GRATIS Tel : /4114 voute S H M I L Y Deur Laura Jeanne Allen

Transcription

1 GRATIS Uitgawe Nr 2 Tel : /4114 M et groot opgewondenheid is ons weer hier met ons 2de Uitgawe van Die Trompet. Baie dankie aan almal wat n bydrae gemaak het. Ons het van verskillende persone bydraes en artikels ontvang en as ons in die geheel kyk dan is dit met verbasing dat ons agter kom dat die grootste deel van hierdie Trompet handel oor ouer/kind verhoudings. Ons wil graag die druk van die Trompet finansier deur die plaas van advertensies of as u n bladsy wil borg of n donasie wil maak sal dit waardeer word. Ons volgende uitgawe sal ons KERSUITGAWE wees wat ons baie spesiaal wil maak so kry asseblief u bydraes reg en stuur dit vir ons. Weereens vir elkeen se bydrae (wat net so geplaas word) om hierdie uitgawe n sukses te maak, baie dankie. U as leser, dankie dat u onthou ons is nie perfek nie en dat voute oorgesien sal word soos ons Vader ons elkeen onvoorwaardelik aanvaar. Liefde in Christus Die Trompet My grootouers was vir langer as 'n halwe eeu getroud. Vandat hulle ontmoet het, het hulle hul eie spesiale speletjie gespeel. Die doel van hulle speletjie was om die woord "shmily" erens op 'n verrassingsplekkie te skryf waar die ander een dit moes kry. Hulle het beurte gemaak om oral in die huis 'n "shmily" agter te laat. So dra een van hulle dit gekry het, was dit sy of haar beurt om dit weer 'n keer weg te steek. In die suiker- en meelhouers het hulle met hulle vingers "shmily geskryf. Die verrassing het vir die een gewag wat die volgende maaltyd voorberei het. Hulle het "shmily" in die dou geskryf op die vensters wat uitkyk op die stoep, daar waar my ouma altyd vir ons warm, tuisgemaakte nagereg vol blou voedselkleursel gegee het. "Shmily" is in die stoom op die badkamerspieel geskryf. Na elke warm stortbad het dit weer daar verskyn. Op 'n keer het my ouma selfs 'n hele rol toiletpapier afgerol om "shmily" op die heellaaste velletjie te los. Daar was net geen einde aan die plekke waar "shmily" opgeduik het nie. Klein notatjies waarop haastig "shmily" geskryf was, is ontdek op die motor se instrumentebord, op die motorsitplekke of vasgebind aan die stuurwiel. Die notas is binne-in skoene of onder kussings weggesteek. "Shmily" is in die stof op die kaggelrak geskryf en sommer ook in die as in die kaggel self. Hierdie geheimenisvolle woord was net so deel van my grootouers se huis as die meubels. Dit het my nogal lank geneem voordat ek hulle speletjie ten volle leer waardeer het. Skeptisisme het my daarvan weerhou om in ware liefde te glo; 'n liefde wat rein en blywend is. Ek het egter nooit my grootouers se verhouding in twyfel getrek nie. Hulle het die liefde bemeester. Dit was vir hulle meer as hulle koketterige speletjie. Dit was vir hulle 'n leefwyse. Hulle verhouding was gebaseer op 'n toewyding en liefdevolle toegeneentheid wat nie sommer enigeen belewe nie. Ouma en Oupa het by elke moontlike geleentheid hande vasgehou. Elke keer wanneer hulle mekaar in hulle klein kombuisie raakgeloop het, het hulle soentjies gesteel. Hulle het mekaar se sinne voltooi en saam-saam elke dag se blokkiesraaisel en S H M I L Y 1 woordspeletjie aangepak. My ouma het vir my gefluister hoe oulik my oupa is, hoe mooi hy oud geword het. Sy het beweer dat sy regtig weet "hoe om haar 'mans' uit te soek". Voor elke maaltyd het hulle twee die hoof gebuig en gedank. Hulle het hulle verwonder oor hulle seëninge: 'n wonderlike gesin, voorspoed en dat hulle mekaar het. Maar daar het 'n donker wolk oor die lewe van my grootouers gehang; my ouma het borskanker gehad. Die siekte het vir die eerste keer tien jaar vantevore sy verskyning gemaak. Soos altyd was Oupa aan haar sy. Hy het haar getroos in hulle geel kamertjie. Die kamertjie is spesiaal so geverf sodat sy altyd omring kon wees van sonskyn, selfs al was sy te siek om buitentoe te gaan. Die kanker het gou weer haar liggaam begin aanval. Met die hulp van 'n wandelstok en my oupa se ferm hand het sy elke Sondag saam met hom kerk toe gegaan. Stadig maar seker het my ouma egter swakker en swakker geword. Uiteindelik kon sy glad nie meer buitentoe gaan nie. Vir 'n rukkie het my Oupa alleen kerk toe gegaan en tot God gebid om intussen oor sy vrou die wag te hou. Toe, op 'n dag, het uiteindelik gebeur wat ons almal gevrees het. Ouma was weg. "Shmily." Dit was krom en skeef in geelletters op die ligroos linte van my ouma se begrafnisrulker geskryf. Namate die skare uitgedun geraak en die laaste roubeklaers begin pad gee het, het my tantes, ooms, niggies, neefs en ander familielede vorentoe gekom. Vir een laaste keer het almal om Ouma vergader. Oupa het nader aan my ouma se kis gestaan. Na 'n bewerige asemteug het hy vir haar begin sing. Deur sy trane en hartseer heen het die lied weerklink: 'n swaar, heserige slaapliedjie. Ek was oorweldig deur my eie emosies. Tog sal ek nooit daardie oomblik vergeet nie. Ek het geweet dat ek nie naastenby die diepte van hulle liefde kon peil nie. Ek het wel geweet ek was bevoorreg om getuie te wees van die onvergelyklike skoonheid van hulle liefde. Sh-m-i-l-y-: See How Much I Love You." Dankie, Ouma en Oupa, dat julle dit vir my laat sien het. Deur Laura Jeanne Allen

2 I 3 belangrike rolspelers n Jeubediening is daar veral drie belangrike rolspelers. Die jeug self, die volwasse jeugleiers en die ouers. Vandag wil ek skryf oor die ouer en hul ongelooflike belangrike rol. Net soos kinders n gawe aan ouers is, is ouers n gawe aan kinders. God het ouers vir kinders gegee om hul te leer van God se verhouding met ons as mense, om hul deel te maak van God se genadeverbond. Maar ouers is ook rolmodelle en kinders leer meer deur voorbeeld as enige-iets anders. Omdat ouers in so n naby verhouding met hul kinders leef, is hul impak groter as enige iemand anders. In hierdie verhouding waar ons mekaar leer ken en liefde deel, moet die christelike geloof deur ouers en kinders ontdek word. Ons as ouer moet in als wat ons doen ons geloof in God in verband bring. Ons moet ons eie gedrag so maak dat dit n voorbeeld sal wees vir ons kinders. Aloewel dit nie gaan om ons kinders soos die ouers te maak nie, gaan dit daaroor dat ons hulle moet help volg, wie ons volg, Jesus Christus. Ouers is ook onmisbare vennote in elke faset van jeugbediening. Ons moet hulle nie net aflaai en dan laat waai nie. Met ons doopbelofte en God se genadeverbond is ons geroepe tot vennote. Ons moet saam met mede gelowiges ons gesinne opbou en dan as verbondsgesinne uitreik na die wêreld. Begin praat oor God met jou kinders. Bid saam met hulle en wys hulle dat jy n verhouding het met die lewende God. Ons wil altyd net die beste vir ons kinders hê. Ons ry hoe ver agter sport aan, oefening toe, help selfs afrig. Daar s ekstra klasse, musiek, noem maar op, en ons doen dit vir hulle. Maar die beste wat ons ooit vir hulle kan gee, los ons uit. n Verhouding met ons Almagtige Vader, n lewe wat nooit sal eindig nie. So, kyk weer n slag na jou prioriteite en besluit wat/wie is die belangrikste. In die Sept/Okt uitgawe van JUIG is n arikel: Goddelike riglyne vir ouerskap. n Vraag wat hul daarin vra is: Is jy n ouer wat vroeg opstaan omdat jou werkgewer jou vroeg reeds aan die werk wil sien? OF is dit om jou Skepper te soek en in gebed vir jou familie in te tree? Jou antwoord sal n duidelik aanduiding wees van jou prioriteite in die lewe. FC van Eeden JEUG in AKSIE By die jeug WOENDSDAG AANDE het ons geleer hoe lyk God, hoe sien ons Hom en Wie is Hy regtig. Ons het gepraat oor wie Jesus is en wat Hy vir ons kom doen het;. Ons het kom leer om met sekerheid te weet ons is gered en herskep om vir Hom te leef. Maar ons het ook geleer om net stil te sit by God en Sy liefde te ervaar om by Hom te bly. Ander goed waaroor ons gepraat het was of tattoo s reg of verkeerd is, hoe ons van God moet getuig en wat is die verskil tussen n dissipel en n christen. Ons het darem ook n bietjie pret gehad met paintball, waar ons gesien het die game is baie soos geloof. Almal wil speel of probeer maar almal is nie bereid om enduit vol te hou nie. Solank dit lekker is speel ons, maar as die seer/opoffering ons eers tref, hou ons sommer op. Geloof is net soos paintball, dis makliker saam as n span waar jy ondersteuning het en iemand wat jou rug kan dek, as om alleen te wil veg. So kom veg saam as n span, sodat ons mekaar kan opbou en help om God uit te leef in die wêreld. Groete Die JEUGSPAN WEERHAAN OP DIE KERKTORING Hoewel weerhane nie eintlik meer op die moderne kerktorings aangebring word nie, sien n mens dit tog nog wel op die ouer kerke, veral op die platteland. (Eintlik is weerhaan nie n goeie woord nie, want die haan op die kerktoring sê niks van die weer nie; dit dui net aan in watter rigting die wind waai. Windhaan sou dus dalk n beter woord gewees het.) Vra n mens na die betekenis en simboliek van die haan op die kerktoring bring die meeste mense dit in verband met die haan wat gekraai het toe Petrus Jesus verloën het, (Kyk Mat 26:34, 75) maar hulle weet nie mooi hoe die vurk in die hef steek nie. Kyk jy verder terug, sien jy dat die Christene dikwels die haan in sketse gebruik het om diepe berou uit te beeld. (Dit was die haan se gekraai wat Petrus laat besef het hoe diep hy gaval het.) Ons lees die eerste keer van n haan op n kerktoring toe Rampertus, die biskop van Brescia, in 820 n.c n haan vir sy kerk laat giet het. Lank voor 820 was dit egter al n belangrike Christelike simbool ook omdat dit reeds in die ou Testament betekenis gehad het. Ons lees bv. van die haan in Job 38:36. Sommige antieke tekste vertaal dit met Wie gee insig aan die haan om die dag aan te kondig? 2

3 (In die ou vertaling is dit vertaal met Wie het verstand gegee aan die wolfgevaarte? terwyl die Griekse Ou Testament dit vertaal het met Wie het aan die vrouens die wysheid gegee om te weef, of die kennis van borduurwerk? ) Kom ons keer terug na die ou weergawe van Job 38:36. Op grond daarvan is geglo dat God aan die haan wysheid gegee het om te onderskei wanneer die dag aanbreek, en so het die haan simbool geword van goddelike wysheid. Aangesien die haan kraai wanneer die dag breek, het vroeë Christene die haan ook as simbool vir die prediker gebruik. Hy is gesien as die een wat in die duisternis van die teenswoordige wêreld met sy hanekraai (die verkondiging van die Woord) moet verkondig dat die lig (die nuwe tydvak in Christus) aangebreek het. Hulle het ook die woorde van Rom 13: in die bek van die haan (die mond van die prediker) gelê: die uur is reeds daar dat julle uit die slaap moet wakker word, want die tyd van die finale verlossing is nou nader as toe ons tot die geloof gekom het. Die nag is byna verby; dit is amper dag. Laat ons dan ophou met die werke van die duisternis; laat ons die wapens van die lig opneem. Ons moet welvoeglik lewe soos dit in die daglig hoort. Antieke teoloë het ook daarop gewys dat n haan eers sy vere regskud voordat hy kraai. Net so moes predikers eers hulle eie lewens in orde kry voordat hulle begin kraai om sondaars uit hulle sondige slaap te wek en op te roep tot n nuwe lewe. Die reëlmatige kraai van die haan voor dagbreek het daartoe aanleiding gegee dat die haan ook as simbool van waaksaamheid beskou is en verder as wekroep tot bekering en tot die ware lewe. Ons moet onthou dat die nag vir antieke mense n groot verskrikking ingehou het. Hulle nagte was pikdonker en die bose kon dan heers. So het die nag ook simbolies vir die dood geword. Wanneer die haan kraai, het die bose demone gevlug en het die duisternis gewyk. Net so wyk die dood voor Christus se koms en so het die haan ook simbool geword van Christus se oorwinning oor die duisternis en die hoop op die opstanding uit die dood. Die haan was egter ook simbool van goedheid en vrygewigheid op grond van die waarneming dat hy vir die henne sorg en hulle onder andere nader roep as hy iets gevind het om te eet. Eucherius skryf in die vyfde eeu dat die verkondiger van God se Woord net so moet optree wanneer hy goddelike wysheid in die Woord van God vind dat hy dit met sy henne ander gelowiges moet deel. Ander skrywers Christelik sowel as nie-christelik het soms na die strydlustigheid van die haan verwys en soms het teoloë dit in verband gebring met die wedstryd waarmee Paulus die lewe van die mens vergelyk (1Kor 9: 24-25). Die voortplantingsdrange van die haan het ook die aandag getrek en daarom is hy dikwels gebruik as simbool van vrugbaarheid. Aan die negatiewe kant is juis dit soms gesien as simbool van onkuisheid. Ten slotte is die haan ook gebruik as simbool vir Christus self, Hy wat ons tot die lewe oproep. Uit: Simbole veilig of gevaarlik? Deur Hennie Stander 10 BELOFTES 1. As ek die eerste plek in jou lewe inneem, sal jy geen ander gode wil dien nie, want Ek sal die ereplek in jou lewe hê. 2. As Ek in jou hart woon, sal dit nie nodig wees om gesnede beelde van My te maak nie, want jy sal self my beeld dra. 3. As jy My liefhet, sal my Naam nooit n vloekwoord oor jou lippe wees nie, maar in alle omstandighede deur jou eerbiedig en gerespekteer word. 4. As ek die ereplek in jou lewe het, sal Sabbatdag die hoogtepunt van die week vir jou wees. Dit sal vir jou n vreugde wees om My in die gemeenskap van die heiliges te aanbid. Dit sal n dag wees om na uit te sien; nie op te sien nie. 5. As ek in jou lewe is, sal dit vir jou n voorreg wees om jou ouers te eer en lief te hê. Dit sal nie vir jou moeilik wees nie, want agter hulle sal jy My sien wat hulle vir jou uitgekies het. 6. As jy my liefde jou eie gemaak het, sal jy nooit iemand wil seermaak of haat nie, wat nog te sê doodmaak. 7. As jy My liefhet, sal dit nie moeilik wees om aan jou lewensmaat getrou te wees nie. As Ek n plek in jou huwelik het, sal julle vir mekaar lief wees en julle geluk sal Ek in my hande bewaar en vashou. 8. As Ek op die troon van jou lewe sit, sal jy daagliks vra: Aan wie en waar kan ek iets gee? Jy sal ook nooit iets van n ander wil neem nie. 9. As Ek in jou lewe is, sal dit nie meer vir jou lekker wees om van n ander kwaad te praat nie. Deur my Gees sal jy n mens wees wat van n ander niks sal sê as dit nie iets goeds is nie. 10. As jy een met My is, sal my Gees jou tevredenheid gee om vergenoegd te wees met wat jy het, in die besef dat God gee soos wat jy nodig het. Wat Hy gee, is altyd genoeg sodat jy niks kortkom nie. SKRYWER ONBEKEND (Ester Dempsey HET JY GEWEET? Jesus het gesê: Ek is die weg en die waarheid en die lewe. Niemand kom na die Vader toe behalwe deur My nie. VERSOENING PACO, MEET ME AT HOTEL MONTANA NOON TUESDAY ALL IS FORGIVEN. PAPA This ad was placed in the El Liberal newspaper by a remorseful Spanish father who decided to reconcile with his son who had run away to Madrid. Paco is a common name in Spain. Noon time at the square Papa found eight hundred young men named Paco waiting for their fathers. 3

4 Saying Grace in a Restaurant Sometimes we forget the really important things in life. Last week, I took my grand-children to a restaurant, my six-year old grand-son asked if he could say grace. As we bowed our heads he said, God is good, God is great, Thanks you for the food and I would even thank you more if Nana gets us ice cream for dessert. And liberty and justice for all! Amen! Along with the laughter from the other customers nearby, I heard a woman remark, That,s what s wrong with this country. Kids today don t even know how to pray. Asking God for ice cream! Why, I never! Hearing this, my grandson burst into tears and asked me, did I do it wrong? Is God mad at me? As I held him and assured him that he had done a terrific job, and God was certainly not mad at him, an elderly gentleman approached the table. He winked at my grandson and said: I happen to know that God thought that was a great prayer. Maak tyd vir mekaar Really? my grand-son asked. Cross my heart, the man replied. Then, in a theatrical whisper, he added (indicating the woman whose remark had started this whole thing), Too bad she never asks God for ice cream, a little ice cream is good for the soul sometimes. Naturally, I bought my grand children ice cream at the end of the meal. My grandson stared at his for a moment, and then did something I will remember the rest of my life. He picked up his sundae and, without a word, walked over and placed it in front of the woman. With a big smile he told her, Here, this is for you. Ice cream is good for the soul sometimes; and my soul is good already. SKRYWER ONBEKEND (Johan du Preez) Ek lees nou die dag hierdie treffende stukkie: A teacher from a primary school asks her students to write an essay about what they would like God to do for them. At the end of the day, while marking the essays, she reads one that made her very emotional. Her husband, who had just walked in, saw her crying and asked her what happened. She answered, Read this, It is one of my students; essays. Oh God, tonight I ask you something very special: Make me a television. I want to take its place. I want to live like the TV in our house. I want my own special place and I want my family around me. I want to be taken seriously when I talk. I want to be in the centre of attention and I want to be heard without interruptions or questions. I want to receive the same special care that the TV receives when it is not working. I want to have the company of my dad when he arrives home from work, even when he is tired. I want my mon to want me when she is sad and upset, instead of just shouting at me or ignoring me. I want to feel that my family leaves everything aside just to spend time with me. Lord, I don t ask for much. I just want to live like every TV. At that moment her husband said: Poor child. What horrible parents. She looked up at him and said: That essay is our son s. In Ef 5 en 6 skryf Paulus indringend oor die verhouding tussen mans en vrouens, ouers en kinders, werkgewers en werknemers. In die vorige hoofstuk het hy geskryf: Maak die beste van elke geleentheid. Tyd is kosbaar, maak vandag tyd vir mekaar. Maak die tyd saam spesiaal, daarsonder is geen ware verhouding moonlik nie. (Oorsprong onbekend) Ester Dempsey HET JY GEWEET? Die Here het gesê: Kom na my toe dat julle gered kan word, almal op aarde, want Ek is God, daar is geen ander nie. (Jes 45:22) WENKE WAT WERK Voeg n eetlepel of twee van smeerkaas by witsous vir n heerlike kaasgeur. Gooi n paar eetlepels suurroom, dikroom, of roomkaas by eiers vir ryker omelette. Voeg n paar eetlepels joghurt by maalvleis as jy frikkadelle maak dit voorkom sooibrand. Voeg suurlemoensap by Kerrie wat te sterk is. Vir heerlike versiersuiker wat nie te soet is nie: voeg ¼ k koffieveromer by 1k versiersuiker. Smeer vleis met fyn pynappel en laat staan 2ure om vleis sag te maak, haal af voor gaarmaak. 4

5 Ons stry om gister heel te maak, ons môre lê onbewaak... Met groeiende ontsteltenis lees n mens daagliks in koerante van die toenemende kinder- en jeugmisdaad. Dit kan ongetwyfeld teruggevoer word na n gebrek aan dissipline die fyn ragwerk wat ons beskawing aanmekaar hou, die behoudende onderbou van ons samelewing. Daar word beweer dat daar onder ons jongmense groot verwarring bestaan oor wat reg of verkeerd is; toelaatbaar of nie; wat ek mag en nie mag nie. Ons sal weer en spoedig by die grondwaarhede van die begrip dissipline moet uitkom. Die digter DJ Opperman sê tereg: Ons stry om gister heel te maak; ons môre lê onbewaak! Dissipline kom van dieselfde wortel as dissipel. n Dissipel is n volgeling van iemand wat reg gelei en begelei word. As ouers besit ons die verantwoordelikheid om ons kinders reg te lei, en moet deur regverdige gesag n gevoel van sekerheid, geborgenheid en liefde by die jeug skep. Dit is nie n sentimentele ruggraatlose, kruipende liefde wat vir jou kind n maat wil wees nie n oppervlakkige en onwaardige strewe om by jou kind populêr te wees nie. Jy kan in elk geval nie met jou kind se maats meeding nie, net so min as wat sy maats met jou as ouer kan meeding. George Ingle vertel in sy boek, The Lord s Creed van n pamflet wat die polisie in Houston, Texas, uitgereik het. Dit is aan ouers gerig en dra die ongewone titel: Hoe om met twaalf eenvoudige reëls van jou kind n misdadiger te maak. Vry vertaal lui dit so: Begin in sy vroeë jeug om aan jou kind alles te gee wat hy vra. Dan sal hy groot word met die idee dat die wêreld hom n bestaan skuld. As hy vloektaal gebruik, lag daaroor. Dit sal hom laat dink dat hy dan prettig is. Weier om hom geestelik op te voed. Wag tot hy 21 is en laat hom dan self besluit wat goed of sleg, reg of verkeerd is. Vermy die gebruik van die woord verkeerd. Dit sal hom voorberei om later as hy in hegtenis geneem word vir motordiefstal of dwelmgebruik, te glo dat die samelewing teen hom is en hom sonder rede vervolg. Tel alles op wat hy laat rondlê: skoene, boeke, klere. Doen alles vir hom sodat hy later bedrewe is om alle verantwoordelikheid op ander te plaas. Laat hom toe om alles te lees waarop hy sy hande kan lê. Sorg dat die glase en eetgerei gesteriliseer is, maar laat toe dat sy denke verswelg en besoedel word in die rioolslote van die wêreld van pornografie. Stry dikwels met jou huweliksmaat in die teenwoordigheid van jou kinders. Dan sal hulle nie te geskok wees as jou huwelik misluk nie en ook nie as hul eie later nie slaag nie. Gee aan jou kind al die sakgeld wat hy vra. Moet nooit dat hy so verneder word om sy eie te verdien nie. Waarom moet die arme bloedjie net so swaar kry as wat jy as kind gekry het? Voorsien in elke begeerte vir kos, drinkgoed en gerief. Sorg dat elke sinlike begeerte bevredig word. Weiering kan lei tot frustrasie, komplekse en neerslagtigheid. Kies altyd sy kant teen die bure, onderwysers en polisie. Hulle is maar net almel teen hom gekant. Wanneer hy dan regtig in die moeilikheid kom, verskoon net jouself deur te sê: Ek het nooit met die kind iets kon regkry nie. Berei jou dan voor op n lewe van droefheid en pyn, want dit is wat waarskynlik vir jou voorlê. Stof tot ernstige nadenke, nie waar nie! Die feit bly: ons sal opnuut weer ons kinders liefdevol moet lei en begelei. Ons sal hulle religieus moet veranker, sodat hulle nie soos n tolbos voor elke wind sal voortrol en teen die eerste beste draad gaan vassit nie. Ons sal hulle moet begelei tot standpuntinname oor die groot kwessies van die lewe, tot gesonde en haalbare idealisme; tot sinvolle kommunikasie en tot die gesonde ervaring en verklaring van die opregte liefde van hul harte. Hiervoor het ouers besonderse genade nodig. Dit vra dat ons tyd sal deurbring in die leerskool van die Groot Kindervriend. Ons sal moet leer om tyd te maak vir ons kinders met hul verwarring en nood. n Groot deel van die skuld vir gebrek aan dissipline in ons moderne samelewing kan aan die deur van ouers gelê word. Hulle het hulle bestaanswêreld van ons geërf, n erfenis waarin dissipline n angswekkende erosie ondergaan het. Ons sal weer die grondwaarhede van dissipline moet beklemtoon en dit in ons eie lewe sigbaar moet maak. Anders sal ons samelewing geleidelik terugsak in chaos en anargie. n Wyse man met die naam van Salomo het n boek geskryf wat hy Spreuke genoem het. Een van die wyshede wat hy uitgespreek het lui: Gee leiding aan n jongmens oor hoe hy moet leef, en hy sal ook as hy oud is nie daarvan afwyk nie. Solly Osrovec 5

6 Jesus as voorbeeld vir ons stiltetyd Gedink ons moet stil wees in ons stiltetyd? Dink weer daaroor, nadat jy hierdie volgende deurgelees het. Heb 5:7; Gedurende sy aardse het Hy aan God, wat Hom uit die dood kon red, gebede en smekinge geoffer met harde geroep en trane. Luk 10:21; daar staan dat Jesus in sy gebed dit uitgejubel het. n Engelse vertaling sê Jesus se gebed was loud en full of joy. In die oorspronklike Grieks word n woord gebruik wat beteken om uitbundig te wees, op te spring van vreugde. Wanneer ortodokse Jode bid, sit of staan hulle selde stil, hulle beweeg die hele tyd. Dit spruit uit Psalm 35:10 wat sê: Al my beendere sal sê: HERE, wie is soos U? (Ou Vertaling). Hulle reken dat indien daar in die Woord staan dat al hulle beendere betrokke sal wees in gebed, dan moet dit letterlik gebeur! Praat gerus hardop as jy weer stiltetyd hou, beweeg, huil voor die Here, sing uit volle bors jy mag maar, want dit is hoe Jesus dit gedoen het! Henrietta Klaasing N BOER SE PLAN SLAAG! Koos het die RAMPSHORING geblaas en die gemeente het soos een man opgetrek om te kom! Wat n heerlike kuier was dit nie! Vrydagaand het almal heerlik saam potjie geniet. Die kinders het die kruiwa gestoot, eiers op lepels rondgedra en nog baie meer daar is geskater van die lag want ONS HET DIT GENIET veral nadat n paar manne met n soetigheidjie besmeer is!!! Saterdag was n hoogtepunt op sy eie, oud en jonk het gekuier, daar is pannekoek gebak, koeke om aan te smul, kerrie en rys, vetkoek en natuurlik die tradisionele POEDINGS. Vars produkte/vleis, naaldwerk en die wit olifantstalletjie wat n fees, vrouens kon na wille keur rondkrap vir iets om te koop dis mos hoe ons vrouens daarvan hou! Vir pret is skyfskiet, springkasteel en perdry aangebied. VOLGENDE JAAR DOEN ONS DIT WEER WANT DIS MOS LEKKER!! Geboortes: Louis en Petro Jordaan 3de seuntjie Zander en Mari Doubell seuntjie Arnold en Monica vd Walt dogtertjie Jurgens en Janie dogtertjie Baie geluk aan al die oupa s en ouma s geniet die kleinkinders! Dopelinge: Darika Coetzer Wilhelmus Johannes Pieterse Klarinda René Saunders Ruan Breedt/Beyers Owen Breedt/Beyers Adlex McIntyre/Beyers Leané Stofberg Clarien van der Walt Julle is baie spesiaal, want liewe Jesus het jul naam in Sy groot boek geskryf, julle is Syne. Nuwe lidmate: Martin Augostine en gesin Christo van Jaarsveld en gesin Marizaan Kruger (Stofberg) Dawie en Erika de Bruin Pierré en Jeanné de Lange Baie welkom in die gemeente, ons glo dat jul ons Vader se teenwoordigheid hier sal aanvoel. Kerkraadslede: Izak Groenewald, Johan du Preez, Charles Poggenpoel, Daniël Victor, Louis Niemann, Dr Johan Minnaar, Tjaart van der Walt, Eugene Whitehorn. Baie geluk, dit is n groot taak wat die Vader op jul gelê het, mag sy seën oor jul wees Belydenisklas: Valeska Coetzer, Jacobus de Klerk, Jolinda de Klerk, Emile du Toit, Ruhan Els, Miralde Groenewald, Christelle Immelman, Monecia Maree, Pieter Meiring, Chandelle Naudé, Celeste Oberholzer, Claudia Olivier, Niell Poggenpoel, Jan Potgieter, Carien Prinsloo, Carla Taljaard, Alicia van Straaten, Roné van Wyk, Jacques Victor, Lodewyk Wentzel. n Spesiale geluk wense aan ons nuwe lidmate, ons as gemeente aanvaar jul en is trots op julle. Afsterwes: Baie van ons gemeente het geliefdes/familielede aan die dood afgestaan. Die WAAROM en die HOEKOMS verstaan ons nie, daarom berus ons en weet dat God trane sal afdroog. 6

7 MY GEBED Magriet Combrink Here, vroeg in die môre, roep ek U aan. Ek kom need rig voor U staan. Ek prys U Naam en wil U lof besing. Ek wil al die eer van my hart aan U bring. Here, U het my bewaar deur hierdie nag. Oor my hou U altyd wag. U het die kwaad van my weggehou. En my in U arms toegevou. Ek wil ook dankie sê vir hierdie dag. Vir sonneskyn en blomme prag. Vir vriende wat my ondersteun. Vir mooiweer en ook vir die reën. Dankie dat U my leer en lei. Dankie dat ek by U kan bly. Dankie dat U my lewe spaar. Dankie dat U my dag na dag bewaar. Here my gebed vandag. Is dat elke mens op U sal wag. Dat elkeen met eerbied sal luister. Wat U Gees in ons binneste fluister. Maak ons ontvanklik o, Heer. Vir dit wat U Gees ons wil leer. Laat U Gees ons daagliks vul. En leer ons meer van U wil! Sodat ek volkome voor U wil buig. En van U liefde wil getuig. U is Vader, Seun en Heilige Gees. Aan U alleen wil ek gehoorsaam wees. Heer maak ons n biddende kerk. Laat ons meer en meer vir U werk. Laat ons U met ywer dien. En altyd na U alleen opsien. Ons geld en goed behoort aan U. Niks is ooit ons eie nie. Ons is slegs U bestuurders hier op aarde. Daarom beskou ek niks meer hier van waarde. Wanneer ons dan voor U staan. Weet ons daar is niks wat U ontgaan. U weet wat ons gesindheid is. Maak ons altyd meer en meer van U bewus. Here ons weet dat U ons seën. En dat U altyd aan ons hulp verleen. Laat ons dan ons dankbaarheid bewys Omdat U vir ons gesterf het aan die kruis. Seën elkeen wat aan U behoort. En lei hul veilig op die pad, na die hemelpoort. Dat elkeen wat U ken en dien. U eendag in U koninkryk sal sien! * * * * DANKBAARHEID Magriet Combrink U vul my hele lewe U lei my tree vir tree U dra my deur my smarte Dit is U wat alles gee. Vir alles wat ek kan en is Bring ek my dank, o Heer. U gee vir ons vrede U gee soveel meer! O, dat ek in hierdie môre Weer my oë oop kon maak En al U werke kon aanskou Het my so diep geraak. Ek is so diep afhanklik Van U genade Heer. Maar somtyds vergeet ek dit Herinner my dan weer! Ek sien hoe dat die son verrys Ek hoor die voëltjies sing Vir al die gawes, Heer Wil ek my lof U bring. Leer my om gedurigdeur My dankbaarheid te toon Deur te lewe na U wil Dan wag vir my die Kroon! Kategese Nuus Die Jeug ouderling en diaken wil net BAIE DANKIE sê vir ons Sekretaresse, kategete en die Kinderkerk Tannies vir al hul tyd en voorbereiding van die lesse. Ons waardeer dit maar tog vra ons die Kategete, al is daar net n paar kinders in die klas hou vol met die klas gee en moenie moed op gee nie jy maak dalk n verskil in n kind se lewe. Nogtans BAIE BAIE DANKIE vir die jaar sover, julle is sterre. Ook wil ons die ouers vra ASSEBLIEF as dit moontlilk is laat die kinders Kategese bywoon sodat hulle geestelik kant ook ontwikkel, dit is nodig vir balans in die lewe en tot eer van ons Skepper. DANKIE vir getroue bywoning van die ander. Hartlike groete Charles Hertzog 7

8 MY STORIE.Freek van de Venter Toe ek my besigheid begin het, het ek gesê: As ek net 3 goeie jare het met my besigheid is ek reg, MAAR ek het vergeet om te sê : As dit die Here se wil is, en die Hemelse Vader het vir my, my 3 goeie jare gegee. Die 1ste April 1998 sou ek my besigheid 3 jaar gehad het en die 28ste Maart 1998 het ek beroerte gekry en is ek verlam in my linkerkant. Dr Duim het vir Stienie gesê as ek nog die 29ste lewe moet sy net 1 dag op n slag vat maar ons trek nou by 13 jaar 6mde wat ek verlam is. Het nog 3 beroertes gehad wat net elke keer verswak maar dit bring my nader aan die Here. Diabetes en prostaat kanker is ook gediagnoseer maar steeds sorg die Here vir my. Job in die Bybel is vir my n voorbeeld en elke keer as ek n terugslag kry weet ons waar ons hulp vandaan kom. En as moeililke dinge op ons pad kom en ons moedeloos word sorg Hy op n wonderlike manier vir ons. Ons glo nog in wonderwerke in ons lewe. Want daar het baie wonderlike mense se paaie met ons pad gekruis. Hou vas aan die Here se hand laat Hy jou regop hou. Beste Freek Baie dankie vir jou getuienis, dit is vir ons wonderlik om jou geloof in ons Here te ervaar en die positiewe gesindheid waarmee jy dit doen. Toe ek my plaas (deur die genade van die Here) so 20 jaar terug gekoop het, het jy die besproeiings installasie by my pompe vir my kom doen. Die kwaliteit van jou werk het die toets van die jare deurstaan want sonder enige probleem funksioneer my besproeiingstelsel nou nog goed. Baie dae wanneer ek daar instap om my pompe te start dan dink ek aan jou so ook elke Sondag as ek jou naam op die siekelys van die afkondigings sien. Mag julle toeneem in die GENADE en KENNIS van ons Heer en Verlosser, Jesus Christus en mag julle Sy liefde en die teenwoordigheid van die Heilige Gees elke dag ervaar. Liefde in Christus Solly Ferreira Daar is deesdae so baie DVD s te kyk en baie van hulle is regtig sleg. Deur die TROMPET wil ons graag aan die gemeente leiding gee oor DVD s wat die moeite werd is om na te kyk. Indien u as gemeentelid n DVD kyk wat u dink ons ander lidmate kan geniet wil ons vra dat u die titel aan ons sal deurgee. Kyk en geniet gerus hierdie DVD s almal verdien 10 uit 10! SECRETARIAT (The impossitle true story) LETTERS TO GOD THE GREATEST GAME EVER PLAYED (true story) WAT Sê PSALMS: Ps 122 : 1 Ek was bly toe hulle vir my gesê het: Kom ons gaan na die huis van die Here toe. Ps 92 :14 Hulle vind hulle krag in die huis van die Here en groei op in die tempel van ons God. Ps 100 : 2 Dien die Here met blydskap! Kom voor Hom met gejubel. Ps 134 : 1 Kom prys die Here, julle almal wat Hom dien. Ps 139 :20 Kyk of ek nie op die verkeerde pad is nie en lei my op die beproefde pad. Ps 143 :10 Leer my U wil te doen, want U is my God! Laat U goeie Gees my op n gelyk pad lei. Ps 37 : 4 Vind jou vreugde in die Here, en Hy sal jou gee wat jou hart begeer. Ps 56 :12 In God stel ek my vertroue, ek is nie bang nie. Ps 37 : 5 Laat jou lewe aan die Here oor en vertrou op Hom; Hy sal sorg. Ps143 : 8 Laat my elke môre U liefde ondervind, want in U stel ek my vertroue. Wys my die pad wat ek moet loop, want my hoop is op U gevestig. HET JY GEWEET? Die tempel wat Salomo gebou het is oor n dorsvloer gebou wat Dawid van Arauna gekoop het. HET JY GEWEET? Nadat Sara gesterf het, het Abraham weer getrou met Ketura en nog 6 kinders gehad. 8

9 GOD SE WEë Ds Petrus Etsebet Ons pad moet soms oor hoë berge gaan Oor skurwe rotse of sandwoestyne of verre velde En soms deur oseane gaan. n Pad waarop ons alleen moet gaan Maar Jesus self het vir ons die Kruisweg gebaan. Die pad van REDDING, GENADE, EN GOD SE LIEFDE Waar Sy seun aan die skandpaal vir ons moes Hang. HET JY GEWEET? Jesus het gesê: Ek is die opstanding en die lewe, wie in My glo sal lewe al sterwe hy ook, BOEKE en elkeen wat lewe en in My glo sal in alle Christian Fiction very good books ewigheid nooit sterwe nie. Sophie s Heart by Lori Wick (in Afrikaans ook beskikbaar) Redeeming Love by Francis Rivers (in Afrikaans ook beskikbaar) The Princess by Lori Wick (ook in Afrikaans beskikbaar) Edge of Honor by Gilber Morris Al die boeke kan gekoop word by Cum Christian boekwinkel. Daar is n groot verskydenheid van hierdie sort boeke en baie meer. Lekker lees! SUPER BEJAARDES by Spur Op Dinsdag, 13 September het die Avontuurgroep ons SUPER-Bejaardes getrakteer op n middagete by die Spur in die dorp. Super-Bejaardes is nou diegene wat reeds verby hul veteran jare is en nou in hul vintage jare is. Streng gesproke hoef hulle dus nie meer padbelasting te betaal nie. Anders gestel, dit is diegene wat reeds hulle tagtigste verjaarsdag gesien kom en gaan het. Die groepie het uit 15 bejaardes, oud en jonk, bestaan en ds Jannie was die amptelike gasheer. Volgens ons waarneming het almal die uitstappie baie geniet, volgens die vereistes wat gestel is. Ons het gewerk met diegene wat gelyk het of hulle dit nie heeltemal sou geniet nie. Ek het selfs iemand hoor sê dat dit haar eerste keer was om in die Spur te kom. Wys jou net jy s nooit te oud om iets vir die eerste keer te doen nie. Ons wil graag ons waardering uitspreek teenoor almal wat die uitnodiging aanvaar het, en die ete bygewoon het. Sonder julle sou ons poging platgeval het. Baie dankie ook aan ds Jannie, wie se inisiatief dit was. Ek hoor daar word al klaar gepraat van die volgende uitstappie. Groot dankie ook aan die bestuur en personeel van Spur, wat ons so gul en gasvry ontvang het en wat ons met n glimlag en vreugde bedien het. Die Avontuurgroep Joep Joubert 1. Wat is die kortste hoofstuk in die Bybel? PSALM Wat is die langste hoofstuk in die Bybel? PSALM Watter hoofstuk is in die middel van die Bybel? PSALM 118 Daar is 594 hoofstukke voor Psalm 118 en daar is 594 hoofstukke na Psalm 118. Tel bymekaar en jy kry Watter vers staan in die middel van die Bybel: PSALM 118:8 Om by die Here te skuil, is beter as om op mense te vertrou. VOORWAAR ONS DIEN N GOD VAN WONDERS! 9

10 Reaksie op ete by SPUR Die ete by Spur waarheen ons oues oor 80 uitgenooi was, was toe baie lekker. Baie dankie aan die Kerkraad en veral ds Jannie wat al die reëlings op hom geneem het. Gelukkig kon die oues hulle gades saambring dis nou die gades wat nog vol trieks is! Soos ons verwag het, was daar meer sye as hye. Dis lekker om te weet dat daar nog mense is wat omgee; wat gehoor het dat die ouderdom wysheid bring. Dis stories daai, hoor. Hulle maak nog dieselfde foute oor en oor. As daar iets goeds gebeur het in die verlede, kan iemand dit miskien nog onthou, maar jy het al vergeet waarvan hulle praat. Vir oumense wat deur die genade van bo nog gesond is, is ouderdom geen problem nie. Inteendeel, jy word op die hande gedra en gepamperlang en bederf. Almal vergeet van jou nonsense en foute (jy vergeet dit self ook!) en alles word een groot fees as julle bymekaarkom. As jou voet vashaak en jy val, is daar gewillige hande om jou gou op te help en bekommerd te vra: Het oupa seergekry? Dan word daar skamerig gesê: Niks, niks, niks nie, my skat, oupa moet net leer om sy voete so effentjies hoër op te tel. Tydig en sommer so tussenin ook, word daar met mooi dogterhandjies vir oupa koffie aangedra. Dit weet ook net hoe oupa van sy koffie hou nie teveel melk nie, twee pilletjies en so n titseltjie suiker (sommer net vir die ekstra lekkerte). Dit word in die kombuis klaar ingegooi. En as oupa soos n jaar of wat gelede nog, soos n gentleman opstaan om die skikbord aan te vat, word daar vining gesê: Sit oupa, sit! Ek roer die koffie maar gou, anders sal sy dit ook nog vir my wil doen. Ou Roem Matiek kom kuier soggens opstaantyd, maar as hy sy koffie gekry het, kry hy sy ry! As daar per ongeluk rooi beet op die wit tafeldoek gemors word en verskoning gevra word, word gou gesê: Ag toemaar pa, dis regtig niks nie. Daar s niks wat seep en water nie kan regmaak nie. Nege en sewentig jaar gelede sou ek raas gekry het. Nou word so baie glipsies met liefde oorgesien. Jy word gou reggehelp as jy nie dié of daai ou se naam vining kan onthou nie. Jy s vies vir jouself, want kleintyd wou ma vir jou die inkopielysie gee om die nodige goedjies met die fiets by ou Levin se winkel te gaan haal. Jy wou dit nooit vat nie jy onthou mos alles uit jou kop. Met soveel sakke vol liefde van almal om jou om alles vir jou lekker en maklik te maak, sal dit mos maar swaar wees om jou eendag van alles en almal los te maak. Gelukkig is n duisend jaar vir Hom soos een dag. Die weersiens sal dus sommer gou gou daar wees. OUPA GETUIENIS BEDIENING Ons dink Sending is iets wat n klompie vreeslik vroom en toegewyde mense doen en net hulle kan doen. Dit is net vir mense wat al vêr gevorder het op die geloofspad en dikwels dink ons dat ons nog nie daar is nie. Miskien wil ons dalk ook nog nie daar wees nie en dalk nooit daar wees nie. Ek kan nie praat of bid nie, ek ken die Bybel nie goed genoeg nie, ek kan nie die taal praat nie of het net nie die tyd nie. Tog is dit n opdrag vir elke gelowige, want sien dit gaan oor lewe en dood. Dit gaan oor die uitbreiding en getalle wat tot die kerk toegevoeg moet word. As ek omgee vir my medemens, soveel so dat ek nie wil dat hy die ewige lewe sal mis nie, maar saam met my en die Here Jesus Christus die ewige lewe sal verkry, dan kan ek mos nie stilbly nie. Dan sal ek n manier vind om hom ook daar te kry. As ek oortuig is van die ewige lewe wat vir my wag, dan wil ek dit ook vir hom hê. As ek egter nie van hom hou nie, dan wil ek hom asseblief nie saam met my hê nie! Maar dis anders vir ons gelowiges, want ons wil as volgelinge van Jesus dieselfde ook vir hulle hê as vir myself. Nog verder dink ons dat daar n sendingkommissie (Getuienis bediening) is wie se werk dit is. Hulle moet die ding aan die gang sit en organiseer. Dit is wanneer dit op georganiseerde wyse gedoen word. Dit maak dat ons sit en wag. Daar is ook die ander kant van die saak en dis die informele wyse waarop ons hierdie opdrag kan uitvoer. Franciscus van Assisi het by geleentheid gesê: Verkondig die evangelie, tydig en ontydig en as dit nodig is praat ook daaroor. Dit wil sê daar waar ons is, daar is die geleentheid en moet ons nie na n geleentheid soek, of daarvoor wag nie. Die geleentheid is elke oomblik daar en hoef ons nie daarvoor te soek of te vra nie. Daarom is dit n lewenswyse, n ingesteldheid oral en altyd. Ek moet dus met my hele lewe elke oomblik besig wees om die evangelie van verlossing in Jesus te verkondig. Ek beveel jou voor God en voor Christus Jesus wat die lewendes en dooies sal oordeel, ek beveel jou met die oog op sy koms en sy koningskap: verkondig die woord; hou daarmee vol, tydig en ontydig; weerlê, bestraf, bemoedig deur met alle geduld onderrig te gee, want daar sal n tyd kom wanneer die mense die gesonde leer nie meer sal verdra nie. Hulle sal hulle eie begeertes volg en vir hulle leermeesters bymekaarmaak wat net sal sê wat hulle graag wil hoor. (2 Tim4:1 3). Vrede vir julle! sê Hy weer vir hulle. Soos die Vader My gestuur het, stuur Ek julle ook. (Joh 20:21). Ds Jannie van Eeden 10

11 Dissipelskap saam met Jesus gebeur in jou huis VOLG JY JESUS TOT IN JOU HUIS? Op ons reis saam met Jesus as sy dissipels, volg ons Hom volgens Deut 6 as ons by die huis is en as ons oppad is, wanneer ons opstaan en wanneer ons gaan lê. Ons volg Jesus met alles wat ons doen met ons hande en ons lewe en met alles wat ons dink en voel. Ons gebruik herinneringstekens wat ons in ons huise sit en in ons motors sodat ons nie sal vergeet wie ons volg nie. Almal wat Jesus volg as Sy dissipel, ken en doen Deut 6 omdat ons weet dat ons kinders en kleinkinders deur die Here aan ons gegee is sodat ons hulle heel eerste aan Jesus kan voorstel sodat hulle ook Sy dissipels word deur die werking van die Heilige Gees en vir God so sal ken, liefhê en dien. Hoe vaar jy sover en wie het die grootste invloed op jou kinders en kleinkinders se verhouding met God? Navorsing vertel dat ma die grootste invloed het in die vorming van kinders se geloof en wel 74% van dogters en 81% van seuns terwyl pa 50% by dogters en 61% by seuns het. Oupa en ouma het 29% by dogters en 30% by seuns terwyl jou kinders se vriende 29% by dogters en 22% by seuns het. Ouers het dus dubbel soveel invloed op hul kinders as die kinders se vriende. Is dit waar in jou huis, want hier wys navorsing dat die gesin 1ste in die ry staan om kinders ten opsigte van hul verhouding met God te beïnvloed. Besef ons regtig hoe groot ons verantwoordelikheid is as ons, ons kinders deur God laat doop en vir Hom belowe dat ons hulle in ons huis en as ons op pad is en as ons opstaan en gaan lê deur ons lewe aan Hom sal voorstel en help om Sy dissipel te word? Hierdie onderneming vind in vennootskap met die kerk van Christus plaas in die gemeente. Navorsing het ook vir ons gewys wat vorm die karakter en inhoud van die geestelike lewe van ons kinders nl: ONS KRY WAT ONS IS. En wat kry ons? Navorsing wys dat ons 2 soorte geloofsverhoudings by kinders kry nl: God is my persoonlike hoofbediende en my goddelike terapeut of n persoonlike bybelse verhouding met God gevorm deur egtheid, betrokkenheid en gehoorsaamheid aan God se wil tot Sy eer. Watter beskrywing is waar in jou lewe en in die lewe van jou gesinslede? Hoe kan jy seker maak dat jou kinders en kleinkinders hierdie persoonlike bybelse verhouding met God, gevorm deur egtheid, betrokkenheid en gehoorsaamheid aan God se wil tot Sy eer, beleef? Dink na oor die volgende VYF beginsels vir n groeiende geloofsverhouding met God en praat met jou gesin daaroor: 1. Geloof word gevorm deur die krag van die Heilige Gees deur persoonlike betroubare verhoudings wat in jou huis gevorm word. 2. Die kerk van Christus is n lewende vennootskap tussen die bediening van jou gemeente en die bediening in jou huis. 3. Waar Christus teenwoordig is in jou geloofsverhouding as Sy dissipel, is jou huis Sy kerk. 4. Geloof word meer gesien as geleer. 5. As ons wil hê ons kinders moet dissipels van Jesus wees, kort ons volwassenes wat dissipels van Jesus is. Vra die volgende VYF vrae vir jou gesin en meet die antwoorde aan die VYF beginsels: 1. Hoe lyk die persoonlike betroubare verhoudings in jou huis? 2. Hoe is jou huis n voortsetting van Christus se bediening in jou gemeente? 3. Hoe is Christus teenwoordig in jou huis? 4. Hoe word geloof gesien in jou huis? 5. Hoeveel ander betekenisvolle volwassenes wat Jesus se dissipels is, vorm deel van jou gesin? Om jou te help om hierdie VYF beginsels prakties in jou huis te lewe kan jy die volgende VIER sleutels benut: 1. Omgee gesprekke 2. God oomblikke deur die bybel of getuienis 3. Diens aan ander en aan mekaar 4. Skep herinneringstekens en gewoontes rondom bybelse feesdae en geleenthede soos die herinneringsdae rondom doop, paasfees, pinkster en kersfees asook mylpale in julle gesin se lewe soos 1ste skooldag of 1ste motor en seën mekaar en gee vir mekaar simboliese herinneringstekens saam met die sleutel van die motor of die kers by die doop. Doen alles in opregtheid en egtheid en wees beskikbaar vir God en bereid om Jesus te volg waar Hy ookal besluit om jou heen te lei. Geniet die reis saam met Jesus en jou gesin. Groete in Christus Ds Hendrik 11

12 n Gebroke glimlag Sy staan daar: sy is al klaar besig om na my te staar met sulke leë oë; gevul met hartseer en verdriet. Wat het sy uit die lewe uit? Ja, n sieklike ma n Dwalende pa, en n mal man, wat haar hartseer misbruik het. Sy is Mary: Dit klink maar vir soos net nog n leë naam met geen betekenis maar vir my, - het dit: n heel ander betekenis: Waaroor jy nie eers kan droom. Sy is stom geslaan as jy met haar kommunikeer Ek wonder soms of ek moet bly probeer? Maar daar is meer as net stomstreke. Dis vrees, onsekerheid en brandende pyn. Mary is sewe Met n geraamte van n dogtertjie van vier Soms glimlag sy skaam Maar dis skaars; soos n diamant by n dwaas Sy is so onskuldig; Sy is seergemaak. En haar lewe is deur n buffel gesteel met n stadige dood wat ons hele land, stuk vir stuk uit mekaar uit pluk. My hart brand vir die kind En ek staan magteloos; Sonder beskikbare hulp of nie eens n korreltjie geluk wat ek na haar kant toe kan gooi, sodat haar tannie nog tyd het om nog een plooi te ontwikkel voordat sy die liefde stadig moet laat ontdooi Margareth Swart (17jr) Die verhaal van Mary.. Ek wil graag die storie vertel van die dapperste dogtertjie, Mary waaroor Margareth die gediggie geskryf het, dan behoort julle die pyn en hartseer en onregverdigheid van die lewe te verstaan. Mary is sewe jaar oud en woon aan en af by ons vir die afgelope 10 maande, haar tante Katriena werk al die afgelope 7 jaar in my huis en is n dierbare vriendin en sielsgenoot, ons deel mekaar se vreugdes, hartseer, teleurstellings en oorwinnings, hopelik sal ons paaie nog vir jare saamloop Katriena se vervreemde suster is omtrent 14 mde gelede oorlede en sy het noodgedwonge die drie weeskinders geërf, waarvan Mary die jongste is, sy het ook vier kinders van haar eie. Mary is die jongste van hierdie saamgestelde gesin. Mary se mamma is oorlede aan Vigs na n maande lange siekbed wat haar kinders na haar omgesien en versorg het tot die dag wat haar marteling met die saligheid van die dood vervang is. In hierdie laaste dae wat Mary se mamma so siek was dat sy nie kon beweeg, of opstaan uit die bed of selfs haar kop oplig om n slukkie water te vat nie, het Mary op een droewige dag rustig in die kamer langsaan gelê en slaap, toe sy wreed uit haar onskuldige dogtertjie slaap wakker geruk is en wreedaardig verkrag is deur n monster van n buurman, haar gille en snikke en pleitinge het op dowe ore geval, geen moeder om haar te kom help nie, boeties en sussies veilig by die skool, niemand wat haar te hulp snel nie; stukkende, gebroke, geskeurde dogtertjie liggaam, siel en lewe van n onskuldige kind lewenslank geskend, en die monster (ek noem hom n monster want hy is nie werd om n man genoem te word nie) stap tevrede en bevredig? daaruit Dit is die dag toe Mary besmet is met HIV! En dis seker hier waar haar kinderjare geëindig het, dis nou ongeveer twee jaar later, en in ons huis woon hierdie poppie van sewe wat slegs 12kg weeg en fullblown AIDS het, elke asemteugie is n geweldige inspanning, sy is soos n verskrikte hasie, jy moenie skielik met haar praat nie, sy praat ook nie terug nie, soms net soms sal daar n sweempie van n glimlaggie deurskemer. Mary is op anti Retro Virals, en dit gaan soos dit moet, eendag op eendag af, sy is op die oomblik baie siek, haar kleine liggaampie sukkel nog erg om gewoond te raak aan die sterk medikasie, sy het so amper in die hospital geland, maar deur die genade het ouma Bella kom help, want ons kan nie dit waag om Mary in die reën uit te vat nie, en om ons almal in n roetine te kry van medikasie op die regte tye, en gesonde kos en vitamin stroop. Belicia moet elke aand vir Mary bad en haar lyfie invryf met Lavender olies, sodat sy beter kan asemhaal en rustig kan slaap. (Belicia is my dogter van 15 jr). Ek is ook soos Katriena n enkel ouer, en dit is vir my twee kinders n geweldige emosionele ervaring en soos julle in Margareth se gedig kan sien laat dit niemand wat naby ons is onaangeraak nie. Dis moeilik om te weet waar ons heengaan, en wat alles vir Mary en ons wag, met al die liefde en sorg hoop en bid ons daagliks dat daar vir hierdie kleine gebroke, uitmekaar geskeurde ou mensie iewers op haar lewenspaadjie tog n ou stukkie son sal deurskyn en sy die wonder van kind wees selfs net vir n oomblik kan ervaar. Die walglikste werklikheid van hierdie verhaal is dat Mary een van ontelbare dogtertjies in ons land is wat hulle kindwees asook hul lewens onskuldig in sekondes verloor en vir ewig in vrees, pyn, emosionele onstabiliteit en n gevreesde ongeneeslike siekte moet uitleef. Die BUFFELS wat daar buite rondloop en hierdie allesvreeslikste goed doen sonder om n tweede gedagte te gee daaraan dat hulle n mensie knak vir ewig en altyd.. Isabel Labuschagne 12

13 n Ontmoeting in die donker van n Storm Na aanleiding van Ds Hendrik se preek op 28 Augustus 2011 oor die verskillende maniere waarop ontmoetings met Jesus gebeur en realiseer wil ek die volgende met julle deel. Ek is n boer wat hoofsaaklik met tabak, groenmielies en beeste boer en soos dit met die boerdery gaan het ek so n jaar gelede twee mindere goeie jare na mekaar beleef met die gevolg dat die finansiële druk begin groot raak het en dat dit uiters noodsaaklik was dat ek goeie oeste daardie jaar sou hê. Dit was so in die middel van November gewees en die oeste was geplant en het belowend gelyk toe daar een aand n geweldige donderstorm aankom. Die wind het kwaai gewaai en nie lank nie toe begin dit stortreën met weerlig en donderweer en toe daardie gevreesde geluid op die dak van eers enkele haelkorrels wat oorgaan na n oorverdowende geraas en die vrees wat jou beetpak want jy weet 5 minute se hael en die hele oes is verwoes. My huis het so lang stoep met n sink dak en ek staan op die stoep en kyk hoe die wind die bome heen en weer pluk en hoe die hael op die grasperk wip soos hulle val, die geweldige geraas en donderweer en blitse en ek staan verslae. Met eens is daar n geweldige slag van die weerlig en die krag is af en in die donker staan ek op die stoep te midde van hierdie storm wat om my woed. Ek draai om en beweeg die huis in om my flits te gaan kry wat langs my bed is. So voel, voel in die donker kom ek by die eetkamertafel uit waarop ek vroeër n klein flitsie gesien het, maar toe ek hom aanskakel kom ek agter die batterye gedaan. Ek sit hom aan en daar is n flou liggie wat al flouer raak totdat ek niks kan sien nie, maar as ek hom bietjie skud dan probeer hy so n flou poging om te skyn. Met die flou flitsliggie is ek met die gang af na my slaapkamer toe. By die kamer se deur het n tafeltjie gestaan en op die tafeltjie was daar n portret van n voeltjie en n Bybelvers onderaan. Ek kan nie onthou hoelank daardie tafeltjie al daar gestaan het nie en hoeveel keer ek al by hom verby geloop het nie, maar daardie aand in die pik donker nag met die wind, hael en donderweer, n storm wat woed en met die flouste liggie denkbaar val die liggie op die bybelvers Jesaja 30:15 JULLE KRAG Lê IN STIL WEES EN VERTROUE Hê. Die volgende môre vroeg is ek lande toe om te kyk hoe lyk die skade aan die oeste. Die groenmielies was so twee weke van bemarking af en toe ek by die land kom was dit nogal snaaks want al die mielieblare is afgestroop en net die stronke en mieliekoppe het gestaan. As ek aan die eenkant van die land staan kon ek regdeur tot die anderkant sien, net die stronke en koppe wat so uitstaan. My tabak was so kniehoogte groot gewees en al die blare is flenters geslaan maar daar was min groeipunte wat af geslaan was. My groenmielies het effens herstel, die koppe was nie so groot nie maar daardie jaar was n geweldige aanvraag na groenmielies en kon ek my oes teen die normale prys verkoop. My tabak het ook herstel na verdere liefdevolle versorging en die oes het goed afgeloop. Nou die vraag is wat het ek geleer uit hierdie ondervinding? 1. As kind van Jesus kan jy altyd op Hom vertrou ongeag van die omstandighede. 2. Al eindig die storm waarin jy is nie positief ten gunste van jou nie sal Hy nogtans vir jou die Krag en Vrede gee om dit te hanteer. 3. Soms het jy n storm in jou lewe nodig om by Jesus uit te kom. Ek het hoeveel keer by daardie teksvers elke dag verby geloop, maar in die middel van die storm het Jes 30:15 vir my n werklikheid geword. 4. Al is die storm in jou lewe hoe groot en donker en jy geen uitkoms sien nie en vrees jou beetpak, weet dan verseker met die kleinste flouste liggie Jesus vir jou die pad van Vrede en Stil wees en Vertroue sal wys. Wees verseker so n ontmoeting met Jesus het my lewe verander. Groete in Christus Solly Ferreira Groot dankie aan ons adverteerders wat Die Trompet help moontlik maak. Dawie Scholtz Eiendomme Koop en verkoop van : Plase Huise Enige eiendomme SKAKEL VIR DAWIE Weens geen belangstelling het ons die blokraaisels en inkleurprente gestop. Redaksie 13

14 THE BEAUTY OF MATHEMATICS 101% What does it mean to give more than 100% IF A B C D E F G H I J K L M N O P Q R S T U V W X Y Z IS REPRESENTED AS THEN H A R D W O R K = 98% AND K N O W L E D G E = 96% AND A T T I T U D E = 100% BUT L O V E O F G O D = 101% Therefore, one can conclude with mathematical certainty that: Hardwork and knowledge will get you close, and Attitude will get you there. IT IS the LOVE OF GOD that will put you over the top. FINANSIES Wyks dankoffers van 1 Maart 2011 tot 31 Augustus 2011 beloop n bedrag van R Die wins met ons BOER MAAK n PLAN basaar was R ,38. Ons dank aan ons Vader! REDAKSIONEEL Geld is n magtige instrument waarmee talle dinge gekoop kan word lewensonderhoud, plesier, selfs vryheid. Die gevaar is ongelukkig wesenlik dat die feit ons so kan kondisioneer dat ons ook op godsdienstige vlak met geld dinge wil koop, soos Simon die Towenaar. En dit terwyl die ongelooflike uitnodiging van God staan: Kom, almal wat dors is, kom na die water toe, selfs ook die wat nie geld het nie, kom, koop en eet: ja, kom koop sonder geld. (Jes 55:1) God se gawes kan nou eenmaal nie met geld gekoop word nie. Dit is verniet, en kan net ontvang word in diepe ootmoed. Hy gee in vryheid en ruimskoots, soos Hiskia tot sy vreugde ontdek het. Dalk wil Hy jou ook vandag met sy gawes seën. (Bybelkoerant Jaco Thom) 70 Wat is in die syfer?... n sewe en n nul? Uitgeleef?...LEWE?! Twee volmaakte getalle kom bymekaar. Sewe en n nul! Die Lewenstyd van mense. Groblersdal. n Kerk. 70. Uitgeleef of.nuwe lewe.lewe sê jy?.. Wat se lewe?...ek sien die puntige toring wat reik na : LEWENSBO en kroon oor die regop houtsitplekke waar baie siele tot lewensverhaal kom, Sondag na Sondag. Bruin steengeboue omraam met paradysbome laaf moeg en afgematte kinders van God teen n harde genadelose vuurwarm wêreld. Soveel getuies van dinge lank, lank gelede..?...gesigte hang teen die mure prentjies van predikers in die konsistorie wie se stemme dalk nog eggo of stil geword het? n plek van lewe sê jy? Van ewige lewe ja!... n plek van die soetste note en klanke van snaar en orrel en fluit en stemme wat opstyg na die hemelstoel n plek van weergalmende woorde wat deur eeue weerklink so sê die Here, wat ewige lewe gee en lewend maak! n plek waar die bewende hand van n bejaarde deur God se vaste hand styf vasgehou word! n plek wat huilendes sagkens omhels as hulle geliefdes groet wat in die skoot van die aarde wegebêre word n plek wat babas veilig versorg wanneer die Doopdruppels op hulle gesiggies val n plek wat die jonges help uitstuur wanneer hulle ja sê vir God n plek wat sprokies waar maak wanneer n bruid en bruidegom diep in mekaar se oë kyk en sê liefde tot die dood ons skei n plek wat n heilige oomblik skep vir n siel wat gebroke en stukkend hier kom vra wat nou Here?... n plek waar Sy wonde ons wonde en pyn tot bedaring bring! n plek wat met jubelende klokke elke Sondag sê Jesus LEWE! n plek wat volgemaak word deur die immer troostende Heilige Gees van Pinkster Wat is in die sewe en n nul? 70jaar van LEWE sê ek jou!... n plek van klip en hout en ja plek van GOD en vele mense van GOD en hulle lewe! OOK plek van NUWE BEGIN NUWE PAAIE NUWE GELOOFSKEUSES! Ds Hansie Cronje (2010) 14

15 Vier vriende se vasbyt red verlamde (Uit : Bybelkoerant Jaco Thom) KAPERNAUM Danksy die volhardng van n verlamde man se vier vriende kan hy vandag weer loop. 'n Rabbi het hom gesond gemaak. Die gelukkige man is Simeon ben Jakob. Sy vriende het hom gister na die bekende rabbi-geneser Jesus van Nasaret gebring waar hy in sy huis besig was om mense te onderrig. Daar was egter so n samedromming van mense by die huis dat hulle nie eens naby die Rabbi kon kom nie. Dit was toe dat die vriende hulle staal gewys het. Hulle het eenvoudig op die dak geklim n gat oopgebreek bokant die plek waar die Rabbi was, en toe hulle vriend met draagbaar en al deur die dak laat afsak tot vlak voor die Rabbi se voete! Geskokte omstanders wou nog hulle ontsteltenis uitspreek oor die arrogansie van die mense wat hulle op so n manier aan die rabbi opdring, maar die vriendelike Rabbi wou niks daarvan hoor nie. Hy het opgekyk na die manne op die dak en hulle geprys vir hulle hulp aan hulle vriend. Toe het hy verklaar dat die verlamde man se sonde vergewe is, en vir hom gesê: Ek sê vir jou: Staan op,vat jou draagbaar en gaan huis toe. Voor almal se oë het die verlamde man opgestaan, sy draagbaar opgetel en uitgeloop na waar sy vriende op hom gewag het. Toe het hulle almal saam na die Rabbi gekom om dankie te sê en hierdie keer het die mense vir hulle plek gemaak dat hulle die vertrek kon inkom. Lees hierdie aandoenlike verhaal in Markus 2:1-12 Inden u betrokke wil raak, skakel my asb by Naomi van Stryp Die Abraham Kriel Kinderhuis in Nylstroom het Groblersdal en Marble Hall NG gemeentes genader om betrokke te raak by n huis. Daar is 15 huise, swembad, speelveld, kleuterskool en vele meer op die terrein van ongeveer 19ha. Die Kinderhuis ontvang 50% van hul begroting van die Staat, die res word deur fondsinsamelings verkry. Huis TAAIBOS is aan ons toegeken waar ses seuns tussen die ouderdom van jaar versorg word deur Belinda Kloppers. HOE RAAK ONS BETROKKE? Wenslyste word deurgegee van wat benodig word; Kontant bydraes / Debietorder kan geteken word vir maandelikse bydrae; Klere, vars produkte, ens. G/Dal en M/H deel maande vir 2012, ons gemeente moet kinders bederf in ons maand. (G/Dal: Mrt, Mei, Jul, Sep, Nov; M/H Feb, Apr, Jun, Aug, Okt) Daar is n trok wat maandeliks na Nylstroom gaan vanaf Marble Hall, dit sal geko-ordineer word. WAT HET ONS TOT NOU GEDOEN? 2 seuns is geborg vir stoei wat uitgenooi is na SA Kampioenskappe Ons beplan kersgeskenk in November vir elke seun wat skooltas en skoolbenodighede insluit R400per kind (ons benodig bydraes asb) Bywoning van hul jaarlikse KARNAVAL op 15 Okt waar ons gemeente 100 cupcakes bydrae. Seuns genooi om kamp in Nov by te woon ons soek iemand wat hul kan gaan haal en terugneem asb? Daar is so baie om te vertel, kontak my vir die wenslys asb. Ek wag vir u oproep! Baie dankie. Kom ons maak n verskil in n kind se LEWE vir die res van sy LEWE! Ons volgende uitgawe is n Kersuitgawe stuur boodskappe en artikels vroegtydig asb na beide eposadresse. Tel: / 4114 Epos: Solly Ferreira: lusernkraal@ctecg.co.za / naomi@ctecg.co.za Artikels wat nie in die uitgawe is nie sal in volgende uitgawes verskyn weens beperkte spasie. 15

16 Bewyse van n heerlike Boer maak n plan basaar! 16