DIE HEILIGE GEES wedergebore (Joh. 3:30)

Transcription

1 DIE HEILIGE GEES Doping in die Heilige Gees word ook beskryf as doping met die Heilige Gees, of vulling(vervulling) met die Heilige Gees, of om met die Heilige Gees vervul te wees. Hierdie pinksterseën is tot die beskikking van elke wedergebore gelowige. Wedergeboorte vind plaas deur die werking van die Heilge Gees in die mens se lewe. Vulling met die Heilige Gees is om toegerus te word met God se krag om dienswerk in God se Koninkryk te verrig en `n geloofslewe van oorwinning te leef. Wedergeboorte en vulling met die Heilige Gees is derhalwe twee afsonderlike gebeurtenisse. Weens die veelvuldige bedieninge van die Heilige Gees kry ons die uitdruklike opdrag om met die Gees vervul te word. Dit beteken dat ons nie by die eerste werke van die Gees, naamlik sonde-oortuiging en wederbaring, moet berus nie, maar na die volheid van die Heilige Gees soek. Ons moet n lewe lei wat volkome onder die beheer van die Heilige Gees is, sodat ons in ons hele lewenswandel heilig kan word. Dit beteken net een ding, en dit is dat ons ná ons bekering verder deur die Heilige Gees vervul, beheer en gebruik moet word. Dit is God se plan vir al sy kinders. Die feit dat n Christen reeds by sy bekering die Heilige Gees ontvang het, onthef hom nie van die duidelike opdrag om met die Gees vervul te word nie. Inteendeel, die opdrag tot vervulling met die Gees word nét aan kinders van die Here gegee wat almal reeds die Heilige Gees ontvang het! Hulle moet nou verder vervul word tot al die volheid van God. Die Vader, die Here Jesus én die Heilige Gees moet meer word in ons lewe, en ons minder (Joh. 3:30). In die vervulling met die Heilige Gees is daar dus duidelik sprake van n leegmaak- én n volmaak-proses. Hoewel die Heilige Gees n Persoon is, kan Hy in n meerdere of mindere mate beheer oor ons lewens uitoefen. By die vervulling stort Hy meer van sy gawes, liefde, krag en wysheid in ons harte uit. Daarna word Sy teenwoordigheid in n baie groter mate as tevore ervaar. Ons word nou met Hom deurdronge en Hy beheer en heilig elke aspek van ons lewe.

2 Daar is dus `n tweevoudige werking van die Heilige Gees. Eerstens is daar die onbewustelike werking van die Gees van God wat die mens van sonde oortuig en by die mens die verlange en geloof wek om Jesus Christus as Verlosser aan te neem. Op die wyse word die mens se gees lewend gemaak en vind wedergeboorte plaas. Vir die wat vra, en dit begeer, is daar tweedens die vulling met die Heilige Gees wat kom om in die mens te woon en die beheer oor te neem as die een wat elkeen leer en wat in en deur die gelowige die krag van God sal wees. Dit is die doping met die Heilige Gees. Vir `n oorwinnaarslewe in Jesus Christus is dit noodsaaklik dat elkeen wat wedergebore is die vulling met die Heilige Gees op `n bewustelike wyse sal ontvang. Die gevolg hiervan is `n geloofslewe waar die volle vreugde en krag van die verlossing in Jesus en die versoening met God daagliks ervaar word. Hierdie afsonderlike, maar aanvullende gebeurtenis wat volg op wedergeboorte kan direk na, en as te ware gepaardgaan met, wedergeboorte soos in die geval van Cornelius en sy huis (Hand. 10:44 tot 47 -Terwyl Petrus nog praat, het die Heilige Gees op almal gekom wat na die woord geluister het. Toe die Joodse gelowiges wat saam met Petrus gekom het, hoor hoe die mense ongewone tale of klanke gebruik en God prys, was hulle baie verbaas dat die Heilige Gees as gawe uitgestort is ook op mense wat nie Jode is nie.). Vulling met die Heilige Gees kan ook op `n later stadium plaasvind wanneer daarvoor gevra word. Jesus Christus het gesê dat die wat daarvoor vra, sal dit ontvang (Luk. 11:13 - As julle wat sleg is, dan weet om vir julle kinders goeie dinge te gee die Vader in die hemel nog baie meer! Hy sal die Heilige Gees gee vir dié wat vra."). Die gelowiges in Samaria het eers die vulling met die Heilige Gees op `n later stadium, nadat hulle tot bekering gekom het, ontvang (Hand. 8:14 tot 17- Toe die apostels in Jerusalem hoor dat die mense in Samaria die woord van God aanvaar het, het hulle vir Petrus en Johannes daarheen gestuur. Dié het toe gegaan en vir die mense daar gebid dat hulle die Heilige Gees mag ontvang, want die Gees het nog nie op een van hulle gekom nie; hulle was net in die Naam van die Here Jesus gedoop. Die apostels het hulle die hande opgelê, en hulle het die Heilige Gees ontvang.). Doping met die Heilige Gees is `n bewustelike ervaring. Johannes het na Jesus Christus verwys as die een wat met die Heilige Gees doop (Matt. 3:11 - Ek doop julle wel met water omdat julle julle bekeer het, maar Hy wat ná my kom, is my meerdere, en ek is nie eers werd om sy skoene uit te trek nie. Hy sal julle met die Heilige Gees en met vuur doop. en Joh. 1:33 - Ek het self ook nie geweet wie Hy is nie, maar God wat my gestuur het om met water te doop, het vir my gesê: Die Een op wie jy die Gees sien kom en bly, dit is Hy wat met die Heilige Gees doop. ). Die eerste so `n gebeurtenis het op Pinksterdag plaasgevind en word in Handelinge 2:4 soos volg beskryf. En hulle is almal vervul met die Heilige Gees en het begin spreek in ander tale, soos die Gees aan hulle gegee het om uit te spreek

3 Hiervolgens is dit duidelik dat doping in die Heilige Gees gepaardgaan met die spreek in vreemde tale. Een van die tekens, of bewyse, van vulling met die Heilige Gees is dus om in `n vreemde taal, naamlik `n taal wat vir jou onbekend is, te kan praat. Om vervul te wees met die Heilige Gees kan beskryf word as `n deurdrenking van jou gees en jou siel met die Gees van God en die Heilige Gees neem as te ware van jou besit. Dit kan ook vergelyk word met `n beker wat gevul word tot dit oorloop. Daardie oorloop is jou Hemelse (vreemde) taal. Dit is soos `n stroom lewende water wat uit jou binneste vloei (Joh. 4:13 en 14 - Maar Jesus antwoord haar: "Elkeen wat van hierdie water drink, sal weer dors kry; maar wie van die water gedrink het wat Ek hom sal gee, sal in alle ewigheid nooit dors kry nie. Nee, die water wat Ek hom sal gee, sal in hom n fontein wees met water wat opborrel en vir hom die ewige lewe gee."; Joh. 7:37 tot 39 - Op die laaste dag, die groot dag van die huttefees, het Jesus daar gestaan en uitgeroep: "As iemand dors het, laat hy na My toe kom en drink! Met die een wat in My glo, is dit soos die Skrif sê: Strome lewende water sal uit sy binneste vloei."). Vulling met die Heilige Gees is `n persoonlike en bewustelike ondervinding wat lei tot `n besonderse intieme verhouding met die Godheid. Die gebeurtenis soos beskryf word in Handelinge 2:4 - Almal is met die Heilige Gees vervul en hulle het in ander tale begin praat soos die Heilige Gees dit aan hulle gegee het om onder sy leiding te doen. was nie net eenmalig nie. Soortgelyke gebeurtenisse word in Hand. 8:16; 9:17; 10:46 en 19:6 beskryf. Hierdie gebeurtenisse het etlike jare na die uitstorting van die Heilige Gees soos in Handelinge 2 beskryf word, plaasgevind. Daar is derhalwe genoegsame bewys dat doping in die Heilige Gees `n werklike geestelike ervaring is wat gepaardgaan met die spreek in `n vreemde taal. Hierdie seën is steeds nog deel van die ryke erfenis van die gelowige in Christus. Let op die volgende Nuwe Testamentiese uitsprake hieroor: Die dissipels van Jesus was voor Pinksterdag gered en het reeds die Heilige Gees ontvang. In Johannes 20:21-22 lees ons: Jesus sê toe weer vir hulle: Vrede vir julle! Soos die Vader My gestuur het, stuur Ek julle ook. En nadat Hy dit gesê het, blaas Hy op hulle en sê vir hulle: Ontvang die Heilige Gees. Op Pinksterdag is die dissipels met die krag en vrymoedigheid van die Heilige Gees vervul om hulle opdrag as die getuies van Jesus in n vyandige wêreld te kon uitvoer. Alhoewel die Gees reeds in hulle harte was, was daar op dié dag n verdere aandoening met krag uit die hoogte: Toe is deur hulle tonge gesien soos van vuur, wat hulleself verdeel en op elkeen van hulle gaan sit het. En hulle is almal vervul met die Heilige Gees (Hand. 2:3-4). Ná hulle eerste vervulling is die dissipels wéér met die Heilige Gees vervul, wat daarop dui dat ons meerdere vervullings in ons lewe nodig het. In Handelinge 4:31 lees ons: En toe hulle

4 gebid het, is die plek geskud waar hulle saam was, en hulle is almal vervul met die Heilige Gees en het die woord van God met vrymoedigheid gespreek. Paulus is met die Heilige Gees vervul drie dae ná sy dramatiese bekering op die Damaskuspad. Ananias het in opdrag van die Here na Paulus gegaan, vir hom hande opgelê en gesê: Saul, broeder, die Here het my gestuur, naamlik Jesus wat aan jou verskyn het op die pad waarmee jy gekom het, sodat jy weer kan sien en met die Heilige Gees vervul word (Hand. 9:17). Op sy eerste sendingreis is Paulus en sommige van die dissipels tydens groot vervolging in Antiochië weer met die Heilige Gees vervul: En die dissipels is vervul met blydskap en met die Heilige Gees (Hand. 13:52). Doping met die Heilige Gees is nie `n teologiese lering nie, maar wel `n persoonlike ondervinding. Wanneer jy met die Heilige Gees gevul is, sal jy dit weet en niemand sal dit vir jou hoef te vertel nie. Jy sal weet dat jy deur God op `n bonatuurlike wyse aangeraak is en mense sal dit sien en hoor. Deur doping in die Heilige Gees kan God die volle besit van jou neem en sal jy `n lewe vervul met sy teenwoordigheid en krag, en gekenmerk met God se liefde, ervaar. Dit is immers waarvoor Jesus aan die kruis gesterf het. Uiteraard is vulling met die Heilige Gees veel meer as net die praat in `n vreemde taal. Dit is om met die krag van die Heilige Gees vervul te word en is `n ervaring wat die Godheid, naamlik God die Vader, Jesus Christus en die Heilige Gees, `n oorweldigende werklikheid maak. Elkeen wat met die Heilige Gees vervul word se geloofslewe kry `n nuwe dimensie en `n nuwe dinamika. Doping met die Heilige Gees, met die gepaardgaande spreek in `n vreemde taal, moet die hartsbegeerte van die gelowige wees. Die wat verlang na `n meer intieme verhouding met die Godheid en gepaardgaande openbaring van God se krag, sal vulling met die Heilige Gees ontvang. Hierdie belofte kom elke gelowige toe (Hand. 2:39 - Wat God belowe het, is vir julle en vir julle kinders en vir almal wat daar ver is, vir almal wat die Here ons God na Hom toe sal roep."). Vra in geloof en jy sal hierdie seën ontvang. Hoe kan jy hierdie seën ontvang en wat is die vereistes? Daar is geen vaste voorskrif nie, maar slegs sekere Bybelse waarhede om doping in die Heilige Gees te ontvang. Die eerste en belangrikste vereiste is wedergeboorte. Dit kan beskou word as die voorbereidingsproses alvorens die Heilige Gees in sy volheid in die mens kan woon. Dit is wat Petrus in Hand. 2:38 bedoel het toe hy aan die skare gesê het: Bekeer julle... en julle sal die gawe van die Heilige Gees ontvang. Wedergeboorte moet gepaardgaan met `n beslistheid, opregtheid en bereidwilligheid om God die Vader met alles en in totale gehoorsaamheid te dien. Dit is om met alle ongeregtighede (sondes) te breek en heiligmaking na te streef. Tweedens moet die beloftes in God se Woord aangaande die doping met die Heilige Gees geglo word. Hierdie belofte kom elke gelowige toe (Hand. 2:39). Volgens Luk. 11:13 sal ons Hemelse Vader die geskenk van die Heilige Gees gee aan elkeen wat dit vra. Hierdie belofte is reeds in die ou testament deur die profeet Joël uitgespreek (Joël 2:28 tot 32 - Wanneer dit alles gebeur

5 het, sal Ek my Gees laat kom op al die mense, julle seuns en julle dogters sal as profete optree, julle oumense sal drome droom, julle jong mans sal visioene sien. In daardie tyd sal Ek my Gees laat kom selfs op dié wat nie in aansien is nie.) en het nou in die nuwe testament tot vervulling gekom (Hand. 2: Nee, hier gebeur wat God deur die profeet Joël gesê het: Só sal dit in die laaste dae wees, sê God: Ek sal my Gees uitstort op alle mense: julle seuns en julle dogters sal as profete optree; julle jongmense sal gesigte sien; julle oumense sal drome droom). Om doping in die Heilige Gees te ontvang moet elkeen hierdie belofte onvoorwaardelik glo. Saam met geloof in die belofte moet die verwagting van ontvangs van die belofte gepaard gaan. Vra en glo dat jy dit nou gaan ontvang. Verwyder alle vrees, twyfel en ongeloof uit jou hart. Onthou dat God jou nie `n gees van vreesagtigheid gegee het nie, maar `n gees van krag, liefde en selfbeheersing (1 Tim. 1:7). Vra dus met geloof wat nie twyfel nie (Jak. 1:6 en 7). Onthou dat hierdie belofte van vulling met die Heilige Gees het reeds `n feit geword. Dit is nie iets wat iewers in die toekoms gaan gebeur nie. Nee, dit het reeds gebeur en al wat oorbly is vir jou om dit te ontvang. Moenie toelaat dat Satan by jou enige twyfel wek nie. Omrede doping in die Heilige Gees, met die gepaardgaande spreek in `n onbekende taal, vreemd is, sal Satan poog om vrees en twyfel te saai. Volgens Luk. 11:11 tot 13 kan elkeen egter die volle sekerheid hê dat God die Heilige Gees sal gee vir elkeen wat vra. God die Vader is `n goeie Vader wat aan sy kinders dit sal gee wat hulle vra. Jesus Christus is die een wat met die Heilige Gees doop (Joh. 1:33 - Ek het self ook nie geweet wie Hy is nie, maar God wat my gestuur het om met water te doop, het vir my gesê: Die Een op wie jy die Gees sien kom en bly, dit is Hy wat met die Heilige Gees doop. ). Doping in die Heilige Gees is derhalwe Skriftuurlik en is `n bepaalde daad van die opgestane en verheerlikte Here Jesus. Jy kan jouself nie met die Heilige Gees doop nie. Jy kan wel seker maak dat jy jouself daarop voorberei het deur wedergeboorte en die aflegging van al die dinge in jou lewe wat die Heilige Gees sal bedroef (Ef. 4:30 - En moenie die Heilige Gees van God bedroef nie, want Hy het julle as die eiendom van God beseël met die oog op die verlossingsdag.) Al wat dan vereis word is dat jy in geloof daarvoor vra en in geloof dit ontvang. Hierdie seen is vir elke kind van God. Moet met niks minder tevrede wees nie. Soos reeds genoem is daar nie `n bepaalde voorskrif hoe om doping in die Heilige Gees te ontvang nie. Bogenoemde lering, en jou eie begeerte om gevul te word met die Heilige Gees, lê die grondslag om dit te ontvang. Die volgende kan wel aanbeveel word, naamlik: Sonder jouself af in `n omgewing waar jy nie gesteur sal word nie Neem `n paar oomblikke om stil te word voor God. Met geloofsoortuiging vra jy Jesus Christus om jou met die Heilige Gees te doop.

6 Begin om God hardop te loof en te prys terwyl jy jou gesig hemelwaarts hou. Laat jou aangesig die houding van jou siel weerspieël, naamlik hemelwaarts in afwagting om God se heerlikheid te ontvang. Laat jou hele wese ontvanklik wees vir hierdie gawe en moet niks terughou of onderdruk nie. Laat die strome van lewende water opborrel en uit jou mond vloei as woorde wat vir jou verstand vreemd klink, maar deur die Heilige Gees verstaan word. Ontspan en wees totaal gefokus op die Gewer van hierdie gawe en Hy sal spoedig jou vul tot oorlopends. Moenie moed opgee nie. Dit is belangrik dat jy jou mond oopmaak soos iemand wat drink. Jy drink van hierdie fontein van Lewende Water tot jy totaal gevul is. Wanneer jy gevul is sal die oorloop as vreemde taal van uit jou binneste kom. DIE HEILIGE GEES AS GAWE Hand 1:8 Maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judea en in Samaria en tot in die uithoeke van die wêreld." Joh 16:13 Wanneer Hy kom, die Gees van die waarheid, sal Hy julle in die hele waarheid lei. Wat Hy sal sê, sal nie van Homself kom nie: Hy sal net sê wat Hy hoor, en Hy sal die dinge wat gaan kom, aan julle verkondig. Joh 14:16 17 Ek sal die Vader vra, en Hy sal vir julle n ander Voorspraak stuur om vir ewig by julle te wees, naamlik die Gees van die waarheid. Die wêreld kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees. Mat 3:11 Ek doop julle wel met water omdat julle julle bekeer het, maar Hy wat ná my kom, is my meerdere, en ek is nie eers werd om sy skoene uit te trek nie. Hy sal julle met die Heilige Gees en met vuur doop. Hand 2:38 Toe antwoord Petrus hulle: "Bekeer julle en laat elkeen van julle gedoop word in die Naam van Jesus Christus, en God sal julle sondes vergewe en julle sal die Heilige Gees as gawe ontvang. HEILIGE GEES AS GODDELIKE PERSOON Johannes 16: 1-5 Handelinge 5: 1-11 So is Hy openbaar deur Christus So is Hy erken deur die Apostels 1 Korinthiers 12: 4-11 So word Hy gesien in die mededeling van die gawes Mattheus 28:19 Gelyk aan die Vader en die Seun in die doop-bediening

7 2 Korinthiërs 13:14 Gelyk aan die Vader en die Seun in die seun Johannes 16: 8-11 Johannes 3:5 Hy oortuig Hy verkwik die siel 2 Thes. 2:13 Hy maak heilig Hebreërs 3:7 Hy roep 1 Johannes 2:20 Hy salf Jud. 20 Romeine 8:26 Handelinge 9:31 Johannes 16:13 Johannes 16:14 Efesiërs 4:30 Handelinge 7:51 Hy help in gebed Hy help in ons swakhede Hy troos Hy lei in alle waarheid Hy verheerlik Christus Bedroef die Gees nie Weerstaan die Gees nie 1 Korinthiërs 12:11 Sy soewereiniteit DIE HEILIGE GEES AS TROOSTER Lukas 12: 1-12 Handelinge 7: Handelinge 13:44-52 Romeine 5:5 Romeine 8: 1-28 Romeine 15: 5-25 Johannes 14: Johannes 14:16-17 Handelinge 9:31 Troos in tyd van beproewing Lei in die sterwensuur Gee blydskap in diens Stort Goddelike Liefde uit In die lewe en Gebed Werksaam in die Christelike lewe Belowe en verduidelik Belofte as 'n blywende Teenwoordigheid Troos die Gemeente

8 Handelinge 11:24 Vul, gee geloof en vrugbaarheid HEILIGE GEES AS LEERMEESTER EN GIDS Jes. 11: 1-5 Johannes 14: Soos in die lewe van Christus gesien Karakter 1 Korinthiërs 2: 9-14 Die wat Hy beskerm Lukas 2:25-32 Lukas 4: 1-13 Eseg. 27: 1-14 Johannes 14:26 Johannes 16:13 Johannes 16:14 Romeine 8:14 Galasiërs 5:18 Leiding na Christus toe Lei na die plekke van toetsing Openbaar die geestelike nood Hy lei Hy lei in die hele waarheid Hy openbaar dinge van Christus Leiding bewys van kindskap Leiding en geestelike vryheid INTERESSANTE FEITE 1. Die Griekse woord vir tale soos in Handelinge 2:17 gebruik word, is glossa en beteken tong, taal of spraakorgaan. Volgens die Oxford Pocket Lexicon to the Greek New Testament word hierdie woord soos volg verklaar: Glossa a tongue, usually used in the plural for the unintelligible sounds uttered in spiritual ecstasy. 2. Die bekende Reformiste, Martin Luther en Johannes Calvyn, was voorstanders van doping in die Heilige Gees met die gepaardgaande spreek in vreemde tale. Volgens Sauer s History of the Christian Church op bladsy 206 van Volume 3 is die volgende geskryf: Dr Martin Luther was a prophet, evangelist, speaker in tongues and interpreter in one person, endowed with all the gifts of the Holy Spirit. Martin Luther was dus met die Heilige Gees gedoop en het in `n vreemde taal gespreek. As een van die bekendste Reformiste, waaruit ook die gereformeerde kerke van Suid Afrika ontstaan het, dit geglo en ervaar het, dan is dit vreemd dat dit nie meer vandag in die meeste tradisionele kerke van Suid Afrika verkondig word nie.

9 Johannes Calvyn het in sy boek Commentary on the Epistles of Paul to the Corinthians in Volume 1 op bladsy 437 te velde getrek teen sekere teoloë van sy tyd wat die spreek in vreemde tale teenstaan. Die beswaar van Calvyn is vandag steeds geldig teen kerke wat die volle Pinksterseën teenstaan. 3. Andrew Murray, een van die stigters van die Nederduits Gereformeerde Kerk in Suid Afrika, skryf in sy boek Die Volle Pinksterseën (N.G. Kerk-Uitgewers) soos volg: Die een ding wat die kerk nodig het, en waarna almal eendragtig en van ganser harte moet soek, is: om met die Gees van God vervul te word. Vir die enkel Christen, of `n gemeente, of die kerk, wat nie vol van die Gees is nie, is dit volstrek onmoontlik om te lewe en te werk soos God dit wil. Verwysend na Handelinge 19 skryf Andrew Murray ook soos volg: Daarna het Paulus vir hulle gebid en sy hande op hulle gelê, en hulle het die Heilige Gees ontvang. As bewys dat dit alles hemelse waarheid was, het hulle in die Pinksterwonder gedeel en ook in vreemde tale gepraat. Die leer oor heiligmaking word in die gereformeerde wêreld toenemend as sogenaamde metodisme, of werke-heiligheid, verwerp tot só n mate dat die tweede genadewerk van heiligmaking selfs geheel en al misken word. As hierdie leer nie in ere herstel en ernstig opgeneem word sonder om in die slaggate van die ervaringsteologie te beland nie, sal die kerk se geestelike bankrotskap en kragteloosheid tot sy eie nadeel verder verdiep. Die volgende opdrag geld vir alle Christene: word met die Gees vervul (Ef. 5:18). Dit is noodsaaklik dat Christene die opdrag tot vervulling met die Heilige Gees ernstig sal opneem en uitvoering daaraan gee. Dit is vir ons nodig om presies te weet wat hiermee bedoel word. Die woord vervul beteken: om onder die volle beheer van die Gees te wees; om opgevul te wees soos wat n houer tot bo toe heeltemal vol gemaak is; om versadig te wees soos dors wat geles en n hongerige wat volkome versadig is; en om deurdronge te wees in die terreine van jou gees, jou intellek, jou wil en jou emosies; om n afgehandelde werk deelagtig te wees wat in elke opsig voltooi is. Weens die veelvuldige bedieninge van die Heilige Gees kry ons die uitdruklike opdrag om met die Gees vervul te word. Dit beteken dat ons nie by die eerste werke van die Gees, naamlik sonde-oortuiging en wederbaring, moet berus nie, maar na die volheid van die Heilige Gees soek. Ons moet n lewe lei wat volkome onder die beheer van die Heilige Gees is, sodat ons in ons hele lewenswandel heilig kan word. Dit beteken net een ding, en dit is dat ons ná ons

10 bekering verder deur die Heilige Gees vervul, beheer en gebruik moet word. Dit is God se plan vir al sy kinders. Die feit dat n Christen reeds by sy bekering die Heilige Gees ontvang het, onthef hom nie van die duidelike opdrag om met die Gees vervul te word nie. Inteendeel, die opdrag tot vervulling met die Gees word nét aan kinders van die Here gegee wat almal reeds die Heilige Gees ontvang het! Hulle moet nou verder vervul word tot al die volheid van God. Die Vader, die Here Jesus én die Heilige Gees moet meer word in ons lewe, en ons minder (Joh. 3:30). In die vervulling met die Heilige Gees is daar dus duidelik sprake van n leegmaak- én n volmaak-proses. Die Here wil nie hê dat ons as vleeslike Christene beskryf moet word nie, maar as Geesvervulde Christene. n Vleeslike gesindheid maak mens opgeblase en vol van jouself (Kol. 2:18). In elke opsig ondermyn dit jou geestelike lewe, daarom moet jy dit teëstaan: Geliefdes, ek vermaan julle as bywoners en vreemdelinge om julle te onthou van vleeslike begeertes wat stryd voer teen die siel (1 Pet. 2:11). Net die Gees van God kan die vlees se mag breek en self jou lewe beheer. Hoewel die Heilige Gees n Persoon is, kan Hy in n meerdere of mindere mate beheer oor ons lewens uitoefen. By die vervulling stort Hy meer van sy gawes, liefde, krag en wysheid in ons harte uit. Daarna word sy teenwoordigheid in n baie groter mate as tevore ervaar. Ons word nou met Hom deurdronge en Hy beheer en heilig elke aspek van ons lewe. Die vroeë Christelike kerk Die wyse waarop die Heilige Gees aan die vroeë Christelike kerk gegee is, bevestig bo enige twyfel die feit dat n Christen met sy/haar bekering nog nie met die Heilige Gees vervul is nie. Nadat die Gees n persoon wederbaar het, het Hy hom ook vir diensbaarheid vervul en toegerus. Let op die volgende Nuwe Testamentiese uitsprake hieroor: Die dissipels van Jesus was voor Pinksterdag gered en het reeds die Heilige Gees ontvang. In Johannes 20:21-22 lees ons: Jesus sê toe weer vir hulle: Vrede vir julle! Soos die Vader My gestuur het, stuur Ek julle ook. En nadat Hy dit gesê het, blaas Hy op hulle en sê vir hulle: Ontvang die Heilige Gees. Op Pinksterdag is die dissipels met die krag en vrymoedigheid van die Heilige Gees vervul om hulle opdrag as die getuies van Jesus in n vyandige wêreld te kon uitvoer. Alhoewel die Gees reeds in hulle harte was, was daar op dié dag n verdere aandoening met krag uit die hoogte: Toe is deur hulle tonge gesien soos van vuur, wat hulleself verdeel en op elkeen van hulle gaan sit het. En hulle is almal vervul met die Heilige Gees (Hand. 2:3-4). Ná hulle eerste vervulling is die dissipels wéér met die Heilige Gees vervul, wat daarop dui dat ons meerdere vervullings in ons lewe nodig het. In Handelinge 4:31 lees ons: En toe hulle gebid het, is die plek geskud waar hulle saam was, en hulle is almal vervul met die Heilige Gees en het die woord van God met vrymoedigheid gespreek. Paulus is met die Heilige Gees vervul drie dae ná sy dramatiese bekering op die Damaskuspad. Ananias het in opdrag van die Here na Paulus gegaan, vir hom hande opgelê en

11 gesê: Saul, broeder, die Here het my gestuur, naamlik Jesus wat aan jou verskyn het op die pad waarmee jy gekom het, sodat jy weer kan sien en met die Heilige Gees vervul word (Hand. 9:17). Op sy eerste sendingreis is Paulus en sommige van die dissipels tydens groot vervolging in Antiochië weer met die Heilige Gees vervul: En die dissipels is vervul met blydskap en met die Heilige Gees (Hand. 13:52). n Besliste kwalifikasie Dit is vir elke Christen n noodsaaklike kwalifikasie om met die Heilige Gees vervul te word. Indien dit so was dat elke Christen outomaties met die Heilige Gees vervul is, dan sou daar nie so iets soos kragtelose, moedelose, biddelose, vleeslike, onseker en onvolwasse Christene gewees het nie. Dit is juis omdat nie almal Geesvervuld is nie, dat die Bybel so dikwels sê wie Geesvervuld is, en hoe n Geesvervulde Christen lyk: Oor Johannes die Doper se lewe lees ons: Hy sal groot wees voor die Here. En wyn en sterk drank sal hy nooit drink nie, en hy sal vervul word met die Heilige Gees (Luk. 1:15; kyk ook Luk. 1:41 en 67 oor Johannes se ouers). Petrus was vervul met die Heilige Gees toe hy op Pinksterdag gepreek het (Hand. 4:8). Dit was n vereiste vir die eerste diakens om Geesvervulde Christene te wees, wie se lewens hiervan getuig het:: Kyk dan uit, broeders, na sewe manne uit julle, van goeie getuienis, vol van die Heilige Gees en wysheid (Hand. 6:3). Stéfanus was n man vol van geloof en van die Heilige Gees (Hand. 6:5; kyk ook 7:55). Paulus bid die gemeente in Éfese toe om met krag versterk te word deur die Gees van God in die innerlike mens, sodat hulle vervul kan word tot al die volheid van God (Ef. 3:16, 19). Hulle word ook vermaan om nie wyndrinkers te wees wat losbandig leef nie, maar om met die Gees vervul te word. Moenie dronk word van wyn nie daarin is losbandigheid; maar word met die Gees vervul (Ef. 5:18). Krag uit die hoogte Het jy jouself al afgesonder, verootmoedig en om die vervulling van die Pinksterbelofte gebid? Die Here Jesus het vir die dissipels gesê dat hulle in Jerusalem moes bly totdat hulle toegerus is met krag uit die hoogte (Luk. 24:49). Die gevolg hiervan, naamlik toerusting vir diens, is duidelik aan hulle uitgespel: Julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judéa en Samaria en tot aan die uiterste van die aarde (Hand. 1:8). Daar is reeds op gewys dat die dissipels nie net een keer nie, maar meermale met die Heilige Gees vervul is. Die herlewingsprediker, Charles Finney, getuig nie net van n eerste vervulling met die Heilige Gees nie, maar ook van verdere vervullings. In sy boek Krag uit die hoogte skryf hy:

12 Tot eer van die Here wil ek iets van my eie ondervinding hier meedeel. Kort ná my bekering het ek oorweldigende vervullings met die Heilige Gees beleef. Ek het só n toerusting met krag ondervind dat slegs n paar woorde wat ek gespreek het, tot mense se onmiddellike bekering gelei het. My woorde het die skerpte van n swaard gehad en mense se harte soos pyle binnegedring. Dit het hulle weerstand afgebreek en talle het tot bekering gekom. Op ander tye was ek egter weer sonder hierdie krag, dan het my woorde geen indruk op mense gemaak wat tot hulle bekering gelei het nie. Ek het dan n dag vir vas en gebed afgesonder en angstig na redes vir die oënskynlike leegheid gesoek. Nadat ek myself verootmoedig en om hulp geroep het, het die krag van die Heilige Gees met n nuwe varsheid na my teruggekeer. Só het ek dit telkens in my lewe ondervind. Hierdie manne van God het dadelik geweet wanneer hulle geestelik nie meer op standaard met die Here was nie, en daadwerklik iets daaraan gedoen. Waarom nuwe vervullings? Die vraag word soms gevra waarom ons nuwe vervullings met die Heilige Gees nodig het? Dit is omdat ons verhouding met die Heilige Gees so geweldig sensitief is en ons Hom maklik kan bedroef. In Efésiërs 4:30 sê Paulus: En bedroef nie die Heilige Gees van God nie. Wanneer ons aan versoekings en swakhede toegee, bedroef ons die Heilige Gees. Wanneer ons ons stiltetye nalaat, traag is om die Here te dien, en ook versuim om Hom te raadpleeg en te ken in al ons weë, bedroef ons Hom ook. Al hierdie dinge kan na geleidelike veragtering in die genade lei, met die gevolg dat ons ons salwing kan verloor. Ons verloor nie hiermee die Heilige Gees nie, maar ons bedroef Hom deur sy invloed in ons lewe te beperk. Hy onttrek dan sy krag en blydskap van ons af, asook die salwing wat ons gehad het. By die eerste tekens dat dit besig is om te gebeur, moet ons dadelik n tyd van selfondersoek en verootmoediging inruim en die saak met die Here regstel. Dit moet gebeur nog voordat ons tot oneer van die Here begin leef, en ander mense duidelik bemerk dat ons besig is om geestelik af te koel. Dawid het in sy binnekamer gebid: Deurgrond my, o God, en ken my hart; toets my en ken my gedagtes; en kyk of daar by my n weg is van smart, en lei my op die ewige weg! (Ps. 139:23-24). Indien kinders van die Here niks aan die proses van veragtering in die genade doen nie, val hulle geestelik terug in n vleeslike toestand. Aan hulle sal dan ook, soos aan die Galásiërs, gesê kan word: O onverstandige Galásiërs nadat julle met die Gees begin het, eindig julle nou met die vlees (Gal. 3:1-3). Dit is selfs moontlik om ook die Heilige Gees in jou lewe uit te blus soos wat n lamp uitgeblus word (1 Thess 5:19). Dit is n uiterste vorm van veragtering, maar dit kán nogtans gebeur. Moedswillige sonde waarmee mense volhard, het só n gevolg in hulle lewe. Iemand wat in sonde geval het, moet dadelik sy/haar sondes bely en daarmee breek. Bid om die reiniging van jou sondes deur die bloed van die Lam, en bid ook vir n nuwe vervulling met die Heilige Gees. Moenie met jou sonde voortgaan, afvallig en hard teenoor die Here word, en sodoende die Heilige Gees uitblus deur boosheid in jou hart toe te laat nie (vgl. Heb. 3:12-13).

13 n Teruggevalle Christen moet die gebed van Dawid bid nadat hy of sy in sonde geval het: Was my, dat ek witter kan wees as sneeu Verberg u aangesig vir my sondes en delg uit al my oortredinge. Skep vir my n rein hart, o God, en gee opnuut in die binneste van my n vaste gees. Verwerp my nie van u aangesig nie en neem u Heilige Gees nie van my weg nie. Gee my weer die vreugde van u heil en ondersteun my deur n gewillige gees. Ek wil die oortreders u weë leer, dat die sondaars hulle tot u kan bekeer (Ps. 51:9-15). "Wil jy werklik met die Heilige Gees vervul wees? Indien wel, dan moet jy aan twee voorwaardes voldoen. Die een daarvan is gehoorsaamheid. Jy moet n getroue navolger van Jesus wees en jouself gee vir die redding van siele. Petrus het gesê: En ons is sy getuies van hierdie dinge, en ook die Heilige Gees wat God gegee het aan die wat Hom gehoorsaam is (Hand. 5:32). Jy moet so gehoorsaam soos die apostels word. Hulle was bereid om vir die saak van die Here te sterf. Is jy ook bereid om jouself op die altaar te lê en as dood vir die wêreld en die sonde te reken sodat jy die Here in alles kan behaag? Dan sal Hy jou met sy Gees vervul. "Die tweede vereiste is om in gebed te wag op die Here. Jakobus sê: Julle het nie, omdat julle nie bid nie (Jak. 4:2). Volhardende gebed en smeking is nodig. Die dissipels het tien dae lank gebid, hulleself voor God ondersoek, hulle sondes bely, en op die belofte van die Heilige Gees gewag todat hulle dit verkry het. Hulle het in die geloof op die vervulling van die Here se belofte gewag en is almal toegerus met krag uit die hoogte. "Is jy vervul met die Heilige Gees? Ek wonder hoeveel mense is tevrede met die lewe wat hulle nou leef? Is jy tevrede om deur die lewe te gaan sonder om ooit n siel vir die Here Jesus te wen? Mag die Here genade betoon aan dié lidmate wat net die kerkbanke warm sit, hulle bydraes in die bordjie gooi, op die kerkraad dien en Sondagskool hou. Bestaan Christenskap net uit dié dinge? Beslis nie! Wat die Here van jou verwag is om n Geesvervulde sielewenner te wees met die krag van God wat op jou lewe rus. "Al die mensgemaakte werke en organisasies is n gruwel vir die Here. Dit is strukture binne strukture en wiele wat draai en rammel soos klinkende metaal en luidende simbale. Wat gee die Here vir dié dinge om? Dit gaan Hom nie aan hoeveel organisasies en komitees jy in jou kerk het, hoeveel sustersbyeenkomste daar is, hoe groot die Sondagskool is of hoeveel geld daar per maand inkom nie. Dit is van geen belang vir Hom nie. As hierdie dinge nie op één doel ingestel is nie, naamlik om die krag van God te verkry sodat siele gered kan word, is die Here nie daaroor begaan nie. Baie Christene dink hulle verpligting vir evangelisasie is afgehandel as hulle n geldelike bydrae daarvoor gemaak het. Dink jy dit is al wat God van jou verwag? Geldelike bydraes moet sekerlik gemaak word, maar dit is net n tipe, of teken, wat op jou liefde vir die saak van die Here dui. Dit is nie jou geld wat die Here wil wil hê nie, maar jou lewe jou hart, jou hande en jou voete Hy wil hê dat jy jouself moet offer op die altaar. Hy wil jou hart en lewe verander, dit salf en toerus sodat jy n sielewenner kan word