Deuteronomium 8: /01/2014

Transcription

1 Deuteronomium 8: /01/2014 Een van die mees gevreesde siektes van ons tyd is Alzheimer... Dis is n siekte wat jou brein aantas en maak dat jy naderhand glad nie meer kan onthou nie. Dit begin stadig en soos dit aangaan, word dit erger soveel so dat jy naderhand nie meer jou ma of jou pa herken nie, nie jou broers en susters nie, selfs nie eers jou eie kinders nie. Alhoewel dit n siekte is wat in die meeste gevalle ouer mense tref, is dit nie noodwendig so nie. In die ouetehuis in Potch was daar n vrou wat alzheimers gehad het. Haar familie het gevra of sy daar versorg kan word omdat haar toestand baie gevorderd was - sy was 37 jaar oud... Dis n siekte waaraan die persoon wat dit kry, niks kan doen nie. Jy vergeet nie omdat jy wil nie jy vergeet omdat jy siek is... Tog is mense wat die siekte het, nie die enigste wat vergeet nie. Dis vir my asof almal van ons vreeslik maklik vergeet en dan praat ek nie net van vergeet soos, name vergeet of gesigte vergeet of afsprake vergeet of verjaarsdae vergeet nie... Ek praat van belangrike dinge vergeet, dinge soos dat die God wat ons dien, die Oneindige Skepper God is wat hemel en aarde gemaak het... dat hierdie Oneindige Skepper God, nadat Hy alles geskep het, die mens as Sy verteenwoordigers aangestel het (Gen 1:27)..., die mens aangestel het om hierdie wêreld namens Hom bestuur... Ons vergeet dat Hierdie Oneindige God elkeen wat in Hom glo, persoonlik geroep het. Jes 43:1 sê, Ek het jou op jou naam geroep... jy is myne... Ons vergeet wat Jesus aan die kruis gedoen dat Hy vir ons sonde gesterf het... Ons vergeet Sy belofte in Joh. 3:16 wat sê, God het die wêreld so liefgehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê... en ook Sy belofte in Joh 11:25 wat sê, Ek is die opstanding en die lewe. Wie in My glo, sal lewe, al sterwe hy ook;.. Ons vergeet van Sy wederkoms, dat Hy een of ander tyd gaan terugkom na hierdie aarde en dat dit die einde van alles gaan wees... Ja, ons vergeet en omdat ons vergeet, is ons verhouding met God nie altyd vir ons n prioriteit nie. Ons verhouding met God behoort n leefwyse te wees soos ek altyd sê, 24/7, maar dit is nie. Ek dink nie ons is altyd ernstig genoeg oor ons verhouding met God nie en miskien het dit te make met vergeet. Iemand sê die ander dag... baie mense ly aan 20km alzheimers... ek vra toe, 20km alzheimers wat is dit? Hy sê toe, dis mense wat sodra hulle 20km uit die dorp uit is, vergeet hulle hulle is getroud... Nou wonder ek

2 sommer of ons nie ook partymaal aan iets soos 20km alzheimers ly wanneer dit kom by ons verhouding met God nie... dalk iets soos 6 dae alzheimers... 6 dae van die week doen ons ons eie ding en dan op Sondae wil ons vinnig so bietjie tyd spandeer aan ons verhouding met God. Maar Sodra ons Sondae uit die kerk uitstap, vergeet ons weer dat ons in n verhouding is dat ons getroud is... Jesus noem nie verniet die kerk en elke gelowige Sy bruid met Hom as die Bruidegom nie... Broers en susters, ek wil nie hê dit moet klink of ek enige iemand veroordeel nie allermins as ek hier praat, praat ek in die 1e plek met myself en as ek eerlik is met myself, moet ek vra of ek nie partymaal my verhouding met God afskeep nie so bietjie oorskiet tyd aan Hom spandeer, so bietjie van die geld wat ek oor het as ek alles betaal het vir hierdie verhouding gee en as ek tyd oor het nadat ek alles gedoen het, sal ek miskien so bietjie tyd aan my Bruidegom spandeer. Maar dis nie soos God met ons in n verhouding wil wees nie. As daar 1 ding is wat oor en oor feitlik op elke bladsy van die Bybel gesê word, is dit dat God alles vra of niks. Hy het alles gegee Hy het Sy Seun gegee - daarom verwag Hy alles. Die Tien gebooie sê, Hy vra onverdeelde trou alles of niks. Die ou vertaling het gesê, Hy is n jaloerse God alles of niks. Op 3 sê, was julle maar koud of warm, maar nou omdat julle lou is, sal ek julle uit My mond uitspoeg... alles of niks. Juis daarom durf ek en jy nie vergeet nie. Ons mag nooit vergeet wie God is nie, Ons mag nooit vergeet dat ons met Hom in n verhouding is nie. As ek hier op aarde iets vergeet, kan ek dit in die meeste gevalle regstel. As ek vergeet waar ek my kar se sleutels gesit het, kan ek dit soek tot ek dit kry en dan is alles weer reg. Selfs die man wat n tydjie gelede sy vrou in Pretoria vergeet het, kon dit regstel. Toe hy in Ermelo kom en onthou sy vrou is nog in Pretoria, kon hy terugry en haar gaan haal en die saak regstel. Maar wanneer ons sulke belangrike goed vergeet of ons verhouding met God afskeep, kan dit dalk op n stadium te laat wees... Jes 55:6 sê, Vra na die wil van die Here terwyl Hy nog te vinde is, roep Hom aan terwyl Hy nog naby is... Ek lees in die week van n man wat op sy sterfbed gelê het... n man wat die Here met sy hele lewe gedien het. Sy vrou en dogter en 1 van sy seuns wat ook baie toegewyde Christene was, was langs sy sterfbed. Hy het besef sy dood kom vinnig nader en toe het hy elkeen van hulle gedruk en gesê,

3 Goeie nag. Ek sal julle eendag weer sien en dan op n baie beter plek as hierdie. Sy ander seun was ook daar. Alhoewel hy n baie goeie seun was, wou hy nooit sy lewe vir die Here wou gee nie. Toe hy sy pa groet, het sy pa hom gedruk en baie hartseer gesê, Totsiens my Seun, totsiens. Hy het dadelik agtergekom dat sy pa vir sy ma en broer en suster gesê het, goeie nag en vir hom, totsiens... toe vra hy, Hoekom sê pa vir my totsiens en vir die ander, goeie nag? Die sterwende man sê toe, jou ma en broer en suster is Christene en ek weet dat ons eendag saam in die hemel gaan wees. Daarom het ek vir hulle, goeie nag gesê. Jy weet dat ek baie vir jou gebid het en jou gesmeek het om jou lewe vir die Here te gee, maar jy wou nie... Al breek dit my hart, weet ek, ek gaan jou nooit weer sien nie en daarom sê ek vir jou, totsiens... Met trane in sy oë het die jongman gesê, Moenie vir my totsiens sê nie, Pa. Moenie nou al weggaan nie... moet asb. nie nou doodgaan nie. Ek sal netnou terug wees. Hy het uit die hospitaal gehardloop en so vinnig as wat hy kan na die kerk toe gejaag waar sy ouers lidmate was. Dis dié kerk waar hy opgegroei het maar wat hy later van tyd baie selde bygewoon het... Hy het die dominee gekry en vir hom gesê dat hy reg is om sy lewe vir die Here te gee. Die dominee het sy belydenis aanvaar en hy is gedoop... Hy en die dominee het teruggejaag hospitaal toe en na sy pa se kamer toe gehardloop... Hy het sy pa wat al baie swak was en so half aan die slaap geraak het, wakker gemaak en gesê ek het dit gedoen pa, ek het my lewe vir die Here gegee en ek het belowe dat ek Hom sal dien tot die dag dat ek doodgaan... Sy pa het met sy laaste bietjie krag sy arms om sy seun gesit en gesê, Goeie nag my seun, goeie nag... (sermoncentral.com) Laurika Rauch het n liedjie met die titel, Vergeet om my te vergeet ewaar sy sing: Vergeet om my te vergeet, onthou om my te onthou en weet dat jy altyd weet, ek is lief vir jou Ek wonder as ons so maklik belangrike dinge vergeet so maklik belangrike nalaat of die Here nie partymaal lus het om vir ons te sing, Vergeet om My te vergeet, onthou om My te onthou en weet dat jy altyd weet, Ek is lief vir jou Dis presies wat Moses in die gedeelte wat ons vanoggend gelees het vir die Israeliete probeer sê. Hy pleit by hulle om nie te vergeet wie God is nie, om nie te vergeet waar hulle vandaan kom nie, hoe God deur moeilike

4 tye met hulle was nie Moses sou baie maklik hierdie liedjie vir hulle kon sing - Vergeet om God te vergeet, onthou om God te onthou en weet dat jy altyd weet, God is lief vir jou Die Bybelvertalers het heel tereg die opskrif van hfst 8 gemaak, Moenie die Here vergeet nie want dis waaroor hierdie hfst gaan - vers 2 sê, Jy moet onthou hoe die Here jou God jou nou veertig jaar lank in die woestyn gelei het vers 11: Sorg dat jy nie die Here jou God vergeet nie vers 18 Maar jy moet die Here jou God nie vergeet nie vers 19 As jy ooit die Here jou God vergeet en ander gode aanhang en hulle dien en vereer, verklaar ek vandag dat jy beslis tot niet sal gaan. Weet julle Broers en Susters, dis so wonderlik van die God wat ons dien Hy is die Oneindige God Hy is die Skepper God Hy het jou en my nie nodig nie. As ons Hom vergeet of Sy beloftes vergeet of as ons nie in Hom wil glo nie kan Hy ons los. Hy kan ons los dat ons in ons maai in gaan maar Hy doen dit nie. Hy kom na ons toe. Gesang 190:2 wat ons vanoggend gesing het, sê dit so mooi: In genade, groot en ryk, Bou U, Heer, u koninkryk. Voordat ek kon kies, kon vra, Het u Seun my vloek gedra. Ek kon vind: U t my gekry Voor ek nog my skuld bely... God kies ons voor ons Hom kies. Hy sluit met ons n verbond sonder dat ons daarvan weet. In die tyd van die besnydenis is babas op 8 dae ouderdom besny. Nie een van hulle het God gekies nie. Nie een van hulle het geweet van die verbond wat Hy met hulle aangaan het nie. Hulle ouers en ander mense het hulle later daarvan vertel en hulle kon die teken aan hulle liggame sien. Hierdie baba wat vanoggend gedoop is het God nie gekies nie. God het haar geskies. Sy weet nie van die verbond wat God met haar gesluit het nie. Hulle ouers en ander mense wat selfs die verbondsteken dra, gaan dit vir haar vertel en vir haar leer wat haar doop beteken... dat God met haar n verbond gesluit het. Natuurlik maak dit nie vir ons sin nie. Hoe kan dit sin maak dat die Oneindige God met n pap baba n verbond aangaan n kontrak sluit sonder dat sy eers daarvan weet... Ons verstaan dit nie, maar Hy doen dit Ons verstaan nie hoe Hy vir mense soos ek en jy kan lief wees nie maar Hy is Hy wil met elkeen van ons n pad loop Hy wil vir ons n God wees - die vraag is wat maak ons met ons deel van die verbond, naamlik om vir Hom seuns en dogters te wees? Moses was bang dat die volk vergeet dat hulle met hierdie God n verbond gesluit het, n kontrak aangegaan het. Hy gebruik die woestyngeskiedenis waar hulle sonder enige twyfel God se teenwoordigheid kon sien en beleef

5 het om hulle te motiveer God het in die woestyn kos voorsien Hy het water voorsien vir 40 jaar het hulle klere nie oud geword nie Hierdie hoofstuk is amper soos n foto-album/dvd van hulle lewe in Egipte en hulle swerftog deur die woestyn Hulle moet daarna kyk sodat hulle lewe kan verander nou en vir pad vorentoe. Ek lees iewers dat iemand sê, as jy terugkyk na jou lewe wat verby is, word dit wat jy sien soos katogies wat die pad vir jou aandui vorentoe julle weet mos wat katogies is Die goeie en die slegte dinge van die verlede kan vir jou die pad wys wat jy moet volg. Corrie ten Boom het per geleentheid gesê, Memories are the key, not to the past, but to the future. En dis ook wat Moses wil hê - dat die memories van Egipte en die memories van die woestynreis vir hulle soos katogies moet word wat die pad aandui vir die toekoms. Hy vra vir hulle om stil te word, om terug te kyk want dit wat hulle in hulle eie foto-album/dvd gaan sien, gaan vir hulle opnuut laat besef wie God is en wat so groot voorreg dit is om Sy kinders te wees. Broers en Susters, omdat ek en jy so maklik vergeet, is dit nodig dat ons van tyd tot tyd stil word en terug kyk na die gedeelte van ons lewe wat verby is. Party van ons se lewenspad was redelik gelyk - reguit met min opdraandes en skerp draaie. Ander s n lyk soos die terrein waar die Dakar Rally plaasgevind het - vol opdraandes en skerp draaie met soveel stof dat jy op baie plekke nie eers die pad kan sien nie. Party se lewenspad was maklik en hulle het feitlik ongedeerd daarvan afgekom. Ander s n het vele letsels gelaat party baie diep letsels... Moses wys vir die Israeliete dat God op die tye waar hulle die swaarste gekry het, die duidelikste teenwoordig was toe hulle dors was het daar water uit n rots gekom... toe hulle honger was het daar kos uit die hemel gekom. Dink ook aan Egipte - die laaste plaag in die hele Egipte sterf elke eersgeborene kinders wat eerste gebore is, beeste, skape, bokke, kamele elke eersgeborene sterf daardie nag maar nie n enkele een sterf waar die bloed aan die deurkosyne gesmeer is nie. God is daar selfs in die diepste donkertes is Hy by ons want Hy het met ons n verbond gesluit... al vergeet ons Hom Hy vergeet ons nie. Ek lees nou die dag van n groepie mense wat saam Bybelstudie gedoen het. Iemand vra toe dat elkeen in die groep moet sê watter gedeelte in die Bybel is hulle gunsteling gedeelte as dit met hulle sleg gaan? n Jongman antwoord toe, Ps. 23:1, Die Here is my Herder, ek kom niks kort nie. n Middeljarige vrou sê hare is, God is vir ons 'n toevlug en 'n beskerming; Hy was nog altyd bereid om te help in nood Ps 46:2. En so het elkeen geantwoord totdat n ou oom van 80 opstaan en sê, my

6 gunsteling gedeeltes is al die gedeeltes waar die Here belowe dat iets nie vir altyd sal aanhou nie. Almal in die groep het gelag en gedink die ou oom se verstand is besig om hom te verlaat. Nadat hulle opgehou lag het, het hy gesê, Toe ek 30 jaar oud was het ek my werk verloor... daar was 6 honger mondjies en my vrou om kos te gee... Dit was baie moeilik... Op 40 is my oudste seun in n oorlog dood... ek was platgeslaan... Op 50 het ons huis afgebrand, tot op die grond... Toe ek 60 jaar oud was het my vrou met wie ek 40 lank getroud is, kanker gekry... Ons het saam gehuil, saam gebid... Toe ek 65 jaar oud was, is sy oorlede en ek mis haar vandag nog. Die pyn en seer wat ek tydens elkeen van hierdie geleenthede moes deur maak, was ongelooflik. Ek het gewonder, waar is God. Maar elke keer wat ek in die Bybel na iets gesoek het, het ek op dié verse afgekom wat sê, dit sal nie vir altyd aanhou nie. Daar is soveel voorbeelde in die Psalms en profete en ander boek waar iemand uit nood na die Here roep en dan antwoord die Here deur te sê, dit sal nie vir altyd aanhou nie. En dan het ek gevoel dat God vir my wil sê, jou pyn en omstandighede sal ook verbygaan en Ek sal jou daardeur help. (Van n preek deur Stephen Sheane ek het dit vertaal en n bietjie aangepas om in Afrikaans meer sin te maak). Miskien moet ek en jy vandag of iewers in die week tyd maak om terug te kyk tyd maak om te vra of regtig erns maak met ons verhouding met God... En wanneer ons dit doen onthou dan jy het Hom nie gekies nie - Hy het jou gekies... jy het nie n verbond met Hom gesluit nie Hy het n verond met jou gesluit. Wat n voorreg en wat n voorreg om dit oor en oor te hoor sodat ek dit nie kan vergeet nie. Amen. Respons na die prediking: Gesang 278 (2x) Dankgebed: Slotsang: Gesang 510:1-4 Seën.