JESAJA 1:27 NGB 20 Votum en seën Psalm 99 : 1, 3, 5 Gebed Skriflesing: Jesaja 1:21-31 (AV 1983/91) Belydenis: NGB 20 Teks: Jesaja 1:27 (AV 1933/53) Skrifberyming 7 (5-2) : 4 [mel Ps 134] Preek: God se regverdigheid en barmhartigheid is groter as wat baie mense dink Gebed Kollekte Psalm 71 : 9, 12, 14 Seën Skrifberyming 78 (13-3) Ook: Ps 85 Sb 24 (1-1) : 1, 2 Sb 61(1-3)
2 Word n mens deur strafgerig en geregtigheid verlos? Word n mens dan nie deur liefde en barmhartigheid verlos nie? As n mens sulke vrae vra, dan wys dit iets van n misverstand oor God se regverdigheid en Sy liefde. Eintlik is dit twee misverstande waaroor dit gaan en wat jy nogal by baie mense kry: - die onderskatting van God se regverdigheid; - en die onderskatting van Sy barmhartigheid Sy liefde. Die lig wat die Heilige Gees ons in die Bybel hieroor gee en wat hier in die kerk se belydenis in eie woorde agterna gesê word, laat n mens besef dat God se regverdigheid en Sy barmhartigheid groter is as wat baie mense dink. Dis wat vanaand se preek wil sê: God se regverdigheid en barmhartigheid is groter as wat baie mense dink. Kom ons kyk na dié twee misverstande en na die lig wat vanuit die Skrif hierop val. 1. DIE EERSTE MISVERSTAND Die eerste misverstand onderskat God se regverdigheid. In baie mense se gedagtes beteken vergewing van sondes dat God sondes sommer maar net oorsien, dat Hy maak asof dit nie gebeur het nie, of asof Hy dit nie gesien het nie. Maar dis nie die waarheid nie. God kan nooit so wees nie! Dink n bietjie wat sonde is. Sonde is om ongehoorsaam te wees aan God om die hoogste gesag in die heelal te minag. Sonde is oortreding van die wette van God - wette wat met volmaakte wysheid gemaak is en wat honderd persent regverdig is;
3 - wette wat gegee is met die doel om mense die lewe te laat lewe soos wat God bedoel het dat dit gelewe moet word, in vrede en harmonie met God en met mekaar. Sonde is om hierdie volmaakte wette te oortree. Sonde is om doelbewus die duiwel se verwringing van die lewe te kies en die pad van liefdeloosheid en verdeeldheid en vyandskap. Sonde is om die Een wat jou alles wat mooi en goed in jou lewe is, gegee het, se wil te ignoreer, om die teenoorgestelde daarvan te doen. Sonde is om die mooiste en grootste en hoogste wat daar is die majesteit van God te skend. Hoe kan Een wat volmaak is, sulke dinge ooit sommer net oorsien? Hoe kan die hoogste Koning en Wetgewer sulke ongehoorsaamheid aan volmaakte wette en sulke opstand teen Hom sommer net los? As Hy dit sommer net los, gaan die hele wêreld onderstebo gekeer word, gaan daar totale chaos kom! Hoe kan die Regverdige maak asof Hy onregverdighede nie raaksien nie? Hoe kan die hart van die Een wat uit volmaakte liefde alles wat mooi en goed is vir mense wat Hý gemaak het, gegee het, dit nie voel as daar op Sy goedheid getrap word nie? Hoe kan die Besitter van die mooiste en die grootste en die hoogste majesteit maak sof dit niks is as nietige klein mensies dit met vyandige harte en vuil hande wil skend nie? Wat se God sou dit wees wat Sy oë toeknyp vir sulke dinge?! Die God van die Bybel is nie so nie. Dit verstaan jy baie duidelik as jy die geskrifte van die profete lees, onder andere die boek van die profeet Jesaja. Sommer hier in die eerste hoofstuk is dit al duidelik dat God Sy volk, wat in allerhande sondes verval het, nie gaan los dat hulle maar op hulle sondepad kan voortgaan nie.
4 Hy gaan hulle straf: - Hy gaan Hom wreek op hulle. 1 - Hy gaan die oortreders verbreek. 2 - Die wat Hom gelos het, gaan omkom. 3 - Die wat aan afgodsdiens deelneem, gaan nie net in die skande kom nie, 4 maar verdroog soos n tuin sonder water 5 en brand sonder dat iemand die vuur blus! 6 Die straf waarna hier verwys word, was uiteindelik die Babiloniese ballingskap van die Here se volk, toe Nebukadnesar met sy leër gekom het en die hele land ingeneem het en verwoes het, mense doodgemaak het, Jerusalem ingeneem het en die tempel van die Here en die koningspaleis en die hele stad afgebrand het. Hierdie profesie van die straf wat sou kom, het toe werklikheid geword. Die regverdige God stráf sonde! Maar weet u wat die verstommende van hierdie hele strafgeskiedenis was? Dat dieselfde straf wat die onbekeerdes en mense met verharde harte vernietig het, by die ware kinders van die Here heeltemal n ander uitwerking gehad het. Húlle is daardeur gelouter, skoongebrand. Hulle t verstaan dat hulle sondes hierdie straf verdien het, en het hulle daarvan bekeer en weer begin om die Here reg te dien en te gehoorsaam, soveel so dat dat toe die Here hulle uiteindelik na hulle land toe laat terugkeer het, daar weer tye gekom het wat Jerusalem regtig n stad van geregtigheid was n stad waarin die Here se wil en Woord die oorhand gehad het. Israel, Jerusalem, Sion, is nie verlos deurdat die Here gemaak het asof die sonde nie gedoen is nie, of asof Hy dit nie raakgesien het nie. 1 Vers 24 2 Vers 28 3 Vers 28 4 Vers 29 5 Vers 30 6 Vers 31
5 Sion is verlos deur strafgerig en dié wat tot die Here teruggekeer het deur Sy brandende geregtigheid! Die Here verlos deur te straf, deur volmaak regverdig te wees en te bly. Is dit nie uiteindelik die verhaal van Jesus Christus nie? God sien niemand se sondes oor nie, selfs nie eers dié van die mense wat vir ewig Sy kinders gaan wees nie. Hy sien al hulle sondes raak en verstaan met volmaakte insig en evaluering die boosheid daarin. En Hy straf dit volledig, tot die laaste greintjie straf toe. Maar Hy straf húlle (Sy uitverkore kinders) nie daarvoor nie. Hy straf Sy eie Seun wat n ware mens ook geword het, Jesus Christus, in hulle plek daarvoor. Hý voldoen vir hulle aan die eis van God se regverdigheid, die eis dat alle sonde volledig gestraf moet word. Daarom moes Hy so verskriklik diep en so intens ly: om die volledige straf te dra. En nou is al die uitverkorenes elke mens wat deur die Heilige Gees daartoe gebring is om te glo dat Hy dit vir jou gedoen het vry. Ons hoef nie meer gestraf te word nie, want ons straf is klaar vir ons gedra. Ons sonde staan nie meer in God se boeke teen ons nie. Dis weggevat, betaal, n afgehandelde saak. Ons is deur Christus so bely ons hier nou die allerbitterste lyding en sterwe en die ewige vervloeking kwytgeskeld en die onsterflikheid en die ewige lewe gegee. Verlossing deur straf, deur geregtigheid. God los sonde nie.
6 Hy sien dit nie oor nie. Hy maak nie asof dit nie bestaan nie. Hy s te regverdig daarvoor! Hy s so volmaak regverdig dat daar in Sý heelal nie een stukkie kwaad en boosheid is wat nie volledig, presies soos wat dit verdien, gestraf word nie. Al straf Hy dan vir Sy kinders se sondes n Plaasvervanger, Iemand in hulle plek maar Hy straf! God is regverdiger as wat mense dink. Hy verlos, maar deur strafgerig, deur met volmaakte geregtigheid elke sonde ten volle te straf. 7 Maar daar s ook n tweede misverstand oor God, wat verband hou met hierdie eerste een 2. DIE TWEEDE MISVERSTAND Die tweede misverstand onderskat God se barmhartigheid. Weet u hoe stel party mense dit nou vir hulle voor as hulle hoor dat die regverdige God sonde haat en dit volledig straf? Hulle dink dat God die Vader die Een is wat kwaad is oor die sonde en wat dit wil straf, en dat God die Seun, Jesus Christus, die Vader namens ons gaan paai. Maar dis verkeerd. Dis verkeerd omdat God die Seun én God die Heilige Gees net so vurig soos die Vader teen alle sonde en onreg en boosheid is en dit met net so veel brandende geregtigheid soos die Vader gestraf wil sien! 8 Maar dis veral verkeerd omdat dit God se barmhartigheid verklein. 7 Vgl ook Jes 4:4. Hierdie moet ons net nie laat dink dat God behae in straf het nie. Vgl Calvyn in sy kommentaar op Jes 1:24: For as nothing is more agreeable to his nature than to do good, so whenever he is angry with us and treats us harshly, it is certain that our wickedness has compelled him to do so, because we do not allow his goodness to take its free course. 8 Vgl bv Mat 23:13-38; Jes 4:4
7 Dit doen dit op twee maniere. In die eerste plek deur dit te laat lyk asof barmhartigheid en regverdigheid in Sy binneste moet baklei vir n plekkie, sodat hoe meer barmhartigheid daar is, hoe minder plek vir regverdigheid daar is, en hoe meer regverdigheid daar is, hoe minder plek vir barmhartigheid. Dis nie so nie. In God se binneste is volmaakte regverdigheid en volmaakte barmhartigheid altyd honderd persent daar en in volmaakte harmonie met mekaar. In die tweede plek verklein hierdie manier van dink (dat die Seun die Vader moet paai) God se barmhartigheid deurdat dit miskyk dat Jesus se vrywillige dood aan die kruis net so veel die liefde van die Vader is as wat dit die liefde van die Seun, ons Here Jesus Christus, is. U ken mos almal Johannes 3:16: Want so lief het God (= God die Vader) die wêreld gehad, dat Hy sy eniggebore Seun gegee het En ken u 1 Joh 4:9? Hierin is die liefde van God tot ons geopenbaar, dat God (= God die Vader) sy eniggebore Seun in die wêreld gestuur het, sodat ons deur Hom kan lewe. 9 Ons kerke bely dit hier in NGB 20 só: Hy (= God die Vader) het immers sy Seun deur die mees volmaakte liefde vir ons in die dood gegee Wie s daar wat ooit sal kan peil wat dit die volmaakte Vader gekos het om Sy volmaakte Seun met die swaarste straf denkbaar te straf en dit om slegte mense te red, 10 en nie omdat Hy om een of ander rede móés nie, maar omdat Hy dit wóú doen, omdat Sy hart so ís: - barmhartig; - vol van die sagste en getrouste liefde wat daar ooit kan wees. God is nie net regverdiger as wat baie mense dink nie, maar ook oneindig barmhartiger as wat enige een van ons ooit sal verstaan! 9 Vgl ook Rom 5:8; 2 Kor 5:19-21; Tit 3:4; 1 Joh 4:19 10 Rom 5:8
8 TEN SLOTTE Dis vir ons moeilik om reg aan God te dink. Ons dink byvoorbeeld te klein van een van Sy wonderlike deugde of eienskappe, byvoorbeeld van Sy mag van wat Hy kan doen, of van die wysheid waarmee Hy alles bestuur, of van Sy getrouheid asof dit tog iewers moet ophou. Of ons dink so maklik eensydig aan Hom, byvoorbeeld - ons sien net Sy bereidheid om ons te vergewe raak, en dan word Hy vir ons so n goedige alles-duldende Figuur daarbo, wat tog nooit regtig mense in n ewige hel sal laat brand nie - of ons sien net Sy streng regverdigheid raak, en begin dan n angs vir Hom ontwikkel hierdie harde God wat enige mens enige oomblik kan tref met die allerverskriklikste strawwe denkbaar! Ons dink eensydig aan Hom. Ook die nuutmaak van ons gedagtes oor God, wat die Heilige Gees besig is om by ons te bewerk, is nog ver van klaar af. Maar laat vanaand se preek dan vir u n aansporing wees om tog reg oor God te dink, om nie misverstande oor Hom te hê nie - om byvoorbeeld nie te dink dat Hy Iemand is wat sonde maar sommer net oorsien nie! - of om nie te dink dat Vader omgepraat moet word om ons lief te hê nie! As u aan God dink, moet u aan Hom dink as Een wat tot die laaste greintjie toe volkome regverdig is en gaan bly. En as u aan Hom dink, moet u aan Hom dink as die Vader en die Seun en die Heilige Gees wat een volmaak-barmhartige God is. Daar s min wat mense se lofsange tot die Here en aanbidding van Hom só kan aanhelp soos wat reg dink oor Hom doen AMEN