2 Ek is die Here jou God. Dit is Ek wat jou bevry het uit Egipte waar jy n slaaf was.

Transcription

1 Voorafsang Lied 188:1-3 Lied 205:1 en 3; 280: 1 en 3; 159:1 en 3 God nooi ons uit en ons kom tot rus Aanvangswoord Voorganger: Net by God vind ek rus Gemeente: van Hom kom my redding. Voorganger: Net Hy is my rots en my redding Gemeente: sodat ek vas en stewig staan (Ps 62:2, 3). Seëngroet: Van die Vader... Lofliedere: Lied 209 en 214:1-3 Wet: Eks 20 1Die Here het al die volgende voorskrifte gegee: 2 Ek is die Here jou God. Dit is Ek wat jou bevry het uit Egipte waar jy n slaaf was. 3 Jy mag nie nog ander gode buiten My aanbid nie. 4 Jy mag nie vir jouself afgode maak wat soos voëls of diere of visse lyk nie. 5Jy mag nie voor hulle kniel om hulle te aanbid nie. Ek, die Here jou God, is jou enigste God. Ek laat die oortredings van dié wat My haat nie ongestraf verbygaan nie. Ek straf die derde en die vierde geslag daarna vir die sondes wat hulle ouers gedoen het.6my liefde bly egter duisend geslagte lank staan vir almal wat My liefhet en aan My gehoorsaam is. 7 Moenie die Naam van die Here jou God sonder rede gebruik nie. Die Here sal die een wat sy Naam sonder die nodige respek gebruik, nie net so sonder straf laat wegkom nie. 8 Onthou om die Sabbatdag vir God te vier. 9Ses dae lank kan jy met jou daaglikse werk aangaan. 10Die sewende dag is die Here jou God se rusdag. Niemand in jou huis mag op daardie dag aangaan met gewone werk nie. Dit sluit in: jy, jou seuns en dogters, jou manlike en vroulike slawe, die vee wat aan jou behoort en alle buitelanders wat by jou oorbly. 11Die Here het in ses dae die hemel, die aarde, die see en alles wat daarin is, gemaak. Op die sewende dag het Hy tot rus gekom. Om daardie rede het die Here die sewende dag geseën en vir Homself eenkant gesit as sy heilige dag. 12 Behandel jou ouers met respek. Jy sal dan lank en gelukkig lewe in die land wat die Here vir jou gee om in te bly. 13 Moenie mense doodmaak nie. 14 Moenie egbreuk pleeg nie. 15 Moenie iets steel nie.

2 16 Moenie valse verklarings oor ander aflê nie. 17 Jy moenie afgunstig raak op n ander se eiendom nie. Jy moenie sy vrou, sy manlike of vroulike werkers, sy beeste of sy donkies of enigiets wat hy besit vir jouself begeer nie. Skuldbelydenis 247 (2x) Genade verkondiging Voorganger: Gemeente: Hiermee verkondig ek aan julle volkome vergifnis van sondes in die Naam van die Vader, en die Seun en die Heilige Gees. Amen. Aan God die dank! Ons sondes is vergewe. Toewyding 532:1-3 God praat met ons en ons luister Skriflesing: Markus 1:14-19 Preek 14 Nadat Johannes in die tronk opgesluit is, het Jesus na Galilea toe gegaan en die evangelie van God verkondig. 15Hy het gesê: Die tyd het aangebreek, en die koninkryk van God het naby gekom. Bekeer julle en glo die evangelie. Preekvoorstel Die Rolling Stones: Time is on my side, yes it is. Time is on my side, yes it is... Maar is tyd regtig aan ons kant? Die Griekse taal gebruik twee woorde vir tyd. Die een sê dat tyd in ons guns tel. Die ander sê dat tyd nie in ons guns tel nie. Die eerste woord is chronos, waarvan ons woord chronologies afgelei is. Die woord se agtergrond kan ook in die Griekse mitologie gevind word. Die god Chronos was n wrede en verskriklike god. Hy het sy pa met geweld onttroon. Toe sy sterwende ouers profeteer dat dieselfde lot hom sal tref en dat een van sy seuns hom sal onttroon, het Chronos iets verskrikliks gedoen. Toe sy vrou Rhea aan sy kinders geboorte gegee het, het hy hulle ingesluk. Dis hoekom ons sê dat die tyd alles insluk. Die tyd gaan verby. Jy mors my tyd! Dis alles uitdrukkings van chronologiese tyd. Chronologiese tyd is nie goed vir ons nie. Ons raak ouer. Iemand het opgemerk dat n argeoloog die beste persoon is om mee te trou. Hoe ouer jy word, hoe meer geïnteresseerd raak die persoon! Die tyd neem weg. n Man van 85 jaar oud het opgemerk: Bo my lewe is die opskrif: Nie meer nie. My vrou... nie meer nie... my vriende... nie meer nie... my vryheid... nie meer nie... my huis... nie meer nie... my goeie gesondheid... nie meer nie... my goeie gehoor... nie meer

3 nie... om gemaklik te kan loop... nie meer nie... my goeie geheue... nie meer nie... Alles!... nie meer nie! Nie meer nie! 2. Daar is egter n ander woord vir tyd, naamlik kairos. Dit is die woord wat Jesus vir tyd in Markus 1:15 gebruik. Die prediker kan op die betekenis van hierdie woord uitbrei. Die Griekse woord vir aanbreek (vervul) is passief. Dit is aangebring. Niks wat ons gedoen het, kon dit laat aanbreek nie. Die tydsvorm toon aan dat dit n stand van sake is. Dit het gebeur en sal altyd so wees. Dit het blywende betekenis. Dit tyd wat God bepaal het, het aangebreek en dit sal altyd so wees. Chronos, sê J P Versteeg, suig alles weg na die verlede. As kairos open die tyd die weg na die toekoms. Chronos besit ons. Kairos gee ons weer tyd. Chronos slaan alles uit ons hande. Kairos gee ons weer tyd en nuwe moontlikhede en geleenthede. Daar is kernoomblikke, krisisoomblikke, beslissende tye wanneer ons aan chronologiese tyd vashou, terwyl ons die kairos-oomblikke van God kan deel. 3. Wat beteken dit wanneer Jesus sê dat die kairos aangebreek het? Ons kan op twee aspekte wys: 1. Die eerste antwoord vind ons in Markus 1:15: Die koninkryk van God is naby! Hierdie woorde verduidelik die betekenis van die kairos-tyd. Dit is die tydperk van God se koninkryk, God se heerskappy, God se regering. Dit is die tyd waarin dit duidelik sal word dat God koning is. Markus sê die evangelie handel oor Jesus Christus, die Seun van God (1:1). Jesus is die boodskapper van God, die een wat die evangelie van die koninkryk van God bring (1:14). Sy bediening is die inleiding tot God se koninkryk en regering. In sy boodskap en bediening sien ons dat God regeer en koning is. Die gewillige dienaar van die Here onderwerp hom as plaasvervangend sondaar aan God in sy doop. Hy oorwin die Satan en bose magte. Jesus het alle mag. Deur sy gesag dryf hy bose geeste uit, neem hy besit van mense se lewe, verstom hy mense met sy lering, maak hy siekes gesond en vergewe hy sonde (1:17-20, 22, 24, 17, 30-34; 2:9-10). Ja, die chronologiese tyd sluk alles in, maar die vernietiging wat dit bring het nie die laaste sê nie. Die kairos van God open nuwe moontlikhede, nuwe hoop vir siekes en sondaars. Dit wat ons as n verlore saak sien, is nie buite sy gesag nie. Noordmans skryf: Die evangelie verkondig n aanbrekende dag, soos sonsopkoms. Die evangelie verander die doodskaduwees na die oggenduur. Die nuwe koninkryk het in Jesus aangebreek. Dis is reeds hier. Dit sal uiteindelik finaal aanbreek wanneer Hy weer kom. Dan sal daar geen pyn, dood en hartseer meer wees nie. God is onkeerbaar op pad na

4 hierdie vaste en seker bestemming! Dit is die troos van Jesus se koms na die wêreld. Hy het mag oor alle magte. 2. Die tweede antwoord word ook in Markus 1:15 aangetref: Die tyd het aangebreek... bekeer julle en glo die evangelie! Uitdaging ons moet ernstig besluit Bekeer julle en glo die evangelie Om te glo is om tot bekering te kom. Om tot bekering te kom is om te glo. Dit is twee kante van dieselfde munt. Wat beteken dit? Die onmiddellike konteks gee n antwoord op die eerste vlak. Dit beteken om Jesus te volg (1:17). Tot in hierdie stadium het Jesus geen wonderwerke gedoen nie. Johannes en Jakobus het geen vorige ervaring van Jesus gehad nie. Tog laat staan hulle hulle ou posisies en neem nuwes in. Dit is wat die evangelie met ons doen. Dit lei tot n onmiddellike en radikale reaksie. Sy woord verander ons lewe van n selfgesentreerde dag tot dag oorlewingstryd na n lewe wat betrokke raak by die oorlewing van ander mense. Om te glo en tot bekering te kom, is om Jesus te volg en deel van sy plan te word. Waar daar navorsing gedoen word om die lewe van mense te verbeter, n huis vir n arm mens gebou word, n persoon met VIGS ondersteun word, brood aan armes gegee word, by n moedelose ou mens besoek gebring word en aan n tiener wat selfmoordneigings tyd gewy word, glo ons die evangelie! Wanneer ons Hom volg deur ander te vergewe en teen die bose strukture wat mense hulle waardigheid ontneem opgestaan word, word tekens van sy teenwoordige en toekomstige koninkryk opgerig. Bekering en geloof is n voortdurende proses in die hede (soos dit ook in die Griekse werkwoordvorme in hierdie gedeelte duidelik is). Dit is die eerste stelling van Martin Luther se 95 stellinge! Elke dag is n geleentheid om ons weereens aan die koninkryk van God toe te wy, om Jesus van nuuts af te volg. Elke dag is n geleentheid om hoop aan mense te bring wat weens chronologiese tyd ly. 4. Tog hou ons aan om tyd te mors. Ons hou aan ou dinge vas en sien nie die pêrels in die ander om ons raak nie. Ons dink die geleentheid weer sal kom. C S Lewis vertel die verhaal van die ou duiwel wat aan die jong duiwels gevra het wat die eenvoudigste manier is om mense te verlei. Eers het die jong duiwel het gesê: Sê vir hulle daar is geen hemel nie. Verkeerd, het die ou duiwel gesê. Sê vir hulle daar is geen hel nie. Weer verkeerd, het die ou duiwel gesê. Die antwoord is: Sê vir hulle daar is geen haas nie. Die volgende woorde is op die agterkant van n ou staanhorlosie gevind:

5 When I was a child I laughed and wept, time crept. When as a youth I dreamed and talked, time walked. When I became a full-grown man, time ran. And later, as I older grew, time flew. Soon I shall find, while travelling on, time gone. Chronostyd is verby. Jesus staan voor ons met n nuwe begin. Die tyd het aangebreek... Jy kan of n slaaf van die tyd bly of n volgeling van Jesus word. Dankoffers Voorbidding Slotlied: 350:1-3 Seën