Inhoudsopgawe 1 Inleiding Doel Konteks Opleiding van studente vir die uitdagings van die 21ste-eeuse samelewing

Transcription

1

2

3 Inhoudsopgawe 1 Inleiding Doel Konteks Opleiding van studente vir die uitdagings van die 21ste-eeuse samelewing Die skep van ʼn meer responsiewe hoëronderwysstelsel Leierskap in multimodale onderwys Innoverende onderrig-leer-ontwerpe Die ontwerp van sinvolle leerervarings Visie en Missie, en Strategiese Doelwitte vir onderrig en leer Visie Missie Strategiese Doelwitte Eienskappe van Graduandi Verantwoordelike en betrokke lede van die samelewing Kundige, hoogs opgeleide individue en beroepslui Innoverende, kritiese denkers Beginselvaste leiers Doeltreffende kommunikeerders Vaardige medewerkers en spanlede Opvoedkundige Benadering Leidende Beginsels Sleutel- Strategiese Drywers Korporatiewebestuursreëlings vir onderrig en leer Akademiese Programbeplanning Onderrig-leer-innovasie Werwing, ontwikkeling en retensie van talentvolle personeel Toegang, retensie en sukses Kurrikulumtransformasie en -vernuwing ʼn Instaatstellende leeromgewing...20

4 1 Inleiding ʼn Spesiale vergadering van die Uitvoerende Komitee van die Senaat (Senaat-UK) is op 24 Julie 2012 belê om ʼn visie en ʼn plan vir onderrig en leer aan die Noordwes-Universiteit (NWU) te bespreek. Na afloop van die vergadering is ʼn taakspan aangestel om die verdere ontwikkeling van ʼn strategiese plan vir onderrig en leer te onderneem. In sy werk het die taakspan hom laat lei deur die rigting van nasionale hoëronderwysbeleid, nasionale en internasionale tendense in hoër onderwys, en die strategieë en doelwitte soos geformuleer in die NWU se Institusionele Plan. Tydens die ontwikkeling van die strategie het die taakspan gepraat oor die moontlikhede wat inherent is aan die aanvaarding van vervlegte leer, wat vandag deur ʼn toenemende aantal plaaslike en internasionale universiteite gevolg word, vir die skep en voortgesette ontwikkeling van ʼn onderrig-leer-omgewing waar tegnologie gebruik word om aan kampusen niekampusstudente ʼn leerervaring te bied wat optimaal gebruik maak van aangesig-totaangesig- en e-leer-benaderings. Die taakspan het egter ook verskeie ander elemente oorweeg wat die Universiteit se onderrig- en leerstrategie behoort te definieer. Die dokument is verder verfyn deur ʼn strategiehersieningsproses in 2014 en 2015 waartydens die Universiteit sy toekomstige identiteit, strategiese agenda en suksesmodel gedefinieer het, en ook voorstelle oor toepaslike organisatoriese reëlings ontwikkel het ten einde gehalte in sy kernaktiwiteite van onderrig-leer en navorsing te verseker met gemeenskapsbetrokkenheid wat in beide sleutelareas ingebed is. Die Noordwes-Universiteit-strategie 2015 tot 2025 is goedgekeur deur die Raad op November 2015, en die Noordwes-Universiteit se Onderrig- en Leerstrategie (OL-strategie) is as ʼn direkte gevolg daarvan verder verfyn, en goedgekeur deur die Raad op 23 Junie ʼn Omvattende universiteitswye projek oor die Transformasie van Onderrig en Leer het ook help vorm gee aan die latere konsepte, en sal voortgaan om vorm te gee aan toekomstige wysigings, sowel as die ondersteunende dokumente, met inbegrip van die onderrig-leerplan, met besonderhede oor die implementering van die strategie. Die OL-strategie dien as raamwerk vir die Universiteit se pogings om sy strategiese agenda van uitnemendheid in innoverende onderrig en leer van hoë gehalte te verwesenlik tot voordeel van sy belanghebbendes en die samelewing in die algemeen. 2 Doel Die Noordwes-Universiteit se Onderrig- en Leerstrategie (OL-strategie) bied ʼn oorkoepelende raamwerk wat die beplanning, besluitneming en aktiwiteite regoor die Universiteit m.b.t. onderrig en leer help bepaal. Dit omskryf die wyse waarop die NWU homself definieer en onderskei in die hoëronderwysomgewing, wat betref sy strategiese intensie vir uitnemende en innoverende onderrig en leer, die eienskappe van sy graduandi, sy opvoedkundige benadering, en die beginsels en strategiese drywers wat onderrig en leer lei en ondersteun. Op hierdie manier wil die strategie ʼn gedeelde begrip ontwikkel van die wyse waarop die NWU sal omgaan met die geleenthede en uitdagings van die Suid- Afrikaanse hoëronderwysomgewing, die realiteite en geleenthede wat deur die veranderende globale omgewing meegebring word, en die doelwitte van sy eie strategiese agenda. NWU Onderrig- en Leerstrategie: Finaal 1

5 Die OL-strategie word gerig deur die strategiese intensie van die Noordwes-Universiteitstrategie 2015 tot 2025, "om die NWU as ʼn unitêre instansie van hoogstaande akademiese uitnemendheid, met ʼn verbintenis tot maatskaplike geregtigheid, te transformeer en te posisioneer". In die besonder wei die OL-strategie uit oor hoe die NWU sy droom en doelstelling verstaan om ʼn internasionaal erkende universiteit in Afrika te wees wat uitblink in innoverende onderrig en leer, sowel as die implikasies van sy suksesmodel, mededingende strategie en strategiese agenda vir onderrig en leer, met ʼn fokus op: Die volgende aspekte van die interne suksesmodel: o Die voorsiening van onderrig en leer van ʼn hoë gehalte; o ʼn Duidelik onderskeidende studentewaardeproposisie wat berus op billikheid van toegang en bemagtigende en ondersteunende leerervaring; o Die vermoë om onbevooroordeelde akademici en ondersteuningspersoneel te lok en te behou, wat in staat is tot kritiese denke en verbind is tot die Universiteit se studente; en o Inligting- en kommunikasietegnologie wat die beste in sy klas is en onder meer ʼn naatlose en geïntegreerde onderrig-leer-vermoë en -ervaring moontlik maak. Die volgende aspekte van die mededingende strategie en strategiese agenda: o Die lewering van vlagskip-onderrig-leer-programme; o Die bevordering van onderrig-leer-innovasie (met inbegrip van die bevordering van vervlegte leer); o Ondersteuning vir studentetoegang en -retensie; o Doeltreffende gebruik van onderrig-leer-tegnologie. Die NWU gebruik die OL-strategie om aan te dui hoe hy beoog om sy aansien onder eksterne belanghebbendes, insluitende alumni en donateurs, te verhoog, sowel as sy reputasie as ʼn universiteit van keuse onder studente, werkgewers, ander hoëronderwysinstellings, professionele en statutêre liggame, en ander vennote in die wetenskaplike gemeenskap, die openbare en privaat sektor, nieregeringsorganisasies en gemeenskappe (NWU eksterne suksesmodel). Ooreenkomstig die Universiteit se waardes is die OL-strategie ingebed in ʼn organisasiekultuur soos wat blyk uit gedrag wat strook met ʼn fokus op transformasie, wat insluit dat waarde geheg word aan diversiteit en inklusiwiteit, etiese gedrag en sorg, ʼn waardegebaseerde kollektiewe identiteit wat bevordelik is vir integrasie, deelname en samewerking, innovasie, toewyding aan die Universiteit se kernbesigheid, gesamentlike en afsonderlike aanspreeklikheid, robuuste betrokkenheid en akademiese integriteit. Die OL-strategie is die fokuspunt wat leiding gee m.b.t. die ontwikkeling en sikliese hersiening van die netwerk van beleide, raamwerke, prosesse, en stelsels wat ʼn uiteensetting gee van beginsels, doelwitte, vereistes, rolle, verantwoordelikhede, strukture en prosedures in al die onderrig-leer-verwante areas, insluitende: Kwalifikasie- en programontwikkeling, -bestuur en -hersiening; Onderrig en leer; Assessering en moderering; Akademiese personeelontwikkeling; Toekennings vir onderriguitnemendheid; Akademiese bevordering; Akademiese ontwikkeling van studente; NWU Onderrig- en Leerstrategie: Finaal 2

6 Ontwikkeling en gehalteversekering van onderrig-leer-materiaal; Werkgeïntegreerde en diensleer; Erkenning van vorige leer; en Alle fasette van die ontwerp en implementering van ʼn omvattende kwaliteitversekeringstelsel vir onderrig-leer-verwante aangeleenthede, wat studenteterugvoer oor onderriggehalte inkorporeer. Die Strategie sal ondersteun word deur ʼn onderrig-leer-plan wat doelwitte, teikens, rolle, verantwoordelikhede en tydsraamwerke vir prestasie met betrekking tot elk van die sewe strategiese drywers beskryf, soos uiteengesit in die agtste afdeling. Wat omvang aanbetref, is die OL-strategie van toepassing op onderrig-leer-aktiwiteite in alle akademiese kwalifikasies en programme, van voorgraadse vlak tot gedoseerde en professionele meestersgrade. Die konteks wat deur die strategie voorgehou word, sy beginsels en opvoedkundige benadering, en sy uiteensetting van gewenste eienskappe van graduandi, is ewe toepaslik vir navorsingsgrade. Sodanige grade is egter ook onderhewig aan die uitbreiding van die Universiteit se Strategie vir Navorsing, Innovasie, Gemeenskapsbetrokkenheid, Internasionalisering en E-navorsing. Voortgesette opleiding vorm ʼn integrale deel van die NWU se onderrig-leer-aktiwiteite, en ondersteun die doelwitte, aannames en beginsels van die OL-strategie, met inbegrip van die voorsiening van ʼn hoëgehalteleerervaring deur innoverende onderrig-leer-ontwerpe, die doeltreffende gebruik van tegnologie, en die versekering van akademiese standaarde en gehalte. Die spesifieke eise van voortgesette opleiding behels egter dat die Universiteit ʼn spesifieke strategie en beleidsraamwerk sal ontwikkel. Die kontekstualisering van die OL-strategie binne verskillende fakulteite sal verskil afhangende van die dissiplines waarvoor hulle verantwoordelik is, die bestek van hul kwalifikasie- en programaanbod en die afleweringsmodusse waarin hulle aangebied word, en hul studenteprofiele. Dit is elke fakulteit se verantwoordelikheid om benaderings, beleide en prosesse te ontwikkel wat die Strategie op ʼn toepaslike wyse implementeer. Die OL-strategie word ondersteun deur ʼn glossarium van terme, soos voorsien in die bylae. Die glossarium van terme word bygehou deur die Kantoor van die Adjunkvisekanselier: Onderrig-Leer, en sal konsekwent gebruik word met betrekking tot strategieë, raamwerkbeleide en -stelsels op die gebied van onderrig en leer. 3 Konteks Die NWU streef daarna om sy studente voor te berei op die lewe en die wêreld van werk, sodat hulle konstruktief kan deelneem aan die openbare lewe, en vervullende professionele en persoonlike lewens kan lei. Om hierdie doelwit te bereik, sal die Universiteit responsief wees tot ten minste drie erkende paradigmas m.b.t. die rol van die Universiteit: Die pedagogiese paradigma het te make met die Universiteit se verantwoordelikheid om opleiding aan studente te verskaf deur ʼn breë onderbou aan hulle te bied. In aansluiting by die oudste tradisie van die universiteit beklemtoon dit die dosent se rol om leiding te gee aan ʼn student, en om hom of haar in te lei in die wêreld van intellektuele. ʼn Belangrike fokuspunt van hierdie paradigma, geartikuleer deur die Duitse idee van "Bildung", is dat die student ʼn punt moet bereik waar hy/sy beskou kan word as ʼn goed afgeronde intellektueel met die kritiese vermoëns om ʼn lewenslange, waardegedrewe NWU Onderrig- en Leerstrategie: Finaal 3

7 pad van interaksie met kennis en werklikheidsbeskouinge, en hul toepassing op verskeie kontekste, te betree. Die kognitiewe paradigma dui op die Universiteit se rol in die uitbreiding van kennis volgens die wetenskaplike metode. In teenstelling met eersgenoemde paradigma is hierdie paradigma nie in die eerste plek gemik op die vorming van mense nie, maar op kennisverkryging. Die idee is om studente vertroud te maak met die agtergrond, intellektuele vaardighede en instrumente om outonome navorsers te word. Die pragmatiese of instrumentalistiese paradigma benadruk die praktiese rol wat die Universiteit moet speel in die voorbereiding van studente om "nuttige" lede van die samelewing te word. Deur beklemtoning van die Universiteit se skakels en interaksie met die maatskaplike omgewing dien hierdie model as teëvoeter vir die persepsie van die Universiteit as ʼn ivoortoring. Terwyl die eerste twee paradigmas responsiwiteit tot die interne en sentrale doelwit van ʼn universiteit benadruk (d.w.s. akademiese kennis), beskou die instrumentalistiese paradigma die universiteit as óók responsief tot eksterne doelwitte (bv. die ekonomiese, maatskaplike en kulturele diversiteit en geregtigheid, tegnologiese ontwikkeling, die verskillende beroepe, ens.). Die invloed van hierdie paradigmas wissel na gelang van die aard en vlak van spesifieke kwalifikasies en programme en spesifiek of hulle algemeen-formatief, professioneel, of beroepsgerig en tegnies van aard is. Nietemin moet dit alles in ag geneem word in die ontwerp van onderrig- en leerervarings wat studente voorberei op die lewe en die wêreld van werk in die 21ste-eeuse samelewing. Met betrekking tot hierdie paradigmas is die NWU se verstaan van "responsiwiteit" op twéé vlakke relevant: Eksterne responsiwiteit behels dat die NWU ʼn reeks programme aflewer deur middel van sy Program- en Kwalifikasiemengsel (PKM) wat graduandi toerus om vervullende en produktiewe professionele, openbare en persoonlike lewens te lei. Hul opvoedkundige ervaring sal hulle voorberei om suksesvol te wees in die wêreld van werk, in plaaslike en internasionale kontekste, met die bereidwilligheid en die vermoë om by te dra tot die skep van sinvolle en volhoubare werksgeleenthede vir hulself en andere, in hul eie belang, maar ook in die algemene belang. Hulle sal ook in staat gestel word om ʼn konstruktiewe bydrae te lewer tot die openbare lewe, en om persoonlike lewens te lei wat berus op die kritiese kapasiteit, doelgerigtheid en waardegedrewenheid wat hulle in alle lewensfere rig en lei. Interne responsiwiteit dui op die ontwerp van kurrikulums wat studente van ʼn soliede grondslag en toegang tot die voorste ontwikkelings in hul dissipline van keuse voorsien, maar binne ʼn raamwerk wat hul sosio-kulturele diversiteit respekteer en sensitief is vir wyd uiteenlopende vlakke van opvoedkundige gereedheid. Deur die aanmoediging van aktiewe en selfgerigte leer, soos van toepassing op verskillende dissiplinêre kontekste en tipes kennis, stel die NWU se kurrikulums en pedagogiese benaderings studente in staat stel om die kennis, vaardighede en persoonlike eienskappe te ontwikkel wat hulle sal voorberei vir die huidige en toekomstige wêreld van werk sowel as vir die lewe in die 21ste-eeuse samelewing, deurdat dit hulle van doeltreffende steun voorsien sodat hulle kan voordeel trek uit alle geleenthede, en kan help vorm gee aan die kurrikulum van die toekoms. Die OL-strategie stel ʼn ambisieuse agenda, wat die vermoë sal noodsaak om hoëgehalte akademiese en ondersteuningspersoneel te lok, te behou en te erken, om omvattende stelsels daar te stel vir studentetoegang, -retensie en -sukses, en aansienlike voortgesette NWU Onderrig- en Leerstrategie: Finaal 4

8 investering in fisiese, inligtings- en tegnologiese hulpbronne. Hierdie agenda hou rekening met die feit dat Suid-Afrika steeds ʼn diep verdeelde samelewing is, met die realiteite van ʼn tweeledige ekonomie met een van die hoogste ongelykheidskoerse ter wêreld en die sistemiese impak daarvan op toegang tot hoëgehalte basiese onderwys en die gebruik van tegnologie, en studente se vermoë om die maatskaplike en kulturele kapitaal te ontwikkel, insluitende akademiese geletterdheid en materiële hulpbronne, om sukses te behaal in hoër onderwys. Soos die onlangse RHO-verslag oor die hervorming van die voorgraadse kurrikulum dit stel, het die ekonomiese en maatskaplike agterstand ʼn negatiewe uitwerking op die vermoë van die oorgrote meerderheid van die Suid-Afrikaanse bevolking om toegang te verkry tot en sukses te behaal in hoër onderwys (RHO 2013: 54; ). Die OL-strategie verdoesel nie hierdie uitdagings nie. Die uitdagings word erken en aanvaar, binne ʼn oorkoepelende verbintenis om die nodige toestande te skep en te handhaaf wat dit vir alle studente aan die NWU sal moontlik maak om sukses te behaal. Veral in die agtste afdeling identifiseer die Strategie apekte van onderrig-leer-innovasie, studentetoegang, - retensie en -sukses, en kurrikulumtransformasie en hernuwingskurrikulum wat gemik is op die behoeftes van studente wat ly onder die gevolge van die sistemiese agterstande wat die Suid-Afrikaanse samelewing steeds kenmerk. Hierdie verbintenis tot studentetoegang, - retensie en -sukses is ʼn sleutelvoorwaarde vir die verwesenliking van die Universiteit se intensies, soos uiteengesit in die Noordwes-Universiteit-strategie 2015 tot 2025, om gereken te word as een van die top seshonderd universiteite ter wêreld, en een van die top vyf in Suid-Afrika, en erkenning te geniet as ʼn vooraanstaande bydraer tot die kennissamelewing in Afrika, wat ʼn uitstaande studenteleerervaring bied ondersteun deur inligting- en kommunikasietegnologie wat die beste in sy klas is, sowel as deur mededingende kernmensepraktyke. Die NWU se konsep van ʼn instaatstellende omgewing in die onderrig-leer-konteks sluit die volgende in: ʼn Bekwame en hoogs effektiewe akademiese korps, wat erken word vir hul kundigheid in hul vakgebiede, ondersteun deur vaardige en bekwame professionele ondersteuningsdienste en administratiewe funksies; Ingeligte besluite oor afleweringsmodusse en toepaslik ontwerpte akademiese programme; Inligtingryke, toeganklike en inklusiewe fisiese en virtuele onderrig-, leer- en sosiale ruimtes, binne en buite die klaskamers, wat innoverende onderrig en ʼn hoëgehalteleerervaring moontlik maak; ʼn Grondige begrip van die realiteite waarvoor studente te staan kom en wat ʼn impak kan hê op ʼn individu se vermoë om voordeel te trek uit sy/haar betrokkenheid by die NWU (wat die nodige vermoëns impliseer om toegang te verskaf en sukses te verseker regdeur die lewensiklus van ʼn voornemende en ingeskrewe NWU-student); en In al bogenoemde dien doeltreffende terugvoer om voortgesette verbetering te verseker. Die res van hierdie afdeling wei uit oor verskeie internasionale en nasionale verwikkelings wat vorm gee aan die NWU se verstaan van die konteks waarbinne die OL-strategie moet funksioneer. Sommige van hierdie faktore spruit voort uit kontekstuele uitdagings en geleenthede m.b.t. die Suid-Afrikaanse hoëronderwysstelsel, terwyl ander faktore verband hou met die vinnig veranderende omgewing waarbinne hoëronderwysstelsels plaaslik en NWU Onderrig- en Leerstrategie: Finaal 5

9 internasionaal funksioneer, met inbegrip van politieke, maatskaplike, ekonomiese, ekologiese en tegnologiese ontwikkelings en uitdagings. 3.1 Opleiding van studente vir die uitdagings van die 21ste-eeuse samelewing Die NWU berei sy studente voor om ten volle voordeel te trek uit ʼn vinnig veranderende wêreld waar tegnologie mense en organisasies se horisonne verbreed, vorm gee aan menslike, maatskaplike, kulturele en organisatoriese interaksie op ʼn nasionale en globale skaal, en sowel die aard van werk as die definisie van indiensneming beïnvloed. Van besondere belang vir die OL-strategie is voorbereiding van die jeug, en veral dié uit gemarginaliseerde gemeenskappe, vir volhoubare betrokkenheid by sinvolle en produktiewe werk. Die NWU is verbind tot die opvoeding van kundige, vaardige en waardegedrewe graduandi wat voorbereid is vir ʼn vinnig veranderende wêreld, en in staat is om sy uitdagings op ʼn outentieke, innoverende en kritiese wyse aan te pak, en sodoende ʼn konstruktiewe bydrae te lewer tot die ontwikkeling en handhawing van die Suid-Afrikaanse en die globale samelewing. Verskeie gedeeltes van die OL-strategie, soos die omskrywing van graduandi se eienskappe, die opvoedkundige benadering, en die tema van kurrikulumhervorming, dui aan hoe studente voorberei word om produktief en verantwoordelik deel te neem aan die komplekse samelewing van die een-en-twintigste eeu. Die NWU lei sy studente op om ʼn eiesoortige bydrae te lewer tot die volhoubare ontwikkeling van die Suid-Afrikaanse samelewing, die Afrika-vasteland en die breër globale gemeenskap. Op 25 September 2015 het die Algemene Vergadering van die Verenigde Nasies die 2030 Agenda vir Volhoubare Ontwikkeling aanvaar, ʼn agenda om ons wêreld te transformeer deur werk te maak van groot globale uitdagings wat die langtermynvolhoubaarheid van die globale samelewing bedreig. Hierdie omvattende agenda is toegespits op sewentien doelwitte met betrekking tot die ekonomiese, maatskaplike en omgewingstoestande wat die lewensgehalte van alle mense sal verbeter, aandag gee aan die uitdagings van armoede en grootskaalse werkloosheid, voedselsekuriteit en toegang tot water en ander natuurlike hulpbronne verseker deur middel van verbeterde omgewingsrentmeesterskap, volhoubare ekonomiese groei en verbruiks- en produksiepatrone bevorder, toegang gee tot inklusiewe en billike onderwys en bekostigbare, hoëgehalte-gesondheidsorg, en vreedsame en inklusiewe samelewings bevorder, met toegang tot geregtigheid vir almal en die bereiking van geslagsgelykheid. As belanghebber en globale medewerker in die UN Global Compact is die NWU verbind tot die bevordering van die sewentien volhoubare ontwikkelingsdoelwitte van hierdie agenda. Die Universiteit sal aan sy studente ʼn opvoedkundige ervaring bied wat hulle toerus om by te dra tot die ontwikkeling van regverdige maatskaplike, ekonomiese, wetlike, politieke, opvoedkundige, gesondheidsorg- en omgewingstelsels, en om sinvol deel te neem aan interkulturele en intergodsdienstige dialoog met respek vir sosiokulturele diversiteit soos dit uitdrukking vind in verskillende tale, godsdienste, wêreldbeskouings, leefwyses, tradisies en patrone van sosiale organisasie. Baie van die uitdagings wat Suid-Afrika en die wêreld in die gesig staar, vereis multi-, interen transdissiplinêre benaderings wat bydra tot die ontwikkeling van nuwe verduidelikende raamwerke. In die ontwerp van akademiese programme, sowel as die geleenthede wat geskep word vir leer buite die formele kurrikulum, sal die NWU ondersoek instel na NWU Onderrig- en Leerstrategie: Finaal 6

10 geleenthede wat sy studente toelaat om deel te neem aan multi-, inter- en transdissiplinêre diskoerse en probleemoplossingsprosesse. 3.2 Die skep van ʼn meer responsiewe hoëronderwysstelsel ʼn Tweede faktor wat vorm gee aan hierdie OL-strategie is die kontekstuele geleenthede en uitdagings wat die Suid-Afrikaanse hoëronderwysstelsel in die gesig staar. Wat onderrig en leer aanbetref, is dit veral belangrik om aandag te gee aan uitdagings met betrekking tot die lae oorkoepelende deelnamekoers, met groot ongelykhede wat betref ras en sosiale klas, hoë wegkwyningskoers en lae voltooiingskoers, die nodigheid vir kurrikulumhervorming, en swak artikulasie met ander komponente van die post-sekondêre stelsel. Verskeie beplannings- en beleidsdokumente, insluitende die Nasionale Ontwikkelingsplan (2011), die Witskrif vir Naskoolse Onderwys en Opleiding (2013), die Beleid vir die Voorsiening van Afstandsonderrig in Suid-Afrikaanse Universiteite in die Konteks van ʼn Geïntegreerde Naskoolse Stelsel (2014), die Beleidsraamwerk oor Differensiasie in die Suid-Afrikaanse Naskoolse Stelsel (2014) en die Konsep-NKR-artikulasiebeleid (2016), getuig van die regering se voorneme om die hoëronderwysstelsel se bydrae tot nasionale ontwikkeling te ondersteun. Sleutelinisiatiewe om hierdie doelwit te bereik, sluit die volgende in: ʼn Toename in die deelnamekoers in openbare universiteite tot 23% teen 2030, vanaf 19% in 2015; Beter gebruikmaking van die geleenthede wat deur oop afstandsleer gebied word om die hoëronderwysstelsel uit te brei; Verbetering van studentedeurvloei- en retensiesyfers, deur die verbetering van die gehalte van voorgraadse onderrig, en die versterking van die onderrigbevoegdheid van akademiese personeel; en Ontwikkeling van ʼn geïntegreerde en geartikuleerde post-sekondêre stelsel, waarin universiteite gepaste artikulasiegeleenthede bied aan studente van die tegniese en beroepsgerigte onderwys en opleiding (TBOO)-kolleges en ander kolleges. In antwoord op bogenoemde doelwitte sal die Universiteit daarna streef om onderrig en leer van ʼn hoë gehalte te bied wat weerspieël sal word in studente se sukseskoers, die uitkomste van eksterne eweknie-evaluerings, werkgewerterugvoer oor graduandi, studentetevredenheid, en die indiensneembaarheid van graduandi. Voorts, met betrekking tot volhoubaarheid, en met die NWU se interne suksesmodel in gedagte, impliseer responsiwiteit noukeurige akademiese beplanning wat betref die mees toepaslike gedeelte van voorgraadse/nagraadse nasionale en internasionale studente, die vernaamste studierigtings en akademiese programnisse, geskikte afleweringsmodusse vir verskillende kwalifikasies en studenteprofiele, en behoud van ʼn mededingende voordeel en dit alles terwyl die Universiteit finansieel lewensvatbaar en markgedrewe bly. Ten einde by te dra tot die totstandbrenging van ʼn meer responsiewe hoëronderwysstelsel gee die oorblywende gedeeltes van die OL-strategie ʼn uiteensetting van maniere waarop die NWU sal omgaan met die prioriteite van die nasionale beleidsomgewing, sy strategiese plan, en ander kontekstuele realiteite. 3.3 Leierskap in multimodale onderwys In die lig van veranderende wêreldwye tendense in die onderwys, en ten einde by te dra tot die behoefte aan verhoogde toegang en meer geleenthede vir lewenslange leer, beoog die NWU om ʼn toonaangewende Suid-Afrikaanse verskaffer van multimodale onderwys te word. Onder "multimodale onderwys" verstaan die NWU die gebruik van die mees geskikte NWU Onderrig- en Leerstrategie: Finaal 7

11 kombinasie van afleweringsmodusse om sy akademiese kwalifikasies en programme aan te bied, wat strek vanaf kampusgebaseerde kontakleer, tot ʼn hibriede afleweringsmodus, tot afstandsonderrig. Die NWU sal van veelvuldige afleweringsmodusse gebruik maak om sy studente van buigsame leer-geleenthede te voorsien binne ʼn konteks van toenemende hulpbronbeperkinge, sowel as veranderende patrone in studenteaanvraag. Die pedagogiese benaderings en vorms van studenteondersteuning sal die profiel en spesifieke behoeftes van studente wat deur elke afleweringsmodus studeer, in ag neem, en sal gerig word deur die realiteite van ruimtelike en, in ʼn mindere mate, temporele skeiding in elke afleweringsmodus. In Suid-Afrika is dit so dat baie studente wat deur middel van afstands- of hibriede modusse van leer studeer nie toegang het tot die internet nie, terwyl hul IKTvermoëns heelwat kan verskil binne en tussen verskillende kwalifikasies en gekoppelde programme. Meer volwasse studente sal waarskynlik meer doeltreffend aan afstandsonderrig kan deelneem. Die aard van die onderrig-leer-ontwerp, onderrigmetodologieë en vorms van studenteondersteuning bly dus belangrik ongeag die afleweringsmodus, ten einde ʼn hoëgehalteleerervaring vir NWU-studente te verseker. Die tradisionele kampusgebaseerde model van hoër onderwys kan die uitdagings van verhoogde toegang tot hoëgehalteleergeleenthede binne die Suid-Afrikaanse hoëronderwysstelsel en by die NWU net gedeeltelik die hoof bied. Die beskikbare befondsing van openbare en ander bronne sal nie die uitbreiding van universiteitskampusse kan ondersteun op ʼn skaal wat in ooreenstemming is met die groter wordende studentebevolking nie. Verder kan studente vir finansiële, loopbaan of ander redes kies om deur middel van afstandsonderrig of ʼn hibriede modus te studeer. Terwyl die opvoedkundige ervaring van studente op NWU-kampusse dus voortdurend verbeter word, sal die Universiteit ook voortbou op sy ervaring in die aflewering van kwalifikasies en programme deur middel van die afstandsmodus om sy vermoëns met betrekking tot die voorsiening van hoëgehalte-afstandsonderrig beduidend uit te bou. Onder "afstandsonderrig" verstaan die NWU ʼn verbintenis om die ideale van oop afstandsleer so ver moontlik na te streef, ten einde toegang tot onderwys en opleiding te verbeter deur die beperking of uitskakeling van hindernisse soos die tyd, plek en tempo van leer. Die Universiteit erken dat die eise van afstandsleer van dissipline tot dissipline sal verskil, en dat hierdie afleweringsmodus nie noodwendig gepas of uitvoerbaar sal wees in alle dissiplines nie, soos dié in wetenskap, ingenieurswese en tegnologie met ʼn sterk praktiese, laboratoriumgebaseerde komponent. Die oorwegings wat die aanbieding van kwalifikasies en programme deur middel van afstandsonderrig sal help bepaal, is dus die vermoë om effektiewe leer te ondersteun, die studenteprofiel, die bestaan van vaardigheidstekorte, en die moontlikheid om skaalbesparing te bewerkstellig. In sodanige gevalle sal gebruik van multimodale voorsiening studente van geleenthede vir buigsame leer voorsien ten opsigte van die keuse van die afleweringsmodus deur middel waarvan hulle ʼn program of ʼn gedeelte van ʼn program studeer. Die NWU is verbind tot ekwivalente akademiese standaarde ongeag die afleweringsmodus van ʼn kwalifikasie, en gelyke aansien vir kwalifikasies en ander leergeleenthede wat via kontak-, hibriede en afstandsmodus aangebied word. 3.4 Innoverende onderrig-leer-ontwerpe Onlangse en voortdurende vooruitgang in inligtings- en kommunikasietegnologie bied geleenthede aan die NWU om ʼn proses van pedagogiese innovasie van stapel te stuur. Deur gebruikmaking van vooruitgang met betrekking tot opvoedkundige tegnologieë, "smart NWU Onderrig- en Leerstrategie: Finaal 8

12 computing", onderrigalitika en oop opvoedkundige hulpbronne, sal die Universiteit stelselmatig die vermoë ontwikkel om betrokke te raak by gemengde leer en ander onderrigleer-ontwerpe, met inbegrip van die dinamiese gebruik van opvoedkundige aktiwiteite wat uitsluitlik op persoonlike interaksie, volledige aanlyn leer, en selfgedrewe, outonome leer gebaseer is, om ʼn program of module in verskillende opvoedkundige afleweringsmodusse af te lewer. Die NWU definieer die konsep van vervlegte leer soos volg: Vervlegte leer is ʼn innoverende onderrig-leer-ontwerp wat aangesig-tot-aangesig- en aanlyn onderrig-leer-benaderings kombineer. Dit integreer noukeurig geselekteerde, komplementêre onderrig-leer-metodologieë en -tegnologieë, gebaseer op opvoedkundige meriete soos bepaal deur faktore soos die pedagogiese konteks, die aard van die dissipline en die leermateriaal, en die profiel van die studente, sodat elkeen se sterkpunte vermeng word tot ʼn unieke leerervaring. Dit is ʼn fundamentele herontwerp wat die struktuur van, en benadering tot, onderrig en leer transformeer wat ingebed is in ʼn reeks afleweringsmodaliteite." Die fokus van innoverende onderrig-leer-ontwerpe sal nooit primêr op die gebruik van tegnologie wees nie, maar altyd op die verbetering van die student se leerervaring en transformerende pedagogiese praktyke, die verbetering van doeltreffendheid en die versekering van doeltreffende ondersteuning vir personeel en studente. In sy werk oor onderrig-leer-ontwerpe sal die Universiteit verder ondersoek instel na die verskillende modaliteite van leer en die reeks metodologieë en tegnologieë wat beskikbaar is om studente se begrip en vaardighede te verbeter, met inagneming van verskillende dissiplinêre kontekste, kwalifikasievlakke, studenteprofiele en afleweringsmodusse. Die inkorporering van tegnologie in ʼn vervlegteleeromgewing of ander leerontwerp sal nie in alle kontekste toepaslik wees nie, weens die aard van kennis en die kurrikulum in spesifieke dissiplines, en/of weens die persoonlike omstandighede van studente, insluitende toegang tot tegnologie en sosio-ekonomiese faktore. 3.5 Die ontwerp van sinvolle leerervarings Die konteks waarin mense leer, is konstant aan die verander. Studente leef in ʼn onvoorspelbare wêreld, waar baie van die loopbane wat hulle eendag sal volg nog nie eers bestaan nie. Voorts is dit so dat ʼn toenemende aantal studente die hoëronderwysarena betree met baie beter digitale vermoëns as dié van hul onderwysers. Baie van hulle kom uit ʼn omgewing waar hulle geleer het om te verwag dat daar onverwyld aan hul inligtingsbehoeftes voldoen sal word deur ononderbroke elektroniese interaksie, en toegang tot digitaal verrykte, vinnige, dinamiese en aanloklike media. Hoewel leer in so ʼn omgewing meer verpersoonlik, genotlik en van toepassing op onmiddellike belangstellings kan wees, bestaan dit dikwels uit ʼn versameling van kleiner stelle inligting. Studente wat gewoond geraak het aan happiegrootte inligting beskik nie noodwendig oor die geletterdheids- en leervaardighede om inligting in ʼn groter, geïntegreerde geheel te assimileer nie. Die uitdaging vir opvoeders is om met studente interaksie te hê op ʼn vlak en binne ʼn konteks waarmee hulle bekend is en om leerervaringe te ontwerp wat op ʼn opvoedkundig verantwoordbare wyse gebruik maak van die geleenthede wat geskep word deur tegnologieë en digitale hulpbronne wat hulle verkies terwyl hul inligtingshorisonne verbreed word. Die NWU sal geleenthede aan studente bied om die kritiese, evaluerende en navorsingsvaardighede te verwerf wat hulle in staat sal stel om koherente begrip in ʼn NWU Onderrig- en Leerstrategie: Finaal 9

13 verskeidenheid kontekste te vorm, en om te ontwikkel in lewenslange leerders wat in ʼn onsekere wêreld sal floreer. In die bereiking van hierdie doelwit sal die Universiteit sy studente betrek by meer inklusiewe leerervarings wat op hul uiteenlopende leerstyle toegespits is, en wat bestaan uit ʼn groter verskeidenheid leeraktiwiteite, om op hierdie wyse sover moontlik ʼn meer verpersoonlikte leerervaring te bied. Hierdie leerervarings sal praktykervaring vir studente insluit deur middel van werkgeïntegreerde leer en gemeenskapsbetrokke diensleergeleenthede. Sodanige betrokkenheid sal geïntegreer word in onderrig-leerontwerpe en moet te alle tye volhoubaar en wedersyds voordelig wees, en belyn wees met gemeenskapsbehoeftes. Die NWU is van voorneme om hierdie geleenthede vir betrokkenheid te benut om studente beter voor te berei vir die wêreld van werk, en om ʼn kultuur van verantwoordelike en aktiewe deelname in die burgerlike samelewing, burgerskap en omgewingsrentmeesterskap te bevorder. Akademiese personeel sal toegang hê tot professionele ontwikkelingsgeleenthede wat dit vir hulle moontlik sal maak om sinvolle en responsiewe leerervarings te skep en te handhaaf deur die herontwerp van onderrig en leer, ongeag afleweringsmodus, in ʼn inligtingsryke, tegnologiebemiddelde omgewing. Waar toepaslik sal akademiese personeel aansporings ontvang, soos toekennings of projekbefondsing, vir betrokkenheid by professionele ontwikkeling. Alhoewel sodanige professionele ontwikkelingsaktiwiteite verskeie vorms kan aanneem, moet die NWU se ondersteuningseenhede, insluitende dié wat verantwoordelik is vir akademiese ontwikkeling en ondersteuning, navorsingsondersteuning en die biblioteekdienste, ʼn deurslaggewende rol speel in die voorsiening daarvan. Om dit te kan doen, moet akademiese ondersteuningseenhede optimaal geposisioneer wees en oor die nodige kapasiteit beskik om die voorsiening van doeltreffende ontwikkelingsgeleenthede aan akademiese personeel te fasiliteer. Die res van die OL-strategie wei uit oor die manier waarop die NWU beoog om die uitdagings van sy konteks die hoof te bied. Eerstens beskryf hierdie dokument wat die NWU beoog om te bereik met betrekking tot sy strategiese plan vir onderrig en leer en die eienskappe van sy graduandi. Vervolgens bespreek dit hoe die NWU sy doelwitte sal bereik ten opsigte van sy opvoedkundige benadering, die beginsels waarop sy onderrig- en leerstrategie berus, en die sleuteldrywers wat die strategie sal ondersteun. 4 Visie en Missie, en Strategiese Doelwitte vir onderrig en leer In reaksie op die uitdagings van die NWU-konteks beskryf hierdie afdeling die visie, missie en strategiese doelwitte wat die Universiteit se benadering tot onderrig en leer sal rig en lei. 4.1 Visie Die Noordwes-Universiteit sal ʼn toonaangewende Suid-Afrikaanse verskaffer van multimodale onderwys wees, bekend vir sy uitnemendheid in innoverende onderrig en leer en ʼn uitstaande studenteleerervaring in alle opvoedkundige afleweringsmodusse. 4.2 Missie Die oorhoofse missie wat hierdie OL-strategie rig is soos volg: Die Noordwes-Universiteit bevorder lewenskragtige intellektuele verkenning onder personeel en studente, ten einde sinvolle onderrig-leer-ervarings en responsiewe en instaatstellende omgewings te kan bied. Hoewel lede van die akademiese personeel primêr verantwoordelik NWU Onderrig- en Leerstrategie: Finaal 10

14 is vir die voorsiening van sodanige ervarings en omgewings, doen hulle dit in oorleg en in samewerking met ondersteuningspersoneellede en studente. Op hierdie wyse ondersteun die NWU sy studente sodat hulle toenemend selfgerigte en lewenslange leerders kan word wat eiesoortige bydraes tot die samelewing en die wêreld van werk maak. NWU-graduandi bekendstaan as verantwoordelike en betrokke lede van die samelewing, kundige, hoogs opgeleide beroepslui, innoverende en kritiese denkers, beginselvaste leiers, doeltreffende kommunikeerders en vaardige medewerkers. 4.3 Strategiese Doelwitte In die uitleef van sy onderrig-leer-visie en -missie sal die NWU die volgende strategiese doelwitte nastreef: Goeie bestuur van onderrig en leer wat volhoubaarheid en responsiwiteit van die kwalifikasie en programaanbod verseker deur sistematiese en prinsipiële kurrikulumhervorming en voortdurende verbetering van nuwe en bestaande aanbod. Hoëgehalte-onderrig en -leer gekenmerk deur ʼn benadering wat responsief is tot studente se leerbehoeftes en -style en wat transformatiewe leer, die professionalisme van personeel en die bevordering van intellektuele verkenning ondersteun deur middel van persoonlike selfondersoek, lewenskragtige en sorgdraende ondersoekende gemeenskappe, die vakkundigheid van onderrig en leer, en navorsing van ʼn dissiplinêre, interdissiplinêre en transdissiplinêre aard. Verbeterde toegang, retensie en sukses sodat die NWU as instansie doeltreffend kan reageer op die uitdagings wat die Suid-Afrikaanse hoëronderwysstelsel in die gesig staar, wat gekenmerk word deur ʼn lae deelnamekoers en ʼn hoë wegkwyningskoers. Ontwikkeling van hoogs opgeleide graduandi wat uniek voorbereid is om verantwoordelike en betrokke lede van die samelewing te wees en om innoverende en kreatiewe professionele loopbane te volg. Die skep en instandhouding van ʼn onderrig-leer-omgewing waarvoor daar genoeg hulpbronne (ten opsigte van fasiliteite en infrastruktuur) beskikbaar is, op ʼn volhoubare basis. Die strategiese drywers wat in afdeling agt van die Strategie bespreek word, verskaf meer besonderhede oor hierdie doelwitte, terwyl die onderrig-leer-plan wat opgestel sal word om die Strategie te ondersteun, sal aandui hoe hierdie doelwitte bereik sal word. 5 Eienskappe van Graduandi Die graduandi-eienskappe beskryf die persoonlike eienskappe, en akademiese, professionele en praktiese kennis en vaardighede waaraan die NWU groot waarde heg. Hierdie eienskappe is gegrondves in die Universiteit se droom om ʼn internasionaal erkende universiteit in Afrika te wees, wat bekend is vir sy maatskaplike responsiwiteit en betrokke wetenskapsbeoefening, en wat betrokke personeel en studente oplewer wat gekenmerk word deur die waardes van etiek in alle strewes, akademiese integriteit, vryheid van intellektuele verkenning, verantwoordelikheid, aanspreeklikheid, regverdigheid en deursigtigheid, en hul waardering vir diversiteit. As sodanig definieer hulle die eienskappe wat ʼn integrale deel behoort uit te maak van die kurrikulum van programme en modules wat betref die spesifikasie van leeruitkomstes, die seleksie van onderrig-leer-strategieë en - metodes, en die kriteria, strategieë en metodes vir assessering. Daar word erkenning gegee aan die feit dat die graduandi-eienskappe op verskeie wyses ontwikkel sal word, met die klem op verskillende aspekte en in verskillende mates, na gelang van die aard, doel en NWU Onderrig- en Leerstrategie: Finaal 11

15 dissiplinêre konteks van akademiese programme. Verder het statutêre en professionele liggame spesifieke vereistes vir die ontwikkeling van graduandi-eienskappe, en in sodanige gevalle maak die NWU-graduandi-eienskappe ʼn breër konteks uit vir die ontwikkeling van die spesifieke kwaliteite, kennis en vaardighede wat deur hierdie liggame voorgeskryf word. Die Universiteit sal sy studente ondersteun sodat hulle progressief deur die loop van hul studies tot die verlangde tipe graduandi kan ontwikkel deur middel van die formele kurrikulum sowel as hul totale leerervaring. Verder sal dit verseker dat sy beleide en prosesse vir programontwikkeling, -bestuur en -hersiening, sowel as kurrikulumhernuwing, ondersteunend is vir die inbed van sy graduandi-eienskappe in die kurrikulum, en dat hierdie eienskappe duidelik aan personeel en studente gekommunikeer word. Deur die ontwikkeling van die graduandi-eienskappe sal die NWU sy studente voorberei om vervullende en produktiewe professionele, openbare en persoonlike lewens te lei, ten einde aan hulle ʼn strategiese voorsprong in die wêreld van werk te gee en om hul leierskapsvermoëns te bevorder in die openbare lewe en die gemeenskappe waar hulle leef en werk. Die Universiteit streef daarna om graduandi op te lei wat lewenslange leerders en onafhanklike denkers is, wat oor die vermoë beskik om kennis kreatief en doeltreffend te bestuur, gesonde etiese oordeel aan die dag lê, diversiteit in al sy vorms waardeer, en die realiteite van diverse maatskaplike en kulturele kontekste, natuurlike omgewings en werkplekke respekteer. Om NWU-graduandi voor te berei vir die eise van die 21ste-eeuse kennissamelewing definieer die Universiteit verlangde eienskappe ten opsigte van die volgende ses domeine: 5.1 Verantwoordelike en betrokke lede van die samelewing Bereidwilligheid om verantwoordelikheid te aanvaar vir hul besluite en optrede gebaseer op ʼn sterk waardestelsel, en ʼn bewustheid en begrip van morele, etiese, maatskaplike, kulturele en omgewingskwessies. Begrip vir hul maatskaplike, siviele en omgewingsverantwoordelikhede binne die konteks van hul gekose loopbane, en verbintenis tot maatskaplike geregtigheid, demokrasie, menseregte en die integriteit van die omgewing, gemanifesteer in gedrag wat die regte van individue, groepe en gemeenskappe respekteer en handhaaf. Die vermoë om op ʼn ingeligte manier op te tree wat bydra tot volhoubare ontwikkeling deur middel van kritiese omgang met kontemporêre samelewingsuitdagings binne die plaaslike, nasionale en globale konteks. Die vermoë om konstruktief te leef en te werk binne ʼn inklusiewe samelewing, deur ʼn bewustheid en waardering vir maatskaplike, kulturele en linguistiese diversiteit, gekoppel aan ʼn toepaslike begrip binne hul studierigtings van die historiese kontekste, intellektuele tradisies en samelewingstoestande wat vorm gegee het aan uiteenlopende plaaslike, nasionale en globale politieke, ekonomiese, geregtelike, wetenskaplike, opvoedkundige, gesondheidsorg-, maatskaplike, kulturele, omgewings- en godsdienstige stelsels. 5.2 Kundige, hoogs opgeleide individue en beroepslui Die vermoë om kennis te ontdek en koherente begrip te skep deur die herwinning, ontleding, evaluering, organisasie, sintese en verspreiding van inligting. Omvattende kennis en begrip van hul gekose studierigting in ooreenstemming met die vlak van die kwalifikasie wat behaal is. NWU Onderrig- en Leerstrategie: Finaal 12

16 Die ontwikkeling van multi-, inter- en transdissiplinêre perspektiewe wat lei tot ʼn geïntegreerde begrip van spesifieke aangeleenthede en konsepte. Buigsaamheid en aanpasbaarheid om hul gespesialiseerde kennis en professionele vaardighede toe te pas op teoretiese en praktiese kontekste, insluitende die werksomgewing en die openbare lewe. In die geval van kwalifikasies en programme wat onder die beheer van statutêre, professionele en regulatoriese liggame val, moet graduandi aan die vereistes vir aanvanklike registrasie voldoen. 5.3 Innoverende, kritiese denkers Die vermoë om ingewikkelde en onbekende probleme op te los deur die ontdekking en skep van nuwe kennis en begrip. Die vermoë om hul kennis en begrip binne die konteks van breër samelewingstendense en -ontwikkelings te plaas. Begrip vir die beperkings van hul eie kennis, en die intellektuele nuuskierigheid om ondersoek in te stel na nuwe idees en benaderings wat gevestigde maniere van verstaan bevraagteken. Die vermoë om deel te neem aan ingeligte argumentering en redenasie, gebaseer op ʼn prinsipiële verdediging van hul eie waardes, oortuigings en praktyke, sowel as die kritiese ontleding van alternatiewe benaderings. 5.4 Beginselvaste leiers Die vermoë om ʼn duidelike visie en doelwitte met ʼn gesonde waarde-oriëntering te artikuleer, en om ander te motiveer om dit te bereik. Verdraagsaamheid vir dubbelsinnigheid en die moed en selfvertroue om op te tree in onsekere situasies. Die kapasiteit vir selfondersoek en selfontdekking wat voortgesette persoonlike en professionele ontwikkeling ondersteun, gebaseer op ʼn duidelike begrip van hul persoonlike sterk- en swakpunte. Selfgerigte en lewenslange leerders, wat onafhanklik kan werk, hulpbronne doeltreffend benut, en inisiatief aan die dag lê. 5.5 Doeltreffende kommunikeerders Die vermoë om idees, konsepte en argumente doeltreffend in ʼn verskeidenheid formate (mondeliks, skriftelik, visueel en elektronies) te formuleer, aan te bied en te kommunikeer aan uiteenlopende gehore en vir verskillende doeleindes. Die vermoë om toepaslike kommunikasietegnologieë te gebruik. Verbintenis tot die ontwikkeling van multitalige vaardighede om respek en begrip binne die maatskaplike, kulturele en linguistiese diversiteit van die Suid-Afrikaanse en globale samelewing te bevorder, en om sprekers van verskillende tale te bemagtig. Begrip van kommunikasiekonvensies wat toepaslik is binne uiteenlopende kulturele kontekste. 5.6 Vaardige medewerkers en spanlede Die vermoë om doeltreffend met ander mense saam te werk, en om as deel van ʼn span te werk om oplossings te vind vir werksverwante en breër samelewingsprobleme, in uiteenlopende maatskaplike, kulturele en linguistiese kontekste. NWU Onderrig- en Leerstrategie: Finaal 13

17 Goed ontwikkelde netwerk- en onderhandelingsvaardighede. 6 Opvoedkundige Benadering Die NWU is daartoe verbind om ʼn opvoedkundige ervaring aan sy studente te bied wat hulle daarop sal voorberei om relevante uitdagings met betrekking tot 21ste-eeuse werk, samelewing, ekonomie, ekologie en politiek op ʼn outentieke manier aan te pak. Dit verg ʼn uitkomsgeoriënteerde, studentgesentreerde opvoedkundige benadering gefokus op verkenningsgebaseerde, aktiewe, deelnemende en betekenisvolle leer binne ʼn ondersteunende, responsiewe en instaatstellende leeromgewing, gegrond op toepaslike onderrig-leer-ontwerpe wat onder meer vervlegte leer insluit, en verder verbeter word deur toepaslike tegnologieë en multimedia-hulpbronne. Onderrig en leer word beskou as dinamiese, interaktiewe prosesse waarvoor NWUpersoneel en -studente ʼn gedeelde verantwoordelikheid het. Die Universiteit streef daarna om sy studente toe te rus met die bevoegdhede om kennis te ontdek en koherente begrip te skep deur die ontleding, evaluering, organisasie en sintese van inligting in ʼn verskeidenheid kontekste ten einde hulle voor te berei om produktiewe lede van hul sosiale, akademiese en professionele gemeenskappe te word. Met hierdie doel voor oë is die NWU daartoe verbind om kurrikulums op so ʼn wyse te ontwerp dat ʼn student die geleentheid sal hê om metakognitiewe vermoë te ontwikkel om te verstaan hoe wetenskaplike kennis binne verskillende dissiplinêre en professionele kontekste gevorm en gevalideer word. Ingebed in ʼn begrip van onderrig en leer as verkenningsgebaseer is ʼn aanname dat kennisterreine of kennisdomeine in universiteite oor verloop van tyd binne spesifieke metodologiese raamwerke en wêreldbeskouings gekonstrueer word. Aangesien die doel, eienskappe en metodologieë van ondersoek tussen verskillende akademiese dissiplines en studierigtings verskil, erken die NWU dat die kernfokus van leer die student is, en die doel van sy onderrig is om die student aan spesifieke studierigtings bekend te stel en om terselfdertyd ʼn waardering by die student te ontwikkel van die verskille tussen onderrig-leer-benaderings afhangende van die studierigting. Die groot verskeidenheid van, en verskille tussen, studierigtings behels dat die ontwerp en aflewering van akademiese programme van uiteenlopende opvoedkundige benaderings gebruik sal maak, wat sensitief is vir die diversiteit van studente sowel as akademici. In die lig daarvan dat NWU-studente uiteenlopende maatskaplike en opvoedkundige agtergronde, leerstyle en verwagtinge het, erken die Universiteit sy verantwoordelikheid om ʼn responsiewe en ondersteunende leerervaring aan studente te bied wat sensitief is vir hul leerbehoeftes, en wat hulle bemagtig om toenemend groter verantwoordelikheid vir hul eie leer te aanvaar. Die leerervaringe is ontwerp om studente in staat te stel om op ʼn beredeneerde wyse rekenskap te gee van hul eie oortuigings, praktyke en houdings. Die NWU-benadering eggo en steun die Nasionale Kwalifikasieraamwerk se eis vir ʼn progressiewe toename in studenteleeroutonomie en selfverantwoordelikheid op verskillende kwalifikasievlakke, en van die eerste tot die finale jaar van studie. Lede van die akademiese personeel speel verskeie rolle in die ontwerp en aflewering van leerervarings wat optimale geleenthede aan hul studente bied om die vermoëns te ontwikkel om kennis te ontdek en begrip tot stand te bring. Dit sluit in leerprogrambeplanner en - ontwikkelaar, oordraer van kennis, leerfasiliteerder of leerbemiddelaar, leermateriaalontwikkelaar, assessor, lewenslange leerder en navorser en vakinhoudkundige. NWU Onderrig- en Leerstrategie: Finaal 14

18 In die uitvoering van hierdie rolle sal lede van die akademiese personeel met professionele ondersteuningspersoneel saamwerk, en deur hulle ondersteun word. Hulle sal ook gereelde geleenthede skep om met studente in gesprek te tree oor die ontwerp van die kurrikulum, onderrig- en assesseringsbenaderings, hul leerbehoeftes en die ondersteuning wat aan hulle gebied word. Gesprekvoering oor die kurrikulum beteken dat akademiese personeel, as dissiplinêre kundiges, kritiese bespreking met studente verwelkom oor die konstruksie en validering van kennis, en die seleksie van kennis binne die kurrikulum. Op hierdie wyse sal akademiese personeel ʼn deelnemende benadering volg, en met lede van professionele ondersteuningspersoneel met kundigheid in kurrikulumteorie en -ontwerp, onderrig en leer, opvoedkundige media, onderrigtegnologieë en -ontwerp saamwerk ten einde leerervaringe te skep en te implementeer wat die bereiking van die kwalifikasie- en programuitkomstes en verwagte graduandi-eienskappe ondersteun. 7 Leidende Beginsels Die formulering van die NWU se OL-strategie berus op die volgende beginsels: Sistematiese strewe na uitnemendheid in alle aspekte van onderrig en leer, om ʼn volgehoue hoëgehalteleerervaring aan alle NWU-studente te bied. Die stel van hoë standaarde van akademiese prestasie vir NWU-studente, gepaardgaande met toeganklike studenteondersteuning van ʼn hoë gehalte. ʼn Verbintenis tot die oplei van ondersoekgeleide, selfgerigte en aanpasbare leerders. ʼn Vereiste dat akademiese personeel ondersoekgedrewe moet wees sodat hulle hul bevoegdheid as opvoeders konsekwent kan ontwikkel, ondersteun deur doeltreffende geleenthede om hul kennis en vaardighede binne ʼn toepaslike beloning- en erkenningstelsel te ontwikkel. Bevordering van die vakkundigheid van onderrig en leer ten einde ondersoekende gemeenskappe te ondersteun waar lede van die akademiese personeel, in oorleg met en bygestaan deur gekwalifiseerde professionele ondersteuningspersoneel, eties korrekte navorsing doen oor die kurrikulum, studenteleer en ontwikkeling, onderrig en assessering, en ander aspekte wat studentetoegang en -sukses beïnvloed. Erkenning dat alhoewel akademiese personeel primêr daarvoor verantwoordelik is om die gehalte en standaarde van onderwys aan die NWU te verseker, daar toepaslike strukture en prosesse behoort te wees om studente-insette oor akademiese gehalte te verkry, en om hulle te betrek by gehalteverbeteringsprosesse. Voorsiening van geskikte geleenthede vir studente om dit wat hulle leer in die praktyk toe te pas deur middel van geleenthede vir werkgeïntegreerde en diensleer. ʼn Verbintenis om saam te werk en innovasie en beste praktyk m.b.t. onderrig en leer nasionaal sowel as internasionaal te deel, deur samewerkende netwerke en vennootskappe sowel as kapasiteitsontwikkelingsprogramme. Erkenning van die sentraliteit van onderrig en leer tot die NWU se missie, wat die aanvaarding van ʼn geïntegreerde benadering noodsaak om te verseker dat strategieë en doelwitte vir onderrig en leer gekorreleer word met ander sleutel institusionele strategieë, planne en beleide in areas soos transformasie, akademiese beplanning, navorsing en innovasie, mensehulpbronne, studentesteundienste, inligtingsdienste (biblioteek en IKT), finansies en fasiliteite. NWU Onderrig- en Leerstrategie: Finaal 15