LAERSKOOL MOOIRIVIER PROSPEKTUS

Transcription

1 1 LAERSKOOL MOOIRIVIER PROSPEKTUS KANTOORURE : Maandae tot Donderdae: 07:15 15:30 Vrydae: 07:15 13:40 TELEFOONNOMMER: (018) (018) Rep en Roer Kleuterskool: (018) FAKSNOMMER: (018) E-POS: WEBWERFADRES: POSADRES: STRAATADRES: admin@lsmooirivier.co.za info@lsmooirivier.co.za Die Hoof Laerskool Mooirivier Posbus Noordbrug 2522 H/v Esselenstraat en Thabo Mbeki-rylaan

2 2 Laerskool Mooirivier bied : Uitstekende akademiese onderrig. ʼn Dinamiese personeel wat uitstekend toegerus is vir hul taak. Elke kind is ʼn wenner, aangesien elkeen volgens sy/haar eie vermoëns presteer. Remediëring deur bekwame onderwysers. Verrykende werk vir skrander leerlinge. ʼn Uitstekende toegeruste rekenaarsentrum met die beste programmatuur. ʼn Kursus in studiemetodes. ʼn Kleuterskool op die skoolterrein. Nasorgsentra met bekwame onderwysers. Voortrekkers, Revue, Kore, Redenaars- en Bybelvasvra kompetisies. Die ruimste speel- en sportterrein in die dorp, omring deur historiese gedenkwaardighede. Atletiek, rugby, netbal, tennis, krieket, hokkie, landloop, swem en skaak. Leierskapsontwikkeling Opvoedkundige toere. Entrepreneurskap. Erkenning aan alle leerlinge vir deelname aan enige skoolaktiwiteit. ʼn Georganiseerde skoollewe waar u kind in geborgenheid aangespoor word tot optimum prestasie. Net die beste is goed genoeg, want Ons Kan. 1. Welkom Baie welkom by Laerskool Mooirivier. Ons weet dat u as ouer net so spoedig as u kind tuis by en trots op ons skool sal wees. 2. Visie Laerskool Mooirivier wil kinders met liefde en deernis opvoed om hulle volle potensiaal in die wêreld te verwesenlik en om ʼn leidende rol op akademiese, kulturele en sportgebied te speel.

3 3 3. Missie Laerskool Mooirivier is ʼn Afrikaanse openbare skool, wat daarna streef om op ʼn holistiese manier kwaliteit onderrig en ontwikkeling aan leerders te verskaf. Dit moet bereik word deur : Kinders ongeag geslag, taalvoorkeur of herkoms altyd menswaardig te behandel. Afrikaans as onderrigmedium te gebruik. Engels as eerste addisionele taal vanaf gr. 1 tot 7 te onderrig. Setswana as tweede addisionele taal stelselmatig vanaf gr.1 by die onderrigplan in te sluit. Roepingsbewuste onderwysers aan te stel en te ontwikkel. Waar enigsins moontlik en prakties haalbaar die jongste tegnologie in te span om onderrig te verbeter. Die handhawing en uitbouing van bestaande waardes, norme en standaarde en die uitlewing daarvan op alle gebiede. 4. Doelstellings Voortvloeiend uit die voorafgaande, het die Beheerliggaam op die volgende doelwitte besluit : Suksesvolle implementering van die Hersiene Nasionale Kurrikulum deur ʼn positiewe gesindheid by die onderwysers, ouers en kinders jeens die nuwe benadering te kweek. Om die benadering te gebruik tot voordeel van die betrokkenes. Om die werwing te doen op so ʼn wyse dat die waardes van die skool nie in gedrang kom nie maar dat die doelwitte wat gestel is, verwesenlik kan word. Om voortdurend die tegnologie wat beskikbaar is aan te wend om die onderrig te verbeter (onder die beperking van gesonde finansiële bestuur). Om groter ouerbetrokkenheid te bewerkstellig deur volgehoue skakeling. Gesonde finansiële beplanning en beheer te alle tye toe te pas. Hoë standaarde op akademiese, kulturele en sportgebied na te streef. Om op proaktiewe wyse verandering te hanteer sodat kreatiewe oplossings vir die probleme wat deur die volgehoue, snelle verandering te weeg gebring word, gevind kan word.

4 4 Om die leerlinge met liefde en deernis op te voed sodat hulle as gelukkige, goed toegeruste en gebalanseerde skoliere suksesvol die uitdagings van die hede en toekoms die hoof kan bied. 5. ʼn Skool met ʼn mooi verlede In 1929 het die Demonstrasieskool van die Potchefstroomse Normaalkollege tot stand gekom in die geboue net noord van die Totiushuis. Hier moes die studente kindersielkunde en onderrigmetodes op ʼn hoë vlak toepas en op die proef stel. In 1935 word die skool ʼn gewone skool onder die jurisdiksie van die plaaslike skoolraad, maar smelt later saam met Laerskool President Pretorius. In 1937 word ʼn nuwe skool, die Mooirivierskool, weer in die geboue van die ou Voorbereidende Skool geopen met mnr. John Davey as hoof. Gedurende 1948 betrek die Mooirivierskool die ou skoolgeboue van Potchefstroom Gimnasium. Die skool het oor die jare vinnig gegroei en is vandag ʼn moderne skool met uitstekende sportfasiliteite en opvoedkundige hulpmiddels. In 1992 het Laerskool Mooirivier ʼn staatsondersteunde skool (Model C-skool) geword, maar as gevolg van ʼn nuwe onderwysbedeling, het die skool weer in 1997 ʼn openbare skool (staatskool) geword. 6. Die Ouer en die skool Die onderwysers van Laerskool Mooirivier is dankbaar dat ouers, hulle kinders in ons toevertrou en om deel te hê in hulle opvoeding. Hiermee begin vir u ʼn nuwe tydvak van samewerking met ons skool in belang van u kind. Waar ons aandag sal skenk aan die verskillende skoolaangeleenthede soos akademie, sport, kulturele bedrywighede, konserte, uitstallings en toere, gaan ons van u as ouer verwag om u kind tuis te onderskraag om op al hierdie gebiede gelukkig en rustig te bly presteer. Ons skool is in die bevoorregte posisie dat dit klein genoeg is om die leerlinge nog as individue te ken en te behandel, maar ook groot genoeg om op akademiese, kulturele en sportterrein sy stem dik te maak. Jarelank al is daar ook ʼn hegte band tussen ouers en onderwysers wat saam probeer om in hierdie belangrike fase van die ontluikende kind net die beste te gee wat onderrig en ander fasiliteite betref. Waar ouers en onderwysers mekaar met agting, dankbaarheid, erkenning, begrip en samewerking met betrekking tot die kind se opvoeding aanvul, verkry die kind ʼn belangrike voorsprong ten opsigte van sy ingesteldheid teenoor sy werk, gesag en menslike verhoudings. By Laerskool Mooirivier streef ons veral daarna om ʼn oop verhouding tussen ouers en onderwysers te hê. Inderdaad bevorder ons gesprekke tussen ouers en onderwysers te alle tye en nie net wanneer die kind ʼn probleem mag hê nie. Oueraande word kwartaalliks aangebied en u word aangemoedig om dit by te woon.

5 5 7. Toelatingsvereistes Die toelating van ʼn leerling tot die skool is onderhewig aan die doelstellings en missie van die skool. Die volgende ouderdomsperke per graad mag nie oorskry word nie : Graad 1 : 7 jaar Graad 5 : 11 jaar Graad 2 : 8 jaar Graad 6 : 12 jaar Graad 3 : 9 jaar Graad 7 : 13 jaar Graad 4 : 10 jaar Gedrag en skolastiese vordering moet na wense wees. Die eiendom en fasiliteite van die skool moet opgepas en bewaar word. Die voorgeskrewe skoolgelde moet gereeld betaal word of die nodige reëlings in verband daarmee moet betyds getref word. 8. Klasindelings Al die klasse vanaf graad 1 tot 7 word heterogeen ingedeel, d.w.s. begaafde en minder begaafde leerlinge is saam in een klas gegroepeer. Ons glo dat so ʼn indeling die mees lewensgetroue indeling is. Die vraag wat dikwels gevra word, is of sterker leerlinge nie hierdeur gerem word nie. Hiervoor maak ons voorsiening deur ons onderwys so te individualiseer dat sterker leerlinge meer en uitdagender werk doen as ander dus elkeen ontwikkel volgens sy eie vermoë. 9. Skooldrag Leerders mag die volgende klere dra: Opsie 1: Seuns en dogters Groen Tokkies kort broek met groen Tokkies kortmou hempie. Oorwegend wit tekkies met wit sokkies (NIE GRYS), wit Tokkies sokkies, mag hierby gedra word of kaalvoet. LET WEL: GEEN GEKLEURDE VETERS MAG IN TEKKIES GEDRA WORD NIE. Hierdie klere mag ná skool, in die middae, aangehou word tydens sportoefening. Hopelik sal daar nou minder klere wegraak as die kinders nie nodig het om ander klere aan te trek vir oefening nie. (dit beteken sommer minder wasgoed en water en die Tokkies bespaar terselfdertyd krag TOKKIES WORD GROENER). Hierdie is ook die wedstryd drag vir sport. Die ou hempie en broekie word nie meer vir wedstryde gedra nie. BELANGRIK: Indien daar in die groen Tokkies klere geoefen word moet die groen hempie en broekie bymekaar aangetrek word. Dit mag nie gemeng word met ander gewone broekies of hempies saam met Tokkies broekies of hempies nie. Alle kledingstukke moet gemerk word. Die leerling se naam en van moet ook aan die binnekant van elke skoen met ʼn permanente merkpen geskryf word. KOM ONS BLY TROTS OP ONS DRAG

6 6 LET WEL: Indien leerders nie die voorgeskrewe tekkies besit nie moet hy/sy of kaalvoet (in die somer) skool toe kom of dan die klere volgens opsies 2 of 3 met skoolskoene soos hier onder uiteen gesit, dra. Opsie 2: Seuns Seuns mag grys kortbroekies en grys kortmou hempies dra. Swart skoolskoene met grys skoolkouse mag hierby gedra word of kaalvoet. LET WEL: Tekkies mag nie hierby gedra word nie. Opsie 3: Dogters Dogters mag ʼn groen skoolrok met geel skoolhempie dra. Die dogters kan in die somer kaalvoet die skool bywoon, maar wit sokkies met swart skoolskoene is toelaatbaar. BAIE BELANGRIK: ou wit-geel-groen sport hempie mag nie meer by die skool as skooldrag gedra word nie. Hierdie klere mag slegs gedra word vir sport oefening na skool. Die grys broekie en hempie of groen rokkie en geel hempie is die alternatief indien leerlinge nie die groen Tokkies klere het om aan te trek nie. KOUE DAE : Op koue dae mag die volgende saam met die skooldrag gedra word. 1. Groensweetpak. Dit mag gedra word met tekkies soos voorgeskryf of swart skoolskoene. 2. Groen mooirivier trui. 3. Groen oortrektrui (pull over) 4. Grys langbroeke en langmouhemp vir seuns met swart skoolskoene. 5. Swart lang kouse ( tights ) in die winter vir dogters. 6. ʼn Langmou groen Tokkies hemp is ook beskikbaar om in die winter saam met die skoolsweetpak te dra. 7. Skoolserpe mag in die winter gedra word. Reëlings i.v.m. ander drag: 1. Geen musse ( beanies ) mag op skoolterrein gedra word nie. 2. Skoolpette met skoolwapen mag tydens sportgeleenthede saam met skoolsportdrag gedra word. Beskikbaar by leweransiers. 3. Haarrekkies: Groen en geel haarrekkies, haarlinte en haarbande mag by skool gedra word. Geen ander blomme en haarversierings mag gedra word nie. 4. Lang groen kouse met twee geel strepe word deur krieket en hokkie spelers gedra by groen Tokkies klere tydens wedstryde. 5. Skoolbaadjie met wit hemp en das word vir spesiale geleenthede en deur die koor gedra en deur betrokke onderwyser aan leerlinge uitgereik. SKOENE EN TEKKIES Tekkies- oorwegend wit, indien daar addisionele kleure in die tekkie is mag dit nie oorheersend wees nie. As jy nie die voorgeskrewe tekkies het nie moet jy skoolskoene by skoolklere dra.

7 7 Skoolskoen swart Noudat daar tekkies en skoolskoene as opsies vir die leerders beskikbaar is om te dra mag leerders slegs by een van die twee voorgeskrewe opsies bly. Leerders mag ook kaalvoet skool toe kom. Enige van die twee behoort by elke voetprobleem aan te pas. Binnesole vir voet en hak probleme pas in enige wit tekkie. Seil skoene en plastiese skoene wat die voorkoms van ʼn tekkie het word nie toegelaat nie, opsies vir skoene is reeds wyd genoeg sodat geen vergunnings hier gemaak hoef te word nie. Pas asseblief hierby aan en onthou dat in die verlede nie eens enige tekkies toegelaat was nie. Moenie die reël buite verhouding probeer buig nie. Hou by die reëls sodat ons nog lank die voorreg mag hê om tekkies te kan dra. VRYDAE Die vergunning word gemaak dat leerders wat in die afgelope seisoen hulle provinsiale kleure verwerf het dit op ʼn Vrydag mag dra. Indien jy nie die korrekte drag het nie moet jy skooldrag soos in Opsie 1,2 en 3 hierbo genoem aantrek. BELANGRIK Dit is belangrik dat ons by die reëls om eenvormigheid en netheid by die skool te kry hou. Skoolklere moet ook te alle tye die skool verteenwoordig en moet daarom nie na skool met ander drag gemeng word nie. ELKE TOKKIE MOET KAN TROTS WEES OP SY/HAAR SKOOL EN SKOOLDRAG. VERVAARDIGING VAN NUWE KLERE Fabrieke doen hul bes om in die vraag na nuwe klere te voorsien en ons vra ouers om geduldig te wees met die vervaardigingsproses sodat fabrieke nie onnodig jaag en gehalte van klere ingeboet moet word nie. Kontak asb. die onderskeie leweransiers self om uit te vind oor die beskikbaarheid van klere, al die leweransiers hou ook nie al die produkte aan nie. AK sport & leisure ( ) SSS skooldrag ( ) Glotron ( ) 10. Leerderondersteuning As u seun/dogter werklik ʼn leerprobleem in ʼn leerarea / leerprogram het, word sy probleme deur ʼn remediëringskomitee ondersoek en word dan besluit wat in die beste belang van u kind gedoen behoort te word. In samewerking met die ortodidaktikus/ of remediërende onderwyser word ʼn remediërende program uitgewerk.

8 8 11. Skoolgeld Laerskool Mooirivier is ʼn openbare skool. Dit bring onder andere mee dat ouers deur wetgewing verplig word om skoolgeld te betaal. Die skoolgeld word gereeld aangepas om tred te hou met die inflasiekoers. U kan by die kantoorpersoneel / fasiliteerders uitvind hoeveel skoolgeld dié jaar betaalbaar gaan wees. Die skoolgelde kan eenmalig, oor tien maande, in twee of vier gelyke paaiemente vereffen word. 12. Buitemuurse aktiwiteite ʼn Wye verskeidenheid aktiwiteite word deur Laerskool Mooirivier aangebied. Oefentye is soos volg : Voortrekkers : Maandae vanaf 16:00 Seniorkoor en Revue : Maandae 17:00 19:00 Woensdae 17:00 18:00 Juniorkoor : Maandae en Donderdae (13:00 13:40) Atletiek Rugby Netbal Mini-Netbal Krieket : Al die dae van die week soos vooraf gereël. : Dinsdae en Donderdae direk na skool. : Dinsdae en Donderdae direk na skool. : Dinsdae en Donderdae direk na skool. : Dinsdae en Donderdae direk na skool. Hokkie : Maandae en Woensdae vanaf 15:30 16:30 vir ligaspanne (seuns en dogters). Dinsdae en Donderdae direk na skool vir alle dogters gedurende die derde kwartaal. Skaak : Dinsdae en Donderdae 13:45 14:30 Tennis : Maandae en Woensdae direk na skool. Kerk-aktiwiteite : Woensdae vanaf 15:30 Swem KDP : Soos van jaar na jaar bekend gemaak sal word. : Vir alle gr. 1 tot 3 leerders gedurende skoolure

9 9 13. Omsendbriewe Daar word gereeld omsendbriewe aan u as ouer gestuur om u op hoogte te hou van skoolaktiwiteite en prestasies. Al die omsendbriewe kan ook op die skool se webwerf gelees word ( Omsendkoeverte moet deur ouers geteken word vir kontrole. U is ook baie welkom om in die nuusbriewe te adverteer. 14. Rekenaarsentrum Laerskool Mooirivier beskik oor ʼn goed toegeruste rekenaarsentrum met baie interessante opvoedkundige programmatuur. Al die leerlinge in die skool ontvang weekliks onderrig in Afrikaans, Engels en Wiskunde in die rekenaarsentrum. 15. Leierstelsel Al die gr. 7-leerlinge kry by Laerskool Mooirivier die geleentheid om hulle leierspotensiaal te ontwikkel. Die hele gr. 7-groep word in drie groepe verdeel. Die groepe roteer die eerste drie kwartale tussen die volgende aktiwiteite : Skoolleiers, saalraad en skolierpatrollie. Daar word ook elke kwartaal nuwe hoofleiers vir elke groep aangewys. Aan die einde van die derde kwartaal word die finale leiers gekies. Daar word dan ongeveer vyftien seuns en vyftien dogters as skoolleiers verkies wat dan diens moet doen as skolierpatrollie, saalraad, media en terreinleiers. Daar word gedurende die laaste kwartaal ʼn gr. 6-leierskamp gehou waar leierskapontwikkeling en identifisering plaasvind. Die medialeiers word ook uit die gr. 6 groep gekies. Elke leerling vanaf gr. 1 7 kry ook gedurende die jaar die geleentheid om as klasleier op te tree. 16. Aanvangs- en sluitingstye Die aanvangs- en sluitingstye is somer en winter dieselfde, nl. Aanvangstyd : 07:30 Sluitingstyd : Gr. 1, 2 en 3-13:00 (Maandae en Donderdae) Gr. 1 en 2-13:20 (Dinsdae, Woensdae en Vrydae) Gr. 3-13:40 (Dinsdae, Woendae en Vrydae) Gr :40 (Maandae tot Vrydae) 17. Nasorgsentra Die skool beskik oor nasorgsentra slegs vir ingeskrewe leerlinge. verband kan aan die skool gerig word. Alle navrae in dié 18. Mooirivier Rep-en-Roer Kleuterskool Laerskool Mooirivier beskik oor sy eie private kleuterskool wat kleuters vanaf drie jaar oud voorberei vir gr. 1. U kan die kleuterskool skakel tydens skoolure by tel nr vir verdere inligting. U is ook welkom om die hoof van Laerskool Mooirivier te skakel.

10 Gedragskode Alle leerders en hulle ouers moet by toelating ʼn gedragskode onderteken. Die gedragskode is daar vir elke leerling se persoonlike veiligheid en vir goeie skooldissipline. 20. Veiligheid Alle besoekers moet tydens skoolure (07:30 13:40) by die kantoor aanmeld. Skoolhekke sluit om 08:15 en open om 12:30. Geen leerder mag die skoolterrein sonder toestemming verlaat nie. 21. Die Volkslied Nkosi sikilel i Afrika Maluphaka mis uphondo lwayo. Yizwa imithanda zo yethu. Nkosi sikilela, Thina lusapho lwayo. Morena boloka setjaba sa heso, O Fedise dintwa le matshwenyeho. O se boloke, O se boloke Setjhaba sa heso, setjhaba sa South Africa - South Africa! Uit die blou van onse hemel Uit die diepte van ons see. Oor ons ewige gebergtes, waar die kranse antwoord gee. Sounds the call to come together, and united we shall stand. Let us live and strive for freedom, In South Africa our land. 22. Die Skoollied Die Mooirivierskool is n skool met n taak. n Wil om te werk, en n plig: om te waak. Die wilg met sy takke oor waters geboë sien tog in sy spieëlbeeld die hemel daarbo. Sy taak is soms moeilik in bleek winterson, maar krag put hy altyd uit die heldere bron. Daar s krag ook vir ons, vir die spier en die brein, as ons put uit die bron, so suiwer en rein. Hoe moeilik die taak ook vir enk ling of span, ons weet ons kan wen, as ons wil, want ons kan, Ons kan, Ons kan!