KLOOF-EGGO SPESIALE PINKSTERFEES-UITGAWE ; MEI 2018

Transcription

1 KLOOF-EGGO SPESIALE PINKSTERFEES-UITGAWE ; MEI 2018 Die Kloof-eggo het vir ongeveer 2 jaar nie die lig gesien nie, aangeien daar tot n groot mate op die wefwerf en ander elektronies media gefokus is om die baie belangrike kommunikasie met u, die lidmate van die Gemeente, te bewerkstellig. Ons het ook rede om te glo dat die verspreiding van die Kloof-eggo per slakepos nie koste-effektief was nie. Ds. De Wet Fourie was sommer ook ons webmeester en met sy vertrek het die webwerf bietjie skade gelei. Ons is egter dankbaar teenoor Elise van Platen wat Kloofendal se gesig en beeld deur face book in standgehou het. U word dus vriendelik versoek om as vriend by die Kloofendal face book-groep aan te sluit. Dankie ook aan Vanessa van Niekerk wat ons deur middel van die baie gebedsversoeke op die elektroniese gebedsgroepe op die hoogte gehou van die lief en leed van die Gemeente en ons aanmoedig tot gebed. Gebed is onmisbaar in die funksionering van die Gemeente en kan elkeen van ons help om geestelik te groei. Skakel gerus vir Vanessa om jou op n gebedsgroep te plaas. Dit is ook aangenaam om te kan sê dat Hein Hildebrandt en Danus le Roux ingewillig het om na ons webwerf om te sien en Hein het al baie werk gedoen om die webwerf meer aantreklik en gebruikersvriendelik te maak. Gaan loer gerus op Ons is egter daarvan bewus dat van ons idmate nie oor internet fasaliteite beskik nie of, soos ons jonger lidmate heeldag met n slimfoon in die hand rondloop en met mekaar praat sonder om hulle lippe te beweeg en net hulle twee duime oor hulle selfoon se sleutelbord te laat beweeg. Face book, Twitter en SMS s leen hulle ook nie tot langer artikels van aktuele waarde wat almal van tyd tot tyd interssannt mag vind nie. Daarom is besluit om weer die Kloof-eggo die lig te laat Teken in op die Kloofeggo in sy nuwe baadjie. sien, maar hierdie keer net 2 keer per jaar een gedurende of net na die 40-dae en/of Pinkster en die ander een rondom die gemeenteverjaarsdag in Oktober. DIt is ook nie die bedoeling om die hoë koste aan te gaan om die Kloof-eggo aan al die lidmate te pos nie, maar om dit by die kerk in harde kopie beskikbaar te stel en/of belangstelllendes kan gratis daarop inteken. Al die artikels en inligting wat in die Kloof-eggo verskyn, sal ook op die webwerf beskikbaar wees.

2 Ons tema vir Aan die einde van 2017 het n meningsopname wat deur middel van n ewekansige steekproef onder al die lidmate van Kloofendal gemaak is, getoon dat dat 80% van ons lidmate van hulle kerk, in hierdie geval die Gemeente Kloofendal, verlang om geleenthede te skep waartydens hulle Geestelik kan groei. Hierdie behoefte van ons lidmate strook natuurlik 100% met ons visie om n Geesvervulde gemeente te wees wat God verheelik.. en die Kerkraad het dan ook besluit dat Geesvervuld ons tema vir 2018 sal wees en dat ons sal fokus op Geestelike groei. Dit is natuurlik nie n nuwe konsep nie. Ons visie is reeds bykans 2 dekades gelede, aan die begin van hierdie eeu, onder leiding van die Heilige Gees geformuleer. Die dissipelskapsirkel wat deur ds Fanie le Roux ontwikkel is en die grondslag vorm van die bedieningsfilosofie in die Gemeente, het Geestelike groei as die deurslaggewende onderdeel of voorvereiste vir dissipelskap. Ook in 2012 was ons jaartema n Geestelike Reis wat natuurlik ook Geestelike groei veronderstel. 2

3 Die Gemeente bestaan uit sy lidmate en nou is die vraag of ons visie en tema vir 2018 realisties en bereikbaar vir die lidmate en die Gemeente is. Wat my en jou betref, kan die mening gehuldig word dat om Geesvervuld te wees iets is waarna ons streef, maar dat ons eers eendag in die Hemel Geesvervuld sal wees. Niks is natuurlik vir God onmoontlik nie en die mense wat 2000 jaar gelede daar was toe die Heilige Gees uitgestort is, was Geesvervuld (Hand2;4). Dit is dus moontlik dat n mens Geesvervuld kan wees. Ons was nou nie so gelukkig om daar te wees nie, maar die Gees is nog net so bereid om ons te vul as ons dit net wil toelaat. Die Gees wil, volgens die Johannes evangelie, as ons helper langs ons kom staan en Hy sal ons nooit verlaat nie (14:16); Hy lei ons altyd na die waarheid (14:17); Hy lewe by en in ons (14:17); Hy leer ons (14:26); Hy herinner ons aan Jesus se woorde (14:26; 15:26); Hy is die bron van alle waarheid (15:26); Hy oortuig ons van ons sonde, van God se verlossende verhouding met die mens en van die feit dat God se oordeel onafwendbaar is (16:8); Hy gee aan ons insig in die Woord Hy toon aan ons Christus se heerlikheid (16:14). Die mate waartoe ons Hom toelaat en ons onderwerp aan Sy leiding bepaal hoe Geesvervuld ons is en hoe makliker kry ons dit reg om van die eie ek afstand te doen, die Heilige 3

4 Gees volkome te vertrou - dit kry ons net reg as ons gereeld ons Bybel lees en bid, kerk toe gaan, met Christen-vriende gesels oor die Bybel en die Drie-enige God en vir die Here te werk. Die aanhaling uit die boek if van Mark Batterson beskryf Geesvervuld dalk die beste; Here s what I know for sure: I need the Holy Spirit more today than I did yesterday. And I need as much of Him as I can get. Or maybe I should say, I need to yield as much of me as I can to Him. When we do that, the Holy Spirit doesn t make us better than anybody else. He makes us better than ourselves! He gives us wisdom beyond our knowledge, power beyond our strength, and gifting beyond our ability. With the help of the Holy Spirit, we become better than our best effort, better than our best thought. We become the best version of ourselves possible. Of course, it takes time a lifetime. 4

5 VISIE EN MISSIE VAN DIE NG KERK KLOOFENDAL Die Kerkraad het andermaal bevestig dat ons steeds glo dat die visie en missie van die Gemeente, wat meer as n dekade gelede onder leiding van die Heilige Gees geformuleer is, naamlik dat Kloofendal n Geesvervulde gemeente is wat God verheerlik, Jesus navolg, lief is vir mekaar en met dieselfde liefde uitreik na die omgewing en die wêreld steeds God se plan, opdrag en droom vir Kloofendal is. n Droom omdat dit nog nie bereik is nie en steeds dit is waarna ons streef. God se droom vir Kloofendal is beide n visie en missie en die eerste twee elemente verteenwoordig ons visie m.a.w. dit wat God wil hê ons moet wees en waarna ons elke dag moet streef, naamlik (a) n Geesvervulde gemeente wat (b) God verheerlik. a) Om n Geesvervulde gemeente te wees is menslik gesproke onmoontlik as dit sou impliseer dat elke gemeentelid totaal geestelik volwasse en deur die Heilige Gees in besit geneem (of vervul) is. Ons streef dit egter na deur n omgewing en geleenthede te skep waar lidmate geestelik kan groei en daarom is dit nodig dat alle lidmate, en ander wat oor ons pad kom, wat kerklos of kerkloos geraak het, in hierdie dampkring ingetrek word. b) Ons glo dat God die mens op die Aarde geplaas het met net een doel en dit is om God te verheerlik (1 Kor.10:31). Ofskoon daar verskeie maniere is om God te verheerlik (soos sang, gebed en goeie werke (o.a. Joh.15:8 en Mat.5:16)) is die belangrikste manier om (soos Jesus - Joh.17:1 en 4) gehoorsaam te wees aan Sy wil, gebooie en Sy opdragte. Ons glo dat ons hierdie visie, droom en/of strewe kan verwesenlik en dit ook graag wil doen deur gehoorsaam te wees aan die Groot Gebod naamlik jy moet die Here jou God liefhê...en jou naaste soos jouself en ons bewys dit prakties deur die uitvoering van ons missie, naamlik: c) Om Jesus, as die volmaakte leidsman (Joh.14:6) wat die weg aanwys deur sy Woord en Gees, lief te hê en na te volg (vandaar die tema vir 2016 In die voetspore van Jesus ) en daarom is dit be-langrik om gereeld onder die geklank van sy Woord te kom eredienste en

6 lewe daarbuite volgens Sy Woord. d) Om lief te wees vir mekaar (Mat.22:39 en Joh.13:34) binne die gemeente, maar ook almal wat oor ons pad kom, en e) met dieselfde liefde uit te reik na die omgewing en die wêreld. Ons het mekaar, die mense in ons omgewing en die wêreld so lief dat ons nie kan toesien dat enig-een swaarkry nie, maar bowendal kan toesien dat hulle verlore gaan nie en daarom is die Groot Opdrag van Mat.28:19 ons slagspreuk Gaan maak dissipels. Ons verheerlik dus vir God deur Jesus na te volg en lief te wees vir die Here en ons naaste, maar ons moet dit ook in die praktyk doen (Jak.1:22: Julle moet doen wat die Woord sê en dit nie net aanhoor nie, anders bedrieg julle julleself. ) en daarom moet ons as Gemeente vervul wees met die Heilige Gees en is dit nodig dat ons almal Geestelik moet groei en entoesiasties en passievol sal wees in ons missie om hierdie visie na te streef - ON A MISSION TO OUR VISION! Die Pinksterdienste is vanjaar deur ds. Manie Groenewald van Lyttleton- Oos gelei en ons het nieteenstaande die koue weer, lekker saam gesing, sop geëet, gekuier en bowenal die Heilige Gees beter leer ken as ons gewillige helper. Gegewe ons jaartema Geesvervuld en ons fokus Geestelike groei is daar by die volgende temas stilgestaan; 1. Die Heilige Gees ons Helper 2. Geheilig deur die Heilige Helper 3. Verplig deur die Helper 4. Die Gees-geἵnspireerde MAP My Aksie Plan 5. Hoopvol in Hom 6. Helpers Hoopvol voorwaarts Die skyfies wat ds. Manie gebruik het, is by die kerkkantoor beskikbaar. 6

7 André van Platen open die Kerssangdiens met gebed. LITTLE DRUMMER BOY Soos gebruiklik het die eet ook nie uitgebly nie. 7

8 KERKBYWONING Alle Kerkgangers Kinderkerk KINDERKERKBYWONING 1ste 12 DAE WAAR DAAR KINDERKERK WAS 0 21/01/ /02/ /03/ /04/ Bygaande grafiek toon dat die aantal kerkgangers van alle ouderdomme in die eerste kwartaal van 2018 dieselfde tendens getoon het as gedurende die vorige 2 jare, naamlik n styging tot die eerste Sondag in die skoolkwartaal, waarna dit weer afneem tot by die Maart/April-skoolvakansie. Daar sal onthou word dat kerkbywoning verlede jaar (2017) deurgaans teenoor die vorige jaar gedaal het en hierdie daling word in die 1ste kwartaal van 2018 voortgesit, ofskoon teen n laer koers. Die kerkbywoning vir Maart en April 2018 is egter presies dieselfde as vir die ooreenstemmende tydperk van die vorige jaar. Gedurende die tydperk 21 Januarie 2018 en 22 April 2018 is die kinderkerk op 12 Sondae aangebied en die gemiddelde bywoning was 35.1 kinders en volwassenes. Gedurende dieselfde tydperk van die vorige jaar is kinderkerk op 10 Sondae aangebied en die gemiddelde bywoning was ook 35.1 persone. Daar moet egter in aggeneem word dat die senior fase (Graad 7 tot 10) vanjaar die erediens in die kerk bywoon en dat die kinders in dié fase in 2017 die kinderkerk bygewoon het. Ofskoon ons nie oor akkurate statistiek beskik nie, kan daar met sekerheid gesê word dat daar wel in 2018 n verbetering in die bywoning van die kinderkerk is. Vir hierdie verbetering sê ons baie dankie aan Doddi, die donkie, en Bibbi, of te wel Jacques en Stephanie Barnard, wat op n besondere manier deur die Heilige Gees gebruik is om die kinderkerk vir ons kinders aantreklik te maak. AAN DIE OUERS; Kom jou doopbelofte na en bring jou kinders kerk toe en woon self die eredienste by dit is hoekom die erediens en kinderkerk Sondagoggende gelyklopend is. FOTO VAN DODDI EN BIBBI 8

9 Ds. Fanie was in Februarie 2018 in Cyprus en Turkye waar hy kosbare kontakte vanuit Sentraal-Asië ontmoet het. 9

10 FINANSIES RESULTATE Die eerste 2 maande van die finansiële jaar (Maart en April) toon n surplus van R wat R2 956 swakker is as gedurende dieselfde tydperk van die vorige finansiële jaar en R swakker as die begrote surplus. Die swakker surplus teenoor die vorige jaar kan toegeskryf word aan n verswakking van R in inkomste, hoofsaaklik a.g.v. die feit dat geen huurinkomste nog hierdie jaar t.o.v. die pastorie ontvang is nie, gedeeltelik teengewerk deur minder uitgawe te danke aan die feit dat ons nou net een leraar het. DANKOFFERS Bostaande grafiek toon van links na regs die dankoffer-inkomste t.o.v. Maart en April vir die afgelope 3 jaar, sowel as die begroting en werklike inkomste vir dieselfde tydperk van die huidige finansiële jaar. Die dankoffers vir die eerste 2 maande van die finansiële jaar, waarby die bydraes vir Jeugbediening ingesluit is, beloop R wat R6 373 of 2.5% minder is as vir die ooreenstemmende tydperk van die vorige jaar en R of 7.9% laer is as die begroting. Die afnames kan gedeeltelik toegeskryf word aan die afname in die bydraes vir Jeugbediening wat weer toegeskryf kan word aan ds. De Wet Fourie se vertrek en die gevolglike staking van n aantal debietorders wat vir jeugbediening gewerf is. 10

11 Bostaande grafiek toon die kollekte t.o.v. Maart en April vir die afgelope 3 jaar, sowel as die begroting en werklike inkomste vir dieselfde tydperk van die huidige finansiële jaar. Die kollekte vir die eerste 2 maande van die finansiële jaar beloop R wat R5 180 of 16.5% meer is as vir die ooreenstemmende tydperk van die vorige jaar en ook 12.4% beter is as die begroting. Gesien in die lig dat die kerkbywoning vir Maart en April 2018 presies dieselfde is as die vorige jaar beteken dit dat die gemiddelde kollekte per kerkganger ook met 16.5% gestyg het. Bostaande grafiek toon die geloofoffer-inkomste t.o.v. Maart en April vir die afgelope 3 jaar, sowel as die begroting en werklike inkomste vir dieselfde tydperk van die huidige finansiële jaar. Die geloofoffers vir die eerste 2 maande van die finansiële jaar beloop R wat R7 800 of 42.2% meer is as vir die ooreenstemmende tydperk van die vorige jaar en ook 46.1% beter is as die begroting. Hierdie baie goeie verbetering is te danke aan n enkele bydrae van R wat in Maart 2018 ontvang is. 11

12 In Maart 2018, een week uitmekaar, het ons twee van ons geliefde lidmate en moeders van ons Gemeente aan die dood afgestaan. Ons treur saam met die families en vriende en bid dat God self die wonde sal genees deur die mooi herinneringe waarvan daar iets op die foto s hieronder verskyn. Mona Theron Oorlede 14 Maart 2018 Anria Scholtz Oorlede 7 Maart

13 BEKOMMERNISSE Is jy bekommerd? Bekommerd oor jou finansies, jou besigheid of loopbaan, gesondheid, jou familie of. vul maar self jou bekommernis(se) hier in. Hierdie bekommernisse kom direk van die Satan en hy steel daarmee jou vrede en geluk en neem jou fokus weg van Jesus. Jy is egter nie die enigste persoon met bekommernisse nie en die Satan plaas hierdie bekommernisse veral by persone waar die Heilige Gees hard aan die werk is. Baie van ons dink dat die beste oplossing vir ons bekommernisse is geld - geld wat stom is, maak reg wat krom is. Geld sal nie net my finansiële probleme wegneem nie, maar sommer ook al my ander bekommernisse en vir my vrede en geluk koop. Hierdie benadering en ander wat op aardse dinge gebaseer is, is ook nie van God afkomstig nie en ons moet liewer na die beloftes (bv. Fil. 4;19 En my God sal in elke behoefte van julle ryklik voorsien ) en voorskrifte van ons Hemelse Vader, soos ons dit in die Bybel vind, draai. Hiervolgens kan ek al my bekoommernisse by die voet van die kruis laat, as ek - VRA; Jak. 4;2 en 3 julle het nie, omdat julle nie bid nie. Julle bid en ontvang nie, omdat julle verkeerd bid Mat.7;7 Bid en vir julle sal gegee word. Joh. 16;24 Bid en julle sal ontvang, sodat julle blydskap volkome kan wees. Neem jou bekommernisse na die Here, vra hom om te help en glo dat Hy jou sal help. Moenie vra en dan maar weer probeer om jou probleme op jou eie manier op te los nie. Dit beteken egter ook nie dat jy kan vra en dan agteroor kan gaan sit en niksdoen nie Ora et labora bid en werk!. Bid/vra, glo en werk aan jou probleme volgens God se leiding. 1 TIM.6;17 Beveel die rykes. om nie hoogmoedig te wees nie en ook nie hulle hoop te stel op die onsekerheid van die rykdom nie, maar op die lewende God wat ons alles ryklik verleen om te geniet Iemand het eendag gesê dat ons tjekboek vir die van julle wat nog onthou wat n tjekboek is die beste spieël van ons prioriteite is. Ons sê maklik ons stel God eerste in ons lewe en bedoel dit selfs, 13

14 weerspieël my tjekboek of die uitgawe op my bankstaat dit? Stel God in alles eerste ook in jou bankrekening. TEVREDE; 1 TIM.6;6-7 Maar godsaligheid saam met vergenoegdoening is n groot wins. Want ons het niks in die wêreld ingebring nie; dit is duidelik dat ons ook niks daaruit kan wegneem nie. Fil.4;12 en 13 Ek weet om verneder te word, ek weet ook om oorvloed te hê; in elke opsig en in alle dinge is ek onderrig; om versadig te word sowel as om honger te ly, om oorvloed te hê sowel as om gebrek te ly. Ek is tot alles in staat deur Christus wat my krag gee. Ons Hemelse Vader weet wat ons nodig het en sorg vir ons soos vir die lelies van die veld en die voëls van die hemel. Ons moet egter nie net tevrede wees as my volgende behoefte bevredig is nie, want dan sal ons nooit tevrede wees nie! Wees tevrede met wat jy het en moenie met die Joneses kompeteer nie. VRYGEWIG; 2 Kor.9;6 en 7 Wie spaarsaamlik saai, sal ook spaarsaamlik maai; en wie volop saai, sal volop maai. Laat elkeen gee soos hy hom in sy hart voorneem, want God het n blymoedige gewer lief. Spr.3;9-10 Vereer die Here uit jou goed dan sal jou skure vol word. Dit is baie beter om te gee as om te ontvang, maar die Bybel beloof dat jy meer sal ontvang as wat jy gee! Daarbenewens is liefde die enigste ding wat vermeerder hoe meer jy daarvan weggee. God seën dié wat ander seën. VOLG BOVERMELDE MET DIE REGTE GESINGHEID, PLAAS JOU BEKOMMERNISSE AAN DIE VOET VAN DIE KRUIS EN NEEM JOU LEWENSGELUK TERUG EN ONTVANG DIE VREDE WAT ALLE VERSTAND TE BOWE GAAN! 14

15 Op grond van die behoefte van ons lidmate soos bepaal deur n ewekansige steekproef fokos ons vanjaar op Geestelike Groei. Benewens die gereelde eredienste, kinderkerk,, kategeseskool en kleingroep-byeenkomste is verskeie geleenthede reeds aangebied waardeur ons Geestelik kon groei, soos; PAASFEES Huweliksverrykingskursus Die volgende sal gedurende die res van 2018 plaasvind; 2 Junie; Danielkursus vir die manne 8/9 Junie; Huweliksverrykingskursus Junie/Julie; Uitreik na Mosambiek 28 Julie; Ontbyt met prof. Vika van Rensburg as gasspreker 4 Augustus; Ouerleidingkursus 25 Augustus; Elke huis vir Christus - projek 1September; Kermis Bietjie later; Gholfdag 24 November; Uitreik na n wit plakkerskamp Skakel met die kerkkantoor of ds. Fanie vir detail en kom raak betrokke, nooi jou vreinde en familie en groei saam! 15

16 Oorweeg gerus n uitreik na Mosambiek waar jy saam met bedrewe Uitreikers en maats Afrika kan beleef en terselfdertyd geestelik kan groei deur vir die Here te werk. Dan is daar ook die stranddienskamp by Umhlanga aan die einde van die jaar, wat nie net fun by die see is nie, maar ook waar ons speel-speel ander van Jesus leer! Kom woon die kategeseskool op Sondae by en sluit by ons aan vir vetpret-vrydagaande by die kerk. Hou gerus die Toktokkie dop vir meer besonderhede en ons sal jou ook deur die internet en sosiale media laat weet wat gebeur. Gedurende hierdie geleenthede sal ons ook onsself voorberei vir uitreike en praktiese ondervinding opdoen. 16