Setting: PAASFEESHERDENKING: Luister na die Kruis: TONEEL: Luister na die kruis

Transcription

1 PAASFEESHERDENKING: Luister na die Kruis: TONEEL: Luister na die kruis Benodig: - 5 mense - 4 met jeans met wit hemp (die idee is dat die persoon nie die mense met die wit hemde die kruise sien neersit nie) - 1 met jean met swart hemp en wit hemp onder - 4 kruise - Groot swart vullisdrom - Oorfone - Tafel met boek op Setting: Niemand praat nie, musiek speel terwyl die persoon met die swart hemp op die verhoog opgestap kom met oorfone oor sy ore (op die oorfone is stickers geplak waarop staan wêreld, op die verhoog staan n kruis) Hy ignoreer die kruis en stap om dit. Hy gaan sit by n tafel en lees iets, een van die wit hemde sit n kruis voor hom neer terwyl hy lees, hy kyk op en sien dit raak. Hy spring kwaad op, vat die kruis en gooi dit op die grond neer. Wanneer hy omdraai het, staan daar weer n kruis agter hom. Hy neem hierdie kruis weer woedend en gooi dit in die drom. As hy omdraai is daar weer n kruis agter hom, hierdie keer is hy so kwaad dat hy die kruis breek. Hy gaan sit op die verhoog met sy kop in sy hare, baie moedeloos en dan sit iemand n groot kruis voor hom neer. Hy kyk n slag na die kruis en bestudeer dit, dan haal hy die oorfone van sy ore af en die musiek stop. Hy trek die stickers van die oorfone af en sit die oorfone oor die kruis, die mooiste gospelmusiek begin te speel van Jesus se liefde, en hy gaan knieël voor die kruis.

2 Inleiding: Ons herdenk elke jaar Jesus se kruisiging in die kerk, en elke jaar staan ons die Vrydag stil by Jesus se pyn en leiding vir ons, maar die kruisdood gaan oor soveel meer as net die pyn. Dis tyd dat ons weer n slag stilstaan by wat die kruis EINTLIK beteken: 1 Kor 1:18 verduidelik dit so mooi: want die woord van die kruis is wel dwaasheid vir die wat verlore gaan, maar vir ons wat gered word, is dit die krag van God God het die kruis, n aaklige simbool wat wreed, verskriklik en sleg was, gebruik om vir jou en my te sê dat Hy ons liefhet, op n baie onwaarskynlike en ongewone manier. Die kruis het ALLES kom verander: nederlaag in oorwinning skuld in genade oordeel in vryhied swaarkry en pyn in genesing en hoop dood in lewe. Wat God deur Jesus se kruisdood kom doen het, is vir jou en my, nie ten spyte van nie, maar OMDAT, OMDAT Hy jou en my liefhet en n beter toekoms vir ONS wil gee!!! Kom ons luister vanaand na die boodskap van die kruis, en kyk na Jesus se kruisdood op n ander, nuwe manier... Wanneer ons oor Jesus se kruisdood praat is die volgende 2 skrifdele baie belangrik: Jes 53:4-5: 4. Nogtans het Hy óns krankhede op Hom geneem, en óns smarte dié het Hy gedra; maar óns het Hom gehou vir een wat geplaag, deur God geslaan en verdruk was. 5. Maar Hy is ter wille van ons oortredinge deurboor, ter wille van ons ongeregtighede is Hy verbrysel; die straf wat vir ons die vrede aanbring, was op Hom, en deur sy wonde het daar vir ons genesing gekom. Matt 8:17 sluit hierby aan en is n verwysing na Jes 53: sodat vervul sou word wat gespreek is deur Jesaja, die profeet, toe hy gesê het: Hy het ons krankhede op Hom geneem en ons siektes gedra.

3 BETEKENIS VAN JESUS SE KRUISDOOD VIR MY EN JOU: 1. KRANKHEDE EN SIEKTES: (iemand kom in met patches voor die oë en haal dit af soos iemand wat genees is - bly op die verhoog staan totdat ons die liedjie begin sing) Jes 53 en Matt 8 verwys albei na ons krankhede en ons siektes, het jy dit al ooit raakgeslees, dat Jesus ook vir jou krankhede en siektes gesterf het? In die engelse vertaling sê Jes 53:5 dit so mooi and with his stripes we are healed. So wat beteken dit dan vir MY? Dit beteken dat ek na God kan gaan en intree en bid vir my en my geliefdes se siektes. Jak 5:14 sê: Is daar iemand siek onder julle? Laat hom die ouderlinge van die gemeente inroep, en laat hulle oor hom bid nadat hulle hom in die Naam van die Here met olie gesalf het. Hoeveel keer gaan ons EERS dokter toe en wanneer DIT nie werk nie,gaan ons uit desperaatheid na die Here toe. Een van God se name is Jehova-Rapha, miskien moet ons begin om EERS na God te gaan. Het JY dit al probeer? Dit is een van God se name EN die WOORD sê dat Hy ook vir ons siektes en krankhede gesterf het. Miskien is dit iets om oor na te dink? SING SAAM: Daar is krag

4 2. SMARTE: (iemand kom in met twee vol swart sakke, gaan knieël by die kruis en sit dit daar neer die persoon bly daar totdat ons begin sing) Jes 53:4 lees: Ons smarte, die het Hy gedra; maar ons het Hom gehou vir een wat geplaag, deur God geslaan en verdruk was Wat is ons smarte? Dis die goed in ons lewe wat ons vashou en terughou van n lewe van volheid. Die goed wat soos n plaag in jou lewe is en vir jou voel asof jy daardeur papgedruk en verdruk word. Dit kan finansies wees, verhoudings wat nie wil uitwerk nie, goed waaroor jy net nie oorwinning kan kry nie bv drank, dobbel, pornografie ens. Baie van hierdie goed is ons eie keuses wat ons weghou van God af, maar God kan met elke probleem help, en jy KAN oorwinning daarvoor kry, want Jesus het ook DAARVOOR vir JOU aan die kruis gesterf! Die wondelikste van hierdie een is die wete dat my probleme en smarte vir God so belangrik is dat Jesus ook DAARVOOR gesterf het!!! Gee jou smarte en probleme vir Hom en LOS dit by hom, moet dit nie elke keer weer opneem nadat jy dit vir God gegee het nie!!! SING SAAM: Here Redder, Guide me 3. OORTREDINGS / SONDES: (iemand kom in met n swaar ketting om sy hande gedraai en soos hy voor die kruis neerval, val dit kettings HARD van sy hande af bly daar tot ons begin sing) Jes 53:5 lees: Hy is ter wille van ons oortredings deurboor, ter wille van ons ongeregtighede is Hy verbrysel en die straf wat vir ons die vrede aanbring was op Hom Hierdie versie is duidelik, en dis seker die een waarmee ons die bekendste is Jesus se kruisdood het versoening vir ons sonde gebring wat beteken dit? Dit beteken dat as ek my lewe vir God gee, Hy my kom skoon was van my sonde, DEUR Jesus se bloed aan die kruis en dan bewerk dit vrede tussen my en God. Hy kyk nie meer na my as n sondaar nie, maar as n skoongewasde kind deur Jesus se bloed. SING SAAM: God is liefde

5 4. VERLOSSING EWIGE LEWE: (iemand kom in met n geskenk, gaan knieël by die kruis, maak die geskenk oop en haal n kaartjie met ewige lewe daarop uit die boks) Joh 3:16-17 lees: Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê, want God het Sy Seun in die wêreld gestuur, nie om die wêreld te veroordeel nie, maar dat die wêreld deur Hom gered kan word" Dit is die einddoel van Jesus se kruisdood! Dat jy GERED kan word, dat jy nie hel toe HOEF te gaan nie. MAAR hierdie geskenk kan jy NET kry wanneer jy jou lewe vir God gee, want die versie lees verder: Joh 3:18: Hy wat in Hom glo, word nie veroordeel nie, maar hy wat nie glo nie, is alreeds veroordeel omdat hy nie gelo het in die Naam van die enigebore Seun van God nie Dis soos n gekenk, dis werklik eers joune wanneer jy dit vat en dit oopmaak!! SING SAAM: Deur te sien op die kruis 5. DIREKTE TOEGANG TOT GOD: (iemand kom op die verhoog met n stuk material, gaan knieël by die kruis en skeur die materiaal reg deur bly daar totdat ons klaar gesing het) Matt 27:51: En kyk, die voorhangsel van die tempel het in 2 geskeur, van bo tot onder, en die aarde het gebewe en die rotse het geskeur Hierdie versie het ons al baie gehoor, maar ek wonder of ons WERKLIK die implikasie daarvan besef? Dit het vir jou en my die REG gegee, deur God, om in n VERHOUDING met Hom te kom staan. Heb 10: beskryf dit so mooi: Waar daar nou vergifnis van hierdie dinge is, is daar geen offer meer vir die sonde nie. 19) Terwyl ons dan, broeders, vrymoedigheid het om in die heiligdom in te gaan deur die bloed van Jesus 20) op die nuwe en lewende weg wat Hy vir ons ingewy het deur die voorhangsel heen, dit is sy vlees, 21) en ons n groot Priester oor die huis van God het, Kom ek verduidelik dit vir jou aan die hand van die volgende: Deur Jesus se kruisdood hoef ek nie meer op die kantlyn te sit en net n fan van Jesus te wees nie, ek kan nou n follower n volgeling van Hom wees, kom ek verduidelik die verskil tussen die twee:

6 FAN Ken die taal, die kleredrag en die kultuur Betaal hulle ledegeld VERWAG om te ontvang / voordeel te trek Kultuur van diens / hou die instansie aan die gang Loop gewoonlik wanneer ding ongemaklik raak of as ek nie meer daarvan hou nie Beweeg volgens jou eie tempo moet my nie bel nie, ek sal jou bel Reëls en regulasies / godsdiens FOLLOWER VOLGELING KEN die MEESTER Gee OMDAT hulle ontvang het Hoop om te dien Dis jou CALLING / jou ROEPING Gewillig om te bly, op te offer en te bly tot die einde Leer altyd never arrived verhouding Ek wil jou vanaand uitdaag om vir jouself die vraag te vra: Het JY al deur die voorhangsel GESTAP wat geskeur het, of staan jy soos n fan op die kantlyn en kyk na die allerheiligste `n plek waartoe jy toegang het. Jy wou nog nooit oor die drumpel stap nie, want jy weet die prys gaan hoog wees en jy sien nie kans daarvoor nie? Die realiteit IS dat wanneer jy oor die drumpel stap na die ander kant toe, die reëls in jou lewe MOET verander. Jy gaan n volgeling moet word, want Jesus het nie gesê raak my fan nie, Hy het gesê neem jou kruis op en VOLG my!!! WAAR staan JY vanaand? Wat doen JY met dit wat Jesus se kruisdood vir JOU GEDOEN het? Jesus se kruisdood KAN net vir JOU iets beteken as jy dit vir jou VAT en dit LEEF, anders is die kruis net n mooi versiering in jou huis of om jou nek. Dis tyd dat ons weer die KRAG van die kruis besef en dit nie goedkoop maak nie Dit HET n prys gehad n BAIE duur een!! Wat maak JY met Jesus se Kruisdood? SING SAAM: For your Name is Holy