE DAG Dag 3 Dag 5 Dag 4 Dag 6 Neem n paar oomblikke om stil te word in die Here se teenwoordigheid. Dink na oor jou dag se gebeure. Laat die dag soos n film voor jou afspeel Waar het jy vandag iets gesien/beleef van die teenwoordigheid van die lewende Here? In watter gebeure het jy vandag gesukkel om die teenwoordigheid van God as die lewende Here te sien? Praat met die Here oor jou ervarings van die dag. Rus vir n oomblik sonder woorde in die Here se teenwoordigheid. Skryf nou n paar gedagtes neer oor jou gebedservaring. bl. 36 WEEK 4 WEEK 4 bl. 37

20 KLEINGROEPBYEENKOMS Kleingroepe word aangemoedig om tydens die Sewe-Weke-proses rondom n tafel te sit en iets saam te eet. Vind uit waar julle dié week die beste pizza vir die goedkoopste prys kan kry. Ons ontmoet mekaar Wat uit die erediens het jou bygebly, wat wat jy reeds geweet het, is bevestig en wat het jy nuut gehoor? Watter vreemde verskonings het jy al uitgedink, of gehoor, oor hoekom jy of ander nie n funksie, ete of vergadering kan bywoon nie? Dink mense verskonings uit in plaas van net te sê: Ek wil nie kom nie? Ons ontmoet God Steek n kers aan as simbool van die Here se teenwoordigheid. Laat iemand n tafelgebed doen. Thomas Merton het in n stadium genoem dat armoede die deur is na vryheid. Met hierdie armoede is veel meer bedoel as materiële armoede, maar die diep besef van my algemene armoede voor en afhanklikheid van God. Bespreek die gedagte in die groep. Kan ons as groep dalk help om toebroodjies vir die kinderprogramme van Straatlig te smeer (skakel Ruben Scheepers by ) of deur n ander omgee-poging betrokke raak by mense met wie ons normaalweg nie sosialiseer nie? Ons bid saam Laat persone in pare van twee na mekaar draai en saam bid vir mekaar se behoeftes. Lees Lukas 14: Gee geleentheid dat elkeen ook op hulle eie die gedeelte weer rustig deurlees. Ons deel met mekaar Sê vir mekaar wat elkeen in die teksgedeelte hoor. Onthou dat Jesus hier met mede-jode saam aan tafel sit. Wat is die waarskuwing wat Hy deur hierdie gelykenis aan hulle rig? NOTAS: Ten diepste is die probleem van die genooides dat hulle met dringende dinge besig bly en die belangrike nalaat. So loop hulle Jesus se feesmaal mis. Watter diepste behoeftes sukkel ons om in ons self raak te sien en hoe hou ons ons dan met dringende dinge besig? Wat is die dinge in ons lewens wat maak dat ons sukkel om te reageer op God se liefde, genade en uitnodiging? Hoe help hierdie gelykenis ons om te leer by die randfigure in ons samelewing en wie is hulle? Is dit moontlik dat die partytjie van die armes en kreupeles lekkerder kon gewees het as wat dit sou gewees het indien die oorspronklike gaste gedwing kon word om te kom? Dink saam na oor die verskil tussen die genooide gaste aan die een kant en die ander wat later genooi word. Wat is die verskil tussen hulle? Wat maak dat die tweede groep meer positief op die uitnodiging reageer as die oorspronklike genooides? bl. 38 WEEK 4 WEEK 4 bl. 39

21 NOTAS: WEEK 5 6 MAART - 12 MAART bl. 40 WEEK 4

22 Ons lees dié week Lukas 22: Die dag van die ongesuurde brood, waarop die paaslam geslag moes word, het aangebreek. 8 Jesus stuur toe vir Petrus en Johannes vooruit met die opdrag: Gaan berei die paasmaaltyd vir ons voor dat ons dit kan eet. 9 Hulle vra Hom: Waar wil U hê moet ons dit voorberei? 10 Toe antwoord Hy hulle: Kyk, net soos julle die stad ingaan, sal n man wat n kruik water dra, julle ontmoet. Gaan saam met hom tot in die huis waar hy ingaan, 11 en sê vir die eienaar van die huis: Ons Leermeester vra u: Waar is die kamer waar Ek met my dissipels die paasmaaltyd kan eet? 12 En hy sal julle n groot bovertrek wys wat klaar daarvoor ingerig is. Daar moet julle dit voorberei. 13 Hulle het gegaan en dit gekry net soos Jesus vir hulle gesê het, en die paasmaaltyd voorberei. 14 Toe dit tyd was, het Jesus aan tafel gegaan en die apostels saam met Hom. 15 Hy sê toe vir hulle: Ek het baie daarna uitgesien om hierdie paasmaaltyd saam met julle te eet voordat Ek ly. 16 Ek sê vir julle: Ek sal dit nie weer eet voordat dit in die koninkryk van God sy volle betekenis gekry het nie. 17 Daarna neem Hy n beker, spreek die dankgebed uit en sê: Neem dit en gee dit vir mekaar aan. 18 Ek sê vir julle: Ek sal van nou af nie weer wyn drink voordat die koninkryk van God gekom het nie. 19 Toe neem Hy brood, spreek die dankgebed uit, breek dit en gee dit vir hulle met die woorde: Dit is my liggaam wat vir julle gegee word. Gebruik dit tot my gedagtenis. 20 Met die beker na die maaltyd het Hy net so gemaak en gesê: Hierdie beker is die nuwe verbond, beseël deur my bloed, wat vir julle vergiet word. 21 Maar kyk, die hand van die man wat My verraai, is saam met Myne hier op die tafel. 22 Met die Seun van die mens sal dit gaan soos dit voorbeskik is, maar wee die man deur wie Hy verraai word! 23 Toe begin hulle mekaar uitvra wie van hulle dit kon wees wat so iets sou doen. SONDAG SE EREDIENS NOTAS VAN DIE EREDIENS: NOTAS: bl. 42 WEEK 5 WEEK 5 bl. 43

23 PERSOONLIKE STILTETYD Lees elke dag die teksgedeelte en maak n paar aantekeninge oor wat jy in die gedeelte hoor: Dag 1 Dag 2 PERSOONLIKE GEBED VAN NADENKE VIR ELKE DAG Dag 3 Dag 5 Dag 4 Dag 6 Neem n paar oomblikke om stil te word in die Here se teenwoordigheid. Dink na oor jou dag se gebeure. Laat die dag soos n film voor jou afspeel Waar het jy vandag iets gesien/beleef van die teenwoordigheid van die lewende Here? In watter gebeure het jy vandag gesukkel om die teenwoordigheid van God as die lewende Here te sien? Praat met die Here oor jou ervarings van die dag. Rus vir n oomblik sonder woorde in die Here se teenwoordigheid. Skryf nou n paar gedagtes neer oor jou gebedservaring. bl. 44 WEEK 5 WEEK 5 bl. 45

24 KLEINGROEPBYEENKOMS Loaves of bread are the face of God. Lazarillo de Tormes (1554) Kleingroepe word aangemoedig om tydens die Sewe-Weke-proses saam rondom n tafel te sit en iets saam te eet. Hierdie week moedig ons julle aan om n vereenvoudigde pasgamaal saam te eet. Die volgende items word benodig: Ongesuurde brood (of sommer net n platterige brood) Bitter kruie (ui of peperwortel) in n bakkie Vrugtepuree (meng gekookte appel met n bietjie kaneel) Lamsvleis (maak gaar volgens eie keuse) Rooiwyn of druiwesap Besluit self oor die hoeveelheid van elke item en die metode van bediening daar moet net genoeg wees sodat almal kan deelneem aan die pasgamaal. Die lamsvleis-gereg kan dien as hoofgereg. Die dek van die tafel kan ook baie kreatief gedoen word. Ons ontmoet mekaar (terwyl ons aansit aan die tafel) Wat uit die erediens het jou bygebly? Laat elkeen daarop uitbrei. Ons ontmoet God Steek n kers aan as simbool van die Here se teenwoordigheid. Iemand kan n tafelgebed doen. Eet nou die items van die pasgamaal (onthou-ete) saam. Dit hoef nie noodwendig in volgorde soos hieronder gebruik te word nie. Probeer om soveel as moontlik van jou sintuie in te span vir die ervaring. Sê spontaan watter gedagtes/emosies elke item by jou oproep: Ongesuurde brood herinner aan die haas waarmee die Israeliete Egipte verlaat het die brood het nie nog tyd gehad om te rys nie! Bitter kruie herinner aan die bitter slawerny in Egipte. Vrugtepuree simboliseer die klei waarmee die Israeliete as dwangarbeiders in Egipte bouwerk moes doen. Die pasgalam herinner aan God se genade. Rooiwyn/druiwesap simboliseer die bloed van die paaslam wat aan die deurkosyne gesmeer is. Lees Lukas 22:7-23. Gee geleentheid dat elkeen ook op hulle eie die gedeelte weer rustig deurlees. Ons deel met mekaar Sê vir mekaar wat elkeen in die teksgedeelte hoor. Luister na n uittreksel uit Cas Wepener se boek Aan tafel met Jesus: Onthou elke keer wanneer julle so saameet, dat Ek self die Lam van hierdie paasmaal is. Ek is die Lam wie se bloed aan die kosyne van jou lewe gesmeer is, sodat die verdoemenis van die ewige dood jou nie sal besoek nie (soos die Engels dit stel: You shall be passed over ). En onthou tweedens ook dat Ek gaan om vir julle die bruilofsmaaltyd van die Lam in die Koninkryk van God te gaan voorberei. Wat uit hierdie aanhaling raak jou veral? Ons onthou in twee rigtings wanneer ons so saam eet en drink: Ons onthou agteruit ons dink aan die kruis en ons onthou vorentoe ons dink aan die maaltyd in die koninkryk wat kom Vertel van n keer toe hierdie soort onthou jou gevul het met n vars uitkyk op die lewe. Die tafel is n simbool van die stukkende wêreld waarin ons leef: Jesus se verraaier was saam met Hom aan tafel! Dit is baiekeer die mense naaste aan ons wat ons die seerste maak. Maar die tafel is ook die simbool van hoop, van vergifnis en versoening. Gesels saam in die groep oor n verhaal of ervaring waar n ontmoeting om n tafel nuwe hoop gebring het, of stukkende verhoudings help herstel het. In sy boek From Tablet to Table skryf Leonard Sweet: Aan tafel het Jesus van gedagtes oor die lewe en die liefde oorgegaan na die werklikheid van lewe en liefhê. Hy het mense na die tafel genooi; trouens, Jesus se mees geliefde beeld vir die koninkryk van God is n banket waar almal om n tafel aansit. Nie almal het na hierdie maaltye gekom nie. Nie almal het sy uitnodiging aanvaar nie. Party het sy uitnodiging bespot. Party het saamgespan om hom dood te maak, op grond van andere wat hy genooi het. Maar of jy nou sy uitnodiging aanvaar of van die hand wys, n fees sal daar wees (Mattheus 22). Dis nie dat jy moet kom nie, maar Jesus hou vir jou n plek ingeval jy van plan verander. Sê vir mekaar wat hierdie woorde van Sweet vir jou beteken. bl. 46 WEEK 5 WEEK 5 bl. 47

25 Waarheen stuur die Here jou? Of vir wie moet jy hierdie komende week nooi na jou/julle tafel? Ons bid saam (laat iemand hierdie gebed voorlees) Here, as ek honger het, gee my iemand om te voed. As ek dors is, gee my iemand om my water mee te deel. As ek hartseer is, gee my iemand wie se droefheid ek kan verlig. As ek belas is, lê my medemens se laste op my. Here, as ek n behoefte het aan omgee, gee my iemand wat na liefde smag. Laat U wil my brood wees, U genade my krag, U liefde my rusplek. (trad Franse gebed) WEEK 6 13 MAART - 19 MAART NOTAS: bl. 48 WEEK 5

26 Ons lees dié week Handelinge 10:1-11:18 1 In Sesarea was daar n man met die naam Kornelius, n kaptein in die sogenaamde Italiaanse regiment. 2 Hy was godsdienstig en godvresend, hy en sy hele huisgesin. Hy het baie gedoen om die armes onder die Joodse volk te help en het gereeld tot God gebid. 3 Een middag teen drie-uur het hy in n gesig duidelik n engel van God na hom toe sien kom wat na hom roep: Kornelius! 4 Kornelius het hom verskrik aangekyk en gevra: Wat is dit, Meneer? Die engel sê toe vir hom: God het gelet op jou gebede en op wat jy vir die armes doen, en Hy het aan jou gedink. 5 Stuur nou dadelik mense na Joppe toe en laat daar n sekere Simon haal wat ook Petrus genoem word. 6 Hy is tuis by n ander Simon, n leerlooier, wat by die see woon. 7 Nadat die engel wat met hom gepraat het, weggegaan het, het Kornelius twee van sy huisbediendes en een van sy lyfwagte, n godsdienstige soldaat, geroep. 8 Hy het hulle alles vertel en hulle na Joppe toe gestuur. 9 Die volgende dag teen twaalfuur die middag, toe hulle op hulle reis al naby die dorp was, het Petrus opgegaan na die dakstoep van die huis om te bid. 10 Hy het later honger geword en hy wou iets hê om te eet. Terwyl die mense die ete klaargemaak het, het hy in geesvervoering geraak. 11 Hy het die hemel oop gesien en iets soos n groot doek wat aan sy vier punte neergelaat word, sien afkom grond toe. 12 Daarin was van al die viervoetige en die kruipende diere van die aarde en van al die wilde voëls. 13 Hy hoor toe n stem vir hom sê: Kom, Petrus, slag en eet. 14 Maar Petrus sê: Nooit nie, Here! Ek het nog nooit iets geëet wat onheilig of onrein is nie. 15 Hy hoor die stem toe weer, die tweede keer, vir hom sê: Wat God rein verklaar het, mag jy nie onrein ag nie. 16 Dit het drie keer gebeur, en daarna is die doek weer in die hemel opgetrek. 17 Terwyl Petrus nog wonder oor die betekenis van die gesig wat hy gesien het, kom die mans wat deur Kornelius gestuur is, by die voordeur aan. Hulle was op soek na die huis van Simon 18 en doen toe navraag of Simon wat ook Petrus genoem word, daar tuis is. 19 Terwyl Petrus nog nadink oor die gesig, sê die Gees vir hom: Daar is drie mans wat jou soek. 20 Kom, gaan ondertoe en moenie aarsel om saam met hulle te gaan nie, want Ek het hulle gestuur. 21 Petrus het ondertoe gegaan en vir die mans gesê: Hier is ek. Dis vir my wat julle soek. Waarom is julle hier? 22 Hulle antwoord: Kaptein Kornelius, n opregte en godvresende man vir wie die hele Joodse volk hoë agting het, het n openbaring deur n heilige engel gekry dat hy u na sy huis toe moet laat haal om te hoor wat u te sê het. 23 Petrus nooi hulle toe in en gee vir hulle huisvesting. Die volgende dag het hy en n paar van die gelowiges in Joppe saam met hulle gegaan 24 en n dag later in Sesarea aangekom. Kornelius het hulle al verwag en het sy familie en huisvriende reeds bymekaar geroep. 25 Toe Petrus daar kom, het Kornelius hom tegemoet gegaan en eerbiedig voor hom gekniel. 26 Maar Petrus het hom laat opstaan en gesê: Staan op! Ek is self ook maar net n mens. 27 Terwyl Petrus met Kornelius praat, gaan hy die huis binne, waar hy baie mense bymekaar aantref, 28 en hy sê vir hulle: Julle weet dat n Jood nie met iemand van n ander volk mag omgaan of by hom in die huis mag kom nie, maar God het vir my gewys dat ek geen mens as onheilig of onrein mag beskou nie. 29 Daarom het ek sonder om teë te stribbel, gekom toe julle my laat haal het. Sê nou vir my waarom julle my laat haal het. 30 Kornelius antwoord: Vier dae gelede so teen drie-uur die middag was ek in my huis besig om te bid. Toe staan daar skielik n man met blink klere voor my, 31 en hy sê: Kornelius, God het jou gebed verhoor en gelet op wat jy vir die armes doen. 32 Stuur iemand na Joppe toe en laat vir Simon, wat ook Petrus genoem word, daar haal. Hy is tuis by n ander Simon, n leerlooier, wat by die see woon. 33 Ek het dadelik mense na u toe gestuur, en u was so goed om te kom. Ons is nou almal hier in die teenwoordigheid van God om te hoor wat die Here alles aan u opgedra het. 34 Toe het Petrus aan die woord gekom en gesê: Waarlik, ek begryp nou eers dat God nie onderskeid maak nie, 35 maar in enige volk die mense aanneem wat Hom vereer en doen wat reg is. 36 Julle weet dat God aan Israel sy woord gestuur het, naamlik die evangelie van vrede wat Jesus Christus gebring het. Hierdie Jesus is Here van almal. 37 Julle weet ook van die gebeurtenisse dwarsdeur die hele Joodse land. Dit het in Galilea begin ná die doop wat Johannes verkondig het. 38 Julle weet van Jesus van Nasaret, dat God Hom met die Heilige Gees gesalf en met krag toegerus het. Hy het rondgegaan, oral goeie werke gedoen en almal gesond gemaak wat in die mag van die duiwel was, want God was by Hom. 39 En ons is getuies van alles wat Hy in die Joodse land en in Jerusalem gedoen het. Hulle het Hom doodgemaak deur Hom aan die kruis te hang. 40 Maar God het Hom op die derde dag uit die dood opgewek en Hom laat verskyn, 41 nie aan die hele volk nie, maar net aan ons vir wie God reeds gekies het om getuies daarvan te wees, ons wat ná sy opstanding uit die dood saam met Hom geëet en gedrink het. 42 Hy het ons opdrag gegee om aan die volk te verkondig en te bevestig dat dit Hy is wat deur God aangestel is as Regter oor lewendes en dooies. 43 Van Hom getuig al die profete dat elkeen wat in Hom glo, vergewing van sondes deur sy Naam ontvang. bl. 50 WEEK 6 WEEK 6 bl. 51

27 44 Terwyl Petrus nog praat, het die Heilige Gees op almal gekom wat na die woord geluister het. 45 Toe die Joodse gelowiges wat saam met Petrus gekom het, hoor hoe die mense ongewone tale of klanke gebruik en God prys, 46 was hulle baie verbaas dat die Heilige Gees as gawe uitgestort is ook op mense wat nie Jode is nie. En Petrus sê: 47 Hierdie mense het net soos ons die Heilige Gees ontvang. Wat kan dan verhinder dat hulle nou met water gedoop word? 48 Toe het hy beveel dat hulle in die Naam van Jesus Christus gedoop moet word. Daarna het hulle hom gevra om n paar dae by hulle te bly. Handelinge 11 1 Die apostels en die ander gelowiges in Judea het gehoor dat mense wat nie Jode is nie, ook die woord van God aangeneem het. 2 Toe Petrus dan in Jerusalem kom, het die Joodse gelowiges hom verwyt: 3 Jy het mense besoek wat nie besny is nie en het selfs saam met hulle geëet. 4 Petrus het toe vir hulle alles mooi uiteengesit: 5 Ek was in Joppe besig om te bid toe ek in geesvervoering n gesig gesien het, het hy gesê. Ek het iets soos n groot doek wat aan sy vier punte neergelaat word, uit die hemel sien afkom, en dit het tot by my gekom. 6 Toe ek goed daarna kyk, sien ek daarin viervoetige diere van die aarde, wilde en kruipende diere, en wilde voëls. 7 Ek het toe n stem gehoor wat vir my sê: Kom, Petrus, slag en eet. 8 Maar ek het geantwoord: Nooit nie, Here! Ek het nog nooit my mond aan iets gesit wat onrein of onheilig is nie. 9 n Tweede keer het ek die stem uit die hemel gehoor: Wat God rein verklaar het, mag jy nie onrein ag nie. 10 Dit het drie keer gebeur, en daarna is alles weer in die hemel opgetrek. 11 Terselfdertyd het daar drie mans wat van Sesarea af na my toe gestuur is, by die huis aangekom waar ons tuis was. 12 Die Gees het vir my gesê dat ek nie moet aarsel om saam met hulle te gaan nie. Ek en hierdie ses broers is toe saam met hulle, en ons het in Kornelius se huis ingegaan. 13 Hy het vir ons vertel hoe hy die engel in sy huis sien staan het, wat vir hom gesê het: Stuur iemand na Joppe toe en laat vir Simon daar haal wat ook Petrus genoem word. 14 Hy het n boodskap vir jou waardeur jy gered sal word, jy en jou hele huisgesin. 15 Skaars het ek begin praat, of die Heilige Gees kom op hulle net soos op ons in die begin. 16 Toe dink ek aan die woorde wat die Here gesê het: Johannes het wel met water gedoop, maar julle sal met die Heilige Gees gedoop word. 17 Hulle het net soos ons in die Here Jesus Christus geglo, en God het aan hulle ook dieselfde gawe as aan ons gegee. Wie was ek dan om God te probeer verhinder? 18 Toe die gelowiges dit hoor, was hulle tevrede. Hulle het God geprys en gesê: God het selfs mense wat nie Jode is nie, tot inkeer gebring om aan hulle die lewe te gee. SONDAG SE EREDIENS NOTAS VAN DIE EREDIENS: bl. 52 WEEK 6 WEEK 6 bl. 53

28 PERSOONLIKE STILTETYD Lees elke dag die teksgedeelte en maak n paar aantekeninge oor wat jy in die gedeelte hoor: Dag 1 Dag 2 PERSOONLIKE GEBED VAN NADENKE VIR ELKE DAG Dag 3 Dag 5 Dag 4 Dag 6 Neem n paar oomblikke om stil te word in die Here se teenwoordigheid. Dink na oor jou dag se gebeure. Laat die dag soos n film voor jou afspeel Waar het jy vandag iets gesien/beleef van die teenwoordigheid van die lewende Here? In watter gebeure het jy vandag gesukkel om die teenwoordigheid van God as die lewende Here te sien? Praat met die Here oor jou ervarings van die dag. Rus vir n oomblik sonder woorde in die Here se teenwoordigheid. Skryf nou n paar gedagtes neer oor jou gebedservaring. bl. 54 WEEK 6 WEEK 6 bl. 55

29 KLEINGROEPBYEENKOMS Kleingroepe word aangemoedig om tydens die Sewe-Weke-proses saam rondom n tafel te sit en iets saam te eet. Laat elke persoon in die groep iets vreemds na die tafel bring om te eet (dalk van ander kulture) wat ons nie gewoonlik eet nie. Wees kreatief hiermee. Ons ontmoet mekaar (terwyl ons saam eet) Sit twee of drie vreemde geregte voor wat groeplede gebring het, geregte wat ons nie gewoonlik kies om te eet nie. Proe saam daaraan. Waarvan hou julle en waarvan nie? Wat uit die erediens het jou bygebly, wat was vir jou nuut en wat is herbevestig? Het julle al ooit saam met mense van ander gelowe, ander kulture, ens geëet? Laat groeplede hulle ervaringe deel van vreemdheid en andersheid. In n artikel oor die antropologie van kos getiteld Deciphering a meal wys die Britse antropoloog Mary Douglas daarop dat die hegtheid van vriendskappe bykans direk ooreenstem met die soort kos wat tussen mense (vriende) gedeel word. Dink na oor wie jy vir watter soort ete of verversings by jou huis oornooi. Byvoorbeeld: drankies vir vreemdelinge, kennisse of kollegas, etes vir die familie, naby vriende en geëerde gaste, met n hele rits drumpels van intimiteit tussen-in wat gesimboliseer kan word deur die tipe kos wat bedien word. Volgens Douglas is die hegtheid van die vriendskap direk vergelykbaar met die fisiese digtheid van die kos wat bedien word! Dit is duidelik uit haar studie: vriendskap en kos loop hand aan hand. Gesels bietjie hieroor: stem julle eie ervaring saam met Douglas se bevinding? Wat maak dit vir mense so moeilik om los te breek uit geykte gewoontes, soos saam met wie mens eet en saam met wie nie? Bespreek in die groep. Ons ontmoet God Steek n kers aan as simbool van die Here se teenwoordigheid. Iemand kan n tafelgebed doen. Ons deel met mekaar Sê vir mekaar wat elkeen in die teksgedeelte hoor. Handelinge handel oor die vooroordeel tussen mense en die mure wat hulle as gevolg daarvan voortdurend tussen hulleself en ander oprig. Dink saam in die groep na oor die vooroordele waarmee ons daagliks leef en die invloed daarvan op ons. Watter rol speel gevestigde gewoontes: kan die feit dat ons baie gevestigde maniere van doen het, maak dat mens vooroordele opbou teenoor mense wat dinge anders doen of verkies? Meer as net oor vooroordeel, gaan hierdie teksgedeelte oor die afbreek van daardie vooroordeel, en oor hoe God self dit bewerkstellig. Wat leer ons daaroor in dié verband? Laat die groep hulle gedagtes hieroor met mekaar deel. Hoe kan die gedeelte in Handelinge ons prakties help met die afbreek van vooroordele? Waartoe nooi die teksgedeelte ons uit? Waartoe daag dit ons uit? Ons bid saam Gee geleentheid vir spontane kort gebede aan die einde van die byeenkoms. Bid dat die Here vir ons die moed sal gee om te begin leef verby ou gewoontes en vooroordele. NOTAS: Lees Handelinge 10:1-11:18. Gee geleentheid dat elkeen ook op hulle eie die gedeelte weer rustig deurlees. bl. 56 WEEK 6 WEEK 6 bl. 57

30 Geluk is n liefdevolle sorgsame familie in n ander stad. George Burns NOTAS: WEEK 7 20 MAART - 26 MAART bl. 58 WEEK 6

31 Ons lees dié week Handelinge 2:41-47 SONDAG SE EREDIENS 41 Dié wat sy woorde aangeneem het, is gedoop, en omtrent drie duisend mense is op daardie dag by die getal van die gelowiges gevoeg. 42 Hulle het hulle heelhartig toegelê op die leer van die apostels en die onderlinge verbondenheid, die gemeenskaplike maaltyd en die gebede. 43 Die apostels het baie wonders en tekens gedoen, en dit het almal met diep ontsag vervul. 44 Al die gelowiges was eensgesind en het alles met mekaar gedeel. 45 Hulle het hulle grond en besittings verkoop en die geld aan almal uitgedeel volgens elkeen se behoefte. 46 Hulle het almal elke dag getrou by die tempel bymekaargekom, van huis tot huis die gemeenskaplike maaltyd gehou, hulle kos met blydskap en in alle eenvoud geëet, 47 en God geprys. Die hele volk was hulle goedgesind. En die Here het elke dag mense wat gered word, by die gemeente gevoeg. NOTAS VAN DIE EREDIENS: NOTAS: bl. 60 WEEK 7 WEEK 7 bl. 61

32 PERSOONLIKE STILTETYD Lees elke dag die teksgedeelte en maak n paar aantekeninge oor wat jy in die gedeelte hoor: Dag 1 Dag 2 PERSOONLIKE GEBED VAN NADENKE VIR ELKE DAG Dag 3 Dag 5 Dag 4 Dag 6 Neem n paar oomblikke om stil te word in die Here se teenwoordigheid. Dink na oor jou dag se gebeure. Laat die dag soos n film voor jou afspeel Waar het jy vandag iets gesien/beleef van die teenwoordigheid van die lewende Here? In watter gebeure het jy vandag gesukkel om die teenwoordigheid van God as die lewende Here te sien? Praat met die Here oor jou ervarings van die dag. Rus vir n oomblik sonder woorde in die Here se teenwoordigheid. Skryf nou n paar gedagtes neer oor jou gebedservaring. bl. 62 WEEK 7 WEEK 7 bl. 63

33 KLEINGROEPBYEENKOMS Kleingroepe word aangemoedig om tydens die Sewe-Weke-proses rondom n tafel te sit en saam te eet. Dit is ons laaste byeenkoms van die sewe weke aan tafel saam met Jesus. Daarom vat ons dit vanaand n bietjie stadiger. Ons doen so n bietjie ekstra moeite om dit wat met ons in die afgelope sewe weke gebeur het, te vier. Kry wors en vars broodrolletjies en kuier die aand om n vuur. Julle kan dalk selfs n ander groep nooi om die aand saam met julle wors te braai. Ons ontmoet mekaar Laat iemand n tafelgebed doen en sit aan vir die ete. Vertel vir mekaar wat die afgelope sewe weke vir jou beteken het. Gee aan elkeen kans om met behulp van die drie simbole ( n roos, n knop en n doringrige struik) uit te wei oor wat in die afgelope sewe weke se gesprekke besonder goed was, wat moeilik of ontwrigtend was, en wat die potensiaal het om jou/julle ten goede te verander. Dink bietjie na oor die aanhaling aan die begin van dié seksie en die moontlike ironie van die laaste deel daarvan. Hoekom word gesê in n ander stad? Gesels met mekaar oor al die verskille tussen kitskos en vanaand se worsbraai. Bespreek onder mekaar hoe ons meer bewustelik kan leef in n haastige samelewing. Ons ontmoet God Steek n kers aan as simbool van die Here se teenwoordigheid. Lees Handelinge 2: Gee geleentheid dat elkeen op hulle eie die gedeelte weer rustig deurlees. Ons deel met mekaar Ons teksgedeelte is die begin van n nuwe beweging wat ons vandag kerk noem. Die Heilige Gees is op Pinksterdag uitgestort en ons lees in Hand 2:41 dat mense daardie dag by die getal gelowiges gevoeg is. Dit is dan ook een van die tekens van die vroeë kerk: hoe die getalle met rasse skrede gegroei het. Dit word verder beklemtoon in Hand 2:47 waar ons lees die Here het elke dag mense wat gered word by die Gemeente gevoeg. Nadat die Heilige Gees uitgestort is, noem Hand 2:42 vier dinge op waarop die gelowiges hulle heelhartig toegelê het: die leer van die apostels oor God die onderlinge verbondenheid die gemeenskaplike maaltyd gebed Twee van hierdie aspekte het direk te make gehad met die verdieping in hulle verhouding tot God (naamlik wat hulle oor God geleer het, en gebed), die ander met hul verhouding tot mekaar (hulle omgee en sorg het sy hoogtepunt bereik deur saam om n tafel te sit en eet). Hierdie saam eet was eintlik die Nagmaal wat Jesus kort voor sy dood ingestel het. Ongelukkig het hierdie gemeenskapsfees waarvan die formulier praat, verword tot n somber geleentheid waar dit soms lyk of daar min gemeenskap en viering beleef word. Gesels met mekaar oor wat julle in die teks hoor oor hierdie daaglikse saam eet om n tafel en die onderlinge gesindheid. Waartoe wil dit ons vandag aanspoor? Kan dit wees dat die manier hoe daardie eerste gelowiges onderling met mekaar verkeer het om die tafel, mense só geïnspireer het dat daar daagliks mense na hulle gestroom het om aan te sluit, om ook deel te word? Mense se gesindheid, hulle entoesiasme en omgee vir mekaar, was meer deurslaggewend as die preek van die kansel af. Praat met mekaar oor die gesindheid wat mense openbaar aan die tafel en hoe dit ander inspireer. Hoe verkeer julle met mekaar aan tafel en watter boodskap gee julle deur deur hoe julle saam eet? Waaraan moet ons werk om meer van hierdie gesindheid te openbaar? Lees en bespreek die onderstaande uittreksel uit die Kaapse filosoof Martin Versfeld se boek Food for thought (vry vertaal): Nou, wat tyd betref. Kosmaak is n fyn kuns en nie n straf om so gou moontlik agter die rug te kry nie. Dit behoort n aangename, uitgerekte verloop te hê. Daar is geleenthede soos by omelette wanneer spoed, nooit haas nie, n voorvereiste is, maar oor die bl. 64 WEEK 7 WEEK 7 bl. 65

34 algemeen is goeie kookkuns langsame kookkuns. Kosmaak word ondermyn deur die wyd verspreide geloof dat tyd geld is. Tyd is net so min geld as wat artisjokke engele is. Dié geloof is rampspoedig, metafisies sowel as sosiaal gesproke. As jy nie tyd vir kosmaak het nie, is jy inderdaad arm. Die arm man wat nie gedurig na die volgende afspraak aan die hardloop is nie, eet dikwels die beste. Om jou prioriteite reg te kry, bedink Chesterton se stelling: The most precious, the most consoling, the most pure and holy, the noble habit of doing nothing at all. En ook Vader Lacouture s n: The only way to have more time, is to sow time. Met ander woorde, gooi tyd weg, net soos mens koring in die grond gooi om meer koring te kan oes (dis n aanhaling deur Dorothy Day in From a monastery kitchen). NOTAS: So kry jy jou fundamentele ingesteldheid reg. Jy kook n eier nog steeds net drie minute om n saggekookte eier te kry, maar hoekom dit in haas kook as jy dit kan kook in die konteks van die ewigheid, of dit in 250 ml water kook in plaas van in die See van Syn? Wanneer ons kos maak en saam eet, moet ons nie haastig wees nie. Dit lyk of die tafel ons juis stadiger wil laat loop, ons vir n oomblik tot stilstand wil bring in ons gejaagde lewe, en mekaar wil laat raaksien. Sê vir mekaar wat julle hoor in die aanhalings oor tyd van Chesterton en Vader Lacouture. Dink saam oor die gebed van die Australiese spotprenttekenaar en digter, Michael Leunig: God lead us to the slow path; the joyous insights of the pilgrim; another way of knowing: another way of being. Maak hierdie julle groep se gebed waarin julle die Here vra om stadiger, meer bewustelik, te leef. Klee dié versugting in in julle eie woorde. Ons bid saam Gee geleentheid vir een-sin-gebede, waarin elkeen kans kry om dankie te sê vir die afgelope sewe weke se tafelgesprekke. bl. 66 WEEK 7 WEEK 7 bl. 67

35 BRONNE GERAADPLEEG BY DIE SAMESTELLING VAN DIE HANDLEIDING NOTAS: Bybel, 1983-vertaling Cussons, S. Die swart kombuis. Tafelberg 1978 Sweet, L. From tablet to table. Tyndale House 2015 Pollan, M. Cooked a natural history of transformation. Penguin 2014 Versfeld, M. Food for thought a philosopher s cookbook. Tafelberg 1983 Wepener, C. Aan tafel met Jesus. Bybelkor 2010 Die kopiereg van hierdie handleiding berus by die NG Kerk Stellenbosch Moedergemeente. Gemeentes wat graag hiervan gebruik wil maak, is welkom om ons te kontak by of kantoor@moederkerk.co.za. bl. 68 WEEK 7 bl. 69

36 GROEPSLEDE Naam + Van E-posadres Telefoon bl. 70