OESFEES. Oktober 2016

Transcription

1 1 OESFEES Oktober 2016

2 2 KLEINGROEPE: NUUS Die teeskinkbeurt-lys vir 2017 sal ge-epos word aan die kleingroepleiers, bevestig asb dat die teeskinkdatums vir julle groep gepas sal wees. Voorstelle vir aanbiedings, samekomste, ontbyte ens vir 2017 sal waardeer word, ons wil graag verhoudings bou in die gemeente en mekaar beter leer ken. Baie dankie aan Ds. Corne Bootha vir hierdie maand se Bybelstudies. Kom geniet die reis Dear Diary... Gebed Bid vir oop, ontvanklike harte in julle kleingroep. Bid dat elkeen hierdie dagboekreis sy eie sal maak en dat n woeste vuur in die binneste sal opvlam vir ons Hemelse Vader. Bid vir elkeen in besonder in die groep, en nooi die uit wat nog nie vir Jesus Christus as Saligmaker en Verlosser aangeneem het nie om n oorgawe te maak. Die tyd is nou! Bid die volgende oorgawe gebed: Jesus Christus, ek weet ek is n sondaar en verdien nie die ewige lewe nie. Ek glo dat U vir my gesterf het en vir my sonde betaal het. Ek neem u aan as my Verlosser, en gee aan U die beheer van my lewe. Ek bely my sonde het opregte berou- en vra dat U dit vergewe. Help my om weg te draai van die sonde en om u te volg vir die res van my lewe. Dankie vir die geskenk van die ewige lewe. Amen met die hart glo ons, en ons word vrygespreek; en met die mond bely ons, en ons word gered elkeen wat die Naam van die Here aanroep, sal gered word. Rom. 10:10, 13

3 3 Inleiding: DANKBAARHEID Ons het al baie keer die gesegde gehoor van God is good, all the time and all the time, God is good. Maar het jy al ooit mooi gaan sit en dink at dit regtig beteken? Ek wil sommer met die intrap slag aan die begin van hierdie bybelstudie jou help om jou denke rondom die volgende te kry: Bespreek dit in die groep as ń inleidende vraag: God is ALTYD goed. Selfs wanneer dit nie goed gaan nie, is God nog steeds goed. Hierdie maand se bybelstudie gaan progressief aanbeweeg tot in die laaste week. Dit gaan bestaan uit vier stappe waardeur ons saam gaan reis. Dink jou in dat jy een aand gaan slaap en in jou dagboek staan die inskrywing vir die volgende dag: Ontmoeting met HOM!! Tyd: 9h00 Plek: Troonkamer Kleredrag: Kom soos jy is Om n lewe van dankbaarheid te leef is nie net om dankie te sê vir alles wat ons ontvang nie. Dit is baie meer as dit. Dit is n reis, n pelgrimstog, n ontmoeting! Kom lees en kom skryf vir die volgende vier weke aan jou eie dagboek van dankbaarheid. Kom reis saam met my!

4 4 WEEK 1 Daag op met n verwagting Liewe dagboek Vanoggend het ek wakker geword met iets wat in my gees begin oproer het. Eintlik het dit al gister aand begin toe ek gelees het dat ek Hom vandag gaan ontmoet. Ek dink aan alles wat Hy vir my gedoen het en dit wat Hy alles vir my belowe in Sy Woord en ek moet sê, iets begin beweeg in my! Dis amper soos n kind wat op Kersoggend wakker word en uit sy vel is vir die geskenke wat hy kry, alhoewel vandag se kinders mos nie meer wag tot Kersfees nie, alles is mos reeds ou-kersaand oopgemaak sodat hulle op Kersdag met die goed kan speel. Maar vandag verwag ek iets! Ek verwag dat iets met my gaan gebeur! Ek verwag dat Hy iets in my gaan sien en iets in my gaan doen en dat ek nooit weer dieselfde gaan wees nie. Ek verwag dat Hy my gaan seën. Ek dink aan Fillipense 1:20 wat sê: Dit is my vurige verwagting, en daarna sien ek uit, dat ek niks sal doen waaroor ek my sal hoef te skaam nie. Ek wil ook nou, soos nog altyd, met alle vrymoedigheid deur my hele wese Christus verheerlik in lewe en in sterwe. Dit is vir my so lekker te weet ek n verwagting kan hê dat die Here vir my alles gaan gee wat ek nodig het. God is goed, God is altyd goed. Besprekingsvrae: - Deel met mekaar in die groep hoe jou persoonlike omstandighede jou verwagtinge beïnvloed? - Hoe help hierdie teks jou om nog steeds n verwagting te hê, ongeag jou omstandighede? - Deel met die groep n persoonlike getuienis oor hoe die Here jou bonatuurlik geseën het?

5 5 - Maak n kort dagboek inskrywing oor wat jou verwagting is van die Here vandag: WEEK 2 Gaan sy poorte binne met lof en danksegging Dagboek vervolg Wel hier staan ek nou. My verwagting in my gees maak my so opgewonde oor wat Hy gaan doen. Dit vul my met soveel blydskap! Die woorde van die ou geestelike liedjie: I will enter his courts with thanksgiving in my heart, I will enter His courts with praise maal die heeltyd in my kop. Ek wil net die heeltyd dans en sing en spring! My oupa was altyd so lief vir Psalm 100. Ek dink dis hoekom hy altyd so vol vreugde en blydskap was. Ek wil die woorde hier in my dagboek skryf sodat ek dit nooit sal vergeet nie: Juig tot eer van die Here, almal op aarde! Dien die Here met blydskap! Kom voor Hom met gejubel! Erken dat die Here God is: Hy het ons gemaak en ons is Syne, ons is Sy volk, Sy eie kudde. Gaan Sy poorte binne met dankliedere, Sy tempel met lofsange, dank Hom, prys Sy naam, want die Here is goed, aan Sy liefde is daar geen einde nie, sy trou duur van geslag tot geslag. Ek wonder hoeveel mense lewe sonder hierdie waarheid. As ek nou hierdie poorte binne gaan dan doen ek dit met vreugde en blydskap en danksegging vir dit wat die Here gedoen het in my lewe en nog gaan doen! Ek sing Psalms en Gesange! Lofliedere, want God doen groot dinge! Ek kan nie wag nie!

6 6 Besprekingsvrae: - Deel met mekaar in die groep bepaalde faktore in jou daaglikse lewe wat jou vreugde steel? - Hoe kan ons mekaar help om met blydskap God se teenwoordigheid binne te gaan? - Getuig teenoor mekaar wat maak jou bly? Wees bly saam met mekaar! - Bid as groep saam en dank die Here met blydskap vir dit wat nog nie gebeur het nie? - Maak n kort dagboek inskrywing oor jou blydskap in die Here: WEEK 3 Deel jou hart, luister, ontvang Dagboek vervolg Ek weet dat die Here van my vra om Hom te loof en prys en dankie te sê vir dit wat ek nog nie ontvang het nie, maar ek kan tog nie anders as om my hart met Hom te deel nie. Hy het my dan so geskep. Ek wil so graag net die begeerte van my hart met hom deel. Sy Woord sê tog in Fillipense 4:6: Moet oor niks besorg wees nie, maar maak in alles julle volle hartsbegeertes deur gebed en smeking en met danksegging aan God bekend. Hierdie vers is my versekering dat Hy wil hoor wat in my hart aangaan. Ek mag dit met Hom deel. Een ding is wel baie belangrik en dit is dat ek nie daaroor besorg moet wees nie. As ek nou tiener was sou ek gesê het moenie daaroor worry nie maar my oupa sou my vinnig reg gehelp het. Here ek wil alles met u deel. Ek wil die begeertes van my hart met U deel, maar ek wil nie besorg wees nie, ek weet dat dit in U hande lê en dat U plan vir my mooi en goed is. Here en ek weet dat U goed is, dat U altyd goed is.

7 7 Besprekingsvrae: - Bespreek Fillipense 4:6 in die groep. Hoe kan ons ons begeertes met die Here deel, maar nie daaroor besorg wees nie? - Wat is die fokus van my gebed dan as ek die bg vers in gedagte hou? - As jy een enkele belofte van die Here uit Sy Woord kon haal vir jou lewe, wat sou dit wees? Deel dit met mekaar. - Watter opdrag gee die Here vir ons in Sy Woord itv dankbaarheid? ( Ef 5:20) - Lees Lukas 17: Wat was die ooreenkoms tussen die 10 melaatse mans? - Wat was die verskil tussen die 1 man en die ander 9? - Maak n kort dagboek inskrywing oor dit waarvoor jy vandag wil dankie sê: WEEK 4 Gaan uit en gaan saai Voorbereiding: Probeer vir elke persoon in die groep n 5c muntstuk saambring Dagboek vervolg Soos ek tyd in die teenwoordigheid van die Here spandeer raak ek al meer bewus van Sy beloftes. Ek dink aan my roeping, my opdrag, my menswees. Ek dink aan my eie potensiaal wat God in my ingebou het. Ek dink aan die verantwoordelikheid wat ek het om alles wat ek van Hom ontvang te gebruik tot die eer van sy naam. Ek dink aan mammon, ek dink aan my eie behoeftes en ek dink aan soveel mense rondom my wat soveel minder het as wat ek het. Dan dink ek aan die weduwee se kruik in 1 Kon 17 wat nooit leeg geraak het nie en ek bid en ek hoop en ek glo dat myne ook sal oorloop. En ek dink aan die bietjie wat ek het, wat myns insiens eintlik geen verskil sal maak nie. En dan herrinner die Here my aan die weduwee in Markus 12:42 wat maar twee koper munte in die mandjie gegooi het. Ek hoor die Vader se woorde in my gedagtes weerklink:

8 8 Gee wat jy het, met n VERWAGTING! Gee wat jy het, met DANKSEGGING, BLYDSKAP EN LOF! Gee wat jy het, en wees nie BESORG NIE! Gee wat jy het, en sien hoe EK dit laat GROEI! Besprekingsvrae: - Bespreek die gelykenis van die vyf broodjies en die twee vissies. Hoe het Jesus die bietjie wat die seuntjie gegee het gebruik? - Wat is jou droom vir dit wat jy in hierdie oesfees tyd saai? - Identifiseer vrugbare grond in die Gemeente en bid saam daarvoor? - Gebruik nou al vier weke se bybelstudies en vorm n geheel beeld van wat julle as groep verstaan onder dankbaarheid? - Bid vir mekaar! - Maak n kort dagboek inskrywing oor jouself en jou eie hart in hierdie oesfeestyd en dit wat jy beleef die Here van jou vra om te saai: