Johannes 14: /08/2014

Size: px

Start display at page:

Download "Johannes 14: /08/2014"

Jerome Hart
5 years ago
Views:

1 Johannes 14: /08/2014 Is daar iemand van julle wat al die fliek, Guess Who's Coming to Dinner, gesien het? Dis n ou fliek wat in 1967 gemaak toe apartheid ook in Amerika, nog baie erg was... Die fliek gaan oor n meisie wat vir haar ouers laat weet dat sy wanneer sy weer huis toe kom vir n naweek, sy haar nuwe boyfriend gaan saam bring. Wat sy nie vir haar ouers gesê het nie en wat hulle nie in hulle wildste drome voorsien het nie, was dat haar nuwe kêrel, swart was. Dit was n skreeu snaakse fliek. Maar ek wil nie vanoggend met julle oor die fliek praat nie. Dis net dat die titel van die fliek my aan iets anders laat dink het... en glo dit as jy wil dit het my aan die hemel laat dink. Jy t reg gehoor die titel van die fliek, Guess Who's Coming to Dinner, het my aan die hemel laat dink. Iemand het 1x gesê dat daar in die hemel net 2 verassings wees en dit is - wie daar is en wie nie daar is nie Met dit en die titel van die fliek in gedagte, wil ek vanoggend vra, Guess who s not coming to dinner? Raai wie gaan eendag nie aan die hemelse tafel aansit nie? Die gedeelte wat ons gelees het begin waar Jesus vir Sy dissipels sê, Julle moet nie ontsteld wees nie. En dadelik wonder ons - waarom het Jesus so gesê? n Mens sê tog so iets n.a.v. iets waaroor julle gepraat het Ek en jy kan bv. oor die landsituasie of oor die wêreldekonomie praat of ek kan jou in die hospitaal besoek en ons praat oor wat die dokter gesê het en nadat ons oor n klomp goed gepraat het, sê ek, ag man, moet jou tog nie so ontstel nie Jesus en Sy dissipels moes dus oor goed gepraat het wat hulle ontstel het en waarop Jesus hulle probeer gerusstel met manne - Julle moet [tog] nie [so] ontsteld wees nie. So wat sou dit wees wat hulle so ontstel het? Die gedeelte voor die gedeelte wat ons gelees het - m.a.w. hfst. 13, gee n hele paar redes waarom die dissipels so ontsteld was... Jesus en Sy dissipels was saam om die paasmaaltyd saam eet. Die paasmaaltyd was n geleentheid waar hulle teruggedink het aan hoe God hulle uit Egipte uitgelei het... En terwyl hulle so kuier en eet, het Jesus n hele paar goed gesê en gedoen wat hulle geweldig ontstel het. Jy kan dit gerus gaan lees... Die ding wat hulle waarskynlik die meeste ontstel het was dat Hy weer vir hulle gesê het dat Hy na die aarde gekom het om te ly en te sterf Hulle wou dit natuurlik nie hoor nie. Hy was hulle beste Vriend. Hulle het hulle hoop op Hom geplaas en buitendien... n lewendige Jesus is baie meer werd as dooie Jesus.

2 Jesus probeer om hulle te bemoedig. Hy sê vir hulle en nou gebruik ek so bietjie my eie woorde nee wat kêrels julle moet julle nie so ontstel nie. Dis nie so erg as wat julle dink nie. Want al gaan Ek weg, gaan ons mekaar eendag weer sien. Hy sê Hy, In die huis van my Vader is daar baie woonplek. As dit nie so was nie, sou Ek nie vir julle gesê het Ek gaan om vir julle plek gereed te maak nie. En as Ek gegaan het en vir julle plek gereed gemaak het, kom Ek terug en sal julle na My toe neem, sodat julle ook kan wees waar Ek is. Jesus verseker hulle dat Sy weggaan nie afskeid is nie maar eerder n tot ons weer sien... Hy gaan terug hemel toe en daar gaan Hy vir elkeen wag wat in Hom glo... Elke gelowige sal na sy of haar dood saam met Jesus in die Vaderhuis wees. Joh. 1:12 sê, Maar aan almal wat Hom aangeneem het, dié wat in Hom glo, [dis nou in Jesus] het Hy die reg gegee om kinders van God te word. Elkeen wat in Hom glo, word in n kind van God en al hierdie kinders van God sal na hulle dood saam met hulle Broer in die Vaderhuis wees... Dis die kern van Jesus se boodskap waarom hulle nie ontsteld moet wees nie. Hulle gaan mekaar weer gaan sien... Dis wat Jesus bedoel as Hy sê, Ek gaan om vir julle plek gereed te maak nie. En as Ek gegaan het en vir julle plek gereed gemaak het, kom Ek terug en sal julle na My toe neem, sodat julle ook kan wees waar Ek is. Persoonlik dink ek en ek wil nie nou daarop uitbrei nie dat elke mens wat sterf of laat ek liewer sê elke gelowige wat sterf, direk na sy/haar dood by God in die hemel is. Elke gelowige gaan direk na jou dood vir altyd na God toe om saam met Jesus in die Vaderhuis te wees. Net so gaan ongelowiges, onmiddellik na hulle dood na n plek waar hulle vir altyd sonder God sal wees. En dan sal daar 1 finale dag wees wanneer alles op hierdie aarde tot n einde gaan kom. Op daardie dag sal God op die wolke kom om soos die Mt. 25 sê, die skape en bokke van mekaar te skei. Die dissipels hoef dus nie ontsteld te wees nie want hulle gaan mekaar weer sien en dan gaan hulle vir altyd bymekaar wees in die Vaderhuis... Hulle moet net die pad volg wat Hy vir hulle aandui... In vers sê, Glo in God en glo ook in My... Die pad is geloof en Hy het gedink hulle weet dit... Hy sê,...julle ken die weg na die plek waarheen Ek gaan. Julle ken die pad na die Vaderhuis met sy baie wonings... Maar dan is dit asof Tomas n emmer koue water op Jesus omkeer toe hy sê, Here, ons weet nie waarheen U gaan nie; hoe kan ons dan die weg daarheen ken?

3 Ek wonder of Jesus nie lus was om Sy hande in die lug te gooi en te sê, manne, het julle dan niks verstaan van dit waaroor ons die afgelope 3 jaar met mekaar gepraat het nie? Vir 3 jaar was hulle dag en nag saam. Jesus het vir hulle gesê wie Hy is, waar Hy vandaan kom, wat Hy kom doen het en dat Hy een of ander tyd gaan sterf en gaan opstaan uit die dood en dan gaan Hy terug na die Vader toe. En hier kom Tomas en sê, Here, ons ken nie die weg na die Vader nie... ons ken nie die pad hemel toe nie... Miskien was dit hulle Joodse agtergrond wat hulle laat twyfel het of Jesus alleen die weg kan wees... Die Jode het geglo, jy moet besny wees want dit wys jy is deel van God se volk... As jy nie besny is nie so het hulle geglo - kan jy nie in die hemel kom nie. Verder moet elkeen wat hierdie verbondsteken dra, probeer om die wet van God letter vir letter na te kom. Hoe meer jy dit regkry om die wet presies te onderhou, hoe groter is jou kans om in die hemel te kom... Dalk wou Tomas vir Jesus vra sê asb. vir ons wat is reg... Ons het geleer dat die besnydenis baie belangrik is en ons het geleer dat jy die wet letter vir letter moet na kom en nou kom U en sê, Glo in God en glo ook in My... dis die pad na die hemel... dis die pad na Vaderhuis met sy baie wonings. Wie is nou reg? Dis vandag nog vir baie gelowiges n probleem... Ons hoor goed soos, jy moet groot gedoop wees... as jy nie groot gedoop is nie, kan jy nie in die hemel kom nie. Dan is daar weer ander mense wat baie klem lê op spreek in tale as teken dat die Heilige Gees in jou woon en jy gered is... Ander plaas weer klem op goed soos tiendes. As jy nie n tiende gee van alles wat jy het nie, kan jy nie gered word nie. Maar wat sê Jesus? Jesus sê - Ek is die weg en die waarheid en die lewe. Niemand kom na die Vader toe behalwe deur My nie... Jesus sê - Ek is die Brood wat lewe gee... Jesus sê - Ek is die Lig vir die wêreld... Jesus sê - Ek is die Ingang vir die skape en soos ons verlede week gehoor het - Ek is die opstanding en die lewe. Wie in My glo, sal lewe, al sterwe hy ook... Het enige iemand nodig om daaroor te twyfel... Die pad na die Vaderhuis met sy baie wonings is deur Jesus... Jy hoef nie te wonder wie gaan eendag in die hemel wees en wie nie... Jy hoef nie te vra, Guess who s not coming to dinner? Die pad na die Vaderhuis met sy baie wonings is Jesus... Dit pla Hom min of jy groot of klein gedoop is... Hy wil ook nie hê dat ek en jy soos die Fariseërs skynheilig moet maak of ons die wet letter vir letter na kom nie. Hy wil hê ons moet in Hom glo... Ons moet Hom liefhê... Hy is die pad.

4 Ek is die weg, sê Jesus... Ek gaan om vir julle plek gereed te maak nie. En as Ek gegaan het en vir julle plek gereed gemaak het, kom Ek terug en sal julle na My toe neem, sodat julle ook kan wees waar Ek is. Dit gaan dus nie oor hoe goed ek is en/of ek groot gedoop is en/of ek elke maand my tiende van alles gee nie... dit gaan oor of ek die regte pad gevolg het tot aan die einde van my lewe... n Jong Britse atleet met die naam Derek Redmond het in die laat 80er jare die wêreld aan die gons gehad. Op 19 jarige ouderdom het hy die Britse 400m rekord gebreek. Hy sou aan die 1988 Olimpiese Spele in Seoul deelneem, maar toe beseer hy sy achilles tendon en moes hy onttrek. Hy het verskeie operasies ondergaan voor hy weer begin oeen het. Sy oë was toe op die 1992 spele in Barcelona gerig. Op die dag van die semifinaal in Barcelona, was daar mense in die stadion. Sy pa Derek, was ook daar. Hy het nooit n wedloop van hom gemis nie en het daardie dag redelik hoog op die paviljoen gesit... Van die wegspring af, het Derek letterlik vir sy teenstanders begin weghardloop. Dit was van die begin af duidelik dat hy daardie semifinaal ver sou wen wat hom sou laat kwalifiseer het vir die finaal en dalk goue medalje. Net oor die halfpad merk het Derek n harde pop geluid gehoor... dit was nie sy voet nie, maar sy hamstring wat gegaan het. Hy kon nie op die been trap nie en het n paar tree op een been gespring... totdat hy op die baan neergeval het. Mediese personeel het soontoe gehardloop terwyl hy gelê en krul het van die pyn. Ter selfde tyd het sy pa op gespring en desperaat tussen die mense begin deurskuur na onder toe. Hy was net n gewone toeskouer en mag nie op die baan gekom het nie, maar op daardie oomblik het hy aan niks anders gedink as om by sy seun uit te kom nie Al die atlete het by Derek verby gehardloop. Hy het besef dat sy droom van n Olimpiese medalje, verby was. Hy het gesnik soos hy huil en al waaraan hy kon dink was om die wedloop te voltooi. Daar is n uitdrukking tussen atlete wat sê, I don t want to take a DNF. DFN staan vir Did-Not- Finish. Hy het gedink dat hy net nooit in die toekoms langs sy naam t.o.v. die 1992 Olimpiese spele wil sien DFN - Did-Not-Finish. Toe die paramedici die stretcher nader bring het Derek geweier en gesê, ek klim nie op nie. Ek gaan die wedloop voltooi. Hy het homself opgelig en stadig op 1 been begin spring na die wenpaal. Die skare het besef dat hy gaan probeer om die wedloop te voltooi. Almal het opgestaan en hom aangemoedig. Hulle het harder en harder geskreeu... Op daardie stadium

5 het sy pa uiteindelik by die baan gekom... Hy het oor die reëlings gespring, een van die sekuriteitswagte gesystap en na sy seun toe gehardloop met 2 sekuriteitswagte wat hom jaag. Dis my seun daardie, het hy vir hulle geskreeu. Ek gaan hom help. Met nog so 120m oor na die wenpaal, het Jim by sy seun gekom... Hy het sy arm om sy heup gesit en gesê, hier is ek seun... Ek gaan jou help om klaar te maak. Derek het sy arm om sy pa se nek gesit en so het pa en Seun na die wenpaal gespring en gedraf terwyl mense skreeu en klap en juig... n Paar tree van die wenpaal af het Jim vir Derek gelos sodat hy die laaste paar tree alleen oor die wenstreep kan spring. [Weinburg, R. Derek and dad finish Olympic 400 together. ESPN.com, sports.espn.go.com.] Ek en jy is uitgenooi na die hemelse maaltyd... Ons is uitgenooi om na ons dood vir altyd in die Vaderhuis te woon... Maar dan moet ons die regte pad volg... en die pad is Jesus... Hy is die weg en die waarheid en die lewe. Natuurlik sal die duiwel probeer om ons van hierdie pad af weg te kry. Hy doen dit op die snaakste en vreemdste maniere... 1 Pet. 5 sê, hy loop rond soos n brullende leeu opsoek na iets om te verslind... Jesus het self met hom te doen gehad. Hy het probeer om terwyl Jesus op aarde was, Hom van die pad af te kry. Daarom het Jesus voor Sy hemelvaart belowe dat daar na Sy dood Iemand anders gaan kom om vir altyd by ons te wees en ons weet Hy het gekom... Twaalf dae na Jesus se hemelvaart het God die Heilige Gees gekom het om in ons te woon... om God in ons en by ons en met ons te wees. Dit het al baie keer met my gebeur en ek is seker ook met elkeen van julle - as die sonde besig is om jou uitmekaar te skeur soos n hamstring wat gaan en dit verhinder dat jy voluit kan leef, as die sonde besig is om jou van die pad af te dwing sodat jy nie meer op die regte pad wenpaal toe is nie... voel jy net op n stadium n arm om jou of hoor jy n stem wat sê kom ek sal jou help ek sal jou help om die wedloop te voltooi... Al spring jy op 1 been of al is jou lewe halfpad verwoes deur die sonde... sit Hy Sy arm om jou en sê, kom... Hy sal jou n tree of 2 voor die wenpaal los sodat jy alleen oor die wenstreep kan gaan waar Jesus vir jou wag om die oorwinnaarskroon om jou nek te hang en te sê die plek wat jou vir jou gereed gemaak het is klaar... Kom saam met My na die ewige Vaderhuis waar jy vir altyd saam ons gaan woon... waar jy saam ons aan die hemelse feesmaal gaan aansit... Broers en susters... as julle vandag dalk... guess who s not coming to dinner hoef julle oor my nie te wonder nie. Julle gaan my daar kry... omdat ek

6 die Weg ken... omdat ek die Weg liefhet... Daar sal nooit agter my naam staan - DFN He Did-Not-Finish. Ek ken die weg... Ek eet van die brood van die lewe... Hy is My GPS... my lig op my lewenspad... Hy is die Goeie Herder wat op die pad sorg dat ek genoeg kos en water kry. Hy is die Ingang waardeur ek elke dag in en uitgaan sodat ek die lewe in oorvloed kan geniet... Hy is die weg en die waarheid en die lewe. Waarheen is jy op pad? Wat is die roete wat jy volg om daar uit te kom? Is jy gefokus om die wedloop te voltooi en die oorwinnaarskroon te ontvang - of gee jy nie om dat daar na jou dood agter jou naam geskryf word... DFN - Did-Not-Finish. Dis nie nodig nie... Die Pad is oop... Daar is kos... daar is Lig... Daar is hulp... Amen.

1. PRAISE EN WORSHIP 2. BATTLES: 3. DIE LEUENS VAN SATAN 4. WIE KAN DAN GERED WORD?

JEUGLES Battle Wie kan gered word? 1. PRAISE EN WORSHIP 2. BATTLES: Die doel van die battles is dat n span of meer as een moet wen. Daar moet ook n prys sak lekkers vir die wenspan wees. As jy die battle