MODULE 2 LEWENSFASE 1

Transcription

1 Die 2012 hersiene weergawe MODULE 2 LEWENSFASE 1 nuwe tekeninge nuwe aktiwiteite en ysbrekers nuwe les inhoud spanlede betrokke by hersiening van module 2 100% 94% 70% 7 5 maande lank geneem om module 2 te hersien In die toekoms lesse om nog te hersien lesse om te vertaal in Engels Aucklandpark Teologiese Seminarium

2 DIE VOORWOORD Geagte Vriend Victor Kids is die inisiatief van Aucklandpark Teologiese Seminarium (ATS) wat meer as 10 jaar gelede n groep teoloë en opvoedkundiges saamgebring het om die sondagskoolprogram te ontwikkel. Navorsing het ons geleer dat die grootste persentasie van Christene in die laerskool tot bekering kom. Die groei en die toekoms van die Christelike geloof lê by ons kinders. Prof. Hattingh, rektor van ATS, noem dat die groot stryd in die Christelike geloof oor twee sake sal gaan: 1. Of Jesus Christus werklike God se seun is; en 2. Die Bybel as gesaghebbende Woord van God. Vir hierdie rede was die opdrag aan die span skrywers om n sondagskoolprogram te ontwikkel wat ons kinders van vroeg af reeds kan voorberei om selfstandige Christene te word, wat die Bybel ken en lief is vir die Bybel. Hersiene weergawe In 2012 is begin om die oorspronklike Victor Kids program te hersien. Ons het indringend na elke les gekyk en die program oorgeskryf om dit nog skerper te maak. Al die Illustrasies is nuut en 94% van die Ysbrekers en Aktiwiteite is nuut ten einde so relevant as moontlik aan ons kinders se ervaringswêreld te bly. n Groot aantal (70%) van die lesinhoud is ook oorgeskryf met insigte en kennis wat ons deur die jare opgedoen het. Alle tekeninge in die boek is inkleurbaar en bied so ekstra aktiwiteits moontlikhede. Hooftema van Module 2 In Module 2 is die hooftema: GOD SE KINDERS EN ANDER MENSE. In die onderskeie lewensfases word gekyk na fasette van ons bestaan as mense: eerstens, as God se kinders en tweedens, ons verhouding met ander. In die verskillende lesse word kennis deurgegee, gesindheidsverandering bewerk, vaardighede en karakter ontwikkel. Onderliggend aan alles is die boodskap: ons is waarlik mens in Christus en leef vanuit Hom in die krag van die Heilige Gees. Sodoende word ook ons verantwoordelikhede en moontlikhede vervul. Gebruik van Materiaal Die program lig die aanbieder in oor die Hulpmiddels, die Skriflesing en Memoriseervers wat toepaslik is vir die les. Die lesverloop word stap-vir-stap uiteensit vanaf die Ysbreker, die Aanloop, Verloop en Afloop van die les met n gepaste Aktiwiteit en selfs n Afsluitingsgebed. Ons het besluit om die hulpbron wat ons aan n sondagskoolaanbieder bied, tot die beste van ons vermoë volledig te maak. Die gevaar egter, met die strategie, is dat n aanbieder kan voel daar geen ruimte vir eie bydraes is nie en daarom die les slegs voorlees. Ons wil egter nooit hê dit moet gebeur nie. Die persoonlike interpretasie, aanbieding en entoesiasme van die aanbieder is baie belangrik om n geslaagde les aan te bied. Gebruik die materiaal om u sondagskoolklasse op n hoër vlak te plaas, maar maak die les u eie. Dink oor die doel wat u met elke les wil bereik, dink oor u leerders en hulle behoeftes en dink oor wat vir God belangrik is en laat dit u les vorm. As u die dag die lesvolgorde vir n deurdagte rede wil verander, doen dit. Maak egter altyd seker dat die lesinhoud eerstens u eie lewe aanspreek. n Goeie prediker laat n preek eers sy eie lewe aanspreek voordat hy dit vir sy gemeente preek. Mag elkeen wat hierdie program aanbied, dit geniet en geestelik verrykend ervaar. Mag dit vir u groep tot groot seën wees. Ons gebed is dat hierdie program lewens en gesindhede sal verander sodat die nuwe lewe in Christus wat ons ervaar, ook in ons kinders se lewens duidelik sal deurbreek. Groete Die Victor Kids span 2

3 DIE 2012 HERSIENE WEERGAWE DIE SPAN René Hattingh-Rust Ons skrywer en redakteur, René en haar man woon langs die mond van die Touwsrivier in die kusdorpie Wildernis. Elke oggend drink hulle cappuccino terwyl hulle na die watervoëls kyk en beplan hoe hulle die wêreld saam met God gaan verander. René het op 4 jarige ouderdom haar hart aan die Here gegee en is baie beslis oor die feit dat n mens nooit n kind se sensitiwiteit vir die inspraak van die Heilige Gees mag onderskat nie. René het haar doktorsgraad in Sielkundige Opvoedkunde aan die Universiteit van Johannesburg in 2007 verwerf. Vir ontspanning ry sy en haar man bergfietse, branders met hul lyfplank, roei kayak, stap en kyk voëls. Carol Bankart Carol, ons illustreerder, en haar man woon en werk in die natuurlikebos van Wildernishoogte wat uitkyk oor die mere en vleiland. Hulle het daagliks Knysnaloeries, Miksterkbyvangers, Willies en apies wat op hulle stoep kom kuier. Sy is n kundige op die gebied van skole aangesien sy in haar skoolloopbaan die voorreg gehad het om sewe verskillende skole te ervaar en van binne en buite te bekyk. Carol is gekwalifiseer as n grafiese ontwerper met n professionele loopbaan by verskeie bemarkingsagentskappe en drukkerye. In haar vryetyd beoefen sy kreatiewe ontwerp in die vorm van drukwerk en die ontwerp en maak van kledingstukke. Sy is lief vir die natuur en buitelewe en geniet dit om te stap, te roei en voëls te kyk. Carol is baie lief vir Jesus en beskou dit n groot voorreg om die waarheid van die Bybel en God se groot liefde aan kinders oor te dra. Tegniese versorging en bladontwerp Hendrik Rust Illustrasies Stephen Bankart Taalversorging Hester van Rhyn Elena Rust Argivale funksie Linda Erasmus 3

4 1 MOSES SE GEBOORTE Aanbiedersnotas Kerntema Jy het n doel Aanbiedingsdoelwit Die leerders sal die verhaal van Moses se geboorte ken Skrifgedeelte Eksodus 2: 1-22 Hulpmiddels Rol toiletpapier vir elke groep. Uitgeknipte prente soos verskaf in Projekblaaie: Prent 1: Vrou (Moses se ma) Prent 2: Baba in mandjie in rivier Prent 3: Jong vrou (Miriam) Prent 4: Dogter van Farao en haar diens meisies Prent 5: Jong volwasse man (Moses) Prent 6: Egiptenaar wat Israeliet slaan Prent 7: Moses wat by put sit Ballonne Projekblad vir leerders. Ysbreker Verdeel die klas in groepe van vier en laat elke groep n koning of n koningin kies. Gee aan elke groep n rol toiletpapier. Elke groep moet in n bepaalde tyd hulle koning of koningin met die toiletpapier toedraai. Die idee is dat hulle n mummie maak. Die span met die beste mummie aan die einde van die tyd is die wenner. Sê aan die leerders voor die tyd waarna gekyk sal word om te bepaal watter mummie die beste is. Byvoorbeeld, die mummie waarvan die minste lyf uitsteek. Nadat die oefening voltooi is en die wenner bepaal is, laat leerders rustig sit. Vra aan die leerders: Wat is n mummie? Waar kry n mens n mummie? Ja, in Egipte. Vroeër jare is mense, as hulle doodgegaan het, met verbande toegedraai en met spesiale goed gesmeer sodat hulle n mummie kon word. Die storie wat ons vandag gaan hoor, het in Egipte gebeur. 4

5 1 Die leerders hoef nie die gedig te leer nie. Indien daar genoeg tyd is, kan die aanbieder besluit om dit vir die leerders voor te lees. Rymwoorde speel n belangrike rol in die leerder se taalontwikkeling. Gediggie Die nare ou Farao het beveel: Maak al die seuntjies dood! Maar een mamma het besluit: hierdie kind maak sy self groot! Slaap maar kindjie, hoekom is jy bang? God het n droom vir jou; Hy t n spesiale plan! Aanloop Die Israeliete het in Egipte vermeerder en later so baie geword dat die hele land vol Israeliete was. Die nuwe koning van Egipte het bekommerd geraak. Hy was bang dat die Israeliete die land sou oorneem en het toe n plan gemaak. Die Israeliete moes as slawe vir die Egiptenare werk. Hulle het baie swaar gekry. Hulle moes hard werk en is geslaan as hulle nie hard genoeg gewerk het nie. Nogtans het die Israeliete steeds net meer en meer geword, daarom het die Farao n baie wrede plan gemaak. Farao het gesê dat al die Israelitiese babaseuntjies, in die Nylrivier gegooi moes word. Aanbieder vertel die storie en plaas die prente op die muur soos nodig. Verloop Die plan van die Farao was baie wreed en baie babaseuntjies is doodgemaak. Een van die mammas (plaas prent 1 teen die muur) het probeer om haar babaseuntjie vir drie maande weg te steek. Sy kon hom egter later nie meer wegsteek nie want hy het te veel gehuil en was woelig. Sy het n slim plan gekry en n biesiemandjie gevleg en dit met klei en pik gesmeer sodat daar nie water kon inkom nie. Sy het haar babaseuntjie in die mandjie gesit en dit tussen riete aan die kant van die Nylrivier geplaas (prent 2). Die baba se sussie, Miriam, (haal prent 1 af en plaas prent 3) moes naby wegkruip om te sien wat met haar bababoetie gebeur. Die dogter van die Farao (prent 4) het na die Nylrivier gegaan om te swem. Sy sien toe die mandjie tussen die riete en stuur een van haar diensmeisies om dit te gaan haal. Toe sy die mandjie oopmaak, vind sy n seuntjie wat vreeslik huil. Sy het die seuntjie baie jammer gekry en besluit om hom te hou. Farao se dogter het die seuntjie Moses genoem. Moses beteken: Ek het hom uit die water gehaal. Toe Miriam sien dat haar bababoetie by die Farao se dogter is, het sy vinnig na haar toe gegaan en vir haar gesê dat sy iemand ken wat kan help om die seuntjie vir die Farao se dogter groot te maak. Miriam het vinnig gehardloop en haar ma gaan roep. Die Farao se dogter het vir Moses se ma gesê dat sy die seuntjie moes grootmaak en wanneer hy oud genoeg was, moes sy hom 5

6 1 na die paleis toe terugbring. Miriam se ma het Moses grootgemaak en toe hy oud genoeg was, hom na die Farao se dogter teruggeneem. Toe Moses n groot man was, (alle prente af en plaas prent 5 op) sien hy eendag hoe n Egiptenaar n Israeliet slaan (prent 6). Moses het rondgekyk of iemand hom dophou en die Egiptenaar toe doodgeslaan. Daarna het hy die man onder die sand begrawe. Later het Moses gehoor dat daar wel iemand was wat gesien het wat hy gedoen het. Hy het so groot geskrik dat hy dadelik gevlug het en in n ander land, gaan bly het. Die land se naam was Midian. Terwyl hy eendag daar by n put in Midian sit, (alle prente af, plaas prent 7 op) het sewe meisies by die put kom water haal vir hulle diere. Hulle was die dogters van die priester. Moses het hulle gehelp om die diere water te gee. Hulle pa, Réhuel was verbaas toe hulle so gou by die huis terug is. Sy dogters het hom vertel van die man wat hulle gehelp het en hy het toe vir Moses genooi om by hom te kom eet. Moses is later met een van Réhuel se dogters, Sepora, getroud. Afloop Kom ons kyk hoe mooi julle geluister het. Die Israelitiese vrou het vir drie maande haar seuntjie weggesteek. Later moes sy n ander plan maak. Wat het sy gedoen? Wie het daar naby weggekruip om te sien wat met die baba gaan gebeur? Wie het die baba tussen die riete gekry? Wat het die Farao se dogter die baba genoem? Watter vreeslike ding het Moses gedoen toe hy groot was? Waarheen het hy toe gevlug? ( n Ander land is genoegsame antwoord) Wie se dogters het hy by die put gehelp? ( n Priester se dogter is n genoegsame antwoord) Met wie het Moses getrou? (Die priester se dogter is n genoegsame antwoord) Sjoe, dit is darem wonderlik hoe God vir Moses beskerm het! Sy mamma kon hom vir lank wegsteek; daarna het niks met hom in die rivier gebeur nie; die Farao se dogter het hom gekry en sy eie mamma kon hom vir n ruk grootmaak. God het vir Moses beskerm sodat hy nie doodgemaak is 6

7 1 soos die ander seuntjies nie, omdat God n groot plan met Moses se lewe gehad het. Dit is belangrik om te weet dat net soos wat God n plan met Moses se lewe gehad het, het God n plan met jou lewe. Vra die leerders om met hulle vingers op hulle bord te wys en agterna te sê: God het n plan met MY lewe. Dit is nou die einde van vandag se storie, maar volgende week sal ons verder hoor van Moses en God se plan met sy lewe. Toepassing Vra vir die leerders waarvoor hulle bang is. Laat hulle reageer. Vra vir die leerders: Wat kan jy doen as jy die aand in jou bed lê en daar is n vreeslike storm buite? Leerders sal moontlik reageer deur te sê dat hulle hulle ma of pa sal roep en vra om by hulle te wees. Net soos mamma of pappa by jou is, is daar iemand anders wat altyd by jou is en jou kan beskerm en dit is God. Net soos Hy vir Moses in die mandjie beskerm het, so beskerm Hy jou. Memoriseervers Psalm 91: 11: Hy sal sy engele opdrag gee om jou te beskerm waar jy ook al gaan. Laat die leerders almal saam die vers n paar keer opsê. Ballon-vlugbal: Blaas vooraf n paar ballonne op en plaas in n houer of swart sak. Verdeel die leerders in twee groepe. Laat die groepe teenoor mekaar staan met n Iyn tussen hulle. Laat span 1 die ballon na span 2 se kant slaan. Die leerder van span 2 wat die ballon raak slaan, moet die eerste woord van die Bybelvers opsê. Die leerder van span 1 wat dan die ballon slaan, sê die tweede woord, ensovoorts. Die spel werk amper soos vlugbal. Indien die ballon die grond raak, kry die ander span n punt of indien n leerder nie die volgende woord kan sê nie, kry die ander span n punt. Herhaal die spel n paar maal. Vir afwisseling kan die leerders twee of selfs drie woorde gee in plaas van een. Indien die ballon bars, gebruik n ander een. 7

8 1 Hierdie aktiwiteit oefen die leerder se vermoë om ooreenkomste en verskille te onderskei. Projek Gee aan elke leerder n kopie van die projekblad en n kleurpotlood. Instruksie: Sit jou vinger op die prentjie in die linkerkantse blokkie. Soek nou die prentjie regs wat dieselfde as die prentjie lyk. Omkring die prentjie wat dieselfde is met n potlood. Gebed Dankie Here dat ons vandag die storie van Moses kon hoor en sien hoe U hom beskerm het en n plan met sy lewe gehad het. Dankie dat U vir elkeen van ons ook n plan met ons lewe het en ons beskerm. Geestelike vorming Geloofsvertroue 8

9 1 #3 #1 #2 9

10 1 #4 10

11 1 #5 11

12 1 #6 12

13 1 #7 13

14 AKTIWITEIT 1 14

15 2 DIE BRANDENDE BOS Aanbiedersnotas Kerntema Jy het n doel Aanbiedingsdoelwit Die leerders sal weet dat God met Moses gepraat het en dat Moses met Farao gepraat het Skrifgedeelte Eksodus 3 7 Hulpmiddels Hersieningsprent uit les 1, Prent 2: Baba in mandjie in rivier Uitgeknipte prente soos verskaf in Projekblade van les 2: Prent 1: Moses pas vee op Prent 2: Brandende bos Prent 3: Skoene Prent 4: Kierie word slang Prent 5: Gesonde hand Prent 6: Hand wat melaats is Prent 7: Jong Israelitiese man [Aäron] Prent 8: Farao op troon Prent 9: Moses en Aäron voor Farao Prent 10: Egiptenaar slaan Israeliet Ballonne Projekblad vir leerders NB Begin om die kartonsilinders van papierhanddoekrolle te versamel wat in les 4 gebruik gaan word. Ysbreker Gee aan die leerders n opdrag wat feitlik onmoontlik is. Die doel van die oefening is dat die leerders n gevoel kan ontwikkel vir hoe Moses moes voel oor die opdrag wat die Here hom gegee het. Opdrag: Vra die leerders om vir twee minute lank op hulle kop te staan. Hulle kan hulle bene teen n muur stut om te help. Leerders van hierdie ouderdom sal dit moeilik vind om hulle balans vir twee minute te hou terwyl hulle op hulle kop staan. Selfs al kan hulle teen die muur leun sal dit nog steeds vir hulle uitdagend wees en sal hulle armpies moeg word. Laat almal weer rustig op hulle plekke sit. Vandag sal julle hoor watter moeilike opdrag die Here vir Moses gegee het. Net soos julle, het Moses ook gedink hy sou dit kon nie doen nie. 15

16 2 Aanloop Plaas die hersieningsprent, naamlik Baba in mandjie in rivier, op die bord. Ek wonder of julle kan onthou waaroor ons verlede week gesels het? Dalk sal die prent julle help om te onthou. Laat die leerders kortliks vertel van Moses se geboorte en vlug na Midian. Help waar nodig. Wees versigtig dat een leerder nie alleen die vertelling doen nie, maar gee aan almal geleentheid. Vandag sal julle mooi moet luister. Ons gaan vandag hoor wat verder met Moses gebeur het. Onthou, ons het gesê God het n plan met Moses se lewe gehad. Dalk hoor ons vandag wat die plan was. Aanbieder vertel die storie en plaas die prente op die muur soos nodig. Verloop Moses was besig om vee in die veld op te pas (plaas prent 1 op die bord). Hy het die diere die woestyn ingejaag, tot by die berg Horeb. Toe sien hy skielik (haal prent 1 af en plaas prent 2) n doringbos wat aanhou brand en aanhou brand, maar nie uitbrand nie. Moses besluit toe om te gaan kyk hoekom die bos brand. Toe Moses nader aan die bos kom, roep n stem: Moses, Moses! Moses het geantwoord: Hier is ek. Dit was God wat met Moses gepraat het deur die brandende bos. Die Here sê vir Moses dat hy sy skoene moes uittrek, want dit was heilige grond waarop hy staan. (Haal prent 2 af en plaas prent 3) God sê verder vir Moses dat hy sien hoe swaar die Israeliete in Egipte kry en dat Hy gekom het om hulle te red en uit Egipte na n mooi en goeie land te neem. Die land se naam is Kanaän. God het ook vir Moses gesê dat Hy vir Moses na Egipte toe wil stuur. Hy moet eers met die Israeliete praat om vir hulle te sê dat God hom gestuur het om hulle uit Egipte te lei. Moses kon nie glo dat God hom so iets gegee het om te doen nie. Hy het dadelik vir God gesê: Sê nou die Israeliete glo my nie en wil nie na my luister nie? Toe sê God vir Moses hy moet sy kierie op die grond gooi. (Haal prent 3 af en plaas prent 4) Toe hy dit op die grond gooi, word die kierie n slang. God sê toe vir Moses: Steek jou hand uit en gryp die slang aan sy stert. Moses maak so en die slang word weer n kierie in sy hand. God sê vir Moses: As die Israeliete sien dat jy dit kan doen, sal hulle glo dat Ek jou gestuur het. God het ook vir Moses gesê dat hy sy hand by sy klere moet insteek. (Haal prent 4 af en plaas prent 5). Moses het dit gedoen en toe hy sy hand uithaal, was dit vol sere. (Haal prent 5 af en plaas prent 6). Toe Moses weer sy hand in sy klere steek en uithaal, was dit gesond. Daarop sê God vir Moses: As die Israeliete ook die teken gesien het, sal hulle weet dit is Ek wat jou gestuur het. 16

17 2 Moses sê egter vir die Here: Asseblief tog, Here, stuur iemand anders. Ek kan nie eers goed praat nie. God het kwaad geword vir Moses en vir hom gesê dat hy vir Aäron (haal prent 6 af en plaas prent 7), Moses se broer, sal stuur om Moses te help omdat Aäron goed kon praat. Moses is toe met sy vrou en kinders na Egipte toe. Aäron het vir die Israeliete alles vertel wat die Here gesê het. Daarna het Moses vir hulle gewys van sy kierie wat n slang word en sy hand wat vol sere word. Hulle het geglo dat dit God is wat hulle wil help en uit Egipte wil lei. Moses en Aaron (plaas prent 9 op die bord) het toe met die Farao gaan praat en gevra of die Israeliete die land kan verlaat. Die Farao het baie kwaad geword en die Israeliete net nog harder en harder laat werk (Haal al die prente af en plaas prent 10 op die bord). Moses en Aäron het n tweede keer na die Farao toe gegaan en Aäron het sy kierie voor die Farao neergegooi. Dit het in n groot slang verander, maar die Farao het nie eers geskrik nie. Hy het van sy towenaars laat roep en hulle kon presies dieselfde doen. Hulle het ook hulle kieries neergegooi en dit het in slange verander, maar Aäron se slang het al die ander slange opgeëet. Steeds wou die Farao niks hoor nie en hy het nie toegelaat dat die Israeliete trek nie. Afloop Kom ons kyk hoe mooi het julle geluister. Moses was besig in die veld toe hy n doringbos gesien brand het. Dit was God wat met Moses deur die bos gepraat het. Wat het God vir Moses gesê om te gaan doen? Laat die leerders reageer. Ja, God het vir Moses n baie belangrike werk gegee. Hy moes met die Israeliete gaan gesels en vir die Farao vra of die Israeliete kon wegtrek uit Egipte. Het Moses sommer dadelik opgespring en gesê: Ja, Here, ek gaan sommer dadelik doen wat U gesê het? Laat die leerders reageer. Nee, Moses het nie. Hy was baie bang. Hy het nie gedink hy sou dit kon doen nie. Ek dink ons kon vandag sien wat God se plan met Moses was, want God het geweet dat hy vir Moses gaan gebruik om die Israeliete te help wat so swaarkry in Egipte. Moses was maar in die begin bang om dit te doen, maar die Here het vir Moses gesê dat Hy hom sal help. Ons gaan die volgende paar weke sien hoe God vir Moses gehelp het om die Israeliete uit Egipte te lei. 17

18 2 Toepassing Vra die leerder om met hulle vingers op hulle bord te wys en agterna te sê, God het n plan met MY lewe. God het n plan met elkeen van ons en Hy sal ons help om te doen wat Hy wil hê ons moet doen, al dink ons soos Moses dat ons dit nie kan doen nie. Memoriseervers Eksodus 6: 1: God het vir Moses gesê: Ek is die Here. Laat die leerders die vers n paar keer almal saam opsê. Aanbieder gebruik eie diskresie of daar genoeg tyd vir ballon-vlugbal is, al dan nie. Indien daar nie genoeg tyd is nie, herhaal net n paar keer die vers in groepsverband. Ballon-vlugbal: Blaas n paar ballonne voor die tyd op en plaas in n houer of swart sak. Verdeel die leerders in twee groepe. Laat die groepe teenoor mekaar staan met n lyn tussen hulle. Laat span 1 die ballon na span 2 se kant slaan. Die leerder van span 2 wat die ballon raak slaan, moet die eerste woord van die Bybelvers opsê. Die leerder van span 1 wat dan die ballon slaan, sê die tweede woord, ensovoorts. Die spel werk amper soos vlugbal. Indien die ballon die grond raak, kry die ander span n punt of indien n leerder nie die volgende woord kan sê nie, kry die ander span n punt. Herhaal die spel n paar maal. Vir afwisseling kan die leerders twee of selfs drie woorde gee in plaas van een. Indien die ballon bars, gebruik n ander een. Hierdie aktiwiteit oefen die leerder se visuele diskriminasie en ruimtelike oriëntasie. Projek Gee aan elke leerder n kopie van die projekblad en n kleurpotlood. Instruksie: Sit jou vinger op die prentjie in die linkerkantse blokkie. Omkring die hand en/of die pyltjie in elke ry wat in dieselfde rigting wys. Gebed Dankie Here dat U n plan het met elkeen van ons. Help ons om aan U gehoorsaam te wees en te doen wat U sê, al is ons soos Moses ook bang. Geestelike vorming Identiteitsekerheid. 18

19 2 #1 19

20 2 #2 #3 #4 20

21 2 #5 #6 21

22 2 #7 22

23 2 #8 23

24 2 #9 24

25 2 #10 25

26 AKTIWITEIT 2 26

27 3 DIE NEGE PLAE Aanbiedersnotas Kerntema Jy het n doel Aanbiedingsdoelwit Die leerders sal weet wat die eerste nege plae was wat Egipte getref het Die woordspel van raaisels mag dalk effens moeilik wees vir die leerders maar help met die ontwikkeling van taal en begripsvorming wat belangrik vir skoolgereedheid is. Skrifgedeelte Eksodus 8 10 Hulpmiddels Hersieningsprent uit les 1, Prent 2: Baba in mandjie in rivier. Hersieningsprent uit les 2, Prent 2: Brandende bos. Uitgeknipte prente soos verskaf in Projekblade: Prent 1: Bloed Prent 2: Paddas Prent 3: Muskiet (Muggies volgens NV) Prent 4: Steekvlieë Prent 5: Pes onder die vee Prent 6: Swere Prent 7: Hael Prent 8: Sprinkane Prent 9: Duisternis Raaisels wat elkeen op n aparte stukkie papier geskryf is: Raaisel 1: My hartjie pomp pomp, rooi vloeistof in my lyfie rond Raaisel 2: Dit kwaak en spring en laat almal gril, die nare ding Raaisel 3: Kring en sing, piepklein maar o tog, hy pla groot en klein Raaisel 4: Swerm en draai sodat ons moes arms swaai Raaisel 5: AI die diere in die veld was vol pyn en het gekwyn Raaisel 6: Dit is rooi en opgehewe en laat mens en dier swewe Raaisel 7: Koud en rond en spat teen die grond Raaisel 8: Spring hier, spring daar en smul al die plante klaar Raaisel 9: Mens en dier dwaal en kan niks en niemand sien Nege koeverte, individueel genommer van een tot nege. Elke raaisel word in n genommerde koevert geplaas wat ooreenstem met die nommer van die raaisel. Twee glase met water Bietjie grond Ballonne Projekblad vir leerders. Knip vooraf die domino wat op die projekblad is, uit. Om die domino stewiger te maak, plak u eers kleefplastiek op die blad voordat die domino s uitgesny word. NB Begin om die kartonsilinders van papierhandoekrolle te versamel wat in les 4 gebruik gaan word. 27

28 3 Ysbreker Plaas die twee glase voor die leerders glas 1 gevul met skoon kraanwater en glas 2 met modderwater. Watter een van die twee glase water sal jy drink? Laat die leerders reageer. Hoekom sal jy die glas kies? Laat die leerders reageer. Ja, want dit is skoon water. Waarvoor gebruik jy elke dag water? Laat die leerders reageer. Wat doen jy elke dag met water? Laat die leerders vertel. Jy bad in water, jy borsel jou tande, mamma gebruik water om kos te maak. Wat dink julle sal gebeur as jy die aand wil gaan bad, die kraan oopdraai en skielik kom daar net bloed uit die kraan? Sal jy daarin wil bad? Sal jy jou tande met sulke water wil borsel? Vandag gaan ons verder hoor wat met Moses in Egipte gebeur het. Op n stadium het Egipte se water ook snaaks geword en kon die mense glad nie die water gebruik om mee kos te maak of om in te bad nie. Aanloop Plak die hersieningsprente uit les 1 en les 2 op die bord. Kan julle nog onthou hoe het Moses se storie begin? Help die leerders waar nodig en gee net n vlugtige oorsig van die lesse. Soos julle baie mooi kon onthou en nou net vir ons vertel het, het Moses en Aäron vir die Farao gaan vra of hy nie die Israeliete wil vrylaat nie. Die Farao het nee gesê en daarom het die Here vreeslike goed met die Egiptenare laat gebeur. Ek het vandag vir julle n paar prente saamgebring. Kom ons kyk na elkeen van die prente. Dalk sal dit ons help om te weet wat met die Egiptenare gebeur het. Die prente (prent 1 9) moet vooraf deurmekaar in n houer geplaas word. Haal die prente een-vir-een uit en bespreek met die leerders. Byvoorbeeld: Wat is op die prent? Ja, dit is n padda. Plaas die prent op die bord. Doen dieselfde met elkeen van die nege prente. Let daarop dat die prente nie in volgorde van die nege plae geplaas moet word nie. Verloop Noudat ons na al die prente gekyk het, dink ek ons sal nog leidrade moet kry om ons te help. Kom ons kyk wat het ek nog saamgebring. Haal die nege genommerde koeverte uit. Ek het hier nege koeverte wat genommer is van een tot nege. In elkeen van die koeverte is daar n raaisel wat by elkeen 28

29 3 van die prente pas. Dit sal ons ook help om te sien wat met die Egiptenare gebeur het. Kom ons kyk wat is die eerste raaisel. Haal die eerste raaisel uit en lees dit vir die leerders. Lynn, kom soek vir ons die prent wat by die raaisel pas en dan plak jy dit hier op die bord. Help die leerder om die regte prent te vind. Die ander leerders kan ook help. Wanneer die leerder die regte prent afgehaal het, laat hy/sy dit op n nuwe plek op die bord plaas saam met die raaisel (sodat die raaisels en prente nou in volgorde geplaas kan word). Vertel nou vir die leerders wat in Egipte tydens die plaag gebeur het. Plaag 1 se vertelling: Die Here het vir Moses gesê dat Aäron met sy kierie op die Nyl se water moes slaan. Dadelik nadat Aäron dit gedoen het, het al die water in die Nyl in bloed verander. Die visse in die rivier het gevrek en die water het so gestink dat die Egiptenare dit nie kon drink nie. Oral in Egipte het die water in bloed verander. Die Farao het hom egter nie hieraan gesteur nie en wou nie die Israeliete laat gaan nie. Kom ons kyk wat is die tweede raaisel. Kry die koevert wat met nommer 2 gemerk is en die haal tweede raaisel uit en lees dit vir die leerders. Vra n kind om die prent wat by die raaisel pas, te soek. Help die leerder om die regte prent te vind. Die ander leerders kan ook help. Plak dit onder die eerste plaag op die bord. Plaag 2 se vertelling: Die Here het vir Aaron gesê hy moet sy kierie oor die water van Egipte swaai. Toe hy dit doen, het daar skielik orals paddas begin rondspring. Net waar jy kyk, was daar paddas. Die Farao het toe vir Moses gevra dat hy vir die Here moet bid en vra dat die paddas weggaan. As hulle weggaan, sal hy die Israeliete laat gaan. Toe die Farao sien dat die paddas weg is, het hy weer nie toegelaat dat die Israeliete trek nie. Toe kom die derde plaag. Lees die raaisel in koevert nommer drie vir die leerders. Vra n kind om die prent wat by die raaisel pas te soek. Help die leerder om die regte prent te vind. Die ander leerders kan ook help. Plak die prent op die bord onder die ander plae. Plaag 3 se vertelling: Aaron moes sy kierie op die grond slaan en elke krieseltjie stof wat in Egipte was, het n muskiet geword. Daar was orals muskiete, maar die Farao het nog steeds gesê dat die Israeliete nie mag trek nie. Daarom het die vierde plaag Egipte getref. Lees die raaisel in koevert nommer vier vir die leerders. Vra n kind om die prent wat by die raaisel pas te soek. Help die leerder om die regte prent te vind. Die ander leerders kan ook help. Plak die prent op die bord onder die ander plae. 29

30 3 Plaag 4 se vertelling: Daar was groot swerms steekvlieë in Egipte. n Steekvlieg is n groot vlieg wat baie seer steek. Die Farao het weer vir Moses gevra om te bid dat die steekvlieë weggaan, dan sou hy die Israeliete laat gaan. Net soos die vorige keer, het die Farao nie sy belofte gehou nie en weer nie toegelaat dat die Israeliete trek nie. Daarom het God die vyfde plaag gestuur. Lees die raaisel in koevert nommer vyf vir die leerders. Vra n kind om die prent wat by die raaisel pas te soek. Help die leerder om die regte prent te vind. Die ander leerders kan ook help. Plak die prent op die bord onder die ander plae. Plaag 5 se vertelling: AI die diere van die Egiptenare het siek geword en doodgegaan, maar daar het niks gebeur met die diere van die Israeliete nie. Hulle was almal gesond. Steeds wou die Farao nie luister nie en dit het gelei tot die sesde plaag. Lees die raaisel in koevert nommer ses vir die leerders. Vra n kind om die prent wat by die raaisel pas, te soek. Help die leerder om die regte prent te vind. Die ander leerders kan ook help. Plak die prent op die bord by die ander plae. Plaag 6 se vertelling: God het vir Moses gesê hy moes as (verduidelik wat as is) wat hy uit n oond gehaal het, voor die Farao in die lug opgooi. Toe Moses dit doen, het al die mense en diere in Egipte vol swere geword. Die towenaars van die farao het dit ook probeer doen, maar kon dit nie regkry nie. Ten spyte hiervan wou Farao steeds nie die Israeliete laat gaan nie. Lees die raaisel in koevert nommer sewe vir die leerders. Volg dieselfde prosedure soos by die vorige plae. Plaag 7 se vertelling: Moses het sy kierie in die lug opgesteek. Die Here het n haelstorm oor Egipte laat kom. Die hael het geval en tussen die hael deur was daar die een blits na die ander. AI die plante en bome in Egipte is stukkend geslaan. Maar net daar waar die Israeliete gebly het, het dit nie gehael nie. Farao het weer vir Moses gesê om vir die Here te vra om die hael te stop en belowe dán kon die Israeliete gaan. Soos voorheen, toe die Farao sien dat die reën en hael ophou, het hy weer geweier dat hulle gaan. Toe volg die agtste plaag. Lees die raaisel in koevert nommer agt vir die leerders. Volg dieselfde prosedure soos by die vorige plae. Plaag 8 se vertelling: Moses het sy hand oor Egipte uitgesteek en die Here het die hele dag en nag n wind laat waai wat sprinkane gebring het. 30

31 3 Die sprinkane het die hele land vol gesit en alles wat oorgebly het na die haelstorm, opgevreet al die plante. Farao het weer vir Moses laat bid en belowe dat hy die Israeliete dan sou laat gaan. Nogmaals het die Farao nie sy woord gehou nie en toe al die sprinkane weg is, weer besluit dat die Israeliete nie mag gaan nie. Lees die raaisel in koevert nommer nege vir die leerders. Volg dieselfde prosedure soos by die vorige plae. Plaag 9 se vertelling: Die Here het vir Moses gesê hy moes sy hand in die lug opsteek. Drie dae lank was dit pikdonker oor die heie Egipte. Die Egiptenare kon mekaar nie sien nie, maar daar waar die Israeliete gebly het, was lig. Nog steeds wou die farao die Israeliete nie laat gaan nie. Afloop Ons het vandag geleer van nege goed wat met Farao en die Egiptenare gebeur het, omdat die Farao nie wou luister en die Israeliete laat gaan nie. Sê gou saam met my wat al die plae was. Begin by plaag 1. Terwyl jy na die prente van die plae wys, kan die leerders sê watter plaag dit is. Byvoorbeeld, water in bloed, sprinkane, ens. Selfs nie eers Farao se towenaars kon sulke goed laat gebeur nie net God kon. Die Farao het elke keer gedink sy towenaars sou dit ook kon doen, maar elke keer moes hy die les leer dat ons God al god is wat enigiets kan doen. Elke keer het die farao sy hart laat hard word en dan wou hy nie luister as God met hom praat nie. Hierdie aktiviteit oefen die leerder om visuele ooreenkomste en verskille te herken met ander woorde visuele diskriminasievermoë. Projek Verdeel die domino s gelykop tussen die leerders. Die eerste leerder plaas een domino in die middel. Die leerder aan sy linkerkant kyk of hy n domino het wat dieselfde prentjie het as een van die domino s in die middel. Indien wel, plaas hy die domino sodat die ooreenstemmende prentjies langs mekaar lê. As n leerder nie n prentjie het wat pas nie mis sy n beurt en die volgende leerder kry n kans om te speel. Die spel hou so aan tot al die domino s in die middel geplaas is. Memoriseervers Jer 10: 10: Maar die Here is die ware God Laat die leerders almal saam die vers n paar keer opsê. Aanbieder gebruik eie diskresie of daar genoeg tyd is om met behulp van Ballon-vlugbal: Blaas vooraf n paar ballonne op en plaas in n houer of swart sak. Verdeel die leerders in twee groepe. Laat die groepe teenoor mekaar staan met n lyn tussen hulle. Laat span 1 die ballon slaan na span 2 se kant. Die 31

32 3 die ballon vlugbal die Memoriseervers in te oefen. Indien daar tyd is, kan die aktiwiteit n goeie motoriese ontlading van energie wees na n redelike passiewe lesaanbieding. leerder van span 2 wat die ballon raak slaan, moet die eerste woord van die Bybelvers opsê. Die leerder van span 1 wat dan die ballon slaan, sê die tweede woord, ensovoorts. Die spel werk amper soos vlugbal. Indien die ballon die grond raak, kry die ander span n punt of indien n leerder nie die volgende woord kan sê nie, kry die ander span n punt. Herhaal die spel n paar maal. Vir afwisseling kan die leerders twee of selfs drie woorde gee in plaas van een. Indien die ballon bars, gebruik n ander een. Gebed Vra n leerder om met gebed af te sluit. Geestelike vorming Besef van God se almag. 32

33 3 #1 33

34 3 #2 34

35 3 #3 35

36 3 #4 36

37 3 #5 37

38 3 #6 38

39 3 #7 39

40 3 #8 40

41 3 #9 41

42 AKTIWITEIT 3 42

43 4 DIE TIENDE PLAAG Aanbiedersnotas Kerntema Jy het n doel Aanbiedingsdoelwit Die leerders sal weet wat die tiende plaag was en dat die Israeliete daarna kon trek Skrifgedeelte Eksodus 11 en 12. Hulpmiddels Hersieningsprente uit les 2, neem twee of drie prente van die plae. Uitgeknipte prente soos verskaf in Projekblade: Prent 1: Brood langs n ongesuurde brood Prent 2: Lammetjie Prent 3: Deur met bloed aan die kosyne Prent 4: Farao met die liggaam van sy seun in sy arms Ballonne Ongesuurde brood (opsioneel) Projekblad vir leerders Die kartonsilinders van papierhandoekrolle. Ysbreker Gebruik die volgende gesprek om bepaalde terme aan die leerders te verduidelik. Wie van julle het n ouer boetie of sussie? Laat die leerders reageer. Haai, Hanno, het jy n ouer boetie of sussie? O, n ouer boetie. Hoe oud is jou boetie nou? Wie van julle is die jongste in die huis? Laat die leerders reageer. Wie van julle is die oudste van al die kinders in die huis? Laat die leerders reageer. As jy die oudste is, beteken dit jy is eerste gebore van al die kinders in julle huis. In die Bybel is daar n groot woord as daar gepraat word van die oudste kind in die huis. Die Bybel sê so n kind is die eersgeborene, m.a.w. die kind wat eerste gebore is. So, as ons netnou in ons storie van die eersgeborenes gaan praat, sal julle weet waarvan ons praat. Wie van julle se mamma of ouma bak nog self brood? Nie baie nie, nè? Die meeste van ons gaan sommer winkel toe en koop die brood daar. Ek wonder of julle my nou sal kan help. Wat dink julle kom alles in n brood wanneer mens dit bak? Laat die leerders reageer. Dit is reg, daar kom meel, botter, water en sout in en dan gooi mens nog iets anders ook in die deeg suurdeeg. Hoekom gooi mens dit in? Laat die leerders reageer. Wat dink julle is dit? Suurdeeg help dat ons brood nie so n plat brood is as hy klaar 43

44 4 gebak is nie, maar dat hy mooi rys en lekker hoog is as dit uit die oond kom. Die mense in die Bybelse tyd het self hulle brood gebak, maar partykeer het hulle nie suurdeeg in die deeg gegooi nie en dan was dit so n plat brood. Die Bybel noem dit ongesuurde brood. Wys prent 1 (of ongesuurde brood indien beskikbaar). Aanloop Plaas die hersieningsprente uit les 3 (twee of drie prente van die plae) op die bord en vra die leerders of hulle kan onthou waaroor verlede week se les gegaan het. Gee geleentheid vir antwoorde. Moses en Aaron het vir Farao gevra om die Israeliete te laat wegtrek maar Farao wou nie gehoorsaam wees nie en daarom het God elke keer n plaag gestuur. Ons het verlede week oor 9 van die plae gepraat. Kan julle onthou of Farao na die negende plaag toestemming gegee het dat die Israeliete mag trek? Laat die leerders reageer. Dit is reg.hy het steeds geweier. Die negende plaag was toe nie die laaste plaag nie. Die Here het nog een plaag gestuur. Kom ons kyk wat dit was en of dit gemaak het dat Farao die Israeliete laat trek. Verloop Die Here het vir Moses gesê dat hy twaalfuur daardie nag al die oudste kinders van die Egiptenare gaan laat sterf, ook die Farao se oudste kind sal sterf. Hierdie plaag noem die Bybel: Dood van die eersgeborenes. Julle sal onthou toe ons laasweek gesels het oor die nege plae, dat die plae nie naby die Israeliete gekom het nie. Met hierdie laaste plaag, die tiende plaag, moes die Israeliete egter iets doen sodat die plaag hulle nie tref nie. Elke gesin van die Israeliete moes laat die middag n lammetjie van n jaar oud slag. (Haal prent 1 af en plaas prent 2). Hulle moes die bloed van die lammetjie aan die deurkosyn smeer. (Haal prent 2 af en plaas prent 3). Dieselfde aand moes hulle die vleis braai en saam met ongesuurde brood eet. Niks van die vleis mag oorgebly het nie. As alles nie opgeëet is nie, moes hulle dit verbrand. Om middernag daardie aand het die Here deur die hele Egipte gegaan. By al die deure waar daar bloed aan die kosyne gesmeer was, het die Here net verbygegaan, maar by al die ander huise het die Here die eersgeborenes laat doodgaan (Plaas prent 4 op). Die Farao was so hartseer oor sy eie kind en al die ander Egiptenare se kinders wat gesterf het, dat hy nog daardie selfde nag vir Moses en Aäron 44

45 4 laat roep het en toestemming gegee het dat al die Israeliete Egipte kon verlaat. Afloop Ons het aan die begin gesê dat selfs na al die dinge wat met Egipte gebeur het met die eerste nege plae, Farao steeds nie wou toelaat dat die Israeliete trek nie. Hierdie keer was die plaag net te erg gewees. Die Egiptenare was baie hartseer oor al die eersgeborenes wat dood is. Dink net hoe hartseer was die Farao! Die keer het hy besef dat hy nie n keuse het as om die Israeliete te laat trek nie. Die Here het weereens bewys dat hy die enigste ware God is. Toepassing Farao was die belangrikste man in Egipte, maar God is groter en magtiger as wat hy ooit kan wees. Vandag is daar ook groot en magtige mense, maar niemand is soos God nie. God is die almagtige wat heers oor elke mens en die heelal. Memoriseervers Deut. 6: 4: Die Here ons God, hy is die enigste Here. Laat die leerders almal die vers n paar keer saam opsê. Ballon-vlugbal: Blaas n paar ballonne voor die tyd op en plaas dit in n houer of swart sak. Verdeel die leerders in twee groepe. Laat die groepe teenoor mekaar staan met n lyn tussen hulle. Laat span 1 die ballon slaan na span 2 se kant. Die leerder van span 2 wat die ballon raak slaan, moet die eerste woord van die Bybelvers opsê. Die leerder van span 1 wat dan die ballon slaan, sê die tweede woord, ensovoorts. Die spel werk amper soos vlugbal. Indien die ballon die grond raak, kry die ander span n punt of indien n leerder nie die volgende woord kan sê nie, kry die ander span n punt. Herhaal die spel n paar maal. Vir afwisseling kan die leerders twee of selfs drie woorde gee in plaas van een. Indien die ballon bars, gebruik n ander een. Hierdie aktiwiteit oefen die leerder se vermoë om voorwerpe in rangorde (volgorde) te plaas, n basiese rekenkundige begrip. Die leerder leer ook begrippe soos langste, korste, middle, van groot-naklein, ensovoorts. Projek Neem die papierhandoekrolle en sny hulle in verskillende lengtes sodat u sewe silinders het wat elkeen n bietjie kleiner as die vorige een is. Die lengtes van die silinders moet ooreenstem met die grootte van die sewe figure op die Projekblad. 45

46 4 Knip die sewe figure wat op die projekblad is uit en plak elkeen op n silinder. Laat die leerders help met die uitknip en die plak. Vra n leerder om die langste mannetjie uit te kies en regop op die tafel te sit. Vra n tweede leerder om nou uit die oorblywende silinders die langste mannetjie uit te kies en links, langs die een op die tafel te sit. Herhaal die opdrag totdat al sewe die silindermannetjies van lank na kort op die tafel staan. Vra n leerder om te wys watter mannetjie in die middel is. Laat n leerder dan wys watter mannetjies net langer is as die een wat in die middle is. Laat n leerder wys watter mannetjies net korter as die middelste mannetjie is. Vra n leerder om te wys watter een is die heel korste mannetjie. Vat nou die mannetjie weg en sit hom onder die tafel. Vra die leerder nou watter een is die korste mannetjie van al die mannetjies. Plaas die mannetjie terug. Vra n leerder om te wys watter een is die heel langste mannetjie. Vat nou die mannetjie weg en sit hom onder die tafel. Vra die leerder nou watter een is die langste mannetjie van al die mannetjies. Die silinders kan deurmekaar gemaak word en leerders kan weer n geleentheid kry om hulle volgens lengte te rangskik. Gebed Here, U is die groot en almagtige God van hemel en aarde. Daar is niemand soos U nie. Dankie dat U Baas is van alles en almal en dat U lief is vir ons. Geestelike vorming Bely God se almag 46

47 4 #1 #2 47

48 4 #3 48

49 4 #4 49

50 AKTIWITEIT 4 50

51 AKTIWITEIT 4 51

52 AKTIWITEIT 4 52

53 5 DIE UITTOG UIT EGIPTE Aanbiedersnotas Kerntema Jy het n doel Aanbiedingsdoelwit Die leerders sal weet dat die Israeliete uit Egipte getrek het en dat God hulle uit die hand van die Egiptenare gered het Dit mag die leerders help om die prentjies te onderskei as u voor die tyd die wolkkolom en vuurkolom inkleur. Skrifgedeelte Eksodus Hulpmiddels Hersieningsprente uit les 4, prent 4: Farao met die liggaam van sy seun in sy arms. n Bybel Uitgeknipte prente soos verskaf in Projekblade: Prent 1: Horingadder Prent 2: Skerpioen Prent 3: Kameel Prent 4: Gemsbok Prent 5: Meerkat Prent 6: Alwyn (Aloe) Prent 7: Halfmens: Prent 8: Kokerboom: Prent 9: Gifboom Prent 10: Beeskloutjies Prent 11: Israeliete wat in n woestynland trek Prent 12: Wolkkolom Prent 13: Vuurkolom Prent 14: Moses slaan oor die see Projekblad vir leerders Ysbreker Wie van julle het al n prent van n woestyn gesien of wie was dalk al self in n woestyn? Hoe lyk n woestyn? In n woestyn is daar baie min water en net baie spesiale diere en plante kan bly lewe in n woestyn. Kom ons kyk na n paar van hierdie spesiale diere en plante wat in die warm woestyn met min water kan lewe. Wys vir die leerders die prente van die vyf woestyndiere (prent 1 tot prent 5). Soos elke prent op die bord geplak word, vra vir die leerders of hulle die dier se naam ken. 53

54 5 Prent 1 is n horingadder. n Horingadder wikkel homself toe in sand en lê dan en wag vir sy prooi. Hulle eet akkedisse, paddas en muise. Prent 2 is n skerpioene. Hy het n angel op sy stert waarmee hy gif in sy prooi spuit. Prent 3 is n kameel. n Kameel het n knop op sy rug wat vol vet is. Kamele kan baie lank sonder water lewe. Prent 4 is n gemsbok. n Gemsbok kan ook lank sonder water lewe. Gemsbokke kan baie vinnig hardloop en met hulle lang horings jaag hulle soms leeus weg. Prent 5 is n meerkat. Die meerkat met al sy boeties, sussie, ooms en tannies bly in gate onder die grond. Hulle eet goggas. Wys vir die leerders die prente van die vyf woestynplante (prent 6 tot prent 10). Prent 6 is n aalwynplant. Sy blare stoor water. Prent 7 is n plant wat n halfmens genoem word. Die plant word so genoem omdat dit van vêraf soos mense wat staan, lyk. Prent 8 is n kokerboom wat familie van die aalwyn is. Prent 9 is n gifboom. Die Boesmans het die sap van die boom aan hulle pyle gesit as hulle gaan jag. Prent 10 is klein vetplantjie wat n beeskloutjie genoem word omdat hulle soos die onderkant van beeste se pote lyk. Dink julle n mens kry maklik kos en water in n woestyn? Hoe dink julle voel n mens aan die einde van die dag in n woestyn as die wind gewaai het, jy heeldag gestap het en dit is warm? Die leerders hoef nie die gedig te leer nie. Indien daar genoeg tyd is, kan die aanbieder besluit om dit vir die leerders na die Afloop van die les voor te lees. Gediggie Moses en al die Israeliete sing vir God n loflied saam: Hy is my krag en my beskerming; Here, is sy naam. Miriam vat n tamboeryn en al die vroue sing: Hoera, hoera, ons God en koning! Ons sal aan hom lof bring! Rymwoorde speel n belangrike rol in die leerder se taalontwikkeling. 54

55 5 Aanloop Plaas die hersieningsprente uit les 4 naamlik prent 4 van Farao met die liggaam van sy seun in sy arms, op die bord. Kan julle onthou wat die laaste plaag was? Ons het die afgelope paar weke gesien hoe God n plan met Moses se lewe gehad het. Ons het mos gesê dat God hom wou gebruik om die Israeliete uit Egipte te red. Vandag gaan ons sien hoe dit gebeur het. Laas week het ons gesê Farao het vir Moses gesê dat die Israeliete maar uit Egipte kon trek. God het vir Moses gesê dat hulle deur die woestyn moes trek na die land Kanaän. Die land word ook die beloofde land genoem omdat God dit vir die Israeliete belowe het. Die Israeliete het alles wat hulle wou saamvat, gepak en reggemaak vir die groot trek. Verloop Toe al die Israeliete bymekaar gekom het, het hulle begin trek deur die woestyn na die beloofde land toe (plaas prent 11 op die bord). Die Here het voor hulle uitgegaan om vir hulle die pad te wys wat hulle moes volg. In die dag het die Here voor hulle uitgegaan in die vorm van n wolkkolom. (Plaas prent 12 op die bord, voor prent 11) In die nag het die Here voor hulle uitgegaan in die vorm van n vuurkolom. (Plaas prent 13 op die bord, langs prent 12). Die Israeliete het getrek totdat hulle naby die Rietsee gekom het en die Here het vir hulle gesê dat hulle daar kamp moet opslaan. Wat hulle nie geweet het nie, was dat die Farao en sy soldate agter hulle aangekom het. Terwyl hulle besig was om kamp op te slaan, sien hulle skielik die Egiptenare wat agter hulle aankom. Hulle het baie bang geword en benoud na die Here geroep, want hulle het nie geweet wat hulle gaan doen nie. Voor hulle was die see en agter hulle die Egiptenare. God het toe vir Moses gesê: Lig jou kierie op en steek jou hand oor die see uit. Moses doen dit toe. Skielik het die see oopgegaan (plaas prent 14 op die bord). Die wolkkolom wat voor die Israeliete was, het agter hulle ingeskuif, tussen die Egiptenare en die Israeliete. Aan die kant van die Egiptenare was die wolk donker en was dit nag, maar aan die kant van die Israeliete was dit lig. Die hele nag kon die Egiptenare nie nader aan die Israeliete kom nie. Die Here het die hele nag die water van die see weggedryf sodat die see oopgekloof was. Die Israeliete kon nou op droë grond deur die see stap. 55

56 5 Die water het aan weerskante van hulle soos n muur opgedam. Vroeg in die oggend het die Here die wolkkolom weggevat en die Egiptenare het die Israeliete agternagesit en ook deur die see begin gaan. Toe al die Israeliete veilig deur die see gestap het, het Moses weer sy staf oor die see uitgesteek en die water het teruggestroom. Die Egiptenare was almal vasgekeer en het verdrink. Nie een van hulle het bly leef nie. Daardie dag het die Here weer die Israeliete gered van die Egiptenare. Die Israeliete het ook weer geweet dat hulle God die enigste ware God is. Afloop Sjoe, dit moes seker wonderlik gewees het! Dink julle nie dit was wonderlik nie? Dink net, Moses het net sy staf oor die see uitgesteek; skielik gaan die water oop en die Israeliete trek deur die see op droë grond! Dink julle dat enigiemand so iets kan laat gebeur? Nee, ons het nou weer geleer dat ons God die enigste ware God is. Ons lees hier in Eksodus 15 dat Moses en die Israeliete n lied gesing het tot eer van God. Luister gou wat staan hier in vers 20 en 21. Lees Eksodus 15: Hierdie aktiwiteit ontwikkel vormkonstantheid en visuele diskriminasie. Help leerders wat sukkel deur een of twee saam met hulle te doen. Projek Gee aan elke leerder n kopie van die projekblad en n kleurpotlood. Instruksie: Sit jou vinger op die prentjie in die linkerkantse blokkie. Hierdie is n skaduweeprentjie. Soek die prentjie regs wat by die skaduweeprentjie pas. Omkring die prentjie met n potlood. Memoriseervers Eksodus 15: 1: Ek wil tot eer van die Here sing omdat Hy hoog verhewe is. Laat die leerders in n sirkel sit. Gaan in die rondte en herhaal n paar keer totdat die leerders die vers ken. Gebed Here, daar is geen een wat wonders kan doen soos U nie. U is hoog en verhewe. U beskerm en sorg vir ons. Dankie. Amen Geestelike vorming Besef God se almag en betrokkenheid in ons lewe. 56

57 5 #1 #2 57

58 5 #3 #4 58

59 5 #5 #6 #7 #8 59

60 5 #9 #10 60

61 5 #11 61

62 5 #12 #13 62

63 5 #14 63

64 AKTIWITEIT 5 64

65 6 MANNA EN KWARTELS Aanbiedersnotas Kerntema Jy het n doel Aanbiedingsdoelwit Die leerders sal weet dat die Here vir die Israeliete in die woestyn gesorg het Skrifgedeelte Eksodus 15, 16 en 17 Hulpmiddels Hersieningsprente uit les 5, prent 14: Moses slaan oor die see. Sonhoed Bybel Uitgeknipte prente soos verskaf in projekblaaie: Prent 1: Israeliete wat trek Prent 2: Israeliete wat manna optel Prent 3: Moses wat die rots slaan. Brood in stukkies gebreek Twee sponse Vier houers waarin water gegooi kan word Projekblaai vir leerders Ysbreker Die aanbieder maak gereed vir rolspel, sit die sonhoed op. Stel n situasie voor waar die leerders en die aanbieder al vir drie dae in n woestyn is. Sjoe, maar dit is darem warm hier in die woestyn! Ons loop nou al vir drie dae aanmekaar. Laat die leerders opstaan en saam met die aanbieder stap. Stap rond, maar probeer om weer aan die einde van die gesprek terug te wees waar die les aangebied word. Terwyl julle stap: Het jy nie dalk nog n bietjie water in jou bottel nie? Vra vir een van die leerders. Niks nie. Ek is darem nou al so dors! Julle ook? Is julle ook moeg? Kom ons rus eers so bietjie. Gaan sit met die leerders. Sjoe, ek wens ek kan darem nou n lekker koue glas water met ys kry. Sal jy ook daarvan hou (aan een van die leerders)? Staak rolspel. Hoe dink julle moet dit regtig voel om vir drie dae in n woestyn te loop sonder om water te drink? Gesels met die leerders oor die gedagte. 65

66 6 Die leerders hoef nie die gedig te leer nie. Indien daar genoeg tyd is, kan die aanbieder besluit om dit vir die leerders voor te lees. Rymwoorde speel n belangrike rol in die leerder se taalontwikkeling. Gediggie AI in die rondte het hulle geloop. Deur die woestyn moes Moses hoor: Gee vleis, gee brood, ons is gedaan! Kerm en vra van die oggend tot die aand. Kyk die wonderwerk, sien God se krag! Hy gee manna en kwartels, vars elke dag. Aanloop Plaas die hersieningsprent uit les 5, prent 14 waar Moses oor die see slaan, op die bord. Ons het laas week oor die Israeliete gesels wat uit Egipte weggetrek het en hoe God voor hulle uitgegaan het. Hoe het God in die dag saam met hulle getrek? Ja, in n wolkkolom. Wat het nou weer in die aand saam met hulle getrek? Ja, n vuurkolom. Toe die Israeliete by die see kom en begin om kamp te maak, het hulle iets agtergekom. Wat het hulle agtergekom? Ja, die Egiptenare het hulle kom soek. Daar het n groot wonderwerk daardie dag gebeur. Wie kan my vertel wat gebeur het? Laat die leerders vertel. Vandag gaan ons verder kyk wat met die Israeliete in die woestyn gebeur het en hoe God vir Moses ook in die woestyn gebruik het. Verloop Plaas die agtergrond prent, prent 1, op die bord. Moses en die Israeliete het weggetrek van die Rietsee af en hulle het verder in die woestyn getrek na die beloofde land. Hulle het drie dae lank getrek en geen water gekry nie. Hulle kom toe by n plek met die naam Mara, waar daar wel water was en dit het die Israeliete baie bly gemaak. Maar o aarde, toe hulle die water drink, was dit bitter. Die Israeliete was baie moedeloos. Hulle het sommer begin kla by Moses en gevra: Wat moet ons drink? Moses het gebid en God gevra om te help. Die Here het vir Moses gesê dat hy n stuk hout in die water moes gooi. Moses maak so en die water het soet geword. Die Israeliete was baie bly en het almal van die water gedrink. Die Israeliete trek toe verder, maar dit was nie lank nie, toe begin hulle weer by Moses kla. Hulle was honger en het niks gehad om te eet nie. Hulle wou sommer teruggaan Egipte toe omdat hulle daar darem kos gehad het om 66

67 6 te eet. Moses het weer gebid en God gevra om te help. God het vir Moses gesê dat hy dieselfde aand nog vir die Israeliete kos sou gee, sodat hulle nie meer honger sal wees nie. Teen die aand se kant het daar kwartels dit is n soort klein voëltjie aangevlieg gekom en hulle het orals op die grond gaan sit. Die Israeliete het die kwartels gevang om te eet. Die volgende oggend toe hulle wakkerword, was daar n wolk rondom die kamp en toe die wolk wegtrek, was die woestyn vol vlokkies wat soos ryp lyk. Toe die Israeliete dit sien, sê hulle vir mekaar: Wat is dit? Moses het vir hulle gesê: Dit is brood wat die Here vir julle gegee het om te eet. Hulle het die brood manna genoem. (Plaas prent 2 op die bord). Van daardie dag af het die Here elke dag vir die Israeliete manna en kwartels gestuur wat hulle kon eet. Vrydae het hulle twee keer soveel gekry, sodat hulle Saterdag (dit is die Hebreeuse Sabbat) kon rus (Haal prent 2 af). Die Israeliete het van plek tot plek in die woestyn getrek en orals kamp opgeslaan, maar op n dag begin hulle weer kla omdat hulle dors is en weer nie water gehad het om te drink nie. Arme Moses was al so moedeloos omdat die Israeliete so baie gekla het. Elke keer het die Here vir hulle gesorg en het hulle eintlik onnodig gekla. Die Here het vir Moses gesê dat hy teen n rots moet slaan met sy staf sodat hulle water kon kry. (Plaas prent 3 op die bord). Moses het sy staf gevat en die rots daarmee geslaan. Skielik borrel daar lekker water uit sodat die Israeliete daarvan kon drink. (Haal prent 3 af) Afloop Dit is wonderlik hoe die Here elke keer vir die Israeliete gesorg het. Toe die water bitter was, het Hy die water soet gemaak; toe hulle nie kos gehad het nie, het Hy vir hulle kos gegee en toe hulle nie water gehad het nie, het Hy vir hulle water uit die rots gegee. Weet julle, net soos God vir die Israeliete gesorg het deur vir hulle kos te gee om te eet en water wat hulle kon drink, net so sorg Hy ook vandag vir ons. Daarom moet jy elke dag vir Hom dankie sê dat jy kos het om te eet, klere het om aan te trek en n mamma of pappa het wat vir jou sorg. Dit is alles dinge wat die Here vir ons gee. 67

68 6 Hierdie aktiwiteit oefen die hand-oog koördinasie en ruimtelike oriëntasie van die leerders. Toepassing Gee aan elke leerder n kopie van die doolhof soos in die projekblad. Instruksie: Vind die pad deur die woestyn wat bo uitkom. Memoriseervers 1 Petrus 5: 7 Werp al julle bekommernisse op Hom want Hy sorg vir julle. (NV) Laat leerders saam die vers n paar keer herhaal. Verdeel die leerders in twee spanne. Plaas by elke span n houer vol water en n spons. Tree 10 treë af en plaas voor elke span n leë houer. Laat die leerder voor in die ry eers die memoriseervers opsê. Indien korrek, kan die leerder sy spons in die water natmaak en hardloop om die water in die leë houer te gaan uitdruk. Daarna kan die volgende span n beurt kry. Die idee is nie dat die spanne so gou as moontlik die water van die een houer na die ander moet oordra nie, maar om soveel moontlik water oor te dra. Herhaal die aktiwiteit n paar keer. Die span met die meeste water aan die einde wen. Gebed Gee aan elke leerder geleentheid om te bid. Laat elkeen vir iets bid waarvoor hy/sy dankbaar is. Geestelike vorming Dankbaarheid vir God se sorg. 68

69 6 #1 69

70 6 #2 70

71 6 #3 71

72 AKTIWITEIT 6 72

73 7 DIE TIEN GEBOOIE Aanbiedersnotas Kerntema: Jy het n doel Aanbiedingsdoelwit: Die leerders sal weet dat die Here vir die Israeliete tien gebooie gegee het en wat die gebooie is Skrifgedeelte Eksodus 20 Hulpmiddels Hersieningsprente uit les 6, prent 2 van die Israeliete wat manna optel. n Bybel Uitgeknipte prente soos verskaf in projekblaaie: Prent 1: Moses Prent 2: Leë kliptafels (x 2) Die tien gebooie ook uitgeknip: Prent 3: Syfer een Prent 4: Afgod Prent 5: TV-stel Prent 6: Werk en rus Prent 7: Mamma en Pappa Prent 8: Rewolwer Prent 9: Trouringe Prent 10: Dief wat steel Prent 11: Iemand wat skinder Prent 12: Seuntjie wat sy maat se karretjie begeer Projekblaai vir leerders hersieningswiel. Ysbreker Hoekom dink julle is daar padtekens? Wat dink julle sal gebeur as almal ry net soos hulle wil? Dit is reg. Daar sal baie ongelukke wees en mense sal baie kwaad word vir mekaar. Julle het seker reëls by die skool? Vertel vir my watter reëls het julle by die skool. Laat die leerders reageer. Watter reëls het julle by die huis? Laat die leerders reageer. Weet julle, net so gee God vir ons ook reëls in die Bybel van goed wat ons nie mag doen nie. Vandag gaan ons kyk na die reëls wat Hy vir ons gegee het. Aanloop Plaas die hersieningsprente uit les 6, prent 2 van die Israeliete wat manna optel, op die bord. Ons het laas week gesels oor die Israeliete in die 73

74 7 woestyn en vertel van dinge wat met hulle gebeur het. Ons het geleer hoe God vir hulle elke dag gesorg het. Drie maande nadat hulle weg is uit Egipte, het hulle by die berg Sinai gekom en daar kamp opgeslaan. God het vir Moses gesê dat hy teen die berg moes uitklim omdat Hy met Moses wou praat (plaas prent 1 op die bord). Moses het die berg opgeklim en daar, bo-op die berg, het God met hom gepraat. God het vir hom tien reëls gegee wat die Israeliete moes nakom. Hierdie tien reëls word die tien gebooie genoem. God het hierdie reëls op twee tafels geskryf wat van klip gemaak was. Moses het die tafels by die berg afgedra om vir die Israeliete te gaan wys (prent 2). Ons gaan vandag kyk wat op die tafels gestaan het. Deur die Bybel visueel te gebruik gedurende die les word die outoriteit van die Bybel bevestig. Verloop Plaas die prente van die twee kliptafels op die bord (prent 2). Soos die gebooie behandel word, kan die prente van die gebod op die kliptafel geplak word. Gebooie 1-4 (prente 3-6) word op kliptafel 1 geplak terwyl gebooie 5-10 (prente 7-12) op kliptafel 2 geplak word (plak onderaan as daar nie meer plek op die tweede kliptafel is nie). Hierdie is om onderskeid te maak tussen die gebooie wat handel oor jou liefde vir God en die liefde vir jou naaste. Die aanbieder hou die Bybel met die prente van die tien gebooie daarin by hom/haar. Met elke gebod kan die aanbieder byvoorbeeld die volgende sê: Ek sien in die Bybel dat die volgende gebod... is en die prent uithaal. Maak die Bybel oop by Eks. 20. Die eerste vier gebooie gaan oor hoe lief ons vir God moet wees. Die ander ses gebooie gaan oor hoe ons ander mense moet behandel. Kom ons kyk na die eerste gebod wat God vir ons gegee het. Wys prent 3 vir die leerders. Op hierdie prent is daar net n nommer een. Hierdie een is daar om jou te laat onthou dat daar net een ware God is. Hierdie gebod leer jou dat jy geen ander god mag hê nie. Ons het nou al die afgelope paar weke geleer hoe God die Israeliete gehelp het, byvoorbeeld toe hy die see oopgemaak het sodat hulle nie deur die Egiptenare doodgemaak is nie. Toe het ons mos gesê daar is niemand wat n see kan oopmaak nie; dit is net God wat so iets kan doen want Hy is die enigste ware God. Plak gebod 1 op die kliptafel. Kom ons kyk na die leidraad wat ek hier het vir die tweede gebod. Haal prent 4 uit en wys vir die leerders. Wat sien jy op hierdie prent? Dit is reg. Ja, n prentjie van n beeld. God sê vir ons met hierdie gebod dat ons nie 74

75 7 n beeld of enigiets anders mag aanbid nie. Ons mag net vir God aanbid. Weet julle, daar is vandag baie mense wat ander goed aanbid, byvoorbeeld n beeld, n boom of selfs n klip. Plak gebod 2 op die kliptafel. Kom ons kyk wat is die derde gebod. Haal prent 5 uit en wys vir die leerders. Weet julle, hier het ek n prentjie van n televisiestel. Baie keer kyk ons films of stories op die televisie waar die mense God se naam of Jesus se naam sommer net sê. Hier staan in die Bybel dat jy nie die naam van die Here mag misbruik nie. Plak gebod 3 op die kliptafel. Haal prent 6 uit wat die vierde gebod is en wys vir die leerders. Hier het ons n prent van iemand wat besig is om hard te werk en n prent van iemand wat besig is om te rus. God sê vir ons in die Bybel dat ons ses dae van die week hard moet werk, maar God wil graag hê dat ons een dag van die week gewoonlik is dit op n Sondag moet rus. Plak gebod 4 op die kliptafel. Daarom is dit ook die dag wat ons het om kerk toe te gaan. Ons het nou na die eerste vier gebooie gekyk. Kom ons kyk na die volgende ses. Hierdie ses gebooie leer ons hoe om die mense rondom ons te behandel. Sê vir my, wie is die mense wat die heel-heel naaste aan jou is? Dit is reg. Dit is Mamma en Pappa. Hierdie vyfde gebod gaan oor mamma en pappa. Haal prent 7 uit en wys aan die leerders. Die gebod sê vir ons dat ons vir mamma en pappa moet eer. Dit beteken dat jy na Mamma en Pappa moet luister en aan hulle gehoorsaam wees. Plak gebod 5 op die tweede kliptafel. Kom ons kyk na die prentjie van die sesde gebod. Haal prent 8 uit en wys aan die leerders. Wat dink julle stel die prentjie voor? Laat die leerders reageer. Hierdie gebod leer vir ons dat ons nie ander mense mag doodmaak nie. Plak gebod 6 op die tweede kliptafel. Die hoeveelste gebod moet ons nou na kyk? Ja, die sewende g ebod. Kom ons kyk na die prentjie. Haal prent 9 uit en wys aan die leerders. Dit is n prentjie van n ring. Wie wat jy baie goed ken dra ook amper so n ring? Mamma en pappa dra n ring en juffrou kan miskien ook n ring dra. Wanneer twee mense met mekaar trou, gee hulle gewoonlik vir mekaar n ring. Die ringe noem ons trouringe. Met hierdie ringe verbind hulle hulself aan mekaar in n verhouding van vertroue. Weet julle, dit is wat hierdie gebod vir ons leer. Ons mag hierdie hegte verhouding nie deur onverantwoordelike dade breek nie. Plak gebod 7 op die kliptafel. Nou vir die agtste gebod. Haal prent 10 uit en wys aan die leerders. Met hierdie prentjie sal julle seker dadelik vir my kan sê waaroor dit gaan. Ja, jy mag nie steel nie. Jy mag nie iets van iemand anders vat nie, want dit behoort nie aan jou nie. Plak gebod 8 op die kliptafel. 75

76 7 Het julle al partykeer gehoor dat mense iets leliks van iemand anders vertel en dan is dit nie waar nie? Dit is wat hierdie negende gebod sê. Ons mag nie iets van ander mense sê wat nie waar is nie, en ons mag nie jok nie. Plak prent 11 op die kliptafel. Haal gebod 10 (prent 12) uit en plak op die kliptafel. Kom ons kyk na die prentjie van die tiende gebod. Hier sien ons n seunljie wat besig is om met n karretjie te speel en sy maatjie wat staan en kyk. Hierdie seuntjie begeer daardie karretjie. Die Bybel sê hier in Eksodus 20 die tiende gebod is dat ons nie mag begeer nie. Begeer is om vreeslik graag iemand anders se goed te wil hê. God wil hê ons moet gelukkig en tevrede wees met wat ons het. Afloop Aanbieder herhaal kortliks die tien gebooie met die leerders. Die skets van denkbeeldige situasies is baie belangrik om die tien gebooie vir die leerder toepaslik te maak. Dit help die leerders om te verstaan wat die gebooie sê en hoe om dit toe te pas. Toepassing Gesels met die leerders en behandel die volgende denkbeeldige situasies met hulle: Wat sê die vyfde gebod? Dit is reg. Eer vir Pappa en vir Mamma. Sê nou jy sit die aand lekker televisiespeletjies en speel en Mamma roep jou en vra dat jy die skottelgoed moet afdroog. Jy Iê daar en jy is glad nie Ius om dit te doen nie en antwoord haar: Nee, Mamma ek wil dit nie nou doen nie; ek speel te lekker. Dink julle jy het dan mooi geluister wat die vyfde gebod sê? Laat die leerders reageer; Wat sê die sesde gebod? Dit is reg. Jy mag nie iemand doodmaak nie. Het jy al iemand doodgemaak? Laat die leerders reageer. Doodmaak kan ook wees as jy iemand sleg behandel of seermaak. Soms sê ons mense sleg, soos jou dom ding of jy is onnosel en dan maak ons woorde hulle dood. Die agtste gebod sê jy mag nie steel nie. Steel beteken nie net altyd dat jy iemand anders se goed vat nie. Dit kan ook beteken dat jy dieselfde antwoord in jou boek geskryf het wat die maatjie langs jou geskryf het en dat jy die antwoord afgekyk het. Jy het eintlik gesteel, want jy het die maatjie se antwoord gesteel. Bogenoemde denkbeeldige situasies is stories wat help om die toepassing van die tien gebooie beter te verstaan. Die aanbieder kan nog voorbeelde gebruik indien nodig. 76

77 7 Memoriseervers Lev 22: 31 Gehoorsaam my gebooie en voer dit uit. Laat die klas die vers memoriseer. Gebruik die wiel om hersiening van die vorige sewe weke te doen. Die hele storie hoef nie herhaal te word nie. Fokus net op een kern- saak. Die aanbieder kan ook die pyl beweeg in plaas daarvan om dit te spin om sodoende seker te maak dat al die lesse bespreek word. Hersiening help dat die kernwaarhede behoue bly en onthou word. Projek Sny die hersieningswiel en die pyl uit en plaas die pyl met n duimspyker soos die prent demonstreer. Hierdie wiel word gebruik vir hersiening. Neem die hersieningswiel in die hand en wys dit aan die leerders. Vandag doen ons hersiening van die sewe lesse waar ons van Moses geleer het. Hier is sewe prentjies op die hersieningswiel wat julle sal help om te onthou waaroor die les gegaan het. Ek gaan die pyl spin en op die prentjie waar dit stop, moet een van julle vir my vertel waaroor die prentjie gaan. Steek julle hande op as julle weet. Gebed Here, U is baie goed vir ons en ons is lief vir U. Omdat ons lief is vir U, wil ons die regte dinge doen. Help ons die week om gehoorsaam aan U te wees. Geestelike vorming n Godvresende leefstyl te anker. 77

78 7 #3 #1 78

79 7 #2a 79

80 7 #2b 80

81 7 #4 #5 81

82 7 #6 #8 #7 82

83 7 #9 #10 83

84 7 #11 #12 84

85 AKTIWITEIT 7 85

86 8 JESUS SE GEBOORTE Aanbiedersnotas Kerntema: Wie is Jesus: Jesus die Seun van God. Aanbiedingsdoelwit: Die leerders sal weet dat Jesus die Seun van God is en aarde toe gekom het as mens Skrifgedeelte Lukas 2: 1 20 Hulpmiddels Foto van n baba (of indien moontlik reël met n mamma met n baba om haar baba vir die klas te kom wys) Bybel Mooi oorgetrekte boks waarin die koeverte geplaas kan word. (Hierdie boks word gebruik vir lesse 8 11.) Uitgeknipte prente soos verskaf in projekblaaie: Prent 1: Prent van n Bybel Prent 2: Prent van groep mense Prent 3: Prent van n vrou op n donkie, en n man Prent 4: Prent van n herberg Prent 5: Prent van diere in n stal Prent 6: Prent van n baba in n krip. Prent 7: Prent van n skaap met n skaapherder Berei koeverte voor met die nodige leidrade wat gebruik word in die Verloop van die les. Koeverte moet duidelik genommer word van 1 tot 9. Koevert 1: Plaas prent 1 van n Bybel met agterop geskryf Lukas 2: 1 20, in die koevert. Koevert 2: Skryf die leidraad: Die agtste maand in die jaar op n papier en sit dit in die koevert Koevert 3: Plaas prent 2 van mense in die koevert. Koevert 4: Plaas prent 3 van n vrou op n donkie, en n man in die koevert. Koevert 5: Skryf die leidraad: Betlehem op n papier en sit dit in die koevert Koevert 6: Plaas prent 4 van n herberg in die koevert. Koevert 7: Plaas prent 5 van diere in n stal in die koevert. Koevert 8: Plaas prent 6 van n baba in doeke toegedraai in die koevert. Koevert 9: Plaas prent 7 van n skaap met n skaapherder in die koevert. Projekblaai vir elke leerder 86

87 8 Ysbreker Wys vir die leerders die foto van n baba of indien daar n mamma is met n baba, laat die leerders na die baba kyk. Gesels met die leerders oor hoe die baba lyk, die hande en voete... Kan n baba wat gebore is, sonder iemand grootword wat vir hom/haar kosgee, bad of aantrek? Gesels met die leerders oor die afhanklikheid van n baba van n volwassene. Ons gaan vandag leer van n spesiale baba wat gebore is. Hierdie baba moes ook soos enige ander baba deur ander mense grootgemaak word. Hierdie was nie net enige baba nie. Julle gaan nog sien dat die baba n baie spesiale baba was. Indien daar genoeg tyd is, kan die aanbieder die gediggie vir die leerders voorlees. Rym en taalstimulasie speel n belangrike rol in die leerder se taalontwikkeling. Gediggie Op n donkie se rug het hulle gery Na Bethlehem om slaapplek te kry. Die herberg se diere was verbaas Toe Maria, Jesus in hul krippie plaas. Aanloop Aanbieder haal n groot, mooi toegedraaide boks uit. 0, ek hou so baie van Kersfees. Dit is so lekker: al die geskenke wat mens kry en die lekker kos. Is geskenke en lekker kos waaroor Kersfees gaan? Wat dink julle? Gaan Kersfees net oor geskenke? Gee leerders geleentheid om te redeneer oor die kwessie. Help leerders om te besef dat ons met Kersfees Jesus se geboorte vier. Kersfees gaan oor Jesus. Verloop Kersfees herinner ons aan Jesus wat aarde toe gekom het. Hier in my boks is daar nege koeverte. Elkeen van die koeverte het n leidraad wat ons gaan help om die storie te vertel van Jesus se geboorte. Tydens die Verloop word die koeverte een vir een oopgemaak. Roep telkemale n leerder uit die klas om n koevert te kies. Gebruik liewer graad 1 leerders aangesien hulle syferidentifisering al goed ontwikkel is. Pre-primêre leerders is ook veronderstel om dit te kan doen. Ek wonder wie gaan koevert nommer 1 kom soek en oopmaak? Ja, kom sommer gou, Danie. Wat is binne-in die koevert? Gee die leerders kans om te antwoord. Ja, dit is n prent van n Bybel. Hoekom dink julle is daar n prent van n Bybel? Gee leerders geleentheid om te reageer. Dit is reg, want die storie wat ons nou gaan vertel, lees ons in die Bybel, in Lukas 2: Kom ons kyk eers waar is Lukas. Aanbieder haal Bybel uit en maak 87

88 8 oop by Lukas 2. Wys dit vir die leerders. Plak die eerste leidraad (prent 1) op die bord. Wie gaan kom kyk vir koevert nommer 2? Ja, Sarie, kom kyk gou! Wat het jy in die koevert gekry? Gee die leerder kans om te reageer. Ja, dit is reg, n papier met iets daarop geskryf. Ek dink dit is n leidraad. Kom ek lees vir julle. Aanbieder lees die leidraad voor aan die klas. Kom ons tel wat is die agtste maand van die jaar. Leerders tel saam met die aanbieder. Ons gaan nou kyk waarvoor staan die woord Augustus. Wie gaan vir koevert nommer 3 kom kyk? Ja, kom gou, Hanno. Laat die leerder die koevert trek en leidraad uithaal. Wat het Hanno in koevert 3 gekry? Ja, n prentjie met mense op. Plak die leidraad op die bord. Ek wonder darem nou. Ons het die woord Augustus en n prentjie van mense. Kom ek lees vir julle verse 1 en 2 en dan kyk ons of julle kan agterkom waarvoor die twee leidrade is. Lees vir hulle Luk. 2: 1 2 en help hulle om die afleidings te maak van keiser Augustus en die sensus wat uitgevaardig is. n Sensus is wanneer al die mense in n land getel word. Anita, kom soek vir ons koevert nommer 4. Wat is daarin? Dit is n prent van n man en n vrou op n donkie. Ek wonder nou wat sal n man en n vrou op n donkie maak? Wat dink julle? Laat leerders reageer. Ja, dit is reg. Die man en vrou is seker op pad iewers heen. Ek wonder waarheen? Dalk sal koevert nommer 5 ons help. Laat n leerder die koevert soek en oopmaak. Sjoe, dit is weer n woord. Hier staan Betlehem. So, waarheen dink julle is die man en vrou op pad? Leerders reageer. Ja, dit is reg. Hulle was op pad na Betlehem. Ek dink die man en vrou op die prentjie se naam is Josef en Maria. Hulle was op pad na Betlehem. Ons het in vers 1 en 2 gelees dat al die mense getel moes word en omdat Josef in Betlehem gebore is, moes hulle na Betlehem gaan. Mia, kom soek jy koevert 6. Leerder soek die koevert en haal die leidraad uit. Dit is n prentjie van n hotel. I n die Bybelse tyd het hulle dit n herberg genoem. In vers 7 lees ons dat daar nêrens plek was vir Josef en Maria om te slaap nie. AI die herberge was propvol, maar kom ons kyk waar het hulle toe geslaap. Linda, kom kyk gou wat is in koevert nommer 7. Ja, dit is weer n prentjie van diere. Josef en Maria het wel iewers plek gekry om te slaap, maar dit was nie in n herberg nie, dit is was in n stal, n plek waar die diere geslaap het. Daardie aand het daar iets wonderliks gebeur. Kom, ek wys vir julle wat is leidraad 8. n Prent van n baba. Wat dink julle het daardie aand in die stal gebeur? Ja, dit is reg. Daar is n babaseuntjie gebore. Kan julle dalk vir my sê wat was die babaseuntjie se naam? Ja, dit 88

89 8 was Jesus wat gebore is. Ek wonder wie die eerste mense was wat gehoor het van Jesus wat gebore is? Kom ons kyk na die volgende leidraad. Hierdie kan n moeilike stuk in die Bybel wees. Lees dus stadig en duidelik en maak seker die leerders volg. Nico, kom kyk wat is in koevert 9. Dit is n skaap met n skaapherder. n Skaapherder is iemand wat skape oppas. So, wie dink julle was die eerste mense wat gehoor het van Jesus wat gebore is? Dit is reg die skaapherders. Kom ek lees vir julle hoe dit gebeur het dat hulle van sy geboorte gehoor het. Lees verse Afloop Kom ons kyk weer na al die leidrade en kyk of ons die storie weer mooi kan vertel. Die verhaal word kortliks weer vertel. Ons het mos aan die begin gesê ons vier Kersfees omdat dit Jesus se geboorte is. Maar weet julle wat? Jesus was nie sommer enige baba wat gebore is nie. Hy was n groot geskenk vir die wêreld. Ons gaan nog later leer wat Hy moes kom doen op die aarde. Weet julle, Jesus was nie net sommer n mens gewees nie. Hy is die Seun van God wat as mens na die wêreld toe gekom het om iets baie belangriks te kom doen. Ek weet hier is van julle wat weet hoekom Jesus so spesiaal is, maar ons gaan nog almal oor die volgende weke leer hoekom Jesus so n spesiale geskenk is. Hierdie aktiwiteit oefen die leerder se vermoë om voorgrond en agtergrond te onderskei en om besonderhede waar te neem. Toepassing Gee aan elke leerder n projekblad. Instruksies: Kyk na die twee prente. Hulle lyk amper dieselfde, maar daar is verskille tussen die prente. Kyk mooi na die prente en merk die verskille met n potlood. Die aanbieder kan een verskil saam met die leerders soek sodat hulle die opdrag beter kan verstaan. Daar is agt verskille. Die aktiwiteit en die memorisering van die vers gee aan leerders die geleentheid om van opgehoopte energie ontslae te raak en so beter te fokus. Dit maak ook n potensiële negatiewe taak (om iets te memoriseer) genotvol. Memoriseervers Luk. 2: 11: Vandag is daar vir julle in die stad van Dawid die Verlosser gebore, Christus die Here. (NV) Gebruik die metode van die kinderspeletjie Koljander-koljander so deur die bos en die wysie van die liedjie London bridge is falling down soos volg: Die woorde wat gesing word is: Ken jy al jou Bybelvers, Bybelvers, Bybelvers? Ken jy al jou Bybelvers? Sê dit nou. (Op die woord NOU word die kind wat onderdeur geloop het, gevang) 89

90 8 Die metode: Die leerder wat gevang word, moet die Bybelvers opsê. Indien korrek, val hy agter in die tou en die spel gaan voort. Indien verkeerd, vorm die leerder met die maat volgende in die ry die brug en die spel begin weer. Gebed Een of twee leerders kry geleentheid om namens die klas dankie te sê dat Jesus as mens aarde toe gekom het. Geestelike vorming Geloofsbegronding 90

91 8 #1 #2 91

92 8 #3 #4 92

93 8 #5 #6 93

94 8 #7 94

95 AKTIWITEIT

96 9 DIE WYSE MANNE Aanbiedersnotas Kerntema: Wie is Jesus. Jesus die Seun van God. Aanbiedingsdoelwit: Die leerders sal weet dat Jesus die Seun van God is en dat die wyse manne Hom aanbid het Skrifgedeelte Matteus 2: 1 23 Hulpmiddels Uitgeknipte prente soos verskaf in projekblaaie: Prent 1: van n Bybel Prent 2: van n ster (X2) Prent 3: Wyse manne Prent 4: n Kroon (X2) Prent 5: Geskenke Prent 6: Josef wat slaap Prent 7: n Mes Bybel Mooi oorgetrekte boks waarin koeverte geplaas kan word. (Gebruik dieselfde boks as vir les 8) Berei koeverte voor met die nodige leidrade wat gebruik word in die Verloop van die les. Koeverte moet duidelik genommer word van 1 tot 9. Koevert 1: Plaas prent 1 van n Bybel met Matteüs: 1 23 agterop geskryf, in die koevert. Koevert 2: Plaas prent 2 van n ster in die koevert. Koevert 3: Plaas prent 3 van die wyse manne in die koevert. Koevert 4: Plaas prent 4 van n kroon in die koevert. Koevert 5: Plaas prent 2 van n ster in die koevert. Koevert 6: Plaas prent 5 van geskenke in die koevert. Koevert 7: Plaas prent 6 van Josef wat slaap in die koevert. Koevert 8: Plaas prent 4 van n kroon in die koevert. Koevert 9: Plaas prent 7 van n mes in die koevert. Projekblaai vir elke leerder. Skêr en gom. Ysbreker Wys aan die leerders prente 2 van n ster, n foto van sterre kan ook gebruik word. Vra vrae soos: Is al die sterre ewe groot? Is daar baie verskillende soorte sterre? Wie dink hulle het al die sterre gemaak? Vandag gaan ons hoor van n baie spesiale ster wat God gemaak het en van manne wat gereeld na die sterre gekyk het en die spesiale ster in die hemel raakgesien het. 96

97 9 Die leerders hoef nie die gedig te leer nie. Indien daar genoeg tyd is, kan die aanbieder besluit om dit vir die leerders voor te lees. Rym en taalstimulasie speel n belangrike rol in die leerder se taalontwikkeling. Gediggie In Betlehem is Hy gebore, Maria en Josef se seun. Hoor hoe sing engelekore: Loof God s heilige Seun! Hosanna, aan God al die eer! Aanbid Hom, ons koning en Heer! Aanloop Aanbieder haal weer die oorgetrekte boks uit wat in die vorige les gebruik is. Kan julle nog onthou waaraan het hierdie boks my herinner? Wag vir reaksie. Ja, dit is reg, Kersfees. Ons het mos gesê Kersfees is lekker, want dan kry ons geskenke en eet jy lekker kos. Maar waaraan herinner Kersfees ons ook? Wag vir reaksie. Ja, die groot geskenk, Jesus, het na die aarde toe gekom. Kan julle nog onthou wat het daardie dag gebeur met sy geboorte? Aanbieder kan kortliks die vorige week se les hersien. Vandag het ons weer die boks waarin koeverte met leidrade is, wat ons met ons storie gaan help. Verloop Soos in les 8 word die koeverte een vir een oopgemaak. Roep elke keer n leerder uit die klas om die volgende koevert te vind. Gebruik liewer graad 1 leerders aangesien hulle syferidentifisering al goed ontwikkel is. Pre primêre leerders is ook veronderstel om dit te kan doen. Die leerders word indirek geleer van die gesag van die Bybel as God se woord. Ek wonder wie gaan vandag koevert nommer 1 kom soek en oopmaak. Ja, kom sommer gou, Danie. Wat is binne in die koevert? Gee die leerders kans om te antwoord. Ja, dit is n prent van n Bybel. Hoekom dink julle is daar n prent van n Bybel? Gee leerders geleentheid om te reageer. Dit is reg want die storie wat ons nou gaan vertel, lees ons in die Bybel, in Matteüs 2: Kom ons kyk eers waar is Matteüs. Aanbieder Bybel uit en maak oop by Matt 2. Wys die leerders. Plak die eerste leidraad op die bord. Wie gaan kom kyk vir koevert nommer 2? Ja, Sarie, kom kyk gou. Wat het jy in die koevert gekry? Gee die leerder kans om te reageer. Ja, dit is reg, n prent van n ster. Plak die leidraad op die bord. Wie gaan kom kyk vir koevert nommer 3? Ja, kom gou, Hanno. Laat die leerder die koevert trek en die leidraad uithaal. Wat het Hanno in koevert 3 gekry? Ja, n prentjie van mans. Plak die leidraad op die bord. Ek wonder darem nou ons het n prentjie van n ster en van mans. Wie van julle kan vir my sê hoekom het ons prente van n ster en van mans? Leerders wat die verhaal ken/gehoor het, sal heel waarskynlik kan sê dat die ster die ster is wat die wyse manne gesien het, en die mans, die wyse manne is. Indien 97

98 9 leerders nie weet waarvoor dit staan nie, lees vir hulle Matt 2: 1 2 en help hulle om die afleidings te maak. Anita, kom soek vir ons koevert nommer 4. Wat is daarin? Dit is n prent van n kroon. Wie dra gewoonlik n kroon? Laat leerders reageer. Ja, n koning. In vers 3 lees ons van n koning met die naam van Herodes. Hy was koning in die land waar Jesus gebore is. Hy het gehoor van die wyse manne wat op pad is om te kom kyk na die groot ster. Hy het ook gehoor dat die mense sê dat Jesus, die koning van die wêreld, gebore is. Herodes was baie bekommerd, want hy is mos nou die koning en as daar nou n ander koning gebore is, sal hy sy plek oorneem. Herodes het toe die wyse manne laat kom en vir hulle gesê as hulle hierdie Jesus kind opgespoor het, hulle hom moet laat weet waar Jesus is, sodat hy ook vir hom geskenke kon gee. Dit was eintlik n leuen, Herodes wou Jesus doodmaak. Kom ons kyk nou wat in koevert nommer 5 is. Laat n leerder die koevert soek en oopmaak. Sjoe! dit is weer n prent van n ster. Hoekom dink julle is hier alweer n prent van n ster? Leerders reageer. Ja, ons lees hier in vers 9 dat die wyse manne die ster gevolg het en die ster hulle gebring het tot by die plek waar Jesus was. Onthou julle, ons het laas week gehoor dat Jesus in n stal gebore is. Mia, kom soek jy koevert 6. Leerder soek die koevert uit en haal die leidraad uit. Dit is n prentjie van geskenke. Hoekom dink julle is hier n prentjie van geskenke? Laat leerders reageer. Ja dit is reg, want die wyse manne het vir Jesus geskenke gevat. Ons lees hier in vers 11 hulle het vir hom goud, wierook (iets wat mens brand dan laat dit die huis lekker ruik) en mirre ( n tipe salf wat lekker ruik) gegee. Maar weet julle wat, ek sien hier hulle het nie net vir hom geskenke gegee nie, maar Hom ook aanbid. Hein, wat is in koevert nommer 7? Oe, iemand wat slaap. Ek gaan vir julle lees wat in vers 12 gebeur het. Lees vers 12 aan die leerders voor. God het nie net aan die wyse manne in n droom verskyn nie. Hy het ook met Josef gepraat in n droom en vir Josef gesê dat hulle moes vlug hy, Maria en Jesus want Herodes wou vir Jesus doodmaak. Josef het opgestaan en in die nag het hulle na Egipte gevlug. Linda, kom kyk gou wat in koevert nommer 8 is. Ja, dit is weer n prentjie van n kroon. Van watter koning het ons nou weer gepraat? Ja, van koning Herodes. Hy was verskriklik kwaad toe hy agterkom die wyse manne het nie vir hom vertel waar Jesus is nie. Kom ek wys vir julle wat leidraad 9 is. n Prent van n mes. Hierdie mes wys vir ons Herodes het iets gedoen wat baie wreed is. Hy het al die babaseuntjies wat 2 jaar oud en jonger was, laat doodmaak, omdat hy gedink het hy kan so seker sou maak dat Jesus ook doodgemaak sal word. Hy het mos nie geweet dat Jesus en sy ouers gevlug het nie. Hier kan ons dus ook sien dat God vir Jesus beskerm het. 98

99 9 Afloop Wat het ons nou weer gesê? Die wyse manne het vir Jesus geskenke gegee, maar wat het hulle ook gedoen? Leerders reageer. Hulle het hom aanbid. Wat dink julle beteken dit as jy iemand aanbid? Dink julle dit is reg as n mens sommer enige iemand aanbid? Kan ek nou hier op my knieë val en vir Hanno aanbid? Is dit nou reg? Leerders reageer. Nee, want Hanno is n gewone mens. Hy is nie God nie en daarom mag ek hom nie aanbid nie. Ons kan net vir God aanbid. Is dit dan reg dat die wyse manne vir Jesus aanbid het? Ja, want Jesus is nie sommer n gewone mens nie. Hy is God. Hy is die Seun van God, daarom mag en moet ons Hom aanbid. Hierdie aktiwiteit oefen die leerder se ooghand-koördinasie asook vormkonstantheid. Toepassing Gee aan elke leerder n kopie van die projekblad en n skêr. Vra leerders om die vier klein prentjies, wat bo is, uit te sny. Laat die leerders die aktiwiteit in die projekblad voltooi deur die klein prentjie op die korrekte plek op die groot prente te plak. Memoriseervers Matteüs 2: en hulle het gekniel en aan Hom hulde bewys (NV). Gebruik die metode van die kinderspeletjie Koljander koljander so deur die bos en die wysie van die liedjie London bridge is falling down soos volg: Die woorde wat gesing word is: Ken jy al jou Bybelvers, Bybelvers, Bybelvers? Ken jy al jou Bybelvers? Sê dit nou. (Op die woord NOU word die kind wat onderdeur geloop het, gevang) Die leerder wat gevang word, moet die Bybelvers opsê. Indien korrek, val hy agter in die tou en die spel gaan voort. Indien verkeerd, vorm die leerder met die maat volgende in die ry die brug en die spel begin weer. Gebed Twee leerders kry n geleentheid om in gebed dankie te sê vir iets waarvoor hulle dankbaar is. Geestelike vorming Geloofsbegronding 99

100 9 #1 #2 100

101 9 #3 #4 101

102 9 #5 #6 #7 102

103 AKTIWITEIT 9 103

104 10 JESUS IN DIE TEMPEL Aanbiedersnotas Kerntema: Wie is Jesus; Jesus is die Seun van God. Aanbiedingsdoelwit: Die leerders sal weet dat Jesus die seun van God is, maar ook n mens was en dat hulle net soos Jesus gehoorsaam aan hulle ouers moet wees Skrifgedeelte Lukas 2: Hulpmiddels Bybel Tydskrifprente van kerkgeboue Mooi oorgetrekte boks waarin die koeverte geplaas kan word. (Die boks word gebruik vir lesse 8 11.) Uitgeknipte prente soos verskaf in projekblaaie: Prent 1: Mense op reis Prent 2: Mans in die tempel Prent 3: Josef en Maria wat alleen terugreis Prent 4: Jesus in die tempel Prent 5: Jesus saam met sy ouers Projekblaai Bingo. Daar is ses Bingo borde wat uitgesny moet word en waarop verskillende teksture geplak moet word (verwys na projekblad). Daar is ook 24 klein vierkantjies wat uitgesny moet word en waarop verskillende teksture geplak moet word. Op die Bingo borde en tekstuurvierkante is geskryf watter tekstuur u daarop moet plak. Die aanbieder kan op eie diskresie ander teksture gebruik wat beskikbaar is. Indien daar meer as 12 kinders in die klas het kan die aanbieder meer Bingo borde en tekstuurvierkante maak. Ysbreker Wys aan die leerders die prente van kerke of stap saam met hulle om u eie kerkgebou. Gesels oor die volgende: Hoe lyk kerke aan die binneen buitekant; die verskillende boustyle; wat doen mense in die kerk. Weet julle in die Bybelse tyd het hulle ook kerke gehad en hulle het dit tempels genoem. 104

105 10 Aanloop Weet julle wat beteken gehoorsaamheid? Ja, gehoorsaamheid is om te doen wat Mamma, Pappa en Juffrou sê ons moet doen. Dit is vir God baie belangrik dat ons aan Hom, maar ook aan ons ouers en aan Juffrou gehoorsaam is. Verloop Haal weer die boks uit wat in die vorige twee lesse gebruik is. Die prente wat gebruik gaan word om die storie te vertel, word binne in die boks geplaas. Elke jaar is daar n fees in Jerusalem gehou waarheen al die mense gegaan het. Hulle het dit die Paasfees genoem. (Plaas prent 1 op die bord) Josef, Maria en Jesus het ook, soos al die ander mense na Jerusalem gegaan vir die fees. Jesus was toe 12 jaar oud. Tydens die fees het al die mans na die tempel gegaan en meer van die Bybel geleer. (Plaas prent 2 op die bord). Na die fees verby was, het almal begin om terug te gaan huis toe (prent 3). Josef en Maria het al n hele dag terug huis toe gereis, voor hulle agterkom dat Jesus nie by hulle is nie. Hulle het dadelik omgedraai Jerusalem toe om vir Jesus te gaan soek. In Jerusalem, (prent 4) kry hulle Hom in die tempel waar hy vrae gevra het aan die mans wat daar sit. Maria en Josef was baie bly om vir Jesus te sien. Hulle wou by Jesus weet hoekom hy net daar gebly het en nie vir hulle gesê het dat hy nie saam met hulle teruggaan huis toe nie. Jesus het vir hulle gesê: Waarom het u na my gesoek? Het u nie geweet dat Ek in die huis van my Vader moet wees nie? Maria en Josef het nie so mooi verstaan wat Jesus daarmee bedoel het nie, maar het niks gesê nie (prent 5.) Daarna het Jesus saam met Josef en Maria teruggegaan huis toe. Afloop Kom ons kyk weer na die storie. Waarheen was die mense op pad gewees? Wat het hulle daar gaan maak? Wat het Jesus gedoen? Wanneer het Josef en Maria agtergekom dat Jesus weg is? Wat het hulle toe gedoen? Waar het hulle Jesus gekry? Toepassing Was Jesus lelik met sy ouers toe hulle vir Horn gevra het hoekom hy nie vir hulle gesê het hy gaan nie saam met hulle terug huis toe nie? Het Jesus teëgepraat met sy ouers toe hulle gesê het hy moet saam met hulle teruggaan huis toe? Dink julle Jesus was gehoorsaam aan sy ouers? Hoekom sê julle so? 105

106 10 In hierdie verhaal kan ons sien dat Jesus gehoorsaam was aan sy ouers, maar kom ons kyk weer wat hy vir sy ouers gesê het hoekom hy agtergebly het. Ja, Jesus het vir sy ouers gevra of hulle nie geweet het dat hy in die huis van sy Vader moet wees nie. Van watter huis en van watter Vader, dink julle, praat Jesus hier? Die huis is die tempel en die vader is God. Ons het mos gesê Jesus is die seun van God. Hierdie verhaal wys weereens vir ons dat Jesus die seun van God is. Hierdie aktiwiteit oefen die leerder se tas persepsie. Die vermoë om verskille te voel en te onderskei. Die leerder kan ook visuele diskriminasie vir die opdrag gebruik. As leerders in groepe van twee verdeel is, moedig die aktiwiteit ook sosiale ontwikkeling aan. Projek Verdeel leerders in groepe van twee leerders elk. Gee aan elke groep n Bingo bord (vierkant met vier verskillende teksture daarop geplak). Al die tekstuurvierkante word onderstebo in die middel van die tafel voor die leerders geplaas. Die eerste groep tel n tekstuurvierkante op, voel en kyk of dit by n tekstuur op hulle Bingo bord pas. Indien wel, plaas hulle dit op hulle bord. Indien nie, word dit weer onderstebo in die middel geplaas. n Volgende groep kry n geleentheid. Die spel hou aan totdat al die tekstuur vierkante opgetel is. Memoriseervers Luk. 2: 49: Het u nie geweet dat Ek in die huis van my Vader moet wees nie? (NV). Gebruik die metode van die kinderspeletjie Koljander koljander so deur die bos en die wysie van die liedjie London bridge is falling down soos volg: Die woorde wat gesing word is: Ken jy al jou Bybelvers, Bybelvers, Bybelvers? Ken jy al jou Bybelvers? Sê dit nou. (Op die woord NOU word die kind wat onderdeur geloop het gevang) Die leerder wat gevang word, moet die Bybelvers opsê. Indien korrek, val hy agter in die tou en die spel gaan voort. Indien verkeerd, vorm die leerder met die maat volgende in die ry die brug en die spel begin weer. Gebed Here, dankie vir n mamma en n papa. Help ons om altyd gehoorsaam aan hulle te wees want dit is wat U wil hê. Amen. Geestelike vorming Gehoorsaamheid 106

107 10 #1 #2 107

108 10 #3 #4 108

109 10 #5 109

110 AKTIWITEIT 10 FOELIE BUBBLE-WRAP SKUURPAPIER SUIKER LEER RYS MAT WATTE 110

111 AKTIWITEIT 10 SAAD SPONS FOELIE BUBBLE-WRAP SKUURPAPIER SUIKER LEER RYS 111

112 AKTIWITEIT 10 MAT WATTE SAAD SPONS FOELIE SKUURPAPIER LEER MAT 112

113 AKTIWITEIT 10 FOELIE BUBBLE-WRAP SKUURPAPIER SUIKER LEER RYS MAT WATTE 113

114 AKTIWITEIT 10 SAAD SPONS FOELIE BUBBLE-WRAP SKUURPAPIER SUIKER LEER RYS 114

115 AKTIWITEIT 10 MAT WATTE SAAD SPONS FOELIE SKUURPAPIER LEER MAT 115

116 11 JOHANNES DOOP JESUS Aanbiedersnotas Kerntema: Wie is Jesus: Jesus is die Seun van God Aanbiedingsdoelwit: Die leerders sal weet dat daar n persoon was soos Johannes die Doper wat mense gedoop het en dat Jesus self ook gedoop is Skrifgedeelte Lukas 1 en 3. Hulpmiddels Bybel Mooi, oorgetrekte boks waarin die koeverte geplaas kan word. (Die boks word gebruik vir lesse 8-11.) Uitgeknipte prente soos verskaf in projekblaaie: Prent 1: Johannes die Doper besig om te preek en mense te doop Prent 2: Jesus word gedoop, die hemel gaan oop en n duif daal neer Projekblaai vir leerders Ysbreker Vra die leerders of hulle weet wat dit beteken as iemand stom is. Iemand wat stom is, is iemand wat nie kan praat nie. Wie van julle het al gehoor van die speletjie stomstreke? Ons gaan nou stomstreke speel. Dit gaan so werk. Ek gaan byvoorbeeld vir Jannie vra om hier voor te kom staan. Ek gaan iets in sy oor fluister wat hy dan vir julle moet vertel sonder om iets te sê. Julle moet raai wat dit is wat hy probeer sê. Gee aan 3 leerders n geleentheid. Voorstelle gebruik iets uit die vorige lesse byvoorbeeld: Wyse manne sien n nuwe ster en vertel mekaar daarvan. Ons weet nou wat dit beteken om stom te wees, maar wat beteken dit as ek sê ek doop iets? Byvoorbeeld, as ek my beskuit in die koffie doop, dan druk ek die beskuit in my koffie. So, ek maak die beskuit heeltemal nat. Doop beteken dus om iets onder die water in te druk en weer uit te haal. In die kerk doop ons ook mense as hulle tot bekering gekom het. Aanloop Wie van julle het n nefie? Laat die leerders reageer. Weet julle, Jesus het ook n nefie gehad. Die nefie se naam was Johannes die Doper. Ek gaan nou vir julle vertel wat alles gebeur het voordat Johannes gebore is. Daar was n man met die naam Sagaria en sy vrou se naam was Elisabet. Eendag, terwyl Sagaria besig was in die tempel, het daar skielik n engel voor hom gestaan. Sagaria was eers bang, maar die engel het vir hom gesê 116

117 11 dat hy nie bang hoef te wees nie. Hy het gekom om vir Sagaria baie goeie nuus te bring. Sagaria het baie lank gebid dat hy en sy vrou n seun moes hê. Die engel het toe vir hom kom sê dat hulle n seun gaan hê en dat hulle die seun Johannes moes noem. Sagaria wou die engel nie glo nie, want hy en sy vrou was al baie oud. Toe sê die engel vir Sagaria dat hy stom sal word, glad nie sal kan praat nie, tot op die dag wat Johannes gebore word. Nadat Sagaria en Elisabet se seuntjie gebore is, wou die mense die seuntjie Sagaria noem, soos sy pa, maar Sagaria het dadelik vir hulle gewys hulle moet vir hom iets gee om op te skryf. Onthou, hy kon nie praat nie. Toe skryf hy vir hulle dat die seuntjie se naam Johannes moet wees, soos wat die engel gesê het hy die seuntjie moet noem. Weet julle wat? Net nadat hy dit klaar geskryf het, kon hy weer praat. Sagaria het sommer dadelik vir die Here dankie gesê vir Johannes. Verloop Johannes was mos Jesus se nefie en hy het n baie belangrike werk gehad. Hy moes vir die mense vertel van Jesus wat gaan kom en hy het die mense ook gedoop. Daarom het hulle hom Johannes die doper genoem. (Plaas prent 1 op die bord.) Johannes het ook anders gelyk as al die ander mense. Sy klere was van kameelhare en hy het n leerband om sy heupe gedra. Luister net wat het hy geëet sprinkane en heuning. Hy het elke dag na die Jordaanrivier gegaan, in die rivier gestaan en vir die mense vertel van Jesus wat gaan kom en hy het ook mense gedoop. Eendag, terwyl Johannes besig was om te praat en die mense te doop, het Jesus daar aangekom. Jesus het vir Johannes gevra om hom ook te doop en Johannes het toe vir Jesus gedoop (prent 2). Net nadat Jesus gedoop is, het die hemel oopgegaan en n duif het op Jesus gaan sit, en God het uit die hemel gepraat en gesê: Jy is my geliefde Seun, oor Jou verheug Ek my. Afloop Weet julle, ons het die afgelope 3 weke gesels oor Jesus wat die Seun van God is. Vandag kan ons dit weer sê, want God het self uit die hemel gesê dat Jesus die Seun van God is. 117

118 11 Inkleur oefen fyn-motoriese koördinasie. Toepassing Gee aan die leerders n inkleurprent soos in die projekblad en laat hulle die prent inkleur. Die prent is van Jesus wat gedoop word en die duif wat op Hom neergedaal het. Memoriseervers Lukas 3: 22: Jy is my geliefde Seun. Oor Jou verheug Ek my. Gebruik die metode van die kinderspeletjie Koljander-koljander so deur die bos en die wysie van die liedjie London bridge is falling down soos volg: Die woorde wat gesing word is: Ken jy al jou Bybelvers, Bybelvers, Bybelvers? Ken jy al jou Bybelvers? Sê dit nou. (Op die woord NOU word die kind wat onderdeur geloop het gevang) Die leerder wat gevang word, moet die Bybelvers opsê. Indien korrek, val hy agter in die tou en die spel gaan voort. Indien verkeerd, vorm die leerder met die maat volgende in die ry die brug en die spel begin weer. Gebed Dankie God dat U, U enigste seun, Jesus na die aarde gestuur het om in ons plek vir ons sonde te betaal. Geestelike vorming Geloofsbegronding 118

119 11 #1 119

120 11 #2 120

121 AKTIWITEIT

122 12 DIE BARMHARTIGE SAMARITAAN Aanbiedersnotas Kerntema: Wie is Jesus: Jesus die leermeester. Aanbiedingsdoelwit: Jesus leer ons dat iemand wat in nood is, ons naaste is Indien daar genoeg tyd is, kan die aanbieder besluit om dit vir die leerders voor te lees. Rymwoorde speel n belangrike rol in die leerder se taalontwikkeling. Skrifgedeelte Lukas 10: Hulpmiddels Bybel Laken (of kombers) Boontjiesak (Opsioneel) Uitgeknipte prent soos verskaf in projekblaaie: Prent 1: Samaritaan wat beseer lê en n persoon help hom Die vier emosiegesigte wat in die toepassing gebruik gaan word, naamlik Prent 2: Hartseer Prent 3: Kwaad Prent 4: Bly Prent 5: Bang Ysbreker Gee aan die leerders geleentheid om oor hulle ouers iets te vertel. Byvoorbeeld hoe hulle lyk, wat hulle doen, waarvan hulle ouers hou, ensovoorts. Weet julle, Mamma en Pappa het een baie belangrike taak. Hulle moet vir jou van dinge leer. Hulle moes byvoorbeeld vir jou geleer het dat jy eers mooi moet kyk voordat jy oor die straat stap. Wie van julle kan vir my nog dinge noem wat Mamma of Pappa vir julle geleer het? Weet julle, Jesus was ook amper soos Mamma of Pappa. Hy het vir al die mense wat saam met hom gestap en na hom geluister het, belangrike dinge geleer. So wil Hy vandag ook steeds vir ons belangrike dinge leer. Gediggie n Priester stap verby daar het iemand seergekry. Hy draai sy rug, en stap terug; Hier wil ek nie bly! n Leviet kom daar aan hy kyk die beseerde aan. Hy draai sy rug en stap gou terug; stort nie eens n traan! n Samaritaan kom hom help; hy sorg vir kos en geld. Dit is wat Jesus van ons wil hê; Mense met woord en daad, Iiefhê. 122

123 12 Aanloop Aanbieder in Bybeldrag geklee, deur byvoorbeeld n laken om te draai en staf in die hand te neem, dra die volgende rolspel aan die leerders voor. Daar was eendag n man wat van die stad Jerusalem na die stad Jerigo gereis het. Die pad wat hy geloop het, was n baie gevaarlike pad. Terwyl hy nog so stap, het rowers hom aangeval. Hulle het sy klere uitgetrek en hom geslaan totdat hy amper dood was en toe weggehardloop. Terwyl die man in die pad Iê, het daar eers n priester verbygeloop. n Priester is iemand soos n pastoor of n dominee. Toe hy die man daar sien Iê, stap hy n wye draai om hom. Hy het nie by die man gestop om hom te help nie. n Tydjie daarna het daar ook n Leviet verbygeloop. n Leviet is amper iets soos n ouderling in die kerk. Hy het ook gemaak of hy nie die man sien nie en verbygeloop. Net daarna het n Samaritaan daar aangekom. Hy het die man vreeslik jammer gekry en na hom toe gegaan. Hy het die man se wonde met olie behandel en verbind. Hy het die man op sy donkie gesit en na die naaste herberg, (amper soos n hotel vandag), geneem. Die volgende dag het hy vir die man wat by die herberg werk, geld gegee en vir hom gesê dat hy die gewonde man moet versorg totdat hy gesond is. Plaas prent 1 van die Samaritaan wat beseer lê en n persoon wat hom help, op die bord. Verloop Aanbieder gaan sit en begin met die leerders gesels. Ek is seker julle sal vir my kan sê waar ek hierdie storie gelees het. Ja dit is reg, uit die Bybel. Ons lees dit in Lukas 10. Aanbieder maak die Bybel oop by Lukas 10 en wys aan die leerders waar dit is. Hierdie is n storie wat Jesus self vir die mense vertel het om vir hulle iets te leer. Ons gaan vandag kyk wat die les is wat ons uit die storie kan leer. Kom ons kyk weer na die storie wat ek vir julle vertel het. Daar was n man wat van een stad na n ander stad gereis het. Terwyl hy gereis het, het daar iets met hom gebeur. Wat het presies met hom gebeur? Dit is reg rowers het hom aangeval en hom amper doodgeslaan. Terwyl hy daar gelê het, het daar 3 mense by hom verbygestap. Kan julle onthou wie die eerste person was wat daar verbygestap het? Ja, dit is reg. Dit was n priester. Wie van julle weet wat n priester was? Ja, dit was iemand soos n pastoor of dominee. Maar wat het die priester gemaak toe hy die man daar sien Iê? Ja, dit is reg. Hy het net verbygestap sonder om te help. 123

124 12 Wie het na die priester by die man verbygestap? Ja, n Leviet. Wie van julle weet wat n Leviet was? n Leviet was amper iets soos n ouderling in die kerk. Wat het die Leviet gemaak toe hy die man daar sien Iê? Dit is reg. Hy het ook gemaak of hy hom nie sien nie en verbygeloop. Wie was die derde persoon wat verbygekom het? Dit is reg n Samaritaan. Kom ek vertel vir julle wat n Samaritaan was. n Samaritaan was deel van n groep mense wat n ander godsdiens as die Jode beoefen het. Wat het die Samaritaan gedoen toe hy die man daar sien Iê? Ja, hy het die man gehelp, hom op sy donkie gesit en na die herberg toe gevat. Afloop Watter een van die drie mans, dink jy, het reg gedoen soos Jesus wil hê ons moet doen? Dit is reg, die Samaritaan. Weet julle, Jesus het die storie vertel om vir ons te leer wie ons naaste is. Kom ons kyk eers wat beteken naaste. Naaste is al die mense rondom jou, nie net die mense wat jy ken nie. Byvoorbeeld, jou maatjie hier langs jou, is jou naaste, maar ook die maats by die skool wat jy nie ken nie. Hulle is ook jou naaste. Dus, die man wat aangeval is en daar in die pad gelê het, was hy n naaste vir die priester gewees? Ja. Was hy n naaste vir die Leviet gewees? Ja. Was hy n naaste vir die Samaritaan? Ja. Maar wie van die drie mans het liefde bewys aan die man in die pad? Ja, die Samaritaan. Net so moet ons ook lief wees vir al die mense rondom ons. Ons moet dus lief wees vir ons naaste en goed doen aan hulle. As ons iemand sien wat hulp nodig het wil Jesus nie hê ons moet maak of ons dit nie sien nie. Jesus wil hê ons moet mense help wat in nood is. In hierdie ouderdomsfase begin leerders insig kry in ander mense se gevoelens. Hulle is egter nog egosentries. Die aktiwiteit help leerders om ander se gevoelens te leer verstaan en help so met sosiale ontwikkeling. Die les, naamlik om goed te doen aan ons naaste, word ook met die aktiwiteit toegepas. Toepassing Plak die vier emosiegesigte op die bord, naamlik Prent 2: Hartseer Prent 3: Kwaad Prent 4: Bly Prent 5: Bang Wys na elke gesig en vra die leerders hoe die persoon op die prent voel. Help hulle om die emosies hartseer, kwaad, bly en bang aan die regte gesig te koppel. Die aanbieder skets nou verskillende sosiale interaksies en die leerders moet identifiseer of die person hartseer, kwaad, bly of bang voel in die spesifieke situasie. 124

125 12 1. Johan gryp Ana se pop uit haar hand uit en hardloop daarmee weg. Hoe dink julle voel Ana. Soos watter gesiggie voel sy? [Die antwoord hartseer en/of kwaad is reg]. Bespreek met leerders. 2. Themba klim hoog op in n boom, sy ma stap verby en hy waai vir haar. Soos watter gesiggie voel Themba? [Bly is reg, bang is nie korrek nie aangesien dit uit die stelling blyk dat hy vrolik sy ma groet.] 3. Hoe dink julle voel Themba se ma? [Hier kan beide bang en bly gepaste antwoorde wees.] Bespreek met leerders. 4. Sam en Riaan ry skaatsplank. Riaan val hard op die grond. Sam lag tog te lekker vir Riaan. Hoe voel Riaan? Soos watter gesiggie voel Riaan? [Hartseer en/of kwaad kan beide reg wees]. Bespreek met leerders. 5. Roan is n nuwe maatjie by die skool. Pouse speel niemand met hom nie omdat hulle hom nie ken nie. Hoe dink julle voel Roan. Soos watter gesiggie voel Roan? [Hier kan beide hartseer en bang gepas wees.] Bespreek met leerders. Memoriseervers Galasiërs 5: 14 Jy moet jou naaste liefhê soos jouself. Laat leerders in n sirkel sit. Terwyl musiek speel, stuur leerders n voorwerp in die rondte (bv. n boontjiesak). Wanneer die musiek stop, moet die leerder wat die voorwerp het, die vers opsê. Herhaal n paar maal. Indien die aanbieder nie toerusting het om musiek te speel nie kan gesing word. Gebed Laat twee leerders elkeen n naaste se naam opnoem en vir die persoon bid. Geestelike vorming Sorg en naasteliefde 125

126 12 126

127 AKTIWITEIT

128 13 DIE VERLORE SKAAP Aanbiedersnotas Kerntema: Wie is Jesus: Jesus die leermeester Aanbiedingsdoelwit: Die leerders sal weet dat Jesus die leermeester is, dat elkeen vir Hom belangrik is en dat Hy wil hê elkeen moet gered word Skrifgedeelte Lukas 15: Hulpmiddels Bybel Laken (of kombers) Staf (of stok) Boontjiesak of voorwerp wat rondgestuur kan word Skêrtjies vir leerders Uitgeknipte prente soos verskaf in projekblaaie: Prent 1: 100 skape teenoor 1 skaap Vingerpoppe 5 verskillende persone (Leerder sal self uitknip). Ysbreker Gee die leerders geleentheid om iets oor hulle ouma of oupa te vertel. Byvoorbeeld hoe hulle lyk, wat hulle doen, waarvan hulle hou. Onthou julle, ons het laas week gesê Mamma en Pappa moet jou dinge leer. Net so het Ouma en Oupa vir Mamma en Pappa geleer van sekere dinge. Partykeer as Ouma en Oupa by julle kuier of jy by hulle gaan kuier, leer hulle jou ook sekere dinge. Wie van julle kan vir my goed noem wat Ouma of Oupa vir jou geleer het? Weet julle, Jesus was amper ook soos Ouma of Oupa. Hy het vir al die mense wat saam met Hom gestap het en na Hom geluister het, belangrike dinge geleer. So wil Hy ook vir ons vandag belangrike dinge leer. Indien daar genoeg tyd is, kan die aanbieder besluit om dit vir die leerders voor te lees. Rym,woorde speel n belangrike rol in die leerder se taalontwikkeling. Gediggie Mê, mê, mê iewers blêr n skaap. Mê, mê, mê hy is alleen, het weggeraak. Jesus sal altyd n wegloopskapie soek. Soos n herder kyk Hy rond en roep! As Hy die wegloopskapie kry Roep Hy, kom wees bly; Ek het my skapie gekry! 128

129 13 Aanloop Aanbieder geklee in Bybeldrag deur byvoorbeeld n laken om te draai en n staf in die hand te neem, dra die volgende rolspel aan die leerders voor. AI my skape is vir my baie belangrik. Ek wil vir julle iets vertel wat verlede week met my gebeur het. Ek het 100 skape, maar toe ek weer kyk, sien ek dat daar net 99 skape by my is. Dit beteken een skaap is weg. Mense sal seker dink dat ek simpel is om ontsteld te wees oor een skaap wat weg is, maar soos ek vir julle gesê het, al my skape is vir my belangrik. Ek het al my skape die 99 net daar gelos om daardie een skaap te gaan soek. Ek het gesoek, en gesoek. Hoe langer ek soek, hoe meer ontsteld was ek. Ek het aangehou soek totdat ek die een skaap gekry het. Ek was bly, ek hom gevang en op my skouers gedra het tot by my ander 99 skape, want daar was hy weer veilig. Ek was so bly dat ek gehardloop het en al my vriende gaan roep het, sodat ons saam kon feesvier oor die een skaap wat weg was, maar wat ek weer gekry het. Die inleiding help die aanbieder om die gesag van die Bybel as God se woord wat ons leer, te demonstreer. Verloop Hierdie is sommer n baie mooi storie wat ek vir julle vertel het. Wie van julle kan vir my sê waar ek die storie gelees het? Ja, dit is reg. Ek het hierdie storie in die Bybel gelees, in Lukas 15. Aanbieder tel die Bybel op en maak dit oop by Lukas 15 en wys die leerders. Weet julle wat? Dit is n storie wat Jesus vir die mense vertel het om vir hulle n baie belangrike les te leer. Ons het mos laas week ook na n storie gekyk wat Jesus vertel het van n Samaritaan, en Jesus wou ons in daardie storie leer dat ons vir mekaar lief moet wees. Vandag gaan ons kyk watter les Jesus vir ons met die storie van die verlore skaap wil leer. Plaas prent 1 van 100 skape teenoor 1 skaap op die bord. Kom ons kyk weer. Hoeveel skape het hierdie herder gehad? Leerders antwoord. Ja, dit is reg. Die herder het 100 skape gehad. Dink julle 100 skape is baie? Leerders antwoord. Die getal100 is vir die leerders baie groot. Alhoewel hulle nie werklik n begrip het van hoeveel 100 is nie, klink die getal vir hulle baie. Ja, dit is baie. Hoeveel skape het nou weer weggeraak? Leerders antwoord. Dit is reg. Net een. Is een baie? Leerders reageer. Nee, dit is nie baie nie, maar wat het hierdie herder gedoen oor die een skapie wat weg is? Leerders reageer. Ja, hy het daardie een skapie gaan soek. Hy het nie gesê: Ag, ek het nog baie skape, ek gaan my nie moeg maak oor die een skaap wat weg is nie. Nee, hy het gegaan om die een skaap te gaan soek. 129

130 13 Afloop Weet julle, die Bybel sê vir ons dat ons ook soos skape is. Jesus is ons herder wat ons oppas. Baie keer is ons soos hierdie een skapie wat weggeraak het. Ons loop weg van Jesus af en ons doen allerhande lelike, verkeerde dinge soos byvoorbeeld om ongehoorsaam te wees aan Mamma of Pappa of selfs ongehoorsaam aan God. Jesus maak egter soos hierdie herder. Hy hou aan om ons te soek. Hy laat ons sleg voel oor iets wat ons verkeerd gedoen het. Ons hoor elke Sondag in die Sondagskool van Jesus. Baie keer sê Mamma of Pappa vir jou as jy lelike dinge doen of sê, dat dit nie reg is nie. Dit is alles maniere hoe Jesus ons soek, want Hy wil hê dat jy weer terug moet kom na Hom toe en die ander skapies. Hy wil hê dat jy jou hart en lewe vir Hom moet gee. Ek lees hier in vers 7 wanneer n skapie wat so weggedwaal het, weer by Jesus uitkom, al die engele in die hemel sing van blydskap. Net soos daardie een skapie vir die herder belangrik is, net so is elkeen van ons vir Jesus belangrik. Hy wil hê ons moet elkeen ons lewe vir Hom gee en aan Hom behoort. Die toespassing oefen fyn motoriese vaardigheid en sosiale interaksie. Toepassing Gee aan die leerders n skêr en n projekblad met die vyf verskillende mense op. Leerders moet elk van die gesiggies uitsny. Om vingerpoppe te maak, moet leerders die twee kante van die gesiggie agter vasplak sodat dit n silinder vorm wat op die leerders se vingers kan pas as n vingerpop. Laat leerders vir mekaar stories opvoer met behulp van hulle vingerpoppe. Aan die einde van die aktiwiteit vra vir hulle watter vingerpop is die belangrikste vir hulle. Vra hoekom een vir hulle belangrike is as die ander. Wys hulle egter daarop dat vir Jesus alle mense ewe belangrik is en dat Hy nie dink een mens is belangriker as n ander mens nie. Memoriseervers Jes. 43: 1... Ek het jou op jou naam geroep, jy is myne (NV). Laat leerders in n sirkel sit. Terwyl musiek speel, stuur leerders n voorwerp in die rondte (bv. n boontjiesak). Wanneer die musiek ophou, moet die leerder wat die voorwerp het, die vers opsê. Herhaal n paar maal. Indien die aanbieder nie toerusting het om musiek te speel nie kan gesing word. 130

131 13 Gebed Dankie Here dat ons elkeen vir U baie belangrik is en dat U nie wil hê dat een mens verlore moet gaan nie, maar dat U elke mens op sy eie naam roep om na U te kom. Help ons om U aan te neem. Amen. Geestelike vorming Eiewaarde 131

132 13 132

133 AKTIWITEIT

134 14 GEBED VAN DIE TOLLENAAR Aanbiedersnotas Kerntema: Wie is Jesus: Jesus die leermeester. Aanbiedingsdoelwit: Die leerders sal weet dat Jesus die leermeester is, en dat nederigheid vir Hom belangrik is Skrifgedeelte Lukas 18: Hulpmiddels Bybel Laken (of kombers) Boekrol (papier of koerant wat opgerol is) Sakkie met geld Boontjiesak/voorwerp wat rondgestuur kan word Projekblad met instruksies n Papierbord vir elke kind Wol, afval stukkies lap Winkeltou Skêrtjies Kleurkryt Ysbreker Gee aan die leerders geleentheid om oor hulle juffrou by die skool te gesels. Byvoorbeeld hoe lyk sy, wat laat haar lekker lag, wat maak haar kwaad. Wat dink jy is jou juffrou se werk? Hoekom is jy in haar klas, wat moet sy met jou maak? Dit is reg, sy moet jou leer lees, leer skryf, leer somme doen en nog baie ander dinge. Dit is alles belangrike dinge vir as jy eendag groot is. Net so is Jesus ook amper soos jou juffrou. Hy het vir al die mense wat saam met hom gestap en na Hom geluister het, belangrike dinge geleer. So wil Hy ook vandag vir ons belangrike dinge leer. Aanloop Aanbieder geklee in Bybeldrag deur byvoorbeeld n laken om te draai en staf in die hand te neem, dra die volgende rolspel aan die leerders voor. Twee mense het na die tempel toe gegaan om te bid. Die een was n Fariseër. Draai lyf na regs met boekrol in die hand. n Fariseër was n belangrike kerkpersoon in Jesus se tyd. Die ander een was n tollenaar. 134

135 14 Draai lyf na links, met geldsakkie in die hand. n Tollenaar was iemand wat die mense se geld by tolhekke geneem het. Draai na Fariseër-posisie met boekrol in die hand. Die Fariseër het gaan staan en die volgende gebid: 0 God, baie dankie dat ek nie soos ander mense is nie, soos al die slegte mense wat steel en jok, en ook nie is soos hierdie tollenaar nie. Ek bid baie en gee altyd geld vir die kerk. Draai na tollenaar-posisie met geldsakkie in die hand. Die tollenaar het hartseer op sy bors geslaan en gesê: God, vergewe my vir al die sonde en verkeerde goed wat ek doen. Die verwysing na die Bybel as die bron of ons storie bevestig die gesag van die Bybel as God se Woord wat ons leer. Verloop Aanbieder gaan sit en begin met die leerders gesels. Ek is seker julle sal vir my kan sê waaruit ek hierdie storie gelees het. Ja, dit is reg, uit die Bybel. Ons lees dit in Lukas 18. Aanbieder maak die Bybel oop by Lukas 18 en wys aan die leerders waar dit is. Hierdie was weereens n storie wat Jesus vir die mense vertel het om vir hulle en ons n baie belangrike les te leer. Watter twee mense het na die tempel toe gegaan om te bid? Wag vir reaksie. Dit is reg, n fariseër en n tollenaar. Wat is n Fariseër nou weer? Wag vir reaksie. Wat het hierdie fariseër nou weer gebid? Ja, dit is reg, hy het vir die Here dankie gesê dat hy nie soos ander mense is nie. Dink julle dit is reg as hy so iets bid? Hoekom nie? n Mens mag nie dink jy is beter of belangriker as iemand anders nie. God hou nie van mense wat dink hulle is beter as ander nie want God het ons almal gemaak en Hy is ewe lief vir almal. Maar daar is nog n ander persoon. Dit was die tollenaar. Kan julle onthou wat was n tollenaar? Wat het hierdie tollenaar nou weer gebid? Ja, hy was baie hartseer oor al sy sondes en lelike goed wat hy gedoen het. Nou dink julle dit is reg wat hy gebid het? Ja, want hy was jammer oor al die goed wat hy gedoen het en hy het nie gedink hy is beter as iemand anders nie. Afloop Ons het nou weer gesê ons leer uit hierdie storie dat een mens nie mag dink hy is beter en belangriker as iemand anders nie. Ken een van julle iemand wat dink hy is beter as jy? Hoe laat so n persoon jou voel? Laat die leerders reageer. Hy laat jou skaam voel oor jouself. Hy laat jou voel jy is nie goed genoeg nie. AI het jy n maatjie by die skool wat arm is, of nie in n mooi huis bly 135

136 14 nie (hierdie voorbeelde sal verskil van gemeenskap tot gemeenskap) mag jy nooit dink dat jy beter is as daardie persoon nie. God het alle mense ewe lief. Toepassing Gee aan die leerders die nodige materiaal sodat hulle die les se projek kan voltooi. Hierdie aktiwiteit oefen die leerder se fyn-motoriese koördinasie. Gebruik die aanwysings op die projekblad en help die leerders om papiermaskers van hulle papierbord te maak. Sny sirkels vir die oë en die mond uit. Gebruik wol, of papierstrokies of stukkies materiaal en plak dit vas op die boonste rant vir hare. Indien u nie iets het om te plak vir hare nie, kan die leerders die hare teken. Maak twee gaatjies aan die kant en ryg n tou daardeur sodat die masker aan die leerder se kop vas gemaak kan word. Aan die einde van die aktiwiteit kan die aanbieder met die leerders gesprekvoer en sê as ons bid hoef ons nooit te maak of ons geen foute het nie of iemand anders is nie. Ons hoef nooit n masker voor God te dra nie. Ons kan net eerlik met God wees want Hy ken ons. Memoriseervers Luk. 18: hy wat nederig is, sal verhoog word (NV). Gesels met leerders oor wat nederigheid beteken na aanleiding van bogenoemde verhaal (om nie te dink jy is beter as ander nie). Laat die leerders in n sirkel sit. Terwyl musiek speel, stuur leerders n voorwerp in die rondte (bv. n boontjiesak). Wanneer die musiek stop, moet die leerder wat die voorwerp het, die vers opsê. Herhaal n paar maal. Gebed Dankie Here dat U alle mense baie lief het. Dankie dat ons altyd eerlik met U kan praat. As ons bid ons hoef te maak of ons beter is nie. Geestelike vorming Nederigheid 136

137 AKTIWITEIT

138 15 JAÏRUS SE DOGTERTJIE Aanbiedersnotas Kerntema: Wie is Jesus: Jesus die groot Geneesheer. Aanbiedingsdoelwit: Die leerders sal weet dat Jesus die groot geneesheer is en dat hy die dogtertjie van Jaïrus lewendig gemaak het Skrifgedeelte Lukas 8: Hulpmiddels Doktersdrag (opsioneel) Sosatiestokkies Gom of kleefband om uitgesnyde poppe aan sosatiestokkies vas te plak. Maak die stokpoppe voor die les klaar. Die ekstra Jesus- en Dogtertjie stokpop is vir die leerders om aan die einde van die les hulle eie stokpoppe te maak. Laat die leerders dit self uitsny en plak. Stokpoppe Pop 1: Jesus Pop 2: Jaïrus Pop 3: Dogtertjie Pop 4: Jaïrus en sy vrou Projekblaaie sodat leerders hulle eie stokpoppe kan uitknip. Skêr Ysbreker Wie van julle was al by die dokter? Gee elkeen van die leerders geleentheid om te vertel van hulle besoek aan n dokter. Vandag gaan ons sien dat Jesus ook n dokter was. Die Bybel noem Hom n geneesheer. Julle weet mos, partykeer word iemand so siek dat ons dokters hulle nie kan gesondmaak nie. Jesus is nie net sommer enige dokter nie Hy kan enige siekte gesond maak. Hy kan selfs iemand wat dood is, weer lewendig maak. Dit is iets wat mense nie kan doen nie. 138

139 15 Die leerders hoef nie die gedig te leer nie. Indien daar genoeg tyd is, kan die aanbieder besluit om dit vir die leerders voor te lees. Rymwoorde speel n belangrike rol in die leerder se taalontwikkeling. Gediggie Jaïrus se hart is seer; sy kind is in nood. Hy vra Jesus om te help; sy geloof is groot, Toe Jesus praat, gebeur n wonderwerk, Die dogter word uit die dood opgewek! Jaïrus dans en sing en lag, Loof Jesus vir sy almag! As Jesus praat, gebeur n wonderwerk. Ek sal Hom vertrou, so word ek sterk. Ek sal dans en sing en lag; En Jesus loof, elke dag! Aanloop Aanbieder (geklee in doktersdrag, opsioneel), vertel die verhaal van Jaïrus se dogtertjie. Hierdie vertelling moet goed geoefen word. Plaas die stokpoppe waar hulle maklik bereikbaar is. Stokpop 2 en 4 word opgehou. Jaïrus en sy vrou was baie bekommerd. Hulle dogtertjie was baie siek. Hulle het al alles probeer, maar sy wou nie gesond word nie. Hulle het gehoor van n man met die naam Jesus wat mense gesondmaak. Dalk moet hulle Hom gaan soek en vra of Hy nie hulle dogtertjie kan gesondmaak nie. Plaas stokpoppe 2 n 4 neer. Verloop Stokpop 1 word in linkerhand opgelig. Jesus was besig om die mense te leer. Terwyl Hy met hulle gesels, kom daar n man (stokpop 2 word opgehou in regterhand) met die naam van Jaïrus by hom aan. Jaïrus het op sy knieë voor Jesus neergeval en Jesus gesmeek om na sy huis toe te kom. Hy het Jesus vertel van sy dogtertjie wat so siek is en besig was om dood te gaan. Sy was nog baie jonk gewees net 12 jaar oud. Terwyl Jesus saam met Jaïrus stap, het daar iemand aangekom wat vir Jaïrus werk. Hy het vir hom kom sê dat sy dogtertjie dood is en dat hy Jesus nie meer moet pla nie. Jesus het dit gehoor en vir Jaïrus gesê hy moet nie bang wees nie, hy moet net glo. Stokpop 2 word neergesit en stokpop 4 word opgehou. Toe Jesus by Jaïrus se huis kom, het Hy saam met Jaïrus en sy vrou na die dogtertjie se kamer gegaan. Jaïrus en sy vrou het vreeslik gehuil, maar Jesus het vir hulle gesê: Moenie huil nie, sy is nie dood nie, sy slaap net. Stokpop 4 word neergesit. Jesus het die dogtertjie se hand gevat en vir haar gesê: Dogtertjie, staan op! Stokpop 3 word opgelig. Sy het dadelik opgestaan. (Sit alle poppe neer). 139

140 15 Afloop Kom ons kyk weer na die storie. Terwyl Jesus besig was om die mense te leer, het daar iemand by hom gekom. Wie was die man? Wat het hierdie man vir Jesus kom sê? Terwyl Jesus saam met Jaïrus op pad was na sy huis toe, het daar iemand gekom met slegte nuus. Wat het die man vir Jaïrus kom sê? Wat het Jesus vir Jaïrus gesê? Nadat Jesus-hulle by die huis gekom het, het Hy vir hulle gesê dat die dogtertjie nie dood is nie, maar net wat doen? Jesus het die dogtertjie se hand gevat en wat vir haar gesê? Ja, Jesus het die dogtertjie laat opstaan. Sien julle nou hoekom het ons aan die begin gesê dat Jesus ook n dokter is? Hy maak mense gesond en kan selfs mense wat dood is, weer lewendig maak. Dink julle as iemand vandag siek is, kan Jesus daardie persoon gesondmaak? Ja! Dink julle dat Jesus altyd almal gesond maak wat siek is? Nee, soms maak Hy nie die mense gesond nie. Jesus weet wat die beste vir almal is. Hierdie aktiwiteit oefen die leerder se fyn-motoriese vaardighede. Toepassing Laat die leerders die nodige projek voltooi deur hulle eie stokpoppe te maak. Die leerders kan met hulle eie stokpoppe die verhaal vir hulle maats en ouers vertel. Memoriseervers Markus 1: 34 En baie wat aan allerhande siektes gely het, het Hy gesond gemaak. Laat leerders in groepsverband die memoriseervers saam opsê. Vra een of twee leerders dan om die vers alleen op te sê. Indien hulle sukkel, laat die hele groep weer die vers saam opsê. Gebed Die leerders kry geleentheid om te bid vir iemand wat siek is. Vra of hulle iemand ken wat siek is waarvoor julle kan bid. Geestelike vorming Geloofsvertroue 140

141 15 #1 #2 #3 #4 141

142 AKTIWITEIT

143 16 DIE VERLAMDE MAN Aanbiedersnotas Kerntema: Wie is Jesus; Die groot geneesheer. Aanbiedingsdoelwit: Die leerders sal weet dat Jesus die groot geneesheer is en dat Hy die verlamde man genees het.... Skrifgedeelte Lukas 5: Hulpmiddels Sosatiestokkies Gom of kleefband om uitgesnyde poppe aan sosatiestokkies vas te plak. Maak die stokpoppe voor die les klaar. Stokpoppe pop 1: Jesus pop 2: Mense pop 3: Man op n draagbaar pop 4: Man wat staan... Ysbreker Aanbieder gesels met die leerders oor hoe dit voel om verlam te wees. Bespreek byvoorbeeld die volgende: Wat beteken dit om verlam te wees? Wat gebruik iemand wat verlam is, om rond te beweeg? (Byvoorbeeld iemand wat die verlamde se rolstoel stoot). Hoe dink jy voel dit om verlam te wees? Watter goed kan jy nie meer doen wanneer jy verlam is nie? Aanloop Hierdie vertelling moet goed geoefen word. Die aanbieder moet die stokpoppe so neersit dat dit maklik bereikbaar is. 143