Inhoudsopgawe. Voorwoord... 11

Transcription

1 Inhoudsopgawe Voorwoord Altyd dieselfde God se werk ten spyte van my Kerk as n werkwoord Op reis met God Uitnemendheid Wagtyd Die twee weduwees Make-overs Vergelyking Die eerste tree Sit neer en tel op Eenvoud Hemelvaart is nie vakansie nie Kennis en wysheid Vrywaar van swaarkry Jesus is nie n plek nie Kontras en brug bou Vry om te werk! Jesus se altyd tyd -voorbeeld Ergste of beste? Kla reg! Vier lewe! Visie is n Persoon Tyd is n kommodityd Pak die bul by die horings! Vertel my jou storie Onregverdige genade Omgekeerde leierskap Dink ons genoeg oor dink?... 69

2 30. God se werk deur my Die erns van die Goeie Nuus Kom nader! Gee kleur aan die lewe! Jy t die visie, jy t die werk! Leer ook om te ontvang Bid op die N Die eksklusiewe bendes Antwoord die vraag Freebees Waarheid maak vry Onheilige tevredenheid n Kop-gospel Een ding n Ander soort apartheid Hê n oorspronklike idee! Diëte soos planne Wat die sprokies ons leer Ek is geregtig -monster Skinder Boontoe Uit vrees of vreugde? Wees net Lysies maak Sepies en stories Oefening Leef aspris! Wees wie jy is! Intimiteit as prioriteit Om lewe saam te doen Realiteitsprogramme God se gee-voorbeeld Onthou om nie te vergeet nie En as die vyeboom bot? Alles-of-niks-gehoorsaamheid! Tel ons die regte goed? Lesse op 30 eerder as Vorentoe as ek jou terughou?

3 67. Lewende water vir woestynharte Jy weet mos wat is jou beste Doen net iets! En dié wat nog buite staan? Die bediening van karwagte In die karakter van Jesus Die lewe as geskenk Die kunswerk van die huwelik Want ek kan! Hoe maak ek klaar? Dringendheid vir geleen-tyd Motiveer met rede eerder as reëls Hoe eerder as hoeveelheid Hoe word fokus n gewoonte? n Stokmannetjie-verklaring Kan nie gee wat ek nie het nie Superman, Batman, Ironman Bring-en-braai of kom-kritiseer? Wees sout of is sout? Voltydse bediening Die beste vir my kinders Waarmee versier jy jou lewe? Eienaarskap n Lewe van gee Met watter oë kyk jy? Jesus is God se antwoord Die beste tyd is nou Dien, doen en geniet! Leef saam met Wat glo jy van die Bybel? n Geloofsbelydenis Wat is ons roeping as ouers? Lof aan die Skepper God gee gedryf deur sy liefde Die een ER wat ek darem regkry

4 Voorwoord Die Griekse woord vir inspirasie, wat ek liefs nie sal probeer uitspreek nie, beteken letterlik God geasem. n Voorbeeld van waar dit in die Woord gebruik word, is in 2 Timoteus 3:16 (Bybel in Afrikaans 1983/1992): Die hele skrif is deur God geïnspireer. Die New International Version stel dit só: All Scripture is Godbreathed. Die Woord is deur God geasem; met ander woorde, die Woord is deurtrek van, besiel met, lewendig gemaak deur God self. Dit kom direk van God af, en as ek en jy dit nou weer op ons beurt inasem en inneem, het dit groot waarde om in die waarheid te onderrig, dwaling te bestry, verkeerdhede reg te stel en n regte lewenswyse te kweek, sodat die man (of vrou) wat in diens van God staan, volkome voorberei en toegerus sal wees vir elke goeie werk (2 Tim. 3:16-17, Bybel in Afrikaans 1983/1992). Die oorsprong en die grootste bron van inspirasie is God. Die toets vir ware inspirasie is te vind in die woord se definisie en om skrywing: Inspirasie wakker aan en maak intenser; dit ver skerp, verdiep, verryk, verhef. Dit bring in vervoering en in beweging. Dit beïnvloed en besiel en verlewendig. Die teenoorgestelde van inspire is expire en dit beteken weer om dood te gaan, die gees te gee, te verval, te eindig of te verstryk. So wat asem jy in? En wat asem jy uit? Is dit wat jy inneem in jou gedagtes, jou hart en jou lewe dinge wat aanwakker of verlam, vervul of verflou, verdiep of verarm, momentum gee of alles laat eindig? Wie se inspraak laat jy toe in jou lewe? Wie leer jou en wie volg jy en wie laat jy toe om jou te vorm? Wat spreek jy oor ander se lewens uit en is dit lewegewend en lewendigmakend? Woorde wat iemand se binneste sal aanwakker, ophef, oplig, bemoedig en bemagtig? Die 101 inspirasie-oomblikke wat ek in hierdie boek deel, is 11

5 uit n hart op soek na God se hart en n lewe desperaat afhanklik van God-asem, soos een wat permanent aan life support gekoppel is. Dit is eintlik een lang waarneming van iemand wat in verwondering staan oor God se werk in die lewens van mense wat ek raakleef en stories wat ek raakhoor. Doodgewone mense wat leef met God-asem waaruit ek self inspirasie put om weer vir ander te kan aangee. Want dis mos hoe God se gee werk dis n gee bedoel vir aangee As jy besig is om te verstik en te versmoor weens n gebrek aan God-asem, asem uit. En asem nuut in! God self wil jou in beweging in inspireer. ~ Lindie Strydom 12

6 Skrifgedeelte: Kolossense 3: Altyd dieselfde Ek wil kan sing, dans, gee, help, preek en werk asof niem and kyk nie, en tog met n integriteit asof almal altyd alles kan sien! Ek was eenkeer in n kerkdiens waar n jong predikant n oefenpreek voor n paneel moes lewer. Ek het hom so jammer gekry en my ingeleef asof dit ek is wat daar staan en sweet! Hy het tien teen een al baie kere uit sy hart uit gepraat en getuig, maar skielik is daar n vergrootglas op elke woord en be weging en maak die senuwees n mens effens onnatuurlik. Die oefenlopie is natuurlik bedoel om hom en almal wat vir die vol gende 50 jaar na hom sal luister, te help met opbouende terugvoer. Dit maak dit egter nie minder intimiderend nie. So neem ons op n keer n CD op. Vir die heel eerste keer is dit ek en n mikrofoon in n studio met al die kenners en eksperts aan die ander kant van die glas. Skielik is ek so bewus van elke noot en asemteug! Ek probeer my oë toemaak en sing asof dit net ek is wat vir die Here sing, maar ek weet mos hulle kan alles hoor, en ek wonder wat dink hulle wat hulle nie sê nie TV het die manier om n mens se boksie n bietjie te skud. Het jy al gesien hoe vreemd iemand reageer as hulle besef die kamera is op hulle? Ek dink dit is hoekom ek nie wil sien hoe ek lyk as aanbieder op die TV-program Geloof, Hoop en Liefde nie. Ek wil gesels asof ek regtig net saam met iemand kuier, my aandag op die persoon hier voor my en die Heilige Gees wat my lei oor watter vrae om te vra en waar om die klem te lê. Die oomblik 13

7 wat ek bewus raak van hoe ek van die ander kant af lyk, raak ek onnatuurlik en begin ek goed verander wat nie eers verandering nodig het nie! Die regisseur en vervaardiger moet maar sê wat werk en wat nie. Ek is op soek na balans: n lewe waar ek eerlik en onop gesmuk kan sing en dans en gee en help en preek en werk asof daar nooit enige kameras is nie sodat dit nooit my spontaniteit sal beïnvloed nie. En tog wil ek leef met n integriteit wat beteken ek is altyd dieselfde voor of agter die kamera, met of sonder n vergrootglas op my lewe en daar waar almal of niemand kan sien wat ek doen nie. Bill Hybels het n boek geskryf oor karakter onder die titel Who You Are When No One s Looking. Ek wil altyd dieselfde wees en bly en nooit voorgee nie, maar dit beteken ook nie ek mag liefdeloos, koud, nors, lelik of hoogmoedig wees omdat dit my eerlike sonder-om-voor-te-gee-self is nie! Mag ons groei in hierdie van harte soos vir die Here -lewe waar God se opinie en sy wil en tevredenheid my eerste en enigste oorweging is, en meer en meer spontaan word! Wees eerlik en werk hard omdat die Here altyd vir julle kyk. Julle wil tog die Here tevrede stel en nie mense nie. Laat mense dit ook sien aan die oorgawe waarmee julle julle werk doen. ~ Kolossense 3:

8 Skrifgedeelte: 2 Korintiërs 12: God se werk ten spyte van my My lewe is n bewys van God se werk ten spyte van my nie as gevolg van my nie. Ek het altyd gedink as iemand jou as spreker nooi, mag jy net praat oor die dinge wat jy regkry. Jy kom leer ander vanuit jou sukses of jou oorwinnings. Mense sal tog jou raad volg as jy iets merkwaardigs reggekry of oorgekom het. Iemand wat byvoorbeeld 20 kg verloor het, mag maar praat oor n dieet wat werk. Of die persoon met die soetste kinders kan met liefde ouerskap-tips uitdeel! Maar as predikante, onderwysers of ouers vir ander mense net kon leer wat hulle self regkry, sou die inhoud van hulle praatjies baie beperk wees. Om te dink ons moet deur ons gewig of ons huwelik of ons kinders se goeie ma niere bewys dat God aan sy kinders se kant is, plaas ge wel dige druk op ons! Verder sukkel ek eintlik om te hoor as iemand uit die hoogte vir my preek. Dit laat my na nog meer van n wurm voel. Gelukkig vir my (en almal wat na my moet luister!) ontmoet ek toe my man, Johann, wat my uitdaag om nie te getuig oor wat ek glo my sterkpunte is nie, maar om net eerlik en gebroke te wees oor die pad wat ek met God stap. Om te getuig oor die Waarheid, met die fokus en die klem op Jesus en waar nodig my eie lewe as voorbeeld van hoe ver ek tekort skiet! Paulus is vir my n voorbeeld hierin. 15

9 In 2 Korintiërs 12:8 smeek hy God om sy swaarkry en lyding en doring in die vlees weg te vat. God antwoord hom: My goedheid is vir jou genoeg. Dit is al wat jy nodig het. My groot krag word sigbaar in jou lewe wanneer jy swak en hulpeloos is (v. 9). Wow! Die wêreld kan God se groot krag nog beter sien wanneer ek, die ou aandagvraat, uit die pad uit kan kom! Dan sê Paulus: Hierdie doring in my vel het skielik die krag in my lewe geword. Ek het ontdek dat swaarkry en swakhede deel van die Here se plan met my lewe is. Van toe af kon ek selfs spog oor hoe swaar dit met my gaan sodat Christus die enigste kragbron van my lewe kan wees. Wanneer ek swak is, is ek juis sterk. My eie swakheid leer my om net op Christus se groot krag staat te maak (v. 10). Sukses en oorwinning is so broos. Om voor te gee en weg te steek, maak moeg! Ons werk is nie om 10-punt-plannetjies te deel van hoe ons goed regkry nie. Ons werk is om te getuig oor die Waarheid, want die Waarheid maak vry! En, ja, as ons n slag eerlik aan me kaar kan erken hoe ver ons tekort skiet, skep almal moed vir die reis. Laat ons lewe n bewys word en wees van God se werk ten spyte van ons nie as gevolg van ons nie. My goedheid is vir jou genoeg. Dit is al wat jy nodig het. My groot krag word sigbaar in jou lewe wanneer jy swak en hulpeloos is. ~ 2 Korintiërs 12:9 16