10. God gebruik gewone mense soos Moses, Gideon en Timoteus ~ Johan Smith 11. Dissipels dien, dissipels doen! ~ Stephan Joubert 12.

Transcription

1 INHOUDSOPGAWE 1. Lesse oor dissipelskap: n Ware verhaal... 7 ~ Johan Smith 2. Dissipelskap is nie ~ Stephan Joubert 3. Jesus roep; ek antwoord ~ Stephan Joubert 4. Van dag een af n dissipel ~ Stephan Joubert 5. Leefreëls vir dissipels ~ Stephan Joubert 6. Warmhartige en barmhartige dissipels vir n brandarm, yskoue wêreld mense soos Barnabas ~ Johan Smith 7. Eerste treë, n nuwe lewensuitkyk en doelgerig: Paulus se voorbeeld ~ Johan Smith 8. Om Jesus te volg, is nie goedkoop nie. Daarom, volhard: Leer by Paulus ~ Johan Smith 9. n Dissipel droom Goddelike drome, vergewe altyd en hou vas aan God: Leer by Josef ~ Johan Smith

2 10. God gebruik gewone mense soos Moses, Gideon en Timoteus ~ Johan Smith 11. Dissipels dien, dissipels doen! ~ Stephan Joubert 12. Dissipels leef daagliks met feesklere ~ Stephan Joubert

3 Studie een LESSE OOR DISSIPELSKAP: N WARE VERHAAL Die afgelope Desembervakansie terwyl ek (JS) heerlik uitrus, het ek soos altyd ook my batterye herlaai deur n klomp inspi rerende boeke te lees. Een ding wat vir my baie belangrik is in my lewe is om nooit te stagneer nie, maar om aan te hou ontwikkel, om aan te hou investeer in my eie geestelike groei om sodoende ander te kan leer en om self meer effektief te kan wees in wat ek daagliks doen. Dis n baie belangrike deel van die lewe vir my. Ek wil nooit n leerbare gees verloor nie. Een van die mees inspirerende boeke wat ek nog ooit in my lewe gelees het, het in dié tyd oor my pad gekom, naamlik An Invisible Thread geskryf deur Laura Scroff en Alex Tresniowski. Die boek was ook vir baie lank n New York Times bestseller. Dis die ware verhaal van n jong, suksesvolle New Yorkse sakevrou, Laura, wie se pad gekruis het met n erg verwaarloosde New Yorkse straatkind. Sy was op die kruin van haar lewe en n baie groot sukses in die bemarkingswêreld in die gejaagde stad New York, terwyl die elfjarige kind honger en siek op straat gestaan en bedel het. Die kind se toestand op sesjarige ouder dom word in die boek as volg beskryf: 7

4 OM JESUS TE VOLG The boy is stuck in something like hell. He is six years old and covered in small red bites from chinches bedbugs and he is woefully skinny and malnourished. He is so hungry his stomach hurts, but then being hungry is nothing new to him. When he was two years old pangs got so bad he rooted through the trash and ate rat droppings and had to have his stomach pumped. Ja, hierdie is ekstreem baie ekstreme en slegte omstandighede waarin die kind geleef het. Tog leef ek en jy in n land waar elke mens van watter kultuur- of ouderdomsgroep ook al gewel dige nood ervaar. Buiten fisiese honger of fisiese armoede is daar geweldige emosionele en geestelike armoede en nood onder by verre die meerderheid mense in ons land. Ek en jy kry elke dag met sulke mense te doen. Ons werk en leef elke dag saam met sulke mense. Sulke mense kruis jou pad elke dag. Elke mens het n eie storie. Elke mens ervaar die gevolge van die sondeval op een of ander manier. Ons het net almal goed geleer om met maskers deur die lewe te gaan en die meeste van die tyd ons nood, van watter aard ook al, goed weg te steek. Ja, die meeste mense vandag dra maskers en gaan, so lyk dit op die oppervlak, ongestoord deur die lewe. Dink n bietjie na of gesels in jou studiegroep oor die fisiese, emosionele en geestelike nood onder die mense in julle omgewing mense wat elke dag oor jou pad kom. Skryf jou indrukke hier neer. 8

5 LESSE OOR DISSIPELSKAP: N WARE VERHAAL Die jong kind in die verhaal se naam is Maurice en soos jy uit die enkele paragraaf kan agterkom, kom hy uit haglike omstandighede. Hier is n ietsie wat jou sal help om sy ouerhuis beter te verstaan: Morris and Darcella were both too explosive, too much like each other. The language his parents understood best was a discourse of violent action, not words. Morris, in particular, was a heavy drug user and an alcoholic, and coke, dope and Wild Irish Rose easily triggered his rages. When he came home at all, it was to rail at his family with both curses and fists. Dis n paar sinne wat vir jou alles sê van hierdie jong seun se ouers en gesin. Die gemors met dissipelskap is vandag dat baie mense nie verstaan charity begins at home nie. Die voorbeeld wat ouers as gelowiges vir hul kinders stel, vorm grootliks n kind se verstaan van God as Vader en beïnvloed die geestelike pad wat n kind gaan kies op groot skaal. Ons kan nie oor dissipelskap praat as ons nie verstaan dat dit in die huwelik en gesin begin nie. Dink na of gesels as groep oor wat as gevare in gesinne van dag tel gevare wat daartoe kan bydra dat n kind Jesus nie gaan volg nie. Skryf dit hieronder neer. 9

6 OM JESUS TE VOLG Laura het die dag toe Maurice as 11-jarige bedelaar-straatkind oor haar pad kom in die besige New York gestop en vir hom kos gaan koop, saam met hom gesit en gaan eet en hom geneem om videospeletjies te speel. Dit was die eerste van letterlik tientalle kuiers en geleenthede oor baie jare wat hulle mekaar ontmoet het en saam gekuier en geëet het. Die verhouding gaan vandag nog voort. Maurice is n getroude man en het sy eie gesin terwyl Laura al n vrou verby haar middeljare is. Lees Lukas 10: Hoe resoneer dit met Laura se voorbeeld met Maurice, die straatkind? As jy deel is van n stu diegroep, gesels oor ons verantwoordelikheid vandag teenoor mense wat ons paaie kruis aan die hand van dié Skrifgedeelte. Maurice was baie skepties oor Laura se uitreik na hom toe. In sy lewe was hy gewoond dat mense hom gebruik. In elke verhouding waarin hy gestaan het, is hy gebruik of misbruik. Hy het nie iets soos opregte en onvoorwaardelike liefde geken nie. Hy het dus met n geweldige hoë vlak van wantroue teenoor mense geleef. Dit is op groot skaal vandag ook die geval in ons samelewing. Mense voel hulle word gebruik. Daar is altyd een of ander agenda hoekom iemand vir iemand anders iets doen. 10

7 LESSE OOR DISSIPELSKAP: N WARE VERHAAL Min daarvan is onvoorwaardelik. Mense leef met agendas. Nadat Laura vir Maurice verduidelik het dat sy graag sy vriend wil wees en dat hulle mekaar moet kan vertrou, was dít sy reaksie: Maurice looked at me with his big round eyes and said nothing. He seemed confused, even startled. Hierdie gedeelte, waar sy hierdie belangrike beginsel van vriend skap, liefde en vertroue met hom deel, doen sy in haar woonstel. Ja, sy maak die deur van haar huis oop vir hierdie arm, desperate straatkind. Die deur van haar hart, die deur van haar lewe en die deur van haar huis staan oop vir iemand in nood. Dink weer terug aan die gedeelte in Lukas 10. Wat was die Samaritaan se motief toe hy met sy geld, opoffering en tyd uitgereik het na die beseerde man? Dít is dissipelskap: om verhoudings te bou met verlore mense mense in nood. Dit is om onvoorwaardelik in verhouding te tree met mense wat Jesus nie ken nie en doelgerig n pad met hulle te stap sodat hulle die liefde van Jesus kan ontdek en kan leer ken. Gelowiges maak baie keer die fout om te dink dat dissipelskap slegs beteken dat hulle geestelik konfronterend met mense moet omgaan in baie gevalle sonder n verhouding. Die 11

8 OM JESUS TE VOLG post-moderne mens van vandag is egter baie skepties, vra baie vrae en gee nie sommer enige iemand inspraak in sy lewe nie. Gelowiges moet leer dat dit werklik opoffering vra om n verhouding met iemand te bou sodat jy geestelike inspraak in die persoon se lewe kan kry, sodat jou voorbeeld op die persoon se lewe kan afvryf. Hier kan ons weer n baie belangrike les by Laura leer. Een aand in haar woonstel het sy agtergekom dat Maurice nog nooit in sy lewe met n mes en vurk geëet het nie. Sy het as volg gereageer: I slowed down my movements so he could see. Once again, I didn t say anything I didn t give him a lesson. I simply let him learn by watching. He d learned all the tricks of the drug trade by watching his mother and uncles; he was an expert on surviving on the streets because he d seen it done. But he d never seen anyone set a table or properly use a fork and knife. Die woorde wat hier soos n refrein deur my sny, is watch en seen. Dit is hoe mense die beste leer. Dit vra egter dat jy in verhouding met iemand sal tree. Dit vra dat jy soveel tyd met iemand sal deurbring dat hulle jou sal kan dophou, dat hulle sal kan sien en sodoende by jou leer. Kyk weer na die woorde van die Groot Opdrag in Matteus 28: Watter indruk laat hierdie woorde by jou: en leer hulle om alles te onderhou wat Ek julle beveel het. 12

9 LESSE OOR DISSIPELSKAP: N WARE VERHAAL Kom ons kyk na Jesus se voorbeeld in Lukas 19:5 as Hy onder die boom tussen n skare mense by Saggeus gaan stilstaan en opkyk: Toe Jesus by die plek kom, kyk Hy op en sê vir hom: Saggeus, kom gou af, want Ek moet vandag in jou huis tuis gaan. Wat bedoel Jesus in hierdie konteks met tuis gaan? Hoekom tuis gaan en nie net vinnig gesels nie? Lees ook Lukas 19:8-9. Wat is die gevolg van die tuis gaan? Doen die lewe saam met mense. Gegewe die Skrifgedeeltes tot dusver en die verhaal van Laura en Maurice, wat beteken dit vir my en jou vandag? Hier volg n lysie van n klomp van die eerstes wat Maurice by Laura gesien, ervaar en geleer het: Sy was die eerste persoon in sy hele lewe wat hy ontmoet het wat n vaste werk gehad het. 13

10 OM JESUS TE VOLG By haar het hy vir die eerste keer in sy lewe by n tafel in n huis geëet. By haar het hy vir die eerste keer in sy lewe met n mes en vurk geëet. Sy het hom geleer om n tafel te dek. Sy was die eerste persoon in sy lewe wat hom na n bofbalwedstryd toe geneem het. Sy het hom geleer hoe om sy neus te blaas. Sy het vir hom seep, n tandeborsel en n handdoek gekoop. Sy het hom geleer hoe om n horlosie te kan lees en het sy eerste horlosie vir hom as geskenk gegee. Hy sien by haar vir die eerste keer in sy lewe dat n koek volgens n resep gebak word. Vir die eerste keer in sy lewe kom hy buite die grense van New York. Sy leer hom wat dit beteken om geld te spaar. Daar is nog vele voorbeelde wat ek kan aanhaal uit die boek. Hier die gryp n mens aan die hart. Ek herhaal: Hierdie is ekstreem. Dit is die voorbeeld van n baie arm, gehawende straatkind. Tog moet ons nie die beginsels van dissipelskap wat ons hieruit kan leer, mis nie. Dink aan geestelike beginsels wat jy al baie gehoor het, ken en leef. Dink aan dit wat jy weet van wie Jesus is, die kruis, die opstanding, die hemelvaart. Wat kan n ongelowige by jou leer in woord en in daad? 14

11 LESSE OOR DISSIPELSKAP: N WARE VERHAAL Gelowiges is altyd so geneig om te dink dat net ingeoefende, professionele leraars en teoloë genoeg weet van die Bybel om dit met mense te deel. Fout! Die Groot Opdrag is vir elke ge lowige bedoel. Dit gaan ook nie oor preek nie, maar getuig met en sonder woorde. Daar is n groot verskil tussen preek en getuig. Wat is die verskil tussen preek en getuig? Paulus skryf n baie reguit en eerlike boodskap vir die gemeente in Kolosse. Hy weet dat Christene baie keer gou-gou vergeet hoe om op te tree teenoor ongelowiges. Hy weet dat dit baie makliker is vir Christene om ongelowiges op n afstand te hou en selfs te veroordeel. Hy weet dat gelowiges baie maklik n kliek kan vorm wat mekaar net warm broei. Hy weet dat gelowiges ook soms baie gerieflik raak en hul werklike roeping vergeet. Daarom gee hy baie spesifieke leiding aan die gemeente van gelowiges oor hoe om teenoor ongelowiges op te tree sodat daar geen misverstand kan wees nie. Lees Kolossense 4:5-6. Wat sê dié gedeelte oor dissipelskap? 15

12 OM JESUS TE VOLG The Message gebruik twee baie belangrike woorde wat die konteks van die Skrifgedeelte aan die gemeente in Kolosse verder verduidelik, naamlik outsiders en conversation. Die buite die gemeente word dus vertaal met outsiders die ongelowiges wat die evangelie nog nie gehoor of aanvaar het nie. Die woord conversation plaas die klem op die verhoudingsgedeelte van dissipelskap. Daar kan nie gesprek sonder n verhouding gebeur nie. Gelowiges het dus die baie groot verantwoordelikheid om doelgerig verhoudings met ongelowiges te bou (soos Jesus met Saggeus). Demonstreer en hê gesprekke oor die lewe. Uiteindelik is Jesus die weg, waarheid en lewe. Leef Hom en getuig oor Hom, en jou lewe sal nuwe sin en betekenis kry so ook die lewe van die mense saam met wie jy n verhoudingspad, n dissipelskappad stap. 16