JAARVERSLAG VAN KAMCARE SOCIAL AND TRAINING SERVICES, VIR DIE TYDPERK 1 MAART 2017 TOT 28 FEBRUARIE 2018

Transcription

1 6 August 2018 JAARVERSLAG VAN KAMCARE SOCIAL AND TRAINING SERVICES, VIR DIE TYDPERK 1 MAART 2017 TOT 28 FEBRUARIE INLEIDING Kamcare is in Augustus 2008 gestig as n artikel 21 / nie winsgewende maatskappy. Kamcare reik uit na mense met n wye verskeidenheid van probleme. Dit doen ons deur ons dienste in 5 sentrums van bediening te klasifiseer, naamlik: die Wellness sentrum, Opleidingsentrum, Kinderontwikkelingsentrum, Gemeenskapsontwikkelingsentrum en die Besigheidsondersteuningsentrum. Alhoewel Kamcare op die terrein van die NG Familiekerk Kameeldrif gestasioneer is, funksioneer dit onafhanklik. Daar is n samewerkingsooreenkoms met die kerk m.b.t. sekere administratiewe verpligtinge en kantoorarea-gebruik. Ons logo dui op: Die hande dui op dienende hande wat op verskeie maniere help om ons gemeenskap heel te maak. Die blou in die logo dui op ons geloof in God wat inherent deel van ons wese is. Die groen in die logo dui op die sagte manier hoe ons vir ons gemeenskap omgee en hulle wil ontwikkel. Die geel in die logo dui op die hoop wat ons wil bring. Die oop hart dui op die manier hoe ons vir almal in ons gemeenskap omgee, ongeag geslag, kleur of sosiale status. 2. KONTAKBESONDERHEDE Fisiese adres: Plot 310 Sinagogeweg Kameeldrift-Oos (op die NG Familiekerk Kameeldrif se perseel) Posadres: Fotonet Suite #79 Privaatsak x8 Lynn East 0039 Webadres: Eposadres: info@kamcare.org Kontakpersoon: Mev. Liezel Landman - liezel@kamcare.org Telefoonnommer: of

2 2 3. PERSONEELBESETTING Bestuurder Liezel Landman 6/8 pos In diens sedert 1 Januarie 2009 Sekretaresse Thea Rossow 6/8 pos In diens sedert 14 Oktober 2010 Maatskaplike hulp - Jaqueline Mashitiso 6/8 pos In diens sedert 1 Mei 2013 werker Finansiële beampte Elzaan Nortjé 2/6 pos In diens sedert 1 September DIENSTE GELEWER 4.1 Wellness centre By die wellness sentrum was die volgende terapeute werksaam, naamlik: Dr. Roelf Opperman (pastorale berader), Nina Marais forensiese maatskaplike werker Kira Smidt prokureur Adv Cerita Joubert (egskeidingsmediasie) Samewerkingsooreenkoms is gesluit met Jakaranda Kinderhuis in terme van verwysings vir sielkundige hulp. Werner Victor, doen gehoortoetse en aansoeke vir gehooraparate. Allimentasie gevalle is gehanteer deur Liezel Landman (maatskaplike werker) Statistiek rondom al die professionele dienste gelewer is nie beskikbaar nie, die volgende statistiek is wel beskikbaar rondom die pastorale dienste gelewer in die Wellness sentrum gedurende die tydperk: Persone gehelp: 218 Sessies: 210

3 3 4.2 Opleidingsentrum By die opleidingsentrum is die volgende opleiding aangebied: Besigheidsvaardighede Hierdie opleiding fokus op die mense in die gemeenskap wat reeds klein besighede bedryf of beplan om te bedryf. Gedurende die begin van 2017 is n omvattende jaarlange opleiding aangebied in samewerking met Unisa wat in Maart 2017 afgeskop het met 54 mense en geïndig het met 32 volwaardige entrepreneurs Naaldwerkvaardighedeopleiding Hierdie opleiding het 5 Maart 2009 begin en het nog glad nie opgehou nie. Dit vind op Donderdae plaas. Die fokus is naaldwerkvaardighedeopleiding spesifiek vir die swart enkelouers in die gemeenskap met die doel dat hulle n besigheid kan bedryf uit die vaardighede wat hulle uit die opleiding verkry. 3 vrouens en 1 man het reeds hulle eie besighede begin na aanleiding van die opleiding. n Totaal van 83 vrouens en 1 man het reeds die opleiding deurloop.

4 Bakkursus Met hierdie opleiding is persone uit die gemeenskap opgelei in bakvaardighede. 11 persone (mans en vrouens) het die opleiding bygewoon in April 2017 en Oktober n Vrywilliger vanuit die gemeente is behulpsaam met die aanbieding van die kursus Sweis Met hierdie opleiding word mense in die gemeenskap toegerus met praktiese sweisvaardighede, daar word deurlopend kursusse aangebied, in die tydperk is 19 persone oplei Tuinbou Tuinbouvaardighede word aangebied deur n landskapsargitek vir tuinwerkers. 12 persone het die opleiding deurloop in die tydperk Ouerleiding Vyf vrouens het opleiding ontvang in die Botswadi ouerleidingsprogram. 4.3 Kinderontwikkelingsentrum: Reading Eggs Die program is begin na aanleiding van die behoefte van die kinders in ons gemeenskap aan vroeë stimulering en ontwikkeling van Engels. Baie kinders druip en verlaat skool op n vroeë ouderdom omdat hulle glad nie vorder op skool nie. Daar is besluit om op n baie vroeër ouderdom te fokus om hierdie kinders van baie kleins af aan Engels bloot te stel. Die Reading Eggs program is n internasionale aanlyn internet leesprogram wat die kind in staat stel om op sy eie pas te vorder. Na elke 10 lessies is daar n toets en die kind ontvang n sertifikaat. Elke kind kry die geleentheid om 2 keer per week vir 30 minute op die program te werk. Hierdie program is in Maart 2014 afgeskop met 15 Graad R kinders in die informele nedersetting se kleuterskool. In 2015 is Graad 1 leerlinge van Leeuwfontein Laerskool ingesluit en vanaf 2016 ook die Graad 2 kinders. Sedert Januarie 2017 word 207 Gr R- Gr 3 kinders bedien twee keer per week by 2 verskillende skole met Engelse lesse. Daar is ook begin om die Gr 2 en Gr 3 kinders op n Wiskunde program in te skakel vir n verdere uur per kind per week. Vakansieprogram Tydens die vakansie is daar bitter min of geen toesig vir die kinders wat in informele nedersettings bly. Hulle ouers moet werk en daar is geen ander alternatief vir die ouers as om hulle kinders aan hulleself oor te laat nie. In 201 is uitgereik na plot 123

5 5 Leeuwfontein, ook n informele nedersetting en was dit nodig om alles aan te ry omdat daar geen elektrisiteit is nie. Die tema vir die week was Bullies. n Totaal van 89 kinders het deel uitgemaak van die program. 4.4 Gemeenskapsontwikkelingsentrum Sonpanele Hierdie projek het begin a.g.v. die finansiële ondersteuning van Lloyds Register in Engeland. Sedertdien word dit plaaslik befonds deur individuele donateurs. Die doel is om sonpanele in die informele nedersetting, plot 175 en Plot 123, te installeer sodat gesinne met skoolgaande kinders, elektriese lig kan hê waarby die kinders huiswerk kan doen. Die eenheid stel mense ook in staat stel om hulle selfone te herlaai ten einde werksgeleenthede meer bereikbaar te maak. 2 Mense uit die gemeenskap is ook opgelei in die installering en instandhouding van die eenhede en word ook betaal vir hulle dienste gelewer. Tot op hede het 350 huise solarpaneel-eenhede ontvang. Dit sluit n hoeveelheid van 1158 gesinslede in wat deur die projek bereik word. Hulp aan behoeftiges, d.m.v. die skenking van kos, klere en komberse. n Totaal van 100 komberse en 94 kospakkies is uitgegee aan behoeftige gesinne. Betrokkenheid by ander organisasies in die gemeenskap, soos die Akademie vir Kanoe Ontwikkeling, Vintage en Vogue aftreeoord, Jakaranda Kinderhuis, Via Nova skool, Baviaanspoort gevangenis, Huis Blymoedig, ROVCC voedingskema en 3 kleuterskole in plot 175. Hulp is vanaf Kamcare verleen aan die organisasies d.m.v. skenkings en emosionele ondersteuning. Ondersteuning is ook verleen aan die vrywilligers van die NG Familiekerk Kameeldrif wat by sommige van hierdie organisasies hulp verleen. 4.5 Besigheidsondersteuningssentrum In hierdie tydperk het 35 entrepreneurs befondsing ontvang vir hul klein besighede vanuit BEE fondse wat aan Kamcare toegeken is sowel as n donasie van n internasionale organisasie. Kamcare het een keer per maand n byeenkoms gehou waar nuwe entrepreneurs ondersteun is en waar verdere opleiding plaasvind. Ten tyde van die verslag was 70 entrepreneurs deel van hierdie program. 5. TOEKOMSBEPLANNING Kamcare wil graag ons dienste uitbrei deur n rekenaar opleidingsentrum te begin.

6 6 6. SAMEVATTING Dienste is in afhanklikheid van God aangebied. Groot dank word ook uitgespreek aan die NG Familiekerk Kameeldrif en hul predikante omdat hulle voorloop as voorbeelde van sagte harte, lewende water en helder ligte aan die gemeenskap. MEV. LIEZEL LANDMAN BESTUURDER Sien n paar foto s as grepe op die jaar se bedrywighede: Onder en regs Reading eggs: Links: Tuinbouopleiding

7 7 Bo: Ouerleiding Onder: Komberse

8 8 Bo: Vakansieprogram-pret Links: Sonpanele Onder: Vakansieprogram groep-foto