Leikskólinn Vesturkot. Starfsáætlun 2010

Transcription

1 Leikskólinn Vesturkot Starfsáætlun 2010

2 Efnisyfirlit 1. Inngangur...bls Leiðarljósin...bls Stefnukort...bls Skilgreining á stefnukorti Vesturkots...bls Mat á framkvæmd starfsáætlunar...bls Verkefnaáætlun...bls Mælikvarðar...bls Mat á símenntunaráætlun...bls Símenntunaráætlun...bls Samkennsla...bls Könnunarleikur...bls Einingakubbar...bls Gönguhópar...bls Samstarf við Hvaleyrarskóla...bls Skólafærni...bls Umbótaáætlun...bls. 21 1

3 Inngangur Starfsáætlun leikskólans Vesturkots fyrir veturinn Í vetur ætlum við okkur stóra hluti jafnframt því að halda áfram að byggja upp og móta starfið. Við festum í sessi þær hefðir og menningu sem við erum búin að skapa hér í leikskólanum og byggjum ofan á þær. Helstu verkefni okkar í vetur er að innleiða Skólafærni (SMT) og eru þegar tveir starfsmenn búnir að fara á grunnnámskeið og fleiri fara núna í vetur. Við ætlum okkur þennan vetur til að koma verkefninu vel af stað. Mikill áhugi er fyrir samkennslu og munum verða í samstarfi við Kató sem er Forystuskóli fyrir samkennslu. Við erum þegar byrjaðar að kynna okkur þessa kennsluaðferð og erum að þreifa okkur áfram með að nota hana. Tilraunaverkefnið okkar í vetur er að bjóða öllum hópunum upp á íþróttakennslu einu sinni í viku undir stjórn Gabríelu sem er íþróttaleiðbeinandi frá Slóvakíu og myndlistarkennslu einu sinni í viku undir stjórn Jóhönnu sem er myndlistarkennari. Verkefnið er þegar byrjað og fer vel af stað. Samstarfið við Hvaleyraskóla heldur áfram og er komið til að vera þar sem elstu börnin í leikskólanum heimsækja Hvaleyraskóla einu sinni í viku og grunnskólabörn kom í heimsókn í leikskólann með upplestur eða aðra uppákomu nokkrum sinnum yfir veturinn. 2

4 Við erum að taka þátt í tilraunaverkefni um að nota TRAS sem er skimunartæki á málþroska fyrir börn á aldrinum 2-5 ára. Foreldrar og starfsfólk leggist á eitt við að bæta úr þeim þáttum í foreldrakönnuninni sem úrbóta er þörf. En markmið okkar er fyrst og síðast að börnunum okkar líði vel í leikskólanum. Foreldrar upplifi barnið sitt í öruggum og góðum höndum, þar sem hlúð er að því með alúð og virðingu. Jóna Guðbjörg Ólafsdóttir, leikskólastjóri 3

5 Einkunnarorðin okkar eru gleði alúð og skapandi umhverfi sem verða leiðarljósin okkar í starfi með börnunum. 4

6 Stefnukort Vesturkots Þjónusta Vellíðan barna Ánægðir og stoltir foreldrar Fjármál Ábyrg fjármálastjórnun Nám í gegnum leik Foreldrasamstarf Hagsýni Ferli Gott upplýsingaflæði Faglegt starf Eftirfylgni Markviss áætlanagerð og mat Starfsmannahandbók Mannauður Starfshvatning og starfsánægja Fagmennska og starfsþróun Heilindi, traust og ábyrgð Markviss símenntun Gott viðmót og þjónustulund 5

7 Skilgreining á stefnukorti Vesturkots Þjónusta Vellíðan barna Að börnin séu örugg, ánægð og hæf til að takast á við sjálfan sig og umhverfið. Þá er lögð mikil áhersla á hollt mataræði, hreyfingu og útiveru. Það er hlutverk leikskólans að styðja, hvetja og styrkja samskipti barnanna og ýta undir að þau fái tækifæri til að efla sjálfstæði sitt og frumkvæði. Einkunnarorð Vesturkots eru: Gleði, alúð og skapandi umhverfi Ánægðir og stoltir foreldrar Foreldrar sjái að barnið þeirra er í traustu og öruggu umhverfi þar sem því er sýnd hlýja og virðing. Við leggjum áherslu á að foreldrar finni að þeir og barnið þeirra eru velkomin í leikskólann. Við leggjum áherslu á að eiga ánægjuleg og uppbyggjandi samskipti við foreldra þar sem vellíðan og þroski barnanna er í fyrirrúmi. Foreldrasamstarf Við leikskólann er virkt foreldrafélag. Foreldrum er boðið í viðtal í kringum afmælisdag barnsins, annars eftir þörfum. Foreldrafundur er einu sinni á ári í upphafi vetrar. Foreldrakaffi er tvisvar á ári og opið hús á vordögum þar sem afrakstur vetrarins er sýndur. Nám í gegnum leik Leikurinn er aðalnámsleið barnanna og lífstjáning þeirra. Allar kennslustundir byggjast á leik þar sem börnin fá tækifæri til að vinna úr reynslu sinni og upplifunum, tjá tilfinningar sínar og gefa ímyndunaraflinu lausan tauminn í öruggu umhverfi undir handleiðslu starfsfólks. Fjármál Ábyrg fjármálastjórnun Gera nákvæma kostnaðaráætlun. Meta reglulega fjárhagsstöðuna, minnst ársfjórðungslega. Hagsýni Nýta vel það sem til er í skólanum og vanda til innkaupa Reglulegt eftirlit Að halda rekstri innan fjárheimilda 6

8 Skilgreining á stefnukorti Vesturkots Ferli Gott upplýsingaflæði Virk samskipti við foreldra t.d dagleg samskipti. Fréttabréf, upplýsingatöflur,myndaskráningar. Heimasíða uppfærð a.m.k. einu sinni í viku. Mánaðardagatal með helstu upplýsingum í upphafi hvers mánaðar fyrir foreldra. Gott upplýsingaflæði innan og utan leikskólans. Faglegt starf Unnið er eftir skólanámskrá og aðalnámskrá leikskóla og skólastefnu Hafnarfjarðar. Áhersla á þverfaglegt samstarf sbr. samstarf við grunnskóla. Nýta fjölbreytta uppeldismenntun starfsmanna og reynslu. Gott samstarf við fagfólk utan leikskólans. Að allt starfsfólk komi að faglegu starfi. Markviss áætlanagerð og mat Áhersla á vandaða áætlanagerð, endurmat, foreldrakannanir og starfsmannaviðtöl. Starfsáætlun er lifandi plagg og í sífelldri þróun. Skýr og aðgengileg starfsáætlun Starfsmannahandbók Starfsmanna handbók er í sífelldri þróun og allir starfsmenn nýti sér hana. Hlutar úr bókinni teknir fyrir á starfsmannafundum til kynningar og samræmingar. Allt starfsfólk vel upplýst um til hvers er ætlast af þeim. Starfsfólk tekur þátt í þróun starfsins. 7

9 Skilgreining á stefnukorti Vesturkots Mannauður Starfshvatning og starfsánægja Að starfsfólk fái hvatningu og stuðning í starfi. Hvetja til samstöðu og hugmyndaflæðis milli allra starfsmanna. Að starfið sé aðlaðandi og áhugavert og tækifæri til að hver og einn fái að njóta sín og líði vel. Fagmennska og starfsþróun Að nám og reynsla hvers og eins starfsmanns skili sér inn í starfið. Markviss símenntun sem allir hafa aðgang að. Símenntun tekur mið af þörfum leikskólans og áhuga starfsfólks. Að allir starfsmenn nýti sér símenntun á hverju ári. Gott viðmót og þjónustulund Skapa gott starfsumhverfi svo öllum líði vel í vinnunni. Við reynum að taka tillit til fjölskylduaðstæðna eins og hægt er. Skapa jafnvægi milli vinnu og einkalífs. Heilindi, traust og ábyrgð Starfsmenn sýni ábyrgð gagnvart starfi sínu og samstarfsfólki. Starfsfólk beri traust til hvers annars og geti leyst ágreiningsmál af heilindum. Lögð er áhersla á sjálfstæð vinnubrögð og innihaldsrík störf. Móttaka og þjálfun nýrra starfsmanna Móttökuáætlun fyrir nýja starfsmenn. Að allir nýir starfsmenn fái góða leiðsögn í starfi fyrstu vikurnar. Að væntingar til starfsfólks séu skýrar það skapar öryggi. 8

10 Mat á framkvæmd starfsáætlunar 2009 Síðasta ár hefur farið í að festa í sessi þær hefðir og venjur sem við viljum halda í og móta okkur nýjar og prófa okkur áfram. Halda stöðugleika í starfsmannahópnum sem er mjög mikilvægt þegar verið er að byggja upp og móta nýja starfsemi. Þróa innra starfið með börnunum og festa í sessi ákveðna þætti sem við viljum vinna að, eins og könnunarleikinn með yngstu börnunum og notkun á einingakubbunum sem við erum að halda áfram að vinna með og kenna og þjálfa starfsfólk í að nota. Þau verkefni sem við lögðum upp með að framkvæma gengu eftir að mestu leyti meðal annars tókst okkur að klára starfsmannahandbókina, byrjuðum að vinna að námskrá en ekki tókst að klára þá vinnu. Við ætluðum okkur að heimsækja menntastofnanir sem við og gerðum sem vakti mikinn áhuga og ánægju hjá starfsfólki. Tekin voru Hljóm-2 próf af elstu börnunum tvisvar yfir árið og samstarfið við Hvaleyraskóla styrktist og heldur áfram með vikulegum heimsóknum elstu barnanna. Foreldrakönnun var send til allra foreldra og eru niðurstöður hennar á heimasíðu leikskólans, starfsmannakönnun var ekki gerð en starfsmannasamtöl fóru fram við alla starfsmenn leikskólans. Eitt af okkar helstu verkefnum á síðasta ári var að innleiða Skólafærni sem okkur tókst ekki að gera en verið er að vinna að innleiðingu fyrir næsta ár. 9

11 Verkefnaáætlun skólaárið Verkefni Ágúst Sept Okt Nóv Des Janúar Febrúar Mars Apríl Maí Júní Júlí Foreldrasamtöl Foreldrafundur Opið hús Virk heimasíða Hljóm-2 próf Einstaklingsnámskrárgerð Samstarf milli skólastiga Viðhorskönnun foreldra Viðhorfskönnun starfsmanna Starfsmannasamtöl Heimsókn í menntastofnun Gera starfsáætlun Gera símenntunaráætlun Árangursstjórnun Kynna og innleiða Skólafærni Skólanámskrá Starfsmannahandbók, endurskoðuð 10

12 Verkefnaáætlun skólaárið Samkennsla, innleidd Íþróttatímar og myndlistartímar, tilraunaverkefni Verkefni Ágúst Sept Okt Nóv Des Janúar Febrúar Mars Apríl Maí Júní Júlí Móttaka nýrra starfsmanna,verkferill Móttaka erlendra barna og foreldra, verkferill TRAS, skimun 11

13 Mælikvarðar Meginmarkmið Mælikvarði Viðmið Raun Aðgerð 2009 Þjónusta Vellíðan barna % ánægðra nemenda 95% 86% Viðhorfskönnun Stoltir og ánægðir % ánægðra foreldra 90% 77% Viðhorfskönnun foreldrar Nám í gegnum leik Foreldrasamstarf Fjármál Ábyrg fjármálastjórn % ánægðra barna og foreldra % ánægðra foreldra með samstarf við leikskólann Frávik frá fjárhagsáætlun 95% 88% Skráning og viðhorfskönnun 90% 86% Viðhorfskönnun 0.0 Reglulegt kostnaðareftirli 12

14 Ferli Raun Gott upplýsingaflæði Virk heimasíða uppfærð einu sinni í viku Einu sinni í viku 100% Eftirfylgni 1500 heimsóknir p/mánuð % starfsmanna sem eru ánægðir með upplýsingaflæði 95% 1200 heimsóknir 90% Viðhorfskönnun Faglegt starf Hlutfall starfsmanna sem meta og gefa fullnægjandi einkunn 95 % 90% Matskvarði Barnið í brennidepli Nám í gegnuml leik. Starfsmannahandbók Starfsmannahandbók sé endurskoðuð 2svar á ári Sept apríl Þarf að fara yfir og endurskoða 2svar á ári. Markviss áætlanagerð og mat Gæði starfsáætlunar 25 stig 24 stig Sí-og endurmat starfsáætlunar og einkunn frá matsnefnd 13

15 Mannauður Raun Starfshvatning og starfsánægja Fagmennska og starfsþróun Gott viðmót og þjónustulund Heilindi, traust og ábyrgð % ánægðra starfsmanna % starfsmanna með virka símenntunaráætlun % starfsmanna sem sýna gott viðmót og þjónustulund % starfsmanna sem fara í starfsmannasamtal 90% 99% Stafsmannakönnun 100% 100% Eftirfylgni,stuðningur og hvatning 100% 88% Viðhorfskönnun meðal foreldra Starfsmannakönnun 100% 100% Eftirfylgni,stuðningur og hvatning 14

16 Mat á símenntunaráætlun 2009 Símenntunaráætlun siðasta árs stóðst að mestu en alltaf verða einhverjar breytingar þegar verið er að áætla fram í tímann. Það sem við lögðum mesta áherslu á var að fá fræðslu um slys og slysavarnir barna, sem gekk eftir. Við ætluðum okkur einnig að skoða aðra leikskóla, sem við gerðum. Samningur um árangursstjórnun var gerður og er unnið samkvæmt honum. Til stóð að innleiða Skólafærni (SMT) en það tókst ekki vegna veikinda og niðurskurðar á yfirvinnu. Einnig var gerð verkáætlun um vinnu að skólanámksrá sem ekki hefur tekist að fara eftir vegna niðurskurðar á yfirvinnutímum. Starfsfólkið sá einnig um að vera með fræðslu fyrir samstarfsfólk t.d. heimspeki með börnum, hugalásar o.m.fl. Að öðru leyti sótti starfsfólkið námskeið og samráðsfundi sem í boði voru á Skólaskrifstofu og í Kraganum. Reynt var eftir fremsta megni að koma til móts við óskir starfsfólks með þarfir leikskólans í huga. Öll fræðsla og aukin þekking hjá starfsfólki á leikskólastarfi og því hvernig börn þroskast best er leikskólanum til framdráttar. Góður leikskóli er bæjarfélaginu til sóma og er hvati fyrir fjölskyldufólk að setjast að í Hafnarfirði. 15

17 Símenntun fyrir árið 2010 Helstu áherslur okkar og markmið símenntunar fyrir næsta ár, er að halda áfram að þróa og móta góða leikskólamenningu, auk þess að halda áfram að byggja upp gott leikskólastarf með góðu starfsfólki. Við þurfum að geta haldið í fólkið sem við höfum með öflugri fræðslu um leikskólastarf um leið og við eflum liðsheild hjá starfsmannahópnum þannig að allir geti lagst á eitt með samvinnu og verið samstíga í vinnureglum. Við ætlum að leggja aðaláherslu á tvö námssvið á næsta ári það er hreyfing og myndlist ásamt því að fá fræðslu um hvernig starfsfólkið getur eflt sig í starfi og látið ljós sitt skína sem best. Starfsfólkið er hvatt til að nýta sér námskeið og fræðslu sem Skólaskrifstofan og Kraginn bjóða upp á. Komið er til móts við óskir starfsfólks eins og kostur er þó ávallt í samhengi við þarfir leikskólans. Áætlunin er unnin með hliðsjón af: starfsmannasamtölum, Mannauðsstjórnun Hafnarfjarðar, Jafnréttisáætlun Hafnarfjarðar, Skólastefnu Hafnarfjarðar. 16

18 Samkennsla Samkennsla í aldursblönduðum hópi felur í sér að börnum úr tveimur eða fleirum árgöngum er kennt saman sem skapar börnum á mismunandi aldri námsframvindu á eigin forsendum. Líkja má samkennslu við fjölskyldu barns þar sem fjölskyldumeðlimir styðja hver annan og þeir eldri kenna þeim yngri, hafa forystu fyrir þeim og eru þeim fyrirmynd. Jafnframt því geta þeir yngri lært af þeim eldri og geta samsamað sig þeim og reitt sig á stuðning þeirra. Eldri börn líta á yngri börn sem einstaklinga sem þarfnast stuðnings þannig geta skapast væntingar um samvinnu og stuðning meðal barna sem hefur jákvæð áhrif á félagslegan þroska. Í aldursblönduðum hópum er hægt að taka tillit til þess að börn þroskast mishratt og samvinna barna innan hópsins stuðlar að auknum félagslegum þroska og dregur úr óæskilegri samkeppni og félagslegum þrýstingi á börn sem aftur leiðir til færri aga-og hegðunarvandamála. Við ætlum okkur að innleiða samkennsluna með aldursblönduðum hópum og sveigjanlegri hópaskiptingu sem þjónar þörfum barnanna. Við höfum hópana aldursblandaða megin hluta dagsins en einnig bjóðum við upp á aldurshreina hópa í elsta árgangnum þar sem þau börn fara vikulega í heimsókn í Hvaleyraskóla. Þessi innleiðing er á tilraunastigi hjá okkur og er því ekki fullmótuð ennþá. En mikill áhugi er fyrir því að nota samkennsluna hjá starfsfólki en það tekur tíma að skoða, skrá og meta hvað hentar okkar starfsemi. 17

19 Könnunarleikur Á yngstu deildunum er unnið með Könnunarleikinn sem er kennsluaðferð fyrir yngstu börnin Könnunarleikurinn felur í sér að hópi barna er boðið upp á fjölda ólíkra hluta (verðlaust efni) sem þau leika sér með í stuttan tíma án afskipta hins fullorðna á skipulögðu afmörkuðu svæði. Eins og nafnið bendir til þá kanna börnin möguleika hlutanna á sínum forsendum. Mikilvægi Könnunarleiks er sjálfsprottinn rannsóknarleikur þar sem börnin æfa samhæfingu augna og handa og hluta. Könnunarleikur er nálgun/aðferð í því hvernig barnið sjálft vill/getur notað hlutinn, en ekki hvernig hinn fullorðni vill að barnið geri. Hinn fullorðni er alltaf til staðar og fylgist með/grípur inn í ef með þarf. Einingakubbar Einingakubbar eru trékubbar í mismunandi formum. Caroline Pratt hannaði kubbana eftir að hafa fylgst með börnum í kubbaleik. Gengið er út frá einum grunnkubbi sem kallaður er einingakubbur og eru hinir kubbarnir mismunandi hlutföll af grunnkubbnum. Einingakubbar eru inni á öllum deildum í leikskólanum okkar. Vinna með einingakubbana fer inná flesta náms- og þroskaþætti barnanna eins og samfélagsfræði, félags- og tilfinningaþroska, listir, málþroska, stærðfræði, vísindi og líkamsþroska. 18

20 Gönguhópar Börn í næst elsta árgangi eru í Gönguhóp markmiðið er að efla þol og þrek barnanna með lengri gönguferðum, hlaupum og rösklegri göngu. Í gönguferðunum skoða börnin nánasta umhverfi leikskólans og hvað náttúran í kringum okkur hefur upp á að bjóða Samstarf við Hvaleyrarskóla Þetta er annað árið sem við erum í samstarfi við Hvaleyraskóla. Samstarfið byggist á því að elstu börnin í leikskólanum fara einu sinni í viku í skólaheimsókn þar sem þau vinna skólaverkefni. Við höfum afnot af einni kennslustofu þar sem unnið er að ýmsum verkefnum spila spil, fara í leiki, skoða ljós og skugga ofl. Einnig fáum við að skoða skólann vel og vandlega kynnast bókasafninu, heimilifræðistofunni, fáum að sjá heilsdagskólann, kynnumst skólalóðinni, þeim sem eru á göngunum bæði börnum og fullorðnum og lærum grunnreglurnar sem gilda í skólanum. Með þessu samstarfi erum við að auka færni barnanna í að takast á við þær breytingar sem verða þegar þau byrja í grunnskóla. 19

21 Skólafærni (SMT) Markmið SMT-skólafærni (hafnfirsk útfærsla á bandarísku aðferðinni Positive Behavior Support/PBS) er að skapa gott andrúmsloft í skólum og tryggja öryggi og velferð nemenda og starfsfólks. Lögð er áhersla á að koma í veg fyrir og draga úr óæskilegri hegðun nemenda með því að kenna og þjálfa félagsfærni, gefa jákvæðri hegðun gaum með markvissum hætti og samræma viðbrögð starfsfólks gagnvart nemendum sem sýna óæskilega hegðun. SMT-skólafærni byggir á hugmyndafræði PMT- FORELDRAFÆRNI og er framkvæmd undir merkjum þeirrar þjónustueiningar, sem verið hefur leiðandi hér á landi í notkun og útbreiðslu PMT verkfæra til uppalenda. PMT (Parent Management Training) verkfærin eru vel rannsökuð af færustu sérfræðingum, notkun þeirra stuðlar að góðri aðlögun barna og þau eru því afar mikilvæg hjálpartæki. Foreldrum býðst að tileinka sér PMT- foreldrafærni jafnframt því sem skólasamfélagið á möguleika á innleiðingu SMT-skólafærni. Á fyrsta ári er lögð áhersla á að styðja alla nemendur skólans. Reglur eru settar fram þannig að þær eru einfaldar, nákvæmar og vel ljóst til hvers er ætlast. Reglur eru hafðar sýnilegar, hengdar upp á veggi og kenndar með sýnikennslu, dæmum og æfingum. Hvatning er notuð á ýmsa vegu til að umbuna nemendum fyrir árangur, framfarir og það sem vel er gert. Mikil áhersla er á notkun félagslegrar hvatningar (hrós). Skýr mörk eru sett og skilgreind eru minni háttar og alvarlegri hegðunarfrávik. Vegna óæskilegrar hegðunar eru skilgreindar viðeigandi afleiðingar, þær eru breytilegar og ráðast af alvarleika hegðunar. 20

22 Umbótaáætlun Fram kom í niðurstöðum foreldrakönnunnarinnar sem gerð var síðastliðið vor að við þurfum að laga eftirfarandi þætti: Í fyrstu heimsókn foreldra var ábótavant kynning á leikskólanum, skólanámskrá og starfsáætlun. Við komum til með að leggja okkur fram við kynningu á leikskólanum í fyrsta viðtali jafnframt því sem við kynnum heimasíðu leikskólans með markvissari hætti með því að hafa slóðina að heimasíðunni sýnilega þar sem foreldrar geta nálgast þessar upplýsingar. Skólanámskráin okkar er ekki tilbúin en verið er að vinna að henni. Foreldrar töldu sig hafa lítil áhrif á innra starf leikskólans, einnig fannst þeim ekki verið unnið samkvæmt starfsáætlun og óánægja með uppeldis og menntastefnu leikskólans. Í dag er foreldraráð og foreldrafélag starfrækt við leikskólann sem við berum miklar vonir til að auki áhrif foreldra á innra starfi leikskólans. Starfsáætlun þarf að kynna betur inni á heimasíðu leikskólans og heimasíðu bæjarins. Uppeldis og menntastefna leikskólans er í mótun en við horfum m.a. til samkennslu. Heildaránægja með samskipti foreldra og starfsfólks var ábótavant. Lögð verður áhersla á að bæta samskiptin með betri kynningu á nýju starfsfólki, sem verður á ábyrgð hvers deildarstjóra. Auk þess verður lögð áhersla á að starfsfólk leggi sig fram við að koma til móts við foreldra með auknum skilningi og áhuga. Leikskólastjóri leggi sig fram við að kynna sig fyrir nýjum foreldrum og vera sýnilegri. Líðan barns í leikskólanum ánægja með leikskólann, þarf að bæta. Í samstarfi við foreldra höldum við áfram að byggja starfið upp með það að markmiði að öllum börnum og foreldrum líði vel í leikskólanum. 21

23 Heiðrún Sverrisdóttir leikskólaráðgjafi dvaldi hér part úr degi í fimm daga og gerði úttekt á móttöku barna, fyrirkomulagi mogunverðar og hvatningu til sjálfshjálpar. Lagði hún til að við hefðum opið inn á deildar að morgni, sem við gerum núna. Einnig kom fram að börnin mættu skammta sér sjálf morgunverð og ganga frá disknum á vagninn. Allar deildar hafa tekið þetta til endurskoðunar og lagfært. Starfsfólk leikskólans gerði mat á þættinum nám í gegnum leik. Niðurstöður urðu þær að við þurfum að taka okkur á í mati og gagnasöfnun. Verið er að vinna í því að hvetja starfsfólk til að skrá hjá sér hvað gengur vel og hvað getum við gert betur. Í vetur verður mikið starf framundan í áframhaldandi uppbyggingu og hlökkum við til að takast á við það með aðstoð foreldra. standalone supplement to the main document. It 22