FPSA RAADS EKSAMEN. Examination date/eksamendatum: 19 NOVEMBER :00 13:15 (4 hours/ure 15 min) Total marks/totale punte: 150

Transcription

1 FPSA RAADS EKSAMEN Examination date/eksamendatum: 19 NOVEMBER 2012 Time/Tyd: 9:00 13:15 (4 hours/ure 15 min) Total marks/totale punte: 150 You are expected to answer three sections of 50 marks each. Daar word van u verwag om drie afdelings van 50 punte elk te beantwoord. Section A is compulsory for everybody, except for students who have already passed this section. Afdeling A is verpligtend vir almal, behalwe vir studente wat dit reeds geslaag het. Note that candidates who have passed one or two sections previously will only receive the section(s) not passed. Time available to complete 1 paper will be 1 hour 30 minutes and for two papers 3 hours. Let op dat kandidate wat reeds een of twee dele geslaag het sal slegs die dele nog nie geslaag nie ontvang. Tyd beskikbaar om een vraestel te voltooi is 1 uur 30 minute en om twee te voltooi 3 ure. Only answers in your own handwriting in the official answer book will be considered. Slegs antwoorde in u eie handskrif in die amptelike antwoordboek sal oorweeg word. 1

2 AFDELING A: DIE WET EN ETIEK IN FIDUSIÊRE DIENSTE VERPLIGTE AFDELING (50 PUNTE) VRAAG 1 Dui aan of die volgende stellings waar of onwaar is en motiveer u antwoorde. Geen punte sal toegeken word indien geen motivering gegee word nie, of indien ʼn verkeerde motivering gegee word. 1.1 Die Grondwet van die Fidusiêre Instituut van Suid-Afrika (FISA) bepaal dat een van die doelwitte van die Instituut is: Om seker te maak dat lede die hoogste professionele en etiese standaarde handhaaf in die nastrewing van hulle professie. FISA se standaarde vir etiek word gebaseer op die beginsels van verantwoordelike optrede en bevoegdheid. (2 x ½ = 1) 1.2 Phyllis, ʼn afgetrede boekhouer, is ʼn trustee van haar broer se testamentêre trust en sy het haar vader se boedel beredder. Sy vervul al die administratiewe funksies van ʼn trustee. Phyllis hoef nie aan die Regulasies van die Wet op die Finansiële Intelligensiesentrum, 38 van 2001, te voldoen om die identiteit van ʼn trust te bepaal en te verifieer nie. (2 x ½ = 1) 1.3 Indien ʼn eksekuteur sou versuim om die Eerste en Finale Likwidasie-en- Distrubisierekening in te dien, kan die Meester, na ʼn voldoende tydperk van kennisgewing aan die eksekuteur, by die hof aansoek doen om n bevel wat die eksekuteur opdrag gee om aan die Meester verantwoording te doen vir sy bereddering van die boedel. (2 x ½ = 1) 1.4 Hoofmeestersdirektief 3 van 2006 sê dat ʼn naasbestaandeverklaring voltooi moet word deur iemand wat die oorledene en sy/haar familie goed geken het, en dat dit in die teenwoordigheid van 2 getuies wat nie aan die oorledene verwant was nie, gedoen moet word. (2 x ½ = 1) 1.5 Die volgende opskrif van ʼn likwidasie-en-distrubisierekening voldoen aan die vereistes van die Boedelwet, 66 van 1965: Eerste en Finale Likwidasie-en-Distrubisierekening in die intestate boedel van die oorlede Minnie Mouse, wat op 16 Desember 2008 oorlede is, binne gemeenskap van goedere getroud met Mickey Mouse. Meestersverwysingsnommer 234/2008/12. (2 x ½ = 1) 1.6 ʼn Minderjarige mag in ʼn testament as eksekuteur benoem word. (2 x ½ = 1) [6] 2

3 VRAAG 2 Kies die korrekte opsie(s) deur die ooreenstemmende letter langs die vraagnommer neer te skryf. Daar kan meer as een korrekte antwoord vir elke vraag wees. 2.1 Peter, ʼn professionele fidusiêre praktisyn en ʼn lid van FISA, word as trustee van ʼn testamentêre trust onthef deur die Meester wat hom aangestel het aangesien hy na bewering nie die bepalings van die trust uitvoer nie en versuim om te voldoen aan ʼn versoek van die Meester. Watter van die volgende opsies is beskikbaar vir Peter? a) Peter kan by die provinsiale of plaaslike afdeling van die Hooggeregshof wat jurisdiksie het appèl aanteken teen die besluit. b) Peter mag die Magtigingsbrief behou. c) Peter moet onmiddellik voldoen aan die Meester se versoek en heraansoek doen vir sy aanstelling as trustee. d) Peter moet by die hof aansoek doen om herstel en hy moet die hof tevrede stel dat, ten spyte van die feit dat hy nie presteer het nie, sy verwydering nie in die belang van die trust en die begunstigdes sal wees nie. Hy moet redes gee waarom hy nie presteer het nie. e) Peter moet FISA nader vir hulp indien hy gegrief voel. (1) 2.2 Kies die aksie(s) hier onder wat op ʼn oortreding kan neerkom en FISA se Gedragkode oortree: a) Jack gaan gereeld op vakansie saam met sy broer, Piet, wat die bestuurder is van ʼn plaaslike bank waar Jack bankrekeninge vir die meeste van sy bestorwe boedels open. b) Toe hy gevra is, het Peter, ʼn werknemer van BIG Bank Trust, vir kliënte gesê dat Warren, ʼn voormalige kollega, nie meer ʼn trustbeampte is nie aangesien hy uit FISA geskors is en dat hy sedertdien uit BIG Bank Trust bedank het. c) Janet, ʼn boedelberedderaar vir LITTLE Bank Trust, vertraag eensydig die verkoop van ʼn vaste eiendom in ʼn boedel vir 14 maande om tyd te gee vir die mark om te herstel sodat sy ʼn hoër verkoopprys kan kry vir die begunstigdes wat platsak is. d) Susan reël gereeld pokerspelbyeenkomste saam met haar kliënte by haar huis. Sy vra vir elke kliënt R200, wat versnaperinge en drankies dek. e) Johann adverteer sy dienste as ʼn fidusiêre praktisyn op sy Facebook-profiel. Hy sê dat fidusiêre praktisyns die Meester se voorkeurberedderaars van bestorwe boedels is. Hy heg verskeie artikels deur Bruce Cameron aan om hierdie stelling te ondersteun. (1) 3

4 2.3 Aanspreeklike instansies, soos omskryf in Artikel 2 van Bylaag 1 van die Wet op die Nasionale Intelligensiesentrum, 38 van 2001, is nie vrygestel van die nakoming van die plig van identifisering en die behoorlike hou van rekords ten opsigte van die volgende soort transaksie(s) nie: a) Administrasie van ʼn inter vivos trust, as trustee. b) Die opstel van ʼn testament, insluitend ʼn testamentêre trust. c) Bereddering van ʼn bestorwe boedel as die eksekuteur van daardie boedel. d) Administrasie van ʼn trust, as trustee, wat deur ʼn hofbevel opgerig is. e) Die opstel van ʼn kodisil. (1) 2.4 Harriet Noble moet die dood van haar man by die Meester aanmeld, maar sy versuim om dit binne die voorgeskrewe tydperk te doen. Die Meester doen by die hof aansoek om ʼn bevel wat Harriet onderhewig stel aan die volgende straf (of strawwe): a) ʼn Boete van nie meer as R50 nie. b) Tronkstraf vir ʼn tydperk van nie meer as 1 (een) maand nie. c) ʼn Hofbevel wat Harriet verplig om die dood aan te meld binne ʼn tydperk waaroor die hof besluit. d) ʼn Boete van nie meer as R50 nie en tronkstraf vir ʼn tydperk van nie meer as 3 maande nie, opgeskort hangende Harriet se aanmelding van die dood binne 14 dae na die skuldigbevinding. e) ʼn Vermindering van die straf indien Harriet die dokumente binne 14 dae van die versoek deur die Meester inlewer. (1) 2.5 Enige persoon wat opsetlik ʼn valse rekening by die Meester indien, sal: a) na aansoek deur die Meester deur die hof opdrag gegee word om ʼn korrekte rekening in te dien een maand nadat die bevel uitgereik is. b) indien skuldig bevind word aan ʼn oortreding, sal hy/sy ʼn boete opgelê word van nie meer as R1 000 nie of tronkstraf vir ʼn tydperk van nie meer as 5 (vyf) jaar nie, of albei. c) skuldig wees aan die oortreding van FISA se Gedragskode en sal ingeroep word om voor FISA se Dissiplinêre Komitee te verskyn, ongeag of so persoon n lid is van FISA. d) onmiddellik as eksekuteur deur die Meester verwyder word, op voorwaarde dat die Meester voldoen aan die proses soos vervat in die Boedelwet, 66 van e) deur middel van n aansoek deur die hof as trustee van n trust verwyder word indien hy/sy skuldig bevind en gevonnis word. (1) 4

5 2.6 ʼn Eksekuteur testamentêr mag ʼn mede-eksekuteur slegs aanstel indien: a) die testament uitdruklik hierdie mag van assumpsie aan die eksekuteur testamentêr toeken. b) al die begunstigdes instem tot die assumpsie. c) die Meester n eksekuteursbrief aan die eksekuteur testamentêr uitgereik het. d) die eksekuteur testamentêr ʼn akte van assumpsie verly ten opsigte van die persoon wat aangestel word. e) die persoon deur assumpsie aangewys hoef slegs n voltooide en getekende Aanvaarding van Amp by die Meester indien. (1) [6] VRAAG 3 In baie gevalle het die Meester van die Hooggeregshof dieselfde magte as die Hooggeregshof, hoewel hierdie magte nie altyd ooreenstem nie. Die Meester of die Hooggeregshof mag byvoorbeeld ʼn eksekuteur uit sy amp verwyder, hoewel artikel 54 van die Boedelwet, 66 van 1965, voorbeelde bevat waar slegs die Hof ʼn eksekuteur uit sy amp mag verwyder. Hierdie regterlike en kwasiregterlike funksie van die Meester is veral duidelik in die volgende gevalle: die aanvaarding en registrasie van testamente; die interpretasie van testamente; en die verkoop van vaste bates uit die boedel. Dui kortliks in elk van die drie gevalle hier bo aan wat die Meester se regterlike of kwasiregterlike funksie behels. [6] VRAAG 4 Adam is ʼn trustee van die Diamond Familietrust. Een van die begunstigdes dien ʼn klagte in verband met Adam se uitvoering van sy pligte as trustee by die Meester van die Hooggeregshof in. Die begunstigde beweer dat sekere onreëlmatighede plaasgevind het ten opsigte van die verkoop van ʼn aandeleportefeulje van die trust. 4.1 Watter stappe kan die Meester ingevolge die Wet op die Beheer oor Trustgoed, 57 van 1988, neem om die situasie reg te stel en om verdere wanadministrasie te verhoed voor daar aansoek gedoen word om ʼn hofbevel om Adam te verwyder? (5) 4.2 Verduidelik kortliks watter proses die begunstigde kan volg indien Adam ʼn lid van FISA is. (2) [7] 5

6 VRAAG 5 Michelle, ʼn lid van FISA, is onlangs deur die alleentrustee gevra om aandag te gee aan die administrasie van die Pink Will Trust. Pink Will Trust is ʼn nie-diskresionêre trust. Gedurende haar rekonsiliasie van die trustrekeninge, let sy op dat die trustakte bepaal dat ʼn sekere vaste eiendom verkoop moet word wanneer die jongste begunstigde 21 word. Die jongste begunstigde is 31 jaar oud en die eiendom is nie verkoop nie. 5.1 Verduidelik kortliks watter stappe Michelle ingevolge die Wet op die Beheer oor Trustgoed, 57 van 1988, moet volg. (5) 5.2 Watter moontlike strafmaatreëls, indien enige, kan ingevolge die Wet op die Beheer oor Trustgoed, 57 van 1988, en as lid van FISA vir Michelle opgelê word indien sy sou versuim om die stappe soos verduidelik in 5.1. hier bo, te volg? (2) [7] VRAAG 6 Orange Bank Trust Maatskappy en Green Bank Trust Maatskappy is albei lede van FISA. Hulle onderskeie beheermaatskappye, naamlik Orange Bank en Green Bank, het onlangs met ʼn mededingende en openbare prysoorlog begin. Elkeen beweer dat hy die laagste bankkostes aanbied. Orange Trust Bank Maatskappy plaas ʼn advertensie in ʼn plaaslike koerant wat die volgende bevat: ʼn Lys van hulle dienste Die FISA-logo ʼn Leuse wat sê: Orange lewer superieure fidusiêre dienste en het die beste omkeertyd vir boedellikwidasies. Kontak ons vir die beste waarde vir jou geld. Green Bank Trust Maatskappy dien ʼn klag teen Orange Bank Trust Maatskappy by FISA in en beweer dat Orange Bank Trust Maatskappy FISA se gedragskode (Code of Ethics and of Professional and Responsible Conduct) oortree het. Met verwysing na elk van die items wat op die advertensie genoem word, verduidelik of Orange Bank Trust Maatskappy FISA se Etiese en Professionele en Verantwoordelike gedragskode oortree het of nie. Motiveer jou antwoord. [5] 6

7 VRAAG 7 ʼn Aanspreeklike instansie moet, vir die doel om die identiteit van die belangrikste natuurlike persone wat as begunstigdes van ʼn trust benoem word te bepaal en te verifieer, sekere dokumente by die persoon wat namens die trust optree bekom, soos voorgeskryf deur die Wet op die Finansiële Intelligensiesentrum, 38 van Noem die dokumente wat algemeen versoek word en verwys na gesag. (4) 7.2 Wat is die boete indien daar nie aan hierdie vereiste voldoen word nie? (2 x ½ = 1) [5] VRAAG Elfred is deur die Meester verwyder as ʼn trustee van die MegaTron Trust. Nadat die ondersoek teen Elfred afgehandel is, is daar vasgestel dat die Meester se redes vir Elfred se verwydering onregverdig was. Elfred wil weer as trustee van die MegaTron Trust herstel word en nader u vir advies. Adviseer Elfred oor sy moontlike heraanstelling as ʼn trustee en verwys na toepaslike hofuitsprake. (3) 8.2 Die Nikkle Trust (in 1987 opgerig) bevat die volgende bepaling: Die trustees word bemagtig om studiebeurse toe te ken aan blanke manlike studente wat lede van die Nederduitse Gereformeerde Kerk is en wat graag chemiese ingenieurswese wil bestudeer. ʼn Gegriefde aansoeker wil graag hê dat die bepaling van die trustakte geskrap moet word omdat hierdie bepaling diskrimineer teen vroulike en nie-blanke aansoekers en aansoekers van ander gelowe wat nie chemiese ingenieurswese wil studeer nie. Die trustees het jou genader vir advies oor die verwydering van die bepaling. Adviseer die trustees asseblief dienooreenkomstig en verwys na gesag in jou antwoord. (5) [8] [TOTAAL: 50 PUNTE] 7

8 AFDELING B BEREDDERING VAN BESTORWE BOEDELS (50 PUNTE) VRAAG 1 Beantwoord die vrae hier onder deur die korrekte opsie te kies uit i tot iv. Kies die korrekte opsie(s) deur die ooreenstemmende letter(s) langs die vraagnommer neer te skryf. Daar kan meer as een korrekte antwoord vir elke vraag wees. Vraag 1.1 Watter dokument(e) word deur die Suid-Afrikaanse Inkomstediens (SAID) verlang om die oorledene se leningsrekeningwaarde in ʼn privaat maatskappy, waarvan hy ʼn aandeelhouer was, goed te keur? Kies die korrekte stelling. a) Finansiële Jaarstate so na as moontlik aan die afsterwe.. b) Finansiële Jaarstate vir die 3 jaar voor die datum van dood. c) Waardasie van enige vaste eiendom op die voorgeskrewe Vorm Rev 246. d) Ouditeur se waardasie van die aandele en die leningsrekening. i) b ii) c iii) Al die bogenoemde iv) Geen van die bogenoemde (1) Vraag 1.2 U hanteer ʼn bestorwe boedel en na die advertensie ingevolge artikel 29 van die Boedelwet, 66 van 1965, verstryk het, is dit duidelik dat die boedel insolvent is. Kies die korrekte stelling. a) U het opdrag van enige krediteur nodig om die boedel ingevolge die Insolvensiewet, 24 van 1963, oor te gee. b) Polisse wat aan benoemde begunstigdes betaalbaar is, kan ingevolge Artikel 63 van die Wet op Langtermynversekering, 52 van 1998, hertoegewys word. c) Krediteur kan nie beslag lê op opbrengste van versekeringspolisse wat vir minder as 3 jaar bestaan en wat aan die boedel betaalbaar is nie, ingevolge Artikel 63 van die Wet op Langtermynversekering, 52 van d) Krediteur kan beslag lê op opbrengste van versekeringspolisse wat vir minder as 3 jaar bestaan en wat aan ʼn benoemde begunstigde betaalbaar is, ingevolge Artikel 63 van die Wet op Langtermynversekering, 52 van i) a ii) b iii) c iv) Geen van bogenoemde (1) 1

9 Vraag 1.3 U hanteer die boedel van ʼn inwoner van Suid-Afrika, wat sy huis in Parys, Frankryk, bemaak het aan sy broer wat ʼn inwoner van Suid-Afrika is maar in Engeland bly. Hy (die oorledene) het die huis geërf by sy tante, wat nooit ʼn inwoner van Suid-Afrika was nie. Watter van die volgende opsies sal van toepassing wees wanneer u voor hierdie scenario te staan kom? Motiveer asseblief u antwoord. a) U moet die bate by die boedelrekening insluit onder die gedeelte vir bates en laste van die boedelrekening. b) Eksekuteursvergoeding op die bate is 3,5% (plus BTW), tensy anders gespesifiseer in die testament. c) Dit is nie nodig om die bate by jou boedelrekening onder die Boedelbelastingaddendum van die boedelrekening in te sluit nie aangesien die eiendom nie ʼn Suid-Afrikaanse bate is nie. d) Geen boedelbelasting sal direk as gevolg van die bate toeval nie. i) a ii) b iii) c iv) d (1) Vraag 1.4 Watter van die volgende stellings gee ʼn korrekte weerspieëling van die kapitaalwinsbelastingimplikasies vir die bestorwe boedel van ʼn 45-jarige man, wat buite gemeenskap van goedere met uitsluiting van die aanwasbedeling getroud was, en wat op 10 April 2012 oorlede is? a) Indien die langslewende gade die alleenerfgenaam is, is die oorrol -beginsel van toepassing en die waarde wat sy in die toekoms as die basiskoste van die bate moet gebruik, is die geswore waardasie van die eiendom op die datum van dood. b) Die maksimum effektiewe belastingkoers is 13,3%. c) Die jaarlikse uitsluiting van R word in die jaar van dood aan individue toegestaan. d) Daar is geen KWB-implikasies op die klein besigheid wat hy van nuuts af begin het en op 2 April 2012 vir R verkoop het nie, want dit val onder die uitsluiting van R vir klein besighede. i) b ii) a en b iii) a, b en d iv) Al die antwoorde hier bo (1) [4] 2

10 VRAAG 2 Bespreek kortliks die kern kwessies wat u in die vrae hier onder identifiseer. Vraag 2.1 Verduidelik die hoofdoelwit van die Hoofmeestersdirektief 4 van (1) Vraag 2.2 Tydens die voorlopige boedeloorsig, toe die boedel aangemeld is, word u oor die volgende ingelig: U oorlede kliënt, Ravi Pillay, het ʼn inkomste van R per jaar uit ʼn trust ontvang. Hierdie inkomste het by sy dood gestaak. Ravi was 36 jaar oud Gebruik die tabelle hier onder om die stakende annuïteit te bereken en dui aan onder watter gedeelte(s) van die boedelrekening dit weerspieël moet word. (2) Tabel A - Lewensverwagtingstabel Tabel B Tabel vir Saamgestelde Rente Jare Manlike annuïtante Jare 12% Veronderstel u moes die stakende belang bereken op ʼn vruggebruik wat u vader gehad het oor ʼn aandeleportefeulje waarvan u die eienaar van die blote eiendomsreg is. Watter deel van die standaardberekening sal u verander wanneer u die stakende belang bepaal? (1) 3

11 2.2.3 Wanneer ʼn mens ʼn stakende vruggebruik bereken, is daar twee belangrike stappe om die gekapitaliseerde waarde te bepaal. Verduidelik die rede vir die tweede stap. (1) Vraag 2.3 U kollega het die voorlopige kliënteonderhoud gehanteer en gee die volgende inligting en dokumentasie aan u om te gebruik vir die verkryging van die Eksekuteursbrief / Aanstellingsbrief van die Meester: Die oorledene het intestaat gesterf. Hy was buite gemeenskap van goedere, in terme van ʼn voorhuwelikse kontrak, sonder die aanwasbedeling, getroud. Oorspronklike sterftesertifikaat. Sterftekennisgewing. Inventaris wat bevestig dat voorlopige boedelwaarde R is. Rekords van bespreking tydens voorlopige onderhoud. Gesertifiseerde afskrif van die identiteitsdokument van die oorledene. Aanvaarding van Trust deur eksekuteur wat nie aan die vereiste van Regulasie 910 voldoen nie. Gesertifiseerde afskrif van die identiteitsdokument van die eksekuteur wat aangestel word. Noem minstes 8 addisionele dokumente wat verskaf moet word voor die Meester ʼn Eksekuteursbrief sal uitreik. (8x½=4) [9] VRAAG 3 Vraag 3.1 U is so pas in kennis gestel van die dood van u kliënte, wie se detail hier onder uiteengesit word. Hulle het albei intestaat gesterf. U gaan die families binnekort ontmoet. Sanele Gumede is in 1982 met Sibonyile Gumede getroud en die seremonie is formeel as ʼn burgerlike verbintenis (civil marriage) opgeteken, en die register is by die plaaslike kerk onderteken. Sanele is in Junie 2012 oorlede en het geen afstammelinge nagelaat nie, maar het ʼn totale boedel (alle items op sy naam) van R gehad. Jack en Jill Donaldson is in 1996 in dieselfde kerk getroud en hulle het presies dieselfde proses as Sanele en Sibonyile gevolg. Jill is in Junie 2012 intestaat oorlede en het geen afstammeling nagelaat nie, maar het ʼn totale boedel (alle items op haar naam) van R gehad. 4

12 3.1.1 Verduidelik en bereken wat elke langslewende gade uit die intestate boedel sal erf en verduidelik waarom. Verwys na gesag. (3) Hoe sou die antwoord wat u in gegee het in elke geval verskil het indien elke gesin een kind gehad het. Verwys na gesag. (3) Vraag 3.2 U kliënt, David, is ingevolge die gewoontereg met Nombeko getroud en die huwelik is as sodanig geregistreer. Daar is geen ander partye betrokke nie. Hulle het u advies kom vra oor die registrasie van ʼn burgerlike huwelik en die opstel van hulle testamente. Hulle het 2 kinders (6 en 16 jaar oud). Nie een van die partye het enige ander kinders nie. David sterf voordat die huwelik as ʼn burgerlike huwelik (civil marriage) geregistreer is en hy sy testament onderteken het. Albei hulle kinders, sowel as Nombeko, oorleef hom. Sy boedel bestaan uit een bankrekening ter waarde van R Bereken en verduidelik wie uit die boedel sal erf en verduidelik waarom. (3) Verduidelik of u enige probleme voorsien met die maak van direkte betalings aan al die erfgename. (1) Bespreek of u antwoord in anders sal wees indien hulle die burgerlike huwelik sou registreer het. (1) Word Nombeko vir boedelbelastingdoeleindes as ʼn gade beskou? Verduidelik die redes vir u antwoord. (1) [12] VRAAG 4 Monique, 45 jaar oud, en Martin, 39 jaar oud, is op 6 Junie 2010 getroud. Hulle het ʼn voorhuwelikse kontrak aangegaan met insluiting van die aanwasbedeling. Martin het geen kinders nie en is voorheen in 2004 en 2009 geskei. Monique het twee kinders uit ʼn vorige huwelik. Carl, haar seun, is 19. Haar dogter Jennifer (25 jaar oud) is oorlede ʼn week voor Monique in ʼn motorongeluk dood is. Jennifer se dogters, Kyla en Wendy, wat albei minderjarig is, het Jennifer oorleef. Ten tyde van haar dood op 6 Maart 2012 was Monique ʼn direkteur en 50%-aandeelhouer van die privaat maatskappy Sea the World Tours (Edms.) Bpk. wat in bootvaarte om die wêreld spesialiseer. Martin is ʼn gewilde tennisafrigter. 5

13 Die volgende bates van Monique, wat intussen waar nodig deur die Kommissaris bekragtig en goedgekeur is, word weerspieël in die inventaris wat by die Meester van die Hooggeregshof ingedien is. Huis (primêre woning van Monique en Martin) Nota 1 R Meubels en huishoudelike besittings R Mercedes SLK (in ongeluk beskadig) Nota 2 R Sea the World Tours (Edms.) Bpk. - 50% aandeelhouding Nota 3 R Leningsrekening R Outperformance-skema aandele Nota 4 R HSBC Guernsey Buitelandse effektetrust Nota 5 R Sanlam gewone aandele Nota 6 R Groeplewensversekering betaalbaar aan haar boedel R Lewenspolis A Nota 7 R Martin se bates op die datum van Monique se dood op 6 Maart 2012 Porsche Boxster Nota 8 R Bankrekening R In die voorhuwelikse kontrak is die aanvangswaardes vir elkeen van hulle se boedels soos volg: Monique Huis (primêre woning waarin Monique en Martin woon) R Meubels en huishoudelike besittings R Sea the World Tours (Edms.) Bpk. - 50% aandeelhouding R Leningsrekening R gewone aandele van Sanlam R Groeplewensversekering betaalbaar aan boedel, afkoopwaarde R Lewenspolis B R Martin Porsche Boxster R Bankrekening R

14 Die volgende bates is vir die doel van aanwas in die voorhuwelikse kontrak uitgesluit: Enige pensioenfondsbates Meubels en huishoudelike besittings gewone aandele van Sanlam Die waardes van die VPI-indeks word soos volg gegee: Aanvangsdatum 6 Junie Maand van dood 6 Maart Notas 1 Daar is ʼn verband vir R oor die huis. 2 Die Mercedes SLK waarin sy dood is, is afgeskryf en die waarde van die motor is na haar dood in die boedel se bankrekening inbetaal. Die motor is deur Sea the World Tours (Edms.) Bpk. besit. 3 Die maatskappy is onlangs weer geëvalueer in ooreenstemming met die vereistes voor notering op die JSE. 4 Die aandele wat ingevolge die Outperformance-skema toegeken is, is toegeken en aanvaar teen ʼn trefprys (strike price) van R15 laat in 2010 en is deur die eksekuteur verkoop vir R25. 5 Die HSBC-belegging is gemaak uit fondse wat oorsee gestuur is ingevolge haar goedgekeurde toelaag vir buitelandse beleggings. 6 Die Sanlam-aandele is gewaardeer met dividend van 5% van die totale waarde wat weerspieël is. 7 Lewenspolis A, op Monique se lewe en met geen benoemde begunstigdes nie, is aan die bank gesedeer vir die verband in securitatem debiti. 8 Martin skuld R aan ʼn finansieringshuis vir afbetalingsfinansiering vir sy Porsche. 9 Daar is geen onderhoudsverpligtinge teen Monique of Martin ingevolge hulle egskeidingsbevele nie. 10 Monique het ʼn kredietkaart by ABSA Bank. Die huidige uitstaande balans is R Monique het ook ʼn oortrokke tjekrekening vir R25 000, wat binne haar kredietlimiet van R is, by ABSA Bank. 12 Die bank wat die kredietkaart uitgereik het, sluit volledige kredietlewensbeskerming in vir al die kliënte se kredietprodukte. Die premie daarvan vorm deel van die maandeliks bankkostes. 7

15 Monique se testament 1 Sy laat 20% van die restant van haar boedel na aan haar vriend, James. 2 Sy laat 30% van die restant van haar boedel na aan haar man, Martin. 3 Sy laat 50% van die restant van haar boedel na aan haar kinders, in gelyke dele. 4 Eksekuteursvergoeding wat betaalbaar is, is 3,5% (plus BTW) op die eerste R en 1% (plus BTW) op enige bedrag daarna. Verdere notas 1 Haar vriend, James, is voor haar oorlede en het 2 minderjarige kinders, Jack en Jill, agtergelaat. 2 Geen ander administrasiekostes moet in berekening gebring word nie. Vraag 4.1 Bereken die aanwaseis teen of ten gunste van Monique se boedel. Toon al u berekeninge. Gebruik slegs die Rand-waardes wat hier bo gegee word. Moenie enige verdere aannames ten opsigte van laste maak nie. (16) Vraag 4.2 Bereken die eksekuteursvergoeding en Meestersgelde wat in Monique se boedel betaalbaar is. Toon al u berekeninge. (3) Vraag 4.3 Stel ʼn skedule op wat al die erfgename in die boedel uiteensit en gee die verskillende persentasies wat elke begunstigde sal ontvang. Geen berekening van werklike erfenisse is nodig nie, maar u moet verduidelik waarom elke persoon sal erf asook wat hulle sal erf. (6) [25] [TOTAAL: 50 PUNTE] 8

16 AFDELING C: OPSTEL VAN TESTAMENTE EN TESTAMENT KONSULTASIES (50 PUNTE) VRAAG 1 Karel Kliënt (49 jaar oud) is 25 jaar gelede buite gemeenskap van goedere, met die insluiting van die aanwasbedeling, getroud met Sarah. Die aanvangswaardes van albei hulle boedels in terme van die huweliksvoorwaardekontrak was nul. Sarah het weens gesondheidsprobleme nooit gewerk nie en het tydens die bestaan van die huwelik geen inkomste verdien nie. Karel en Sarah is die ouers van twee meerderjarige kinders, Sonja en Peter. Sonja is 'n ongetroude student en bly steeds in die woonhuis by haar ouers. Peter is getroud en finansieel onafhanklik. Ouma Kariena Kliënt, Karel se moeder, bly ook in die woonhuis saam met Karel, Sarah en Sonja. Karel sorg finansieel vir ouma Kariena. Hier volg ʼn lys van Karel se bates en laste. Beantwoord die vrae wat volg op die lys. Neem slegs die bates en laste wat gelys word in ag. Kontantbelegging van R in ʼn vaste deposito vir twee jaar by Blue Hill Bank. Die deposito is een jaar gelede gemaak. Woonhuis gewaardeer vir R Uittredingsannuïteit by RAFSA, waarvan die fonds waarde R is. 'n Lewenspolis by Future Life Limited, op Karel se lewe. Sy twee kinders is as begunstigdes op die polis benoem. Die waarde van die doodseis beloop R Daar is 'n uitstaande verbandlening van R by Blue Hill Bank, met as sekuriteit ʼn verband oor die woonhuis. ʼn Oortrokke lening van R by Blue Hill Bank. Karel het geen ander skuld nie. (Ignoreer alle moontlike administrasiekoste) 1

17 Vraag 1.1 Indien Karel vandag te sterwe kom, kan die onderstaande persone n eis teen Karel se bestorwe boedel instel? Motiveer jou antwoord volledig Sarah Sonja Peter Kariena (2) Vraag 1.2 Karel wil hê dat die volle waarde van sy uittredingsannuïteit volgens sy testament in twee gelyke dele aan sy kinders, Sonja en Peter, bemaak moet word. Verduidelik aan Karel of dit moontlik is om in ʼn testament uitvoering te gee aan die bogenoemde wens. In jou antwoord moet jy verwys na wat in die praktyk by sy afsterwe met die uittredingsannuïteit sal gebeur en hoe die eksekuteur daarmee sal handel. (4) Vraag 1.3 Karel meld verder dat hy graag wil hê dat die restant van sy bates (wat volgens hom die huis en die opbrengs van die Future Life-polis insluit) by sy afsterwe na sy gade moet gaan Verduidelik aan Karel of dit moontlik is om uitvoering te gee aan sy wense met betrekking tot die restant van sy boedel en die lewenspolis. Verduidelik, deur onder andere die waardes in die bogemeldede lys te gebruik, wat in die praktyk by sy afsterwe sal gebeur met die restant van sy boedel en met die lewenspolis. Verduidelik ook hoe die eksekuteur met die restant sal handel. (8) Formuleer ʼn klousule in die testament om Karel te help om uitvoering te gee aan sy wense soos gegee in (2) Vraag 1.4 Karel is nie seker wie om as eksekuteur aan te stel nie en hy versoek jou om nie 'n eksekuteursklousule in die testament in te voeg nie. Verduidelik aan Karel wat die praktiese gevolge sal wees as daar by sy afsterwe geen aanwysing van ʼn eksekuteur in sy testament is nie. (3) 2

18 Vraag 1.5 Karel besluit om sy broer, Gert Kliënt, as eksekuteur van sy boedel aan te stel. Formuleer die eksekuteursklousule soos dit in die testament moet verskyn. (3) [22] VRAAG 2 U moet John en Marie adviseer oor hulle testament. Hulle is tien jaar gelede getroud en het een kind, Wanda, wat 5 jaar oud is. John en Marie reis dikwels saam en is bang dat hulle gesamentlik in 'n ongeluk te sterwe sal kom. John en Marie wil hê dat die langslewende van hulle die totale boedel van die eerssterwende moet erf, maar indien hulle gelyktydig te sterwe kom, moet albei boedels aan Wanda vererf. Vraag 2.1 Verduidelik aan hulle wat die oorwegings en probleme is rondom gesamentlike afsterwe in die konteks van testamente en erfreg. Voorsien u dat hierdie oorwegings en probleme van besondere belang gaan wees in hulle geval, gegewe hulle wense? Motiveer u antwoord. (3) Vraag 2.2 Adviseer vir John en Marie rakende die struktuur van hulle testament, gesien in die lig van hulle wense? (U hoef nie die klousules te formuleer nie.) (5) [8] VRAAG 3 Christiaan Beukes raadpleeg u oor die opstel van 'n testament vir sy minderjarige seun, Chris. Chris is nog op skool en hy is in sy oupa (wat sterwend is) se testament aangewys as die erfgenaam van ʼn plaas. Vraag 3.1 Is daar enige beletsel teen die vererwing van die plaas aan Chris? Motiveer u antwoord en verwys kortliks na enige praktiese implikasies. (2) Vraag 3.2 Is dit moontlik dat Chris (junior) ʼn geldige testament kan opstel? Motiveer u antwoord en verwys na relevante gesag. (4) 3

19 Vraag 3.3 Verduidelik aan Christiaan of dit moontlik is dat sy dogter, Carien, wat jonger is as Chris, as getuie 'n testament mag onderteken. Motiveer u antwoord en verwys na relevante gesag. (3) [9] VRAAG 4 U kliënt, Sarel Bothma, deel u mee dat hy binne gemeenskap van goedere getroud is met Susara. Tydens die huwelik het hy ʼn plaas, Luipaardsfontein, gekoop. Hy nader u vir advies oor die uitvoerbaarheid van ʼn bemaking in sy huidige testament wat soos volg lees: "Ek bemaak hiermee my plaas, Luipaardsfontein, aan my seun, Gerhardus Stefanus Bothma. Verduidelik aan Sarel die verskillende faktore wat in ag geneem moet word wanneer die eksekuteur sy boedel gaan beredder. In u antwoord moet u (onder andere) die effek van adiasie bespreek. [5] Vraag 5.1 VRAAG 5 'n Testateur bemaak sy totale boedel aan my broers A en B, in gelyke dele. B sterf vóór die testateur en laat afstammelinge na. Verduidelik hoe die testateur se boedel verdeel gaan word by sy afsterwe. Motiveer u antwoord volledig en verwys na gesag. (3) Vraag 5.2 n Testateur laat sy totale boedel aan my kinders A en B, in gelyke dele na. B sterf voor die testateur en laat afstammelinge na. Verduidelik hoe die testateur se boedel verdeel gaan word by sy afsterwe. Motiveer u antwoord volledig en verwys na gesag. (3) [6] [TOTAAL: 50 PUNTE] 4

20 AFDELING D: TRUSTADMINISTRASIE (50 PUNTE) VRAAG 1 Vraag 1.1 Beantwoord die vrae hier onder deur die korrekte opsie uit i tot iv te kies. Motiveer u antwoord volledig en verwys na gesag. Dui die gevalle aan waar ʼn hof die trustinstrument kan skrap of verander indien die dokument enige bepaling bevat wat gevolge inhou wat die oprigter van die trust nie beoog of voorsien het nie. a. Belemmer die bereiking van die doelwit van die begunstigdes. b. Stel die belange van die trustees in gevaar. c. Is in konflik met openbare belang. d. Waar die begunstigdes minderjariges is. Kies enige een van die volgende opsies om die vraag te beantwoord. i) a en b ii) d iii) a iv) c (1) Vraag 1.2 U advies word gevra in verband met die bepalings van die Lucky Familietrust. Die oprigter van die trust was mnr. Lucky Rixon, wat ʼn paar jaar gelede oorlede is. Die inkomstebegunstigde van die genoemde trust is Lucky se vrou, Amy. Amy is ook ʼn trustee van die trust, saam met Lucky se boekhouer en prokureur. Hulle vier kinders is die kapitaalbegunstigdes van die trust. Die bates van die trust is ʼn aandeleportefeulje met ʼn waarde van R , wat deur Lucky aan die trust bemaak is. Die trustees van die trust het besluit om al die aandele te verkoop en om die opbrengste in ʼn lopende bankrekening te belê om vir Amy ʼn inkomste te verskaf. Lucky se oudste seun, John, vra u advies oor die moontlikheid om die trustees te verhoed om die aandele te verkoop. Motiveer u antwoord deur na toepaslike gesag te verwys. (3) 1

21 Vraag 1.3 Noem die tydperk wat in die Wet op die Beheer oor Trustgoed, 57 van 1998, bepaal word as die tydperk wat ʼn trustee dokumente moet bewaar wat dien as bewys van beleggings, veilige bewaring, beheer, administrasie, vervreemding of verdeling van trusteiendom. (1) Vraag 1.4 Bespreek kortliks die konsep van ʼn trust as ʼn regspersoon in die Suid-Afrikaanse konteks. (3) Vraag 1.5 Bespreek kortliks die omvang van die beskerming wat aan ʼn trustee gebied word wanneer die trustakte ʼn bepaling insluit dat die trustee(s) vrygestel sal word van aanspreeklikheid vir vertrouensbreuk. (2) Vraag 1.6 Bespreek kortliks die belangrikheid van die saak van Ganie & ander v Ganie & ander, 2012, JOL (KZD), deur te verwys na artikel 20 van die Wet op die Beheer oor Trustgoed, 57 van (3) [13] VRAAG 2 Beantwoord die vrae hier onder deur te toon of die stellings waar of onwaar is. Motiveer u antwoord volledig en verwys na gesag. 2.1 Die meeste mortis causa-trusts word deur middel van ʼn testament opgerig, maar teoreties kan ʼn mortis causa-trust ook deur middel van ʼn ander instrument opgerig word. (1) 2.2 Die term diskresionêre trust dui gewoonlik die posisie aan waar daar in die trustakte diskresionêre magte aan die trustees verleen is om enige persoon (of persone) wat hulle as geskik ag as die inkomste- en kapitaalbegunstigdes van die trust aan te wys en dus is dit nie nodig om ʼn bepaalbare groep of ʼn groep name van persone in te sluit wanneer ʼn trust opgerig word nie. (1) 2.3 Sodra ʼn begunstigde van ʼn diskresionêre trust ʼn inkomste of kapitaaluitkering van die trust ontvang, verkry daardie begunstigde ʼn gevestigde reg op alle toekomstige inkomste en kapitaaluitkerings gelyk aan die waarde van die aanvanklike uitkering wat hy/sy ontvang het. (1) 2

22 2.4 Waar die trustakte voorskryf dat besluite deur middel van ʼn meerderheidstem deur die trustees geneem sal word en geen kworum in die trustakte voorgeskryf word nie, beteken dit dat slegs die meerderheid van die trustees aan die besluitnemingsproses hoef deel te neem en dat die minderheid dus uitgesluit kan word. (1) 2.5 ʼn Suid-Afrikaanse trust kan vryelik in ʼn direkte buitelandse aandeleportefeulje belê solank een van die begunstigdes van die trust ʼn belastinginwoner is van die land van die aandelebeurs waar die aandele genoteer is. (1) 2.6 Die trustees van ʼn trust kan ʼn kapitaalverlies wat in die trust ontstaan het aan ʼn begunstigde van die trust verdeel solank daar aan die volgende vereistes voldoen word: a) die begunstigde moet vir belasting geregistreer wees b) die begunstigde het gedurende die boekjaar van die aanslag handel gedryf. (1) 2.7 Die bloedverwante van ʼn begunstigde wat aan ʼn geestesiekte ly (soos omskryf in die Wet op Geestesgesondheid, 1973) kan begunstigdes van die spesiale trust word na die dood van die begunstigde met die geestesiekte, maar die trust sal die status van spesiale trust verloor. (1) [7] VRAAG 3 Mev. Hettie Hoogenboezem, u kliënt met ʼn hoë netto waarde, nader u om haar by te staan met die oprigting en registrasie van ʼn liefdadigheidstrust. Sy het ʼn paar miljoen Rand wat sy graag aan die trust wil skenk sodra dit opgerig is. Sy wil hê dat die trust as ʼn Openbare Weldaadsorganisasie moet kwalifiseer en dat dit in alle opsigte voordeel moet trek uit belastingverligting wat vir Openbare Weldaadsorganisasies (PBO) beskikbaar is. Sy wil ook skenkings deur ander potensiële skenkers aanmoedig en dus wil sy hê dat dit opgerig en geregistreer moet word in ooreenstemming met al die toepaslike vereistes. Haar prokureur het die konseptrustakte opgestel. Adviseer haar oor die geldigheid/korrektheid van die hoofklousules wat hier onder gegee word. U moet in u antwoord verwys na die vereistes vir ʼn liefdadigheidstrust om as ʼn Openbare Weldaadsorganisasie te kwalifiseer en u moet verduidelik wat die korrekte manier is om die trust te struktureer om alle beskikbare belastingverligting te kry. Verwys na toepaslike gesag, insluitend die toepaslike artikels van die Inkomstebelastingwet, 58 van

23 Die bogenoemde hoofklousules waarop u vir haar kommentaar moet lewer, verskyn hier onder: DOEL Die enigste doel waarvoor hierdie trust opgerig word, is om een of meer openbare weldaadsaktiwiteite te verrig, met die hooffokus op die voorkoming van HIV-besmetting en om voorkomende en opvoedkundige programme in verband met MIV/vigs aan te bied. BEGUNSTIGDES Die kapitaal- en inkomstebegunstigdes van die trust is Hettie Hoogenboezem, haar nageslag per stirpes en enige persoon, instansie of trust wat deur die trustees geïdentifiseer word om as begunstigdes van die trust te kwalifiseer. TRUSTEES HETTIE HOOGENBOEZEM; RICHARD HOOGENBOEZEM (seun van Hettie Hoogenboezem) JOHN JANSEN (prokureur) BEPALINGS IN VERBAND MET DIE MINIMUM TRUSTEES Die Trust moet op alle toepaslike tye minstes 2 (twee) trustees hê. BEËINDIGING/ONTBINDING VAN TRUST By ontbinding van die trust sal die oorblywende bates oorgedra word na Hettie Hoogenboezem, haar nageslag of enige persoon, instansie of trust wat deur Hettie Hoogenboezem geïdentifiseer word. [15] 4

24 VRAAG 4 Tom en Katie Krause is die enigste trustees van die Krause Eiendomstrust. Die trustakte bevat die volgende bepalings: TRUSTEES Tom en Katie sal die enigste trustees van die trust wees solank hulle dit as gepas beskou. Tom en Katie sal elkeen die mag hê om addisionele trustees aan te stel. Indien addisionele trustees aangestel word, sal Tom en/of Katie die mag hê om ander trustees uit die amp te verwyder, maar nie Tom of Katie kan uit die amp as trustee verwyder word nie. BEGUNSTIGDES VAN DIE TRUST Tom Krause, Katie Krause, hulle afstammelinge en enige trust wat tot hulle voordeel opgerig word. BESLUITE DEUR TRUSTEES Besluite deur die trustees sal geneem word: Indien slegs twee trustees in die amp is, deur middel van ʼn eenparige besluit; of Indien meer as twee trustees in die amp is, deur middel van ʼn meerderheidsbesluit. Bespreek die potensiële slaggate ten opsigte van: a) die beskerming van die trustbates teen krediteure ingeval Tom en/of Kate se boedel gesekwestreer word, en b) of die krediteure van hulle persoonlike boedels op die trustbates beslag sal kan lê. U moet in u antwoord verwys na of die klousules van hulle trustakte ʼn invloed kan hê op die bogenoemde situasie. Verwys na toepaslike hofuitsprake, waar van toepassing. [6] VRAAG 5 Dan het die BIG D s ONE TRUST in 2006 opgerig. Dan, sy vrou Sarah en sy prokureur Clive is die trustees van die trust. Dan, Sarah, hulle kinders naamlik Joe (27 jaar oud) en Gill (17 jaar oud) en hulle kinders se afstammelinge is die begunstigdes van die trust. Dan is die HUB (CEO) van ʼn genoteerde maatskappy en Sarah is by verskeie opheffingsprojekte in hulle gemeenskap betrokke en sy verdien nie ʼn salaris nie. 5

25 Dan het in 2006 ʼn lening ter waarde van R aan die trust gemaak. Die lening is rentedraend (SA prima plus 2%). Die trust het die R gebruik om ʼn meenthuis te koop. Die huidige markwaarde van die meenthuis is R Die volle leningsbedrag is nog uitstaande. Dan het ook in 2008 ʼn lening ter waarde van R aan die trust gemaak. Hierdie lening is rentevry. Die trust het die R wat hulle van Dan ontvang het, soos volg belê: R in ʼn geldmarkrekening (aanvanklike beleggingsbedrag). Die huidige waarde van die geldmarkrekening is R ; en R in ʼn direkte aandeleportefeulje (aanvanklike beleggingsbedrag). Die huidige waarde van die portefeulje is R Die trustees van die trust oorweeg dit om die meenthuis en/of die aandeleportefeulje te verkoop en hulle vra u advies oor wie aanspreeklik sal wees vir die belasting indien hulle die kapitaal soos volg sou verdeel: (Veronderstel die markverwante rentekoers wat vir die trust van toepassing is, is prima plus 2%. Veronderstel die prima koers is 9%. Let daarop dat geen berekeninge nodig is nie verduidelik slegs wie verantwoordelik sal wees vir enige belastingaanspreeklikheid en verwys na relevante gesag.) 5.1. Die volle kapitaalwins wat op die verkoop van die meenthuis gegenereer word, moet gelyk tussen Dan se twee kinders verdeel word (50% Gill, 50% Joe). (3) 5.2 Die volle kapitaalwins wat op die verkoop van die aandeleportefeulje gegenereer word, moet in gelyke dele verdeel word tussen Dan se vrou Sarah, Joe, Joe se minderjarige kind en Gill. (4) 5.3 Verduidelik hoe die belastinggevolge anders sal wees indien Joe die jaar voor die uitkering uit Suid-Afrika geëmigreer het en nie meer ʼn Suid-Afrikaanse belastinginwoner was nie. Verwys na gesag in jou antwoord. (2) [9] [TOTAAL: 50 PUNTE] 6

26 AFDELING E: BOEDELBEPLANNING (50 PUNTE) VRAAG 1 Vraag 1.1 Dui aan of die volgende stelling waar of onwaar is en motiveer jou antwoord. Verwys na toepaslike gesag. Joe en Susan is getroud buite gemeenskap van goedere, met die insluiting van die aanwasbedeling. Indien Susan sou sterf sonder om enigiets in terme van haar testament aan Joe na te laat, sal hy nie enige aanspraak op haar boedel hê nie. (2) Vraag 1.2 William Young het in 2009 die WHY Trust opgerig, wat by die Meester van die Hooggeregshof geregistreer is, met verwysingsnommer IT127/2009. As gevolg van ʼn oorsig deur die prokureur wat die trustakte opgestel het, is daar geen voorsiening gemaak vir die wysiging van die trustakte nie. William nader u om uit te vind of die akte wel gewysig kan word. Adviseer vir William oor ʼn plan van aksie en verwys na 2 hofsake om u antwoord te motiveer. (2) Vraag 1.3 Steve en Bill is lede van ʼn beslote korporasie (BK). Nadat hulle ʼn seminaar oor klein besighede bygewoon het, het hulle besef dat hulle nie voorsiening gemaak het vir die voortsetting van die BK na enigeen van hulle se dood nie. Hulle het toe besluit om ʼn koop-en-verkoop-ooreenkoms aan te gaan. Hulle het ooreengekom dat Steve lewensdekking sou uitneem met Bill as die benoemde begunstigde. Bill het egter ʼn bestaande polis op sy lewe en hy sou verkies om hierdie polis aan Steve te sedeer eerder as om nog ʼn polis uit te neem. Verduidelik aan Bill wat die boedelbelastingimplikasies sal wees indien hy die bestaande polis aan Steve sedeer. Verwys na toepaslike gesag. (2) 1

27 Vraag 1.4 David sterf op 29 Mei Sy netto boedel voor die artikel 4A-aftrekking ingevolge die Boedelbelastingwet, 45 van 1955 is R en sluit ʼn Sanlam-polis van R wat aan sy suster, Janine, as die benoemde begunstigde betaal is, in. Ingevolge sy testament het hy die restant van sy boedel aan sy broer, Sam bemaak. Veronderstel dat die boedelbelasting R sal beloop, adviseer wie aanspreeklik sal wees vir die betaling van die boedelbelasting. Toon alle berekeninge. (2) Vraag 1.5 Russell is op 12 Mei 2012 oorlede. ʼn Polis op sy lewe is ingevolge ʼn nahuwelikse kontrak wat tussen hom en sy vrou aangegaan is, aan sy dogter, Gail, betaalbaar. Dui aan hoe die opbrengs van hierdie polis in sy boedel hanteer sal word. Verwys na toepaslike gesag. (2) [10] Vraag 2.1 VRAAG 2 Die Mervyn Simpkins Familietrust het op 1 April 2012 ʼn aandeel bekom in Groprop (Edms) Bpk, ʼn privaat maatskappy waarvan die enigste bates sewe residensiële eiendomme is. Die waarde van die aandeel is R7 miljoen. Die inkomste- en kapitaalbegunstigde van die trust is Gillian Simpkins, Mervyn se meerderjarige dogter wat verstandelik gestrem is en heeltemal van die trust afhanklik is vir onderhoud aangesien sy nie self genoeg inkomste kan verdien nie en ook nie haar eie sake kan behartig nie. Bespreek die hereregte-implikasies van hierdie verkryging. (2) Vraag 2.2 Ingrid se boedel bestaan uit bates in Suid-Afrika (R ) en ʼn vaste eiendom in Nieu-Seeland (R ), wat sy geërf het by haar tante wat in Nieu-Seeland gewoon het en ʼn inwoner van Nieu-Seeland was. Ingrid het R se laste in Suid-Afrika en R in Nieu-Seeland. Verduidelik kortliks hoe Ingrid se Nieu-Seelandse laste vir boedelbelastingdoeleindes in Suid-Afrika hanteer sal word. (2) 2

28 Vraag 2.3 Clive is die oprigter van die CCW Familietrust. Die trust skuld hom tans R op ʼn leningsrekening. Hy is nie seker hoe om in sy testament hiervoor voorsiening te maak nie en nader u vir advies. Hy het opgelees hieroor en dui aan dat hy een van die volgende opsies vir sy testament oorweeg: a. Ek bemaak enige leningsrekening wat ten tye van my dood deur CCW Familietrust aan my verskuldig is, aan die genoemde trust. b. Ek bemaak ʼn bedrag gelykstaande aan enige leningsrekening wat ten tye van my dood deur die CCW Familietrust aan my verskuldig is, aan die genoemde trust. c. Ek bemaak die restant van my boedel aan die trustees van die CCW Familietrust om tot voordeel van die begunstigdes van die genoemde trust geadministreer te word, volgens die bepalings en voorwaardes wat in die trustakte vervat is. Bespreek kortliks die kapitaalwinsbelastingimplikasies van die drie opsies met verwysing na toepaslike hofuitsprake. Adviseer Clive oor twee moontlike oplossings om kapitaalwinsbelasting te vermy. (7) Vraag 2.4 Dean en Diana Watts het besluit om te skei. Ingevolge die skikkingsooreenkoms wat hulle aangegaan het, het hulle ingestem dat Diana nie enige onderhoud sal ontvang nie en dat Dean ʼn eenmalige enkelbedrag van R aan haar sal betaal om haar te help om meubels te koop. Die skikkingsooreenkoms bepaal verder dat Dean ʼn trust sal oprig en ʼn eenmalige bedrag van R3 miljoen aan die trust sal betaal as onderhoud vir hulle twee minderjarige kinders. Die skikkingsooreenkoms bepaal uitdruklik dat, indien die trust om enige rede nie in staat is om die bedrag onderhoudsgeld te aanvaar nie, die verpligting terugval op Dean. Dean het die nodige trust opgerig om uitvoering te gee aan die bepalings van die skikkingsooreenkoms. Die trust is ʼn diskresionêre trust en die inkomste- en kapitaalbegunstigdes is Dean, Diana en hulle twee minderjarige kinders. Dean nader u vir advies aangesien SAID skenkingsbelasting gehef het ten opsigte van die bedrag van R wat hy aan die trust betaal het. Verduidelik aan hom of SAID korrek opgetree het. Verwys na toepaslike gesag. (4) [15] 3

29 VRAAG 3 Jeremy Claxon was ʼn burger van Zimbabwe wat 15 jaar gelede na Suid-Afrika verhuis het. Ten tye van sy dood op 28 Mei 2012 was hy 45 jaar oud en buite gemeenskap van goedere ingevolge die Zimbabwiese reg met Joanna getroud. Hulle het twee meerderjarige kinders gehad, naamlik Richard en Cindy. Sy boedel bestaan uit die volgende: Plaas in Zimbabwe 1 R Huis in Zimbabwe 2 R Plaas Verlorenrivier in Polokwane 3 R Strandhuis in Jeffreysbaai R Anglo American-aandele 10 R Motorvoertuie R Geldmarkbelegging R Sanlam-polis Joanna is die benoemde begunstigde R Momentum-polis Richard is die benoemde begunstigde R Notas: 1. Jeremy het die plaas in Zimbabwe 15 jaar gelede gekoop voor hy na Suid- Afrika verhuis het. As gevolg van groot lenings op die verband, skuld hy tans R op die plaas. 2. Hy het die huis in Zimbabwe 3 jaar gelede gekoop en skuld nog R op die verband. 3. Hy het die plaas Verlorenrivier by sy pa, Paul, geërf. 4. Benewens die bogenoemde bates het hy vruggebruik oor ʼn plaas, Berg en Dal, ʼn bona fide-boerderybedryf in Muldersdrift. Die plaas is vir R gewaardeer. Sy oorlede oupa het die plaas aan Jeremy se moeder, Anne, nagelaat en sy het die vruggebruik aan Jeremy geskenk. Anne is 72 jaar oud. Veronderstel dat Jeremy se lewensverwagtingsfaktor 7, is. 5. Jeremy ontvang ook inkomste uit die Claxon Familietrust, ʼn diskresionêre testamentêre trust wat deur sy oorlede oupa opgerig is. Die trust word op R gewaardeer. 6. Sy laste in SA beloop R Veronderstel dat administrasiekostes en Meestergelde R beloop. 8. Sy vrou het vir sy begrafnis betaal en wil nie ʼn terugbetaling van die boedel eis nie. 9. Sy testament bepaal dat sy hele boedel aan sy twee kinders vererf. 10. Die testament bepaal dat sy eksekuteur die Anglo American-aandele moet verkoop. 11. Die testament bepaal verder dat eksekuteursgelde beperk sal word tot 2,5% plus BTW. 12. Hy het ʼn gade gehad wat voor hom oorlede is en wat ʼn bemaking van R1 miljoen aan ʼn liefdadigheidsorganisasie gedoen het en die restant van haar boedel aan Jeremy nagelaat het. 4

30 Vraag 3.1 Bereken die eksekuteursfooi betaalbaar indien Jeremy vandag sou sterf. Toon al u berekeninge. (3) Vraag 3.2 Bereken die boedelbelasting wat betaalbaar sal wees indien Jeremy vandag sou sterf. Toon al u berekeninge. (14) Vraag 3.3 Bereken of daar voldoende likiditeit in Jeremy se boedel is. (3) Vraag 3.4 Doen 5 aanbevelings ten opsigte van boedelbeplanning vir Jeremy. Motiveer elke aanbeveling en verwys na toepaslike gesag waar van toepassing. (5) [25] [TOTAAL: 50 PUNTE] 5