NUUSBRIEF 2/2017 SKOOLBEHEERLIGGAAM (SBL) AANGELEENTHEDE

Transcription

1 (042) NUUSBRIEF 2/ SKOOLBEHEERLIGGAAM (SBL) AANGELEENTHEDE Tussenverkiesing Woensdag 8 Februarie 2017: n Ouerverteenwoordiger vakature op die beheerliggaam het ontstaan met die bedanking van mev. Bernadine Botha wat eersdaags verhuis. Volgens die Skolewet moet n tussenverkiesing, om die vakature permanent te vul, binne 90-dae gehou word. Die tussenverkiesing vind op Woensdag 8 Februarie 2017 om 18:00 in die skoolsaal plaas. Nominasies op die voorgeskrewe nominasiesvorms, wat by die skoolkantoor beskikbaar is, kan vooraf gemaak word en by die skoolkantoor afgegee word. Nominasies sal ook tydens die vergadering aanvaar word. n Kworum van ouers is nodig om hierdie verkiesing te laat plaasvind. Ons nooi dus ouers uit om asb. hierdie belangrike verkiesing te ondersteun. Die alternatiewe datum vir die tussenverkiesing, sou n kworum nie bereik word nie, is Woensdag 22 Februarie 2017 om 18:00 in die skoolsaal. Laerskool Stulting Ondersteuningsklub: Ons ondersteuningsklub bied, in samewerking met die Suid-Afrikaanse Springboklegendes, n gholftoernooi by die Links gholfbaan aan op 20 Mei Indien u graag wil deelneem of met die borg van bowwe en pryse behulpsaam wil wees, kan u gerus vir Andre van Loggerenberg, die Voorsitter van die ondersteuningsklub, skakel ( ). Skakel ook vir Andre indien u meer wil uitvind oor die ondersteuningsklub of vir lidmaatskap wil aansoek doen. Die Koöperasie: Ons wil graag van die geleentheid gebruik maak om Die Koöperasie te bedank vir hul voortgesette borgskap vanjaar om die skool se 1ste sportspanne se wedstrydklere te borg. Die Koöperasie borg vanaf 2015 hierdie klere en dit stel ons in staat om hierdie spanne met groot trots uit te rus en bloot te stel tydens toernooie. Hiermee saam wil ek ook ons ouers versoek om Die Koöperasie in Piet Uysstraat te ondersteun.

2 (042) Gedragskode en skoolreëls Hare: Die skool se Gedragskode gee duidelike riglyne rakende hare. Ouers moet asb. seker maak dat hul kinders hierby hou Hare Alle haarstyle moet konserwatief, netjies wees en die skooluniform komplimenteer. Geen eksentriese modestyle word toegelaat nie. In die algemeen moet alle haarstyle ons leerders as laerskool kinders uitbeeld. Dogters Slegs natuurlike hare word toegelaat Geen vals haarstukke of verlengings word toegelaat nie Geen vleg van kunsmatige hare word toegelaat nie Vleg van natuurlike hare word toegelaat Natuurlike klein afro word toegelaat beperk tot 5cm in lengte wat met n alice-band gedra moet word Slegs natuurlike haarkleur word toegelaat: Geen onnatuurlike strepies ( highlights / lowlights ) Geen kleur en bleik van hare Hare wat oor die kraag hang, moet vasgemaak word. Wanneer hare gekam word mag dit nie aan die wenkbroue raak nie Hare moet weg van die gesig gehou word Slegs rooi of swart haarbykomstighede (linte, kammetjies, alice-bands en bolletjies) wat by die skool se kleure pas, mag gedra word. Seuns Slegs natuurlike hare word toegelaat Geen vals haarstukke of verlengings word toegelaat nie Geen vleg van kunsmatige hare word toegelaat nie

3 (042) Vleg van natuurlike hare is verbode Geen afro word toegelaat nie Slegs natuurlike haarkleur word toegelaat: Geen onnatuurlike strepies ( highlights / lowlights ) Geen kleur en bleik van hare Hare moet kort en netjies geknip wees. Die gedeelte om die ore moet skoongeknip wees. Hare mag nie aan die ore raak wanneer die hare gekam word nie. Hare mag nie aan die wenkbroue raak nie. Haarstyle wat onder uitgeskeer of -geknip word ( undercuts ), is verbode: Hare moet agter en langs die kant reëlmatig opgesny word. Hare mag nie uitermatig van die kop wegstaan nie Wangbaard ( sideburns ) kan tot by die middel van die oor strek. Geen haarbykomstighede mag gedra word nie FINANSIES Skoolfooie 2017: Skoolfooie (R per jaar per kind) is stiptelik maandeliks (R per kind) vanaf Januarie betaalbaar. Alle skoolgeld moet teen 31 Oktober 2017 betaal wees. n Eenmalige boekfooi van R 500 (vir alle leerders Gr. O-7) is ook betaalbaar. Aangesien ons kontant op die skoolterrein wil beperk, verkies ons dat u gebruik maak van debietorders of internet bankbetalings (EFT). U skoolfooiverwysingsnommer verskyn op u skoolgeldrekening. Ons bankbesonderhede is soos volg: REK. NAAM: Laerskool Stulting BANK: Nedbank TAK: Humansdorp TAK Nr.: REK. Nr.: VERWYSING: U rekeningnommer op u skoolfooirekening

4 (042) FONDSINSAMELING Valentynsdans / -ete (Vrydag 10 Februarie): Die gr. 7-ouers bied vanjaar die Valentynsdans wat n 3-gang ete insluit, om 19:00 aan by Lombardini aan. Koste beloop R 225 pp en drag is semi-formeel. Daar is n kontantkroeg en geen kinders word toegelaat nie. Kaartjies is beskikbaar by die prefekte-ouers sowel as die skoolkantoor. Vir meer inligting, skakel: Shanda Van Rooyen of die skoolkantoor. Busfonds: Elke leerder het n groen lootjieboek ontvang. Hierdie inkomste word gebruik om ons nuwe skoolbus te finansier. Hierdie boekie tesame met die kontant (R 400) moet teen 28 Februarie 2017 aan die skool terugbesorg word. Ons dank u by voorbaat vir die positiewe gesindheid teenoor hierdie fondsinsamelingsprojek aangesien elkeen van ons leerders voordeel hieruit trek. Ons wil ook baie dankie sê aan ons ouers wat die pryse vir hierdie kompetisie aan die skool skenk. KULTUUR Skoolkonsert: Ons benodig ouers om te help met die verf van dekor vir die skoolkonsert. Gee asb. u naam deur aan die kantoor indien u kan help of meer inligting benodig. ATKV: Die naamlyste van leerders wat aangedui het dat hulle wil deelneem aan die ATKV redenaars & Radikale redenaars is op die D6 Kommunikeerder onder bronne gelaai. Gaan asb. na of u kind se naam daarop verskyn en indien nie, kontak juf. Maryna by kultuur@stulting.co.za sou u kind wel wil deelneem. Vir verdere inligting rakende deelname aan die kompetisies kan u ook na die onderskeie webwerwe & gaan kyk. Daar is nuttige inligting soos temas, beoordelaarstate, ens. ALGEMEEN Piet Uysstraat word n eenrigtingstraat: Neem asb kennis dat Piet Uysstraat voortaan n eenrigtingstraat is. Die verkeersdepartement het ons ingelig dat die reëling onmiddelik van krag is. Die eenrigting is in die rigting vanaf Voortrekkerstraat na Du Plessisstraat.

5 (042) Hierdie reëling sal die verkeersvloei in Piet Uysstraat aansienlik vergemaklik. Ons versoek dat ouers wat leerders op- en aflaai van die linkerbaan sal gebruik maak om derhalwe geleentheid te gee vir ouers wat dit reeds gedoen het om van die regterbaan gebruik te maak. Sluitkassies ( Lockers ): Daar is nog n beperkte hoeveelheid sluitkassies beskikbaar. Leerders huur hierdie sluitkassies teen R 200 per jaar. Kontak asb. die skoolkantoor indien u n sluitkassie wil bespreek. Kommunikasie met die skool: Die D6 School Communicator hou jou ingelig oor wat by die skool gebeur. Tans gebruik 83% van ons ouers die program. Daar is egter nog 17% van ons ouers wat nie die inligting kry wat ons aan u stuur nie. Die program word automaties opdateer en gee u al die jongste nuus en kalenderinligting oor geleenthede wat voorlê. Dit bevat ook n fotogalery, n kontaklys en skakels na nuusbriewe en buitemuurse roosters. Die Alert - funksie vervang ook die gewone sms e waarmee ons tot dusver gekommunikeer het en indien u nie die App geinstalleer het nie sal u nie die boodskappe kan ontvang nie. Volg asb. die ingeslote instruksies om die D6 School Communicator op u foon en rekenaar af te laai. Ouer kontakbesonderhede: Ouers moet asb. die skool kontak indien hul kontakbesonderhede verander. Gr. 7 s 2016: Baie dankie aan ons gr. 7-leerders en ouerkomitee van verlede jaar. Hulle het n nuwe Venter-sleepwa aan die skool geskenk asook geld bewillig om 7 TV-skerms in ons klaskamers te installeer. Gemeenskapsdiens - Wit Olifant: Baie dankie aan al ons ouers wat bydraes tot die Wit Olifantprojek gemaak het. Ons beplan om al die skenkings aan Hospice en ander liefdadigheidsorganisasies te skenk. U kan steeds bruikbare artikels skool toe stuur. SKOOLHOOF