Dan 1:1-7 en 21. Fokus: vers 1-2 en 21 Die inleiding tot die boek Daniël

Transcription

1 Dan 1:1-7 en 21 Fokus: vers 1-2 en 21 Die inleiding tot die boek Daniël Augustus 2012

2 Ps-vooraf Ps 47: 1, 2 Ontmoetingsdiens. Votum. Ons slaan ons oë op na die berge: waar sal ons hulp vandaan kom? Ons hulp is van die HERE wat hemel en aarde gemaak het. Amen Seëngroet Gemeente van ons Here Jesus: Genade vir julle en vrede van God, onse Vader, en die Here Jesus Christus deur die kragvolle werking van die Helige Gees Amen. Lofprysing Ps 47: 3, 4 Geloofsbelydenis Verootmoediging en Versoeningsdiens. Ons gaan nou luister na die wet van die HERE soos ons dit vind in Eks 20. Psalm na die wet Ps 40: 6, 8 1

3 Gebed om skuldbelydenis en verligting. Psalm na gebed Ps 106: 2, 3, 19, 20 2

4 Woorddiens. die Woord van die HERE spreek tot ons uit Dan 1:1-7 en 21. Psalm as antwoord op die Woord na verklaring daarvan Ps 75: 2, 4, 6 Ons Fokus op vers 1-2 en 21 Skrifverklaring. Inleiding Geliefdes... vroeër vanjaar... in April en Mei maand het ons vanuit Jer 24 en 29 meer geleer oor die HERE se geskiedenis met sy OT-kerk... in en om die tyd van die Babiloniese ballingskap van Juda. 1 Ons kon bv leer waarom daar n ballingskap was. En dat die HERE... in daardie ballingskap-tyd... nie sy ware kerk en sy plan van verlossing gelos het nie. * Nee!... Juis daar in die ballingskap... was die HERE soewerein regerend en verlossend aan die werk. * Want Jer 29 bv vertel van die HERE se wonderlike beloftes van n hoopvolle toekoms vir die ware gelowige-kerk. *************** En nou wil ons... as die HERE wil... gedurende Augustus en September weer by hierdie tyd in en om die ballingskap stilstaan. Maar hierdie keer gaan ons hoor wat die HERE in hierdie ballingskap-tyd vanuit die eerste ses hoofstukke van die boek Daniël sê. Nou... ons gaan verseker nie gedurende Augustus en September by al ses van hierdie eerste ses hoofstukke van Daniël uitkom nie. So... ons sal nog weer na hierdie eerste ses hoofstukke van Daniël terug kom. 1 Vgl Jer 24 en Jer 29 preke 3

5 Maar as die HERE se wil daarby is gaan ons n goeie begin maak. **************** So kom ons begin dan. En dit wat ons vandag gaan doen... is om inleidend meer te leer oor die boek Daniël. En dis ons tema vir vandag: Die inleiding tot die boek Daniël En daarom staan ons stil by: Die tyd van die ontstaan van die boek Daniël Die situasie in en rondom die boek Daniël Die twee koninkryke in die boek Daniël Die krisis in die boek Daniël En drie belangrike waarhede in die boek Daniël. ***************** 1. So... kom ons begin by die tyd van die ontstaan van die boek Daniël. En om meer te leer hieroor... moet ons vier manne ontmoet. Hulle is Jojakim, Kores, Nebukadneser en Daniël. A. So... kom ons begin by die eerste ou:... Jojakim. Ons ontmoet hom as vers 1 praat van: 2 In die derde jaar van die regering van Jójakim, die koning van Juda... So... dis Jojakim. Hy sie koning van Juda. Verduidelik En onthou nou: In die tyd net na koning Salomo het die koninkryk van Israel geskeur. 1Kon 11 vertel daarvan. 2 Belang van hierdie woorde 4

6 Die gevolg was dat daar toe die noordelike 10-stamme-ryk was. En in die suide was daar Juda-en-Benjamin. En in die OT word hulle Juda genoem. ************** En nou was koning Jojakim koning oor Juda. En die gebeure van die boek Daniël... begin In die derde jaar van die regering van Jójakim... So vertel vers 1. Verduidelik En die derde jaar van koning Jojakim is rondom die jaar 606/605 vc. 3 *************** B. Maar beweeg ons van vers 1 na vers 21 dan ontmoet ons die tweede ou... wat ons moet help om meer te leer oor die tyd van die ontstaan van die boek Daniël. Hierdie ou is Kores. Want vers 21 sê: En Daniël was daar tot die eerste jaar van koning Kores. 4 Verduidelik Nou... wat ons hieruit moet leer... is dat die gebeure in die boek Daniël In die derde jaar van die regering van Jójakim... begin en aanhou tot in die regering-tyd van koning Kores van Persië. En vergelyk ons bv Jer 25:11 5 en Esra 1:1... leer ons 3 Vgl Reformation study Bible bl En doen ons Skrif met Skrif vergelyking in die boek Daniël self... dan hoor ons in Dan 10:1 dat In die derde jaar van Kores, die koning van die Perse, is n woord geopenbaar aan Daniël... 5 In Jer 25:1vv hoor ons dat die gebeure van Dan 1:1 in die vierde jaar van Jojakim plaasgevind het. Hierdie verskil lê in die verskillende wyses waarop Daniël en Jeremia koning Jojakim se regeer tyd bepaal het (Young se Dan komm bl 35). 5

7 dat die eerste jaar van koning Kores van die Perse... van wie ons hoor in Dan 1:21... so 70 jaar... na die derde jaar van koning Jojakim van Juda is. En dit sê... dat die eerste jaar van koning Kores van die Perse omtrent die jaar 538 vc was. 6 ************** Gevolgtrek So... die gebeure van die boek Daniël het alles in die tyd tussen 606 vc en 538 vc gebeur. En dit is die selfde tyd as die tyd tussen die derde jaar van koning Jojakim van Juda... en die begin jare van koning Kores van die Perse. **************** C. Maar dit bring ons by die derde ou... wat ons moet help om meer te leer oor die tyd van die ontstaan van die boek Daniël. En dis Nebukadneser. Vers 1 vertel ons van hom. Dis hy wat In die derde jaar van die regering van Jójakim, die koning van Juda... na Jerusalem gekom het en dit beleër het. Verduidelik 7 Want in daardie dae het koning Nebukadneser van Babilon baie sterk en kragtig op die toneel van die wêreld-geskiedenis verskyn. Ja... Babilon... met Nebukadneser aan die stuur van sake... was toe die magtige wêreld-ryk. 6 Vgl Reformation study Bible bl Jer 46:2; 2Kon 24:7; Vgl NIDOTTE vol 4 bl 973; Bright, The Kingdom of God, bl 112; Bybelse ensoklopedie bl 63-64; Reformation study Bible bl

8 En it was in daardie dae dat Nebukadneser begin het om Jerusalem... waar koning Jojakim geregeer het... heeltemal te oorrompel. En daarby het hy n hele klomp mense uit Jerusalem in ballingskap geneem. Bewys Vers 2 vertel daarvan as it sê: En die Here het Jójakim... in (Nebukadneser se) hand gegee, met n gedeelte van die voorwerpe van die huis van God, en hy het hulle (en dan is hierdie hulle ook mense uit Juda 8 ) na die land Sínear (of Babilon 9 ) gebring... Dit was ook toe dat Nebukadneser... in vers aan Aspenas, die owerste van sy hofdienaars, bevel gegee het om uit die kinders van Israel (maw uit die ballinge van Juda)... te bring jong seuns D. En vertel Dan 1:6 dat onder... (onder hierdie jong seuns ook) Daniël... (was). En dis ie vierde ou... wat ons moet help om meer te leer oor die tyd van die ontstaan van die boek Daniël. En dit is Daniël self. Nou... hierdie Daniël... is die selfde Daniël wat 70 jaar later vir koning Kores beleef. 8 Vgl vers 3; Lane se Dan komm bl 58; Harman se Dan komm bl 39 9 Sinear is die ou naam vir Babilon Vgl Fyall se Dan komm bl 21 voetnoot 5; Young se Dan komm bl 38; NIDOTTE vol En die woord wat ons hier vertaal met jong seuns... sê dat hulle so tussen 15 en 17 jaar oud was. Hier by ons so hulle ouens so in die graad 9-11 klas gewees het (Vgl Young se dan komm bl 40; K&D se dan komm bl 73). 7

9 Bewys Want dis wat vers 21 sê: En Daniël was daar tot die eerste jaar van koning Kores. ***************** Gevolgtrek En dis wat ons nou hier moet raak sien: Al die gebeure van die boek Daniël... het tussen die jare 606vC en 538vC gebeur. Of ons kan ook sê: Tussen die derde jaar van koning Jojakim van Juda... en 70 jaar later in die regering-tyd van koning Kores van die Perse. En dis in hierdie tyd dat Daniël van die boek Daniël geleef het. ******************* En... dit is ook die ontstaan-tyd van die boek Daniël. Bewys 11 Want dit was in hierdie tyd dat Daniël die gebeure van Dan 1-6 beleef het. En ook die profesieë van Dan 7-12 van die HERE ontvang het. En dan vertel Dan 12:4 dat Daniël dit alles in n boek neergeskryf het Maar wat was nou die situasie in en rondom die tyd toe die boek Daniël ontstaan het? Dis ons tweede punt. En nou t ons al heelwat oor hierdie situasie geleer. 11 Vgl H&W, A survey of the OT bl ; D&L, An introduction to the OT bl

10 Maar kom ons gaan in n bietjie meer detail hierop in. En om meer oor die detail van die situasie in en rondom die tyd toe die boek Daniël ontstaan het te leer moet ons weer begin by vers 1 wat praat van: In die derde jaar van die regering van Jójakim, die koning van Juda... Nou... koning Jojakim... so leer 2Kon 23:34 was die seun van koning Josia. En koning Josia het baie geywer vir die HERE. So vertel 2Kon Verduidelik Hy wou die ware Godsdiens in Juda weer herstel... na die verskriklike regeringstyd van sy pa Amon en sy oupa Manasse. En Amon en Manasse was regtig skrikwekkend. 12 Vgl D&L, An introduction to the OT bl 330; Harman se Dan komm bl 303. En nou kan mens sekerlik vra: Vir wat op aarde moet ons van al hierdie geskiedenis en datums weet? Wel... geliefdes... ek dink dis belangrik... dat ons moet hoor wat die HERE se Woord vir ons sê oor die tyd van die ontstaan van die boek Daniël. Want ons leef in n tyd dat professore by teologiese skole... en universiteite se teologiese fakulteite... ook hier in ons dierbaar Suid Afrika... sê dat die boek Daniël eers baie jare later as vc ontstaan het. Eers hier in die jare 150vC het die boek Daniël ontstaan... so reken hierdie professore (Vgl D&L, An introduction to the OT bl ). En hoekom?... Wel want vir hulle is die profesieë van Dan 7-12 net te akkuraat. Nou... in Dan 7-12 profeteer Daniël onder andere oor dinge wat gebeur hier in die jare vanaf vc... Dinge wat presies net so gebeur soos Daniël profeteer. En dan sê hierdie professore dat n mens nie so akkuraat kan profeteer nie. En dan gaan hulle verder en hulle sê dat een of ander Israeliet nadat al daardie dinge gebeur het... hier in die jaar 150 vc... onder die naam Daniël toe die boek Daniël geskryf het. So... daai Israeliet het eintlik geskiedenis geskryf. Maar dan skryf hy dit so asof dit lyk soos profesie. Nou... wat hierdie professore sê en leer... geliefdes... kom daarop neer dat die Bybel en die boek Daniël eintlik net een groot stuk lieg is. En weet u: So is hulle saam met Satan aan die werk... Want dis Satan wat in die paradys... in Gen 3:4... vir Eva gesê het (Waltke, Theology of the OT, bl ): Julle sal gewis nie sterwe nie... Dit terwyl die Woord van die HERE in Gen 2:16-17 sê: Van al die bome van die tuin mag jy vry eet, maar van die boom van die kennis van goed en kwaad, daarvan mag jy nie eet nie; want die dag as jy daarvan eet, sal jy sekerlik sterwe. Ja... so is Satan deur al die eeu aan die werk... Altyd probeer hy om die Waarheid van die HERE se Woord tot leuen te maak. Ook as hy deur slim geleerde professore vir ons wil kom vertel dat waarheid dat die gebeure in die boek Daniël... plaasvind vanaf die derde jaar van koning Jojakim... tot in die tyd van die regering van koning Kores van die Perse... eintlik nie so is nie. Maar geliefdes... as hierdie aanslag op ons afstorm... moet ons altyd gelowig Ps 119:160 onthou... wat sê: Die hele inhoud van u woord is waarheid... En 2Tim 3:16... waar Paulus sê: Die hele Skrif is deur God ingegee... En juis daarom... kon Daniël... geprofeteer het... oor dinge... lank voor dit gebeur het. Want die HERE het vir Daniël toekomstige-waarheid ingegee... in die jare tussen vc. Ja... die HERE het vir Daniël toekomstige-waarheid ingegee... in die tyd tussen die derde jaar van Jojakim... en 70 jaar later in die tyd van Kores... toe die boek Daniël ontstaan het. 9

11 2Kon 21 vertel daarvan. Manasse het die verskriklikste afgodsdiens in Juda ingevoer. Hy het selfs sy eie seun as n brand-offer vir die afgod Molog geoffer. 13 En Amon... so vertel 2Kon 21:20 ons het gedoen wat verkeerd was in die oë van die HERE, soos sy vader Manasse gedoen het. Maar koning Josia was anders. Hy t tot bekering gekom. 14 Maar Juda... die kerk... soos sy sigbaar was daar in die OT... wou nie. Bewys 15 Jeremia vertel daarvan in Jer 25:3-4 as hy met Juda praat... en dan vir hulle sê: Vanaf die dertiende jaar van Josía, die seun van Amon, die koning van Juda, tot op hierdie dag nou drie en twintig jaar lank het die woord van die HERE tot my gekom; en ek het julle toegespreek, vroeg en laat, maar julle het nie geluister nie. Ook het die HERE al sy knegte, die profete, na julle gestuur, vroeg en laat maar julle het nie geluister of julle oor geneig om te hoor nie. ****************** En so was dit ook met koning Jojakim. Hy t nie in die spore van sy pa geloop nie. 13 2Kon 21:6 14 2Kon 22: Vgl ook D&L, An introduction to the OT bl

12 Bewys 2Kon 23:37 sê: En hy het gedoen wat verkeerd was in die oë van die HERE net soos sy vaders (soos Amon en Manasse) gedoen het. Van bekering en gelowig luister na die HERE se Woord wou hy niks weet nie. Bewys 16 Jer 36 vertel bv vir ons hoe Jojakim die Woord van die HERE deur die profeet Jeremia... en opgeskryf deur Barug, Jeremia se sekretaris... letterlik stukkie vir stukkie verbrand het. Ja... dit... is wat Jojakim gedink het van die Woord van die HERE. ************** En vir die profete van die HERE het hy ook geen ontsag gehad nie. Bewys Want Jer 26:21-23 vertel hoe hy die arme profeet Uria laat vermoor het. En Jeremia self... en Barug sy sekretaris... was hulle lewe nie seker onder Jojakim nie. So vertel bv Jer 36:26 ons. ***************** Maar nou moet ons dit tog raaksien... geliefdes: In hierdie skrikwekkende tyd was daar steeds die HERE se ware uitverkore-gelowige kerk. 16 Vgl Young se Dan komm bl 35 11

13 Ja... die kinders van die HERE het nie opgehou om daar te wees nie. Want daar was Jeremia en Barug en Esegiël... en ook Daniël. Verduidelik En hoekom? Wel... net vir een rede. En ons NGB art 27 gee hierdie rede so mooi vanuit die Skrifte as dit sê dat: Hierdie kerk daar was van die begin van die wêreld af en tot die einde daar sal wees, want Christus is 'n ewige Koning, wat nooit sonder onderdane kan wees nie. En hierdie heilige kerk word deur God teen die woede van die hele wêreld bewaar, alhoewel dit soms 'n tyd lank baie klein is en dit in die oë van die mense lyk asof dit tot niet gegaan het. ***************** Maar nou vertel vers 1 van Dan 1 nie net van koning Jojakim nie. Nee, daar word meer gesê. Want vers 1 sê: In die derde jaar van die regering van Jójakim, die koning van Juda, het Nebukadnésar, die koning van Babel, na Jerusalem gekom en dit beleër. En in vers 2 sê: En die Here het Jójakim, die koning van Juda, in sy hand gegee, met n gedeelte van die voorwerpe van die huis van God, en hy het hulle na die land Sínear (of Babilon) gebring... Verduidelik Nou... hierdie hulle... was nou die voorwerpe van die huis van God. 12

14 Met ander woorde: Toerusting wat in die tempel gebruik is. Maar dit was ook mense 17 wat Nebukadneser in ballingskap geneem het. 2Kron 36:6 vertel selfs dat Nebukadneser vir Jojakim met koperkettings geboei (het en) hom na Babel vervoer (het). Waar koning Jojakim n tyd-lank gevange was. 18 En soos ons netnou al gesien het... leer Dan 1:6 ons dat Daniël ook een van die ballinge was wat Nebukadneser na die land Sínear (of Babilon) gebring... het. ****************** Verduidelik Nou... waarvan ons in Dan 1:1-2 hoor as dit vertel van Nebukadneser wat Jerusalem beleër het en van mense in ballingskap weggevoer het is die begin van die uiteindelike totale vernietiging van Jerusalem en die ballingskap van feitlik die hele Juda. 19 Want na hierdie eerste ballingskap... waarvan Dan 1:1-2 ons vertel het daar n tweede een gevolg. Agt jaar later... in die tyd van koning Jojagin... die seun van Jojakim. 2Kon 24:8-14 vertel daarvan. En toe elf jaar na die tweede ballingskap Vers 3 18 Vgl ook Lane se Dan komm bl 57; Young se Dan komm bl 38; K&D se Dan komm bl Kon 24:1-4; Vgl Davis se 2Kon komm bl

15 in die tyd van koning Sedekia... wat Jojagin opgevolg het het die Babiloniese weermag Jerusalem totaal vernietig en die res van Juda in ballingskap weggevoer. 2Kon 25 vertel daarvan. **************** Gevolgtrek So... wat n skrikwekkende tyd... geliefdes! Hierdie tyd van die ontstaan van die boek Daniël. Nebukadneser... die wêreld-heerser... van daardie tyd met sy magtige Babiloniese koninkryk... het hier in Dan 1:1-2 begin om n einde te maak aan Jerusalem. 3. En net hier... wanneer ons hoor van hierdie skrikwekkende tyd... en van Nebukadneser se magtige koninkryk van Babilonië kom ons by n baie belangrike ding wat die boek Daniël vir ons wys. En dit is dat daar in hierdie wêreld... en deur die loop van hierdie wêreld se geskiedenis... altyd twee koninkryke teenoor mekaarstaan. 20 En nou s ons by ons derde punt wat gaan oor die twee koninkryke in die boek Daniël. A. En van die eerste een hoor ons... as vers 2 vertel van Nebukadneser wat die ballinge na die land Sínear gebring het. Hoor u dit? Nebukadneser het die ballinge van Juda na die land Sinear gebring. 20 Vgl Robertson, The Christ of the prophets bl ; Harman se Dan komm bl

16 En dis belangrik dat ons dit moet raak hoor. Die teks sê nie dat Nebukadneser die Ballinge na Babilon gebring het nie. En nou is Babilon en die land Sinear die selfde plek. 21 Maar nogtans sê die Heilige Gees geïnspireerde teks van Dan 1:2 dat Nebukadneser die ballinge van Juda na die land Sinear gebring het. Anders as bv Jer 24:1 waarby ons in April stil gestaan het... en vertel van Nebukadrésar (wat) Jegónja, die seun van Jójakim... en die vorste van Juda en die smede en die slotmakers uit Jerusalem in ballingskap weggevoer en hulle in Babilon gebring het. ***************** En nou sie vraag natuurlik: Hoekom?... Hoekom praat Dan 1:2 van die land Sinear? Verduidelik Wel... geliefdes... Dan 1:2 praat van Sinear... want die land Sinear vat ons terug na Gen 10: waar ons hoor van: Kus (wat)... die vader van Nimrod was. En die naam Nimrod beteken: Ons sal rebelleer Vgl NIDOTTE vol 4 bl Vgl Fyall se Dan komm bl 21 voetnoot 5; Young se Dan komm bl Vgl Waltke se Gen komm bl

17 (En Nimrod) het begin om n geweldenaar op aarde te wees. Hy was n geweldige jagter voor die aangesig van die HERE... En die begin van sy (Konink)ryk was Babilon... in die land Sínear. So vertel Gen 10:8-10 verder. *************** En net hier hoor ons van die begin van koninkryke in die wêreld se geskiedenis. Koninkryke wat volke wil laat vermeng om een groot verenigde mensdom in opstand teen die HERE te stig En ons sien dit baie duidelik in Gen 11:1-9 in die geskiedenis van die toring van Babel... wat ook in die land Sinear was. Dis daar waar die mens... in Gen 11:4... in opstand teen die HERE... gesê het: Kom, laat ons vir ons n stad bou en n toring waarvan die spits tot aan die hemel reik; en laat ons vir ons n naam maak, sodat ons nie oor die hele aarde verstrooid raak nie (maar n verenigde mensdom bly). Dit terwyl die HERE baie duidelik... in Gen 9:1&7... net na die sondvloed vir Noag en sy seuns beveel het met: Wees vrugbaar en vermeerder en vul die aarde. **************** Toepassing 26 En deur die eeue van die wêreld geskiedenis 24 Vgl Sikkel se Gen komm volk 1 bl Vgl Sikkel se Gen komm volk 1 bl Vgl Sikkel se Gen komm vol 1 bl 518,

18 woed hierdie opstandsgees van Nimrod... en die land Sinear... en Babilon... in ons voort. Hierdie drang na n verenigde Koninkryk van die mensdom in opstand teen die HERE. Voorbeelde Ons sien dit... in Dan 1:2... by Nebukadneser. En later by Aleksander die groete van die Grieke. En nog later in die Romeinse-ryk. En Openb 14&16&17&18... wys vir ons dat Babilon ook in die NT vandag nog n werklikheid is. Want daar hoor ons ook van Babilon. En al is daardie Babilon nie meer in die land Sinear nie... sien ons die gees van Nimrod en die land Sinear en Babilon... nog steeds in die Pous van Rome... en in die humanisme... en die hordes kommunistiese revolusies van die 20ste eeu... en in SA se handves van menseregte. En altyd deur is daar Ps 2:2-3 se opstand teen die HERE. Die opstand van Die konings van die aarde (wat) gereed staan, en die vorste (wat) saam raad teen die HERE en teen sy Gesalfde en sê: Laat ons hulle bande stukkend ruk en hulle toue van ons afwerp! **************** B. Ja... altyd deur is daar die opstand teen die Koninkryk van God. En dit... is die tweede koninkryk waarvan ons hoor in die boek Daniël. 17

19 Verduidelik 27 En in die OT sien ons hierdie koninkryk van God in Jerusalem. Daar waar Dan 1:1 sê dat koning Jojakim regeer. Want daar in Jerusalem staan die tempel van die HERE. En binne in die tempel... in die allerheiligste... staan die ark van die verbond... wat n teken is van die HERE se verlossende teenwoordigheid en die HERE se verlossende Regering. En dan is daar ook in Jerusalem die HERE se gesalfde koning uit die geslag van Dawid... wat die HERE se goeie verlossende regering moet bedien. **************** Gevolgtrek En hierdie twee koninkryke... die Koninkryk van God... en die koninkryk van Babilonië staan altyd in stryd teenoor mekaar. 4. Maar dadelik sien ons ook die krisis in die boek Daniël... nie waar nie geliefdes? En dis ons vierde punt. Bewys Want vers 1 praat van In die derde jaar van die regering van Jójakim, die koning van Juda... En ons het netnou gesien wie Jojakim is. Hy is die koning. Hy is veronderstel om die goeie verlossende heerskappy van die Koninkryk van God bedien. 27 Vgl Verbond met Dwid.doc 18

20 Mar Jojakim doen dit nie. Jojakim... is om dit lig te stel... heeltemal boos. Dis asof Jojakim die Koninkryk van Babilon in die Koninkryk van God laat kom. *************** En om alles erger te maak... is daar nog die aanslag van buite ook. Want vers 1 vertel van: In die derde jaar van die regering van Jójakim, die koning van Juda, het Nebukadnésar, die koning van Babilon, na Jerusalem gekom en dit beleër. Toepassing 28 En nou moet ons dit raaksien... geliefdes. Die krisis in die boek Daniël... praat van ons krisis ook. Want kyk nou maar net vir n oomblik na die kerk... ons wat in die NT die mense van die Koninkryk van God is. Kan ons regtig sê dat ons anders is as Jojakim-hulle... en die kerk van Efese van Openb 2:4... wat haar eerste liefde verlaat het. En ons sou nog n hele klomp voorbeelde kon noem. En as ons volgende week in die prediking verder gaan met Dan 1... sal ons dit ook raaksien. Die krisis in die boek Daniël... is ook ons krisis. *************** 28 Vgl NIGTCse Openb komm bl

21 5. Maar wat nou van die Daniëls? Wat van ons... wat waarlik gelowig is? Ons sonde besef en by die HERE alleen ons verlossing soek... deur ons hele lewe heen. As ons in hierdie krisis leef... waarvan Daniël praat... Wat gee vir ons hoop en visie... elke dag? Nou... hieroor praat die boek Daniël sommer baie... geliefdes. En in die prediking uit Daniël gaan ons nog baie hieroor leer. En ons gaan veral sien dat die boek Daniël ons wys op drie belangrike waarhede. Waarhede wat vir ons hoop en visie moet gee. En hiermee gaan ons nou afsluit. A. En die eerste van hierdie waarhede is dat die HERE soewerein is... en almagtig regeer... ten volle in beheer. Bewys Vers 1-2 vertel ons daarvan as dit praat van: In die derde jaar van die regering van Jójakim, die koning van Juda, het Nebukadnésar, die koning van Babel, na Jerusalem gekom en dit beleër. En die Here het Jójakim, die koning van Juda, in sy hand gegee... Troos 29 En is dit nie n troos vir die Daniëls in die Babiloniese ballingskap nie? 29 Vgl Ferguson se Dan komm bl 28 20

22 Ja... dit is! Want hulle kan weet: Die HERE van die Koninkryk... het nie n veldslag verloor toe Nebukadneser Jerusalem verower het nie. Nee!... Dit was die HERE wat soewerein en almagtig trou aan sy woord gebly het... toe Hy eenmaal in Deut 28 gesê het: as jy nie luister na die stem van die HERE jou God, om sorgvuldig te hou al sy gebooie en sy insettinge wat ek jou vandag beveel nie, dan... sal (die HERE) jou (in ballingskap) verstrooi onder al die volke Maar juis daarom kon hulle ook weet dat Deut 30:1-3 ook waar bly. Daar waar die HERE sê: 31 En as al hierdie dinge oor jou kom... en jy dit ter harte neem onder al die nasies waarheen die HERE jou God jou verdryf het, en jy jou tot die HERE jou God bekeer... dan sal die HERE jou God jou lot verander en Hom oor jou ontferm... B. En ons laat deel in sy Koninkryk wat die HERE soewerein en almagtig laat kom... Maak nie saak hoe onoorwinlik en die koninkryk van Babilon lyk nie. Bewys En vers 21 vertal ons daarvan as dit sê: En Daniël was daar tot die eerste jaar van koning Kores. En koning Kores het die Koninkryk van Babilon laat val Vgl Ferguson se Dan komm bl Vgl Harman se Dan komm bl 20 21

23 Dan 5 vertel daarvan. 32 En weet u... die boek Openbaring vertel ons van die finale val van Babilon. En van Christus wat die Koninkryk in sy volheid laat kom. En elkeen wat bekeer tot Hom... laat deel in die Koninkryk wat kom. ****************** C. En weet u: Nou is dit juis as gevolg van hierdie twee waarhede wat onbeweeglik vasstaan. Hierdie waarhede van die HERE se almagtige-soewereiniteit... en die HERE wat sy Koninkryk soewerein laat kom... dat Daniël... en ons... hier-en-nou... in ons Babilon wêreld elke dag voluit vir die HERE kan leef. En dis die derde groot waarheid wat die boek Daniël vir ons leer. Die waarheid dat omdat die HERE soewerein is... en sy Koninkryk laat kom... ons nou-en-hier in Babilon vir die HERE kan en moet leef. En hieroor sal ons volgende week in die verklaring en toepassing van Dan 1:3-20 meer leer. Antwoorddiens Amen. Psalm as antwoord op die Woord Ps 75: 2, 4, 6 32 Dan 5:28 22

24 Gebed Barmhartigheidsdiens Ps-kollekte Ps 72: 1, 4, 7, 9 Slotsang Ten slotte sing ons Ps 46: 1, 3, 4, 6 Wegstuurseën. Ontvang nou die seën van die HERE en gaan in vrede. Die genade van die Here Jesus Christus en die liefde van God en die gemeenskap van die Heilige Gees sy met julle almal! Amen. 23