Handleiding vir Klein Groep Leiers

Transcription

1 1 Handleiding vir Klein Groep Leiers Melkbosstrand Gemeente Inhoudsopgawe Inleiding...2 Les 1: Klein groepe is...4 Les 2: Om 'n klein groep te lei. Christelike leierskap...12 Les 3: Ons is hier, wat maak ons nou? Praktiese sake...18 Bylae: Die klein groep sisteem in Melkbosstrand gemeente...27

2 2 Inleiding Jesus se laaste opdrag aan sy vriende was om dissipels te maak. Mat 28: 18 Jesus kom toe nader en sê vir hulle: Aan My is alle mag gegee in die hemel en op die aarde. 19 Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en 20 leer hulle om alles te onderhou wat Ek julle beveel het. En onthou: Ek is by julle al die dae tot die voleinding van die wêreld. Navorsing wys dat gemeentes wat geestelik gesond is slegs een fokus het: Om dissipels te maak van Jesus, die Gekruisigde. Die vier beste praktyke van sulke dissipelmakende gemeentes is: 1. Kry die mense aan die beweeg. Moenie toelaat dat mense in die kerkbanke versteen nie. Maak hulle betrokke! 2. Deurdrenk ALLES met die Bybel! Gereelde kontak met die Bybel is die grootste enkele katalisator vir geestelike groei. 3. Skep eienaarskap: Ek is die Kerk. Ons was te lank vasgevang in 'n kultuur van mense wat voel die kerk moet hulle bedien. Mense wat verwag die leraar moet hulle besoek. Mense wat glo die kerk lewer 'n diens waarvoor hulle betaal. Die waarheid is dat ons die kerk is, Die vraag is dus nie, wat het die kerk vir my gedoen nie? maar wat doen ek, as die Kerk, vir die ander lede van Jesus se Liggaam? 4. Geestelik gesonde gemeentes is betrokke in hulle gemeenskap, deur die evangelie met woord en daad te verkondig. Die 4 X 10 Belofte Ek beloof Om elke dag --10 minute lank my Bybel te lees minute lank te bid. Om elke week --my 10 kleingroep maters te sien. --vir 10 verlore mense te bid.

3 3 Klein Groep Ooreenkoms Die doel van ons groep: Om te wees. Om saam te groei in ons verhouding met Jesus, om mekaar te ondersteun en aan te spoor, en om 'n verskil na buite te maak. Ons verbind onsself tot die volgende praktiese sake: Om weekliks die eredienste by te woon. Om weekliks die klein groep byeenkomste by te woon. Om waar nodig saam met die groep by die erediens en ander geleenthede diens te lewer. Ons verbind ons self tot die volgende verhoudingsreëls vir klein groepe: Ek skinder nie. Wat hier gesê word bly hier. Wat ek sê is waar. Wie jy is en wat jy sê is vir my belangrik. Ons verbind ons self tot die volgende geestelike waardes: Ware aanbidding Getroue dissipelskap Onderlinge gemeenskap Liefdevolle dienswerk Doelbewuste evangelisasie Geteken: Datum:

4 4 Les 1: Klein groepe is 1. Wat is 'n klein groep? 2. Klein groepe is Bybels 3. Klein groepe groei Christene 4. Klein groepe groei kerke 1. Wat is 'n klein groep? Definisie: 'n Groep van 3 tot 15 persone wat weekliks buite die kerkgebou, bemagtig deur die Heilige Gees en gebed, bymekaarkom vir dissipelskap, gemeenskap en uitreik, met die doel om uiteindelik te vermeerder. 3 tot 15 persone: 'n Groep wat te groot word kan nie meer in huise vergader nie. Dit verloor ook sy persoonlike en intieme aard, en dus baie van die voordele van 'n klein groep. Weekliks: Roetine is belangrik. Min mense sal elke byeenkoms kan bywoon. As die groep bv. maandeliks bymekaarkom, en iemand mis een byeenkoms, is dit twee maande voor hy weer 'n byeenkoms bywoon. Teen daardie tyd het hy al daarvan vergeet. Navorsing wys dat weeklikse byeenkomste eenvoudig beter werk as selfs twee-weeklikse byeenkomste! Buite die kerkgebou: Jesus het gesê: Gaan dan heen, maak dissipels! Die kerk is geroep om die gemeenskap in te dring met Jesus se Lig! Die evangelie moet gaan na waar die mense is. Bemagtig deur die Heilige Gees en gebed: Alle aksies van 'n kleingroep begin in gebed en word gerig en bemagtig deur God se Gees wat in ons woon. Die drie verhoudings in 'n klein groep word verwoord in Melkbosstrand gemeente se 5 waardes. Na Bo / Dissipelskap: Om in ons verhouding met Christus te groei sodat Hy ons meer en meer kan verander om soos Hy te wees. Ware Aanbidding Toegewyde Dissipelskap Na Binne / Gemeenskap: Om Christus te wees vir ons broers en susters. Onderlinge Gemeenskap Na Buite / Uitreik: Om te wees in 'n donker wêreld.

5 5 Doelgerigte Evangelisasie Liefdevolle Dienswerk Om te vermeerder: Omdat gesonde klein groepe uitreik na die wêreld en mense gedurig in nooi, word hulle mettertyd groter tot op die punt dat hulle vermeerder. Klein groepe vervang nie die erediens nie. In gesonde kleingroepkerke word klein groep bywoning net so belangrik as erediens bywoning geag. Navorsing wys dat kleingroepbywoning mense natuurlik aanspoor om eredienste beter by te woon! Dink bietjie na: Watter klein groepe behoort jy reeds aan? Is daar vriende wat gereeld oorkom vir braaivleis en rugby op die TV? Draf of surf jy gereeld saam met dieselfde vriende? Beoefen jy 'n stokperdjie saam met ander entoesiaste? Behoort jy aan 'n groep op Facebook of ander sosiale netwerke? God het ons geskape om in verhouding met ander mense te leef, daarom vorm mense natuurlik groepe. Maar natuurlike groepe is geneig om klieks te word. Gesonde kleingroepe doen doelbewus moeite om kliekvorming te vermy. Klieks Geslote Na binne gefokus Beheer deur 'n leier. Deur die verlede gerig: Ons word saamgebind deur ons vrienskap en gesamentlike verlede Eksklusief Staties Praat Gesegmenteer Onbepland Gesonde klein groepe Oop Na buite gefokus Beheer deur die Heilige Gees Deur die toekoms gerig: Ons word saamgebind deur wat ons wil bereik in die toekoms Inklusief Vloeibaar/vermeerder Doen Geïntegreerd Doelbewus 2. Kleingroepe is Bybels Eerste kerk: 3000 lede! (En dit net op die eerste dag... Dis 'n mega-kerk!) Hand 2:43 Die apostels het baie wonders en tekens gedoen, en dit het almal met diep ontsag vervul. 44 Al die gelowiges was eensgesind en het alles met mekaar gedeel. 45 Hulle het hulle grond en besittings verkoop en die geld aan almal uitgedeel volgens elkeen se

6 6 behoefte.46 Hulle het almal elke dag getrou by die tempel bymekaargekom, van huis tot huis die gemeenskaplike maaltyd gehou, hulle kos met blydskap en in alle eenvoud geëet, 47 en God geprys. Die hele volk was hulle goedgesind. En die Here het elke dag mense wat gered word, by die gemeente gevoeg. Hand 5:42 En hulle het nie opgehou om die mense elke dag in die tempel en in hulle huise te leer en die evangelie te verkondig dat Jesus die Christus is nie. Op watter twee plekke het die gelowiges vergader? Merk op die tabel in watter omgewing gewone lidmate die volgende die maklikste sal kan doen, in 'n erediens of in kleingroepe: (Belangrik: Eredienste en klein groepe word nie teen mekaar afgespeel nie. Klein groepe is ook nie die enigste plek waar hierdie dinge kan gebeur nie!) Dien mekaar in liefde Leer en onderrig mekaar Sing Psalms, lofsange en geestelike liedere Sien na mekaar om Spoor mekaar aan tot liefde en goeie dade Hê mekaar hartlik lief Wees gasvry teenoor mekaar Preek Help die wat in sonde val reg Dra mekaar se laste Bely sondes teenoor mekaar Bid vir mekaar vir genesing Erediens Kleingroep Onseker Gal 5:13 Julle, broers, julle is tot vryheid geroep. Moet net nie julle vryheid misbruik as 'n verskoning om sonde te doen nie, maar dien mekaar in liefde. 14 Kol 3:16 Die boodskap van Christus moet in sy volle rykdom in julle bly. Leer en onderrig

7 7 mekaar met alle wysheid. Met dankbaarheid in julle harte moet julle psalms, lofgesange en ander geestelike liedere tot eer van God sing Heb 10:24 Laat ons ook na mekaar omsien deur mekaar aan te spoor tot liefde en goeie dade. 25 Ons moenie van die samekomste van die gemeente af wegbly soos party se gewoonte is nie, maar mekaar eerder aanmoedig om daarheen te gaan, en dit des te meer namate julle die oordeelsdag sien nader kom. 1 Pet 4:8 Bo alles moet julle mekaar hartlik liefhê, want die liefde bedek baie sondes. 9 Wees gasvry teenoor mekaar sonder om te kla. 10 As goeie bedienaars van die veelvoudige genade van God moet elkeen, namate hy 'n genadegawe ontvang het, die ander dien. 11 As iemand die gawe ontvang het om te preek, moet God deur hom aan die woord kom; as dit is om in die gemeente te dien, moet hy dien met die krag wat God verleen. So moet julle God in alles verheerlik deur Jesus Christus, aan wie die heerlikheid en die krag behoort tot in alle ewigheid! Amen. Gal 6:11 Broers, as iemand in die een of ander sonde val, moet julle wat julle deur die Gees laat lei, so iemand in 'n gees van sagmoedigheid reghelp. En pas op: jy kan self ook in versoeking kom. 2 Dra mekaar se laste, en gee op dié manier uitvoering aan die wet van Christus. Jak 5: 16 Bely julle sondes eerlik teenoor mekaar en bid vir mekaar, sodat julle gesond kan word. Die gebed van 'n gelowige het 'n kragtige uitwerking. 3. Kleingroepe groei Christene Die Griekse woord vir dissipel is mathetes, en beteken 'n leerling (van 'n leermeester) of 'n vakleerling (van 'n meester vakman). Definisie van dissipelskap: Om kennis op te doen oor God en Sy evangelie, om 'n persoonlike verhouding met Jesus Christus, die leermeester te ontwikkel, en om deur die werking van die Gees te verander om soos Jesus te word. Dissipelskap is om God te leer ken. Die Heidelbergese Kategismus, Vraag 21 vra: Wat is ware geloof? Antwoord: 'n Ware geloof is nie alleen 'n vasstaande kennis waardeur ek alles wat God in sy Woord aan ons geopenbaar het vir waar aanvaar nie, maar ook 'n vaste vertroue wat die Heilige Gees deur die evangelie in my hart werk, naamlik dat God

8 8 nie net aan ander nie, maar ook aan my uit loutere genade, slegs op grond van die verdienste van Christus, vergewing van sondes, ewige geregtigheid en saligheid geskenk het. Hier word van 2 tipes kennis gepraat: Feitekennis ( vasstaande kennis ) Ek weet goed OOR God en sy evangelie. Verhoudingskennis: ( Vaste vertroue ) Ek KEN God persoonlik en het sy genade in my lewe ervaar. Daarom vertrou ek Hom met my hele, totale lewe! In klein groepe word feite kennis opgedoen. Die Bybel word saam bestudeer, bespreek en oopgebreek. Maar net so belangrik, word verhoudingskennis opgedoen. Die lede gaan pas dit wat hulle in die Bybel geleer het in hulle dag tot dag lewe toe, en kom gee terugvoer en lewer getuienis oor dit wat God in hulle persoonlike lewe gedoen het en oor hulle groeiende verhouding met Hom. So leer hulle mekaar, deur hulle getuienis oor hoe hulle God se teenwoordigheid in hul lewens ervaar, om God al meer en meer intiem te ken en vertrou. Dissipelskap is om die Gees toe te laat om ons te verander om soos Jesus te word. Die gevolg is dat mense sigbaar verander. Hoe intiemer hulle verhouding met Christus raak hoe meer word hulle soos hulle Meester. Rom 8:3 Wat die wet nie by magte was om te doen nie, omdat dit weens ons sondige natuur te swak was, dit het God gedoen. Hy het met die sonde afgereken deur sy eie Seun in dieselfde gestalte as die sondige mens te stuur; so het Hy die sonde in die sondige bestaan van die mens veroordeel. 4 Nou kan ons aan die eise van die wet voldoen, óns wat ons lewe nie deur ons sondige natuur laat beheers nie, maar deur die Gees. Rom 8:29 Dié wat Hy lank tevore verkies het, het Hy ook bestem om gelykvormig te wees aan die beeld van sy Seun, sodat sy Seun baie broers kan hê van wie Hy die Eerste is. Rom 12:2 Julle moenie aan hierdie sondige wêreld gelyk word nie, maar laat God julle verander deur julle denke te vernuwe. Dan sal julle ook kan onderskei wat die wil van God is, wat vir Hom goed en aanneemlik en volmaak is. Dissipelskap is om dissipels te maak Kol 3:16 Die boodskap van Christus moet in sy volle rykdom in julle bly. Leer en onderrig mekaar met alle wysheid. 2 Tim 2:1 Jy dan, my seun, wees sterk deur die genade wat ons in Christus Jesus het. 2 Wat

9 9 jy my voor baie getuies hoor verkondig het, moet jy toevertrou aan betroubare manne wat bekwaam sal wees om dit ook aan ander te leer. Mense leer beste in verhoudings: ons ouers, onderwysers en mentors. Daar is 'n direkte verband tussen die kwaliteit van die verhouding en die oordrag van kennis. Dissipels word in gemeenskap gemaak. In klein groepe oefen ons as 'n span saam om soos Jesus te word. Ons leer deur ander na te boots. Ons leer uit ander se oorwinnngs en foute. Wie het 'n belangrike rol in jou Christelike lewe gespeel? Wie het jou beinvloed om Jesus aan te neem? Wie het jou gehelp groei? Hoe het Jesus dissipels gemaak? Noem 'n paar praktiese resultate. Hoe het die eerste kerk klein groepe gebruik? Wat is die verskille tussen 'n gesonde klein groep en 'n kliek? Bespreek die volgende stellings Dissipels word doelbewus gemaak Dissipels word in verhoudings gemaak Dissipels moet soos Christus word Dissipels maak dissipels 4. Klein groepe groei kerke! Noem 10 eienskappe van die ideale super-predikant! Bestaan al hierdie eienskappe in een persoon? Maar wat van die liggaam van Christus? As ons 300 mense by mekaar het sal ons sekerlik genoeg goeie eienskappe korporatief kan vind om een goeie predikant te kan skep! :-) Baie kerke (ook Melkbosstrand?) volg die 20/80 reël: 20% van die lidmate werk en bedien die ander 80%. Ef 4: 11 En dít is die gawes wat Hy gegee het : apostels, profete, evangeliste, en herders en leraars. 12 Sy doel daarmee was om die gelowiges toe te rus vir hulle diens en vir die opbou van die liggaam van Christus. 13 So sal ons uiteindelik almal kom tot die werklike eenheid in ons geloof en in ons kennis van die Seun van God. Dan sal ons, sy kerk, soos 'n volgroeide mens wees, so volmaak en volwasse soos Christus.

10 10 Wie is die Kop? En wie vorm die res van die lyf? Wat is die doel van die versillende gawes? Jesus gee ons nie sy gawes vir ons eie plesier nie, hy gee ons gawes om ons toe te rus vir diens en om die liggaam van Christus op te bou. 1 Kor 12:7 Aan elkeen afsonderlik word 'n werking van die Gees gegee tot voordeel van almal. 8 Aan die een word deur die Gees die gawe gegee om 'n woord van wysheid te praat, aan 'n ander 'n woord van kennis deur dieselfde Gees; 9 aan die een geloof deur dieselfde Gees, aan 'n ander genadegawes van gesondmaking deur die één Gees. 10 Aan die een gee Hy die krag om wonders te doen, aan 'n ander die gawe om te profeteer, en aan nog 'n ander die gawe om tussen die geeste te onderskei. Aan nog een gee Hy die gawe om ongewone tale of klanke te gebruik en aan 'n ander om dit uit te lê. 11 Maar al hierdie dinge is die werk van een en dieselfde Gees, wat aan elkeen afsonderlik 'n gawe uitdeel soos Hy wil. Ken jy jou persoonlike gawes en talente? Hoe kan jy jou gawes en talente gebruik om die liggaam van Christus op te bou? Waar dink jy sal die die maklikste wees om jou gawes en talente te ontdek en te gebruik tot voordeel van ander: In 'n erediens of klein groep? Waar dink jy sal dit die maklikste wees om net 'n toeskouer te wees en jou gawes en talente weg te steek: In die erediens of in 'n klein groep? Klein groepe werk! In 2002, six years after the original NCD (Natural Church Development) study, NCD compared cell churches to non-cell churches. NCD used twenty million pieces of data in this comparative study because their data bank had continued growing from the initial 4.2 million pieces of data in The 2002 comparative study revealed that cell churches not only grew faster but were far healthier in every area. (Joel Comiskey) In hierdie studie is 'n selkerk definieer as 'n kerk waarin 75% of meer van die mense wat die Sondag erediens bywoon ook in die week in 'n klein groep betrokke is. Ons doel in Melkbosstrand is om binne 5 jaar (2012 tot 2016) 75% van die mense wat die eredienste op Sondae bywoon ook aktief betrokke in klein groepe te kry!

11 11 Les 2: Om 'n klein groep te lei. Christelike leierskap 1. Kenmerke van Christelike leiers 2. Wat elke leier moet weet om gesonde interpersoonlike verhoudings in groepe te hê. 1.Kenmerke van Christelike leiers Christelike leiers weet hulle is sondaars wat Jesus se genade ontvang het en daarom toelaat dat die Gees hulle toenemend verander. 1 Tim 1:12 Teenoor Christus Jesus ons Here is ek dankbaar: Hy het my krag gegee en my betroubaar geag om my in sy diens te stel, 13 al het ek Hom voorheen belaster, vervolg en beledig. Maar God was genadig teenoor my omdat ek in my ongeloof nie geweet het wat ek doen nie.14 Ons Here het my oorlaai met sy genade en met geloof en liefde wat ons deel is in Christus Jesus. Christelike leiers is volgelinge (dissipels) van Jesus 2 Kor 11:1 Volg my voorbeeld soos ek die voorbeeld van Christus volg. Paulus sê nie hier dat hy so wonderlik is nie, maar dat ander Christus se voorbeeld moet volg soos wat hy Christus se voorbeeld volg. Timoteus 3 se kriteria Onberispelik Getrou aan sy vrou (seksueel rein) Nugter en verstandig Gasvry Bekwaam om te onderrig Nie aan drank verslaaf nie. Vredemaker Nie geldgierig nie In beheer van sy gesin: Hy leer sy kinders die Evangelie deur woord en voorbeeld. Volwasse in geloof Goeie reputasie by die ongelowiges

12 12 1 Tim 3:1 Dit is 'n waar woord: as iemand graag ouderling wil wees, begeer hy 'n voortreflike werk. 2 'n Ouderling moet onberispelik wees, getrou aan sy vrou, nugter, verstandig, beskaaf, gasvry en bekwaam om te onderrig; 3 hy moenie aan drank verslaaf of 'n rusiemaker wees nie, maar inskiklik, vredeliewend en nie geldgierig nie. 4 Hy moet sy eie huisgesin goed kan beheer en in alle opsigte op waardige wyse gesag oor sy kinders kan uitoefen. 5 Immers, as iemand nie weet om sy eie huisgesin te beheer nie, hoe kan hy dan die sorg vir die gemeente van God op hom neem? 6 Hy moet ook nie iemand wees wat maar onlangs tot geloof gekom het nie. So iemand kan verwaand word, en in die oordeel kom waarin die duiwel hom laat beland. 7 Ook by die mense buite die gemeente moet hy as 'n goeie man bekend staan, sodat daar nie praatjies oor hom ontstaan en hy in 'n strik van die duiwel val nie. Christelike leiers het 'n obsessie met die evangelie van die gekruisigde Christus 1 Kor 2:1 Wat my betref, broers, toe ek na julle toe gekom het om die geheimnisvolle waarheid van God aan julle te verkondig, het ek nie met hoë woorde of groot geleerdheid gekom nie. 2 Ek het my voorgeneem om met julle oor niks anders te praat nie as oor Jesus as die Christus, en wel oor Hom as die gekruisigde. Christelike leiers maak nooit staat op eie hulle krag of outoriteit nie, maar word bemagtig deur God se Gees 1 Kor 2:3 Bewus van my swakheid, en met groot angs en huiwering, het ek na julle toe gekom. 4 Die boodskap wat ek verkondig, het julle oortuig, nie deur geleerdheid en welsprekendheid nie, maar deur die kragtige werking van die Gees. 5 Dus is julle geloof nie op die wysheid van mense gegrond nie, maar op die krag van God. Christelike leiers het die selfde gesindheid as Jesus Fil 2:5 Dieselfde gesindheid moet in julle wees wat daar ook in Christus Jesus was: 6 Hy wat in die gestalte van God was, het sy bestaan op Godgelyke wyse nie beskou as iets waaraan Hy Hom moes vasklem nie, 7 maar Hy het Homself verneder deur die gestalte van 'n slaaf aan te neem en aan mense gelyk te word. En toe Hy as mens verskyn het, 8 het Hy Homself verder verneder. Hy was gehoorsaam tot in die dood, ja, die dood aan die kruis. Hy het sy bestaan op Godgelyke wyse nie beskou as iets waaraan Hy Hom moes vasklem nie: Christelike leiers is nie besorg oor posisies, poste, titels, eer of erkenning nie. Hy het homself verneder: Die 1953 vertaling sê Hy het homseld ontledig : Christelike

13 13 leiers doen afstand van hulle regte en persoonlike belange. Hy het die gestalte van n slaaf aangeneem: Jesus het die aand voor sy dood sy bokleed uitgetrek, n voorskoot aangesit en sy dissipels se voete gewas. Christelike leiers lei deur die leiding te neem in dienswerk. Hy was gehoorsaam tot aan die dood: Christelike leiers weet dat hulle lewens aan God behoort, daarom leef hulle nie vir hulleself nie, maar vir ander. Christelike leiers bid vir Goddelike wysheid Jak 1: 5 As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt. 6 Maar 'n mens moet gelowig bid en nie twyfel nie, want iemand wat twyfel, is soos 'n brander in die see wat deur die wind aangejaag en heen en weer gedryf word. Jak 3:17 Maar die wysheid wat van Bo kom, is allereers sonder bybedoelings, en verder is dit vredeliewend, inskiklik, bedagsaam, vol medelye en goeie vrugte, onpartydig, opreg. 18 Hierdie wysheid bring jou in die regte verhouding met God, en jy moet dit gebruik om vrede te maak. Wat is jou getuienis? Het Christus jou lewe omgedop? Kan jy getuig dat jy sy ongelooflike genade persoonlik ervaar? Is Jesus besig om jou deur sy Gees te verander om meer en meer aan hierdie kriteria te voldoen? Watter areas in jou lewe het jy nog nie aan God oorgegee nie? Aan watter sondes klou jy steeds vas? Gee sommer nou opnuut weer jou lewe oor aan Jesus, spesifiek die areas van jou lewe wat nog in in lyn met sy wil is nie, en vra Hom om dit ook nuut te maak! Onthou, God soek nie perfekte mense om vir Hom te werk nie! Dit is net as ons hulpeloos en swak is dat Hy sy krag in en deur ons openbaar, sodat ons niks het om op te roem nie, behalwe op Hom! 2 Kor 12:6 Al sou ek wil roem, sal ek tog nie dwaas wees nie, omdat ek die waarheid sal praat. Maar ek weerhou my daarvan omdat ek nie wil hê dat iemand aan my meer moet toeskryf as wat hy my sien doen of my hoor sê nie, 7 selfs nie vanweë die verhewenheid van die openbarings nie. Daarom, sodat ek nie hoogmoedig sou wees nie, is daar vir my 'n doring in die vlees gegee, 'n boodskapper van Satan om my met vuiste te slaan. 8 Drie maal het ek die Here gebid dat dit van my af weggeneem moet word. 9 Sy antwoord was: My genade is vir jou genoeg. My krag kom juis tot volle werking wanneer jy swak is. Daarom

14 14 sal ek baie liewer oor my swakhede roem, sodat die krag van Christus my beskutting kan wees. 10 Daarom is ek bly oor swakhede, beledigings, ontberings, vervolging en moeilikhede ter wille van Christus, want as ek swak is, is ek sterk. Die vraag is dus nie of jy 'n wonderlike mens of 'n natuurlike leier is nie, maar of jy bereid is dat God jou in jou swakheid gebruik! 2. Wat elke leier moet weet om gesonde interpersoonlike verhoudings in groepe te hê. Elke mens in ons kerk het sy eie unieke persoonlikheid waarmee die Here hom/haar laat gebore word. Elkeen het ook sy eie unieke waardes. Dit is baie belangrik om dit in ag te neem in ons kerk en in ons kleingroep. Respekteer mekaar se waardes en respekteer mekaar se opinies. Elkeen mag sy eie opinie hê oor dinge dit hoef nie dieselfde as joune te wees nie. Ons is mos verskillende persone. Differensieer en laat lede in kerk toe om te wees wie hulle is. Die Here het almal uniek gemaak en die Here kan almal in Sy diens gebruik. Elkeen het sy eie besonderse rol wat Jesus wil hê hy/sy moet speel in Sy Kerk en in n kleingroep. Grondreëls is belangrik vir enige groep. Mense moet veilig voel in hul groep. Mense moet mekaar kan vertrou in die kerk. Vertroulikheid is belangrik. Laat mense hulself daartoe verbind om nie oor ander se privaat stories wat dalk in groep gedeel word, uit te praat nie. Respekteer mekaar se individualiteit. Moenie mense probeer kloon om soos jy te wees nie. Laat hulle toe om te wees presies wie hulle is sonder om hulle te kritiseer as hulle nie kan bid soos jy nie of as hulle dalk stil is en nie so opgewek soosjy nie. (Een is introvert en n ander een is ekstrovert). Erken wie elkeen is en laat hulle menswaardig voel in die groep. Aanvaar elkeen vir wie hulle is. Dit is belangrik om as groep sekere doelwitte te hê vir die groep se groei. Om die doelwitte te identifiseer moet n demokratiese proses wees. Brainstorm as groep. Almal het n sê oor verskillende moontlikhede. Moenie ander se idees afskiet of kritiseer nie. Maak n lys van moontlikhede en besluit wat julle wil aanpak om n verskil te maak in Jesus se kerk op Melkbos. 'n Leier moenie sy eie idees afdwing op die groep nie. Onthou julle is almal verskillend met verskillende waardes en n mens se waardes bepaal ook wat jy graag vir die Here wil doen. Iemand sal dalk 1 x per maand wil vas, terwyl iemand anders mense wil vervoer winkel toe. Probeer dat elkeen sy eie waardes kan uitleef in julle groep. Have joy in the difference. Daar is baie meer moontlikhede in verskillende opinies as in een wat altyd sy eie wil laat geld. Eerbiedig mekaar se waardes en so bly almal gelukkig en vervuld in julle groep. Elkeen word gebore met n lewensdoel. Die Here wil

15 15 ons elkeen op Sy spesiale manier gebruik. Hy het jou laat gebore word om vir Hom iets op aarde te doen terwyl jy lewe. As jy hierdie lewensdoel kan uitleef in die gemeente of groep, leef jy mos n vervulde lewe. n Onseker klein groepslid wat nie baie selfvertroue het nie, moet baie acknowledge word. Laat sulke lidmate menswaardig voel deur hulle ook n rol in die kleingroep te gee om te doen. Laat hy/sy self kies watter rol hulle wil hê. Luister na mekaar se opinies. Stel belang in hulle lewe / familie / kinders / werk en suksesse en teleurstellings. Parkeer jou eie stories. n Leier praat nooit oor homself of sy/haar eie stories nie! Die Heilige Gees gee jou die vermoë om na ander se behoeftes te luister en aan te voel as iemand swaarkry of ontsteld is. Wees bewus van ander se emosionele veld. Is die person opgewonde of stil en hartseer. Moedig so n persoon aan om te praat oor dinge wat pla en gee erkenning daaraan. (Om na iemand te luister is alreeds genesend indien jy nie andersins kan help nie. Kontak ook die blokleraar of terapeut.) Vaardighede om in die groep te gebruik. Gee erkenning aan mekaar in die groep. Wees opreg bly oor mekaar se suksesse. Wees empaties wanneer iemand deur n moeilike tyd gaan. Moedig mekaar aan, bv. ek weet jy kan dit of dat goed doen. Wedywering in die groep gee n positiewe energie om iets as groep saam vir Jesus te doen. Bv. Vas almal 1 x per maand om te bid vir herlewing. Almal in die groep wat hulle daaraan wil verbind. Moenie iemand forseer om iets te doen nie. Oproep om elkeen n rol te speel in die groep. Rol van aanmoedings / nurturer / gelukwensings stuur / gebed vir klein groepslede / finansies. Praat oor al die rolle wat in julle groep nodig is. Elkeen kies n rol. Balans: Waarvoor sê ek ja en waarvoor sê ek nee. As leier moet ons balans hê in ons eie lewe om vir die groep n voorbeeld te wee swat hulle na opsien. Te veel eise brand mens uit. Leer om nee te sê vir jou eie familie en vrou/man. Kry jou prioriteite reg. Bid en besin hoeveel tyd jy vir buite goed gee en hoeveel vir die Here en jou familie. Rus genoeg. John Goltmann: 4 Horsemen of the Apocalypse Stop afbrekende toksiese gedrag in die klein groep. 1. Blaming Om mense aante val en te kritiseer 2. Defensiveness Om altyd jouself te probeer regverdig. Om altyd op die verdediging te wees. 3. Contempt Sarkasme, verkleinerend, kritiek, name calling, negatiewe grappe en sinspelings. 4. Stonewalling Stilstuipe, weiering van kontak, onttrek uit geselskap, weiering van enige komunikasie.

16 16 Hierdie 4 Horsemen verwond en vernietig alle verhoudings binne ons huise en ook binne die kerk, tussen mede gelowiges. Die Here se kerk is om mense gesond te maak en heel te maak, nie om hulle te verwond en seer te maak deur Horsemen op hulle te gebruik nie. Ef. 4 : en Matt 5 : 22 24, Rom 12 :

17 17 Les 3: Ons is hier, wat maak ons nou? Praktiese sake Die klein groep leier se pligstaat 1. Fokus! 2. Bid daagliks vir jou groep en elke indiwiduele lid 3. Neem verantwoordelikheid om jou groep vol te maak 4. Volg alle lid inskrywings nougeset op. 5. Kommunikeer met die lede! 6. Stel 'n groepsooreenkoms op 7. Skep 'n holistiese program 8. Logistieke beplanning 9. Fasiliteer gesprek 10. Lei die nuwe leier op 11 Woon die groepleier skrums by. 12. Werk saam met die diensgroepleiers. 13. Hou kontak met jou klein groep ouderling. 1. Fokus! Die klein groep het net een doel: Om mense te begelei om dissipels van Jesus te word. Alles wat ons doen in klein groepe moet hierdie doel dien, anders moet ons dit uitsny, maak nie saak hoe baie ons daarvan hou nie! Die belangrikste katalisator vir geestelike groei is daaglikse kontak met die Bybel en daaglikse oordenking van die Bybel. Dus: Deurdrenk alles met die Bybel. Lees die Bybel. Praat die Bybel. Bid die Bybel. As jy gesny word, bloei die Bybel! Daag mense uit en hou hulle verantwoordelik om die Bybel daagliks te lees! Stel die voorbeeld hierin! 2. Bid daagliks vir jou groep en elke indiwiduele lid Klein groepe is nie daar vir ons plesier nie. (Dit beteken nie ons gaan nie BAIE plesier in klein groepe hê nie!) Dit bestaan nie omdat ons so besluit het nie. Klein groepe bestaan omdat Jesus ons

18 18 beveel het om dissipels te maak en mekaar lief te hê. Daarom begin en eindig klein groepe by Jesus. Dit is Hy wat jou geroep het om leiding te neem, en dit is Hy wat jou bemagtig om die taak wat Hy jou opgelê het uit te voer. Dit is slegs as jy in Hom bly wat jou klein groep 'n sukses sal wees en tot Sy verheeliking sal strek. Onthou om elke lid van jou groepie aan God op te dra. Die gebed van 'n gelowige is kragtig! 3. Neem verantwoordelikheid om jou groep vol te maak Klein groepe gaan oor verhoudings, niks en absoluut niks anders nie. Dit gaan eerstens oor ons verhouding met God, tweedens oor ons verhoudings met ons medegelowiges en derdens oor ons verhouding met die wêreld om ons. Die kerkraad en ondersteuningsgroep in die kerk gaan alles in hulle vermoë doen om jou te help om jou klein groepie vol te maak. (7 tot 12 lede is ideaal). Ons gaan mense vra in die eredienste om aan te sluit. Ons alles doen om die mense opgewonde te maak oor klein groepe. Maar omdat dit gaan oor die bou van verhoudings kan net klein groep lede klein groepe volmaak. Wie gaan jy eerste vra om aan te sluit? Dink bietjie! As jy 'n bestaande groep lei, of aan een behoort, wie gaan weer aansluit by jou nuwe groep? Die meeste klein groepe sal in 'n mate stabiel bly van semester tot semester! Wie ken jy by die werk, by jou sport klub, of by jou kinders se sportdae wat moontlik sal belangstel? Vra dié wie reeds betrokke is in jou groep om mense voor te stel! Maak 'n punt daarvan gereeld te bid dat die Heilige Gees spesifieke mense op jou groep se harte moet lê vir wie daar gebid moet word en wie uitgenooi moet word! 4. Volg alle inskrywings nougeset op. Aan die begin van elke semester gaan mense tydens die eredienste en by klein groep tafels inskryf by die klein groepe in die gemeente. Jy gaan 'n aantal inskrywings ontvang. Onthou dat wanneer iemand sy naam opgee om aan 'n klein groep te behoort, is dit omdat die Heilige Gees hom oortuig het om dit te doen. God het hierdie mens aan jou toe vertrou! God wil 'n ontmoeting met hierdie persoon in jou klein groep hê! Moenie dat een inskrywing verlore gaan of onbeantwoord gelaat word nie.

19 19 Wanneer jy 'n inskrywing ontvang, stuur onmiddellik 'n epos waarin jy die persoon bedank vir sy inskrywing, vertel hom of haar 'n bietjie van die groep en maak seker dat hy jou kontakbesonderhede, die tye en spesifieke adres van die groepsbyeenskomste het. Maak seker dat die persoon weet watter boek of studie materiaal jou groep gaan behandel (indien van toepassing) en waar dit bekom kan word. Volg die epos 'n paar dae voor die eerste byeenkoms op met 'n persoonlike telefoon oproep. Stuur die dag van die eerste byeenkoms 'n sms na al die lede in jou groep om hulle te herinner aan die byeenkoms. 5. Kommunikeer met die lede! Maak seker dat groeplede altyd op hoogte is van wat aangaan. Stuur SMS'e uit op die dag van die byeenkoms om almal te herinner: Bv Onhou 19:00 vanaand by my! Maak veral seker dat almal weet as daar verandering van skedule of planne is. As iemand 'n byeenkoms mis, volg dit op! Stuur die dag na die byeekoms 'n epos met die gebedsversoeke uit na al die lede. 6. Stel 'n groepsooreenkoms op. 'n Groepsooreenkoms is die olie wat die ratte van 'n klein groep stil en effektief laat draai. Klein groepe bestaan uit diverse indiwidue met eie behoeftes, agendas, en drome. Die doel van 'n groepsooreenkoms is om seker te maak dat die groep gefokus bly en dat almal vooraf weet wat van hulle verwag word. Dit voorkom probleme voor dit gebeur. Bestee 'n gedeelte van die eerste byeenkoms aan die opstel van 'n groepsbyeenkoms. Die groep is welkom om die voorbeeld voor in hierdie handleiding net so te gebruik, of om dit aan te pas. Dit is goed as die groep self die bewoording opstel, maar maak ook seker dat meeste die hoof punte wat in die voorbeeld genoem word daarin vervat word. Druk dit uit op die rekenaar en laat elke lid van die groep dit onderteken. Wanneer nuwe lede in die groep inkom, laat hulle dit ook onderteken. Onthou, die groepsooreenkoms is ' n lewende dokument en kan voortdurend deur die groep aangepas word. Lees dit elke paar weke (wanneer jy dink die groep het dit begin vergeet) en verander waar nodig!

20 20 7. Skep 'n holistiese program. 'n Holistiese klein groep agenda sluit al drie die vehoudings in: Na Bo, na binne en na buite. Toets altyd jou program vir die aand aan dié drie kriteria en jy sal weet of jy op die regte pad is of nie. As jou kleingroep net aan een of twee van die verhoudings aandag gee, gaan julle probleme hê! 'n Tipiese klein groep program (90 minute): Hallo. Almal kry 'n koppie koffie. Gesels en ontspan. (Bou onderlinge verhoudings Na binne) 10 minute Open met kort gebed (Na Bo) Lofprysing (Na Bo) 10 minute Getuienis en terugvoer. Hoe het die groepslede gevaar met die afgelope week se uitdaging? Getuig oor God se wonderwerke die afgelope week. Getuig oor jou oorwinnings. Vertel ons van jou nederlae en teëspoed. (Na Bo, na binne en na buite) 10 minute Woordbespreking (Na Bo) Die groep doen Bybelstudie, toepassing van die vorige Sondag se preek, of wat die groep se kurrikulum ook al is. Die doel is om interaktiewe bespreking te hê oor God se Woord. 30 minute Uitdaging: Hoe gaan ek dit wat God vanaand vir my gesê het in die week toepas? Teenoor God: Heiligmaking. Stiltetyd. (Na Bo) Teenoor my gesin en my vriende (ook die klein groep) (Na binne) Teenoor die mense by die werk, my bure, mense met wie ek wyer kontak het.(na buite). Die 4 X 10 Belofte Ek beloof Om elke dag --10 minute lank my Bybel te lees minute lank te bid. Om elke week --my 10 kleingroep maters te sien. --vir 10 verlore mense te bid Gebedsversoeke en gebed. (Na Bo, en afhangend van vir wie ons bid, na binne en na buite.) 20 minute Totsiens. Bitter belangrik: Eindig betyds! Moenie toelaat dat die byeenkoms langer duur as beplan nie! Mense is welkom om langer te bly na die amptelike program verby is. Moet dit egter nie vir hulle nodig maak om in die middel van 'n té lang program te loop nie!

21 21 Hierdie program is natuurlik net 'n voorbeeld. Maak seker dat al drie verhoudings aangespreek word! 8. Logistieke beplanning Dit is goed as die logistieke beplanning deur die leier na iemand anders delegeer word: 'n Goeie keuse is die persoon wat opgelei word as nuwe leier. Waar vergader ons? Is daar genoeg stoele? Is die vertrek geskik vir die byeenkoms? Wie bring die versnaperings? Wie bestel die studiemateriaal? Beplan vir die kinders Dit is ideaal dat kinders ingesluit word in kleingroepbyeenkomste. Ons het almal verbondsbeloftes aan God gemaak, dat ons ons kinders vir Hom sal grootmaak. Kinders leer die beste deur volwassenes dop te hou en na te boots. Daarom moet kinders so veel moontlik aan hulle ouers se godsdiensbeoefening blootgestel word. Die volgende word dus voorgestel: Kinders is betrokke by die verwelkoming, die openingsgebed en lofprysing. Kinders word tydens die Bybelstudie / bespreking gedeelte en die grootste gedeelte van die gebedstyd deur 'n volwassene in 'n ander kamer vermaak met Bybelstories en ander Bybelgerigte aktiwiteite. Kinders is weer teenwoordig is tydens die laaste gebed van die aand voordat die groep verdaag. 9. Fasiliteer gesprek Die klein groep leier se funksie is nie om te preek of die ander te onderrig nie. Die leier se funksie is om gesprek te fasiliteer. Dit beteken dat die groepleier gesprek inlei, dan vrae vra en meer luister as praat! Vra oop vrae wat begin met Wat? Hoekom? Hoe? Ek wonder... ensovoorts As jy 'n vraag vra, moenie self die antwoord gee nie. Gee die groep kans om te dink! Maak seker dat beide tipes kennis altyd aangespreek word:

22 22 Wat is die feite in die stuk onder bespreking? Hoe gaan dit wat ek geleer het my gedrag bepaal en my verhouding met Jesus beinvloed? Is daar enige voorbeelde van daaglikse regte-lewe toepassings van dit wat die stuk ons leer? Gee geleentheid vir persoonlike getuienis! Maak seker dat een persoon nie die gesprek oordonder nie. Maak seker dat almal deelneem. Trek stiller mense in die gesprek in deur hulle opinie te vra. Onthou om nie-bedreigende vrae te vra wat nie regte of verkeerde antwoorde het nie soos Wat is jou opinie? Hoe ervaar jy dit in praktyk? Beloon mense wat hulle opinies gee deur positiewe terugvoer! As iemand jou 'n vraag vra en jy is onseker, erken prontuit dat jy nie weet nie, belowe om dit op te volg en gee dan volgende keer terugvoer! 10. Lei die nuwe leier op Die doel van klein groepe is om dissipels te maak wat dissipels maak wat dissipels maak... Een van die belangrikste take van 'n klein groep leier is om persone te identifiseer wat self leiers kan word! Identifiseer die volgende leier vroeg in die semester, bespreek dit met hom /haar en kry sy toestemming om hom op te lei. Die fases van opleiding is: Ek doen, jy kyk. Ek doen, jy help. Jy doen, ek help. Jy doen, ek kyk. Jy vlieg uit die nes en begin jou eie klein groep! Die beginsel is dus om die nuwe leier in opleiding toenemend meer te laat doen in die groep, en om hom toenemend meer verantwoordelikheid te gee. 11. Woon die groepleier skrums by. Een Sondagmiddag per maand word 'n klein groep leierskrum by die kerk gehou. Ons kan nie te

23 23 veel beklemtoon hoe belangrik dit is om dit by te woon nie! By hierdie skrums gaan ons Die visie vir die klein groep bediening inskerp en fokus. Voortgesette opleiding gee. Oorwinnings vier en probleme oplos. Kontak hê met diensgroepleiers en uitvind hoe om by hulle bedienings betrokke te raak. Redes om nie te kom nie? Die dood, of die Wederkoms! Anders moet dit asb bo aan jou prioriteitslys wees!!!! 12. Werk saam met die diensgroepleiers. Diensgroepe in ons gemeente bestaan met die uitsluitlike doel om die Sondagbediening en die klein groep bediening te ondersteun in hulle werk. Elke klein groep moet onderneem om by een diensgeleentheid per semester betrokke te raak. Die diensgroepe se pligte is Skep bedieningsgeleenthede. Nooi klein groepe uit om by dié bedieningsgeleenthede betrokke te raak Gee opleiding vir die spesifieke bedieninggeleentheid. Verskaf gereedskap vir die bedieningsgeleentheid. Reël die bedieningsgeleentheid. Sorg vir opvolg. Byvoorbeeld: Die evangelisasie diensgroep besluit om 'n tronkuitreik te hê. Hulle reël dit met die tronkowerheid en doen al die administrasie. Hulle nooi 'n klein groep uit om betrokke te raak. Op die dag van die uitreik gee hulle vir die lede 'n kort 30 minute opleidingsessie oor wat hulle te wagte kan wees en wat om te doen. Hulle gee ook vir die lede traktaatjies, Bybels ens wat hulle in die tronk kan uitdeel (Die gereedskap), Na die uitreik word daar nabetragting gehou, en 'n verslaggie word op die webwerf gepos. Verder moet die klein groepe nou en dan diens doen by die eredienste: Ontvangs by die deure, kollekte, koffie skink en skottelgoed was!

24 Hou kontak met jou klein groep ouderling. Die belangrikste faktor wat bepaal of 'n klein groep bediening gaan slaag of nie is die struktuur van geestelike opsig. Dit is keer op keer wêreldwyd bewys! Wat is geestelike opsig? Die woord wat die proses van geestelike opsig die beste beskryf is mentorskap, of in Engels, coaching. Die doel van geestelike opsig is om probleme te vang terwyl hulle nog klein is, om struikelblokke te identifiseer en te oorkom, en om strategiee uit te werk om groepleiers te help om hulle volle potensiaaal te bereik. Die mentor tree op as fasiliteerder of klankbord om die klein groep leier te help om die probleme aan te spreek en op te los. 'n Mentorskapverhouding is Doelbewus. 'n Verbondsverhouding. 'n Vriendskapsverhouding. Gebou op wedersydse vertroue, vertroulikheid en respek. 'n Aanspreeklikheidsverhouding. Kan net plaasvind as daar gereelde kontak is! Doelbewus Daar word 'n besluit geneem om die mentorskapverhouding aan te gaan. Dit gebeur nie spontaan nie. 'n Verbondsverhouding Daar kom 'n verbond tussen die twee persone tot stand: Die mentor onderneem om Verantwoordelikheid vir die gementorde te neem. Beskikbaar te wees vir die gementorde. Die gementorde te dien. Die klein groep leier onderneem om

25 25 Die mentor toestemming te gee om in in sy lewe in te spreek. Die mentor toestemming te gee om hom aanspreeklik te hou vir sy verpligtinge en lewe. Die mentor is NIE die klein groep leier se baas of toesighouer (soos by die werk) nie! Hy is ook nie die gementorde se onderwyser, terapeut of guru nie! 'n Vriendskapsverhouding Daar gaan duidelik nie onmiddellik 'n hegte vriendskap tussen jou en jou klein groep ouderling ontstaan nie. Sulke dinge neem tyd en ontwikkel natuurlik/organies. Maar die deur vir vriendskap moet altyd oop wees, want dit is veral in 'n vriendskapsverhouding wat geestelike opsig werklik effektief kan plaasvind! Gebou op wedersydse vertroue, vertroulikheid en respek. Vertroulikheid word beloof. Vertroue en respek word verdien. Maar uit die staanspoor is die ooreenkoms dat dit die basis van die verhouding sal vorm. 'n Aanspreeklikheidsverhouding Een van die klein groep ouderling se pligte is om jou verantwoordelik te hou vir jou lewe van heiligmaking, en ook die pligte wat jy onderneem het om te vervul as klein groep leier! Kan net plaasvind as daar gereelde kontak is! Die minimum standaard is ten minste een telefoonoproep per maand, en om kontak te maak tydens die maandeliks klein groep leierskrum. Dit is natuurlik wenslik dat daar op informele vlak ook kontak gemaak word, bv oor 'n koppie koffie! Geen klein groep ouderling sal meer as tien leiers mentor nie, maar sal verkieslik minder hê!

26 26 Bylae: Die klein groep sisteem in Melkbosstrand gemeente 1. Die klein groepe funksioneer in semesters. 2. Daar is 2 semesters per jaar 3. Die klein groep siklus 4. Klein groep leierskrums 5. Geestelike opsig in klein groepe 1. Die klein groepe funksioneer in semesters. Die redes hiervoor is Mense funksioneer beter in natuurlike seisoene. Dit is goed om vakansie te hou! Mense is dikwels bang om hulleself vir 'n onbepaalde tyd te verbind tot iets. In die semester sisteem is daar 'n natuurlike einde aan die verhouding, en dit is maklik vir iemand om dan die groep te verlaat as hy nie gelukkig is nie. Groepe wat nie oopmaak vir nuwelinge nie keer na binne, word klieks en verloor hulle impak op die gemeenskap. Die semestersisteem moedig groepe aan om twee keer per jaar plek te maak vir nuwelinge! Dit is dikwels vir groepe moeilik om hulle mandaat om te vermeerder uit te leef. Om 'n groep te verdeel is dikwels uiters troumaties! In die semestersisteem lei groepe doelbewus nuwe leiers op en skop hulle uit die nes om self te vlieg! Die semestersisteem skep die struktuur vir spesialisgroepe, byvoorbeeld 'n groep vir nuwe gelowiges wat die basiese leerstellings van die Evangelie behandel. Aan die einde van die semester beweeg die lede aan na nuwe of meer generiese groepe. Die semestersisteem voorkom dat groepleiers uitbrand: Leiers word aangemoedig om na een jaar van diens vir 'n semester te rus. 2. Daar is 2 semesters per jaar: Februarie tot Junie Augustus tot Desember 3. Die klein groep siklus Fokus: Oktober November en April - Mei In die Fokus maande word die beplanning vir die volgende semester gedoen.

27 27 Vorm: Desember en Junie In hierdie tyd word klein groep leiers identifiseer en 'n lys van klein groepe word opgestel vir die volgende semester. Vul: Januarie en Julie Tydens hierdie maande word gemeentelede gevra om tydens die eredienste en op die webwerf aan te sluit by die klein groepe van hulle keuse. Die klein groepe skop af aan die einde van die Vul periode. Klein groep leiersopleiding geskied net voor die afskopdatum. Alle kleingroep leiers moet elke opleidingseminaar bywoon! Fasiliteer: Februarie Maart en Augustus - September In hierdie tydperk word die nuwe klein groepe ondersteun deur die klein groep ouderlinge. Klein groepe wat te klein is word saamgesmelt. Probleme word uitgestryk. 4. Klein groep leierskrums Klein groep leiers kom een Sondagmiddag per maand by die kerk by mekaar. By dié vergaderings gebeur die volgende: Visiestelling: Die visie vir die klein groep bediening word ingeskerp en gefokus. Opleiding Oorwinnings word gevier en probleme word opgelos. Diensgroepleiers kry geleentheid om hulle bedienings bekend te stel, en klein groepe word uitgenooi om deel te neem. 5. Geestelike opsig in klein groepe Elke klein groepleier staan onder leiding 'n klein groepouderling. Die ouderling is verantwoordelik vir die mentorskap van die leier. Elke ouderling staan onder die opsig van 'n leraar. Elke klein groep leier en ouderling moet een maal per maand met sy mentor (ouderling of leraar) skakel! Leraars moet by soveel moontlik klein groepe besoek aflê!