OAKDALE OAKDALE PROSPEKTUS PROSPEKTUS $DQVRHNYRUP HQ YHUWURXOLNH YHUVODJ LQJHVOXLW $DQVRHNYRUP HQ YHUWURXOLNH YHUVODJ LQJHVOXLW

Transcription

1 MetMet waagmoed waagmoed gerig op op diedie toekoms gerig toekoms 7 ( LQIR#RDNGDOH FR ]D ZZZ RDNGDOH FR ]D 7 7 ( LQIR#RDNGDOH FR ]D ZZZ RDNGDOH FR ]D ( LQIR#RDNGDOH FR ]D ZZZ RDNGDOH FR ]D 3ULYDDWVDN ; 5LYHUVGDO 3ULYDDWVDN ; 5LYHUVGDO 3ULYDDWVDN ; 5LYHUVGDO HOËR LANDBOUSKOOL HOËR LANDBOUSKOOL OAKDALE OAKDALE Sedert Sedert PROSPEKTUS PROSPEKTUS $DQVRHNYRUP HQ YHUWURXOLNH YHUVODJ LQJHVOXLW $DQVRHNYRUP HQ YHUWURXOLNH YHUVODJ LQJHVOXLW

2 Inhoudsopgawe INHOUDSOPGAWE MEER AS N SKOOL - N LEEFWYSE... 2 KARAKTER EN TALENT IN HARMONIE... TOETREDE TOT DIE SKOOL EN KOSHUIS... OUERVERANTWOORDELIKHEDE... MÔRE SE LEIERS... AKADEMIE... LANDBOU-OPLEIDING... GESONDE SPORTMANSKAP... DIT HOU ONS GEBALANSEERD... SKOOLREËLS... VOORKOMS VAN ONS LEERDERS... KOSHUISINLIGTING... SO HET ONS BEGIN... GEDRAGSKODE

3 WAARDES MEER AS N SKOOL N LEEFWYSE Elke leerder, ouer en personeellid van die Hoër Landbouskool Oakdale se optrede, houding en gedrag moet altyd onberispelik wees en voldoen aan die skool se gedragskode. Hier word ʼn sterk karakter, gegrond op n Christelike waardestruktuur, gebou. Die Oakdale-waardestelsel sluit die volgende in: Respek Integriteit Geloof Volharding Hoflikheid Uitnemendheid Lojaliteit Nederigheid STANDAARDE Oakdalers staan uit deur hul unieke optrede. Hier word klem gelê op die klein dingetjies soos groet, respek teenoor volwassenes, netheid, trots en ambassadeurskap. By toelating aanvaar ʼn leerder ʼn unieke lewensstandaard eie aan Oakdale. GEANKER IN WAARDES STIPTELIKHEID Die skooldag is beplan om die maksimum beskikbare tyd aan onderrig te bestee. Laatkommery veroorsaak ongewenste ontwrigting van die onderrigproses, sowel as ander skoolaktiwiteite. Gevolglik moet leerders altyd op die bestemde tyd aan die begin van die skooldag en by die aanvang van enige ander skoolaktiwiteit opdaag. Wanneer n leerder laat is, moet hy n skriftelike verskoning van sy ouers of die superintendent verskaf. 2

4 GELEENTHEDE EN DIENS KARAKTER EN TALENT IN HARMONIE Afgesien van die 22 onderrigpersoneellede wat omsien na uitnemende geleenthede in onderrig, sport en kultuur word daar op besondere wyse aandag geskenk aan die geestelike welsyn van die leerders. Geestelike leiers van die plaaslike gemeentes bied Donderdagaande kategeseklasse aan leerders van die skool. ʼn Geestelike leier is een dag per week beskikbaar om na die persoonlike en geestelike behoeftes van individuele leerders om te sien. Addisionele hulpklasse word gedurende middae en saans in spesifieke vakke aangebied. In die sportsentrum is drie sportwetenskaplikes beskikbaar en betrokke by die kondisionering van individue en spanne in alle sportsoorte, asook gereëlde assessering. ʼn Biokinetikus is in die sportsentrum verantwoordelik vir die rehabilitasie en voorkoming van sportbeserings. Alle sport word bestuur en gekoördineer deur ʼn sporthoof wat daartoe bydra dat akademiese personeel absoluut aangewend word om gedurende onderrigtyd in die klas te wees en sodoende akademiese uitnemendheid te verseker. Die dienste van ʼn fisioterapeut, vir die behandeling van enige spier of weefselbeserings, is tot alle leerders se beskikking. Die bemarker behartig die skool se promosie-aksies, inskrywings en skakeling met nuwe- en voornemende ouers. Hier op Oakdale is elke seun ʼn mens in eie reg, met talente en uitsonderlike potensiaal, behoeftes en emosies. Hier is individuele aandag en omsien na mekaar van kardinale belang en is leerders vanweë beperkte getalle nie net ʼn nommer nie. Die personeel van die Hoër Landbouskool Oakdale word oor jare heen beskou as ʼn besondere bate wat waarde toevoeg tot die welsyn, genietinge en prestasies van leerders op alle vlakke van skoolgaan. Die toewyding en borrellende karakter van werksetiek en werktrots bied aan leerders die uitsonderlike geleenthede waarvoor Oakdale bekend staan. Die skool word bestuur as ʼn onderneming waar dienslewering aan kliënte, leerders en ouers van kardinale belang is. Bestuur is gerig op die vestiging van unieke fasiliteite en professionele diens. Oakdale is meer as ʼn skool dit is ʼn tuiste vir elke leerder! 3

5 TOETREDE TOT DIE SKOOL EN KOSHUIS Inligting vervat in hierdie inligtingstuk is baie belangrik vir elke leerder en ouer en is dit uiters belangrik dat u dit saam met u seun sal deurlees en veral kennis van die skool- en koshuisreëls sal neem. Ouers moet veral let op die onderrig- en losiesgeld betaalbaar aan die Hoër Landbouskool Oakdale. AANSOEKPROSES Die indiening van die aansoekvorm is die eerste stap in die hele proses wat lei tot toelating. Aansoekvorms is in hierdie dokument, wat by die sekretaresse beskikbaar is, of op die webtuiste. Die voltooide aansoekvorm moet by die skool se ontvangs ingegee word of per e-pos gestuur word aan info@oakdale.co.za. Indien die aansoeker nie binne twee weke per e-pos bevestiging van die aansoek ontvang het nie, kontak asseblief die skool. Alle voornemende leerders en hul ouers word genooi vir ʼn persoonlike onderhoud met die skoolhoof waartydens daar ook geleentheid tot vrae gebied word. Toelating geskied op grond van akademiese prestasie in veral wiskunde, natuurwetenskappe en tale, landboubelangstelling, gedrag en deelname aan buitemuurse aktiwiteite. Toelating is onderhewig aan die ondertekening van en onderwerping aan die gedragskode van Hoër Landbouskool Oakdale. Op grond van die streeksgebonde aard van die skool, is toelating ook onderhewig aan die beskikbaarheid van akkommodasie in die koshuis. Na afloop van die onderhoud sal die toelatingsproses voortgesit word. Korrespondensie sal per e-pos gevoer word. Teen einde Junie van elke jaar behoort alle toelatings afgehandel te wees en sal voornemende leerders en hul ouers van die skool se besluit in kennis gestel word. ELKE SEUN SE DROOM ʼn Koshuis-breekskadetarief is betaalbaar sodra die leerder se aansoek om toelating tot die koshuis goedkeur en bevestig is. DOKUMENTE WAT AANSOEK MOET VERGESEL Gewaarmerkte afskrifte van die volgende dokumente moet by die inskrywingsvorm ingedien word: Die jongste skoolrapport/verslag en/of Desemberverslag van die vorige jaar Die leerder se ID-dokument of geboortesertifikaat Identiteitsdokumente van ouer(s)/voog(de) Bewys van residensiële adres, bv. munisipale rekening Afskrif van beide, die voor- en agterkant van die mediesefondskaart Vertroulike verslag vanaf die leerder se huidige skool moet deur die skool aan ons gestuur word. 4

6 FINANSIES VERPLIGTE ONDERRIG- EN LOSIESGELD OUERVERANTWOORDELIKHEDE Ouers oefen ʼn keuse uit vir die betaling van onderrig- en losiesgeld. Let asseblief daarop dat die eerste paaiement by registrasie betaalbaar is en dat die volle onderrig- en losiesgeldrekening teen einde Oktober vereffen moet wees. Die ouer word versoek om onderrig- en losiesgelde stiptelik te vereffen (maandeliks, kwartaalliks of jaarliks) volgens sy/haar keuse van betaling. Geen leerder sal van koshuisverblyf gebruik kan maak alvorens gelde vir die vorige kwartaal nie ten volle betaal is nie. Onderriggeld vir 2017: Losiesgeld vir 2017: R per jaar R per jaar Onderrig- en losiesgeld styg jaarliks met ongeveer 10 %. Indien die volle jaar se gelde voor die einde van Februarie vereffen word, word korting van 3 % aangebied. Alle betalings wat ter vereffening van koshuisverblyf ontvang word, sal eerstens aangewend word vir die betaling van enige verskuldigde onderriggeld, ongeag enige keuse wat die betrokke betaler ten aansien van toewysing van betalings uitoefen. BANKBESONDERHEDE Hoër Landbouskool Oakdale Nedbank Tjekrekening Rekening nr: Takkode: Marietjie Giliomee FINANSIES Maryke Hume FINANSIES SKOOL- & KOSHUISREKENINGE 5

7 LEIERSKAPONTWIKKELING MÔRE SE LEIERS Die skool bied op vele terreine die geleentheid tot leierskapontwikkeling aan leerders deur op die bestuur van komitees te dien, bv. VCSV, Junior Landbouvereniging en AKKER-redaksie. VERTEENWOORDIGENDE RAAD VAN LEERDERS Die VRL bestaan uit 25 leerders wat demokraties verkies word vanaf graad 8 tot 12. Die doelstelling van die VRL is om ʼn positiewe bydrae te lewer ten opsigte van die handhawing van orde en dissipline, asook doeltreffende skakeling tussen leerders en personeel, bestuursraad, skoolhoof en ouers. Hulle dra by tot ʼn positiewe skoolgees. KOSHUISLEIERS Koshuisleiers is verantwoordelik vir algemene koshuisdissipline, en moet die superintendent en ander personeel met die handhawing van dissipline bystaan. BOU LEIERSKAP UIT KLASKAPTEINS Klaskapteins verrig sekere administratiewe take soos deur die personeel aan hulle opgedra. Uit elke klas (A, B en C) van elke graad word ʼn klaskaptein gekies wat verantwoordelik is vir die orde in die klaskamer, asook die invul van die afwesigheidsregister vir die dag en dit dan aan die sekretaresse te gee. 6

8 AKADEMIE ONDERRIGMEDIUM Die onderrigmedium aan die Hoër Landbouskool Oakdale is Afrikaans. Die skool beskik oor ʼn uiters goedopgeleide, entoesiastiese onderrigspan wat onderrig en leer in die skool uiters suksesvol en professioneel bestuur. Die skool beantwoord in alle opsigte aan die konsep vir ʼn moderne skool en kan die seuns, afgesien van die gebruik van twee moderne rekenaarlokale (80 rekenaars), ook hul eie skootrekenaars (nadat toestemming van die hoof verkry is), gebruik. Alle klaskamers is toegerus met dataprojektors en rekenaarfasiliteite. VAKKEUSE Die wye vakkeuse en baie hoë akademiese standaard dra by tot die skool se gewildheid as hoërskoolkeuse. Dit is reeds hier waar leerders kan staatmaak op individuele aandag, wat tot puik akademiese prestasies lei. Hier heers ʼn baie sterk sin vir orde en dissipline buite en binne klasverband wat effektiewe onderrig tot gevolg het. Oakdale is veral bekend vir die uiteenlopende aard van vakkeuses wat toelating tot enige studie- en beroepsrigting bied. Oakdale-skoolverlaters tree onder andere tot die volgende beroepe toe: ingenieurswese, medies, veeartsenykunde, landbouverwante beroepe, argitektuur, rekenmeesters, ouditeurs, vlieëniers, onderwys en vele meer. Die vakkeuse in graad 8 en 9 is soortgelyk aan dié in enige ander hoërskool. GRAAD 8 en 9 (AOO) Taalgeletterdheid (Afrikaans & Engels) Menslike en Sosiale Wetenskap (SW) Wiskunde Skeppende Kunste Tegnologie Lewensoriëntering Ekonomiese- en Bestuurswetenskappe (EBW) Natuurwetenskappe (NW) Landbouwetenskap as komponent van NW GRAAD 10 tot 12 (VOO) GROEP A (Verpligte Vakke) Afrikaans Huistaal Engels (Eerste Addisionele Taal) Wiskunde OF Wiskundige Geletterdheid Lewensoriëntering GROEP B Drie vakke uit die groep kan aangebied word waarvan een landbouvak verpligtend is en ʼn maksimum van twee landbouvakke aangebied mag word. Fisiese Wetenskappe (Natuur- & Skeikunde) OF Ekonomie OF Toerisme Landbouwetenskappe OF Landboutegnologie Lewenswetenskappe OF Rekeningkunde OF Landboubestuurspraktyk EKSTRA VAKKE Rekenaartoepassingstegnologie OF Toerisme OF Ingenieursgrafika en Ontwerp OF Lewenswetenskappe ONDERRIGHULP Oakdale is absoluut gesteld op die prestasie van elke leerder en bied ook onderrighulp op die volgende wyse aan: Die Wiskunde-hulpsentrum waar leerders addisionele wiskundehulp bekom (eie koste). Add Maths word op Riversdal-dorp aangebied. (eie koste). Die Littera-leessentrum word by die skool gehuisves en bevorder leerders se leesvermoë wat ʼn impak het op hul akademiese prestasies in die eksamen en toetse. (eie koste). Vaste studietye in die koshuis dra by tot tydige en effektiewe voorbereiding en die skep van ʼn positiewe werketiek. 7

9 REKENAAR- EN INTERNETTOEGANG Die skool beskik oor twee volledig-toegeruste rekenaarsentrums. Die rekenaars is onder toesig beskikbaar vir leerders vir die voltooiing van opdragte en tuiswerk. Die vak Rekenaartoepassingstegnologie word ook as agtste vak aangebied. Skootrekenaars word toegelaat slegs nadat ʼn aansoekvorm vir die gebruik van skootrekenaars by die skoolhoof ingedien en goedkeuring ontvang is. SKOOL- EN TUISWERK Elke leerder ontvang aan die begin van die skooljaar ʼn tuiswerkboek waarin sy daaglikse tuiswerk en inhandigingsdatum van take aangeteken moet word. Voorgeskrewe skoolwerk moet met ywer, pligsgetrouheid en toewyding gedoen word om sodoende n deurlopende werksetiek te ontwikkel. Luiheid en n ooglopende versuim om aan hierdie reël te voldoen, sonder aanvaarbare verskoning, sal beskou word as n oortreding van hierdie reël. OLIMPIADES Leerders word blootgestel aan die volgende olimpiades: Wiskunde Rekeningkunde Ekonomie SA-Taalbond (Afrikaans en Engels) Wêreldkennis Natuurwetenskappe SKRYF- EN HANDBOEKE Die skool verskaf alle skryf- en handboeke met aanvang van die jaar. Handboeke word aan die einde van die jaar weer ingehandig. Die skool verskaf ook n Oakdale-tuiswerkboek aan elke leerder met aanvang van die skooljaar. Ons beveel ʼn goeie Afrikaans- en ʼn Engels Verklarende Woordeboek aan en dat elke seun oor ʼn CASIO FX-82ES Plus-sakrekenaar beskik. Verder benodig ʼn leerder slegs algemene skryfbehoeftes. AKADEMIE IS ONS BESIGHEID SKOOLTYE Maandae tot Vrydae: 07:20 13:40 Tuisnaweke: 07:20 13:00 AFWESIGHEDE n Leerder wat vir een dag van die skool afwesig is, moet by sy terugkeer n skriftelike verduideliking van sy ouers voorlê. Afwesigheid vir meer as een dag sal slegs gekondoneer word indien n sertifikaat deur n geregistreerde mediese praktisyn voorgelê word, behalwe in die geval van dood of trauma in die leerder se huisgesin of n ander rede deur die skoolhoof goedgekeur. 8

10 TOONAANGEWEND IN LANDBOU LANDBOU-OPLEIDING Die landbou-opleiding wat op Oakdale aangebied word, bied ʼn nuwe dimensie tot skoolgaan, wat addisionele beroeps- en studierigtings aan alle leerders bied. Hier word ʼn liefde gekweek vir die grond, plant en dier. Die wetenskaplike benadering, asook topprestasies in landbou, dra daartoe by dat leerders jaarliks kwalifiseer vir verskeie beurse m.b.t. landbou en ingenieurstudierigtings. Die vak Landboutegnologie bied teoretiese- en praktykgerigte opleiding in houtwerk, metaalwerk, sweis, besproeiing, landmeting, asook ʼn tekenkomponent wat tot ʼn nuttige standaard van handvaardigheid bydra. Die vak stimuleer leerders vir toetrede tot ingenieursverwante studierigtings. Oakdale is toonaangewend in die aanbieding van hierdie vak. Die vak Landboubestuurspraktyk bied teoretiese- en praktiese opleiding in agt boerderyvertakkings, nl. suiwel, graan, skaap-en-wol, volstruise, groente en vrugte, varke en vleisbeeste. Die volgende kursusse word ook aangebied ter aanvulling van die seuns se kwalifikasies: Graad 9: Jagkursus Graad 10: Vleisbees-, Volstruis- en Besproeiingskursus Graad 11: Arbeidsverhouding-, Skaap-en-Wol-, Wild- en Natuurlewebestuur-, Suiwel, KI-kursus en ʼn kursus in Georganiseerde Landbou. Die vak Landbouwetenskap is uiters gewild en is meer gerig op die teorie rakende landbou. Die skool beskik oor ʼn gevestigde boerdery wat effektief aangewend word vir onderrig en opleiding in die onderskeie produksie-afdelings. Klem word veral gelê op beroepsmoontlikhede wat die landbousektor tot elke leerder se ervaringswêreld toevoeg. Spesifieke klem word ook gelê op landboubestuur. 9

11 Sport is ʼn absolute voortsetting van onderwys en opvoeding in ʼn gemakliker atmosfeer waar onderwysers en afrigters op besondere wyse bemoeienis met leerders kan maak en unieke vormingsinvloede kan uitoefen en verbeeld. Daar word van elke leerder verwag om aan minstens een somer- en een wintersportsoort deel te neem, behalwe in gevalle waar vrystelling op grond van mediese omstandighede vereis word. Wanneer die skool in spanverband by kompeterende sport of ander skoolbedrywighede betrokke is, behoort die leerders wat nie aktief betrokke is nie, waar moontlik morele ondersteuning verskaf deur teenwoordig te wees en op gepaste wyse aan te moedig. SPORTSOORTE GESONDE SPORTMANSKAP Professionele sportbestuur, kondisionering en afrigting dra by tot puik prestasies in alle sportsoorte. Rugby: Die skool huisves 18 rugbyspanne wat teen die grootste skole landwyd meeding en aan ons spelers besondere blootstelling bied. Krieket: Oakdale beskik oor vyf krieketspanne wat aan verskeie ligawedstryde deelneem. Spelers verteenwoordig ook die SWD-span waar hulle hul stempel afdruk. Die Oakdale-krieket-akademie is ook in 2016 gevestig. Tennis: Die Oakdale-tennisakademie verseker die hoë standaard van tennisafrigting en gepaardgaande prestasies van ons spanne. ʼn Oefenprogram word reg deur die winter gevolg. Dit word moontlik gemaak deur die spreiligte, asook die nuwe sportsentrum wat ʼn binnenshuise tennisbaan huisves. Die skool beskik oor 8 tennisspanne wat aan toernooie landwyd, sowel as ligawedstryde deelneem. Muurbal: Twee moderne muurbalbane direk langs die koshuis dra daartoe by dat 6 spanne in die liga kan deelneem. Professionele afrigting verseker puik prestasies. Atletiek: Atletiekafrigting is van ʼn hoë standaard en atlete word aan verskeie byeenkomste blootgestel. Skaak: Die skool neem ook aan mededingende streeks- en provinsiale skaakkompetisies deel. Jeugskou: Deelname aan jeugskoue is eie aan die landbou-aard van Oakdale. Die skool is ʼn absolute krag in jeugskou en kan leerders hierdeur hul liefde vir en vaardigheid met diere, ook op nasionale vlak, ten toon stel. Gholf: Oakdale beskik ook oor ʼn eie 8-putjie-gholfbaan op die terrein en twee spanne neem aan die SWD-liga deel. Tweekamp: Tweekamp is ʼn nuwe opkomende sport in Oakdale. Landloop: Landloop word vanaf 2016 as wintersport op Oakdale aangebied. Daar word van ʼn buite-afrigter, mnr. Bazil Abelse, gebruik gemaak. Afgesien daarvan dat die Oakdalers baie hard oefen en goed presteer, dien dit ook as uitstekende voorbereiding vir die lang- en middelafstande tydens die atletiekseisoen. Toutrek: Oakdale is die toonaangewende skool en landwyd bekend vir puik toutrekprestasies. Ongeveer 80 leerders neem gedurende die somer aan toutrek deel. Die skool se spanne in die verskillende gewigsafdelings wen jaarliks verskeie medaljes tydens die SA-toutrekkampioenskap. Oakdale het reeds die land by agt geleenthede by die wêreldkampioenskap verteenwoordig waarvan hul by vier geleenthede as wêreldkampioene aangewys is. SPORT IS N PASSIE SPORTFASILITEITE Die Hoër Landbouskool Oakdale beskik oor moderne sportfasiliteite wat elke leerder unieke geleentheid tot deelname en prestasie bied. Oakdale beskik oor afrigters in elf sportsoorte en deelname deur leerders word baie sterk beklemtoon. Sterk klem word gelê op gesonde sportmangees en genieting. BINNENSHUISE SPORTSENTRUM Die ultra-moderne binnenshuise sportsentrum is tot beskikking van alle leerders en beskik oor ʼn drie-baan tartan-oppervlak van 40 m, moderne gimnasium, twee krieketkolfblaaie, spinning- en roeistudio, ʼn 25 m-verhitte swembad, tennisbaan asook ʼn ysbad. 10

12 KOESTER KULTUUR KULTUURAKTIWITEITE DIT HOU ONS GEBALANSEERD Die Oakdalekoor bestaan uit 70 seuns en neem aan verskeie kompetisies deel. Oakdale-leerders neem jaarliks aan debat- en redenaarskompetisies deel waar hul ook al deurgedring het tot deelname op provinsiale- en nasionale vlak. Kompetisies soos Oakdale Skouspel en Oakdale s Got Talent, bied leerders die geleentheid om hul musiek- en sangtalent ten toon te stel en uit te leef. Die Oakdale-orkes lewer jaarliks musikale meesters op en ontdek jaarliks nuwe talent. Die Kultuuraand gee aan leerders die geleentheid om hulle talente op die verhoog uit te leef. VERENIGINGS Die Junior Landbouvereniging stel leerders bloot aan georganiseerde landbou. Die vereniging is geaffilieer by die Riversdal Distrikslandbou-unie en is ʼn skakel tussen Agri Wes-Kaap en ons jong toekomstige boere op Oakdale. Die vereniging hou kwartaalliks ʼn ledevergadering vir elke graad waar inligting en kwessies in die landboubedryf aan die leerders deurgegee word. Die handhawing van ʼn Christelike waardekultuur bly ʼn prioriteit op Oakdale. Hier word elke onderrig- en sportgeleentheid ook beskou as ʼn geleentheid tot geestelike ontwikkeling en groei. ʼn Aktiewe VCSV en uiters gewilde Jeugweek skep die platform vir die bevordering van sterk morele waardes en standaarde. Die pa-en-seun-aand, sowel as die ma-en-seun-oggend, bly uiters gewilde geleenthede, wat tot die vestiging en uitbou van gunstige ouerkindverhouding bydra. 11

13 SKOOLREËLS Die skoolreëls soos uiteengesit op bl. 20 van die Gedragskode is van toepassing op alle ingeskrewe leerders van die Hoër Landbouskool Oakdale en moet deur leerders nagekom word. Ouers bly steeds, in samewerking met die personeel, verantwoordelik vir die gedrag en optrede van hul kinders en dit is dus noodsaaklik dat ouers gereeld met die skool en koshuis sal skakel. SELFOONBELEID Leerders mag ʼn selfoon besit. Geen selfone word in die klaskamer toegelaat nie. Leerders kan hul selfone voor skool by die sekretaresse inhandig en dit weer na skool by haar afhaal. Selfone wat in die klaskamers gekonfiskeer is, sal tot aan die einde van die betrokke kwartaal in die skool se kluis toegesluit word. MOTORVOERTUIE Geen leerder sal toegelaat word om n motor of ander selfaangedrewe voertuig aan te hou hetsy by die skool, koshuis, in die dorp of distrik nie. Indien ouers n vergunning wil vra, moet n ten volle gemotiveerde aansoek aan die skoolhoof voorgelê word. Die skoolhoof se beslissing sal finaal wees. Indien goedkeuring verleen word, sal die skoolhoof n geskikte staanplek op die skoolterrein vir die voertuig aanwys en ook die sleutel in bewaring hou. Die voertuig sal op die eienaar se risiko gestoor word. KRIMINELE OORTREDINGS Geen leerder mag hom skuldig maak aan enige kriminele oortreding nie. Enige leerder wat homself skuldig maak deur genoemde reëls te verbreek, sal by die erkenning van skuld of by bewys van skuld homself onderwerp aan die tug van die skool. ʼn Uiteensetting verskyn op bl. 25 van die Gedragskode. STAAN VAS IN DISSIPLINE By die begaan van n oortreding word n leerder deur middel van n puntestelsel gepenaliseer. Die puntestelsel loop op tot ernstiger strafmaatreëls soos uiteengesit op bl. 27 van die Gedragskode. Die dissiplinêre rekord van n leerder vir detensiedoeleindes en ernstiger strawwe, word oorgedra na n volgende kwartaal of jaar en verval geensins nie. Ouers moet te alle tye bereid wees om die skool te besoek op versoek van die skoolhoof ten einde dissiplinêre probleme te bespreek. SKOOL- EN PERSOONLIKE EIENDOM EN APPARATE Alle skooleiendom of enigiets wat die eiendom van iemand anders is, moet met respek behandel word, nie beskadig word nie, nie geneem word sonder toestemming nie en nie ontsier of besoedel word nie. Enige van bogenoemde oortredings moet onmiddellik aangemeld word. 12

14 NETHEID N PRIORITEIT SKOOLDRAG VOORKOMS VAN ONS LEERDERS Die voorgeskrewe skooldrag en haarstyl soos uiteengesit op bl. 21 van die Gedragskode moet nagekom word. Klere moet te alle tye skoon, netjies en heel wees. Die skool het drie verskillende uniforms nl. Kakiedrag, somers no. 1-drag en winters no. 1-drag. Leerders moet alle amptelike skoolbedrywighede in hul no. 1- drag bywoon of soos deur die skool gereël. Voorgestelde benodigdhede is van toepassing: ITEM AANTAL BESKIKBAAR Grys kortbroeke 2 Die Handelshuis Wit kortmouhemde met wapen op sak 2 Die Handelshuis Grys skoolkouse 2 paar Die Handelshuis Skoolkleurbaadjie 1 Die Handelshuis Skooldas 1 Die Handelshuis Grys kort- en/of langbroeke 2 Die Handelshuis Wit hemde (gewone dashemp vir wintersdrag) 2 Die Handelshuis Kakiebroeke 3 tot 5 Die Handelshuis Kakiehemde 3 tot 5 Die Handelshuis Kakiekouse 5 paar Die Handelshuis Langmou skooltrui 1 Die Handelshuis Bruin Bronx skoolskoene met 15 mm dikte skoensool 1 paar Die Handelshuis Oortrektrui (pullover) 1 Skool Reënbaadjie 1 Skool Vlootblou (navy) skooltas met tussenrakkies 1 Die Handelshuis Alle leerders moet n bruin lyfband saam met die grys- of kakiebroek wat van lyfbandlussies voorsien is, dra. SPORTDRAG Elke sportsoort het sy voorgeskrewe drag waarin die leerders moet deelneem. Voorgestelde benodigdhede is van toepassing op sportdrag na gelang van die sportsoort waaraan hy deelneem. ʼn Volledige uiteensetting van die voorgeskrewe drag vir elke sportsoort is op bl. 21 van die Gedragskode beskikbaar. Voorgestelde benodigdhede is van toepassing: ITEM AANTAL BESKIKBAAR Atletiekfrokkie en -broekie 1 Die Handelshuis Blou sportbroekies 1 tot 2 Skool Gholfhempies 1 tot 2 Skool Sweetpak (nie verpligtend nie) 1 Skool Rugbytrui (rugby en toutrek) 1 Skool Rugbykouse (rugby en toutrek) 2 paar Skool Wit LO-broek (rugby) 2 Skool Blou Ski-pants - opsioneel (atletiek en rugby) 1 Skool Oakdale-sportsak 1 Skool 13

15 KOSHUISINLIGTING Daar word van inwoners en ouers verwag om die koshuisbeleid en -reëls te ken en na te kom. ʼn Afskrif daarvan sal op die koshuis se kennisgewingbord te sien wees. Elke koshuisinwoner is, behalwe vir hierdie koshuisbeleid en -reëls, ook gebonde aan die skool se gedragskode vir leerders. n Senior leerder mag nie die juniorkoshuis betree nie en omgekeerd. TOELATING Toelating tot die skool impliseer nie outomaties toelating tot die koshuis nie. Daar bestaan geen grondwetlike reg op koshuisinwoning nie. LOSIESGELD Elke koshuisouer is verantwoordelik vir die totale bedrag losiesgeld. Kwartaallikse losies is betaalbaar voor die einde van elke kwartaal ten einde te kwalifiseer vir losies vir die volgende kwartaal. Geen betaling geen losies. GEDRAGSKODE EN DISSIPLINE Die superintendent, sy personeel en koshuisleiers is verantwoordelik vir die handhawing van dissipline in die koshuis soos uiteengesit in die Gedragskode op bl. 30. STRUKTUUR BINNE DIE KOSHUIS Die enigste tyd wanneer ʼn inwoner die skool- of koshuisterrein sonder toestemming mag verlaat, is gedurende algemene verlof om op ʼn Vrydag of Saterdag dorp toe te gaan. Leerders mag Vrydagmiddae (14:30 tot 17:00) en Saterdae vanaf 08:30 die dorp/winkels besoek. Besoek aan die dorp/winkels gedurende die week geskied na die goeddunke van die superintendent. Gedurende algemene verlof om winkels toe te gaan, moet inwoners no.1-skooldrag dra. KOSHUIS IS N TWEEDE HUIS Inwoners moet hulle van enige optrede weerhou wat die skool en/of koshuis se beeld sal skaad. Enige optrede wat die administrasie, dissipline of doeltreffendheid van die koshuis onbillik benadeel, sal as ʼn oortreding van die gedragskode beskou word. Besoekers Besoekers is onderworpe aan die koshuisreëls en moet dit respekteer. Inwoners sal aanspreeklik gehou word vir die optrede van hulle besoekers. Besoekers mag geen koshuiskamer sonder die toestemming van die personeellid aan diens binnegaan nie. Geen dogters word in die koshuis toegelaat nie. Siekte Ouers word versoek om nie self met die dokter te skakel wanneer u seun siek is nie. By kennisname van swak gesondheid word hy na die superintendent of matrone aan diens verwys. U kind se gesondheid word eerste gestel en alle reëlings sal deur hulle getref word om die herstelproses te bespoedig. Indien u n navraag omtrent n siek leerder wil rig, skakel gerus die superintendent. Wanneer omstandighede dit vereis, sal doktersafsprake vir die leerders gemaak en hulle daarheen vervoer word. Ouers sal geskakel word wanneer die superintendent dit nodig ag. U sal verstaan dat daar nie oor minder ernstige ongesteldhede geskakel kan word nie. Dit mag moontlik wees dat ouers versoek word om leerders met ernstige ongesteldhede huis toe te neem. Leerders wat siek voel, rapporteer gedurende die aand/nag by die superintendent of soggens by die matrone. Let Wel: Leerders moet asseblief hul eie noodmedisyne soos hoofpynpille, pleisters, oog-, oor- en neusdruppels, keelseerpille, salf, asook toiletpapier en dies meer voorsien. ʼn Volledige uiteensetting van die prosedure in die geval van siekte is op bl. 31 van die Gedragskode. 14

16 Naweekreëlings n Leerder word toegelaat om enige naweek vanaf Vrydag 13:30 tot Maandag 07:15 huis toe te gaan, mits hy Saterdae sy sport- en ander verpligtinge nakom. Gedurende amptelike koshuisnaweke word leerders egter verplig om huis toe te gaan, aangesien die koshuis vanaf Vrydag 15:00 tot Sondag 16:00 gesluit word. Busroetes na Oudtshoorn, Mosselbaai, George, Knysna en die Oos-Kaap is beskikbaar op eie koste. Leerders wat ná ʼn naweek op n Sondagaand terugkeer, mag nie later as 21:30 die koshuis betree nie. Indien ʼn leerder oor naweke by ʼn maat wil gaan kuier, moet die ouers skriftelike of telefoniese toestemming, nie later nie as Donderdagaand, aan die superintendent of skoolhoof voorsien. Leerders vanaf nabygeleë dorpe wat gedurende weeksaande vanweë onvoorsiene omstandighede tuis gaan slaap, se ouers moet vroegtydig met die superintendent reël. Ouers word versoek om hierdie praktyk tot die absolute minimum te beperk. Ouers mag onder geen omstandighede leerders vanuit die koshuis verwyder voordat ʼn reëling met die superintendent getref is nie. Geen leerder sal toegelaat word om gedurende die week by n maat te gaan slaap nie. Die koshuis is gedurende naweke oop vir inwoning en etes teen geen ekstra koste nie. Daar is egter twee tuisnaweke per kwartaal wanneer alle inwoners die koshuis moet verlaat en geen etes en verblyf sal op hierdie naweke voorsien word nie. ʼn Volledige uiteensetting van naweekreëls is op bl. 31 van die Gedragskode. Studietye Graad 8- en 9-leerders studeer onder toesig in die studiesaal. Graad 10- tot 12-leerders mag in hulle kamers studeer. Studietye is soos volg: Studietye gedurende die eksamen is soos volg: Middagstudie: 14:45 15:45 14:15 15:00; 15:15 16:00 Aandstudie: 19:00 21:00 19:00 21:00 Leerders wat saans na ligte-uit of gedurende naweke studeer, mag onder geen omstandighede in die studiesaal rondloop of praat nie. Die persoon wat die lokaal laaste verlaat, is verantwoordelik vir die afskakel van die ligte. Etes Daar word drie etes per dag bedien. Die eetsaal word op kafeteria-basis bestuur. Etenstye is soos volg: Ontbyt: 06:45 Middagete: 13:40 Aandete: 17:30 ʼn Volledige uiteensetting van die eetsaalreëls is op bl. 34 van die Gedragskode. Selfoon Selfone word op eie risiko in die koshuis ingebring. Geen oproepe mag gedurende etenstye, stiltetye of studietye ontvang of gemaak word nie. ʼn Leerder se selfoon mag van hom weggeneem word indien hy nie die reëls gehoorsaam nie. In so ʼn geval sal die leerder sy selfoon aan die einde van die kwartaal weer by die superintendent ontvang wat dit in veilige bewaring sal hou. Selfoongebruik na ligte-uit is verbode. Beddegoed Leerders voorsien hul eie lakens, duvet en kussing. Hierdie praktyk word aangemoedig, aangesien dit tot die skep van ʼn huislike atmosfeer bydra. Slaapsakke word nie toegelaat nie. Wasgoed Die koshuis beskik oor ʼn washuis waar die leerders se wasgoed weekliks gedoen word. Elke inwoner is persoonlik daarvoor verantwoordelik om sy wasgoed waskamer toe te neem en weer af te haal. Elke seun se vuil wasgoed moet in n wasgoedsak (ook duidelik gemerk) wees. In die wasgoedsak moet ook n kontrolebriefie wees met die leerder se naam daarop, asook die hoeveelheid van elke soort kledingstuk wat ingegooi word. Briefies is by die washuis beskikbaar. Aangesien die seuns soms nat klere aan die wasgoeddrade wil hang, beveel ons aan dat u seun n stel wasgoedpennetjies saambring. Geen nat klere mag by die vensters uitgehang word nie. Leerders se klere moet asseblief behoorlik op die standaardplekke met gedrukte naametikette gemerk wees gewone koki en die meeste merkpenne was uit. 15

17 Alle klere moet duidelik as volg gemerk wees: ITEM Hemde Frokkies Truie Baadjie Broeke Onderbroeke Kouse Sakdoeke Handdoeke Wasgoedsakke Nagklere Breekskade Inwoners moet alle koshuiseiendom, asook eiendom van ander leerders, met die nodige versigtigheid en respek hanteer. Breekskade moet onmiddellik by die betrokke superintendent, personeellid of koshuisleier aangemeld word. Daaglikse program Weeksdae 06:15 Opstaanklok 06:35 Stilte 06:45 Ontbyt 07:20 Skool 13:35 Skool sluit 13:40 Middagete 15:45 Studie / landbouprakties 16:00 Sport 17:00 Stort 17:30 Aandete 19:00 Studie 19:55 Pouse 20:00 Tweede studiesessie 21:00 Studie eindig 21:30 Stiltetyd 21:45 Ligte-uit WAAR WORD DIT GEMERK Agter in die nek (sigbaar wanneer toegeknoop) Agter in die nek Agter in die nek Agter in die nek (sigbaar wanneer toegeknoop Op rek of band agter in die middel Op rek of band agter in die middel Aan bo-rand In een van die hoeke In een van die hoeke Aan die bo-rand Agter in die nek en op rek of band agter in die middel Saterdae Opstaanklok (soos bepaal deur sport en ander aktiwiteite) 07:30 Ontbyt 08:30 Dorp toe/sport 12:00 Middagete 17:00 Stort 17:30 Aandete 21:30 Stiltetyd 22:00 Leerders terug in koshuis 23:00 TV-kyk eindig Sondae 08:00 Ontbyt 09:05 Eerste bus vertrek vir kerk 12:00 Middagete 12:30 Stilte 17:00 Stort 17:30 Aandete 21:30 Stiltetyd 21:45 Ligte-uit KOSHUIS IS N TWEEDE HUIS Telefoonoproepe Telefoonoproepe mag net in die volgende tydgleuwe gemaak of ontvang word: Weeksdae 14:00 14:40 15:45 19:00 21:00 21:30 16

18 N SKOOL MET N VISIE ONTSTAAN SO HET ONS BEGIN Die Hoër Landbouskool Oakdale is op 5 Mei 1928 deur Dr. Malan geopen en het met ses seuns begin waarvan drie uit die destydse Transvaal en drie uit die Vrystaat gekom het. In 1978 word die huidige skoolgebou in gebruik geneem. Sedertdien het die skool in fasiliteite, onderriggeleenthede, prestasies en leerdertal gegroei tot een van die mees toonaangewende skole in die land. SKOOLWAPEN SKOOLVLAG SKOOLLIED Waar Oranje heide welig teen die Langeberge bloei het n skool met ideale vir n volk se jeug gegroei tot n vesting waar die liefde vir ons duur gekoopte land, ons besiel om steeds te dien met hoof en hand onder soeklig van die kennis kom begrip van die natuur so behou ons hierdie skone erfenis Ons sal vreugde vind in arbeid, ons sal trou bly aan ons taak steeds vertrouend op die grote Gods bestuur. Refrein Sing van Oakdale bly en luid Dra die boodskap tot die verste grense uit Deur die jare bly ons trou aan die hoogverhewe taak n land te bou. DIE KREET Boemelakke boemelakke wha wha wha Zikkelakke zikkelakke sa sa sa boulis boulis zileman who are, who are, who are we, we are we are can t you see? we are we are can t you guess? we are the boys of the O.H.S OAKDALE! OAKDALE S CALL Come the day and come the hour, come the power and the glory we have come to answer our children s call from the five proud standards of Oakdale. Chorus Oakdale, Oakdale together standing tall shoulder to shoulder we answer Oakdale s call. Hearts of steel and heads in bowing, vowing never to be broken We ll fight until we can t fight no more for the five proud standards of Oakdale. Chorus: herhaal 2 keer 17

19 .. INHOUDSOPGAWE SKOOL DEEL I Agtergrond DEEL II GEDRAGSREËLS Algemene reëls Klasreëls Reëls m.b.t. voorkoms en skooldrag Sport en buitemuurse aktiwiteite Skooleiendom VRL Skoolwerk en tuiswerk Toetse en eksamens Skoolrapporte Motorvoertuie en motorfietse Stiptelikheid Afwesigheid van skool Omgewing DEEL III KATEGORIEË VAN WANGEDRAG (Sien Bylae A) Inleiding Straf en strafstelsel Straf as kollektiewe maatreël Implementering van Staffroom-kontrolestelsel BYLAE A: SKOOL-OORTREDINGSLYS Kode A-oortredings Kode B-oortredings Kode C-oortredings KOSHUIS A KOSHUISBELEID Inleiding Algemeen Toelating Losiesgeld B KOSHUISREËLS Gedragsreëls en dissipline Besoekers Siekte Uitteken Beweging binne koshuis Studietye Etes Telefoon Wasgoed Breekskade Stiptelikheid Koshuisleiers Ligte-uit en opstaantyd Ander Uitsetting/skorsing Wysiging C KOSHUIS- EN DISSIPLINÊRE BELEID GEDRAGSKODE BYLAE B: KOSHUIS-OORTREDINGSLYS Kode A-oortredings en optrede Kode B-oortredings en optrede Kode C-oortredings en optrede Oortredingslys koshuis

20 DEEL I SKOOL - DEEL l AGTERGROND Die Hoër Landbouskool Oakdale (hierna genoem die skool ) is n openbare skool soos bedoel in Artikel 12, gelees met Artikel 52, van die SA Skolewet, 1996 (Wet 84 van 1996) (hierna genoem die Skolewet ). Die beheer van die skool vestig in sy beheerliggaam ingevolge Artikel 16 van die Skolewet. Artikel 8(4) van die SA-Skolewet bepaal dat alle leerders wat n skool bywoon, verplig is tot gehoorsaamheid aan daardie skool se Gedragskode. Die toepassing van die Gedragskode is die verantwoordelikheid van die skool se dissiplinêre komitee en Beheerliggaam. Alhoewel die staat n verpligting het om onderwys beskikbaar en toeganklik te maak, moet dit aangevul word deur die toewysing van aanvaarding van verantwoordelikhede deur die ander vennote in onderwys, onder meer leerders, opvoeders en ouers. DOEL Die doel van die gedragskode is om positiewe dissipline, selfdissipline en gedrag te bevorder aangesien leerders deur waarneming en ondervinding leer AANVAARDING VAN GEDRAGSKODE Die beheerliggaam aanvaar hiermee hierdie Gedragskode vir leerders van die skool onderworpe aan die bepalings uiteengesit in dele I, II en III hiervan. HERSIENING VAN GEDRAGSKODE Hierdie Gedragskode moet jaarliks deur die beheerliggaam hersien word. INWONING IN DIE KOSHUIS Leerders wat nie van koshuisinwoning gebruik maak nie, móét by hul ouers tuisgaan en mag nie by vriende of kennisse op Riversdal loseer nie. Aanvaar deur die Beheerliggaam van Hoër Landbouskool Oakdale kragtens n besluit geneem te Riversdal op hierdie 27ste dag van November 2016 Dr. Pieter Blignaut Mnr. André Latsky Mnr. Sakkie Schreiber VOORSITTER SKOOLHOOF SEKRETARIS 19

21 DEEL II SKEDULE A: GEDRAGSREËLS Nota: Die aanvanklike indeling van reëls as n Kode A-, B- of C-oortreding (in Bylae A) word gespesifiseer. Moontlike strafpunttoekenning of strafoptrede word gespesifiseer. ALGEMENE REËLS Die leerders sal hulle te alle tye gedra as goeie ambassadeurs van die skool. Die leerders sal te alle tye terwyl hulle geklee is in die skool se skooldrag of enige gedeelte daarvan wat voldoende is om hulle in die oë van die publiek met die skool te verbind, of terwyl hulle die skool verteenwoordig, direk of indirek, hetsy as deelnemers, ondersteuners, helpers, toeskouers of andersins, hulleself op so n wyse gedra dat dit nie die skool, personeel of hulle mede-leerders in n swak lig stel nie. Leerders moet te alle tye in hulle omgang met die skoolhoof, opvoeders en ander personeel van die skool die nodige hoflikheid en respek betoon en moet hulle weerhou van optrede wat neerkom op opstandigheid. SKOOL - DEEL ll Leerders is verplig om die skoolhoof en personeel te ondersteun in die daarstelling en handhawing van goeie orde/netheid, asook n omgewing en toestande waarin die leer- en opvoedingsproses ongehinderd toegepas kan word. In besonder word van leerders verwag om enige redelike opdrag van die skoolhoof, enige opvoeder, lid van die VRL of klaskaptein te gehoorsaam en onmiddellik uit te voer ten einde die oogmerk hierin genoem te verwesenlik. In hulle omgang met mekaar moet leerders sover moontlik selfbeheersing toepas en wedersydse respek en verdraagsaamheid betoon. In die besonder moet leerders hulle weerhou van enige gedrag wat daarop gemik is om die fisiese, geestelike en morele welstand van enige ander leerder te skend of wat daartoe mag lei. Geen leerder mag hom skuldig maak aan enige kriminele oortreding nie. Enige leerder wat hom skuldig maak deur die genoemde reëls te verbreek of versuim om na te kom sal by die erkenning van skuld of by bewys van skuld homself onderwerp aan die tug van die skool en soos hierna uiteengesit in Bylae A. Algemene Gedragsreëls (verwys na Bylae A) Kwaadwillige beskadiging, vandalisering, verwaarlosing en diefstal van skooleiendom of ander persone se besittings, word verbied. Enige daad van oneerlikheid in klaswerk, tuiswerk, toetse of eksamens is verbode. Die kopiëring van óf leen van n ander sê werk is verbode. Leerders sal die geloof, kulture, waardigheid en regte van ander leerders respekteer. Enige optrede wat die kultuur, ras of geloof van n ander verneder, of inbreuk maak op n ander leerder se reg tot privaatheid, menswaardigheid en vertroulikheid, word streng verbied. Enige taalgebruik wat diskriminerend, rassisties of verkleinerend is, is streng verbode. Elke leerder sal die eiendom en veiligheid van ander leerders respekteer. Bakleiery en dreigemente teenoor ander leerders word verbied. Die besit, kopiëring en/of lees van afstootlike of pornografiese materiaal is streng verbode. Die besit of gebruik van sigarette, e-sigarette of ander rookgoed is verbode. Geen gevaarlike voorwerpe soos omskryf deur die SA-Skolewet of die veiligheidsregulasies mag gebring of gebruik word op die skoolterrein tensy dit deur die skoolhoof vir opvoedingkundige doeleindes gemagtig is nie. Gevaarlike voorwerpe sluit in messe, vuurwapens of enige voorwerp wat n ander leed kan aandoen. Geen vuurwerke mag op die terrein afgevuur word nie. Geen leerder mag in besit van klappers wees nie. Die gebruik van alkohol deur leerders op die skoolterrein of wanneer onder toesig van die skool, word ten sterkste verbied. Die besit of gebruik, verspreiding of verhandeling van enige onwettige chemiese bestanddeel of dwelms, soos omskryf deur die SA-Skolewet, is ten strengste verbode. Die skool het die reg om te enige tyd skooltasse of kaste en/of leerders te deursoek of om enige deursoeking aan te vra of toe te laat deur die betrokke gesag. 20

22 KLASREËLS Klasreëls moet deur die klasopvoeder geformuleer word in oorleg met die leerders in die betrokke klas aan die begin van elke skooljaar. Na formulering daarvan moet die klasreëls skriftelik opgestel word en onmiddellik ingedien word by die skoolhoof en beheerliggaam van die skool; aangebring word in duidelike leesbare skrif op n prominente plek in die klaskamer; beskikbaar gestel word aan elke leerder en sy/haar ouers. Die skoolhoof mag, na oorleg met die beheerliggaam en die klasopvoeder die klasreëls aanvul of aanpas wanneer dit redelik noodsaaklik is vir doeleindes van gesonde professionele bestuur; in konsultasie met die opvoeders of sy personeel, die VRL, en met die vooraf toestemming van die beheerliggaam, algemene klasreëls vir alle klasse van die skool formuleer vir insluiting in hierdie Gedragskode. Sodanige algemene klasreëls sal hanteer word in ooreenstemming met 2.2 hierbo. Leerders moet stiptelik en volledig voldoen aan die klasreëls asook aan enige verbale opdragte gegee deur die klasopvoeder of enige uitvoerende personeellid en wat redelikerwys noodsaaklik is om uitvoering te gee aan hierdie Gedragskode en/of redelik noodsaaklik is vir die behoorlike professionele bestuur van die skool. REËLS MET BETREKKING TOT VOORKOMS EN SKOOLDRAG Daar word van leerders verwag om geklee te wees in die amptelike skooluniform soos van toepassing tydens onderrig, sport en funksies. Geen byvoeging tot die skooluniform wat nie deel is van die voorgeskrewe drag (bv. musse en serpe) is toelaatbaar nie. Geen armbande of juweliersware (behalwe polshorlosies) mag saam met skooldrag gedra word nie. Slegs Medic Alert-bande is toelaatbaar. Slegs die voorgeskrewe bruin Bronx skoolskoene met n 15mm dik sool mag gedra word. Skoenveters moet na behore ingeryg en styf getrek wees. Alle leerders moet n bruin lyfband dra saam met die grys of kakie-broek wat voorsien is van lyfbandlussies. Die volgende drie uniform-tipes is van toepassing: Kakiedrag Kort of lang kakiebroek, kakiehemp, skooltrui (langmou of pullover ) of donkerblou warmbaadjie (windjakker), bruin Bronx skoene met veters en kakie sokkies. Lang sokkies word saam met kortbroeke gedra. Kwartaal 1 en 4: Somers no.1-drag Wit hemp met wapen op sak en oopslaan kraag, grys kort- of langbroek, grys kouse, bruin Bronx skoene met veters, skooltrui of pullover indien nodig. Kwartaal 2 en 3: Winters no.1-drag Kleurbaadjie, wit dashemp, skooldas, grys kort- of langbroek, grys kouse, bruin Bronx skoene met veters, skooltrui of pullover indien nodig. Sportdrag Voor en na wedstryde moet leerders in no.1-wintersdrag geklee wees of soos deur die onderwyser gereël. Elke leerder se klere moet duidelik gemerk wees. Geen juweliersware, uitgesonderd van horlosies, of oormatige lapelwapens, mag gedra word met sportdrag nie. L.O. drag Oakdale-atletiekfrokkie en -broekie 21

23 Swemdrag Erkende swemdrag (deurtrekkers of iets soortgelyks word nie toegelaat nie.) Atletiekdrag Oakdale-atletiekfrokkie, -broekie, -gholfhemp en -sweetpak. Blou ski pants is toelaatbaar onder atletiekbroekie. Krieketdrag Juniors: Wit kortbroek, rugbykouse, Oakdale-gholfhemp, krieketskoene of oorwegend wit tekkies. Seniors: Wit langbroek, wit tenniskouse, Oakdale kriekethemp, krieketskoene of oorwegend wit tekkies. Gholfdrag Donkerblou langbroek, bypassende kouse, Oakdale-gholfhemp, gholfskoene of gepaste sportskoene. Tennisdrag Blou Oakdale-broekie, tenniskouse, Oakdale-pet, -gholfhemp, tennisskoene of oorwegend wit tekkies. Rugbydrag Eerstespan: Ander spanne: Truie en broekies soos deur skool verskaf, Oakdale rugbykouse. Oakdale-rugbytrui, -rugbykouse, rugbystewels en wit rugbybroek. SKOOL - DEEL ll Muurbaldrag Oakdale-gholfhemp, blou sportbroek, wit kouse en oorwegend wit sportskoene Toutrek 560 kg-span: Trui soos deur skool verskaf, swart oefenbroek met rooi Oakdale-rugbykouse Ander spanne: Oakdale-rugbytrui en swart broek met rooi Oakdale-rugbykouse. Dit is steeds die plig van die ouer om toe te sien dat leerders netjies en korrek geklee is. Leerders moet elke dag skoon en netjies geskeer wees. HARE Hare moet ten alle tye netjies versorg en gesny wees. Hare mag nie aan die kraag of ore raak nie. Geen haarlae ( steps ) of haarkleuring word toegelaat nie. Die kuif mag nie laer as die middel van die voorkop wees nie. Geen onnatuurlike stileringsmiddels mag aangewend word nie. Geen vreemde of uitheemse haarstyle is toelaatbaar nie. Bakkebaarde (side whiskers) mag nie laer as die middel van die oor strek nie. Hare mag nie korter as n no.3-kammetjie gesny word nie. SPORT EN BUITEMUURSE AKTIWITEITE Deelnemers in sport Leerders wat gekies word om die skool te verteenwoordig as deelnemers in enige sportaktiwiteit of namens hulle interne spanne, moet geklee wees in die voorgeskrewe sportdrag tydens deelname aan sodanige aktiwiteit. Na deelname aan rugby moet leerders geklee wees in no.1-wintersdrag of andersins in ʼn skoolsweetpak. Van alle leerders wat deelneem aan gemelde sportaktiwiteite word lojaliteit teenoor die skool en mededeelnemers verwag. In besonder word van deelnemers verwag om betyds en stiptelik aan te meld by die plek waar die aktiwiteit plaasvind of vanwaar die deelnemers vertrek na die betrokke plek van deelname. Afwesigheid van n aktiwiteit waarvoor n leerder gekies is om die skool te verteenwoordig sal slegs gekondoneer word indien n geldige skriftelike verskoning aan die sporthoof oorhandig word nie later nie as een dag voor die betrokke aktiwiteit plaasvind. 22

24 Dit word van deelnemers aan gemelde sportaktiwiteite namens die skool verwag om te alle tye hoflik op te tree en te voldoen aan die beslissings, voorskrifte en opdragte van: die sporthoof en die opvoeder betrokke by die spesifieke sport die skeidsregter of beoordelaar ten aansien van die betrokke aktiwiteit die spankaptein Alhoewel dit aanvaar word dat leerders wat aan sportaktiwiteite deelneem dit met oorgawe en met volle inspanning doen, word van sodanige leerders verwag om selfbeheersing en dissipline toe te pas. In die besonder mag leerders nie op n onsportiewe wyse optree nie en mag hulle nie vuil of beledigende taal gebruik of betrokke raak in gevegte of insidente of hulle skuldig maak aan vuil- of onbehoorlike spel van enige aard nie. Toeskouers en ondersteuners van sport en ander buitemuurse aktiwiteite Alle leerders wat enige skoolaktiwiteit as toeskouers of ondersteuners bywoon, sal benewens die verpligting om die bepalings van hierdie Gedragskode na te kom, hulle weerhou van ontwrigtende, onbehoorlike, opstandige, onnodig opruiende of onbetaamlike gedrag. In die besonder mag leerders nie negatief reageer op die beslissings van beoordelaars of skeidsregters nie. Leerders wat enige skoolaktiwiteit bywoon, sal hulle onderwerp aan en gehoorsaamheid openbaar teenoor enige opdragte en aanwysings aan hulle gegee voor, tydens en na afloop van die betrokke aktiwiteit deur die skoolhoof, enige opvoeder, lid van die VRL of ouer deur die skoolhoof aangestel om te help met die vervoer, toesig of kontrole van leerders wat vervoer word na of van die betrokke aktiwiteit of dit bywoon. SKOOLEIENDOM Skooleiendom sluit die volgende in: die grond en geboue deur die skool beset en enige permanente aanhegting aan sodanige grond en geboue; alle ander eiendom, insluitende toerusting, boeke, voorraad, motorvoertuie, implemente, diere, boorde en dies meer, wat die skool as eiendom besit of as huurder besit of stoor, of ten opsigte waarvan die skool vir die beskadiging of verlies daarvan wetlik aanspreeklik gehou kan word. Elke leerder is verplig om alles in sy/haar vermoë te doen om die skool se eiendom te bewaar sodat dit gebruik kan word tot voordeel van alle huidige en toekomstige leerders van die skool. Enige skooleiendom wat aan die sorg en kontrole van n leerder toevertrou word, moet aan die skool teruggelewer word op die bestemde tyd (d.w.s. wanneer daartoe versoek deur die beheerliggaam, skoolhoof of n opvoeder van die skool) in dieselfde toestand as waarin dit was toe dit aan die leerder toevertrou is, billike gebruik en slytasie uitgesluit. Leerders en hul ouers sal aanspreeklik wees teenoor die skool vir vergoeding vir enige verlies of skade aan sodanige eiendom. Geen leerder mag doelbewus of deur nalatigheid enige skooleiendom skend, beskadig, vernietig of verloor nie. Geen leerder mag enige skooleiendom van die perseel van die skool verwyder sonder die vooraf toestemming van die skoolhoof of n opvoeder van die skool nie. Leerders mag nie enige eiendom van die personeel van die skool, mede-leerders, besoekers aan die skool of lede van die publiek hanteer, verskuif, beskadig, merk, skend of vernietig nie. Hierdie reël is van toepassing op eiendom op die skoolterrein, in die onmiddellike omgewing van die skool, by of naby die plek van enige skoolaktiwiteit, asook enige voertuig waarmee leerders vervoer word en die eiendom daarop. VERTEENWOORDIGENDE RAAD VAN LEERDERS (VRL) Die skoolhoof mag, in oorleg met die VRL, n gedragskode vir die VRL formuleer. Die skoolhoof, in oorleg met die personeel en VRL, moet n pligstaat vir die VRL formuleer, n afskrif daarvan aan elke lid van die VRL, hul ouers en alle leerders voorsien en op die skool en/of VRL se kennisgewingbord aanbring. Die lede van die VRL moet die voorskrifte van die pligstaat nakom. Die gedragskode en pligstaat vir die VRL en alle wysigings daarvan moet by die beheerliggaam ingedien word vir liassering, tesame met hierdie Gedragskode. 23