Ráðstefnan bar heitið - FIFA World Cup The European Perspective.

Transcription

1 Uppgjör á HM í knattspyrnu Skýrsla fræðslustjóra Knattspyrnusambands Íslands frá UEFA ráðstefnu A-landsliðsþjálfara og fræðslustjóra í Varsjá, Póllandi september Ráðstefnan bar heitið - FIFA World Cup The European Perspective. Þátttakendur frá KSÍ voru Guðni Kjartansson aðstoðarmaður A-landsliðsþjálfara og Sigurður Ragnar Eyjólfsson fræðslustjóri KSÍ. 1-3 fulltrúar allra knattspyrnusambandanna í Evrópu sóttu ráðstefnuna ásamt nokkrum vel völdum gestum. Gögn Eftirfarandi gögn voru afhent á ráðstefnunni og sum þeirra er hægt að fá lánuð á skrifstofu KSÍ. 1. Dagskrá ásamt nafnalista. 2. UEFA Champions League Technical report (bók). 3. UEFA Champions League mörkin (DVD). 4. UEFA Champions League mörkin (VHS myndband). 5. UEFA Champions League úrslitaleikurinn Bayer Leverkusen - Real Madrid, maí 2002, nákvæm leikgreining og tölfræði leiksins (CD-Rom, tölvudiskur). 6. Ten Years of UEFA Champions League, The Finals, The highlights, The dream team (VHS myndband). 7. UEFA U-21 Championship, Final round - Switzerland 2002 (VHS myndband). 8. UEFA European U-17 championship, Technical report, (Skýrsla) 9. UEFA European U-21 championship, Technical report, (Skýrsla) FIFA World Cup Korea/Japan Report and Statistics (bók) Dagskrá og niðurstöður Eftir ávörp og setningu ráðstefnunnar tók Andy Roxburgh fræðslustjóri UEFA til máls og rifjaði upp HM 2002 og útskýrði margt athyglisvert sem kom fram í þessari heimsmeistarakeppni í Kóreu og Japan. Hér kemur það helsta sem hann snerti á: Af 32 liðum í úrslitum HM 2002 voru 15 þeirra frá Evrópu og alls 16 þjálfarar þar sem Svíar hafa tvo A-landsliðsþjálfara. Átta af þessum 15 liðum hafa nú skipt um landsliðsþjálfara, en 7 landsliðsþjálfarar eru ennþá starfandi. Vinsælt er hjá flestum liðum að hafa einn eða tvo menn á nær og fjær stöng þegar verið er að verjast hornum. Athyglisvert er að heimsmeistarar Brasilíu höfðu engan mann á stöngunum í hornum. "Ég myndi setja Meistaradeildina á sama stall og Lokakeppni EM eða HM því liðin sem spila þar hafa gríðarlega getu og hafa nær alla bestu leikmennina" (Luis Figo). Það er ljóst að Meistaradeildin er síst lakari og því fengum við afhent mikið af gögnum líka úr Meistaradeildinni á ráðstefnunni.

2 Hvað skilur á milli sigurvegarans og þess sem tapar? Á þessu getustigi (eins og lokakeppni HM er) er gott að velta fyrir sér hvað skilur á milli liðanna. Hvað er það sem skilur á milli toppleikmanna? Við vitum nú þegar að líkamleg þjálfun og álag er mjög sambærilegt hjá þessum leikmönnum. Eftir að hafa setið yfir öllum leikjum HM telur tækninefnd UEFA að fyrst og fremst 5 þættir hafi skilið á milli sigurs og ósigurs jafnra liða á HM. Þessir 5 þættir voru eftirfarandi: 1. Einstaklingsframtak 2. Mistök 3. Ákvörðun dómara 4. Skyndisóknir 5. Föst leikatriði Nánari útskýringar á þessum 5 þáttum sem skilja á milli 1. Ronaldo skoraði með tánni aðþrengdur af fjórum varnarmönnum Tyrklands og það var nóg til að skilja á milli liðanna sem annars voru mjög jöfn í þessum undanúrslitaleik HM (einstaklingsframtak). 2. Rustu markvörður Tyrklands hitti boltann illa þegar hann ætlaði að sparka út og upp úr því fengu Brasílíumenn víti í leik Brasilíu og Tyrklands í Ulsan (mistök). 3. Nokkur mörk er virtust lögleg voru dæmd af Ítalíu í keppninni og umdeild atvik komu upp þar sem dómgæsla gat haft úrslitavald (ákvörðun dómara). 4. Sigurmark Senegal í opnunarleiknum gegn Frökkum var dæmi um vel útfærða skyndisókn en um 20% markana á HM komu eftir skyndisóknir. Þá sáust mjög vel skipulagðar skyndisóknir t.d. Brasilíumanna og Senegala þar sem að margir leikmenn keyrðu fram í skyndisókn á skipulagðan hátt og náðu þannig að skapa mikil vandræði fyrir vörn mótherjana. (skyndisóknir) % markanna á HM komu eftir föst leikatriði, flest þeirra eftir hornspyrnur og aukaspyrnur utan af kanti. Engin "skipulögð aukaspyrnutrix" sáust þó. (föst leikatriði). Einnig var talað um eitt atriði í viðbót en það var ákvörðun þjálfarans. Nefnt var dæmið þegar Senol Gunes landsliðsþjálfari Tyrkja tók Hakan Sukur útaf og Ilhan Mansiz eftir 67 mínútur á móti Senegal í 8 liða úrslitum. Mansiz skoraði svo gullmarkið sem tryggði Tyrkjum sigur.

3 Hvers vegna komu svona mörg lið á óvart á HM? Segja má að Tyrkland, Kórea, Senegal, Bandaríkin og Japan hafi komið skemmtilega á óvart í keppninni. Tyrkir og Senegalar spiluðu frábærlega, Guus Hiddink hafði landslið Kóreu í 4 mánaða undirbúningi fyrir keppnina sem kom sér mjög vel. Bandaríkin voru með gríðarlega góða íþróttamenn í sínu liði og menn sem voru tilbúnir að fórna sér fyrir málstaðinn. Segja má einnig að lið eins og Frakkland, Portúgal, Argentína, Ítalía og Svíþjóð hafi einnig komið á óvart í keppninni en á neikvæðan hátt. Þessi lið annað hvort ullu vonbrigðum með tiltölulega slakri frammistöðu (Frakkland, Portúgal, Argentína) eða töpuðu fyrir liðum sem komu svo á óvart (Ítalía, Svíþjóð). Endalaust má finna afsakanir en lauslega var rætt af hverju Heimsmeistarar Frakka stóðu sig svona illa. Eftirfarandi mögulegar skýringar voru settar fram: Meiðsli Zinedine Zidane. Henry var bæði meiddur á hné og svo rekinn útaf. Senegal vissi allt um franska landsliðið og því kom þeim ekkert á óvart. Lykilmenn Frakka fengu ekki nógu mikla hvíld eftir langt og strangt leiktímabil með félagsliðum sínum. Allir vilja vinna heimsmeistarana og því leggja allir sig aukalega fram í leikjum gegn þeim. Óheppni (Frakkar áttu t.d. mikið af stangarskotum og heppni er hluti af leiknum). Skyndisóknir 20% markanna á HM voru skoruð eftir skyndisóknir. Nokkur lið byggðu upp á hefðbundnum skyndisóknum, t.d. England. Nokkuð var um að hópur leikmanna sótti fram á skipulagðan hátt um leið og bolti vannst, t.d: Brasilía og Senegal. Oft enduðu skyndisóknir með því að liðin fengu aukaspyrnu eða fast leikatriði sem gaf svo mark. Einstaklingsframtak Um 20% markanna á HM voru skoruð eftir einstaklingsframtak. Einstaklingsframtak skiptist niður í langskot, beinar aukaspyrnur, og þegar einstaklingur rekur boltann og skorar sjálfur. Stundum virtist eina leiðin til að skora vera þegar að einstaklingur tók sig til og skoraði upp á sitt einsdæmi t.d. með góðu langskoti.

4 Föst leikatriði Um 30 % markanna á HM voru skoruð eftir föst leikatriði. Flest þessara marka komu eftir hornspyrnur. Aukaspyrnur utan af kanti voru einnig mjög skeinuhættar. Nánast ekkert var um aukaspyrnutrix enda æfa liðin oft fyrir opnum dyrum og mikið af njósnurum á leikjum og erfitt að eiga leyndarmál í föstum leikatriðum. Einnig virðast þjálfarar ekki vilja eyða miklum tíma í að æfa eitthvað sem er svo bara notað einu sinni í leiknum. Leikkerfi/Leikfræði 24 lið (75%) notuðust við grunnuppstillinguna en þó með ýmsum tilbrigðum. T.d. notuðu sum lið "target" mann og hinn framherjinn var þá fljótur, duglegur og/eða skapandi leikmaður (eins konar ). Hin 8 liðin (25%) notuðust við grunnuppstillingu einnig með ýmsum tilbrigðum. Mörg lið breyttu útfrá leikkerfum sínum eftir því hvernig leikir þróuðust, hvort þau voru yfir eða undir, manni fleiri eða færri o.s.frv. Hjá sumum liðum virtist leikkerfið hannað með stjörnuleikmenn í huga, (t.d. hjá Brasilíu) og hjá öðrum virðist leikkerfið hannað eftir hvernig leikurinn þróaðist (t.d. England) eða eftir leikstíl þjálfarans (t.d. Kórea). Ættu þjálfarar að velja leikkerfi útfrá því hvaða leikmenn þeir hafa eða ætti að velja leikkerfi og svo velja leikmenn eða þjálfa leikmennina til að passa inn í leikkerfið? Þessu verða þjálfarar að svara hver fyrir sig. Segja má að algengast hafi verið að lið voru sveigjanleg og gátu aðlagað leikkerfið sitt breyttum aðstæðum. Markvarsla Markverðir eru farnir að virka eins og "sweeperar". Þeir verða að geta lesið leikinn vel og verið tilbúnir að lesa stungusendingar og hreinsa boltanum burt. Einnig er oft spilað tilbaka á þá og þá þurfa þeir að geta tekið vel á móti boltanum og skipt honum yfir á hinn kantinn. Athygli vakti að meira var um að markverðir kýldu boltann heldur en að grípa hann og eiga á hættu á að missa hann frá sér til sóknarmanna andstæðingsins. Oliver Kahn varð fyrstur markvarða til að vera kosinn besti leikmaður HM.

5 Mörkin á HM Af hverju skoraðirðu svona mikið af mörkum? - "Af því að ég skaut svo oft á markið" -Eusebio. Það er alltaf athyglisvert að skoða hvernig mörk eru skoruð í knattspyrnuleik og bera saman keppnir eins og HM, Meistaradeildina og svo Símadeildina. Það er mikilvægt fyrir þjálfara að átta sig á því hvernig mörk eru skoruð því það gefur hugmyndir um á hvað leggja ber áherslu í þjálfuninni. Af hverju ætti þjálfari t.d. að vera með mikið af skotæfingum úr kyrrstöðu fyrir utan vítateig þegar vitað er að mjög fá mörk eru skoruð svoleiðis og 90% leikmanna liðsins komast aldrei í slíka skotstöðu í leik. Skoðum staðreyndirnar Hversu mikilvægt er að skora fyrsta mark leiksins? Það lið sem skoraði fyrst á HM vann leikinn í 61% tilfella, gerði jafntefli í 20% tilfella og tapaði í 14% tilfella. 5% leikjanna enduðu 0-0. Í Meistaradeildinni eru samsvarandi tölur 62% líkur á sigri, 18% líkur á jafntefli, og 12% líkur á tapi. 8% leikja í Meistaradeildinni enda 0-0. Í Símadeildinni 2002 eru samsvarandi tölur 61% líkur á sigri, 27% líkur á jafntefli og aðeins 8% líkur á tapi. 4% leikja í Símadeildinni 2002 enduðu 0-0. HM Meistaradeildin Símadeildin 02 Sigur 61% 62% 61% Jafntefli 20% 18% 27% Tap 14% 12% 8% 0-0 5% 8% 4% Það er því ljóst að það er gríðarlega mikilvægt að skora fyrsta markið í hverjum leik, sérstaklega þegar það er lítill styrkleikamunur á milli liða. (Ath. Allar tölur úr Meistaradeildinni eru frá tímabilinu ) Hvernig voru mörkin skoruð? Alls voru skoruð 161 mark á HM. 108 mörk voru skoruð úr skoti með vinstri eða hægri fæti (67%) 37 mörk voru skoruð með skalla (23%) 13 mörk voru skoruð úr víti (8%) 3 sjálfsmörk voru skoruð (2%) Samanburður á skorun marka: HM Meistaradeildin Símadeildin '02 Fjöldi marka Fjöldi leikja Meðaltal í leik Þess má geta að meðaltal skoraðra marka í leik í Símadeildinni eru 3,03 mörk í leik og alls 273 mörk á tímabili. Ef aðeins eru skoruð 2.5 mörk að meðaltali í leik í alþjóðlegum fótbolta gefur augaleið að það lið sem skorar fyrsta markið er komið í mjög góða stöðu.

6 Hvaðan voru mörkin á HM skoruð? Innan markteigsins 24.2% Á milli markteigsins og vítapunktsins 37.3% Á milli vítapunktsins og vítateigslínunnar 14.9% Fyrir utan vítateig 15.5% Víti 8.1% (18 víti voru tekin á HM, 5 þeirra voru varin, 13 fóru í netið) Af hverju eru þá skotæfingar fyrir utan teig svona algengar? Ættum við ekki að æfa okkur í að skjóta frá þeim stöðum þaðan sem mörkin koma? Hverjir skoruðu mörkin á HM? Framherjar skoruðu 54.7% markanna Miðjumenn skoruðu 32.9% markanna Varnarmenn skoruðu 10.6% markanna 1.9% markanna voru sjálfsmörk Framherjar ættu að fá fleiri skotæfingar en varnarmenn. Það er of algengt að varnarmenn fá jafnmörg skot á skotæfingu eins og framherji. Einnig er algengt að t.d. vinstri bakvörður sé að gefa fyrirgjafir frá hægri kanti í einhverjum skot og fyrirgjafaræfingum þó það gerist nánast aldrei í leik. Æfum á æfingum það sem gerist í leik! Fjöldi sendinga innan liðs áður en mark var skorað á HM: % marka fjöldi sendinga Hlutfall marka eftir fjölda sendinga Eins og sést þá voru flest mörk skoruð eftir 1-2 sendingar og svo 3-5 sendingar. Þegar leikmenn liðs hafa sent 11 sendingar á milli sín eru mjög litlar líkur á að skorað verði úr sókninni. Með hvaða líkamshluta voru mörkin skoruð á HM? % marka Hægri Vinstri Skalli líkamshluti Hlutfall marka með viðkomandi líkamshluta

7 Þessar niðurstöður sýna okkur nauðsyn þess að æfa báða fætur jafnt. Það er skorað nánast jafnmikið af mörkum með hægri og vinstri fæti, enda er tími leikmanns með boltann það naumur að yfirleitt hefur hann ekki tíma til að færa knöttinn yfir á sterkari fótinn til að skjóta á markið. 23% markanna á HM voru skoruð með skalla. Þjálfum við leikmenn nóg í að afgreiða fyrirgjafir með skalla? Mörk úr föstum leikatriðum 29% markanna á HM voru skoruð úr föstum leikatriðum 26% markanna úr Meistaradeildinni voru skoruð úr föstum leikatriðum 25% markanna úr Símadeildinni 2002 voru skoruð úr föstum leikatriðum (68 mörk) Fjórðungur marka sem skoruð eru í Símadeildinni koma upp úr föstum leikatriðum. Leggja þjálfarar á Íslandi nógu mikla rækt við að æfa föst leikatriði? (Ath. Hlutfallið gæti verið örlítið hærra í Símadeildinni þar sem mörkin voru talin upp úr Íslensk knattspyrna 2002 eftir Víði Sigurðsson en ekki skoðuð á myndbandi). Hvers vegna urðu Brasilíumenn heimsmeistarar? Hæfileikaríkir leikmenn Yfirburðatækni Spiluðu boltanum frábærlega vel á milli 2ja og 3ja manna Hraði (bæði hraði einstaklinga og hversu hratt þeir gátu spilað á milli sín). Þoldu að lenda undir (t.d. á móti Tyrkjum) Höfðu ómælda trú á sjálfum sér Áhugaverðar staðreyndir um heimsmeistarana frá Brasilíu: Þeir settu enga menn á stangirnar þegar þeir voru að verjast í hornum Þeir höfðu boltann aðeins um 50% í leikjum sínum. Viðtöl Hver var lykillinn að góðum árangri Tyrklands (3.sæti)? (Þjálfari þeirra Senol Gunes sat fyrir svörum). Tyrkir fengu mikið fjármagn inn í reksturinn fyrir nokkrum árum. Þeir seldu sjónvarpsrétt, bættu þjálfaranámskeið sín, bættu menntun og settu pening í barna- og unglingaþjálfun. Gunes sagði að það væri mikil samstaða í Tyrkneska liðinu, liðið var hungrað í árangur og mjög mótiverað. Tyrkir spiluðu undirbúningsleiki gegn svipuðum liðum og þeir lentu á móti á HM og spiluðu alla leikina 3 á útivelli. Þeir gerðu aðstæður líkar HM og voru óhræddir að gera tilraunir í undirbúningsleikjunum sínum. Liðið hefur sótt hugmyndir í smiðju Júgóslavíu, Englands og Ítalíu en hefur nú skapað sér sinn eigin leikstíl. Leikmenn eru agaðir að mati Gunes og eiga að halda sér við leikskipulag liðsins en hann sagði að margir þættir hefðu komið að árangri liðsins, ekki bara 1-2 atriði.

8 Hver var lykillinn að góðum árangri Þýskalands (2.sæti)? (Þjálfari þeirra Rudi Völler sat fyrir svörum). Þjálfarar Þjóðverja lögðu áherslu á að láta leikmenn halda að þeir væru undirbúnir fullkomlega líkamlega fyrir mótið, þó að það hafi kannski ekki verið raunin. Þetta veitti leikmönnum sjálfstraust. Væntingar voru litlar í Þýskalandi því þeim gekk illa í undirbúningsleikjunum. Þjóðverjar tóku andstæðinga sína mjög vel fyrir hvað varðar taktík og þess háttar og voru því vel undirbúnir fyrir mótið hvað það varðar. Áður en mótið hófst voru þeir nokkurn veginn búnir að ákveða hvernig þeir ætluðu að spila á móti andstæðingunum. Oliver Kahn hafði gríðarlega góð áhrif á liðið því hann spilaði ótrúlega vel. Þá munaði líka mikið um hvað Klose var duglegur að skora mörk. Þjóðverjarnir spiluðu með fjóra flata eða þrjá flata í vörninni (gátu aðlagast) og byggðu upp nýja vörn hjá landsliðinu. Þjóðverjar voru ánægðir með árangurinn, þorðu að sækja, voru gríðarlega sterkir í loftinu og í föstum leikatriðum. Dómgæslan á HM? (Pierlugi Collina dómari úrslitaleiksins á HM sat fyrir svörum). Collina sagði að undirbúningur dómara fyrir leik væri lykilatriði. Auðvitað skiptir líkamlegur undirbúningur miklu máli, að vera í góðu líkamlegu formi, en það er líka nauðsynlegt að þekkja einkenni liðanna og helstu leikmanna fyrir leikinn. Dómari þarf að geta lesið leikinn líka því hann þarf að vita hvenær má búast við langri sendingu því hann getur ekki endalaust verið að taka 50 metra spretti. Þess vegna þarf dómari oft líka að þekkja leikmenn. Collina skoðar því myndbönd af liðunum fyrir leiki þegar hann kemur því við. Hann spyr sig spurninga eins og hvort liðin spili rangstöðuvörn? Collina var 41 dag á HM en dæmdi bara 3 leiki og var tvisvar sinnum fjórði dómarinn. Hann hélt sínu líkamlega formi við á morgnana með því að æfa en horfði svo á leiki á daginn. Collina hefði viljað dæma fleiri leiki á HM. Hann einbeitti sér vel að úrslitaleiknum en samt ekki um of sagði hann. Collina sagði að það væru kannski 20 myndavélar á leik og dómarinn gerir stundum mistök sem myndavélin sér í hægri endurtekningu. Hann er samt ekki þeirrar skoðunar að nota skuli sjónvarpsmyndavélar til að dæma leikinn, hann vill hafa fótboltann eins og hann er í dag. Collina fjallaði aðeins um tilraun á Ítalíu þar sem notast var við 2 dómara en sú tilraun gafst ekki nógu vel. Honum finnst nóg að hafa einn dómara og 2 aðstoðardómara (línuverði). Aðspurður fannst honum ágætis hugmynd að skylda dómara til að fara á þjálfaranámskeið til að hjálpa dómurum að öðlast betri skilning á leiknum. Einnig lagði hann áherslu á að dómarar fengju fræðslu rétt eins og þjálfarar. Viðtal við Mick McCarthy landsliðsþjálfara Írlands. Mick McCarthy lagði mikið upp úr að byggja upp öfluga liðsheild. Hann sagði mjög góðan anda í landsliðshópnum og menn voru tilbúnir að vinna fyrir hvorn annan. Þegar talað er um írska liðið koma upp orð eins og liðsandi, liðsheild og baráttugleði. Hann sjálfur hlaut mikla gagnrýni heima fyrir er hann sendi Roy Keane heim, en liðið fylkti sér á bak við hann. Hann hafði þjálfað í 4 ár áður en hann varð landsliðsþjálfari og fannst sjálfum að það væri ekki nóg reynsla. Hann sagði það kost að liðið gat breytt á milli og í leikjum sínum. Þannig gat hann komið á óvart. Viðtal við Giovanni Trapattoni landsliðsþjálfara Ítalíu. Trapattoni var fremur ósáttur við árangur Ítalíu á HM þrátt fyrir góða undankeppni. Frammistaðan var verri en væntingar stóðu til. Ítalir skipuðu nefnd til að skoða hvað fór úrskeiðis hjá þeim á HM. Ítalir lentu í nokkrum meiðslum í undankeppninni og menn náðu sér stuttu fyrir mótið. Að vísu lentu flest liðin í að einhverjir lykilmenn meiddust stuttu fyrir HM. Eins má segja það sama um Ítalíu og mörg önnur landslið

9 að leikmenn voru þreyttir eftir langt ot strangt keppnistímabil með félagsliðum sínum í Evrópu. Trapattoni vildi skella skuldinni mikið á meiðsli og því að hann náði ekki að stilla liðinu almennilega upp fyrir keppnina. Þegar þú setur saman þreytu, væntingar og meiðsli hlýtur útkoman að verða neikvæð. Sjálfum fannst honum ekki mikið nýtt koma fram á HM. Hann segir þjálfun snúist um að þjálfari skapi sér sína hugmyndafræði og síðan þurfi að þjálfa og þjálfa leikmenn svo þeir nái þessari hugmyndafræði þjálfarans. Þetta sé ekki flókið. Viðtal við Roger Lemerre landsliðsþjálfara Frakklands. Lemerre taldi að það hafi vantað ferskleika í franska liðið. Þeir lentu í meiðslum þó það eitt og sér orsaki ekki slæmt gengi. Blanc, Deschamps, Pires og Zidane meiddust allir. Einnig kvartaði hann undan því að leikmenn voru of þreyttir eftir langt keppnistímabil með félagsliðum sínum. Lemerre sagði að það þýðir ekki alltaf að horfa á litla liðið. Það eru engin lítil lið lengur. Ef HM hafi sýnt okkur eitthvað þá er það að litlu löndin eru sífellt að nálgast stóru löndin og stóru löndin geta ekki bókað sigur lengur gegn litlu löndunum. Viðtal við landsliðsþjálfara Póllands. Pólverjar voru fyrstir til að tryggja sér sæti í úrslitakeppni HM. Hvað klikkaði svo? Leikmenn voru þreyttir, sérstaklega þeir sem spiluðu mikið í undankeppninni, en þeir spilaðu líka mikið í úrslitakeppninni. Ef til vill hefði verið viturlegra eftir á að gefa óþreyttum leikmönnum meiri séns. Pólverjar töpuðu fyrstu 2 leikjunum en unnu svo Bandaríkjamenn 3-1. Pólverjar voru ósáttir við hvað Dudek spilaði illa í markinu og reyndar fleiri leikmenn liðsins, en Dudek átti að vera stjarnan í pólska liðinu. Viðtal við Morten Olsen landsliðsþjálfara Danmerkur. Morten Olsen taldi mikilvægt að fyrir þjálfara að þekkja anda og menningu (culture) leikmanna sinna. Þjálfari þarf að finna leikstíl út frá sinni hugmyndafræði og þjálfunarstíl (coaching philosophy). Morten Olsen sagðist spyrja sig þeirrar spurningar hvar hann gæti fundið leikmenn í Danmörku eins og Ronaldo, Rivaldo og Ronaldinho. Hvernig þjálfum við leikmenn svo þeir verði eins og þeir? Það eru leikmennirnir sem selja miða á völlinn. Spilar Evrópa of einhæfa knattspyrnu þar sem leikmönnum er plantað inn í leikkerfi og fá ekki að njóta hæfileika sinna, blómstra og gera óvænta hluti með frábærri einstaklingstækni eins og R-in þrjú frá Brasilíu? Morten var ánægður með frammistöðu Dana í HM og sagði það frábæra reynslu fyrir sína leikmenn að hafa spilað þar. Viðtal við Sven Göran Erikson landsliðsþjálfara Englands. Sven Göran taldi það frábæra og í raun ómetanlega reynslu fyrir leikmenn sína að spila á HM. Hann sagði England hafa orðið heimsmeistara ef þeir hefðu spilað jafnvel í seinni hálfleik og þeir gerðu alltaf í þeim fyrri. Allir seinni hálfleikir enska liðsins voru lélegir á HM. Sven Göran taldi að leikmenn sínir væru ekki í nógu góðu líkamlegu ásigkomulagi og að þeim vanti meiri hvíld. Hann sagði að litlu liðin komu á óvart á mótinu og Kórea hafi spilað frábærlega vel. Brasilía og Þýskaland hafi hugarfar sigurvegarans. Hann sagði að það þyrfti að breyta fyrirkomulaginu í ensku úrvalsdeildinni og gefa jólafrí og e.t.v. stytta tímabilið eða fækka leikjum til að lengja hvíld leikmanna fyrir svona keppni.

10 Viðtal við Lars Lagerback landsliðsþjálfara Svía. Einu meiðslin sem Svíar lentu í voru meiðsli Patrik Anderson. Leikmenn Svía voru í mjög góðu líkamlegu formi og hlupu yfirleitt meira en andstæðingurinn. Þeim tókst að loka vel svæðum og Lars sagði að það hentar Svíum vel að spila á móti Englendingum því þeir spili alltaf illa í seinni hálfleik, haldi ekki út leikina. Svíar þekktu lið Englands mjög vel. Svíarnir geta verið ánægðir með árangur sinn enda komust þeir upp úr dauðariðlinum en töpuðu fyrir Senegal í 16 liða úrsltum eftir framlengingu. Viðtal við Philippe Troussier landsliðsþjálfara Japan. Erfiðleikar Philippe Troussier fólust í því að hann varð að tala í gegnum túlka. Hann lærði ekki japönsku og leikmenn hans töluðu ekki ensku. Hugarfar/menning japana snýst mikið um heiður, stolt og virðingu. Því sýndu leikmenn honum strax mikla virðingu og voru tilbúnir til að hlusta og læra. Þá skorti hins vegar reynslu. Atvinnumannadeildin hjá þeim er að styrkjast og töluvert er af efnilegum leikmönnum en japönsk knattspyrna er svolítið einangruð. Frábær aðstaða er til knattspyrnu í Japan og nokkuð um góða þjálfara. Því miður eru aðeins 2-3 leikmenn Japan að spila í Evrópu. Aðspurður hvað Evrópuþjóðirnar gætu lært af Asíuþjóðunum sagði hann að það væri sín skoðun að Evrópubúar geti ekki lært mikið meira í tækni og leikskipulagi. Lokaorð Það er von mín að þessi samantekt og hugleiðingar um heimsmeistarakeppnina í knattspyrnu nýtist ykkur þjálfurum sem mest í starfi. Þó að hér á Íslandi sé ekki spiluð knattspyrna í sama gæðaflokki og í heimsmeistarakeppninni þá er samt hægt að draga mikinn lærdóm af þeim bestu í heimi í okkar íþrótt. Ég ákvað að sameina þessa skýrslu um heimsmeistarakeppnina við skýrslu um ráðstefnu A-landsliðsþjálfara og fræðslustjóra knattspyrnusambandanna innan Evrópu ykkur til upplýsingar. Gaman væri að fá svör og hugleiðingar frá ykkur þjálfurum um þessa skýrslu eða annað sem þið teljið vert að koma á framfæri. Ég minni ykkur á að KSÍ býður þjálfurum upp á myndbandsspólur og bækur að láni án endurgjalds og lista yfir fræðsluefnið má sjá á heimasíðu KSÍ. Vinnið störf ykkar af fagmennsku og heilindum og leitið endilega til mín ef ég get aðstoðað ykkur. Gangi ykkur vel í starfi. Knattspyrnukveðjur, Sigurður Ragnar Eyjólfsson Fræðslustjóri KSÍ

11 Heimildir 2002 FIFA World Cup Korea/Japan - Technical report and statistics, gefin út af tækninefnd FIFA, A team and goal analysis of the World Cup 2002 in soccer - fyrirlestur Pekka Luhtanen á norrænni ráðstefnu knattspyrnuþjálfara í Eerikkila, Finnlandi desember Fyrirlestrar á UEFA ráðstefnu A-landsliðsþjálfara og fræðslustjóra í Varsjá, Póllandi september 2002.