Nederige mense dink nie minder ván hulleself nie; hulle dink net minder áán hulleself. (Ken Blanchard)

Transcription

1 LOFFIENUUS Nuusbrief 2/2014 Webblad: Geagte Ouer Nederige mense dink nie minder ván hulleself nie; hulle dink net minder áán hulleself. (Ken Blanchard) 1. SAKE VIR DIE HOOF SE AANDAG Ons wys u graag daarop dat daar n skeurstrokie aan die einde van hierdie Loffienuus is waarop u enige sake (positief of negatief) onder die hoof se aandag kan bring. Die hoof se direkte fakslyn is en die direkte e-pos is gelofte@gelofte.co.za. Ons ondervinding is dat ouers dikwels n ander perspektief op n saak kry as hulle al die toepaslike inligting tot hul beskikking het. Vra dus gerus as u ongelukkig of onseker is oor n saak. 2. BELANGRIKE DATUMS Neem asseblief kennis van die volgende belangrike datums vir die eerste kwartaal. Let asseblief ook daarop dat hierdie slegs aktiwiteite is waarby ouers direk betrokke is. Daar is verskeie ander aktiwiteite soos aangedui op die skool se kalender vir Die kalender is op die webblad beskikbaar by asook op Communicator. 29/30 JANUARIE SWEMGALAS 30/31 JANUARIE WINTERSPORT AANDREEKS NEEM N AANVANG 4 FEBRUARIE INTERNE REDENAARS - PRIMÊR 4 MAART GRAAD 6 KAMP 7 MAART WINTERSPORT AANDREEKS FINAAL 8 MAART SKAAKTOERNOOI 15 MAART NETBALDANS MAART PRIMÊRE NETBALTOER 27 MAART KASKAR 28 MAART SUBSIDIEAANSOEKE SLUIT 28 MAART SKOOL SLUIT VIR APRILVAKANSIE OM 11:00 3. DANKIE! Hiermee wil ons graag alle ouers, personeel, Loffies en weldoeners wat op Saterdag, 18 Januarie, ingespring het en help skoonmaak en opknap het, van harte bedank. Alle betrokkenes sal saamstem dat dit n sprekende voorbeeld was van vele hande maak ligte werk. Ons was meer as aangenaam verras oor die aantal ouers en Loffies wat opgedaag het en heerlik saamgewerk en saamgekuier het. Daar was in baie klasse groot opgewondenheid oor die nuwe meubels en klasse. Ons wil later in die jaar weer so maak en enersyds onvoltooide werk afhandel en andersyds nuwe take aanpak by die skool. Met so n entoesiastiese span helpers kan dit nie anders as dat ons baie trots voel op die skool se voorkoms nie. Nogmaals dankie! 4. ALEXANDER FORBES Dit gebeur jaarliks dat leerders seerkry by die skool of tydens sportwedstryde en dat mediese hulp benodig word. Die skool se versekering dek nie hierdie uitgawes nie. Daar is egter baie goedkoop

2 mediese dekking beskikking deur Alexander Forbes. Skakel die ontvangskantoor by die skool vir meer inligting. 5. AANTAL TOETSE Na aanleiding van ouers se kommentaar oor die werkslading van leerders het ons besluit om te hou by die minimum aantal kontroletoetse soos voorgeskryf deur die KZNDO. U sal dus opmerk dat baie min kontroletoetse in sommige van die junior grade geskryf word. Neem egter asseblief kennis dat dit nie verhoed dat personeel die leerders klastoetse laat skryf nie. n Betrokke graad skryf slegs n kontroletoets op n bepaalde datum as daar n toets aangedui word teenoor dié datum. 6. KOMMUNIKASIE Ons versoek dat alle ouers wat nog nie gebruik maak van Communicator nie die sagteware sal aflaai op hul rekenaars en selfone. Gaan bloot na en volg die stappe. Sien ook die aangehegte dokument. Hierdie sagteware verseker dat u op hoogte bly van gebeure by die skool. DIT IS VERAL BELANGRIK DAT U DIE SAGTEWARE AFLAAI OP U SELFOON. 7. NUWE PERSONEEL Die beheerliggaam het na deeglike oorweging besluit om die graad 2 groep ook in drie klasse te verdeel om te verseker dat die personeel makliker individuele aandag aan die leerders kan skenk. Dit is in lyn met ons beleid dat ons klasse, sover as wat ons finansies dit toelaat, so klein as moontlik wil hou. Gesien in die lig van bogenoemde verwelkom ons graag vir me. Cindy Els as die nuwe graad 2 onderwyseres en spreek ons die vertroue uit dat sy n lang en gelukkige verbintenis sal hê met die skool. 8. VLR 2014 Baie geluk aan die volgende leerders wat tot die Verteenwoordigende Leerderraad verkies is: 8.1 Nathan Hefer Clarinda Jacobs 8.2 Wian Venter Janika Dames 9.1 Carlo da Cruz Donné Coetzee 9.2 Ivan Dawson Olga Hougaard 10.1 Lehan Hefer Thyze Groesbeek 10.2 Johan Odendaal Zanri de Lange 11.1 Johan Kriek Zelmari Janse van Rensburg 11.2 Rudolph Torlage Joanne Jacovides 12.1 Ivan Bekker Bernelee Kok 12.2 Felie Torlage Jeané Rieckert Zelmari Janse van Rensburg en Ivan Bekker is tot leerderverteenwoordigers op die beheerliggaam verkies. 9. SPORTBEPALINGS Die sportbepalings is beskikbaar op Communicator onder Bronne. Ons versoek dat u moeite sal doen om al ons spanne te ondersteun. Die Loffies speel net soveel lekkerder as ons in groot getalle daar is om hulle aan te moedig. 10. SPORT - SPANKEUSES Die spankeuses en aanwending van reserwes deur afrigters is oral ter wêreld n kontroversiële saak. Ons beleid by Gelofte staan op twee bene. Enersyds neem ons deel om te wen en andersyds wil ons graag vir elke deelnemer geleentheid gee om te speel. Ons kan egter nie verwag dat afrigters veranderinge moet aanbring aan n span wat deurlopend in n reuse stryd gewikkel is in n poging om die wedstryd te wen nie. Ongelukkig het ondervinding geleer dat n mens in hierdie verband nooit

3 almal gelukkig gehou sal kan kry nie. Gee die afrigter nie aan almal speelkans nie, is die ouers wie se kinders nie speelkans gekry het nie ongelukkig. Gee hy wel aan almal speelkans, is ander ouers en sommige spanlede ongelukkig omdat die span verloor het. Ons respekteer ten alle tye die afrigter se spankeuses. 11. ONDERSTEUNERS BY SPORT WAT SÊ DIT VAN ONS AS SKOOL? Ons vind soms dat ouers se gedrag langs die sportveld veel te wense oorlaat. Skeidsregters loop deur onder skeltaal en selfs ons eie spelers word verneder deur neerhalende opmerkings wat gemaak word wanneer hulle fouteer. Hierdie tipe gedrag strek die skool nie tot eer nie en ongelukkig ly ons almal daaronder omdat besoekers dan maklik aanneem dat ons almal so is. Met die aanvang van n nuwe jaar en sportseisoen doen ons dus n beroep op alle ondersteuners om, ten alle tye, so op te tree dat dit die skool se naam tot eer strek. 12. PITKOS: JOU GAWES IS VIR JÓÚ GEKIES Jy en die talente wat jy ontvang het, is nie toevallig in dieselfde mens nie. Jy is nie net nog n nommer in n lang ry nommers nie. Jy is baie spesiaal in God se oë. Jy het spesifieke gawes en talente. Jy moet skoene volstaan wat vir niemand anders pas nie. In jou is daar ongelooflike potensiaal wat net wag om ontwikkel te word. Een van die heerlikste dae van jou lewe sal die dag wees wanneer jy jou potensiaal bereik. (John C Maxwell) 13. VERJAARDAE Baie geluk aan die Loffies wat in die volgende twee weke verjaar. Ons vertrou dat julle heerlik bederf sal word en bid julle baie seën toe vir die nuwe lewensjaar. Meagan Coetzee, Wihann Dyer, Aminé Albertyn, Jeane Myburgh, Henri Roux, Keira Fourie, Werner Calitz, Zandré Calitz, Beandré Jordaan, Dylan Kitson, Wayne Russel, Walter van der Hoven, Rene Smit, Gaynor Gertenbach, Wean Naudé, Jade-Lee Herman, Rachel Sargent, Ruan van Dyk, Charné Meyer, Heinrich de Vos, Cecil Berry, Leandra van Zyl, Liné Herbst, Felie Torlage. 14. PRESTEERDERS Baie geluk aan die volgende Loffies wat KZN kleure verwerf het vir karate: Jan-Harm Botha, Dawid van der Walt, Michelle Meechan en Elke Human. Ons is trots op julle! 15 RIEME PAPIER Ons herinner u graag daaraan dat alle leerders twee rieme papier skool toe moet bring. Ons versoek dat u Mondi papier sal koop aangesien sommige papier nie effektief gebruik kan word met die skool se dupliseerfasiliteite nie. 16. SKOOLFONDS Ons herinner u graag daaraan dat die eerste R500 van 2014 se skoolgeld teen 31 Januarie betaal moet word. Ons herinner u ook weer daaraan dat leerders waarvan die volle skoolgeld vir 2014 teen 31 Maart 2014 betaal word, kwalifiseer vir 6,5% afslag op hul skoolgeld. Indien u meer as een kind in Gelofte het moet die ander kinders se skoolgeld op datum betaal wees indien u slegs een kind se skoolgeld ten volle betaal. Ons wys u laastens daarop dat alle leerders n minimum van R1 000 skoolgeld moet betaal al kwalifiseer hulle op welke wyse ookal vir afslag van een of ander vorm. 17. E-POS Ons het reeds n baie groot aantal ouers wat die Loffienuus elektronies ontvang. Hierdie is uiteraard n baie meer betroubare manier om seker te maak dat u die nuusbrief ontvang, aangesien die kinders soms vergeet van die nuusbrief wat in hul tasse lê. Indien u nog nie n elektroniese weergawe van die Loffienuus ontvang nie, is u welkom om n e-pos te stuur na gelofte@gelofte.co.za. Ons sal u dan op ons adreslys plaas. Die Loffienuus is ook op die webblad

4 ( en op Communicator beskikbaar. Indien u nie toegang tot die internet het nie en graag n harde kopie wil ontvang, voltooi die meegaande skeurstrokie en stuur terug skool toe. 18. HOCA RESTAURANTAAND Die volgende restaurantaand vind op Woensdag, 19 Februarie 2014, in die skoolsaal plaas. Koste beloop R70.00 per persoon vir n 5-gang maaltyd. Kaartjies is by die Gasvryheidstudie leerders beskikbaar. 19. SAAMRYGELEENTHEDE Ons is op soek na die volgende saamrygeleenthede: Geleentheid skool toe en terug vanaf Valley View Weg in New Germany. Kontak vir Siohban Booysen by indien u kan help. Geleentheid na skool na Westville. Kontak vir Angelique Hatting by of Elgin Hatting by indien u kan help. Geleentheid vanaf Escombe, Queensburgh, skool toe en terug vir 2 leerders (slegs in tye van nood). Kontak vir Juanita van Heerden by indien u kan help. Geleentheid na skool vir twee seuns na Forrest Hill, Pinetown. Kontak vir Charmaine Roos by indien u kan help. 20. WERKSGELEENTHEID Transnet beoog om jeugdiges in diens te neem. Matriek of n post-matriek kwalifikasie is n vereieste. Oud leerders wat belangstel kan hul CV s aan pathar@transnet.net e-pos. 21. KONTANTVRYE SONE Ons beklemtoon graag weer die volgende. Ons streef daarna om die skool n kontantvrye sone te maak en sodoende die versoeking by kriminele elemente te verwyder om die skool as n sagte teiken te beskou. Dit sal dus waardeer word indien u van elektroniese betaalmetodes of tjeks gebruik sal maak. Die skool se bankbesonderhede is soos volg: Bank: ABSA Rekeningnaam: Gelofte Skool Takkode: Rekeningnommer: Vriendelike groete D J STRYDOM SKOOLHOOF TERUGSTUURSTROKIE: KOMMENTAAR VIR AANDAG MNR. D. STRYDOM NAAM VAN OUER: NAAM VAN LEERDER: GR. KOMMENTAAR: HANDTEKENING KONTAKNOMMER

5 TERUGSTUURSTROKIE: HARDE KOPIE VAN LOFFIENUUS NAAM VAN OUER: NAAM VAN LEERDER: GR. HANDTEKENING KONTAKNOMMER ADVERTENSIES For more information please contact Lizette: /

6

7

8

9