DIE WEG CHRISTELIKE GEMEENTE LOFPRYSING EN AANBIDDING DATUM: 29 MEI 2016 PLEK: MBOMBELA PREDIKER: PASTOOR JOHAN PUTTER Page 1 of 7
LOFPRYSING EN AANBIDDING INHOUDSOPGAWE INLEIDING... 3 DOEL VAN LOFRYSING EN AANBIDDING... 3 WIE AANBID ONS?... 4 HOEKOM AANBID EN PRYS ONS GOD?... 5 WAT IS LOFPRYSING EN AANBIDDING?... 5 SAMEVATTING... 6 Page 2 of 7
LOFPRYSING EN AANBIDDING INLEIDING Ons het die afgelope week ervaar dat God die Heilige Gees, ons gemeente na nuwe hoogtes in terme van ons gemeentelike lofprysing en aanbidding wil neem. Lofprysing en aanbidding het drie komponente naamlik: 1. Eerstens, my lewe en wat ek dink en doen, behoort n offer van aanbidding aan God te wees. In die praktyk behels dit my strewe om aan God gehoorsaam te wees en Sy wil te doen. 2. Tweedens geskied lofprysing en aanbidding waar ek God deur my woorde en my sang, prys en aanbid. 3. Derdens kan ek God loof en prys deur myself kreatief uit te druk. Dit kan deur musiek, danse, swaai van vlae en ander verskillende kunsvorme geskied. Ons ervaar dat die Heilige Gees verlang dat ons meer op lofprysing en aanbidding dmv van woorde en sang asook kreatiewe uitdrukking soos musiek en danse, moet fokus. Om in hierdie proses aan God gehoorsaam te wees, is ons besig om oor n paar dinge te bid en te gesels. Dit mag dalk die wyse waarop ons tans lofprysing doen, verander. As begin van hierdie proses, gaan ons vandag inleidend oor lofprysing en aanbidding gesels. Daarna gaan ons God prys en aanbid. DOEL VAN LOFRYSING EN AANBIDDING Die doel van lofprysing en aanbidding is om aan Jesus se groot opdrag te voldoen. MARKUS 12:30 Jy moet vir jou God die Here lief wees met jou hele hart en met jou hele lewe en met jou hele verstand en met al jou krag. God wil hê dat ons Hom moet vertel dat ons Hom baie liefhet en dankbaar is vir wat Hy vir ons doen. God wil hê dat ons eer en respek aan Hom moet bewys. Hoekom? Hy is baie lief vir ons en dit is vir Hom lekker om ons lofprysing te hoor. Is dit nie ook vir jou lekker om van jou geliefdes te hoor dat hulle baie lief is vir jou nie? Ons kan God nie met ons lofprysing manipuleer deur sekere dinge te doen en dan te vereis dat sekere goed moet gebeur nie. Page 3 of 7
Die Bybel leer egter duidelik dat ons in God se teenwoordigheid kan kom as ons eer en lof aan Hom bewys. (Psalms 100:4 en 22:3) Ons kan dit ook stel dat as ons lofprysing doen, dan raak ons meer op God gefokus en raak ons dus bewus van Sy teenwoordigheid. Ons lees in die Bybel dat as ons Goddelike advies of n openbaring van God verlang, ons moet begin om Hom te loof en prys. In 2 Konings 3:11-12 word die verhaal vertel waar die koning van Israel in n oorlog was en Goddelike advies nodig gehad het. Die koning stuur toe n afvaardiging na Elisha. Wat doen Elisha? Hy sê, kom ons maak eers musiek. Hulle het dit gedoen en God het deur Elisha advies aan die koning gegee wat tot sy oorwinning gelei het. In vandag se tyd, is ons musiekspan die mense wat die musiek maak. Indien u Goddelike advies verlang, is dit n goeie idee om voor die lofprysing op Sondae begin, u behoefte aan Goddelike advies, met Hom te deel. Ons het vandag ook profete in die gemeente. Hulle kan dalk soos in die geval met Elisha, vir u n Goddelike boodskap gee of die Heilige Gees kan self met u praat. Was of is u op n plek in u lewe waar u diep in die moeilikheid is? U is totaal oorweldig en weet nie wat om te doen nie? Ons lees in 2 Kronieke 20:12 dat Israel op so n plek was. Die vyand het in n oormag opgetrek om Israel te vernietig. Wat het Israel gedoen? Hulle het begin om God te loof en te prys. Die Bybel leer dat hulle God met luide stemme begin prys en eer het. Die gevolg was dat God bo-natuurlik ingegryp en Israel gered het. Ons lees in Handelinge 16: 23-26 die verhaal waar Paulus en Silas gearresteer, aangerand en in die tronk opgesluit was. Hulle het God begin loof en prys. God het bonatuurlik ingegryp en hulle bevry. Is u in n moeilike situasie? Het u n bo-natuurlike ingryping van God nodig? Die lofprysing tydens ons eredienste is n goeie plek om God te kom loof en prys. Dalk is God u genadig en ontvang u n profetiese woord of doen God n wonderwerk om jou te help. Dit het al talle kere gebeur en kan verseker weer gebeur. WIE AANBID ONS? Ek meen dat ons nie behoorlik lofprysing kan doen as ons nie n duidelike besef het wie God is nie. Indien ek vir Doret vertel dat ek lief is vir haar, weet ek baie goed wie sy is. Dieselfde geld as ons God loof en prys. Alvorens u met lofprysing begin, is dit n goeie ding as u op God fokus en onthou wie Hy is. 1. God is die heerser van die heelal. Page 4 of 7
2. Hy is die Lig van wêreld en alle boosheid moet vlug. (Johannes 8:12) 3. Hy is Jehovah Shalom. (Ons vrede en veiligheid) (Judges 6:24) 4. Hy is ons wonderbare Raadsman. (Jesaja 9:6) 5. Hy is Jehovah Rophe ons geneser. (Eksodus 15:26) 6. Hy is die brood van die lewe. (Johannes 6:35) HOEKOM AANBID EN PRYS ONS GOD? Alvorens u met lofprysing begin, is dit ook n goeie idee as u uself die vraag vra, Hoekom bring ek vandag lof en eer aan God? Ek doen dit omdat: 1. God verlossing en redding vir my bewerkstellig het deur Sy enigste Seun Jesus aarde toe te stuur om my van die juk van slawerny en die dood te red. 2. God my genees en bevry het. 3. God Sy Vaderhart aan my openbaar het. 4. Ek lewe en vrede in God het. 5. God my beskerm en versorg. 6. God my help. WAT IS LOFPRYSING EN AANBIDDING? Lofrysing en aanbidding is: Kommunikasie met God om jou respek, eerbied, bewondering, ontsag en agting vir God te toon. Dit is handelinge om jou waardering en dankbaarheid te betoon. Dit is om bly te wees oor God se liefde en guns. Worship is: the expression of reverence (respect, admiration, awe, devotion and veneration) and adoration (glorify, honour, devotion and exaltation. ) Die oorsprong van lofprysing en aanbidding moet uit jou gees kom en dit vind dan uitdrukking deur jou siel en liggaam. Dit is hoekom Jesus die volgende geleer het: JOHN 4:23 the true worshipers will worship the Father in spirit and truth; for the Father is seeking such to worship Him. God is Spirit, and those who worship Him must worship in spirit and truth. In die Bybel word verskillende woorde gebruik om verskillende fasette van lofprysing en aanbidding aan te dui. Kom ons let op sommige Bybeltekste om u n idee te gee wat die Bybel by lofprysing en aanbidding bedoel. Page 5 of 7
1. Psalm 42:5: Yadah Om met uitgestrekte hande in die lug, eerbied en respek aan God te betoon. Jy kan dit doen terwyl jy sing of saggies neurie en praat. (Selfs in tale.) 2. Psalm 50:23: Towdah Om jou dankbaarheid te betoon deur jou regterhand in die lug te steek, terwyl jy sing of bid. 3. Psalm 95:6: Barak Om te kniel met jou hande in die lug of om te kniel met voorlyf laag gebuig. Dit is n teken van diepe respek en eerbied. 4. Psalm 22:3: Tehillah Dit is spontane lofprysing wat uit jou hart uitborrel. Dit kan liedere of woorde wees wat spontaan uit jou kom. Dit kan met emosie gepaard gaan of dit kan ook in jou taal wees, as jy n taal ontvang het. 5. Psalm 150: Zamar Dit is georganiseerde sang met musiek instrumente of dit kan net luister na musiek wees terwyl u op God fokus. Psalm 47:1 Om hande te klap terwyl jy sing. 6. 2 Samuel 6:14 Om deur middel van dans en liggaamlike beweging, eer en lof aan God te bring. 7. 1 Chronicles 16:4: Halal Dit is demonstratiewe lofprysing. Dit beteken om God op so wyse te aanbid dat jy jouself so bietjie verloor. n Voorbeeld hiervan is toe koning Dawid die ark in ontvangs geneem het. Dawid se een vrou het gedink dat Dawid se optrede onwaardig was, en sy is daarvoor deur God gestraf. 8. Psalm 53:3-4: Shabach Dit beteken om God te prys deur op jou hardste te skree en om baie luidrugtig te wees. 9. Psalm 104: 33-34: Om net stil in aanbidding voor God te wees. SAMEVATTING Samevattend kan ons die volgende sê; 1. Lofprysing en aanbidding is n kritiese komponent van ons gemeente se eredienste. Page 6 of 7
2. Die musiekspan doen nie die lofprysing nie. Hulle fasiliteer n geleentheid waar u en ek, God dmv sang, musiek en dans, kan loof en prys. 3. Dit is u geleentheid waar u vir God kan vertel hoe lief u Hom het en hoe dankbaar u is oor wat Hy vir u doen. 4. Dit is u geleentheid waar u, u behoeftes vir advies en bonatuurlike ingryping aan God bekend kan maak. 5. Dit is die geleentheid waar u kan verwag dat die geestelike gawes soos in die sendbrief aan die gemeente in Korinthe op rekord geplaas, kan funksioneer. Ons gaan nou n geleentheid hê om God te loof en prys. Voor ons begin, kom ons raak net eers stil voor God. Fokus op God, aan wie gaan u nou u liefde en waardering openbaar? Hoekom gaan u dit doen? Soek u advies of hulp? Bespreek dit met God. AMEN Page 7 of 7