Week 1 Genoeg! Genoeg? Bladsy 2. Week 2 - Eerlik genoeg Bladsy 6. Week 3 - Heel genoeg Bladsy 10. Week 4 genoeg? Bladsy 14

Transcription

1 0

2

3 Week 1 Genoeg! Genoeg? Bladsy 2 Markus 11:15-19 Week 2 - Eerlik genoeg Bladsy 6 1 Samuel 20:24-34 Week 3 - Heel genoeg Bladsy 10 Genesis 45:1-16 Week 4 genoeg? Bladsy 14 Lukas 10:38 42 Week 5 - Ruim genoeg Bladsy 18 Markus 7:24-30 Week 6 - Groot genoeg Bladsy 22 1 Samuel 17 Illustrasies is gedoen deur Antoinette de Vries 1

4

5 Genoeg is genoeg. Dit is vanjaar die tema van ons 40 dae van toewyding. In die Afrikaanse spreektaal is hierdie n bekende uitspraak. Eintlik vra dit nie veel verduideliking nie. Tog glo ons as leraarspan dat die Bybelverhale waarby ons gaan stil staan, vir ons n dieper begrip sal gee wie ons is asook n sterker motivering vir ons taak hier op aarde. Die oorhoofse doel is om ons as gemeente se heilige ongemak aan te wakker om iets te doen aan die verskillende vorms van gebrokenheid van mense. Anders gestel: as jy na die wêreld om jou kyk, wat is dit wat jou kwaad maak? Wat vind jy hartverskeurend? Wat is die dinge waaraan jy iets sou wou doen as jy net kon? Ouer lidmate sal nog vir Popeye die Matroos onthou en hoe hy in situasies kon sê: That s all I can stands, and I can t stands no more!. Sy grammatika was dalk nie reg nie, maar sy ongeduld met verkeerde situasies het sy bloeddruk ten regte laat styg. Iets moet gedoen word. As leraarspan glo ons dat as jy die uitdaging van 2017 se 40 dae aanvaar, jy anderkant gaan uitstap as n mens met n ongekende ywer vir die Here wat Sy saak swaar op jou hart laat rus. Wat daardie saak is, weet ons nie, maar ons kan nie wag om te sien en te hoor hoe mense die tektoniese plate begin skuif nie. Ons wil jou bewus maak van die vlammetjie wat in jou binneste brand en dit aanwakker met verhale uit die Skrif. Ons noem dit n heilige ongemak. n Heilige ongemak in jou binneste oor wat aan die gebeur is in ons wêreld. Mag die Here ons seën en inspireer om n verskil te maak ver bo ons verwagtinge! 1

6 Wat sien jy wat jou ontstel? Markus 11:11, Jesus se intog in Jerusalem op die Sondag voor Sy kruisiging was n triomftog. Hy het dadelik na die tempel gegaan en volgens vers 11 het Hy alles daar bekyk. Hierdie uitdrukking is gelaai met betekenis. Dit verwys na Jer 7:11 waar God ook die tempel bekyk en dan sê: Ek het gesien wat julle doen. Wat Jesus dus in vers 11 doen, is wat God in die Ou Testament doen. En beide is diep ontsteld oor wat hulle sien. Dit konfronteer ons dadelik met die vraag: Wat sien ons as navolgers van Jesus in hierdie wêreld wat ons op soortgelyke wyse ontstel? 2

7 DIE OORSAAK VAN JESUS SE HEILIGE ONGEMAK Die belangrike vraag is......wat het Jesus gesien wat Hom só ontstel het, dat Hy die tafels begin omgooi het? Wat het ten diepste in die tempel gebeur, wat nie moes gebeur het nie? Wat behoort daar te gebeur het? Die tweede vraag behels die aard van Jesus se optrede. Het Hy deur die tafels om te gooi bloot tydelike protes aangeteken, bedoelende dat die mense na n uur weer normaalweg sou aangaan? Of het Hy die tempel gereinig soos die opskrif dit in ons Afrikaanse Bybel stel? Of het Hy namens God n einde gebring aan die tempel met al sy praktyke en betekenis? Met bogenoemde twee vrae probeer ons die kern van Jesus se emosies en optrede peil. Wat is dit wat Hom dryf en wat is dit wat Hy eintlik doen? Dink jy dit is verregaande om te beweer dat Jesus by wyse van spreke gesê het: Genoeg is genoeg!? Wanneer jy die koerante lees of na TV-Nuus kyk, watter saak of sake maak jou gewoonlik warm onder die kraag? Anders gevra: Wat van dit wat jy lees of sien, laat jou met n heilige ongemak? n Stemmetjie wat sê dit skree ten hemele! 3

8 Dit is duidelik dat Jesus nie met n glimlag die tempel ingegaan het toe Hy die tafels begin omgooi het nie. Ewe duidelik is dat Hy nie met n glimlag begroet is nie. Sy optrede het ingrypende konsekwensies vir Homself ingehou. Die spanning en die konflik het toegeneem, nie afgeneem nie. Uiteindelik is Hy gekruisig. Hy het dus ʼn hoë prys vir sy optrede betaal. Hoe verklaar ons Jesus se woede? Word God kwaad? Indien wel, waaruit vloei Sy woede? Uit boosheid? Staan Sy kwaad-wees teenoor Sy liefde? Wat sien jy in die wêreld om jou raak wat n heilige ongemak in jou binneste wakker maak? Iets wat jy bitter graag sou wou verander. Ons het nou na die Bybel gekyk, spesifiek daardie deel wat vertel hoe Jesus die tafels omgekeer het. Ons het ook na die wêreld gekyk (koerante, TV ensovoorts). Die sleutelvraag vir elkeen van ons is dit: Wat is daardie een ding wat jou hart baie diep raak? Daardie een ding wat n heilige ongemak by jou skep soos wat dit by Jesus geskep het byna 2000 jaar gelede toe Hy die Sondagmiddag by die tempel instap? Wat moet gebeur sodat jy by Jesus se Maandag-optrede kan uitkom? Wat sou daardie optrede behels? Die uitdaging is om baie konkreet en prakties te antwoord. 4

9 5

10 Hoe onderskei ek tussen my eie en die groter belang? 1 Samuel 20:24-34 Om hierdie teks te peil is daar ʼn lang storie wat aanloop tot die emosionele gebeure. Die storie begin by Israel wat teen die wil van die profeet Samuel ʼn koning wou hê. Saul word as koning gekies. Vroeg na hierdie verkiesing weet Samuel dit was ʼn fout en salf toe vir Dawid (teen alle verwagting) as die ander ( opvolger ) koning (maar Dawid sou eers later in die verhaal as koning ingelyf word). Dawid word deur die volk in die oorlog teen die Filistyne en die oorwinning oor Goliat raakgesien. Dawid neem toe in populariteit by die volk. Jonatan, Saul se seun en opvolger tot die troon, hou baie van Dawid en smee in 1 Samuel 18 ʼn verbond (ooreenkoms) met Dawid. Saul beleef Dawid se aanhang as ʼn bedreiging vir die koninklike familie en beplan om hom dood te maak. In hoofstuk 19 tree Jonatan vir Dawid in, asook Saul se dogter, Mikal wat aan Dawid as vrou gegee is, wat Dawid help ontsnap tydens een van Saul se pogings. Saul het hom bloedig vererg toe hy uitvind dat Jonatan vir Dawid beskerm. Hy breek Jonatan 6

11 emosioneel af en noem hom Jou rebelse ellendeling!. In die Hebreeus en ander vertalings word dit sterker gestel dat Jonatan die seun van ʼn losbandige vrou is! Jonatan vererg hom en staan van die tafel af op... Saul en Jonatan het albei woedend geword en hulle vererg, maar die belangrike vraag is: Waaruit word hulle emosionele reaksie gebore? Emosionele reaksies soos hierdie gebeur nie in ʼn vakuum nie, maar het snellers wat aan stories en aan die interpretasie van stories gekoppel word. Waaruit sou Saul se emosionele reaksie gebore kon word? Waaruit sou Jonatan se emosionele reaksie gebore kon word? Alles wat ʼn mens emosioneel of kwaad maak is nie noodwendig ʼn heilige ongemak nie. Wat bepaal of die ongemak binne jou heilig is of nie? Trouens, dit is heel natuurlik om te aanvaar dat almal wat tot nog toe redelik vordering gemaak het om die gebroke wêreld te herstel, dalk slimmer, sterker, ryker, dapperder, talentvoller, meer ambisieus, meer energiek, meer volhardend en baie meer skeppend as ek of jy was. Weer eens, dit sou in die lig hiervan maklik wees om kop uit te trek. Hoekom is ons hier?, word beantwoord in Efesiërs 2:10: Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het. Jonatan leef met die diepe bewustheid dat die emosies wat in sy pa Saul lewe, verkeerd is en dat dit moet stop! Jonatan was juis die een wat dit alles moes aanhoor en moes aanspreek en hanteer. 7

12 Waarom sou jy Jonatan se emosionele reaksie as ʼn heilige ongemak kon beskou? Wat alles kon Jonatan moontlik verloor deur hierdie goeie daad aan Dawid te bewys? Daar kan baie sake in ons leefwêreld wees wat jou ongemaklik maak. Ons moet onsself egter afvra of die sake my ongemaklik maak vanuit my eie selfsugtige begeertes en verlange (soos my eie sekuriteit, bevordering, sukses of bedreiging van my status of mag), of omdat hierdie sake ook vir God ongelukkig maak. Watter sake is ook vir God belangrik wat ook jou hart raak? Hoe lyk jou prentjie van God dat jy glo dit ook God se hart sou raak... soos wat of wie is God vir jou? Emosionele reaksies is snellers wat aan stories verbind word... aan watter lewensstories kan jy dink en vertel wat moontlik lig daarop kan werp dat een van hierdie sake jou ongemaklik laat voel, heilig ongemaklik? Dit ontstel jou, dit ontstel God en Hy is gereed dat julle saam iets daaraan kan doen. Jou heilige ongemak sal jou van balans afgooi, jou van die rusbank af laat opstaan en jou in die spel laat induik. Jonatan beweeg verby sy pyn (emosionele pyn, sy pa se beledigings) om iets daadwerkliks aan die onreg van die saak te doen. 8

13 Hoekom is party mense emosioneel verlam/passief ten opsigte van die onreg wat plaasvind? Wat kon dit vir Jonatan moontlik maak om verby sy pa se emosionele mishandeling te beweeg en iets aan sy eie heilige ongemak te kon doen? Wanneer skep ʼn saak meer as net ʼn ongemak, maar ʼn heilige ongemak? Waarvoor is jy gebore? is die vraag in jou agterkop... Hoe kan jy deelneem aan God se genesende werking in hierdie wêreld? As jy na jou eie heilige ongemak sou uitvra en herbesin, hoe help vandag se gesprek jou om daaroor te dink en iets daaraan te doen? 9

14 Hoe versoen gebroke families? Genesis 45:1-16 Die Josef-verhaal begin alreeds aan die einde van Genesis 29 en strek tot aan die einde van Genesis. Hierdie verhaal is n baie lang narratief wat in hoofstuk 45 ontvou. In hierdie verhaal word daar gefokus op die familieverhoudinge tussen Jakob, sy vrouens en sy seuns. In Genesis 37 begin ons lees van die spanning in Josef se familie. Daar is baie wat gebeur wat maak dat Josef se broers nie baie van hom hou nie, so erg dat hulle hom verkoop. Josef land in Egipte en na n aantal jare en gebeure lees ons dat hy in hoofstuk 42 onderkoning oor Egipte word. Josef het die farao se drome uitgelê en vir die farao vertel dat daar sewe jaar van oorvloed gaan wees en sewe jaar hongersnood. Farao het dit toe goedgedink dat Josef seker maak dat daar genoeg kos opgegaar word vir die tyd van hongersnood. 10

15 Josef is die een wat sy broers ontvang toe hulle al die pad Egipte toe kom om kos te soek. Hy herken hulle dadelik, maar hulle herken hom nie. Almal is daar, behalwe Benjamin. n Paar vreemde insidente gebeur. Eerstens beskuldig Josef sy broers dat hulle spioene is en hou hulle drie dae aan. Na drie dae mag hulle huistoe gaan, maar hulle moet vir Benjamin, hulle jongste broer, saam terugbring. Simeon word as gevangene gehou totdat hulle terug is. Oppad terug sien hulle dat die geld waarmee hulle vir die graan betaal het, weer terug in hulle sakke is. Toe die broers met Benjamin terugkom, is hulle verras deur Josef se gasvryheid. Simeon word uit die tronk gehaal en hulle eet almal saam. Benjamin kry meer kos as die ander. Na afloop van die ete laat Josef sy broers se graansakke vol maak en hulle kan teruggaan. Josef beveel sy hoofamptenaar om n silwerbeker in Benjamin se sak te plaas en Josef se manne keer hulle voor. Die silwerbeker word in Benjamin se sak gekry en daar word gesê dat hy nou n slaaf moet word. Juda smeek Josef om in Benjamin se plek as slaaf te bly. Hierdie verhaal het n baie lang opbou tot by hierdie punt waar Josef vir sy broers vertel wie hy is. Hoekom dink jy huil Josef so verskriklik? Die verhaal van Josef is n verhaal van n familie waar alles nie perfek loop nie, waar dinge moeilik is. Hierdie verhaal is n verhaal van liefde, jaloesie, vergifnis, jarelange hartseer en vele meer. Daar is eintlik baie raakpunte in hierdie verhaal wat ook vandag in families sigbaar is. Verhoudings is moeilik. Familieverhoudings veral, is soms moeilik, meestal omdat dit so naby is. Dit is die plek waar mens die meeste liefde beleef, maar as dinge verkeerd loop, kan dit ook baie, baie seer wees. As so n naby verhouding seerkry, lei dit baiekeer tot jarelange verwyt, pyn en ongelukkigheid. As n mens rondom jou kyk, is daar baie families wie se geluk gesteel word as gevolg van onopgeloste sake uit die verlede. 11

16 Wat breek jou hart in jou eie familie? Wat is die dinge wat julle as familie se geluk steel? Josef het alle reg om kwaad te wees, maar juis hy sê genoeg is genoeg. Hy staan nie op sy regte nie, maar maak nuwe moontlikhede oop en hy skep n nuwe toekoms vir sy familie. Hy sien in sy broers se reaksie op hierdie situasie dat daar ook baie in hulle lewens verander het. Dit maak dit ook vir hom makliker om te vergewe en nuut te begin. Die manier waarop Josef huil, laat ons dink dat hy dalk genoeg gehad het van die jarelange hartseer, woede en verlange. Hy wil graag herstel bring. Die sê-ding: Elke huis het sy kruis, is baie waar. Elke familie het sy eie unieke uitdagings en daar is nie een antwoord wat vir almal werk nie. Tog is daar altyd dinge wat ons beter kan doen. Daar is plekke waar ons God moet toelaat om ons heel te maak op die manier wat vir ons goed sal wees. As jy die verhaal van Josef lees, met watter karakter in die verhaal kan jy jou identifiseer en hoekom? Watter van die konflikte wat genoem word in die Josef-verhaal is vandag ook aanwesig in gesinne? Is daar van jou familieverhoudinge wat jou geluk steel? Hoe help hierdie verhaal jou daarmee? Is daar enige storie van hoop wat jy nou kan onthou van ʼn familie wat heel geword het? Vertel dit vir die groep. In Genesis 50:20 sien ons dat Josef nie net uit ʼn menslike oogpunt na sy verhaal kyk nie, maar dat hy ook God se hand in die gebeure sien. Wat sou gebeur as ons na ons eie familie-verhaal vanuit God se oogpunt kyk? Hoe is God reeds in ons families betrokke? 12

17 Families is baie kosbaar en ons moet ons beste doen om hierdie verhoudinge op te pas. Ons weet egter dat dit nie so maklik is om orals herstel te bring nie. Tog weet ons dat God by ons betrokke is en dat Hy vir ons die krag sal gee om te besef waar ons dinge anders kan doen of waar vergifnis nodig is. Mag jy beleef hoe God ook in jou familie aan die werk is. 13

18 Wat is werklik belangrik? Lukas 10:38 42 As ek een van die dissipels sou wees wat hier teenwoordig was, sou ek self baie ongemaklik in my stoel rondgeskuif het as ek hierdie toneel moes aanskou. Marta was duidelik ontsteld oor die feit dat haar suster nie in die kombuis help nie, maar na Jesus sit en luister. Marta bars die vertrek binne en begin kla omdat sy alleen besig is om die gaste te bedien. Sy spreek egter nie haar suster aan nie. Sy betrek vir Jesus en maak van Hom n regter in hulle huishoudelike argument. Eers vra sy n vraag: Pla dit u nie, dat ek alleen moet werk en my sussie doen niks nie? Sy gee Hom nie kans om die vraag te antwoord nie, want sy volg dit op met n opdrag: Sê vir haar om my te help! Nou as ek eerlik moet wees, dink ek dat Marta se versoek dat haar suster moet help heeltemal verstaanbaar is. Hoekom moet sy al die werk doen? Jesus word nie in die debat of die konflik ingetrek nie. Hy sê nie hier 14

19 wie reg of verkeerd is nie. Jesus se antwoord haal die angel heeltemal uit hierdie gesprek. Jesus vra vir Marta om nuut te dink en om haar eie fokus te heroorweeg. Jesus sê vir haar: Marta, jy is besorg en bekommerd oor baie dinge, maar net een ding is nodig... Daar is so baie verskillende sake wat ons aandag verlang. Ons werk so hard, maar wat is dit wat werklik belangrik is? Matteus 11:28 Kom na My toe, almal wat uitgeput en oorlaai is, en Ek sal julle rus gee. Jesus nooi ons om na Hom toe te kom: om rus en nuwe betekenis in Hom te vind. Is n deurlopende boodskap wat verkondig word deur advertensies en die media nie dat jy nie goed genoeg is nie? Jy besit nie genoeg nie, is nie slim genoeg nie, is nie mooi genoeg nie, werk nie hard genoeg nie. Die prys wat ons dan betaal deur ons eie gesondheid, ons verhoudings wat beskadig en die aarde se hulpbronne wat vernietig word, is enorm. Wat moet ons verander? Wat is die tafels wat ons moet omgooi? Wat moet ons in ons eie lewens en in die lewens van ons kinders verander sodat ons kan dink aan dit wat werklik belangrik is? Hoe kan ons saamwerk om die druk op die aarde se hulpbronne te verminder? Is dit nie tyd om juis met groter eenvoud te lewe nie? Bied hierdie gesprekke jou nie die kans om na jou lewe te kyk en te verklaar dat jy genoeg het/is/gebruik nie? 15

20 Simplified living is about more than doing less. It s being who God called us to be, with a wholehearted, single-minded focus. It s walking away from innumerable lesser opportunities in favour of the few to which we ve been called and for which we ve been created. Bill Hybels Soos hierdie aanhaling dit stel, word ons geroep om te wees, wie God ons geskep het om te wees: Om te fokus op ons doel en bydrae in die lewe. Dit beteken dat ons moet kan onderskei tussen wat werklik belangrik is en wat onnodige sake is. Die eerste vraag wat ons dan vir onsself sal moet beantwoord is: Wat is werklik belangrik? As jy jouself moet vereenselwig met een van die twee vroue in die verhaal, sal jy jouself sien as Maria of Marta? Hoekom sê jy so? Lees weer Jesus se antwoord aan Marta. Wat probeer Hy vir haar en vir ons duidelik maak? Kan jy n verhaal vertel oor n geleentheid wat jy besef het jy is/het genoeg? Hoe het hierdie wete jou laat voel? As jy besef dat jy genoeg het/is, hoe gaan jy jou lewe aanpas? Is dit nie n goeie tyd om al jou ou klere vir welsynsorganisasies te skenk en te verklaar dat jy minder klere gaan koop nie? Is hierdie nie n geleentheid om na jou program te kyk en tye te dagboek om saam met jou familie te spandeer nie? Gaan jy meer moeite doen om by God se voete te sit en Sy stem te hoor? Hierdie gesprek gaan net n gesprek bly as ons nie prakties besluit om planne te maak om te verander nie... 16

21 17

22 Is hierdie tafel werklik vir almal? Markus 7:24-30 n Heidense vrou van Griekse afkoms kom, met ʼn nood/behoefte, na Jesus vir hulp. Jesus wys haar aanvanklik weg. Hoekom? Die antwoord lê in vers 27. In vers 27 maak Jesus gebruik van beeldspraak. Hoe moet ons dit verstaan? Wie of wat word met kinders, eet, kos, en hondjies bedoel? Wat sê Jesus hiermee? Jesus sê vir haar dat Sy weldade/wonders/genesings (die kos) vir eers net vir Jode (die kinders) bedoel is en tans nog nie vir die heidene (hondjies) nie. Hoekom hierdie volgorde, van eerste die Jode en dan die heidene? Hiermee wil Jesus haar laat verstaan dat Sy eerste roeping daarin lê, om eers die vervulling van die beloftes van die Verbondsgod, aan sy uitverkore volk Israel te wees. Daarna sal Sy genade uitbrei na alle volke (sien byvoorbeeld Jesaja 60:3). Jesus se afwysing laat die vrou egter nie moed opgee nie en sy wys Jesus daarop dat die hondjies darem toegelaat word om onder die tafel die oorskiet van 18

23 die kindertjies te eet. Op grond van hierdie woorde betoon Jesus aan haar die weldaad deur haar dogter te genees. Hier ontstaan n wedersydse heilige ongemak. Vanuit Jesus se perspektief het die tyd nog nie vir die heidene aangebreek om ook te deel in God se weldade (genesings ens.) vir sy volk nie. Sy begryp dit nie en Hy wil op daardie stadium graag alleen wees (vers 24). Markus 6:31 kan n aanduiding wees dat die behoefte aan afsondering daarin kon lê, dat Jesus uitgeput was van al die aandag aan mense. Vanuit die vrou se perspektief beleef sy weer die angs en frustrasie van haar dogter se nood en Jesus se oënskynlike traak-my-nie-agtigheid. Alhoewel die vrou se optrede van geloof getuig, sou mens ook n sekere hardkoppigheid kon bemerk. Sou hierdie geldige afleidings kon wees? In hierdie verhaal sit ons met n godsdienstige dilemma. Beide Jesus en die vrou tree op vanuit n sekere raamwerk en aanvanklik lyk dit nie of hulle mekaar vind nie (vers 27). Binne die NG Kerk as geheel beleef ons tans in terme van verskeie teologiese kwessies onsekerheid, spanning en selfs agterdog. Ten diepste gaan dit om Skrifverstaan en hoe ons in die lig daarvan kwessies soos byvoorbeeld selfdegeslagverhoudings, evolusie en andere, moet verstaan en beoordeel. Die gevaar van twee uiterstes bestaan. Aan die een kant kan lidmate hulle gewoon aan n gemeente of denominasie onttrek. Aan die ander kant kan lidmate eenvoudig apaties raak (juis vanweë die veelkantigheid van kwessies) of maar hul ongemak en (stille) ontevredenheid verdra en daarmee saamleef. Sulke keuses voed egter nie vertroue nie, maar eerder agterdog en vertroebel ware eenheid in Christus. In die proses maak ons mekaar tot buitestaanders. 19

24 Buitestaanders ten opsigte van my verstaan, standpunt en houding. n Godsdienstige dilemma dus. Hoe hanteer Jesus en die vrou hul godsdienstige dilemma? Jesus stel sy standpunt (afwysing) binne en vanuit die raamwerk van die vervulling van die Ou Verbond. As Hy met die vrou praat, gebruik Jesus selfs ook die aanspreekvorm van sy tyd (vanuit Joodse perspektief), ten opsigte van die heidense vrou (hondjie). Dat Jesus van die verkleinwoord (hondjie) gebruik maak, is egter veelseggend en nie maar toevallig nie. Alhoewel die woord hondjie steeds van afwysing getuig, spreek die verkleinwoord van versagting en dat Jesus haar as mens (in nood) raaksien. Op haar beurt verdra die vrou die beledigende vergelyking ( hond ) van die Jode en word nie kwaad en beëindig die gesprek nie. Inteendeel, sy verneder haar deur aan te sluit by Jesus se taalgebruik (sy verwys na haar en haar dogter as hondjies ). Hiermee skep sy die moontlikheid dat die gesprek verder gevoer word. In die proses is sy dan ook bereid om die minste te wees ter wille van haar dogter. As ons oor teologiese kwessies debatteer, sien ons net die saak of ook n mens in nood/met n behoefte? Wat leer Jesus ons hier? Jesus weier die vrou se versoek. Hoe het die vrou daarin geslaag om die gesprek lewendig te hou? Wat was haar aanslag? As mens na die vrou se optrede kyk, hoe geduldig en taktvol hanteer ons sensitiewe gesprekke? Die Markus evangelie word van die begin af gemotiveer en gedryf deur die Koninkryk van God (Markus 1:15). So speel genesings n dominante rol juis as teken van God se Koninkryk. Jesus is bereid om hom te laat omhaal ten einde mense in te sluit, te genees en te herstel. Met ons optrede en woorde kan ons ruimtes skep of inperk vir die insluiting, genesing en herstel van mense. 20

25 Genoeg is genoeg! Wat kan jy prakties (in die lig van alles gesê) na die tafel bring om ons teologiese /godsdienstige dilemmas op só n wyse te hanteer, dat dit n bydrae kan lewer tot meerdere eenheid in Christus? 21

26 Bring verandering deur opnuut te kyk! 1 Samuel 17 Ons lees vandeesweek 1 Samuel 17. Dawid het n redelik rustige bestaanswyse as herder van sy pa se skape. Toe hy dus opdrag kry om kos na die tafels van sy broers aan die gevegsfront te neem, het hy nie verwag dat die normale gang van sy lewe veel versteur sou word nie. Sy opdrag was eenvoudig: jou broers is honger. Neem vir hulle kos. By die Vallei van Elah ontdek hy dat daar nog nie gevegte plaasgevind het nie. Beskryf wat hy gesien en gehoor het en hoe Saul se soldate reageer het. 22

27 Vir 40 dae het die uittarting aangehou. Die Israeliete het gewoond geraak aan die beledigings teen die Here. Hulle hou hulself veilig op n afstand, teen die hang van n koppie. Hulle beskerm as t ware hulself. Hulle raak nie betrokke nie. Dit is bloot n gadeslaan van dinge wat verkeerd is. Dawid is diep ongelukkig oor wat hy sien en hoor. Lees verse 26, 32 en 37 en bespreek Dawid se motiewe, emosies en gedrag. Ons moet onderskei tussen dit wat Dawid gedryf het en dit wat Dawid gedoen het. As dit nie vir sy heilige ongemak was nie, sou hy waarskynlik niks gedoen het nie. Hy is in sy optrede gedryf deur sy diepste oortuiging dat iets aan die situasie gedoen moet word. Die krag van sy optrede het dus nie soseer in sy spiere gelê as in sy harts- of geloofsoortuiging nie. Dawid het n hemelse ongemak. Luister hoeveel keer verwys hy na die Here in hierdie teks. Sy aksie spruit nie voort uit sy eie hart nie, maar uit God se hart. Hy besef wat in die Vallei van Elah gebeur, skreeu ten hemele. Iemand moet iets doen. Dawid het egter nie blindelings die gevaarsone ingegaan nie. Naas sy geloofsoortuiging dat God hom sou help (v 37), het hy n deeglike analise van die situasie gedoen. Hy het geweet dat Goliat reusagtig groot en gevaarlik was, maar hy het besef hy het n besliste voordeel. Goliat was n infanteris deel van die stormtroepe. Hoekom storm hy dan nie op Dawid af nie? Hoekom staan hy stil en sê: Kom bietjie hier? Hoekom het hy n skilddraer? 23

28 In die antieke tyd was dit net boogskutters wat skilddraers gehad het. Hoekom vra hy waarom Dawid met kieries nader kom (v 43), terwyl vers 40 pertinent sê Dawid het slegs een kierie in sy hand? Navorsing toon dat buitengewoon groot mense soos Goliat as n reël aan akromegalie ly. Die oorproduksie van groeihormone het onder andere swak visie tot gevolg. Boonop het n antieke infanteris nie n kat se kans teen n slingervelsoldaat nie. Dit is soos om met n swaard teen n pistool te baklei. Die soldate van koning Saul was so vasgevang in hulle emosies van vrees, dat hulle geensins met onderskeidingsvermoë hulle voordeel kon sien nie. Die diep gelowige Dawid volg vreesloos sy innerlike, heilige ongemak en toon dat reuse verslaan kan word. Hoe lyk die Goliat of Goliats in julle wêreld wat ander mense moedeloos maak (v 32), maar julle ontstig? Kry n aantal koerante en laat elkeen iets uitknip wat hy/sy wil bydra om op n groot karton/tafel n groepsuitstalling te maak van dit in ons wêreld wat julle ontstig. Ons verkies die normale gang van die lewe, maar hoe gemaak as daar skielik ʼn reus voor jou opdoem wat daardie lewe bedreig? Wat kan gebeur as gewone mense reuse begin uitdaag? Wat kan gebeur waar n gelowige sien dat God se Koninkryk en kinders skade ly as gevolg van ander se slegte of bose optrede? Hoe moet en kan ons dit prakties benader? 24

29 Deel met die groep die Goliat wat jou normale gang van die lewe versteur? Anders gestel: Wat breek jou hart wanneer jy na die wêreld kyk? Wat maak dit oënskynlik onmoontlik vir jou om daardie Goliat aan te durf? Deel met die groep waar jy betrokke gaan raak. 25

30 26

31 27

32 28